လျှို့ဝှက်ပင်မဇာတ်ကြောင်း

Galaxy Times သည် ပြိုင်ပွဲရှိ အုပ်စုတစ်ခုစီအတွက် ဦးတည်၍ ခွဲခြမ်းစိတ်ဖြာမှုကို ပြုလုပ်ထားသည်။ အုပ်စု A သည် ပြိုင်ဆိုင်မှု အရှိဆုံးဖြစ်သည်။ ပြိုင်ပွဲစတင်ကတည်းက ပရိသတ်အနှစ်သက်ဆုံး အသင်းဖြစ်သည့် ‘ရှည်လျားကောင်းကင်ကလပ်’သည် ထိုနေရာတွင်ပင် ဖယ်ထုတ်ခံရနိုင်သည်။ ဟောက်ထျန်းသည် သူ၏ အတိုက်အခံအားလုံးကို အနိုင်ယူနေဆဲဖြစ်သော်လည်း ယခုအချိန်အထိ ကျန်ရှိခဲ့သော အခြားအသင်းများစွာသည် ၎င်းတို့၏ ခွန်အားကို ထိန်းသိမ်းထားဆဲဖြစ်သည်။ အသင်းအများစုသည် ၎င်းတို့၏ ဝှက်ဖဲများကို မဖော်ပြသေးပေ။ ဒီလိုအခြေအနေမျိုးတွင် ‘ရှည်လျားကောင်းကင်ကလပ်’လို သန်မာတဲ့အသင်းတွေတောင် ခက်ခက်ခဲခဲ တိုက်ပွဲဝင်ရဦးမည်။

အုပ်စု A တွင် ပါ၀င်သည့် အသင်းများ၏ ပရိသတ်များသည်လည်း ငြင်းဆန်နေကြ၏။ အထူးသဖြင့် အသင်းကြီးသုံးသင်း၏ ပရိသတ်များသည် ပြိုင်ပွဲကို မည်သို့မည်ပုံ အကြံအဖန်ပြုသနည်း၊ အဘယ်ကြောင့် ထိုသန်မာသောအသင်းအားလုံးကို တစ်အုပ်စုတည်းတွင် ထားရှိရကြောင်း ဖိုရမ်များတွင် တောက်လောင်ကာ ဆဲဆိုနေကြသည်။

သို့သော်လည်း သူတို့၏ ငြင်းခုံမှုတွေဟာ လုံးဝယုံကြည်စရာ မရှိပေ။ ကြားနေပရိသတ် အများစုက အသင်းကြီးလေးခုမှ တစ်ခုစီကို မတူညီသောတိုက်ပွဲအုပ်စုများတွင် ထားရှိခဲ့ပါက ပြိုင်ပွဲသည် လိမ်လည်လှည့်ဖြားခြင်းဖြစ်သည်ဟု အမှန်တကယ်ပင် အဓိပ္ပါယ်သက်ရောက်စေလိမ့်မည်ဟု ယူဆကြသည်။

ဟုတ်ပါသည်၊ ရူးသွပ်တဲ့ ပရိသတ်များ၏ရှေ့တွင် မည်သည့်ကျိုးကြောင်းဆီလျော်မှုကမှ အသုံးမဝင်ပေ။ ပြိုင်ပွဲ၏ ရာသီကြိုခြေစမ်းပွဲများ ဝင်ရောက်လာသည်နှင့်အမျှ ဖိုရမ်များတွင် ဆွေးနွေးမှုများသည် ပိုမိုပြင်းထန်လာသည်။

ရာသီကြိုပွဲစဉ်များသည် အသင်းတစ်သင်း၏ရမှတ်ကို ထည့်သွင်းမတွက်ချက်ဘဲ အချင်းချင်း၏ အားသာချက်များကို တိုင်းတာရန် သို့မဟုတ် အချင်းချင်း လမ်းလွဲအောင် ပြုလုပ်ရန် အသင်းများအတွက် သွေးပူလေ့ကျင့်ခန်း တစ်ခုအဖြစ် လုပ်ဆောင်ကြသည်။

