ငါက ဆွဲဆောင်မှုမရှိလို့လား?

အော်ရိုရာအနားတွင် ပျင်းရိစွာ လဲလျောင်းနေသော ဝက်ဝံလေးသည် ရုတ်တရက် မတ်တပ်ထရပ်ကာ ကားလော့ဒ်အား သတိပေးသလို အော်ဟစ်လိုက်သည်။ ဟန်ရှောင်းသည် အော်ရိုရာအား ဝက်ဝံလေးကို အချိန်အတော်ကြာအောင် ပြုစုပျိုးထောင်စေပြီး၊ ဤဝက်ဝံသည် လူတစ်ဝက်ခန့်အထိ ကြီးထွားနေပြီဖြစ်သည်။ ၎င်းသည် ၎င်း၏ ငယ်ရွယ်သည့် အဆင့်သို့ ရောက်ရှိနေကာ ပုံမှန်အားဖြင့် မရှိသင့်သည့် ထူးခြားသော အသွင်ကူးပြောင်းမှုတစ်ခု ဖြစ်ပေါ်လာသည် - ၎င်း၏အမွှေးများသည် တောက်ပြောင်လာကာ ၎င်း၏ပင်ကိုယ်အရည်အသွေးများသည် အထက်တန်းစားအဆင့်သို့ တဖြည်းဖြည်း ကြီးထွားလာပုံရသည်။

အော်ရိုရာ၏ စွမ်းအားသည် သက်ရှိပုံစံများပေါ်တွင် ဓာတ်ကူပစ္စည်းကဲ့သို့ အကျိုးသက်ရောက်မှု ရှိပုံရသည်။ ငယ်ရွယ်သော သတ္တဝါများသည် သူမနှင့် နီးနီးကပ်ကပ်နေခြင်းဖြင့် အထူးကြီးထွားလာနိုင်သည်။ အော်ရိုရာ၏ ‘အက်စ်ပါ’စွမ်းအားကို [Dawn of Life] [အသက်၏အရုဏ်ဦး] ဟုခေါ်ကြောင်း ဟန်ရှောင်းသည် လွန်ခဲ့သော အချိန်အနည်းငယ်က သိလာ၏။ ၎င်း၏ အလားအလာအဆင့်မှာ ဟီလာကဲ့သို့ပင် ‘S’ ဖြစ်သည်။ ဒါက စိတ်လှုပ်ရှားစရာကောင်းသည့် ရှာဖွေတွေ့ရှိမှုတစ်ခု ဖြစ်နေသည်။

ဒီရှာဖွေတွေ့ရှိမှုရဲ့ အရင်းအမြစ်မှာ တိုက်ပွဲအချက်အလက်များမှလာ၏။ ဟုတ်ပါသည်၊ သူက အော်ရိုရာကို တိုက်ခိုက်ခြင်း မဟုတ်ပေ။ ထိုလုပ်ဆောင်ပုံကို သူက နားလည်မှုလွဲခဲ့သည်၊ သူက အော်ရိုရာကို တိုက်ခိုက်ခွင့်ပြုလိုက်ရုံပင်။ သို့သော် စည်းရုံးမှုများစွာ ပြုလုပ်ပြီးနောက်တွင်ပင် အော်ရိုရာသည် ဟန်ရှောင်းကို တိုက်ခိုက်လိုစိတ်မရှိဘဲ ခေါင်းခါနေဆဲဖြစ်သည်။ ဟန်ရှောင်းသည် အကြောင်းတစ်ခုခုကြောင့် သူမကို စိတ်မချမ်းသာဖြစ်နေနိုင်သည်ဟု သူမ မယုံနိုင်လောက်အောင်ပင် စိတ်ပျက်နေခဲ့၏။

