ဓါးရူး၏ ပထမတိုက်ပွဲ

ယန္တရားပညာရှင် အတန်းအစား၏ ပင်မအတန်းအစား ပြောင်းလဲမှုသစ်ပင် (၃)မျိုးအနက်၊ အမြောက်မာစတာသည် ကစားသမားများကြားတွင် ရေပန်းအစားဆုံးဖြစ်သည်။ ၎င်းသည် ယုံကြည်စိတ်ချရသော အဝေးပစ် တိုက်ခိုက်သူအဖြစ် ဆောင်ရွက်နိုင်သည်။ ဂိမ်း၏အစောပိုင်းအဆင့်ကြောင့် ယန္တရားပညာရှင်နှင့် တိုက်ခိုက်ရေးယန္တရားပညာရှင်များသည် တိုက်ပွဲ၌ အတော်လေးအဆင်မပြေသေးပေ။ ထိုအတန်းအစားနှစ်ခုတွင် ပြိုင်ပွဲဝင်သူ သုညနီးပါးရှိသည်။

ယန္တရားပညာရှင်များသည် အထူးသဖြင့် ၎င်းတို့သည် ကစားသမားတစ်ဦးဖြစ်ပါက ဟန်ရှောင်းကဲ့သို့ များပြားလှသော အရင်းအမြစ်များကို သုံးစွဲခွင့်မရရှိခဲ့သည်မှာ သေချာသည်။ အနိုင်ရရန် အခကြေးငွေမပေးဘဲ ယန္တရားပညာရှင်များ၏ တိုက်ခိုက်ရေးစွမ်းရည်မှာ အထင်ကြီးစရာမရှိပေ။

တိုက်ခိုက်ရေးယန္တရားပညာရှင်များသည် ဤနေရာတွင် ဂိမ်းအတွင်းရှိ သာမန် ‘တိုက်ခိုက်သူ’များ၏ အားနည်းသောဗားရှင်းနှင့်တူသည်။ ထို့အပြင်၊ တာရှည်ခံမှု ကုန်သွားတိုင်း သူတို့၏ ကိရိယာများကိုပင် ပြုပြင်ရသေးသည်။ ‘တိုက်ခိုက်သူ’သည် လူသားဒိုင်းအဖြစ် ဆောင်ရွက်ခြင်းက ပို၍ ကောင်းမွန်နေသေးသည်။

ဟန်ရှောင်းသည် ဤအကြောင်းအရာကို သဘောမတူပေ။ တိုက်ခိုက်ရေးယန္တရားပညာရှင်များသည် ဗားရှင်း ၁.၀ တွင် အတော်လေး အားကောင်းနေပြီဖြစ်သည်။ ၎င်းတို့တွင် ဆိုးရွားသော ကိရိယာများ မရှိသရွေ့ ၎င်းတို့သည် အမာခံနှင့် တိုက်ခိုက်သူ နှစ်ဦးစလုံး အလွယ်တကူ ဖြစ်လာနိုင်သည်။ သူတို့၏ စက်ကိရိယာ အမျိုးမျိုးကြောင့် မတူညီသည့် ပတ်ဝန်းကျင်နှင့် လိုက်လျောညီထွေဖြစ်အောင်လည်း လိုက်လုပ်နိုင်သည်။ သို့သော်၊ တိုက်ခိုက်ရေးယန္တရားပညာရှင် အတန်းအစားတွင် သူတို့၏ စက်ယန္တရားများကို ထိန်းချုပ်ရန် လိုအပ်သောကြောင့် ‘တိုက်ခိုက်သူ’များထက် ပိုမိုမြင့်မားသော စကေးရှိနေသည်။

စက်ကိရိယာကောင်းများ လိုအပ်ခြင်းနှင့် ပိုမိုခက်ခဲသော ထိန်းချုပ်မှုများ ပေါင်းစပ်ခြင်းသည် တိုက်ခိုက်ရေးယန္တရားပညာရှင်များအဖြစ် ကစားရန် ရွေးချယ်သူ မရှိသလောက် ရှားသည်ဟု ဆိုလိုခြင်းဖြစ်သည်။