တရားဝင်ပွဲများနှင့် နှိုင်းယှဉ်ပါက အဆိုပါ သွေးပူပွဲများသည် ကစားသမားများအပေါ် ဖိအားများစွာ လျော့နည်း၏။ ကစားသမားများသည် မကြာခဏ အငမ်းမရ ကစားကြပြီး သူတို့ လိုချင်သည့် နည်းဗျူဟာ နှင့် ကစားနည်းများကို အသုံးပြုကြသောကြောင့် အဆိုပါပွဲများအား ကြည့်ရှုခြင်းကို ပရိသတ်များက နှစ်သက်ကြသည်။

အဖွဲ့တစ်ဖွဲ့စီ၏ အမှားများနှင့် ရူးသွပ်သောရလဒ်များသည် မကြာမီတွင် memes ဟာသများ အဖြစ်ပြောင်းလဲကာ ဖိုရမ်များတွင် ခွဲခြမ်းစိတ်ဖြာကြသည်။ Bun-hit-dog သည် အဆိုပါ သွေးပူပွဲတွင် ဗီဒီယိုအနည်းငယ်ကိုလည်း ပြုလုပ်ထား၏။

ရာသီကြိုပွဲများအပြီးတွင် အသင်းများအား အနားယူရန်နှင့် ပြန်လည်စုဖွဲ့ရန် အချိန်ပေးမည့် အနားပေးသောကာလဖြစ်သည်။ ဒေသဆိုင်ရာများဖြစ်သည့် နောက်တစ်ဆင့်တက်ရန် ကလပ်အသင်းများသည် ၎င်းတို့၏ ကြော်ငြာများကို မြှင့်တင်မည့်အချိန်လည်းဖြစ်သည်။ ကြော်ငြာလှိုင်းများကို ပရိသတ်များ ပိုမိုစိတ်လှုပ်ရှားစေရန်အတွက် အသုံးပြုမည်ဖြစ်သည်။

တရားဝင်ပွဲများစတင်သည်နှင့်၊ ၎င်းသည် Galaxy ပြက္ခဒိန်၏ ခြောက်လမြောက် ဖြစ်နေပြီဖြစ်သည်။

ဟန်ရှောင်းသည် ကစားသမားများထံမှ အတွေ့အကြုံအမှတ်များ ရယူရန် ဤအချိန်တစ်ခုလုံး ခိုလှုံရေးစခန်းတွင် နေခဲ့သည်။ အဲဒါကလွဲလို့ သူ့မှာ လုပ်စရာတွေ အများကြီး မရှိတော့ပေ။ သူသည် လျှို့ဝှက်ဇာတ်ကြောင်း၏ တတိယအပိုင်းအတွက် လိုအပ်ချက်များကို ဖြည့်ဆည်းထားပြီးဖြစ်သော်လည်း ဟန်းနက်စ်နှင့် အဆက်အသွယ်မရသဖြင့် မစ်ရှင်အဖြစ် မပြောင်းလဲနိုင်သေးပေ။

ဒီမစ်ရှင်အကြောင်းကို ဟန်ရှောင်းက ပထမဆုံးအကြိမ်ကြားသိရတာဖြစ်ပြီး ဘယ်လိုတွေဖြစ်မယ်ဆိုတာတော့ သူမသေချာပေ။ Dark Net ၏ ထောက်လှမ်းရေးကွန်ရက်ကို ရှာဖွေပြီးသော်လည်း ဟန်းနက်စ်ကို ရှာမတွေ့သေးသည့်အခါ တစ်စုံတစ်ခု မှားယွင်းနေကြောင်း ဟန်ရှောင်း သဘောပေါက်သွားသည်။ အကယ်၍ ကမ္ဘာပေါ်တွင် အကြီးဆုံး သတင်းအချက်အလက်များ စုဆောင်းထားသည့် Dark Net သည်ပင် သူ့ကို ရှာမတွေ့ခဲ့ပါက ဟန်းနက်စ်သည် အမှန်တကယ် ပျောက်ဆုံးနေခြင်းဖြစ်သည်။

ထပ်မံ၍ နက်နက်နဲနဲ ရှာဖွေပြီးနောက်၊ ဟန်ရှောင်းသည် ဆိုမာသဲကန္တာရဟုခေါ်သော လွင်တီးခေါင်လွင်ပြင်တွင် ဟန်းနက်စ်ကို နောက်ဆုံးတွေ့မြင်ခဲ့ရကြောင်း တွေ့ရှိခဲ့သည်။

