ဓားအားလမ်းကြောင်း

အပြင်ကမ္ဘာမှာဆိုရင် မိုင်တစ်ရာဘီလီယံလောက်က လီဖူချန်းနဲ့အခြားသူတွေအတွက် ဝေးတယ်လို့ မဆိုနိုင်ပါဘူး။ သူတို့က အဲဒီလိုအကွာအဝေးတစ်ခုကို ခရီးနှင်ဖို့ တစ်ခဏသာ လိုအပ်တယ်။

ဒါပေမယ့် အင်းဆက်မျိုးနွယ်စစ်မြေပြင်က အပြင်ကမ္ဘာနဲ့ မတူဘူး ဟင်းလင်းပြင်က ချိတ်ပိတ်ထားတဲ့အခြေအနေမှာ ရှိပြီး ကြီးမားတဲ့ကန့်သတ်မှုတွေ ရှိတယ်။ မိုင်တစ်ရာဘီလီယံကို ဖြတ်သန်းဖို့ဆိုရင် သူတို့အနေနဲ့ အားထုတ်မှုဆယ်ဆနဲ့ အချိန်အဆဒါဇင်အနည်းငယ် ပိုလိုအပ်တယ်။

မြန်နှုန်းကို အကန့်အသတ်အထိ ထိုးမြှင့်ထားရင်း သူတို့ငါးယောက်က ပျက်စီးယိုယွင်းနေတဲ့ကြယ်တစ်လုံးနဲ့၎င်းအ‌ပေါ်ရှိနန်းတော်တစ်ခုကို တဖြည်းဖြည်းမြင်လိုက်ရတယ်။ မရေမတွက်နိုင်လောက်တဲ့အင်းဆက်တွေက နန်းတော်ကို တိုက်ခိုက်နေကြတယ်။

"မီယာသူတော်စင်အရှင်မက နန်းတော်ထဲမှာပဲ ဖြစ်ရမယ်" ရောင်စုံဝတ်အမျိုးသမီးက ပြောလိုက်တယ်။

"သူမက တကယ်နန်းတော်ထဲမှာပဲ"

လီဖူချန်းရဲ့စိတ်ဝိညာဉ်စွမ်းအားက နန်းတော်ထဲရှိလေးယောက်လုံးကို မြင်နိုင်တယ်။ သူတို့ထဲရှိတစ်ယောက်က နာကြည်းပင်လယ်ဓားအရှင်ရဲ့သမီးဖြစ်တဲ့မီယာသူတော်စင်အရှင်မပဲလေ။

သူတို့ငါးယောက်က ပျက်စီးနေတဲ့ကြယ်နဲ့ နီးကပ်လာတာကြောင့် အင်းဆက်များစွာက သူတို့က သတိပြုမိသွားကြတယ်။

ကျီ ကျီ ကျီ.......

စူးရှတဲ့အသံတစ်ခုဖြစ်လာပြီး အင်းဆက်ထောင်ကျော်က သူတို့ငါးယောက်ဆီ ပျံသန်းလာတယ်။

"သတ်....."

ထိပ်ပြောင်က ကောင်းကင်ဘုံဆက်ဓားကို ထုတ်ကာ ခုတ်ပိုင်းလိုက်တယ်။

မီးလျှံထဲကိုတိုးဝင်နေတဲ့ပိုးဖလံတွေပမာ သူတို့ဆီပျံသန်းလာတဲ့အင်းဆက်တွေက ပြာအဖြစ် ချက်ချင်း ပြောင်းသွားတော့တယ်။ သူတော်စင်အရှင်အဆင့်အင်းဆက်အနည်းငယ်ကသာ အသက်ရှင်နိုင်ခဲ့တယ်။

