ရိုးရှင်းသူ

ဇာတ်ကောင်အဆင့်နှင့် နှိုင်းယှဉ်ပါက စကေးများသည် လူတစ်ဦး၏ တိုက်ခိုက်ရေးစွမ်းရည်ကို တိုက်ရိုက်တိုးမြင့်စေနိုင်သည်။

ဟောက်ထျန်းသည် စကေးများကို တစ်ခုပြီးတစ်ခုထုတ်ကာ သူ၏ပြိုင်ဘက်ကို ကွင်းပလက်ဖောင်းအစွန်းသို့ တွန်းပို့လိုက်သည်။

ဟောင်!

ရုတ်တရက် ကြယ်စင်စစ်တုရင်သည် သူ့ခန္ဓာကိုယ်မှ ပေါက်ကွဲထွက်လာသော စွမ်းအင်များကို ထုတ်လွှတ်လိုက်ပြီး ဟောက်ထျန်း၏ ဆက်တိုက်တိုက်ခိုက်မှုများကို ဖြိုခွင်းရန် မီးတောက်လှိုင်းများ ထွက်ပေါ်လာသည်။

"ကြယ်စင်စစ်တုရင်သည် စွမ်းအင်ပေါက်ကွဲခြင်း ကို အသုံးပြုလိုက်ပြီ!" တိုက်ရိုက်အစီရင်ခံ တင်ဆက်သူက အော်လိုက်သည်။

ဤတိုက်ပွဲများတွင် အနိုင်ရရန် နည်းလမ်းသုံးသွယ်ရှိသည်။ တစ်စုံတစ်ယောက်သည် ပြိုင်ဘက်ကို တိုက်ရိုက်အနိုင်ယူနိုင်သည်၊ ပြိုင်ဘက်က အရှုံးပေးနိုင်သည်၊ သို့မဟုတ် ၎င်းတို့ကို စင်မြင့်ပေါ်မှ တွန်းထုတ်နိုင်သည်။ ကြယ်စင်စစ်တုရင်သည် အစွန်းဘက်သို့ တွန်းပို့ခံနေရပြီဖြစ်ပြီး ၎င်း၏ စွမ်းအင်ပေါက်ကွဲခြင်း ကို အသက်သွင်းရန်မှတပါး ရွေးချယ်စရာမရှိပေ။

သို့သော်လည်း နောက်အခိုက်အတန့်တွင်၊ ဟောက်ထျန်းသည် သူ၏ စွမ်းအင်ပေါက်ကွဲခြင်း ကို အသုံးပြုပြီး ပြင်းထန်သော နွားရိုင်းတစ်ကောင်ကဲ့သို့၊ သူသည် ကြယ်စင်စစ်တုရင်ထံ ပြေးဝင်သွားကာ ကြယ်စင်စစ်တုရင်၏ ကာကွယ်ရေးကို ဖောက်ထွက်ပြီး ပြင်းထန်သော လက်သီးကို ရင်ဘတ်ပေါ်သို့ ထိုးချလိုက်သည်။

ဘုန်း!

ရိုက်ခတ်မှု၏ မသဲမကွဲအသံ ထွက်ပေါ်လာသည်။

ကြယ်စင်စစ်တုရင်သည် ဟန်ချက်ပျက်သွားပြီး ပလက်ဖောင်းပေါ်မှ ပြုတ်ကျကာ မြေပြင်ပေါ်သို့ ကျသွားသည်။ ဖုန်မှုန့်များ တက်လာ၏။

"အနိုင်ရသူ ဟောက်ထျန်း!" တိုက်ရိုက်အစီရင်ခံ တင်ဆက်သူက ကျယ်လောင်သော အသံဖြင့် ကြေညာလိုက်သည်။

"သူနိုင်သွားပြီ!" ပရိသတ်များက စိတ်လှုပ်ရှားစွာ အော်ဟစ်ခဲ့ကြပြီး ဟောက်ထျန်း၏ ပရိသတ်များအားလုံး မတ်တပ်ရပ်ကာ သူ့ကို အားပေးနေကြသည်။

ဆူနာမီကဲ့သို့ လူပေါင်း သောင်းနှင့်ချီသော အော်ဟစ်သံများက ကွင်းအတွင်း ပြည့်လျှံသွားသည်။