ဒါက နည်းနည်းရင်းနှီးနေသလိုပဲ... ဟန်ရှောင်းက မျက်မှောင်ကြုတ်လိုက်သည်။ ဟုတ်တယ်၊ တခါက ဒီသဲကန္တာရကို အမဲလိုက်မစ်ရှင်တစ်ခုနဲ့ ရောက်ခဲ့တယ်။ [အသက်အားဖြည့်ခြင်း]ကိုလည်း အဲဒီနေရာက ရရှိတယ်။ အဲဒါက နိုင်ငံတစ်ခုရဲ့ အပျက်အစီးတွေဖြစ်ပြီး အဲ့နေရာမှာ မှော်အတတ်တွေကို ရှာနေတဲ့ လှည့်လည်သွားလာသူတွေလည်း ရှိနေတယ်။

ဟန်ရှောင်းသည် ဟန်းနက်စ်နှင့် သိပ်မရင်းနှီးသော်လည်း၊ သူသည် လျှို့ဝှက်ပင်မဇာတ်ကြောင်းမစ်ရှင်ကို ပေးဆောင်ခဲ့သော NPC ဖြစ်သောကြောင့် ဟန်ရှောင်းသည် သူပျောက်ဆုံးသွားသည့်အတိုင်း ဒီတိုင်းထိုင်နေမည်မဟုတ်ပေ။ Bennett သည်လည်း အလားတူ အတွေးမျိုးရှိနေသည်။

တရားဝင်ပွဲများ စတင်ခါနီးတွင် ဟန်ရှောင်းသည် ခိုလှုံရေးစခန်းမှ ထွက်ခွာပြီး Bennett နှင့်အတူ ဆိုမာသဲကန္တာရသို့ ရောက်ရှိလာသည်။

…

နေ၏အလင်းရောင်အောက်တွင် အပူလှိုင်းများသည် သဲကန္တာရကြမ်းပြင်ကို အဆက်မပြတ် ရွေ့လျားနေသည်။ Dark Net စစ်ဆေးရေးဂိတ်ရဲ့ သံဆူးကြိုးတွေကို ကျော်ဖြတ်ပြီး အဆုံးမရှိသည့် သဲပင်လယ်ကြီးကို လူတိုင်း မြင်နိုင်ကြသည်။

“ဟန်းနက်စ်ကို လွန်ခဲ့တဲ့ တစ်လလောက်က နောက်ဆုံးတွေ့ခဲ့တာပါ။ ဆိုမာ သဲကန္တာရထဲကို မဝင်ခင် ဒီစစ်ဆေးရေးဂိတ်မှာ ပြန်လည်ဖြည့်တင်းရေး လုပ်ခဲ့ပေမယ့် ပြန်မလာခဲ့ဘူး။”

စစ်ဆေးရေးဂိတ်တာဝန်ခံက ဟန်ရှောင်းနှင့် Bennett တို့အား အသေးစိတ်အချက်အလက်များကို အစီရင်ခံနေရင်း ၎င်း၏စကားများကို သက်သေပြသည့် ထောက်ပံ့ရေး အစီရင်ခံစာနှစ်ခုကို ပြသနေသည်။

"သူ့ရဲ့ခြေရာခံလမ်းကြောင်းတွေကို ရှာဖွေဖို့ ရှာဖွေရေးအဖွဲ့တွေကို ငါစေလွှတ်ထားပြီးပြီ၊ ဒါပေမယ့် ... ဆိုမာသဲကန္တာရထဲက သဲတွေဟာ အဆက်မပြတ်ပြောင်းနေပြီး ပြုပြင်ပြောင်းလဲမှုတွေ၊ ခိုင်မာတဲ့ရလဒ်တွေ မရှိသေးပါဘူး" Bennett မှ ပြောပြသည်။

ဟန်ရှောင်းက တစ်ချက်ကြည့်လိုက်ပြီး "ဒီ့ထက် ပိုကောင်းတဲ့ အကြံဥာဏ်တစ်ခု မပေးနိုင်ဘူးလား?"

