နတ်ဆိုးတွေ ထပ်မံကျူးကျော်ခြင်း

နက်ပြာပလိန်းက စကြာဝဠာထဲမှာ တိတ်တဆိတ်လွင့်မျောနေတဲ့ဘဲဥပုံသဏ္ဍာန်အပြာရောင်ကျောက်တုံးတစ်တုံးဖြစ်တယ်။

ဓားဂိုဏ်းကို ပြန်ရောက်လာတဲ့အခါ လီဖူချန်းက မသုံးမပြုရသေးတဲ့အရင်းမြစ်တွေကို နှစ်ပိုင်းခွဲလိုက်တယ်။ တစ်ပိုင်းကို ဓားဂိုဏ်းရဲ့ရတနာခန်းမထဲမှာ သိုလှောင်ပြီး အခြားတစ်ပိုင်းကို လီကလန်ရဲ့ရတနာခန်းမထဲမှာ သိုလှောင်ထားတယ်။

နှိုင်းယှဉ်ရမယ်ဆိုရင် လီကလန်ရဲ့ရတနာခန်းမမှာ ဓားဂိုဏ်းထက် ပိုတန်ဖိုးရှိတဲ့ရတနာတွေ ရှိတယ်။

လီဖူချန်းက သမာသမတ်ကျရင်တောင် သူက ဓားဂိုဏ်းနဲ့လီကလန်ကြားမှာ တူညီတဲ့အဆင့်အတန်းကို ထားရှိလိမ့်မှာမဟုတ်ဘူး။

ဓားဂိုဏ်းက သူပိုင်ဆိုင်တဲ့ဂိုဏ်းတစ်ခုဖြစ်ပေမယ့် လီကလန်က သူ့ကလန်ဖြစ်တယ်။ သူ့ရဲ့ကလန်သားတွေနဲ့သူက တူညီတဲ့သွေးမျိုးဆက်တွေ ခန္ဓာကိုယ်ထဲမှာ စီးဆင်းနေတာလေ။

လီဖူချန်းရဲ့အကြီးမားဆုံးရည်ရွယ်ချက်ကတော့ လူတိုင်းကို သူတော်စင်နယ်ပယ်ကို အခြေချနိုင်ဖို့ပါပဲ။

ရည်ရွယ်ချက်က ကြီးမားပေမယ့် လီဖူချန်းရဲ့ခွန်အားက တိုးလာပြီး တန်ဖိုးရှိတဲ့အရင်းမြစ်တွေ ပိုရရှိလာတာနဲ့အမျှ သူ့ရည်ရွယ်ချက်က အောင်မြင်နိုင်မယ်လို့ လီဖူချန်းက ယုံကြည်တယ်။

လီဖူချန်းက အရှေ့ယူနီကွန်တိုက်ကြီးမှတစ်ဆင့် အမျိုးမျိုးသောကြယ်ပိုင်နက်တွေဆီ သွားရောက်လည်ပတ်ခဲ့တယ်။ ရှေးကျောက်တုံးကြယ်ပိုင်နက်နဲ့ အစွန်းအလင်းကြယ်ပိုက်နက်တွေကိုပေါ့။

ရှေးကျောက်တုံးကြယ်ပိုင်နက်က အရင်ကနဲ့ မတူတော့ဘူး။ အချိန်သဲကောင်းကင်ဘုံအရှင် အချိန်အကျဥ်းထောင်တစ်ခုကို ဖန်တီးပြီးကတည်းက နေထိုင်သူတော်တော်များများက ရှေးကျောက်တုံးကြယ်ပိုင်နက်မှ ထွက်သွားကြတယ်။

အချိန်အကျဥ်းထောင်က အဆုံးမဲ့အချိန်အက်ကြောင်းထပ်ခြင်းတစ်ခုလို့ ဆိုကြတယ်။ တစ်စုံတစ်ယောက်က အချိန်အကျဥ်းထောင်ကို မချိုးဖြတ်နိုင်ရင် သေတဲ့အထိ ညှဉ်းပန်းနှိပ်စက်ခံရလိမ့်မယ်။