ထိပ်ပြောင်က ငါးယောက်ထဲမှာ အားအနည်းဆုံးဖြစ်ပေမယ့် သူက အရင်းမြစ်စွမ်းအားကြောင်းသုံးရာနဲ့ ချိတ်ဆက်ထားတာလေ။ သူ့ခွန်အားက အဆင့်သတ်မှတ်ချက်မဲ့ကောင်းကင်ဘုံအရှင်တွေကို အချိန်တိုအတွင်း ဖိနှိပ်ဖို့လုံလောက်တယ်။

"ဒီလို စွဲမြဲတဲ့ရှင်သန်ခြင်းစွမ်းရည်" သူက ဒီသူတော်စင်အရှင်အဆင့်အင်းဆက်တွေကို တစ်ချက်တည်းနဲ့ မသတ်နိုင်တဲ့အပေါ် ထိပ်ပြောင်းက အလွန်အံ့အားသင့်သွားတယ်။

သူ့ရဲ့ဓားကွက်က အထွတ်အထိပ်သူတော်စင်အရှင်တွေကို အလွယ်တကူပျောက်ကွယ်သွားစေနိုင်တယ်။ ဒီသူတော်စင်အရှင်အဆင့်အင်းဆက်တွေအားလုံးက အထွတ်အထိပ်သူတော်စင်အရှင်အဆင့်လို့တော့ သူမယုံဘူး။

"ပျောက်ကွယ်သွားစမ်း"

မျက်လုံးသုံးလုံးလူက မျက်တစ်လုံးဓားကို ဝှေ့ယမ်းလိုက်တယ်။ အမှောင်ထုဟင်းလင်းပြင်ထဲမှာ အဆုံးမဲ့ဓားအလင်းတွေက လင်းလက်သွားတယ်။

စိတ်မကောင်းစရာကတော့ ဒီဓားကွက်က သူတော်စင်အရှင်အဆင့်အင်းဆက်အနည်းငယ်ကိုသာ သုတ်သင်နိုင်ခဲ့တယ်။

ဒါ့အပြင် ဒါက သူတော်စင်အရှင်အဆင့်အင်းဆက်တွေရဲ့အသက်စွမ်းအားအများစုကို ထိပ်ပြောင်ပြောင်က ကုန်ဆုံးစေခဲ့တာကြောင့်ပဲ။

သို့မဟုတ်ရင် မျက်လုံးသုံးလုံးလူက သူတို့ကို သတ်ဖြတ်နိုင်လိမ့်မှာမဟုတ်ဘူး။

"မယုံနိုင်စရာပဲ" မျက်လုံးသုံးလူရဲ့မျက်လုံးတွေက လေးနက်သွားတယ်။

ဒီသူတော်စင်အရှင်အဆင့်အင်းဆက်တွေမှာ တုန်လှုပ်စရာခုခံမှုနဲ့အသက်စွမ်းအားတွေရှိတာကို သူက သိသိသာသာမြင်နိုင်တယ်။ သူတို့ကို သာမန်သူတော်စင်အရှင်တွေလို့ သတ်မှတ်လို့မရဘူး။

"စိတ်ဝင်စားစရာပဲ"

ရောင်စုံဝတ်အမျိုးသမီးကလည်း တိုက်ခိုက်လိုက်တယ်။ ဒီဓားကွက်က အမှောင်ဟင်းလင်းပြင်ကို မွှေနောက်ပြီး ကျန်ရှိနေတဲ့သူတော်စင်အရှင်အဆင့်အင်းဆက်တွေကို ဗလာနတ္ထိဖြစ်သွားစေတယ်။

ဒါပေမယ့် အင်းဆက်တွေက များလွန်းတယ်။ သူတို့က ကောင်းကင်အပြည့် ဖုံးလွှမ်းထားပြီး စောစောကတိုက်ခိုက်မှုတွေက သေးငယ်တဲ့အပိုင်းတစ်ခုကိုသာ ဖယ်ရှားနိုင်ခဲ့တယ်။