Bennett သည် ဤကိစ္စအတွက် အားကိုးရာမဲ့ ဖြစ်နေသည်။ “ဆက်သွယ်ရေးနဲ့ တခြားဆက်သွယ်မှုမျိုးတွေ အားလုံးက လမ်းဆုံးနေပြီ၊ တခြားနည်းလမ်း မရှိဘူး။”

ဤနည်းဖြင့် ရှာဖွေခြင်းသည် ကောက်ရိုးပုံတွင် အပ်တစ်ချောင်းကို ရှာဖွေခြင်းနှင့် တူပါသည်။ ဟန်ရှောင်းခေါင်းခါလိုက်သည်။ “ဒါက အချိန်ဖြုန်းလွန်းတယ်… ဒါပေမယ့် တခြားနည်းလမ်းတော့ မရှိဘူးဗျ။ မကြာခင်မှာ တစ်ခုခုဖြစ်လာမယ်လို့ မျှော်လင့်ပါတယ်။”

ဆိုမာ သဲကန္တာရ သည် မရေမတွက်နိုင်သော လျှို့ဝှက်ချက်များကို မြှုပ်နှံထားပြီး ဟန်းနက်စ်သည် ယခုတစ်ကြိမ်တွင် ရှုပ်ထွေးသော အခြေအနေနှင့် ရင်ဆိုင်နေရနိုင်သည်။ ဟန်ရှောင်းသည် Felonia ၏ အပျက်အစီးများနှင့် 'မှော်ပညာ' ယဉ်ကျေးမှု၏ အကြွင်းအကျန်များအကြောင်း စတင်တွေးတောမိသောအခါတွင် အတွေးတစ်ခုက သူ့စိတ်ထဲတွင် ဖြစ်ပေါ်လာသည်။

"ဟန်းနက်စ် သေသွားပြီလို့တောင် ငါထင်နေတယ်။" Bennett သက်ပြင်းချလိုက်တယ်။

ဟန်ရှောင်းသည် ထိုကိစ္စကို သိပ်မသေချာပေ။ အရင်တုန်းကတော့ Bennett ဟာ ဟန်းနက်စ်နဲ့ တခြားသူတွေ အတွက် သင်္ချိုင်းဂူတွေ ဆောက်ခဲ့သော်လည်း ဟန်ရှောင်းကတော့ ဒီအချိန်မှာ ကွဲပြားသွားသလို ခံစားရ၏။ ပထမဆုံးအနေဖြင့်၊ လျှို့ဝှက်ပင်မဇာတ်ကြောင်းက အခုထိ မကျရှုံးသေးဘဲ တတိယအဆင့်မှာပဲ ပိတ်မိနေ၏။ ဟန်ရှောင်းက ဟန်းနက်စ်သည် မစ်ရှင် NPC ဖြစ်သောကြောင့် ဟန်းနက်စ် အသက်ရှင်နေသင့်သည်ဟု ခံစားနေရသည်။ ဒါက ဇာတ်လမ်းရဲ့ တစ်စိတ်တစ်ပိုင်းလည်း ဖြစ်နိုင်၏။

မစ်ရှင်ကို တိုးတက်အောင်လုပ်ဖို့ တခြားနည်းလမ်းမရှိသောကြောင့် ဟန်ရှောင်းက တစ်ခုခုဖြစ်လာရန် စိတ်ရှည်ရှည်ဖြင့်သာ စောင့်ဖို့ ဆုံးဖြတ်လိုက်သည်။ ဒီလျှို့ဝှက်ပင်မဇာတ်ကြောင်းက ဘယ်ကိုဦးတည်လာမလဲဆိုတာကို သူသိချင်နေပေမယ့် မစ်ရှင်ကပေးတဲ့ ဆုလာဘ်က ဆွဲဆောင်မှုမရှိပေ။ ယန္တရားပညာရှင်ကြီးဟန်သည် ယခုအချိန်တွင် အတွေ့အကြုံအမှတ်အတွက် အားသွန်ခွန်စိုက်လုပ်ဆောင်ရန် မလိုအပ်ဘဲ မစ်ရှင်ပြီးမြောက်သောအခါ ဆုချီးမြှင့်မည့် အတွေ့အကြုံအမှတ်မှာ ဟန်ရှောင်း၏မျက်လုံးထဲတွင် ဘာမှမဟုတ်ပေ။

