ဓားတစ်သောင်းဂါဝရပြုခြင်း

‎၈၉၀၊ ၉၀၀။

အရင်းမြစ်စွမ်းအား‌ကြောင်း၉၀၀ချိတ်ဆက်ပြီးတာနဲ့ ထည်ဝါဓားတာအိုက ၎င်းရဲ့အကန့်အသတ်ကို ရောက်ရှိနေတာကို လီဖူချန်းက သိလိုက်ရတယ်။

လီဖူချန်းရဲ့အမြင်ထဲမှာ ဓားပညာတစ်ခုရဲ့အလားအလာကို အချက်နှစ်ချက်နဲ့ ဆုံးဖြတ်တယ်။ ပထမအချက်က‌တော့ ဓားပညာရဲ့အယူအဆအဆင့်ပဲ။ ဒုတိယအချက်ကတော့ ဓားပညာရဲ့ဖွဲ့စည်းတည်ဆောက်ပုံက ပြည့်စုံသလားဆိုတာကိုပဲ။

သူက ဒီနှစ်ချက်အတွက် အကန့်အသတ်အထိ အောင်မြင်ထားပြီးဆိုတာကို လီဖူချန်းက ယုံကြည်တယ်။ ဒါပေမယ့် ထည်ဝါဓားတာအိုက ၎င်းရဲ့အကန့်အသတ်ရှိပြီး မူလအဆုံးစွန်းဓားတာအိုနဲ့ မယှဉ်နိုင်ပါဘူး။

"ကောင်းကင်ဘုံအရှင်အဆင့်ကို ချိုးဖြတ်ဖို့ အသုံးပြုပြီးနောက် ထည်ဝါဓားတာအိုရဲ့ခွန်အားက ဘယ်လောက်ရှိလိမ့်မလဲကို ငါ သိချင်တယ်"

ထည်ဝါဓားတာအိုက မူလအဆုံးစွန်းဓားတာအိုထက် အန္တိမအဆင့်ကို စောလျင်စွာ ချိုးဖြတ်နိုင်လိမ့်မယ်လို့ လီဖူချန်းက ခံစားချက်တစ်ခုရှိတယ်။

မူလအဆုံးစွန်းဓားပညာရဲ့အယူအဆက သာလွန်မြင့်မားပြီး ၎င်းက လီဖူချန်းအနေနဲ့ အချိန်တိုအတွင်းမှာ ၎င်းကိုပြည့်စုံအောင်မပြုလုပ်နိုင်တဲ့အဆင့်တစ်ခုမှာ ရှိတယ်။

ဒါပေမယ့် မူလအဆုံးစွန်းဓားပညာက ချိုးဖြတ်ဖို့ပိုခက်ခဲလေလေ၊ လီဖူချန်းက ပိုပျော်ရွှင်လေလေပါပဲ။

ကောင်းကင်ဘုံအရှင်တွေကို အဆင့်တွေ ခွဲခြားထားသလို အန္တိမအဆင့်သိုင်းပညာတွေမှာလည်း အဆင့်သုံးဆင့်ရှိတယ်။ သာမန်အန္တိမအဆင့်သိုင်းပညာ၊ မြို့အရှင်အဆင့်အန္တိမအဆင့်သိုင်းပညာ၊ ကြယ်ပိုင်နက်အဆင့်အန္တိမအဆင့်သိုင်းပညာ ။ သာမန်အန္တိမအဆင့်သိုင်းပညာတွေကိုလည်း ငါးဆင့်ထပ်မံခွဲခြားထားတယ်၊ အဆင့်၅က အနိမ့်ဆုံးဖြစ်ပြီး အဆင့်၁က အမြင့်ဆုံးဖြစ်တယ်။