အစွန်းအလင်းကြယ်ပိုင်နက်ထဲမှာ လီဖူချန်းက ဖြာထွက်အံ့ဖွယ်ကျောင်းရဲ့ရွှေခြင်္သေ့ကောင်းကင်ဘုံအရှင်နဲ့ တိုက်ခိုက်ခဲ့တယ်။

ဖြာထွက်အံ့ဖွယ်ဘုရားကျောင်းရဲ့ခါဒီနယ်ဘုန်းတော်ကြီးတစ်ယောက်အနေနဲ့ ရွှေခြင်္သေ့ကောင်းကင်ဘုံအရှင်က အဆင့်၁ကောင်းကင်ဘုံအရှင်တွေကြားမှာ သေချာပေါက်အဆင့်မြင့်တယ်။ လီဖူချန်းက သူနဲ့ ရက်အနည်းငယ် တိုက်ခိုက်ခဲ့ပြီး ညီမျှစွာ ယှဉ်ပြိုင်နိုင်တုန်းပါပဲ။ အဆုံးမှာတော့ ဖြာထွက်အံ့ဖွယ်ဘုရားကျောင်းရဲ့ဂိုဏ်းချုပ်ဘုန်းကြီးက အပြေးလာနေတာကို ခံစားမိတဲ့အခါ လီဖူချန်းက ပြန်ဆုတ်လာလိုက်‌တော့တယ်။

…

"ဒါ အစွန်းအလင်းကျောက်တုံးပဲ" လီဖူချန်းက ပုံမှန်မဟုတ်တဲ့ကျောက်တုံးတစ်တုံးကို ဆုတ်ကိုင်လိုက်တယ်။

ကျောက်တုံးက ကြည်လင်ပြီးရွှန်းစိုတယ်။ ၎င်းအပေါ်မှာ အလင်းတောက်ပလာတဲ့အခါ အာကာသ-အချိန်အလင်းယိုင်ခြင်းတစ်ခုဖြစ်လာတယ်။

လီဖူချန်းနဲ့ရွှေခြင်္သေ့ကောင်းကင်ဘုံအရှင်တို့က ဒီတန်ဖိုးရှိတဲ့ကျောက်တုံးကြောင့်ပဲ တိုက်ပွဲတစ်ခုဖြစ်ခဲ့တာလေ။

…

ကန့်လန့်ဖြတ်မြစ်ကြယ်ပိုင်နက်မှာ ပလိန်းတွေ များစွာရှိတယ်။

.

နက်ပြာပလိန်းက ဘဲဥပုံသဏ္ဍာန်အပြာရောင်ကျောက်တုံးတစ်တုံးဖြစ်ပြီး နတ်ဆိုးပလိန်းက ဘဲဥပုံသဏ္ဍာန်အနက်ရောင်ကျောက်တုံးတစ်တုံးဖြစ်ကာ အနက်ရောင်အလင်းတွေ တလက်လက်ဖြစ်နေတယ်။

နတ်ဆိုးပလိန်းထဲမှာ ဧရာမတည်နေရာရွှေ့ပြောင်းရေးဂိတ်ပေါက်တွေ မြင့်တက်လာတယ်။ မရေမတွက်နိုင်တဲ့နတ်ဆိုးတွေက တည်နေရာရွှေ့ပြောင်းဂိတ်ပေါက်တွေထဲ ဝင်လာပြီး ပျောက်ကွယ်သွားတော့တယ်။

အဆင့်မြင့်တည်နေရာရွှေ့ပြောင်းရေးဂိတ်ပေါက်ရဲ့ဆန့်ကျင်ဘက်မှာ နတ်ဆိုးတစ်ကောင်က လေထဲမှာ ရပ်နေတယ်။ ၎င်းရဲ့နောက်ကျောပေါ်မှာ ‌အသားတောင်ပံတစ်စုံရှိပြီး နဖူးပေါ်မှာ မျက်လုံးတစ်လုံးရှိတယ်။