သူတို့ရဲ့မြင်ကွင်းထဲရှိထိုအင်းဆက်တွေအားလုံးက သူတော်စင်အရှင်အဆင့်ဆိုတာကို သူတို့က သတိပြုမိခဲ့ကြတယ်။ သူတော်စင်အရှင်အဆင့်အောက်အင်းဆက်တွေ တစ်ကောင်တစ်လေတောင် မရှိပါဘူး။ သူတော်စင်အရှင်အဆင့်အောက်အင်းဆက်တွေက ဝါးမျိုခံလိုက်ရပြီးဆိုတာကို သူတို့က ခန့်မှန်းခဲ့တယ်။ တကယ်တော့ အင်းဆက်မျိုးနွယ်စစ်မြေပြင်ကို ချိတ်ပိတ်ထားတာ နှစ်ပေါင်းမရေမတွက်များစွာ ရှိနေပြီးလေ။ ဒီနေရာရှိအရင်းအမြစ်တွေက အကန့်အသတ်ရှိပြီး အင်းဆက်မျိုးနွယ်က အရင်းအမြစ်တွေကို အများဆုံးမှီခိုတဲ့မျိုးနွယ်စုတစ်ခုပါပဲ။

မှတ်တမ်းတွေထဲမှာ အရင်းအမြစ်လုံလုံလောက်ရှိရင် အင်းဆက်မျိုးနွယ်က အဆုံးမဲ့တိုးပွားနိုင်တယ်။ သူတို့ရဲ့မျိုးပွားခြင်းစွမ်းရည်က မျိုးနွယ်အားလုံးပေါင်းစပ်ထားတာလောက် စွမ်းဆောင်နိုင်တယ်။

ကြောက်စရာကောင်းတဲ့မျိုးပွားခြင်းစွမ်းရည်က အင်းဆက်ကို မျိုးနွယ်စကြာဝဠာရဲ့ဘုံရန်သူဖြစ်စေခဲ့တဲ့စစ်မှန်တဲ့အကြောင်းပြချက်ပါပဲ။

"ငါ လမ်းကြောင်းတစ်ခု ဖွင့်ပေးမယ်"

ရောင်စုံဝတ်အမျိုးသမီးက အသက်ကို ရှုသွင်းကာ နန်းတော်ဆီသို့ ပိုင်းဖြတ်လိုက်တယ်။ ခုတ်ပိုင်းချက်နဲ့အတူ ဓားအားလမ်းကြောင်းတစ်ခုက ချက်ချင်းဖြစ်တည်လာတယ်။ ဓားအားလမ်းကြောင်းမှာရပ်နေတဲ့ဘယ်အင်းဆက်မဆို ဖုန်အစအနတွေ ဖြစ်သွားချေတယ်။

"သွားကြစို့" ရောင်စုံဝတ်အမျိုးသမီးက ဓားအားလမ်းကြောင်းကို ဦးစွာဝင်ရောက်ခဲ့တယ်။

လီဖူချန်းနဲ့အခြားသူတွေက သူမနောက်မှ ကပ်လိုက်သွားတယ်။

ဓားအားလမ်းကြောင်းက တကယ်တော့ အာကာသ-အချိန်ဓားချီနဲ့ ဖွဲ့စည်းထားတာပဲ။ ရှည်လျားတယ်လို့ထင်ရတဲ့အကွာအဝေးတစ်ခုက ဓားအားလမ်းကြောင်းထဲမှာ ခြေတစ်လှမ်းစာသာ ရှိတော့တယ်။

ဓားအားလမ်းကြောင်းထဲမှာ သူတို့ငါးယောက်က နန်းတော်သို့ လျင်မြန်စွာ ချဉ်းကပ်လာခဲ့တယ်။

ဖြောက်......