လူများတွေအတွက် နောက်ထပ်အမိန့်တချို့ ထုတ်ပေးပြီးနောက် နှစ်ယောက်သား ပြန်ဖို့ လေယာဉ်ပေါ်ပြန်တက်ကြသည်။ လေယာဉ်ပေါ်ရှိ Bennett က ရုတ်တရက် "မင်းရဲ့ ခိုလှုံရေးစခန်းက ဂြိုဟ်သားတွေကို ပိုပိုပြီး ကြိုဆိုနေတယ်ဆိုတာ ငါကြားတယ်။ တစ်နေ့နေ့မှာ သူတို့က ပြဿနာရှာဖို့ ဆုံးဖြတ်လာနိုင်လို့ သူတို့ကို သေချာဂရုစိုက်ပြီး စောင့်ကြည့်ပါ။”

ဟန်ရှောင်းမျက်ခုံးပင့်လိုက်သည်။ "ဦးလေး ဘာပြောဖို့ကြိုးစားနေတာလဲ"

“ဂြိုလ်သားတွေမှာ မသဲကွဲတဲ့ ဇစ်မြစ်ရှိပြီး သူတို့ဟာ ထူးဆန်းတဲ့ အမူအကျင့်တွေကို မကြာခဏ ပြသကြတယ်” Bennett က လေးနက်သော အမူအရာဖြင့် ပြောသည်။ “သူတို့က ချိန်ကိုက်ဗုံးပဲ။ ဂြိုလ်သားတွေ အားလုံးစုပေါင်းပြီး ပုန်ကန်ဖို့ ဆုံးဖြတ်လိုက်ရင် ကမ္ဘာမြေကြီးဟာ နောက်ထပ် သွေးချောင်းစီးတာကို တွေ့ရလိမ့်မယ်။ ငါတို့ နောက်ထပ်စစ်မတိုက်နိုင်ဘူး။ နိုင်ငံ၆နိုင်ငံက အာကာသ civilization လူမှုအဖွဲ့အစည်းကို ဆက်သွယ်ထားပြီး၊ သူတို့က ဂြိုဟ်သားတွေကို စုံစမ်းဖို့ ငါတို့ရဲ့ ကမ္ဘာမြေဆီကို မကြာမီ ဝန်ထမ်းတွေ စေလွှတ်မယ်လို့ ငါ့ရဲ့ရင်းမြစ်တွေက ငါ့ကိုပြောထားတယ်။"

"ကျွန်တော်သိတယ်။" ဟန်ရှောင်းသည် ခပ်ဖျော့ဖျော့ပြုံးကာ Bennett ၏ ပခုံးကို အကြိမ်အနည်းငယ် ပုတ်လိုက်သည်။

ဟန်ရှောင်းသည် ‘ဂိုဒိုရာ’စုံစမ်းစစ်ဆေးသူများ၏ အနာဂတ် လာရောက်လည်ပတ်မှုကို သတိပြုမိရုံသာမက ၎င်းတို့၏ အာကာသယာဉ် လေထုထဲသို့ ဝင်ရောက်မည့်ရက်စွဲနှင့် အချိန် အတိအကျကိုပင် သိရှိထားသည်။ ဒါက ကံကြမ္မာက သူ့ကို ပြုံးပြခြင်းဖြစ်၏။ ‘ဂိုဒိုရာ’က စေလွှတ်လိုက်သည့် အာကာသယာဉ်သည် ကြယ်တွေဆီ စွန့်စားဖို့ သူ့အခွင့်အရေး ဖြစ်လာလိမ့်မည်၊ အချိန်က နောက်တစ်လလောက်မှာ ဖြစ်၏။

…

နောက်လတွင် ဟန်ရှောင်းသည် သူ၏မူလအစီအစဉ်အတိုင်း အတွေ့အကြုံအမှတ်များကို ဆက်လက်စုဆောင်းနေသည်။ ဆက်လက်ကျင်းပနေသည့် ပြိုင်ပွဲကြောင့် ခိုလှုံရေးစခန်းသို့ နေ့စဉ်လာရောက်ကစားသူများ ပိုပိုများလာကာ ဟန်ရှောင်းသည် အတွေ့အကြုံအမှတ်အတွက် ကစားသမားများ ဘယ်သောအခါမှ ကုန်ဆုံးမသွားတော့ပေ။