ကြယ်စင်စစ်တုရင်သည် နောင်တအပြည့်ဖြင့် အလယ်ဗဟိုမှ ထွက်ခွာသွားခဲ့သည်။ ဤအဖွင့်ပွဲတွင် ပြိုင်ပွဲကို ပြပွဲအနေဖြင့် ကျင်းပခဲ့ခြင်းဖြစ်ပြီး ရလဒ်မည်သို့ပင်ရှိစေကာမူ ပရော်ဖက်ရှင်နယ်ကစားသမားတစ်ဦးတစ်ယောက်မှ ထုတ်ပယ်ခံရမည် မဟုတ်သော်လည်း ကျော်ကြားမှုရရှိရန် အခွင့်အလမ်းကောင်းများ ရှိနေဆဲဖြစ်သည်။ သောင်းနှင့်ချီသော လူများ၏ မျက်စိအောက်တွင်အနိုင်ရခြင်းသည် လူတစ်ဦး၏ဂုဏ်သတင်းကို သက်သေပြရန် အကောင်းဆုံးနည်းလမ်းဖြစ်သည်။ ဒါပေမယ့် အခု သူရှုံးသွားပြီဆိုတော့ သူစီစဉ်ထားတာနဲ့ မတူတော့ဘဲ အာရုံစူးစိုက်မှု အများစုက ဟောက်ထျန်းပေါ်မှာပဲ ရှိနေကြသည်။

ဒါပေမယ့် ပြီးတာက ပြီးသွားပါပြီ။ မျှမျှတတ ရှုံးနိမ့်ခဲ့သည့်အတွက် ကြယ်စင်စစ်တုရင်သည် မပျော်တော့သော်လည်း သူ့ခံစားချက်တွေကို မျိုသိပ်ထားဆဲပင်။

ဖီးနစ်နီသည် သူမ၏ခါးကို လှုပ်ယမ်းကာ ပြုံးလျက် ပလက်ဖောင်း၏ အလယ်ဗဟိုပေါ်သို့ လျှောက်သွားသည်။ “ဒီအဆင့်မြင့်တိုက်ပွဲကို ကျွန်မတို့ဆီ ယူဆောင်လာပေးခဲ့တဲ့ ပရော်ဖက်ရှင်နယ် ကစားသမားနှစ်ယောက်ကို ကျေးဇူးတင်ပါတယ်။ မာစတာ ကြယ်စင်စစ်တုရင်၊ မင်း ကံမကောင်းစွာနဲ့ ရှုံးနိမ့်ခဲ့တယ်။ မင်းမှာ ပြောချင်တာတွေရှိလား"

ကြယ်စင်စစ်တုရင်သည် သူ့ကိုယ်သူ ပြန်ထိမ်းပြီး ပြုံးပြလိုက်သည်။ “ဒါဟာ ပျော်စရာကောင်းတဲ့ တိုက်ပွဲတစ်ခုပါ။ ဒီလူငယ်လေး ဘယ်လောက် သန်မာတယ်ဆိုတာ မျက်မြင်တွေ့လိုက်ရတယ်။ သူ့မှာ အလားအလာ အများကြီးရှိတယ်။ သူလိုလူတွေက ငါ့မျိုးဆက်ရဲ့ မီးရှူးတိုင်ကို ကိုင်ပြီး နိုင်ငံတကာ ဇာတ်ခုံမှာ ဂုဏ်ကျက်သရေအတွက် တိုက်ပွဲဝင်နိုင်လိမ့်မယ်…”

ဒါက လုပ်ရိုးလုပ်စဉ် တစ်ခုသာဖြစ်ကြောင်း သိသာသည်။ ပုံမှန်ဘာသာစကားကို အသုံးပြုပြီး 'လူငယ်' နှင့် 'အသက်ကြီး' ကစားသမားများကို အဆက်မပြတ်ဖော်ပြခြင်းဖြင့် ကြယ်စင်စစ်တုရင်က သူသည် စီနီယာဖြစ်သည်ဟူသောအချက်ကို တိတ်တဆိတ် အလေးပေးထားသည်။

"မင်းရဲ့အတွေးတွေအတွက် ကျေးဇူးတင်ပါတယ်"

ဖီးနစ်နီက ဟောက်ထျန်းဘက်လှည့်ပြီး “မာစတာ ဟောက်ထျန်း၊ မင်းပြောချင်တာ ရှိနေလား”

ဟောက်ထျန်းသည် မိုက်ခရိုဖုန်းအတွက် လက်ကိုဆန့်လိုက်သည်။ ဟောက်ထျန်းသည် နောက်ဆုံးတွင် တစ်ခုခုပြောတော့မည်ဟုတွေးကာ ဖီးနစ်နီသည် ဝမ်းသာသွားပြီး သူမ၏မိုက်ခရိုဖုန်းကို အမြန်ပေးလိုက်သည်။