ယန္တရားပညာရှင်များသည် အုပ်စုပွဲစဉ်များတွင် အတော်လေး အသုံးတည့်သော်လည်း တစ်ဦးချင်းတိုက်ပွဲများတွင် စွမ်းဆောင်ရည် ညံ့ဖျင်း၏။ အခြားအတန်းအစားနှစ်ခုမှ ကစားသမားများသည် ယန္တရားပညာရှင်နှင့် ယှဉ်ပြိုင်ပါက ကံကောင်းသည်ဟု ယူဆလေ့ရှိသည်။

ရှုံးထွက်ပွဲစဉ်ပေါင်း အကြိမ်တစ်ထောင်နီးပါး ပြီးသည့်နောက်တွင် ယန္တရားပညာရှင်သည် ၁၄ကြိမ်သာ အနိုင်ရခဲ့သော်လည်း ၆၄ကြိမ် ရှုံးနိမ့်ခဲ့ပြီးဖြစ်သည်။

ဖိုရမ်များရှိ ကစားသမားအများအပြားက ယန္တရားပညာရှင်များသည် PVP အတွက် မသင့်လျော်ကြောင်း သဘောတူညီမှု ရရှိခဲ့ကြသည်။ သူ့ဖာသာသူ တိုက်ပွဲများစွာကို ကြည့်ပြီးနောက် ဟန်ရှောင်းက ယန္တရားပညာရှင်သည် ဖွံ့ဖြိုးတိုးတက်ရန် အချိန်ပိုကြာမည့် အတန်းအစားဖြစ်ပြီး၊ အတန်းအစား၏ ကျွမ်းကျင်သော ထိန်းချုပ်မှုများအတွက် တောင်းဆိုမှုကြောင့်၊ ၎င်းသည် ဤမျှစောသော PVP တိုက်ပွဲအတွက် မသင့်တော်သော အတန်းအစားဖြစ်ကြောင်း နားလည်သွားသည်။

ထို့အပြင်၊ မက္ကင်းနစ်များပြုလုပ်သော စက်ပစ္စည်းအများစုသည် တိုက်ပွဲတစ်ခုတွင် ကွာခြားမှုများစွာကို အမှန်တကယ် ဖြည့်စွက်ရန် လုံလောက်အောင် အဆင့်မမြင့်သေးပေ၊ အထူးသဖြင့် အခြားအတန်းများတွင်လည်း အခြေခံပစ္စည်းများကို အသုံးပြုခွင့်ရသည့်အခါတွင် ပိုဆိုး၏။

ယန္တရားပညာရှင် အတန်းအစားသည် ကစားသမား၏ စက်ပစ္စည်းများအပေါ်တွင် ကြီးမားစွာ မှီခိုနေပြီး ဂိမ်းဗားရှင်းအသစ်များ ထွက်ရှိလာသည်နှင့်အမျှ ကစားသမားများသည် ပိုမိုကောင်းမွန်သော စက်ကိရိယာများကို အသုံးပြုခွင့်ရလာပြီး အတန်းအစား၏ အစွမ်းသတ္တိကိုလည်း ထုတ်ဖော်ပြသနိုင်မည်ဖြစ်သည်။

ယနေ့ ဓါးရူးသည် ပြိုင်ပွဲတွင် ပထမဆုံးအကြိမ် တိုက်ခိုက်ခြင်း ဖြစ်သည်။ သူနဲ့တွေ့တဲ့ ပြိုင်ဘက်ကတော့ ‘အက်စ်ပါ’ ဖြစ်၏။ ဟန်ရှောင်းသည် ဤတိုက်ပွဲကို တိုက်ရိုက်ကြည့်ရှုနေသည်။