ဟန်ရှောင်းသည် ရံဖန်ရံခါ ပြိုင်ပွဲကို လိုက်သွားခဲ့သည်။ ယခုတွင် ပွဲစဉ်ပုံစံအသစ်တစ်ခုရှိသည် - နှစ်ဦးချင်းပြိုင်ပွဲ။ အသင်းတစ်သင်းစီသည် ကစားသမားခြောက်ဦးကို စေလွှတ်ပြီး အခြားအသင်း၏ လူခြောက်ယောက်နှင့်တိုက်ခိုက်မည်ဖြစ်သည်။ တစ်ကြိမ်လျှင် တစ်ဦးစီသာ တိုက်ခိုက်ရပြီး အနိုင်ရသူသည် ပြိုင်ဘက်အသင်း၏ နောက်ထပ်ကစားသမားကို ဆက်လက်တိုက်ခိုက်ရမည်ဖြစ်သည်။ အသင်းတစ်သင်းတွင် ကစားသမား မကုန်မချင်း ဆက်လက်တိုက်ခိုက်သွားရသည်။ အမှတ်စာရင်းစနစ်တစ်ခုလည်း ရှိနေပြီး၊ အနိုင်ရသည်ဆိုပါက မိမိအသင်းအနိုင်ရမည့် စုစုပေါင်းရမှတ်သည် ခြောက်မှတ်မှ ပြိုင်ပွဲတွင်ရှုံးခဲ့သော ကစားသမားအရေအတွက်ကို နုတ်ရခြင်း ဖြစ်လိမ့်မည်။

Duels နှစ်ဦးချင်းပြိုင်ပွဲသည် ပြိုင်ပွဲတွင် အမျိုးမျိုးကို ထည့်သွင်းခဲ့သည်။ တရားဝင်ပွဲများ တိုးတက်လာသည်နှင့်အမျှ တိုက်ပွဲအဖွဲ့များအတွင်း အခြေအနေများ ပိုမိုရှင်းလင်းလာသည်။ တိုက်ပွဲအုပ်စု B, C, D ၏ သက်ဆိုင်ရာ ဦးဆောင်အဖွဲ့များနှင့် ဒုတိယရအသင်းများသည် အုပ်စုတွင်းရှိ အခြားအသင်းများနှင့် ဝေးကွာသွားကာ နောက်တစ်ဆင့်သို့ တက်ရောက်ရန် အာမခံချက်ရှိ‌နေသည်။ ၎င်းတို့သည် ‘နတ်ဘုရားကျောင်းဆောင်’၊ Thunder Storm မိုးကြိုးမုန်တိုင်း၊ Mountain Sea တောင်တန်းပင်လယ်နှင့် အခြားနိုင်ငံခြား အသင်းသုံးခုမှ အဖွဲ့များဖြစ်သည်။

ဓါးရူး၏ အသင်းသည် ကံမကောင်းစွာဖြင့် အောက်ခြေအသင်းများထဲမှ တစ်သင်းဖြစ်ပြီး အဆင့်တက်ရန် အခွင့်အရေးမရှိပေ။ ဒါပေမယ့် တရားဝင်ပွဲတွေကို ဝင်ခွင့်ရလိုက်ခြင်းက ဒီလူသစ်တန်းအဖွဲ့လေး၏ လူကြိုက်များမှုကို ရုတ်တရက် ပေါက်ကွဲသွားစေ၏။ သူတို့အဖွဲ့၏ အောင်မြင်မှုက ‘အထီးကျန်ကြိုးကြာ’ကို ရည်မှန်းချက်ကြီးပြီး ပိုကောင်းတဲ့ရမှတ်တွေကို ရယူစေချင်ခဲ့သည်။

သို့သော် လက်တွေ့မှာ ကြမ်းတမ်းလွန်း၏။ ဤအဆင့်အထိ ကျော်လွှားနိုင်ခဲ့သည့် အသင်းတွေအားလုံးသည် လက်ရွေးစင်ကစားသမားများနှင့် သန်မာတဲ့အသင်းများပင်။ သူတို့အသင်း၏ယေဘုယျစွမ်းအားမှာ နိမ့်ပါးလွန်းသောကြောင့် သူဘယ်လောက်ပဲ ကြိုးစားလုပ်လုပ် ရှုံးနိမ့်ပြီးရင်း ရှုံးနိမ့်ခဲ့ရသည်။

‘အထီးကျန်ကြိုးကြာ’သည် ထိတ်လန့်သွားပြီး သူ၏ကြိုးစားအားထုတ်မှုသည် ဘာမှကွာခြားသွားမည်မဟုတ်ကြောင်း သူသဘောပေါက်သွားသည်။ သူ၏ ရည်မှန်းချက်သည်လည်း လေထဲတွင် လွင့်မျောသွားတော့သည်။