ဒါပေမယ့် မြို့အရှင်အဆင့်ကောင်းကင်ဘုံအရှင်တစ်‌ယောက်က မြို့အရှင်အဆင့်အန္တိမအဆင့်သိုင်းပညာတစ်ခုကို မပိုင်ဆိုင်ပါဘူး။ မြို့အရှင်အဆင့်ကောင်းကင်ဘုံအရှင်တစ်‌ယောက်က မြို့အရှင်အဆင့်ကောင်းကင်ဘုံအရှင်တစ်‌ယောက်ရဲ့အလုံးစုံခွန်အားကိုပဲ ပိုင်ဆိုင်တာပါ။

ဓားကြယ်မြို့မှာ အချိန်အတိုင်းအတာတစ်ခုအထိ နေပြီးနောက် ကောင်းကင်ဘုံအရှင်တစ်ယောက်မဖြစ်လာခင် အရင်းမြစ်စွမ်းအားကြောင်း၄၀၀နဲ့ချိတ်ဆက်နိုင်တဲ့တစ်စုံတစ်ယောက်ဆိုတာ အလွန်အမင်းရှားပါးတာကို လီဖူချန်းက နားလည်ခဲ့တယ်။ အမြွှာဦးချိုကြယ်စုရဲ့သမိုင်းထဲမှာတောင် အရင်းမြစ်စွမ်းအားကြောင်း၄၀၀နဲ့ချိတ်ဆက်နိုင်တဲ့ဓားသမားအနည်းငယ်သာရှိတယ်။ ဓားပညာတစ်ခုက အန္တိမအဆင့်ကို ချိုးဖြတ်သွားတာနဲ့ အဆင့်၂အန္တိမအဆင့်ဓားပညာတစ်ခုဖြစ်လာတယ်လို့လည်း ဆိုလိုတယ်။

ယေဘုယျပြောရရင် အရင်းမြစ်စွမ်းအားကြောင်းတစ်ရာနဲ့ချိတ်ဆက်ခြင်းက အဆင့်၅အန္တိမအဆင့်ဓားပညာတစ်ခုလို့ဆိုလိုတယ်။ အရင်းမြစ်စွမ်းအားကြောင်းနှစ်ရာနဲ့ချိတ်ဆက်ခြင်းက အဆင့်၄အန္တိမအဆင့်ဓားပညာတစ်ခုကိုဆိုလိုတယ်။ အရင်းမြစ်စွမ်းအားကြောင်းသုံးရာနဲ့ချိတ်ဆက်ခြင်းက အဆင့်၃အန္တိမအဆင့်ဓားပညာတစ်ခုကို ဆိုလိုတယ်။

ဒီလိုတွက်ချက်မှုအရ အရင်းမြစ်စွမ်းအားကြောင်းငါးရာနဲ့ချိတ်ဆက်ခြင်းက အဆင့်၁အန္တိမအဆင့်ဓားပညာတစ်ခုလို့ ဆိုလိုတယ်။ အရင်းမြစ်စွမ်းအားကြောင်းခြောက်ရာကတော့ မြို့အရှင်အဆင့်ဓားပညာတစ်ခုနီးပါးကို ဆိုလိုတယ်။

အရင်းမြစ်စွမ်းအားကြောင်းကိုးရာကတော့ မြို့အရှင်အဆင့်ဓားပညာတွေကြားမှာတောင် အံ့မခန်းဓားပညာတစ်ခုလို့ သတ်မှတ်လို့ရတယ်။

"သူအရင်းမြစ်စွမ်းအားကြောင်းဘယ်လောက်ချိတ်ဆက်ထားတာလဲလို့ မင်းထင်လဲ" ပျံသန်းကြိုးကြာကောင်းကင်ဘုံအရှင်က နှင်းကျားကောင်းကင်ဘုံအရှင်ကို မေးလိုက်တယ်။

သူတို့က ကောင်းကင်ဘုံအရှင်တွေဖြစ်ကြပေမယ့် လီဖူချန်းက အရင်းအမြစ်စွမ်းအားကြောင်းဘယ်လောက်ချိတ်ဆက်ထားသလဲကို မြင်ဖို့ ခက်ခဲနေတုန်းပဲ။