ရုတ်တရက် ဓားအားလမ်းကြောင်းက ပျက်စီးသွားတယ်။

သူတို့ငါးယောက်က ကြည့်လိုက်ရာ ရွှေရောင်အပြည့်အဝသန်းနေတဲ့မျက်လုံးတစ်ရာအင်းဆက်တစ်ကောင်ကို မြင်လိုက်ရတယ်။ အင်းဆက်က ရွှေသားတွေနဲ့ ထွင်းထုထားတယ်လို့တောင် ထင်ရတယ်။

စောစောတုန်းက ဓားအားလမ်းကြောင်းကို ဖျက်ဆီးခဲ့တာက ဒီမျက်လုံးတစ်ရာအင်းဆက်က လွဲပြီးအခြားမဟုတ်ပါဘူး။

ရောင်စုံဝတ်အမျိုးသမီးရဲ့ဓားအားလမ်းကြောင်းကို ဖျက်ဆီးနိုင်တဲ့ခွန်အားရှိတယ်ဆိုတော့ ရန်သူက သူတို့နဲ့တူညီတဲ့ခွန်အားရှိတယ်လို့ ဆိုလိုတယ်။

"မီးအိမ်မီးထည်ဝါခြင်း....."

ထိပ်ပြောင်က ကောင်းကင်ဘုံဆက်ဓားကို ဝှေ့ယမ်းလိုက်တယ်၊ မီးအိမ်မီးထောင်ကျော်က မျက်လုံးတစ်ရာအင်းဆက်အပေါ် ဆင်းသက်သွားတယ်။

ကံမကောင်းတာကတော့ စွမ်းအားကြီးတဲ့ဓားကတောင် မျက်လုံးတစ်ရာအင်းဆက်ရဲ့အခွံကို မချိုးဖျက်နိုင်ခဲ့ဘူးပဲ။

ဝှစ်.....

ရွှေရောင်အလင်းတိုင်တစ်ခုက တိုက်ခိုက်လာပြီး ထိပ်ပြောင်က သူ့ဓားကို ရှေ့တွင်ထားကာ တားဆီးလိုက်တယ်။ သူက ချက်ချင်းလွင့်ထွက်သွားရတယ်။

"ဒီလိုစွမ်းအား"

အနေအထားကို မြင်ပြီး ရောင်စုံဝတ်အမျိုးသမီးနဲ့မျက်လုံးသုံးလုံးလူက အတူတကွတိုက်ခိုက်လာကြတယ်။

ရောင်စုံဝတ်အမျိုးသမီးရဲ့အာကာသ-အချိန်ဓားတာအိုက အားကောင်းနိုင်ပေမယ့် တိုက်ခိုက်ရေးစွမ်းအားအရ အဲဒါက ထိပ်ပြောင်ဒါမှမဟုတ်မျက်လုံးသုံးလုံးလူထက် မမြင့်မားလှဘူး။ ဒါကြောင့် ပူးပေါင်းတိုက်ခိုက်နေတာတောင် သူတို့က မျက်လုံးတစ်ရာအင်းဆက်ကို မရင်ဆိုင်နိုင်သေးဘူး။

"ချိုးဖြတ်စမ်း"

သံချပ်ဝတ်လူက စတင်လှုပ်ရှားလာတယ်။ အဆင့်မြင့်ကောင်းကင်ဘုံဆက်ဓားကို ဓားအိမ်မှချွတ်လျက် သံချပ်ဝတ်လူက မျက်လုံးတစ်ရာအင်းဆက်ကို ခုတ်ပိုင်းလိုက်တော့တယ်။

ဝှစ်......

စူးရှတောက်ပတဲ့ဓားချီကိုကြည့်ရတာ အဲဒါက အမှောင်ထုဖရိုဖရဲနေရာလပ်ဇုန်ကို ပိုင်းဖြတ်နိုင်သလိုပဲ။ ဓားက မျက်လုံးတစ်ရာအင်းဆက်အပေါ်မှာ ကြီးမားတဲ့ခုတ်ပိုင်းခြင်းဒဏ်ရာတစ်ခုကို ချန်ထားရစ်ခဲ့တယ်။ ချက်ချင်းပဲ ရွှေရောင်သွေးတွေက ပန်းထွက်လာတော့တယ်။