ဒါက ငရဲရှင်ဘုရင်ဖြစ်ပြီး ၎င်းရဲ့တတိယမျက်လုံးက ရွှေရောင်အလင်းတန်းတွေ ပစ်လွှတ်နေတယ်။ ကြည့်ရတာ အဲဒါက အဆုံးမဲ့အာကာသ-အချိန်ကို ဖြတ်မြင်နိုင်သလိုပါပဲ။

"ဒီတစ်ခါတော့ နက်ပြာပလိန်းရဲ့ကျုးကျော်မှုကို အောင်မြင်ရမယ်။ ကျရှုံးလို့မရဘူး" မျက်သုံးလုံးငရဲရှင်ဘုရင်က နတ်ဆိုးရှင်ဘုရင်တွေကို အမိန့်ပေးလိုက်တယ်။

"ကောင်းပါပြီ၊ ငရဲရှင်ဘုရင်" နတ်ဆိုးရှင်ဘုရင်တွေအားလုံးက ဦးညွှတ်လိုက်တယ်။

အရင် နက်ပြာပလိန်းကို ကျုးကျော်မှုက အချိန်တိုအတွင်း ကျဆုံးသွားရတယ်။ အဓိကအားဖြင့် စစ်တပ်အင်အားအများစုက မြေပုံစိတ်ဝိညာဉ်ပလိန်းရဲ့ကျူးကျော်မှုထဲမှာ ရောက်ရှိနေလို့ပဲ။ ယခု သူတို့က မြေပုံစိတ်ဝိညာဉ်ပလိန်းကို အောင်မြင်စွာ သိမ်းပိုက်နိုင်တာကြောင့် နက်ပြာပလိန်းကို ရင်ဆိုင်ရတာ အလွယ်တကူဖြစ်လာလိမ့်မယ်။

"ဒါဆိုလဲ သွားကြတော့" နံပါတ်ကိုးငရဲရှင်ဘုရင်က သူ့လက်ကို ဝှေ့ယမ်းလိုက်တယ်။

…

နက်ပြာပလိန်းပေါ်မှာ အသားဂိတ်မြောက်များစွာက စွန့်ပစ်တိုက်ကြီးတွေပေါ်မှာ မြင့်တက်လာတယ်။ မရေမတွက်နိုင်တဲ့နတ်ဆိုးတွေက ထွက်လာတယ်။

အရင်နတ်ဆိုးကျုးကျော်မှုနဲ့ နှိုင်းယှဉ်ရင် ဒီတစ်ကြိမ်က ပိုတောင်ကြမ်းတမ်းပြီး ရပ်တန့်ဖို့ ပိုခက်ခဲတယ်။

နတ်ဆိုးအရှင်သခင်တွေနဲ့နတ်ဆိုးရှင်ဘုရင်တွေရဲ့အရေအတွက်က ရာကျော်တယ်။ ဒါ့အပြင် အရေအတွက်က တိုးတိုးလာနေတယ်။

ပုံမှန်အနေအထားမှာ ကောင်းကင်ဘုံအရှင်တစ်ယောက်ယောက်ရဲ့အကူအညီမရှိရင် နက်ပြာပလိန်းကျရှုံးဖို့က အချိန်တစ်ခုမျှသာပဲ။

"သတ်စမ်း"

နတ်ဆိုးကျူးကျော်မှုစတင်လာတာကြောင့် တိုက်ပွဲမျှော်စင်တွေကို အသက်သွင်းလိုက်ကြတယ်။ နက်ပြာပလိန်းကို နယ်မြေတစ်ရာ ခွဲခြားထားပြီး လူသားသိုင်းပညာရှင်တွေက နတ်ဆိုးတွေနဲ့ တိုက်ခိုက်နေတယ်။

ဖြောက်......