"ငါးရာနီးပါးလားဒါမှမဟုတ် ငါးရာလား" နှင်းကျားကောင်းကင်ဘုံအရှင်က ဖြည်းညှင်းစွာ ပြောလိုက်တယ်။

"ငါးရာလား။ သူ့ရဲ့ဓားပညာက အန္တိမအဆင့်ကို ချိုးဖြတ်တာနဲ့ အဆင့်၁အန္တိမအဆင့်ဓားပညာတစ်ခုဖြစ်လာမယ်လို့ ဆိုလိုတာလား" ပျံသန်းကြိုးကြာကောင်းကင်ဘုံအရှင်က ထိတ်လန့်တုန်လှုပ်သွားတယ်။

နှင်းကျားကောင်းကင်ဘုံအရှင်နဲ့ပျံသန်းကြိုးကြာကောင်းကင်ဘုံအရှင်တို့ကို ဓားသမားအစည်းအရုံးရဲ့အထက်အကြီးအကဲတွေဆိုပေမယ့် သူတို့ရဲ့ဓားပညာက အဆင့်၃အန္တိမအဆင့်ဓားပညာတွေသာဖြစ်တယ်။

ထည်ဝါဓားဆန္ဒကို ရုတ်သိမ်းလိုက်တဲ့အခါ ရိုးရှင်းပြီးကြီးမားကျယ်ပြောတဲ့ဓားဆန္ဒတစ်ခုက လီဖူချန်းရဲ့ခန္ဓာကိုယ်မှ ထွက်ပေါ်လာတယ်။

ထိုအခိုက်မှာ မရေမတွက်နိုင်တဲ့ဓားဆန္ဒတွေက လီဖူချန်းကို စုပြုံဝန်းရံလာတယ်။

သူတို့က ဂါဝရပြုနေသလိုပါပဲ။

"ဘာဖြစ်နေတာလဲ"

လူတိုင်းက အန္တိမအဆင့်ဓားဆန္ဒတွေကို မနိုးထနိုင်ဘူး။ လူအများစုက တစ်ဝက်တစ်ပျက်အန္တိမအဆင့်ဓားဆန္ဒတွေကိုသာ နိုးထနိုင်တယ်။ ဒါပေမယ့် အခု သူတို့နိုးထစေနိုင်ခဲ့တဲ့တစ်ဝက်တစ်ပျက်အန္တိမအဆင့်ဓားဆန္ဒတွေအားလုံးက လီဖူချန်းဆီ စုဝေးလာတယ်။ သူတို့မအံ့ဩဘဲ ဘယ်လိုလုပ်ဖြစ်နိုင်မှာလဲ။

"ဓားတစ်သောင်းဂါဝရပြုခြင်း။ ဒါ ဘာဓားတာအိုလဲ"

ဒီရက်အနည်းငယ်အတွင်း သူတို့တွေ့ကြုံခဲ့ရတဲ့အံ့အားသင့်စရာတွေက နှစ်ထောင်ကျော်သူတို့တွေ့ကြုံခဲ့သမျှအံ့အားသင့်စရာတွေထက် ပိုတာကို နှင်းကျားကောင်းကင်ဘုံအရှင်နဲ့ပျံသန်းကြိုးကြာကောင်းကင်ဘုံအရှင်တို့က ခံစားမိတယ်။

"ဓားတစ်သောင်းဂါဝရပြုခြင်းလား....."

