အသံလှိုင်းစက်လုံး

အေးမြသောည၏ လေပြင်းများက ပြတင်းပေါက်မှ တိုက်ခတ်လာပြီး ဝပ်ရှော့၏ ကျယ်လောင်သော အသံက သူတို့၏နားကို လွှမ်းသွားသည်။ အနည်းငယ် ဆူညံနေသော်လည်း ဟန်ရှောင်းသည် လူချမ်းနှင့် ပေါ့ပေါ့ပါးပါး စကားပြောနေ၏။

"မင်းဆိုင်က ဒီမှာရှိတာ နှစ်အတော်ကြာနေပြီ၊ အခြေအနေ ဘယ်လိုလဲ"

လူချမ်းက ဆံပင်ကို နောက်ဘက်တွင် စုချည်ထားပြီး သူမသည် လုံခြုံရေးမျက်နှာဖုံးကို ၀တ်ထားသည်။ သတ္တုကို အောက်ကိုငုံ့ကြည့်ကာ ဂဟေဆော်ရင်း ပြန်ဖြေသည်။ “ဒီလို ဆိုးရွားတဲ့ တည်နေရာနဲ့တော့ စီးပွားရေးက မကောင်းပါဘူး”

"ငါဝင်လာတုန်းက မင်းအလုပ်ရှုပ်နေပုံပဲ။"

လူချမ်းခေါင်းယမ်းလိုက်သည်။ “ဒီမှာ ငါတစ်ယောက်တည်းလေ။ အမှာစာတွေ များနေတော့၊ အမြဲတမ်း လုပ်စရာတွေ ရှိနေတယ်။”

"မင်း အကူမငှားဘူးလား"

လူချမ်းခေတ္တရပ်ပြီး သက်ပြင်းချလိုက်သည်။ "အရင်က ငှားထားခဲ့တယ်၊ ထွက်သွားပြီ။"

"လစာက အရမ်းနည်းနေလို့ ဖြစ်နိုင်တယ်" ဟန်ရှောင်းက သဘောမတူသလို ခေါင်းယမ်းလိုက်သည်။

"အဲဒါကြောင့်လား?" လူချမ်းသံသယဝင်သွားသည်။

သူမသည် သာမန်လူတစ်ဦးမျှသာဖြစ်ပြီး ဤပြဿနာကြီးများကို မသိခဲ့ပါ။ ဟန်ရှောင်းသည် ထိုအချိန်က နှုတ်မဆက်ဘဲ ထွက်ခွာသွားခဲ့ပြီး ထိုအချိန်မှစ၍ အဆက်အသွယ်မရခဲ့သောကြောင့် လူချမ်းသည် မကျေမနပ် ဖြစ်နေဆဲဖြစ်သည်။

နောက်ဆုံး သူတို့ ငှားနိုင်ခဲ့သည့် အလုပ်သင် ဝန်ထမ်းလည်း ဒီလိုပဲ ပျောက်ကွယ်သွား၏။

အချိန်အကြာကြီး အတူတူမနေကြသော်လည်း ဟန်ရှောင်းသည် လူချမ်း၏ စိတ်ထဲတွင်ရှိနေ၏။ ယခင်က ဆိုင်တွင် အဘိုးကြီးလူနှင့် သူမတို့သာရှိခဲ့ပြီး နောက်ထပ်လူတစ်ဦးလည်း ပါဝင်လာသဖြင့် ပိုမိုအသက်ဝင်လာသည်။ အတူတူ ဖြတ်သန်းခဲ့ရတဲ့ အချိန်တွေမှာ သူမ ပျော်ရွှင်ခဲ့၏။ သို့သော်လည်း အချိန်အကြာကြီးစောင့်ဆိုင်းပြီးနောက်တွင်ပင် ဟန်ရှောင်းသည် ပြန်မလာသေးသဖြင့် လူချမ်းကို အကြီးအကျယ် စိတ်ဆိုးသွားရသည်။

"စီးပွားရေးအဆင်မပြေတဲ့အတွက် တခြားနေရာကိုပြောင်းဖို့ စဉ်းစားဖူးလား။"

လူချမ်းခေါင်းယမ်းလိုက်သည်။ “ဒါ ငါ့အိမ်။”