ဓါးရူးသည် တိုက်ခိုက်ရေးယန္တရားပညာရှင် တစ်ဦးဖြစ်ပြီး ဟန်ရှောင်းထံမှ 'အကျိုးကျေးဇူးများ' အများအပြားရရှိထားသည်။ သူမလိုအပ်တော့သည့် ကိရိယာများ ဖြစ်၏။ ဓါးရူးသည် သံလိုက်ချပ်ဝတ်ကို ၀တ်ဆင်ထားပြီး အကြီးစား ယန္တရားလက်ကိုလည်း သူ့လက်မောင်းတွင် ချိတ်ဆက်ထားသည်။ တခြားအပိုပစ္စည်း အများအပြားကိုလည်း သူနဲ့အတူ ယူဆောင်လာပြီး သူ့ခန္ဓာကိုယ်တွင် ချိတ်ဆွဲထားသည်။ သူသည် သံချပ်ကာအပြည့်ဖြင့် ၀တ်ဆင်ထားပြီး သံချပ်ကာဝတ် သူရဲကောင်းတစ်ဦးကဲ့သို့ နေရောင်အောက်တွင် အေးစက်မှု ထုတ်လွှတ်ပေးနေသည်။

ပြိုင်ဘက်သည် ရေခဲအမျိုးအစား ‘အက်စ်ပါ’ ဖြစ်သည်။ သူ့လက် ဝှေ့ယမ်းမှုနှင့်အတူ၊ သူသည် ကွင်းပြင်ကို ရေခဲအလွှာတစ်ခုဖြင့် ချက်ချင်းဖုံးအုပ်ကာ ဓါးရူး၏ လှုပ်ရှားမှုအမြန်နှုန်းကို လျှော့ချလိုက်ပြီး သူ၏ အမြန်နှုန်းကို တိုးလိုက်သည်။

‘အက်စ်ပါ’ သည် စွန်ပစ်ကစားသမားဖြစ်ပြီး၊ ထို့နောက်တွင် သူသည် အဆင့်မြှင့်တင်ထားသော ချေမှုန်းရေးရိုင်ဖယ်ကို ထုတ်ကာ ဓါးရူးကို စတင်ပစ်ခတ်ခဲ့ပြီး၊ ဓါးရူး၏ ချပ်ဝတ်တန်ဆာတွင် မီးပွားများ လွင့်စင်သွားသည်။

{TL Notes: kiting = စွန်ပစ်ခြင်း - စွန်လွှတ်သလိုမျိုး အတိုးအလျော့လုပ်ပြီး ကစားတာကို ဆိုလိုတာပါ။ ပြိုင်ဘက်ကစားသမား တိုက်ခိုက်နိုင်တဲ့ အကွာအဝေးအပြင်ဘက်မှာနေပြီး အဝေးကနေ တိုက်ခိုက်တယ်၊ ပြိုင်ဘက်က အနီးကို တိုးကပ်လာရင် အဝေးကို ပြေးထွက်ပြီး အကွာအဝေးကို ထိန်းထားတယ်။ တဖြည်းဖြည်းချင်း အမှည့်ခြွေကစားတာမျိုးပေါ့။}

“အကွာအဝေးလက်နက်တွေနဲ့ ပေါင်းစပ်ထားတဲ့ ရေခဲစွမ်းရည်ဟာ စွန်ပစ်တာအတွက် တွဲကစားဖို့ကောင်းတဲ့ ပေါင်းစပ်မှုတစ်ခုပဲ။” ဟန်ရှောင်း ခေါင်းညိတ်လိုက်သည်။

သေနတ်များနှင့် အခြားပစ္စည်းများကို အတန်းအစားအားလုံးမှ ကစားသမားများ ရရှိနိုင်သော်လည်း ယန္တရားပညာရှင်၏ စက်ယန္တရားရင်းနှီးမှု မပါပါက၊ အဆိုပါလက်နက်များသည် အခြေခံ ထိခိုက်ပျက်စီးစေမှုကိုသာ ထုတ်ပေးနိုင်မည်ဖြစ်သည်။