အဆင့်မြင့်အန္တိမအဆင့်ဓားနဲ့ဆိုရင် သံချပ်ဝတ်လူက ထိပ်ပြောင်တို့သုံးယောက်ပေါင်းထက်တောင် ပိုမြင့်တယ်။

သံချပ်ဝတ်လူက အားနည်းတဲ့အဆင့်သတ်မှတ်ချက်မဲ့ကောင်းကင်ဘုံအရှင်တွေကို ကြောက်ရွံ့စရာမလိုပါဘူး။ သူတို့က ထွက်ပြေးဖို့ မကြိုးစားရင် သူတို့က သံချပ်ဝတ်လူက သတ်ဖြတ်သွားပေလိမ့်မယ်။

အဆင့်မြင့်အန္တိမအဆင့်ဓားက ဟန်ပြသက်သက်မဟုတ်ဘူး၊ အဲဒါက အစစ်အမှန်သတ်ဖြတ်ခြင်းလက်နက်တစ်ခုပဲ။

သာမန်ကောင်းကင်ဘုံအရှင်တစ်ယောက်က အဆင့်မြင့်အန္တိမအဆင့်လက်နက်တစ်ခုကို ရရှိခဲ့ရင် အဆင့်၅ဒါမှမဟုတ်အဆင့်၄ကောင်းကင်ဘုံအရှင်တွေကိုသတ်ရတာ ကလေးကစားစရာလိုပါပဲ။

ဒါပေမယ့် မျက်လုံးတစ်ရာအင်းဆက်ရဲ့အသက်စွမ်းအားက ကြမ်းတမ်းလွန်းတယ်။ သံချပ်ဝတ်လူရဲ့ဓားကွက်က အသက်စွမ်းအားရဲ့သေးငယ်တဲ့အပိုင်းကိုသာ ထုတ်ယူနိုင်ခဲ့တယ်။

"အရင်ထိုးဖောက်ကြရအောင်...." မရေမတွက်နိုင်တဲ့အင်းဆက်တွေ တိုးဝင်လာနေတာကို မြင်ပြီး သံချပ်ဝတ်လူက မျက်မှောင်ကြုတ်လိုက်မိတယ်။

သူ့ခွန်အားက ပြောင်မြောက်ပေမယ့် သူက အင်းဆက်လှိုင်းတစ်ခုအတွင်းမှာ ပိတ်မိနေရင် သေချာပေါက်သေခြင်းအဆုံးသတ်သာ ဖြစ်လာလိမ့်မယ်။

တကယ်တော့ သူက ကောင်းကင်ဘုံအရှင်တစ်ယောက်မဟုတ်ဘူး။ သူ့မှာ ကောင်းကင်ဘုံအရှင်တစ်ယောက်ရဲ့တိုက်ခိုက်ရေးစွမ်းအားသာ ရှိတယ်။

"အားလုံးဝင်ကြ"

ထိုအချိန်မှာ လီဖူချန်းက လှုre was a flash of splendor sword light as a glowing sword force passage appeared within the insပ်ရှားလိုက်တယ်။ ထည်ဝါဓားအလင်းတစ်ခုလက်သွားပြီး တောက်ပတဲ့ဓားအားလမ်းကြောင်းတစ်ခုက အင်းဆက်လှိုင်းအတွင်းမှာ ထွက်ပေါ်လာတယ်။

လမ်းကြောင်းက ထည်ဝါဓားချီနဲ့ ဖွဲ့စည်းထားတာ သိသာပြီး အစောတုန်းက ရောင်စုံဝတ်အမျိုးသမီးရဲ့ဓားအားလမ်းကြောင်းနဲ့ တူညီတဲ့သက်ရောက်မှုရှိတယ်။

ဒါပေမယ့် လီဖူချန်းရဲ့ဓားအားလမ်းကြောင်းက ပိုပြီးတည်ငြိမ်တယ်၊ ရောင်စုံဝတ်အမျိုးသမီးရဲ့ဓားအားလမ်းကြောင်းထက်တော့ မြန်ဆန်ခြင်းမရှိဘူး။

ဝုန်း......