ဟောက်ထျန်းသည် ကြယ်စင်စစ်တုရင်ကို ခဏတာ ခပ်တည်တည်ဖြင့် စိုက်ကြည့်နေသည်။

"မင်းဒီကို မုန့်ဖိုး ဒါမှမဟုတ် တစ်ခုခုကို ရဖို့ ရောက်နေတာလား။"

ထို့နောက် မိုက်ကို ချလိုက်ပြီး ဘာစကားတစ်လုံးမှ မပြောဘဲ ထွက်သွားသည်။ သူသည် ကြယ်စင်စစ်တုရင်နှင့် ထွေရာလေးပါး ပြောဆိုရန် လုံးဝ ဂရုမစိုက်ကြောင်း ထင်ရှား၏။

ကြယ်စင်စစ်တုရင်၏ အမူအရာသည် ရုပ်ဆိုးသွားကာ သူ့ခေါင်းမှ သွေးပြန်ကြောများ ပေါက်ထွက်လုနီးပါး ဖြစ်နေသည်။ သူ အံကြိတ်လိုက်၏။

ပရိသတ်အများကြီးရှေ့မှာ သူဘယ်လိုပြောရမလဲ‽ ကြယ်စင်စစ်တုရင်က ဒေါသတကြီးဖြစ်နေတယ်။

ကွင်းအတွင်းမှ ပရိသတ်များ ချက်ချင်း ရုတ်ရုတ်သဲသဲ ဖြစ်သွားခဲ့ပြီး ဖီးနစ်နီသည် အရာများကို အဆင်ပြေ ချောမွေ့စေရန် ကြိုးစားနေရသည်။

…

“ဒီကလေးမှာ ထူးခြားတဲ့စရိုက်ရှိတာပဲ။ ငါသဘောကျတယ်" ဟန်ရှောင်းက ပြုံးပြီး ပြောလိုက်သည်။

ဟောက်ထျန်းက အတိတ်ကို သတိရမိသည်။ ဤအဖော်သည် ပရိုဖြစ်ခြင်းနှင့်အတူ ပါလာသော ပေါက်ကရကိစ္စများကို စိတ်မ၀င်စားဘဲ မီးမောင်းများအောက်တွင် ရှိနေခြင်းကို မုန်းတီးခဲ့သည်။ သူသည် သူ့ကိုယ်သူ တစ်ချိန်လုံး လေ့ကျင့်ရန် အာရုံစိုက်ခဲ့ပြီး အလွန်ကျွမ်းကျင်ပြီး ဖြောင့်မတ်သူဖြစ်သည်။ တစ်နည်းဆိုရသော် ဂိမ်းသရဲနှင့် ရိုးရှင်းသူ၏ ပေါင်းစပ်မှုဖြစ်သည်။

ပြုစုပျိုးထောင်ရန် ကစားသမားများကို ရှာဖွေရာတွင် ဟန်ရှောင်း၏ လိုအပ်ချက်မှာ အခြေခံအားဖြင့် သူ၏ယခင်ဘဝ မည်မျှကျော်ကြားပြီး ကစားသမားဘဝတွင် အလားအလာမည်မျှရှိခဲ့သည်သာဖြစ်သည်။ လူညံ့များ သို့မဟုတ် အခြားအရာများကို နှိမ့်ချခြင်းမဟုတ်သော်လည်း ပရိုများက သူ့အရင်းအမြစ်များကို ပိုမိုကောင်းမွန်ထိရောက်စွာ အသုံးချနိုင်သောကြောင့် ပိုမိုကောင်းမွန်သော ပြန်လည်ရရှိမှုကို ပေးစွမ်းသည်။

လက်ရှိ အရင်းအမြစ်များနှင့်အတူ၊ ဟန်ရှောင်းသည် ကစားသမားတစ်ယောက်ကို လက်ရှိ ကစားသမားများကြားတွင် လုံးဝအောင်မြင်သည့် အခြေအနေအထိ အလွယ်တကူ ပြုစုပျိုးထောင်နိုင်သည်။ သို့သော် ရေရှည်တွင် အကျိုးမရှိသောကြောင့် ထိုသို့မလုပ်ခဲ့ပေ။ ဟန်ရှောင်းသည် ဓါးရူးနှင့် အခြားသူများ ပေးဆောင်ခဲ့သော အကျိုးကျေးဇူးများအားလုံးသည် လက်ရှိ ကစားသမားများ၏ အဆင့်နှင့် နှိုင်းယှဉ်ပါက သဘာဝမကျပေ။