ကျည်ဆန်များကို ရှောင်ဖို့ ကြိုးစားရင်း ဓားရူးသည် ရေခဲပြင်ကို ဖြတ်ကျော်သွားသည်။ သူ့တွင် အလွန်ကောင်းမွန်သော ချပ်ဝတ်တန်ဆာ တပ်ဆင်ထားသောကြောင့် ချေမှုန်းရေးရိုင်ဖယ်သည် သူ့အတွက် များစွာ ခြိမ်းခြောက်မှု မရှိပေ။ သို့သော်လည်း ‘အက်စ်ပါ’ ကစားသမားသည် စွန်ပစ်ရန် စီစဉ်ခဲ့ပြီး ဓါးရူး၏ သွေးအမှတ်ကို ဖြည်းညှင်းစွာ လျှော့ချရန် စီစဉ်ခဲ့သည်။

ကျည်ဆန်များသည် လေးလံသော ချပ်ဝတ်တန်ဆာပေါ်တွင် တစ်လုံးပြီးတစ်လုံး ကျရောက်ခဲ့သော်လည်း ရုတ်တရက် ရပ်တန့်သွားသည်။ ‘အက်စ်ပါ’ သည် ကျည်ဆန်ကုန်သွားသည် ။ သူကျည်ပြန်ဖြည့်ဖို့ ကြိုးစားနေချိန်မှာပဲ ဓါးရူးက ဒီအခွင့်အရေးကိုယူပြီး သူ့ခြေထောက်ပေါ်ရှိ စွမ်းအားမြှင့်စက်၏ အကူအညီနှင့် ရှေ့ကို ခုန်တက်သွား၏။ သူ့ခြေထောက်တွေက မြေပြင်ပေါ်ကနေ ပေါက်ကွဲထွက်ပြီး သူရပ်နေတဲ့ ရေခဲမျက်နှာပြင်ကို ကွဲအက်သွားသည်။

ဓားရူးသည် လေထဲသို့ ပျံတက်သွားပြီး ‘အက်စ်ပါ’ ဆီသို့ လျင်မြန်စွာ နီးကပ်သွားသည်။

‘အက်စ်ပါ’ ကစားသမားသည် သူ၏ ချေမှုန်းရေးရိုင်ဖယ်ကို အမြန်ပစ်ချပြီး သူ့နောက်ကျောမှ လက်ပစ်ဗုံးလောင်ချာကို ထုတ်ကာ လေထဲရှိ ဓါးရူးကို ချက်ချင်းပင် ပစ်လွှတ်လိုက်လေသည်။

ဘုန်း!

ဓါးရူးရှိနေသည့် နေရာတွင် ပေါက်ကွဲမှုတစ်ခု ဖြစ်ပွားခဲ့ပြီး တောက်ပသော အလင်းတန်းတစ်ခု ဖြစ်ပေါ်ကာ ပလက်ဖောင်းပေါ်တွင် ဖုန်မှုန့်များ လွင့်စင်သွားသည်။

မီးခိုးတွင်းမှ ဂီယာများ ပြောင်းလဲသံ ရုတ်တရက်ထွက်ပေါ်လာပြီး သတ္တုကြိုးလေးတစ်ချောင်းသည် အက်စ်ပါကစားသမားကို ချိတ်ဆွဲကာ ဓါးရူးသို့ လျင်မြန်စွာ ပြန်ဆွဲခေါ်သွား၏။

ဘန်း!

နှစ်ယောက်သား ထိခိုက်မှုကြောင့် မြေပြင်ပေါ်သို့ လူးလဲကျသွားသည်။ အနီးကပါတိုက်ပွဲသည် ဓါးရူး၏ အားသာသည့်အရာဖြစ်ပြီး အနည်းငယ် အပြန်အလှန် ထိုးနှက်ပြီးနောက် ‘အက်စ်ပါ’ ကို လျင်မြန်စွာ ပွဲသိမ်းပေးလိုက်သည်။