အရှိန်ပြင်းပြင်းနှင့် ခြေသံများ နီးကပ်လာသည်။ အမှောင်ထဲမှာ အေးဂျင့်အဖွဲ့တစ်ဖွဲ့ ရောက်လာ၏။

ထိုအချိန်တွင် သတိလစ်နေသော အေးဂျင့်သည် သတိရလာ၏။ သူ့အမူအရာက ပြောင်းလဲသွားပြီး ချက်ချင်းထရပ်ချင်သည်။ သို့သော် သူ့မျက်လုံးများရှေ့သို့ လက်သီးတစ်ချက် ထပ်ရောက်သွားသည်။

ဘုန်း

ဟန်ရှောင်းသည် အေးဂျင့်အဖွဲ့၏ မျက်စိရှေ့တွင် သူ့ကို နောက်တစ်ကြိမ် မေ့အောင်လုပ်လိုက်သည်။

"ရပ်စမ်း၊ မင်းလက်ကို မြှောက်လိုက်!" အေးဂျင့်အဖွဲ့သည် သူတို့၏သေနတ်များကို မြှောက်ကာ ကပ္ပတိန်က "ငါတို့က ကြယ်နဂါးနိုင်ငံ မဟာဗျူဟာ ကာကွယ်ရေးဌာနက။ မင်းရဲ့အထောက်အထားကို အတည်ပြုဖို့ လိုအပ်တယ်။ မင်း ငါတို့နဲ့လိုက်ခဲ့ရမယ်။"

ဝူးရှ်။

အလင်းတန်းအနည်းငယ်နှင့်အတူ၊ အေးဂျင့်အဖွဲ့ ကိုင်ထားသော သေနတ်ပြောင်းများ ချောမွေ့စွာ ပြတ်ထွက်သွားသည်။

ကပ္ပတိန်၏ အမူအရာသည် ချက်ချင်း ပြောင်းလဲသွားသည်။ “စစ်ကူတောင်း…”

ဘုန်း ဘုန်း ဘုန်း

မျက်စိတစ်မှိတ်အတွင်းမှာပဲ မကြာသေးမီက ကုလားထိုင်ပေါ်ထိုင်နေတဲ့ ဟန်ရှောင်းသည် လူများ၏ အလယ်သို့ ရောက်လာသည်။ ကြမ်းတမ်းစွာ ဝင်လာခဲ့ကြသော အေးဂျင့်အဖွဲ့သည် ယခုအခါ အားလုံး ကြမ်းပြင်ပေါ် မှောက်ကုန်၏။ သူ၏ အရည်အချင်းများဖြင့် ဤ အဆင့် ၁၀ သာမာန် အေးဂျင့်များကို ချက်ခြင်း ဖြုတ်ချခြင်းသည် ထမင်းစားရေသောက်မျှသာ ဖြစ်သည်။

လုံခြုံရေးက အားနည်းလွန်းတယ်။ ဒါက ဌာန၁၃က သူတို့ရဲ့ အစောင့်တွေကို ပိုအားကောင်းစေမယ်လို့ မျှော်လင့်ပါတယ်။ အင်း၊ ကစားသမားတွေကိုတောင် ခွင့်မပြုရင် အကောင်းဆုံးဖြစ်မှာပါ။

ဟန်ရှောင်းက ခေါင်းယမ်းလိုက်ပြီး ပိုက်ဆံတစ်ထပ်ကို ထုတ်ကာ စားပွဲပေါ်တင်ပြီး ထွက်သွားသည်။

လူချမ်းသတိပြန်ဝင်လာ၏။ သူမက ဟန်ရှောင်းရဲ့ကျောကို စိုက်ကြည့်ပြီး ရုတ်တရက်မေးလိုက်သည်။ "ငါတို့အရင်က တွေ့ဖူးလား"

နောက်ပြန်မလှည့်ဘဲ ဟန်ရှောင်းက ခပ်ဖျော့ဖျော့ပြုံးပြီး "ဟင့်အင်း၊ မတွေ့ဖူးဘူး"