လက်ရှိကစားသမားများတွင် ပင်ကိုယ်အရည်အသွေးများ အားနည်းသော်လည်း၊ သူတို့သည် သူတို့၏ ဇာတ်ကောင်များကို ထိန်းချုပ်ရာတွင် ညံ့သည်ဟု မဆိုလိုပေ။ ယင်းကို စိတ်ထဲတွင်ထားကာ ဟန်ရှောင်းသည် ကစားသမားများထံမှ များစွာသင်ယူနိုင်သေးသည်။ လက်ရှိ ရေပင်လယ်ဂြိုလ်မှာ သူမည်မျှပင် အစွမ်းထက်သော်လည်း ကစားသမားတွေဆီကနေ သူသင်ယူခဲ့တဲ့ နည်းစနစ်အသစ်က အနာဂတ်တိုက်ပွဲတွေမှာ အသုံးဝင်မှာ သေချာ၏။

အမျိုးမျိုးသောစွမ်းရည်များကို တန်ပြန်ခြင်း၊ အရေးပေါ်အခြေအနေများတွင် တန်ပြန်အရေးယူမှုများလုပ်ဆောင်ခြင်း၊ လှုပ်ရှားမှုထိန်းချုပ်ခြင်း၊ အလုံးစုံမက်ခရို... အစရှိသည်တို့အားလုံးသည် ပရော်ဖက်ရှင်နယ်ပြိုင်ပွဲများ၏ တစ်စိတ်တစ်ပိုင်းဖြစ်သည်။

ကစားသမားများအားလုံးသည် ၎င်းတို့၏ ကိုယ်ပိုင်နည်းလမ်းဖြင့် တီထွင်ခဲ့ကြပြီး မတူညီသောစွမ်းအားများ အချင်းချင်း ထိပ်တိုက်တွေ့ကြသည်ကို ကြည့်ရှုခြင်းသည် ဤတိုက်ပွဲများ၏ စိတ်ဝင်စားစရာကောင်းသည့် အသွင်အပြင်တစ်ခုဖြစ်သည်။ ဥပမာအားဖြင့်၊ ဟောက်ထျန်းသည် ကြယ်စင်စစ်တုရင်၏ [မြေလှိုင်း] မရှိသော်လည်း၊ သူသည် အခြားသော ဝှက်ဖဲများကို အသုံးပြုနိုင်သည်။ ဤအမျိုးမျိုးသောစွမ်းရည်များကို အပြည့်အ၀အသုံးချနိုင်ပြီး တိုက်ပွဲများတွင်ပင် ပေါင်းစပ်နိုင်ခြင်းကြောင့် ပုံမှန်ကစားသမားများနှင့် ကွာခြားသွားခြင်းပင်ဖြစ်သည်။

ထို့အပြင် မိမိကိုယ်မိမိ ကောင်းစွာ ဖွံ့ဖြိုးတိုးတက်အောင် စွမ်းဆောင်နိုင်သည်ကိုလည်း ခွန်အားတစ်ခုအဖြစ် မှတ်ယူသည်။ လက်ဝှေ့ပွဲကို နမူနာယူကြည့်လျှင်၊ အကယ်၍ A သည် သူ့ကိုယ်သူ လေ့ကျင့်ရန် နေ့တိုင်း ကြိုးကြိုးစားစား လုပ်ပြီး B သည် တစ်နေကုန် အနားယူနေချိန်တွင် သဘာဝအတိုင်း A သည် တိုက်ပွဲတွင် B ထက် ရုပ်ပိုင်းဆိုင်ရာ အားသာချက် ရှိမည်ဖြစ်သည်။ ဒါမှမဟုတ် A က ပိုကောင်းတဲ့ အဆက်အသွယ်တွေ ရှိပြီး သူ့အတွက် လှုပ်ရှားမှုအသစ်တွေ သင်ပေးဖို့ ဆရာတစ်ယောက် ရှာတွေ့နိုင်ချိန်တွင် B က သူ့ဘာသာသူပဲ လေ့ကျင့်နိုင်၏။ A က ရပ်တန့်ပြီး B က အမီလိုက်နိုင်ရန် စောင့်ရမည်ဟု စည်းကမ်းမရှိပေ။