အနက်ရောင်ဓားမော့အလင်းတစ်ခုက လက်သွားတယ်။ နတ်ဆိုးမြောက်များစွာက ဒီဓားမော့အလင်းအောက်မှာ ကျရှုံးသွားရတယ်။

ဓားမော့ကွက်ကို ထုတ်ဖော်သူက ရန်ချင်းဟူပါပဲ။

နှစ်ပေါင်းများစွာကြာပြီးနောက် သူမရဲ့ကျင့်ကြံခြင်းက စိတ်ဝိညာဉ်ပေါင်းစပ်ခြင်းနယ်ပယ်ရဲ့အဆင့်၄ကို ရောက်နေပါပြီ။ လီဖူချန်းပေးထားတဲ့နတ်ဆရာဓား‌မော့နဲ့ဆိုရင် သူမက သာမန်အထွတ်အထိပ်အဆင့်သူတော်စင်တွေနဲ့ ယှဉ်ပြိုင်နိုင်နေပြီ။

"လူသားတွေ၊ မင်းတို့တွေ မျှော်လင့်ချက်တစ်ခုမှ ရှိလာမှာ မဟုတ်ဘူး။ မြန်မြန် အညံ့ခံစမ်း"

နတ်ဆိုးရှင်ဘုရင်တစ်ယောက်က ပျံသန်းလာပြီး သူ့ရဲ့ဧရာမလက်ဝါးကို ဆန့်ထုတ်လိုက်တယ်။ အနက်ရောင်မီးတောက်တွေနဲ့ဧရာမလက်ဝါးက လူတိုင်းဆီ ရောက်ရှိလာတယ်။

"ချိုးဖြတ်စမ်း"

ရန်ချင်းဟူက သူမရဲ့နေရာလပ်လက်စွပ်မှ အနက်ရောင်ရူယီတောင်ဝှေးတစ်ချောင်းကို ယူထုတ်လိုက်တယ်။ ဒါက လီဖူချန်း သူမကိုပေးခဲ့တဲ့ ထူးကဲထိပ်တန်းအဆင့်အထွတ်အထိပ်အသုံးအဆောင်ပစ္စည်းတစ်ခုဖြစ်တယ်။

အထဲကို ဓားမော့စွမ်းအင်ထည့်သွင်းပြီးနောက် အနက်ရောင်ရူယီတောင်ဝှေးက ကြီးမားလာတယ်။ အဲဒါက အနက်ရောင်မီး‌တောက်လက်ဝါးကို ဖျက်ဆီးခဲ့ရုံတင်မကဘူး၊ နတ်ဆိုးရှင်ဘုရင်ကိုလည်း ရိုက်နှက်လိုက်တယ်။

"မဟုတ်ဘူး"

ရန်ချင်းဟူရဲ့အသုံးအဆောင်ပစ္စည်းက ဒီလောက်ကြမ်းတမ်းရက်စက်မယ်လို့ နတ်ဆိုးရှင်ဘုရင်က မမျှော်လင့်ထားဘူး။ သတိပေါ့လျော့မိတာကြောင့် သူ့ကို အနက်ရောင်ရူယီ‌တောင်ဝှေးက ချက်ချင်းပြာချလိုက်တယ်။

အခြားတိုက်ပွဲနယ်မြေတစ်ခုမှာ လူသားသူတော်စင်အရှင်တစ်ယောက်က နတ်ဆိုးရှင်ဘုရင်တစ်ယောက်နဲ့ တိုက်ခိုက်နေတယ်။

လူသားသူတော်စင်က နှစ်ပေါင်းများစွာ ပျောက်ဆုံးနေတဲ့ ကောင်းကင်ဘုံဖျက်ဆီးခြင်းသူတော်စင်အရှင်ပါပဲ။

အရင်ကျုးကျော်မှုအတွင်း သူက သေလုနီးပါးဒဏ်ရာအပြင်းအထန်ရသွားခဲ့တယ်။ လူတိုင်းက သူ သေပြီလို့ ထင်ခဲ့ပေမယ့် သူက ရုတ်တရက် ပြန်ပေါ်လာတယ်။

ဝုန်း ဝုန်း ဝုန်း......