သူက ညအမှောင်တွင် ပျောက်ကွယ်သွားပြီးနောက် လူချမ်းသည် သူမလက်ထဲရှိ ပစ္စည်းများကို ချလိုက်သည်။ သူမသည် အကာအကွယ်မျက်နှာဖုံးကို ချွတ်ကာ သူမ၏ဆံပင်များကို နားရွက်နောက်သို့ ဆွဲယူလိုက်သည်။ သူမက ရုတ်တရက် ပြုံးလိုက်ပြီး မပြောပြနိုင်သော အဓိပ္ပါယ်ရှိသည့် အပြုံးတစ်ခုရှိနေသည်။

…

ဟန်ရှောင်းသည် အနောက်ပိုင်းမြို့တော်မှ ခိုးထွက်ကာ ရဟတ်ယာဉ်ပေါ်တက်ပြီး ခိုလှုံရေးစခန်းသို့ ပြန်သွားပြီးနောက် သူရရှိထားသည့် ဒီဇိုင်းပုံစံများကို ထုတ်ယူလိုက်သည်။

_____________________

[Blueprint: Magnetic Chain Style Hovering Shield Shuttle]

[ဒီဇိုင်းပုံစံ - သံလိုက်ကွင်းဆက်ပုံစံ ပျံဝဲလွန်းပြန်ဒိုင်း]

[Blueprint: Sonic Sphere—Penetrate]

[ဒီဇိုင်းပုံစံ - အသံလှိုင်းစက်လုံး — ‘ထိုးဖောက်ခြင်း’]

[Blueprint: Sonic Sphere—Quake]

[ဒီဇိုင်းပုံစံ - အသံလှိုင်းစက်လုံး — ‘လှုပ်ခတ်ခြင်း’]

[Blueprint: Sonic Sphere—Scout]

[ဒီဇိုင်းပုံစံ - အသံလှိုင်းစက်လုံး — ‘ကင်းထောက်ခြင်း’]

_____________________

ဤစက်ယန္တရား လေးလုံးသည် ထူးခြားသော တိုက်ခိုက်ရေးပုံစံကို ဖန်တီးထားပြီး တိုက်စစ်နှင့် ခံစစ်စွမ်းရည် နှစ်မျိုးလုံးပါရှိသည်။ ကွဲပြားသော အသံလှိုင်းစက်လုံး သုံးမျိုးသည် ပင်မစက်ကိရိယာများဖြစ်သည်။ ၎င်းတို့အားလုံးမှာ တစ်ခုနှင့်တစ်ခု ကူညီထောက်ပံ့ကြသည့် မတူညီသော လုပ်ဆောင်ချက်များ ပါဝင်ကြသည်။ နာမည်အတိုင်းပင်၊ အသံလှိုင်းစက်လုံးများသည် အသံလှိုင်းတိုက်ခိုက်မှုများနှင့် သက်ဆိုင်၏။

‘ထိုးဖောက်ခြင်း’ပုံစံတွင် Ultrasound နှုန်းလွန်အသံလှိုင်းနှင့် infrasound နှန်းနိမ့်အသံလှိုင်းတို့ကို တပ်ဆင်ထားပြီး ထိခိုက်ပျက်စီးစေမှုများ ဖြစ်စေရန် အဓိကထားသည်။ Noise-အသံလှိုင်းဆူညံအသံလှိုင်းနှင့် Strong-အသံလှိုင်းပြင်းထန်အသံလှိုင်းတို့ကို အသုံးပြု၍ လှုပ်ရှားမှုကို ရပ်တန့်နိုင်စေရန် (disable လုပ်ရန်) အဓိကထား၍ ‘လှုပ်ခတ်ခြင်း’ပုံစံတွင် တပ်ဆင်ထားသည်။ ‘ကင်းထောက်ခြင်း’ပုံစံသည် ဆိုနာထောက်လှမ်းခြင်းဆိုင်ရာ ပံ့ပိုးမှုအပေါ် အာရုံစိုက်ထား၏။ ၎င်းသည် အခြားသော အသံလှိုင်းစက်လုံးs အမျိုးအစား နှစ်မျိုး၏ စွမ်းအားကိုလည်း မြှင့်တင်ပေးနိုင်သည့်အပြင် ဧရိယာအတွင်းရှိ အသံလှိုင်းတိုက်ခိုက်မှုများ အားလုံးကို မြှင့်တင်မည့် ဧရိယာကိုလည်း ဖန်တီးနိုင်သည်။ ထို့အပြင်၎င်းတွင် MP3 လုပ်ဆောင်ချက်များပါရှိသည်။