သူတို့ငါးယောက်က ဓားအားလမ်းကြောင်းကို ဝင်ရောက်ပြီးတာနဲ့တစ်ပြိုင်နက် မျက်လုံးတစ်ရာအင်းဆက်က ရှေ့သို့ ထိုးထည့်လိုက်တယ်။

အားကောင်းတဲ့မျက်လုံးတစ်ရာအင်းဆက်က ဓားအားလမ်းကြောင်းကို မဖျက်ဆီးနိုင်တာကို မြင်ပြီး လူတိုင်းက ထိတ်လန့်သွားကြတယ်။ အဲဒါက ဓားအားလမ်းကြောင်းရဲ့တောက်ပမှုကိုသာ မှေးမှိန်စေနိုင်ခဲ့တယ်။

"သူ့ခွန်အားက ဘာလို့ဒီလောက်အမြန်တိုးတက်လာရတာလဲ" ထိပ်ပြောင်က စိတ်ဓာတ်ကျမိတယ်။

ဓားရေကန်မှာတုန်းက လီဖူချန်းရဲ့ထည်ဝါဓားတာအိုက သူ့ကို မနိုင်မယူနိုင်ခဲ့ဘူး။ လီဖူချန်းက သူ့ကို အနိုင်ယူဖို့ အခြားဓားတာအိုတစ်ခုကို အသုံးပြုခဲ့ရတယ်။ ဒါပေမယ့် အခု လီဖူချန်းရဲ့ထည်ဝါဓားတာအိုက အရင်ကထက် ဆယ်ဆပိုသန်မာလာတယ်။

"သူက ဓားရေကန်ထဲမှာ ကြီးမားတဲ့ဖြစ်ရပ်တစ်ခုကို ဖန်တီးနိုင်ခဲ့တာ အံ့ဩစရာမရှိဘူးပဲ"

သံချပ်ဝတ်လူနဲ့အခြားသူတွေက မှင်တက်သွားပေမယ့် သူတို့က ဒါကို လက်ခံနိုင်ပါတယ်။

နန်းတော်ထဲမှာ မီယာသူတော်စင်အရှင်မနဲ့အခြားသူတွေက တောက်ပနေတဲ့ဓားအားလမ်းကြောင်းတစ်ခုကို မြင်လိုက်ရတယ်။ သူတို့အားလုံးက အံ့အားသင့်သွားသလို ပျော်ရွှင်လာကြတယ်။

"သူတို့ကို ငါ့အဖေ လွှတ်လိုက်တာပဲဖြစ်ရမယ်" မီယာသူတော်စင်အရှင်မက စိတ်သက်သာရာရသွားတော့တယ်။

ကံကြမ္မာအခွင့်အလမ်းတွေကို ရှာဖွေဖို့ သူမက အင်းဆက်မျိုးနွယ်စစ်မြေပြင်ကို လာခဲ့တယ်။ သူမက နာကြည်းပင်လယ်ဓားအရှင်ရဲ့သမီးဖြစ်ပြီး သူတော်စင်အရှင်တစ်ယောက်ဖြစ်လာတာ အချိန်အတော်ကြာပါပြီ၊ ဒါပေမယ့် အထူးအခွင့်အလမ်းတွေကို ရှာမတွေ့ရင် သူမအနေနဲ့ ဒီတစ်သက် ကောင်းကင်ဘုံအရှင်တစ်ယောက်ဖြစ်လာဖို့က ခက်ခဲပါလိမ့်မယ်။

ဒါပေမယ့် အခုလိုကြမ်းတမ်းတဲ့အခက်အခဲတွေရှိလာတဲ့အခါ သူမက အတော်လေးနောင်တရမိတယ်။

"သူတို့က တကယ်အားကောင်းလှတယ်" ငွေရောင်သတ္တုဝတ်စုံနဲ့အမျိုးသမီးရဲ့မျက်လုံးတွေက တလက်လက်ဖြစ်နေတယ်။