ဓားရေကန်ရဲ့ဒုတိယစည်းဝိုင်းထဲရှိ မျှော်စင်တိမ်ဓားသူတော်စင်အရှင်က ‌မှင်တက်မိသွားတယ်။

သူက အာဏာရှင်ဓားတာအိုကို ကျင့်ကြံထားပြီး ဒီမြင်ကွင်းက သူနဲ့ရင်းနှီးတယ်။ ဒါပေမယ့် မရေမတွက်နိုင်တဲ့တစ်ဝက်တစ်ပျက်အန္တိမအဆင့်ဓားဆန္ဒတွေ ဂါဝရပြုအောင်ပြုလုပ်ဖို့က မရိုးရှင်းဘူး။ တိတိကျကျပြောရရင် ကောင်းကင်ဘုံကို တက်တာထက်တောင် ပိုခက်ခဲတယ်။

"သစ်ရွက်နီဓားသူတော်စင်အရှင်မ၊ မူလအဆုံးစွန်းဓားသူတော်စင်အရှင်ချိတ်ဆက်ထားတဲ့အရင်းမြစ်စွမ်းအားကြောင်းအရေအတွက်ကို မထုတ်ဖော်မိဖို့ သတိရပါ"

ဓားကြယ်မြို့ကို မလာခင် လေတိမ်ဓားသူတော်စင်အရှင်က အရင်းမြစ်စွမ်းအားကြောင်း၉၉၉ချိတ်ဆက်ခြင်းရဲ့အရေးပါမှုကို နားမလည်ခဲ့ဘူး။ အခု နောက်ဆုံးတော့ သူ နားလည်လာတယ်။ ချိတ်ဆက်ထားတဲ့အရင်းမြစ်စွမ်းအားကြောင်း၉၉၉နဲ့ဆိုရင် လီဖူချန်းက ကောင်းကင်ဘုံအရှင်တစ်ယောက်ဖြစ်လာတာနဲ့ မြို့အရှင်အဆင့်ကောင်းကင်ဘုံအရှင်တစ်ယောက်ဖြစ်လာဖို့ မြင့်မားတဲ့အခွင့်အရေးတစ်ခုရှိတယ်။ ဒါ့အပြင် သူက မြို့အရှင်အဆင့်ကောင်းကင်ဘုံအရှင်တွေကြားမှာတောင် ပြောင်မြောက်သူဖြစ်လာလိမ့်မယ်။

ဒါက သေချာပေါက် ထိတ်လန့်တုန်လှုပ်စရာနဲ့မကြုံစဖူးပါပဲ။ မျိုးနွယ်တွေကြားမှာ နတ်ဘုရားမျိုးနွယ်ကသာ ကောင်းကင်ဘုံအရှင်တစ်ယောက်ဖြစ်လာပြီးနောက် မြို့အရှင်အဆင့်ကို ရောက်ရှိနိုင်တယ်။  အခြားမျိုးနွယ်တွေအတွက်က မဖြစ်နိုင်ဘူး၊ တိုင်တန်မျိုးနွယ်မှာတောင် အနည်းငယ်ကသာ ဒီလိုပြုလုပ်နိုင်တယ်။

‌ဒါပေမယ့် အရာအားလုံးမှာ အကြွင်းမဲ့သေချာတာတော့ မရှိဘူး။ အမြွှာဦးချိုကြယ်စုရဲ့ဓားသမားအစည်းအရုံးမှာ လီဖူချန်းက ဒီလိုပြုလုပ်နိုင်တဲ့တစ်ဦးတည်းသောပုဂ္ဂိုလ်ဆိုပေမယ့် စကြာဝဠာတစ်ခုလုံးမှာတော့ ကိစ္စတစ်ခုမဟုတ်နိုင်ဘူး။ အခြားသိုင်းတာအိုတွေ၊ မျိုးနွယ်တွေရှိပြီး မကြုံစဖူးစကြာဝဠာပါရမီရှင်တွေ သေချာပေါက်ရှိတယ်။

ဒါပေမယ့် ဘယ်လိုပဲဖြစ်ဖြစ်၊ ဒါက ထိန်းသိမ်းထားရမယ့်လျှို့ဝှက်ချက်တစ်ခုလို့ လေတိမ်ဓားသူတော်စင်အရှင်က ခံစားမိတယ်။ သို့မဟုတ်ရင် မထင်မှတ်ထားတဲ့အဖြစ်အပျက်တွေ ဖြစ်လာနိုင်တယ်။