သို့သော်လည်း သူက ဝါရင့်ကစားသမား တစ်ယောက်ဖြစ်နေဆဲပင်၊ သူ၏ အတွေးအမြင်ကို မြန်မြန်ဆန်ဆန် ပြန်လည်သတ်မှတ်နိုင်ခဲ့တယ်။ “ဒါဆို လုံလောက်ပြီ။ ဒီထိအောင်မြင်ပြီး ထိပ်တန်းအသင်းတွေနဲ့ ရင်ဆိုင်ရတာက မဆိုးပါဘူး။”

ဤအတွေးဖြင့် ‘အထီးကျန်ကြိုးကြာ’သည် သူ၏ ဂိမ်းကလပ်မှ လှပသော ဆုလာဘ်ကို ရရှိလိမ့်မည်ဟု ယုံကြည်ခဲ့သည်။ သို့သော် အမှန်တရားက သူ့ကို ပါးဖြတ်ရိုက်လိုက်ပြန်သည်။

‘မြစ်ဝဲကလပ်’ဂိမ်းကလပ်မှ တာဝန်ရှိသူက ဓါးရူးသည် အနာဂတ်အတွက် အသင်းခေါင်းဆောင်ရာထူးကို ရယူတော့မည်ဖြစ်ကြောင်း ကြေညာခဲ့သည်။ ‘အထီးကျန်ကြိုးကြာ’သည် ချက်ချင်းပင် ရပ်တည်မှု ဆုံးရှုံးသွားပြီး သူ၏စာချုပ်ကို ဖျက်သိမ်းရန် ကြေညာချက်ကို ‘အထီးကျန်ကြိုးကြာ’ထံသို့ ပေးပို့ခဲ့သည်။ သူ လုံးဝ အံ့ဩသွားသည် ။

ကလပ်၏ စီမံခန့်ခွဲမှုသည် မျက်ကန်းမဟုတ်ပေ။ ဒီပြိုင်ပွဲမှာ ဓါးရူးရဲ့ စွမ်းဆောင်ရည်ကို အားလုံးက ရှင်းရှင်းလင်းလင်း မြင်တွေ့ခဲ့ရ၏။ သူသည် တစ်ဦးချင်းပြိုင်ပွဲအမျိုးအစားတွင် ထိပ်တန်းသုံးယောက် စာရင်းဝင်ခဲ့ပြီး နောက်ဆုံးတွင် ရေပင်လယ်ဂြိုလ်၏ ထိပ်တန်းဆယ့်ခြောက်ယောက် တစ်ဦးချင်းတိုက်ခိုက်ရေးပြိုင်ပွဲဝင်၊ တစ်ဦးတည်းသော ယန္တရားပညာရှင် ဖြစ်လာခဲ့သည်။ သူ့ကို 'တရုတ်နိုင်ငံ၏ နံပါတ် ၁ တိုက်ခိုက်ရေးယန္တရားပညာရှင်' လို့တောင် ခေါ်ဝေါ်ကြ၏။

ထိုသို့သော အလားအလာရှိသော ကစားသမားတစ်ဦးသည် သဘာဝအားဖြင့် ‘မြစ်ဝဲကလပ်’၏ ပိုဂရုစိုက်မှုကို ခံရလိမ့်မည်။ ဒါပထမဆုံးပြိုင်ပွဲတစ်ခုသာဖြစ်ပြီး အနာဂတ်မှာလည်း နောက်ထပ်အခွင့်အရေးတွေ အများကြီးရှိနေသေးသည်။ သူတို့က ဓါးရူးကို ကလပ်၏မဏ္ဍိုင် ဖြစ်လာစေရန် စီစဉ်ခဲ့ပြီး ဓါးရူးပတ်ပတ်လည်တွင် အဖွဲ့တစ်ဖွဲ့တည်ဆောက်ရေး လုပ်ငန်းစဉ်ကို ဆောင်ရွက်နေကြ၏။

တစ်ဖက်တွင်၊ ရလဒ်များနှင့် ကတိကဝတ်များ ကင်းမဲ့နေသော ‘အထီးကျန်ကြိုးကြာ’သည် ကလပ်မှ ထုတ်ပယ်ခြင်း ခံခဲ့ရသည်။