"သူတို့က ငါတို့ထက် အသက်ရှင်လာတာ ကြာပြီးလေ။ သူတို့လိုအသက်အရွယ်ရောက်တဲ့အခါ ငါတို့လည်း အားမနည်းနိုင်ပါဘူး" ဖန်သားပြင်ကိုထိန်းချုပ်နေတဲ့လူက အတော်လေးမနာလိုဝန်တိုနေတယ်။ ဒါပေမယ့် သူ့စကားတွေက အတော်လေးသဘာဝကျပါတယ်၊ ဘာလို့ဆို သူတို့က ငယ်ရွယ်နေပါသေးတယ်။

မကြာမီမှာပဲ လီဖူချန်းတို့အုပ်စုက နန်းတော်အပြင်ဘက်ကို ရောက်ရှိလာတယ်။

ကျွီ.......

နန်းတော်ဂိတ်တံခါးက ပွင့်ပြီး သူတို့အုပ်စုက ဝင်လာတယ်။

သူတို့အုပ်စုကို မြင်ပြီး အထဲရှိလေးယောက်က အတော်လေးအံ့အားသင့်သွားတယ်။

သူတို့ငါးယောက်က အလွန်ငယ်ရွယ်ပုံပေါက်တယ်။ အချို့က သူတို့လေးယောက်ထက် အသက်ကြီးပုံပေမယ့် အချို့က သူတို့လေးယောက်ထက် ပိုငယ်ရွယ်ပုံပေါ်တယ်။

လူတစ်ယောက်ရဲ့အသက်ကို သူတို့ရဲ့ချီတည်ရှိမှုအရ ခွဲခြားနိုင်ပေမယ့် အလွန်တော့ မတိကျပါဘူး။

"မင်းက မီယာသူတော်စင်အရှင်မလား" သူတို့ငါးယောက်က မီယာသူတော်စင်အရှင်မကို ကြည့်လိုက်တယ်၊ ရောင်စုံဝတ်အမျိုးသမီးက မေးလိုက်တယ်။

မီယာသူတော်စင်အရှင်မ‌က ခေါင်းညိတ်ကာ မေးလိုက်တယ်"မင်းတို့ကို ငါ့အဖေလွှတ်လိုက်တာလား"

"ဟုတ်တယ်၊ အခုပဲ ငါတို့နဲ့အတူ လိုက်လာပါ" သံချပ်ဝတ်လူက ခေါင်းညိတ်လိုက်တယ်။

သူတို့က မီယာသူတော်စင်အရှင်မကို ရှာတွေ့ပြီးဆိုတော့ အခုပဲ ထွက်သွားနိုင်ပါပြီ။ သူက အင်းဆက်မျိုးနွယ်စစ်မြေပြင်ကို အများကြီးစိတ်မဝင်စားပါဘူး။ အင်းဆက်တွေအထဲရှိအင်းဆက်ပုံဆောင်ခဲတွေအတွက်ကတော့ သူတို့မှာ ကြီးမားများပြားတဲ့စွမ်းအင်တွေ ပါဝင်ပေမယ့် သူတော်စင်အရှင်အဆင့်ပုံဆောင်ခဲတစ်ခုက အထွတ်အထိပ်အဆင့်ဝိညာဉ်ကျောက်တုံးအချို့နဲ့ ညီမျှတယ်။ ဒါပေမယ့် အင်းဆက်ပုံဆောင်ခဲတွေအတွင်းရှိစွမ်းအင်က ကြမ်းတမ်းလွန်ပြီး ပမာဏအများကြီးစုပ်ယူဖို့က မဖြစ်နိုင်ပါဘူး။ ရောင်းချရင်တောင် ကြမ်းတမ်းတဲ့စွမ်းအင်ကြောင့် မြင့်မားတဲ့ဈေးနှုန်းကို မရရှိနိုင်ပါဘူး။