ကောင်းကင်ဘုံဖျက်ဆီးခြင်းသူတော်စင်အရှင်ရဲ့ခွန်အားက အရင်ကနဲ့နှိုင်းယှဉ်ရင် ပိုကြောက်စရာကောင်းလာတယ်၊ သူက သူ့ရန်သူကို ဖိနှိပ်နေတယ်။

ကောင်းကင်ဘုံဖျက်ဆီးခြင်းသူတော်စင်နည်းလမ်းက ဒဏ်ရာကြီးမားလာတာနဲ့အတူ သူ့ရဲ့တိုးတက်မှုကို ပိုမြန်ဆန်စေတာကို အနည်းငယ်ကသာ သိတယ်။ အရင်ကတော့ သူက ပျောက်ကွယ်လုနီးပါးဖြစ်ခဲ့တယ်၊ ဒါကြောင့် ဒီတစ်ကြိမ်ပြန်ပေါ်လာတဲ့အခါ သူ့ခွန်အားက အဆများစွာ ပိုသန်မာလာတယ်။

ဒါပေမယ့် အချိန်ကြာလာတာနဲ့အမျှ နက်ပြာပလိန်းကို ရောက်ရှိလာတဲ့နတ်ဆိုးရှင်ဘုရင်တွေက ပိုများလာတယ်။ အခု သူက နတ်ဆိုးရှင်ဘုရင်နှစ်ယောက်နဲ့ ရင်ဆိုင်နေရပြီး ခက်ခဲတဲ့အချိန်တစ်ခု ရှိလာတယ်။

"လူသားသူတော်စင်အရှင်တစ်ယောက်လောက်နဲ့ မင်းတို့တွေ ဘာမှမတတ်နိုင်ပါဘူး"

ဟင်းလင်းပြင်ကို ဆုတ်ဖြဲပြီး အလွန်အမင်းအားကောင်းတဲ့ချီတည်ရှိမှုရှိတဲ့နတ်ဆိုးရှင်ဘုရင်တစ်ယောက်က ထွက်ပေါ်လာတယ်။ နတ်ဆိုးရှင်ဘုရင်က ကောင်းကင်ဘုံဖျက်ဆီးခြင်းသူတော်စင်အရှင်ထံ လက်သီးတစ်လုံး ပစ်သွင်းလိုက်တယ်။

ဖူး......

ကောင်းကင်ဘုံဖျက်ဆီးခြင်းသူတော်စင်အရှင်ရဲ့ခန္ဓာကိုယ်က ပေါက်ကွဲလုနီးပါးဖြစ်ကာ လွင့်ထွက်သွားရတယ်။

"သေစမ်း"

အာကာသ-အချိန်ကိုဖိနှိပ်တဲ့ ကြောက်စရာကောင်းတဲ့လက်သီးတစ်လုံးက ထွက်ပေါ်လာတယ်။

သူ သေတော့မှာကို မြင်ပြီး ‌ကောင်းကင်ဘုံဖျက်ဆီးခြင်းသူတော်စင်အရှင်က ခါးသီးစွာ ပြုံးလိုက်တယ်။ ဒါပေမယ့် သူ့မျက်လုံးတွေမှာ နောင်တရတဲ့အရိပ်အယောင်တစ်ခုမှ မရှိပါဘူး။

"ကောင်းကင်ဘုံဖျက်ဆီးခြင်းသူတော်စင်အရှင်၊ မတွေ့ရတာ ကြာပြီ" ကြည်လင်တဲ့အသံတစ်ခုက အာကာသ-အချိန်ကို ဖြတ်ကာ ကောင်းကင်ဘုံဖျက်ဆီးခြင်းသူတော်စင်အရှင်ရဲ့နားထဲမှာ ပဲ့တင်ထပ်လာတယ်။