ဓါးရူးသည် အစောပိုင်းတွင် ‘မြစ်ဝဲကလပ်’ကို အမှန်တကယ် မကြိုက်ခဲ့သော်လည်း ယခုအခါတွင် ၎င်းတို့သည် သူ့ပတ်ဝန်းကျင်တွင် အသင်းတစ်သင်းကို တည်ဆောက်လိုကြောင်း သိလိုက်ရသောကြောင့် စိတ်လှုပ်ရှားနေခဲ့ပြီး၊ ၎င်းသည် ကြယ်ပွင့်ကစားသမားအချို့ပင် ရရှိမည်မဟုတ်သည့် ဆက်ဆံမှုဖြစ်သည်။

ရလဒ်ကောင်းများရရှိပြီးသည်နှင့် သူ၏ ပရော်ဖက်ရှင်နယ် ဂိမ်းကစားခြင်း အသက်မွေးဝမ်းကျောင်း စတင်တော့မည်ဖြစ်သည်။ ဓါးရူးသည် ယခုအချိန်တွင် ကြယ်ပွင့်တစ်ပွင့်ဖြစ်နေပြီ ဖြစ်သော်လည်း သူစိတ်မကျေနပ်ဘဲ အနာဂတ်တွင် ပိုကောင်းအောင် သူ့ကိုယ်သူ တိုးတက်အောင် အမြဲကြိုးစားနေသည်။ သူသည် စိတ်ပိုင်းဖြတ်မှု အပြည့်ရှိပြီး မည်သို့ပင်ဖြစ်စေ ဟန်ရှောင်းကို တွယ်ကပ်နေရမည်ဟု သူ့ကိုယ်သူ မှတ်သားထားသည်။ သူသာ ထိုသို့လုပ်နိုင်လျှင် ကောင်းတာတွေက အမြဲလိုက်နေလိမ့်မည်။

ပထမပြိုင်ပွဲအတွက် ဓါးရူး၏ ရလဒ်များသည် အတိတ်ကထက် အမှန်တကယ် ကောင်းမွန်နေပြီဖြစ်သည်။ ဟန်ရှောင်းဟာ သူ့ကလေးကြီးပြင်းလာတာကို ကြည့်နေသလိုမျိုး ခံစားနေရသည်... အမ်၊ ဒါမှမဟုတ် ကစားသမားတစ်ယောက်ကို ပြုစုပျိုးထောင်ရတာနဲ့ ပိုတူပါတယ်။

တစ်ဖက်တွင်၊ ဟန်ရှောင်း၏ အတိတ်က ထိပ်တန်းဆယ့်ခြောက်ယောက် ဖြစ်လာခဲ့သော Electrolux သည် ယခုအကြိမ် ရှုံးထွက်အဆင့်မှပင် တက်မလာနိုင်ခဲ့ပေ။ ဤအကြောင်းမှာ ဟန်ရှောင်းက သူ၏ အစောပိုင်းဖွံ့ဖြိုးမှုကိုဝင်ရောက်စွက်ဖက်ခြင်းကြောင့်ဖြစ်ပြီး၊ Electrolux တွင် ၎င်း၏ အက်စ်ပါစွမ်းရည်အတွက် အဆင့် A အလားအလာရှိလျှင်ပင် အရေးမပါတော့ပေ။။

ရေပင်လယ်ဂြိုလ်၏ ပြိုင်ပွဲတွင်၊ တိုက်ပွဲအုပ်စု A ၏ ရပ်တည်မှုသည်သာ မရှင်းလင်းသေးပေ။

ဤသည်မှာ စစ်မှန်သော သေမင်းအုပ်စုဖြစ်ဟ။ ပွဲစဉ်အနည်းငယ်သာ ကျန်ရှိတော့သော်လည်း ထိပ်ဆုံးငါးသင်းမှာ အခြေခံအားဖြင့် ရမှတ်များ တူညီနေသည်။ နောက်ဆုံးမှာ ဘယ်သူက ထိပ်ဆုံးက ပေါ်ထွက်လာမယ်ဆိုတာ မပြောနိုင်သေးပေ။ လက်ရှိမှာတော့ ‘ရှည်လျားကောင်းကင်ကလပ်’က တတိယနေရာမှာ ရပ်တည်နေ၏။