သံချပ်ဝတ်လူရဲ့အဆင့်အတန်းနဲ့ခွန်အားအရ သူ့အ‌နေနဲ့ ဝိညာဉ်ကျောက်တုံးတွေကို အရူးအမူးမလိုအပ်ပါဘူး။

"သူတို့က ငါ့မိတ်ဆွေတွေပဲ၊ ကျေးဇူးပြုပြီး သူတို့ကိုပါ အတူခေါ်သွားပေးပါ" မီယာသူတော်စင်အရှင်မက သူမဘေးနားရှိသုံးယောက်ကို မိတ်ဆက်လိုက်တယ်။

"ကောင်းပြီ" သူတို့ငါးယောက်က ကန့်ကွက်ခြင်းမရှိဘူး။

ဒီနန်းတော်က နာကြည်းပင်လယ်ဓားအရှင်က မီယာသူတော်စင်အရှင်မထံ ပေးထားတဲ့ အဆင့်နိမ့်အန္တိမအဆင့်အသုံးအဆောင်ပစ္စည်းတစ်ခုဖြစ်တယ်။ ဒါက ထူးကဲတဲ့ခုခံမှုရှိပေမယ့် အရှိန်နဲ့မရွေ့လျားနိုင်ပါဘူး။

မီယာသူတော်စင်အရှင်မက နန်း‌တော်ကို သိမ်းပြီးတာနဲ့ သူတို့ကိုးယောက်က အဆုံးမဲ့အင်းဆက်တွေရဲ့အရှေ့မှာ ချက်ချင်း ထွက်ပေါ်လာတယ်။

"သွားကြစို့"

ခုတ်ပိုင်းချက်တစ်ခုနဲ့အတူ လီဖူချန်းက အင်းဆက်လှိုင်းကို ထိုးဖောက်ဖို့ ဓားအားလမ်းကြောင်းတစ်ခုကို ပြုလုပ်လိုက်တယ်။

"ဒါဆို သူက ဓားအားလမ်းကြောင်းကို ဖန်တီးခဲ့တဲ့သူပေါ့" ရောင်သတ္တုဝတ်စုံနဲ့အမျိုးသမီးက လီဖူချန်းကို အချစ်မျက်လုံးတွေနဲ့ ကြည့်လိုက်တယ်။

"ဟမ့်၊ ဒီဓားအားလမ်းကြောင်းက ဘယ်လောက်ခံမလဲကြည့်ရတာပေါ့"

စောစောက ဖန်သားပြင်ကိုထိန်းချုပ်ခဲ့တဲ့လူက ခံစားချက်တွေ အလွန်ရှုပ်ထွေးနေတယ်။ ဓားအားလမ်းကြောင်းက အကြာကြီးမခံဖို့ သူက ဆန္ဒရှိသလို ကြာရှည်စွာ တည်မြဲဖို့လည်း ဆန္ဒရှိနေပြန်တယ်။ တကယ်တော့ ဓားအားလမ်းကြောင်းပျက်ဆီးသွားတာနဲ့ သူတို့ရဲ့အသက်တွေက စိုးရိမ်ဖွယ်ဖြစ်သွားရလိမ့်မယ်။

ဝုန်း ဝုန်း ဝုန်း......

အဆုံးမဲ့အင်းဆက်တွေက ဓားအားလမ်းကြောင်းကို တိုက်ခိုက်ကြပေမယ့် သူတို့ကို ဓားအားလမ်းကြောင်းကို တုန်ခါခြင်းတောင် မပြုနိုင်ကြဘူး။

တည်မြဲမှုနဲ့မာကျောမှုက အားလုံးကို တုန်လှုပ်စေတယ်။ အလွန်ဗဟုသုတများတဲ့မီယာသူတော်စင်အရှင်မကတောင် လီဖူချန်းနဲ့ပတ်သက်ပြီး သိလိုစိတ်တွေ ပြင်းပြလာတယ်။