ဤသဘောတရားကို ကစားသမားများအတွက်လည်း အသုံးချနိုင်သည်။ မွန်းစတားများကို မွေးမြူခြင်း၊ မစ်ရှင်များ ပြီးမြောက်ခြင်း သို့မဟုတ် ပိုမိုကောင်းမွန်သော စက်ကိရိယာများ လုယက်ခြင်း မည်မျှပင် ပြင်ဆင်ထားပါစေ၊ တကယ့်တိုက်ပွဲတွင်၊ ၎င်းသည် တစ်စုံတစ်ယောက်၏ စွမ်းဆောင်နိုင်မှုအပေါ် သက်ရောက်မည်ဖြစ်သည်။ သူ့အလေ့အကျင့်မရှိခြင်းကြောင့် B သည် တိုက်ပွဲတစ်ခုလုံး A ၏ ရိုက်နှက်ခြင်း ခံရနိုင်သည်။ သို့သော် B ရှုံးခါနီးလေးမှာ A က လုပ်ခဲ့တဲ့အမှားကို လိုက်ဖမ်းပြီး အခြေအနေ ပြောင်းပြန်ပြန်ဖြစ်ကာ တစ်ချက်တည်းနှင့် KO သွားနိုင်သည်။ ဒီလိုမျိုး ကိစ္စများသည် ပြိုင်ပွဲတွေမှာ အလွန်အတွေ့များ၏။

ပြိုင်ဆိုင်မှုများသည် မမျှော်လင့်ထားတဲ့ ရလဒ်တွေနဲ့ ထွက်လာတတ်ပြီး ဒါက စိတ်ဝင်စားဖို့ကောင်းစေတဲ့အရာပင်။

ဟန်ရှောင်းသည် ကြယ်များဆီသို့ စွန့်စားရန် အခွင့်အရေး နောက်ထပ် လေးငါးလအတွင်း ရောက်လာဦးမည် မဟုတ်ပေ။ ပြိုင်ပွဲရာသီ အလယ်မှာ ရှိနေသောကြောင့် ဟန်ရှောင်းသည် ဤအချိန်တွင် နောက်ထပ် အလားအလာရှိသည့် တပည့်များကို ရှာဖွေဖို့ စီစဉ်ထား၏။ သူ့အတွက်ကတော့ ကစားသမားများသည် လက်ရှိကမ္ဘာကြီးတစ်ခုလုံးရဲ့ တန်ဖိုးအရှိဆုံး အရင်းအမြစ်များပင်။

အခမ်းအနားအပြီးတွင် ပုံမှန်ပွဲများကို စတင်ကျင်းပခဲ့သည်။ တိုက်ပွဲစင်္ကြံဆယ်ခုစလုံးတွင် ဒိုင်တစ်ဦးစီရှိကာ အားလုံးသည် တစ်ချိန်တည်းတွင် ဆက်လက်ယှဉ်ပြိုင်ကစားမှုများရှိနေသည်။ ပြိုင်ပွဲအတွက် စာရင်းပေးသွင်းထားသည့် ကစားသမားပေါင်း တစ်သောင်းခန့်ရှိပြီး ၎င်းတို့အားလုံးသည် ပထမဆုံး ရှုံးထွက်အဆင့်ကို ဖြတ်သန်းနေရသည်။ ပွဲတိုင်းသည် ရိုးရှင်းပြီး ပျမ်းမျှအားဖြင့် ဆယ်မိနစ်ခန့်သာ ကြာ၏။

ရှုံးထွက်အဆင့် နောက်ဆုံးအကျော့သို့ ဝင်ရောက်လာမှသာ ပြိုင်ပွဲသည် အရှိန်လျော့သွားမည်ဖြစ်ပြီး ကစားသမားများကို တစ်ဦးချင်းစီ မိတ်ဆက်ရန် အချိန်ပေးမည်ဖြစ်သည်။

ဓါးရူးနှင့် Bun-hit-dog ၏ ပွဲစဉ်များကို မတူညီသောနေ့တွင် ကျင်းပခဲ့ပြီး၊ ဟန်ရှောင်းသည် ငြီးငွေ့လာကာ တိုက်ပွဲများစွာကို ကူးပြောင်းပြီးနောက် ဖိုရမ်များသို့ သွားခဲ့သည်။