"ဒါက....." ဒီအသံက အလွန်ရင်းနှီးတယ်လို့ ခံစားရပေမယ့် ကောင်းကင်ဘုံဖျက်ဆီးခြင်းသူတော်စင်အရှင်က ဘယ်သူလဲကို မမှတ်မိနိုင်ဘူး။

"ဘယ်သူလဲ"

ကောင်းကင်ဘုံဖျက်ဆီးခြင်းသူတော်စင်အရှင်ကိုသတ်ချင်တဲ့နတ်ဆိုးရှင်ဘုရင်က ကြောက်ရွံ့သွားတယ်။ မိုင်သန်းရာအနည်းငယ်အတွင်းရှိအာကာသ-အချိန်က ရပ်တန့်သွားတာကို သူက သိလိုက်တယ်။

လူတိုင်းရဲ့မြင်ကွင်းထဲမှာ လီဖူချန်းက ဟင်းလင်းပြင်မှ ထွက်လာတယ်။

"မင်းကို " ကောင်းကင်ဘုံဖျက်ဆီးခြင်းသူတော်စင်အရှင်က လီဖူချန်းကို မှတ်မိလိုက်တယ်။

သူက မယုံနိုင်ဟန်အမူအရာနဲ့အတူ အသက်ရှုသွင်းလိုက်လေတယ်။

သူ လီဖူချန်းကို ပထမဆုံးအကြိမ်မြင်တုန်းက လီဖူချန်းက ဂျူနီယာတစ်ယောက်မျှသာပဲ။ ဒီတစ်ခါမှာတော့ သူက လီဖူချန်းကို ဖြတ်မမြင်နိုင်တော့ဘူး။ လီဖူချန်းရဲ့သာမန်ကာလျှံကာချီတည်ရှိမှုအရိပ်အယောင်တစ်ခုက သူ့ရဲ့ဦးရေကို ထုံထိုင်းစေဖို့ လုံလောက်တယ်။

လီဖူချန်းက ပြုံးကာ လက်ကို ဝှေ့ယမ်းလိုက်တယ်၊ မိုင်သန်းရာအနည်းငယ်အတွင်းရှိနတ်ဆိုးအားလုံးက နတ်ဆိုးရှင်ဘုရင်သုံးယောက်နဲ့အတူ ဖုန်မှုန့်တွေ ဖြစ်သွားတော့တယ်။

"ကောင်းကင်ဘုံဖျက်ဆီးခြင်းသူတော်စင်အရှင်၊ ဒါက ငါ့ရဲ့သေးငယ်တဲ့လေးစားမှုလေးတစ်ခုပဲ။ လူသားမျိုးနွယ်အတွက် မင်းလုပ်ပေးတဲ့အရာရာအတွက် ငါ မင်းကို ကျေးဇူးတင်ပါတယ်"

လီဖူချန်းက နေရာလပ်လက်စွပ်တစ်ကွင်းကို ကောင်းကင်ဘုံဖျက်ဆီးခြင်းသူတော်စင်အရှင်ထံ ပစ်ပေးကာ ထွက်သွားလိုက်တယ်။

သူက နေရာလပ်လက်စွပ်အတွင်းကို ကြည့်လိုက်တဲ့အခါ ကောင်းကင်ဘုံဖျက်ဆီးခြင်းသူတော်စင်အရှင်ရဲ့မျက်လုံးတွေက ပြူးကျယ်လာတယ်။

နေရာလပ်လက်စွပ်အတွင်းရှိပစ္စည်းတိုင်းက သူ့အတွက် အလွန်တန်ဖိုးရှိတယ်။ ဒီပစ္စည်းတွေအားလုံးနဲ့ဆိုရင် သူက ပြိုင်ဘက်ကင်းသူတော်စင်အရှင်တစ်ယောက်ဖြစ်လာလိမ့်မယ်လို့ ခံစားမိတယ်။