"မီးခိုးနဲ့ မြင်နိုင်စွမ်းကို လျှော့ချပြီး ချိတ်ရဲ့ ထိမှန်နိုင်ခြေကို တိုးမြှင့်ပေးတယ်။" ဟန်ရှောင်းခေါင်းညိတ်လိုက်သည်။ သူသည် တိုက်ပွဲတွင် အသေးစိတ် အချက်အလက်တိုင်းကို အာရုံစိုက်နေသည်။ ဓါးရူးသည် တိုက်ခိုက်ရေးယန္တရားပညာရှင်၏ စွမ်းရည်များနှင့် စက်ကိရိယာများကို အလွန်ကောင်းမွန်သောအဆင့်အထိ အသုံးပြုနိုင်ပြီး ရှားပါးသော ယန္တရားပညာရှင် ကစားသမားများထဲမှ တစ်ဦးအဖြစ် သတ်မှတ်ခံရနိုင်သည်။

လက်ရှိအချိန်မှာတော့ ဘယ်ကစားသမားကမှ သူတို့ လုံးဝ ယုံကြည်နိုင်သည့် အနေအထားကို မရောက်သေးပေ။ အတန်းအစားတိုင်းတွင် အားနည်းချက်များရှိသည်ကို အခွင့်ကောင်းယူနိုင်သည်။ ရေခဲအမျိုးအစား ‘အက်စ်ပါ’ တွင်၊ တိုက်ခိုက်ရေးယန္တရားပညာရှင်သည် အကွာအဝေးကို နီးကပ်စေရန် ၎င်းတို့၏စက်ပစ္စည်းများကို အသုံးပြုနိုင်သည်၊ ‘တိုက်ခိုက်သူ’များသည် စွမ်းအင်ပေါက်ကွဲခြင်း သို့မဟုတ် အခြားသော လှုပ်ရှားမှုစကေးများကို အသုံးပြုနိုင်ပြီး အခြားသော ‘အက်စ်ပါ’ တွင်လည်း ၎င်းတို့၏ကိုယ်ပိုင်နည်းဗျူဟာများရှိသည်။

...

သူသည် လူသိမများသေးသဖြင့် ဓါးရူး၏ အောင်ပွဲသည် အာရုံစူးစိုက်မှုများစွာ မရရှိခဲ့ပေ။ ထို့အပြင် ၎င်းသည် ရှုံးထွက်ပွဲစဉ်လေး တစ်ခုမျှသာ ဖြစ်သည်။ သို့သော်၊ ဟန်ရှောင်းသည် ဓါးရူးသည် ထိုတိုက်ပွဲတွင် ကြယ်ပွင့်များကဲ့သို့ စွမ်းဆောင်မှုကို ပြသခဲ့သည်ဟု ထင်နေသည်။ ဒီဓားရူးသည် အရင်တုန်းက ဓားရူးလောက် ကောင်းလားဆိုတာ သူမသိပေ။

ကမ္ဘာတဝှမ်းမှ ကစားသမားများ အားလုံး တိုက်ပွဲများတွင် အားကုန်ထုတ် ယှဉ်ပြိုင်ခဲ့ကြပြီး မကြာမီ ရက်ပေါင်း နှစ်ဆယ် ကုန်ဆုံးသွားသည်။ ကစားသမားများ၏ ၈၀မှ ၉၀ရာခိုင်နှုန်းကို ဖယ်ထုတ်ခဲ့ပြီး ကျန်ရှိခဲ့သည့် လူများမှာ ထိပ်တန်းကစားသမားများဖြစ်သည်။

ဓါးရူးသည် အတားအဆီးများ တစ်ခုပြီးတစ်ခု ကျော်ဖြတ်ခဲ့ပြီးနောက် ယခုအချိန်အထိ တစ်ပွဲမှ မရှုံးခဲ့သဖြင့် လူများက သူ့ကို အာရုံစိုက်လာကြသည်။ ပြိုင်ပွဲ၏ ဤနေရာအထိ အောင်နိုင်ခဲ့သည့် ယန္တရားပညာရှင် အရေအတွက်မှာ အလွန်နည်းပါးသည်။ ထို့ကြောင့်၊ တိုက်ခိုက်ရေးယန္တရားပညာရှင် တစ်ဦးအနေဖြင့် ဓါးရူးသည် စူးစမ်းလိုသော ကစားသမားများစွာ၏ စိတ်ဝင်စားမှုကို ဆွဲဆောင်ခဲ့သည်။ သူ့အရင်ပွဲအများစုကို ကစားသမားများက ပြန်ကြည့်ကြသည်။