ဤဒီဇိုင်းပုံစံလေးခုကို လေ့လာရန်အတွက် အဆင့် ၄၅၊ ဉာဏ်ရည်အမှတ် ၂၅၀ ကျော်၊ [အခြေခံအသံပိုင်း အဆင့် ၅]၊ [အခြေခံယန္တရားအင်ဂျင်နီယာပညာ အဆင့် ၅]၊ [အခြေခံ စွမ်းအင်သီအိုရီ အဆင့် ၅]၊ [အခြေခံ စွမ်းအင်ပြောင်းလဲခြင်းသီအိုရီ အဆင့် ၅]၊ [အခြေခံ လေဟာပြင် ခံစားမှု အဆင့် ၃] နှင့် [အခြေခံလျှပ်စစ်သံလိုက်ပညာ အဆင့် ၄] တို့ ရှိနေရန်လိုအပ်သည်။ ဟန်ရှောင်းသည် ယခုအချိန်တွင် အလားအလာအမှတ် ၆၈ မှတ် ရထားပြီး လိုအပ်သည်များကို အဆင့်မြှင့်တင်ရန်နှင့် လိုအပ်ချက်များကို ပြည့်စုံစေရန်အတွက် ၁၂မှတ်ကို အသုံးပြုခဲ့သည်။

တစ်ရက်အကြာတွင် ဟန်ရှောင်းသည် ခိုလှုံရေးစခန်းသို့ပြန်လာပြီး ပစ္စည်းကိရိယာများကို ချက်ချင်းပင် စတင်တည်ဆောက်တော့သည်။

အသံလှိုင်းစက်လုံးများ၏ အဓိကနည်းပညာမှာ အသံပိုင်းဆိုင်ရာဖြစ်သည်။ အရေးကြီးဆုံးအပိုင်းမှာ အသံလှိုင်းတိုက်ခိုက်မှုများကို ထုတ်လွှတ်သည့်နေရာ ဖြစ်သည်။ အသံကြိမ်နှုန်းများထုတ်လုပ်ရန် ပိုက်များကို လျှပ်စစ်သံလိုက်ပြားများဖြင့် ပြုလုပ်ထားရန် လိုအပ်ပြီး ကွဲပြားသော အသံလှိုင်းတိုက်ခိုက်မှုအမျိုးအစားများအလိုက် အသေးစိတ် ချိန်ညှိထားသည်။ အဆိုပါပိုက်များကို စက်လုံးကိုယ်ထည်တစ်ခုသို့ ချိတ်ဆက်ရန်အတွက် မြင့်မားသော ကျွမ်းကျင်မှုများ လိုအပ်၏။ နောက်ဆုံး ထုတ်ကုန်ကို မတည်ဆောက်မီ အချိန်အနည်းငယ်ကြာသွား၏။

သတ္တုစက်လုံး သုံးခုသည် အလုပ်ခုံပေါ်တွင် ငြိမ်သက်စွာ တည်ရှိနေသည်။ ၎င်းတို့သည် သာမန်လူ့ဦးခေါင်း၏ သုံးပုံနှစ်ပုံခန့် အရွယ်အစားရှိသည်။ ၎င်းတို့သည် လုံးဝ ဝိုင်းစက်နေသည် မဟုတ်ပဲ၊ အနားများနှင့် ထောင့်အချို့ရှိသည်။ အပြင်ပိုင်းကို အတွင်းပိုင်းအူတိုင်ကို ကာကွယ်ရန် အအေးခံ ချပ်ဝတ်တန်ဆာဖြင့် ပြုလုပ်ထားပြီး အသံလှိုင်း ထုတ်လွှတ်ရန်အတွက် သံချပ်ကာကြားတွင် ဝှက်ထားသော ကွက်လပ်များ ရှိနေသည်။