အဖွင့်ပွဲစဉ်နှင့် ပတ်သက်ပြီး စိတ်လှုပ်ရှားစွာ ဆွေးနွေးနေကြသည့် ကစားသမားများ အများကြီးရှိနေကြသည်။ ဟောက်ထျန်း၏ စွမ်းဆောင်မှုသည် ချီးကျူးမှုများစွာကို ရရှိခဲ့ပြီး ‘ရှည်လျားကောင်းကင်ကလပ်’မှလည်း အဖွင့်တိုက်ပွဲတွင် အောင်ပွဲရရှိခဲ့သည့်အတွက် ဟောက်ထျန်းအား ဂုဏ်ပြုကြောင်း ၎င်းတို့၏ တရားဝင်သတင်းစကားကို ထုတ်ပြန်ခဲ့သည်။

…

ရက်အနည်းငယ်ကြာပြီးနောက်…

ကစားသမားများ အချင်းချင်း ဖယ်ထုတ်ခံရပြီး ပရိသတ်၏ စိတ်လှုပ်ရှားမှုသည် ယခင်ကထက် ပိုမိုများပြားလာသည်။ ဒါကို ဟန်ရှောင်းလည်း ဝမ်းမြောက်နေမိသည်။

ကုန်ပစ္စည်းများရောင်းချခြင်း၊ ကိရိယာတန်ဆာပလာများ ဖန်တီးခြင်းနှင့် ဟီလာနှင့် လေ့ကျင့်ခြင်းအပြင် သူသည် သူ၏အားလပ်ချိန်အများစုကို တိုက်ပွဲများကြည့်ရှုခြင်းဖြင့် ကုန်ဆုံးစေသည်။ သူသည် ကျပန်းမြေပုံပေါ်တွင် အဖွဲ့နှစ်ဖွဲ့ အချင်းချင်း တိုက်ခိုက်ရန် ကြိုးစားသည့် အဖွဲ့တိုက်ပွဲများကို အဓိက အာရုံစိုက်ခဲ့သည်။ အသင်းတစ်သင်းလျှင် ကစားသမားခြောက်ဦးစီ စေလွှတ်ခွင့်ပြုခဲ့သည်။

‘တိုက်ခိုက်သူ’၊ ‘အက်စ်ပါ’ နှင့် ယန္တရားပညာရှင်။ ဤအတန်းအစားသုံးမျိုးတွင် အလွန်ကွဲပြားသော တိုက်ခိုက်ရေးပုံစံများ ပါရှိပြီး အဖွဲ့လိုက်ပေါင်းစပ်မှုနှင့် စကေးကွင်းဆက်များစွာကို ခွင့်ပြုထားသည်။ ထို့အပြင် မြေပြင်အနေအထား ကွဲပြားမှုများကို ထည့်သွင်းစဉ်းစားကာ အဖွဲ့လိုက်တိုက်ပွဲများသည် တစ်ဦးချင်းတိုက်ပွဲများထက် ကြည့်ရှုရန် ပို၍ပျော်စရာကောင်းနေသည်။

သာမာန်အဖွဲ့များသည် tank ပင်မအမာခံ၊ melee အနီးကပ်တိုက်ခိုက်သူ၊ ranged အဝေးပစ်တိုက်ခိုက်သူနှင့် crowd control လူစုလူဝေးထိန်းချုပ်မှု တာဝန်ခံတစ်ဦးတို့ဖြင့် ဖွဲ့စည်းထားသည်။ အခန်းကဏ္ဍတစ်ခုစီအတွက် အရေအတွက်သည် အသင်း၏ နည်းဗျူဟာပေါ် မူတည်၍ ကွဲပြားသည်။

‘တိုက်ခိုက်သူ’သည် ပင်မအမာခံအတွက် ရေပန်းအစားဆုံး အတန်းအစား ဖြစ်သည်။

တစ်ဖက်တွင်၊ ‘အက်စ်ပါ’ သည် ဂျိုကာကဲ့သို့ ဖြစ်သည်။ ၎င်းတို့၏ မတူညီသော စွမ်းရည်များကြောင့် ‘အက်စ်ပါ’ သည် တိုက်ပွဲတွင် အနီးကပ်နှင့် အဝေးပစ် အခန်းကဏ္ဍနှစ်ခုစလုံးတွင် ပါဝင်နိုင်သည်။

ယန္တရားပညာရှင်များသည် ပင်မတိုက်ခိုက်သူ၏ အခန်းကဏ္ဍမှ ပါဝင်ခဲ့ပြီး ၎င်းတို့၏ အသင်းဖော်၏ အကာအကွယ်အောက်တွင် ပေါက်ကွဲပျက်စီးမှုများကို ဆောင်ရွက်ပေးသည်။