"ငါ သိတယ်" သစ်ရွက်နီဓားသူတော်စင်အရှင်မက ခေါင်းညိတ်လိုက်တယ်။

သစ်ရွက်နီဓားသူတော်စင်အရှင်မ ပြောပြီးကာစမှာပဲ ဓားရေကန်ထဲမှာ နောက်ထပ်အဖြစ်အပျက်တစ်ခုက ဖြစ်လာတယ်။

ဓားရေကန်ရဲ့တတိယစည်းဝိုင်းအတွင်းရှိ အန္တိမအဆင့်ဓားဆန္ဒတွေရဲ့ကြီးမားတဲ့အရေအတွက်တစ်ခုက လီဖူချန်းပတ်လည်မှာ စုဝေးလာတယ်။

"အန္တိမအဆင့်ဓားဆန္ဒတွေကတောင် ဂါဝရပြုနေတာပဲ"

လူအများစုက အံ့ဩလွန်းလို့စကားမပြောနိုင်‌ဖြစ်နေတယ်။

လီဖူချန်းကျင့်ကြံထားတဲ့ဓားတာအိုကို သူတို့က မတွေးတတ်တော့ဘူး။ အန္တိမအဆင့်ကို မရောက်ခင်  အန္တိမအဆင့်ဓားဆန္ဒတွေက အညံ့ခံနေပြီးပဲ။

နှင်းကျားကောင်းကင်ဘုံအရှင်နဲ့ပျံသန်းကြိုးကြာကောင်းကင်ဘုံအရှင်တို့က ဓားရေကန်ကို အနီးကပ်အာရုံစိုက်ကြည့်လိုက်ကြတယ်။ ထိပ်ဆုံးအန္တိမအဆင့်ဓားဆန္ဒဆယ်ခုထဲကတစ်ခုခုများ ဂါဝရပြုလိမ့်မလားကို သူတို့က မြင်ချင်ခဲ့တယ်။

တစ်ခဏစောင့်ပြီးနောက် ထိပ်ဆုံးအန္တိမအဆင့်ဓားဆန္ဒဆယ်ခုထဲကတစ်ခုမှ မထွက်ပေါ်လာဘူး။

"ငါတို့ ဘာတွေ‌ တွေးနေတာလဲ"

နှင်းကျားကောင်းကင်ဘုံအရှင်က ခါးသီးစွာ ရယ်လိုက်တယ်။ လီဖူချန်းကိုဝန်းရံထားတဲ့အန္တိမအဆင့်ဓားဆန္ဒတွေမှာ အများစုက အဆင့်၅ဒါမှမဟုတ်အဆင့်၄အန္တိမအဆင့်ဓားဆန္ဒတွေပါပဲ။ အဆင့်၃အန္တိမအဆင့်ဓားဆန္ဒအနည်းငယ်သာ ရှိတယ်။ အဆင့်၂ဒါမှမဟုတ်အဆင့်၁အန္တိမအဆင့်ဓားဆန္ဒတစ်ခုမှမရှိဘူး။ တကယ်တော့ လီဖူချန်းရဲ့ဓားဆန္ဒက အန္တိမအဆင့်ကို မရောက်သေးဘူးလေ။ မဟာအလားအလာရှိရင်တောင် အဆင့်၂ဒါမှမဟုတ်အဆင့်၁အန္တိမအဆင့်ဓားဆန္ဒတွေက ၎င်းကို ဂါဝရပြုလိမ့်မှာမဟုတ်ဘူး။ ထိပ်ဆုံးအန္တိမအဆင့်ဓားဆန္ဒဆယ်ခုကတော့ လုံးဝမဖြစ်နိုင်ဘူးပေါ့။