မူလထိန်းချုပ်မှုနည်းလမ်းတွင် လက်ဟန်များနှင့် လေချွန်ခြင်းများ ပါဝင်ပါသည်။ ဟန်ရှောင်းသည် ၎င်းကို အာရုံကြောချိတ်ဆက်ထိန်းချုပ်မှုအဖြစ်သို့ ပြောင်းလဲလိုက်သည်။ အထူးပြုလုပ်ထားသည့် နားကြပ်ကို ၀တ်ဆင်ခြင်းဖြင့် ၎င်းသည် အာရုံကြောအချက်ပြမှုများကို ပြောင်းလဲစေပြီး အမိန့်ပေးချက်များကို လုပ်ဆောင်ရန်အတွက် အသံလှိုင်းစက်လုံးs များအတွင်းရှိ လက်ခံမည့်နေရာသို့ ပေးပို့မည်ဖြစ်ပြီး ၎င်းသည် မီတာခြောက်ဆယ်အတွင်း ထိရောက်မှုရှိသည်။

"တက်" ဟန်ရှောင်းက သူ့စိတ်ထဲမှ အမိန့်ပေးလိုက်သည်။

ဤစက်လုံး သုံးလုံး၏ သံချပ်ကာသည် ပွင့်ထွက်ကာ အနက်ရောင်အပေါက်များ ပေါ်လာ၏။ အဖြူရောင်မီးတောက်များ ပေါက်ကွဲထွက်လာပြီး လေထဲသို့ လှုပ်လှုပ်ရွရွ ပျံတက်သွားကြသည်။ အသံလှိုင်းစက်လုံးများသည် ပျံသန်းနိုင်စွမ်းရှိပြီး လေထဲတွင် လွတ်လပ်စွာ လှုပ်ရှားနိုင်သည်။ ၎င်းသည် တာလတ် တိုက်ခိုက်ရေးကိရိယာများဖြစ်သည်။ ဟန်ရှောင်းသည် ထိန်းချုပ်မှုများနှင့် ရင်းနှီးအောင် ပြုလုပ်နေ၏။

ထို့နောက် သူသည် အသံလှိုင်းစက်လုံးများ၏ စွမ်းအားကို စတင်စမ်းသပ်တော့သည်။ စူးစမ်းလေ့လာပြီးနောက်၊ ဟန်ရှောင်းက အသံလှိုင်းစက်လုံး—‘ထိုးဖောက်ခြင်း’၏ ထိရောက်သော အကွာအဝေးသည် မီတာနှစ်ဆယ်ခန့်ရှိသည်ကို တွေ့ရသည်။ ပစ်မှတ်ကို ပျက်စီးစေရန်အတွက်၊ သံချပ်ကာ ထိုးဖောက်မှု အသံလှိုင်းများ ဖန်တီးကာ အတားအဆီးများကို ဖောက်ထွင်း၍ ပစ်မှတ်ကို တိုက်ခိုက်ရန် အဓိက အသုံးပြုသည်။ တိုက်ခိုက်မှုအကွာအဝေးသည် မျဉ်းဖြောင့်တစ်ခု သို့မဟုတ် ပြောင်းပြန်ထုချွန် ပုံစံတစ်ခုဖြစ်သည်။

အသံလှိုင်းစက်လုံး—'ထိုးဖောက်ခြင်း’၏ အခြေခံ ထိခိုက်ပျက်စီးနိုင်မှုသည် ၈၁-၁၃၀ ဖြစ်သည်။ အလွန်မြင့်မားပုံမပေါ်သော်လည်း၊ ထိုသို့မဟုတ်ပေ။ အသံလှိုင်းတိုက်ခိုက်မှုများ၏ ထူးခြားချက်မှာ ၎င်းတို့သည် အလွန်ထိုးဖောက်ဝင်ရောက်နိုင်သောကြောင့်ဖြစ်သည်။ ချပ်ဝတ်တန်ဆာမှ ထိခိုက်ပျက်စီးမှုကို လျှော့ချနိုင်မှုသည် အလွန်နည်းပါးပြီး ဟန်ရှောင်း၏ ပင်ကိုယ်အရည်အသွေး မြှင့်တင်မှုများနှင့် ကျွမ်းကျင်မှု မြှင့်တင်မှုများကြောင့် ထိချက်တစ်ခုသည် ပျက်စီးစေမှု ၃၅၀ မှ ၄၀၀ အထိ သက်ရောက်နိုင်သည်။ Flaming Will မီးလျှံအလိုတော်ကိုလည်း အသုံးပြုထားပါက၊ ပျက်စီးစေမှု ၂၅၀ ကျော်ရှိသော Ghost စနိုက်ပါရိုင်ဖယ်ထက် အားနည်းမည်မဟုတ်သည့်အပြင်၊ အသံလှိုင်းစက်လုံး—'ထိုးဖောက်ခြင်း’၏ ပျက်စီးစေမှုသည် Ghost စနိုက်ပါရိုင်ဖယ်ထက် ပိုမိုတည်ငြိမ်၏။ ၎င်းကို ပင်မတိုက်ခိုက်ရေးနည်းလမ်းအဖြစ် အသုံးပြုနိုင်သည်။