“ဒါက တိုက်ခိုက်ရေးယန္တရားပညာရှင်တွေ တိုက်ခိုက်ပုံလား။ သူက ပစ္စည်းအများကြီး ယူလာပုံရတယ်။ ရှုပ်ထွေးတဲ့ပုံပဲ။”

“လက်နက်မျိုးစုံ ပစ္စည်းကိရိယာတွေနဲ့ သူလုပ်ထားတဲ့ ပေါင်းစပ်မှုက တကယ်ကို မိုက်တယ်ထင်ရပေမယ့် ဆွဲထုတ်ဖို့ တော်တော်ခက်ပုံရတယ်။”

"ဒါက ဘာကြီးလဲ။ သူ့မှာ ဂီယာကောင်းတွေ အများကြီးရှိတယ်။ အဲဒီပစ္စည်းတွေအားလုံးကို ဖယ်ထုတ်ပြီး ‘တိုက်ခိုက်သူ’ကို အနိုင်ယူနိုင်မလား။”

"ဗျဲ... တိုက်ခိုက်ရေးယန္တရားပညာရှင်က အကြောင်းပြချက်မရှိဘဲ သူတို့ရဲ့ ခန္ဓာကိုယ်နဲ့ ဘာကြောင့် တိုက်ခိုက်ရမှာလဲ"

ဖိုရမ်များတွင် မတူညီသော ထင်မြင်ယူဆချက်များဖြင့် ပြည့်နှက်နေသော်လည်း ခြုံငုံကြည့်လျှင် ဓါးရူးသည် နောက်ဆုံးတွင် သူ့ကိုယ်သူ နာမည်တစ်ခု သတ်မှတ်နိုင်ခဲ့သည်။ ‘တိုက်ခိုက်သူ’နှင့် ‘အက်စ်ပါ’ များဖြင့် ပြည့်နှက်နေသော ပြိုင်ပွဲတစ်ခုတွင်၊ သူ၏ တိုက်ခိုက်ရေးယန္တရားပညာရှင် အတန်းအစားသည် လတ်ဆတ်သော လေထုတစ်ခုကို ရှုရှိုက်ရသလိုပင်။

သို့သော်လည်း ဓါးရူး၏ ကျော်ကြားမှုသည် လက်ရှိ အဟော့ဆုံး ဟောက်ထျန်းနှင့် နှိုင်းယှဉ်လျှင် ဘာမှမဟုတ်ပေ။

‘ရှည်လျားကောင်းကင်ကလပ်’မှ ပရော်ဖက်ရှင်နယ် ကစားသမားတစ်ဦးအနေဖြင့် ဟောက်ထျန်းသည် ပထမအချီကတည်းက သူ၏ပြိုင်ဘက်အားလုံးကို ကျော်ဖြတ်ခဲ့ပြီး တိုက်ပွဲတိုင်းပြီးနောက်တွင် ပိုမိုအားကောင်းလာပုံရသည်။ သူ့အသင်းသည် အသင်းလိုက်ပွဲများတွင် နိုင်ပွဲများ တစ်ခုပြီးတစ်ခု ရနေသည်။ ဟောက်ထျန်းသည် တရုတ် e-sports အခင်းအကျင်း၏ အနာဂတ်ကို သယ်ဆောင်လာနိုင်သည့် အလားအလာရှိသော ကိုယ်စားလှယ်လောင်းတစ်ဦးကဲ့သို့ ထင်ရသည်။