"ဒါက မူလအဆုံးစွန်းဓားတာအိုက ဓားတာအိုတွေရဲ့အသန့်စင်ဆုံး၊ အစစ်မှန်ဆုံး ဖြစ်တာကြောင့်များလား" လီဖူချန်းက ဆင်ခြင်သုံးသပ်မိတယ်။

ဓားတစ်သောင်းဂါဝရပြုတာနဲ့အတူ လီဖူချန်းရဲ့ဓားနှလုံးသားက ပိုရှင်းလင်းလာပြီး မရေမတွက်နိုင်တဲ့ဓားတာအိုအနှစ်သာရတွေကို စုပ်ယူခဲ့တော့တယ်။

မူလအဆုံးစွန်းဓားတာအိုက ထည်ဝါဓားတာအိုနဲ့ မတူဘူး။ အဲဒါက အသန့်စင်ဆုံးနဲ့အစစ်မှန်ဆုံးဓားတာအိုဖြစ်တာကြောင့် တိကျတဲ့ဓားတာအိုအနှစ်သာရအမျိုးအစားတစ်ခုကို မလိုအပ်ဘူး။ သူက သဘာဝဓားတာအိုအနှစ်သာရကို လိုအပ်တယ်။ အခြားစကားဖြင့်ဆိုရလျှင် လီဖူချန်းက အားလုံးကို ဖိတ်ခေါ်ထားပြီး သူ့အမြင်အရ ဓားတာအိုအားလုံးရဲ့အတွင်းမှာ ဓားတာအိုသဘာဝအရိပ်အယောင်တစ်ခုရှိတယ်။ သူက ဓားတာအိုသဘာဝအရိပ်အယောင်ကို မြင်နိုင်သရွေ့ အရိပ်အယောင်တွေက မျှော်စင်တစ်ခုအဖြစ် စုစည်းလာပြီး လီဖူချန်းရဲ့မူလအဆုံးစွန်းဓားတာအိုကို တိုးမြင့်စေကာ ပိတ်ဆို့ခြင်းကို ချိုးဖြတ်နိုင်စေမယ်။

ဒါပေမယ့် လီဖူချန်းက ဒါကို ဓားရေကန်ထဲမှာသာ ပြုလုပ်နိုင်တယ်။ အခြားနေရာတွေမှာ ဒီလိုအောင်မြင်ဖို့က မဖြစ်နိုင်လုနီးပါးပဲ။

တကယ်တော့ ဓားတာအိုစာအုပ်အားလုံးက ဓားဆန္ဒတွေနဲ့ မနှိုင်းယှဉ်နိုင်ဘူး။ ဓားတာအိုစာအုပ်တစ်အုပ်မှ ဓားတာအိုသဘာဝအရိပ်အယောင်ကို ရှာတွေ့ဖို့က မခက်ခဲဘူး။ ဒါပေမယ့် မရေမတွက်နိုင်တဲ့ဓားတာအိုစာအုပ်တွေမှာ ဓားတာအိုသဘာဝကို ရှာဖို့ကရော။ အဲဒါက ကြီးမားတဲ့အချိန်ပမာဏတစ်ခုကို လိုအပ်လိမ့်မယ်။

လီဖူချန်းက မူလအဆုံးစွန်းဓားတာအိုရဲ့တိုးတက်မှုအပေါ် ရုတ်တရက် ကြိုမြင်လာမိတယ်။ သူက ကြောက်စရာကောင်းတဲ့ဓားတာအိုတစ်ခုကို ဖန်တီးထားတာကို နားလည်တယ်။ အဲဒါက မပြည့်စုံတာကြောင့် အန္တိမအဆင့်ကို ချိုးဖြတ်ဖို့ အလွန်အမင်းခက်ခဲတဲ့ဓားတာအိုတစ်ခုဖြစ်တယ်။ ဒါပေမယ့် ချိုးဖြတ်သွားတာနဲ့ အဲဒါက ဓားတာအိုကမ္ဘာတစ်ခုလုံးကို တုန်လှုပ်စေလိမ့်မယ်။