အသံလှိုင်းစက်လုံး—’လှုပ်ခတ်ခြင်း’သည် ဧရိယာတစ်ခုအတွင်း လှုပ်ရှားမှုကို ရပ်တန့်စေနိုင်သော သက်ရောက်မှုများရှိသည်။ မူးဝေခြင်း၊ တုန်လှုပ်ခြင်း၊ ခေတ္တအကြောဆိုင်း၍ မလှုပ်ရှားနိုင်ဖြစ်ခြင်း၊ မေ့မျောခြင်းစသည့် ထိခိုက်မှုများကို ဖြစ်စေနိုင်သည်။ ၎င်း၏တိုက်ခိုက်မှုအကွာအဝေးသည် အချင်းဆယ်မီတာရှိသော စက်လုံးပံုဏ္ဍာန်ဖြစ်သည်။ အသံလှိုင်းစက်လုံး—’ကင်းထောက်ခြင်း’သည် အချင်း မီတာတစ်ရာအတွင်း အဆင့်မြှင့်တင်မှုကို ဖန်တီးနိုင်ပြီး အခြားနှစ်ခု၏ ပျက်စီးစေမှုနှင့် သက်ရောက်မှုများကို တိုးစေသည်။

ထန် !

အသံလှိုင်းစက်လုံး—'ထိုးဖောက်ခြင်း’က တခဏချင်း အရှိန်မြင့်လာပြီး သတ္တုနံရံကိုဝင်တိုက်၍ တွင်းတစ်ခု ဖြစ်စေကာ ကျယ်လောင်သော အသံထွက်လာ၏။

အသံလှိုင်းစက်လုံးသည် အလွန်ဆန်းပြားသည်။ အတွင်းပိုင်း တာရှည်ခံမှုကို စမ်းသပ်ရန် နံရံကို ရိုက်ခွဲခဲ့သည်။ ဤတိုက်မိမှုကြောင့် တာရှည်ခံမှု ၁၇ မှတ် ဆုံးရှုံးခဲ့ပြီး အသံလှိုင်းစက်လုံး၏ စုစုပေါင်းကြာရှည်ခံမှုသည် ၁,၆၀၀ ဖြစ်သည်။

၁%လောက် ကျသွားတယ်။ တိုက်ခိုက်ရင် ကြာကြာခံနိုင်မယ် မထင်ဘူး။

အသံလှိုင်းစက်လုံးs သုံးလုံး - တိုက်ခိုက်မှုအတွက်တစ်ခု၊ ထိန်းချုပ်ရန်တစ်ခုနှင့် ပံ့ပိုးမှုတစ်ခု - အတူတကွလုပ်ဆောင်နိုင်သည်။ ခုခံကာကွယ်ရေးကို သံလိုက်ကွင်းဆက်ပုံစံ ပျံဝဲလွန်းပြန်ဒိုင်းက တာဝန်ယူထားမည်ဖြစ်ပြီး ပေါင်းစပ်ထားသော သံလိုက်ကွင်းဆက် ဓါးသွားများနှင့် တူညီသော်လည်း ကာကွယ်ရေးအတွက် ဖြစ်သည်။ နည်းပညာအရ၊ ၎င်းသည် 'အကာအရံထုတ်လုပ်ရေးစက်' ဖြစ်သည်။ ပျံဝဲလွန်းပြန်များသည် လေထဲတွင် ပုံသဏ္ဍာန်တစ်ခု ဖြစ်ပေါ်လာပြီး တစ်ခုနှင့်တစ်ခု လျှပ်စစ်သံလိုက်စွမ်းအင်ဖြင့် ချိတ်ဆက်သည်။ ၎င်းဖွဲ့စည်းပုံသည် လျှပ်စစ်သံလိုက်ဒိုင်းတစ်ခု ဖြစ်လာမည်ဖြစ်သည်။