အမာခံအဖွဲ့ဝင် သုံးဦးမှလွဲ၍ အခြား ‘ရှည်လျားကောင်းကင်ကလပ်’ကစားသမားများ အနေဖြင့် ပြောစရာ ဘာမှမရှိပေ။ သူတို့သည် ကောင်းမွန်သောအသင်းတိုက်ပွဲများရှိပြီး ဟောက်ထျန်း၏ ရန်လိုသောကစားဟန်ကို ထိရောက်စွာ ဖြည့်စွက်နိုင်ခဲ့သည်။

အခြားတစ်ဖက်တွင်၊ အခြားဂိမ်းအဖွဲ့များမှ ပရော်ဖက်ရှင်နယ်ကစားသမားများသည် ၎င်းတို့၏ခွန်အားကို ဖုံးကွယ်ထားပုံရပြီး ‘ရှည်လျားကောင်းကင်ကလပ်’ကဲ့သို့ အတိုက်အခံအားလုံးကို ပေါက်ကွဲစွာ မတိုက်ခိုက်ကြပေ။

‘ရှည်လျားကောင်းကင်ကလပ်’ကစားသမားများသည် တစ်ကိုယ်တော်ပွဲနှင့် အသင်းလိုက်ပွဲများတွင် အရှိန်အဟုန်ပြင်းစွာ သရုပ်ပြခဲ့ကြပြီး ၎င်းတို့သည် ရေပင်လယ်ဂြိုလ်တွင် အနှစ်သက်ဆုံး ကစားသမားများဖြစ်သည်။ ဗီဒီယို ထုတ်လွှင့်ခြင်း ချန်နယ်များစွာသည်လည်း ဤပလေယာများကို အသားပေးဖော်ပြရန် အာရုံစိုက်ခဲ့ကြသည်။

Bun-hit-dog ၏ 'Suicide Hosts' အဖွဲ့သည် တစ်ချီတည်းတွင် ဖယ်ရှားခံခဲ့ရသည်။ ဟန်ရှောင်းသည် သူတို့၏ပွဲစဉ်ကို အမှတ်တမဲ့ကြည့်ရှုခဲ့ပြီး သူ့မျက်လုံးများသည် မျက်လုံးအိမ်ထဲမှ ပေါက်ထွက်လုနီးပါး ဖြစ်ခဲ့ရသည်။

အဖွဲ့ဝင်ခြောက်ဦးစလုံးသည် အမြောက်မာစတာများဖြစ်သည်။ ၎င်းသည် အဝေးပစ်သီးသန့်အဖွဲ့ ဖွဲ့စည်းမှုဖြစ်သည်... သို့သော် သူတို့သည် အဝေးပစ် အတန်းအစားအတန်းများကို လုံးဝမျက်နှာသာမပေးသော ထူထပ်သော တောကြီးထဲတွင် ကံမကောင်းစွာဖြင့် နေရာချထားခံခဲ့ရသည်။

ပိုဆိုးအောင်ပြောရလျှင် သူတို့၏ပြိုင်ဘက်မှာ နိုင်ငံခြား ပရိုကစားသမားများနှင့် ဖွဲ့စည်းထားသည့် အင်အားကြီးအသင်း။

ပိုးစိုးပက်စက် အသတ်ခံရ၏။

အစကတည်းက ဟန်ရှောင်းသည် သူတို့ ဤပြိုင်ပွဲတွင် အခွင့်အရေး များများစားစား မရှိမှန်း သိသော်လည်း၊ သူတို့၏ ကံကြမ္မာသည် မည်မျှပင် ဆိုးဝါးသည် မပြောတတ်သေးပေ။

ဟောက်ထျန်းဟာ အမှတ်ကောင်းဖို့ အကောင်းဆုံးအခွင့်အရေး ရှိပုံရတယ်။ ဓါးရူးသည် သူ့ရဲ့တစ်ကိုယ်တော်ပွဲတွေမှာ ကောင်းကောင်း စွမ်းဆောင်နိုင်ပေမယ့် သူ့အသင်းစွမ်းဆောင်ရည်က နိမ့်ကျနေပြီး ပြိုင်ပွဲတွင် ရှင်သန်ရုံလေးပင်...