အကာအရံနည်းပညာသည် နဂါးငွေ့တန်းတွင် အလွန်အသုံးများသော်လည်း ရေပင်လယ်ဂြိုလ်တွင် အသုံးပြုနိုင်သော အကာအရံနည်းပညာ မရှိသလောက်ဖြစ်သည်။ ကြယ်စင်စုစံနှုန်းအရ၊ ဤတစ်ခုတည်းသော မျက်နှာပြင်ဒိုင်းမျိုးသည် အလွန်အခြေခံကျ၏။ သို့သော် ၎င်းသည် ဗားရှင်း ၁.၀ တွင် ရှားပါးစက်ပစ္စည်းများဖြစ်သည်။

သူသည် အသံလှိုင်းစက်လုံးလေးခုကို တစ်ကြိမ်တည်းတွင် ထိန်းချုပ်နိုင်သည်။ ထိုထက်ပို၍ ထိန်းချုပ်ခြင်းသည် တိကျမှုနည်းပါးသည်ဟု ဆိုလိုသည်။ ယန္တရားပညာရှင်များအတွက်၊ အားကောင်းသော စက်ယန္တရားများကို ရရှိခြင်းသည် ၎င်း၏ ပါဝါများကို ချက်ချင်း အပြည့်အဝ အသုံးချနိုင်သည်ဟု မဆိုလိုပေ။ ရှုပ်ထွေးသော စက်များစွာသည် သုံးစွဲသူအား ၎င်းတို့၏ စွမ်းရည်ကို အပြည့်အဝအသုံးချနိုင်ရန် ၎င်းတို့နှင့် အလွန်ရင်းနှီးရန် လိုအပ်ပါသည်။ ယန္တရားပညာရှင် ကစားသမားများ၏ ကျွမ်းကျင်မှုသည် ၎င်းတို့၏ အကောင်းဆုံး စက်ယန္တရားများကို micro-control အသေးစိတ်ထိန်းချုပ်မှုဟု ခေါ်ဆိုသည့်အပေါ်တွင် အခြေခံထားသည်။

သို့သော်၊ micro-control အသေးစိတ်ထိန်းချုပ်မှုသည် အတွေ့အကြုံရှိ ယန္တရားပညာရှင်ကြီးဟန်အတွက် အသေးအဖွဲလေးသာ ဖြစ်သည်။

အသံလှိုင်းစက်လုံး ပုံစံအပါအဝင်၊ ငါ့မှာ တိုက်ခိုက်ရေးနည်းလမ်း လေးခုရှိတယ်။ ပင်မစတိုင်က Amphiptere ယန္တရားဝတ်စုံပဲ၊ အဲဒါကို အခြားသုံးမျိုးနှင့်ပူးပေါင်းပြီး တာဝေး၊ တာလတ်နဲ့ အနီးကပ်တိုက်ခိုက်ရေးစတိုင်တွေကို အသုံးပြုနိုင်မယ်။ ဒီအရာတွေက လက်ရှိအခြေအနေအတွက် လုံလောက်လိမ့်မယ်။ လတ်တလောတော့ တိုက်ခိုက်ရေးနည်းသစ်တွေ မလိုအပ်တော့ဘူး။

ဟန်ရှောင်းသည် လူချိန်ပိုင်သောအရာများကို လုယူပြီးသွားကြောင်း ရုတ်တရက် သတိရသွားပြီး သူအစားထိုးထားသော ပုံကြမ်းကို လက်ခံရရှိပြီးနောက် လူချိန်၏ တုံ့ပြန်မှုမှာ မည်သို့ဖြစ်လာမည်ကို တွေးတောနေမိသည်။ အဘိုးကြီးလူက သူ့ကိုရှာပြီး မကျေမနပ် လာပြောနိုင်သည်။

အဲဒါလည်း ကောင်းတာပဲ။ အဘိုးကြီးလူကို မတွေ့ရတာ အချိန်အတော်ကြာနေပြီ၊ သူ့ကို နည်းနည်းတော့ သတိရသား။