အော်ရိုရာအတွက် ကမ္ဘာတစ်ဝှမ်းလုံးတွင် သူမနှင့် ရင်းနှီးသော လူနှစ်ဦးသာ ရှိသည်။ တစ်ယောက်က သူ့အစ်မ ဟီလာဖြစ်ပြီး၊ အခြားတစ်ယောက်မှာ သူမ၏ အနိမ့်ဆုံးနေရာသို့ ရောက်နေချိန်တွင် အမှောင်ထုကို စုတ်ဖြဲပြီး အလင်းရောင်ကို ယူဆောင်လာသူ ဟန်ရှောင်းပင်ဖြစ်သည်။ ဟီလာမှလွဲ၍ ဟန်ရှောင်းသည် သူမအား ကောင်းမွန်စွာဆက်ဆံသော တစ်ဦးတည်းသော လူသားဖြစ်၏။ သူမမှာ အားကိုးစရာ ဒီနှစ်ယောက်ပဲရှိတာကြောင့် သူမသည် ဟန်ရှောင်းကို အကိုကြီးတစ်ယောက်လို ပြုစုစောင့်ရှောက်ခဲ့၏။

ဟန်ရှောင်းသည် နောက်ဆုံးတွင် သူ့ယန္တရားဝတ်စုံ၏ စွမ်းဆောင်ရည်ကို စမ်းသပ်ရန် အကြောင်းပြချက်ဖြင့် သူ့ကို ပစ်ခတ်ဖို့ ဆွဲဆောင်ခဲ့ပြီး၊ ဟန်ရှောင်းဟာ တိုက်ခိုက်ရေး အချက်အလက်ကို ရရှိသွား၏။ သူ၏ ကနဦးပစ်မှတ်မှာ ဟီလာသာ ဖြစ်ပြီး အလွန်အံ့သြစရာကောင်းလောက်အောင်ပင် အော်ရိုရာတွင်လည်း တူညီသော အလားအလာရှိနေသည်။ သူ့အတွက်ကတော့ 'တစ်ခုဝယ် တစ်ခုလက်ဆောင်' နှင့် တူနေ၏။

မူရင်းဇာတ်ကြောင်းတွင်၊ အော်ရိုရာသည် ယိုယွင်းပျက်စီးသွားသောကြောင့် သူမ၏အနာဂတ်အောင်မြင်မှုများကို မသိနိုင်ပေ။ ဒီတစ်ခါတော့ ကြီးထွားဖို့ အခွင့်အရေး ရလာသည်။ ထို့အပြင် ဟန်ရှောင်းကို သူမက အလွန် အားကိုးအားထားပြုထားတာကြောင့် သူမသည် အစ်မဖြစ်သူထက်ပင် အများကြီး ပိုအားကိုးရနိုင်၏။

ဟန်ရှောင်းက ဟီလာကို တစ်ချက်ကြည့်လိုက်ပြီး လျှို့ဝှက်စကားပြောဖို့လိုကြောင်း အချက်ပြပြီးနောက် ဘေးဘက်သို့ လျှောက်သွားလိုက်သည်။

သိပ်မကြာခင်မှာပဲ ဟီလာက လမ်းလျှောက်လာပြီး သူ့ဘေးမှာ ရပ်ပြီး မျက်မှောင်ကြုတ်လိုက်၏။ "ဘာလဲ?"

"မင်း ဒီကမ္ဘာကြီးကနေ ငါနဲ့အတူ ထွက်သွားချင်လား"

"ဘာလို့ ငါ့ကိုဖိတ်ခေါ်တာလဲ" သူမ၏မျက်လုံးထဲတွင် ဟီလာ၏အမူအရာ အနည်းငယ်ပြောင်းလဲသွားပြီး ဟန်ရှောင်း၏ မျက်နှာကိုကြည့်လိုက်သည်။

"မင်းတင်မကဘူး၊ မင်းညီမကောပဲ။ မင်းတို့နှစ်ယောက် ဘယ်တော့မှ ခွဲမသွားဘူးဆိုတာ ငါသိတယ်။"

ဟီလာသည် ခေါင်းငုံ့ကာ စဉ်းစားရင်း အတန်ကြာ တိတ်ဆိတ်သွားပြီးနောက် သူမက ဖြည်းညှင်းစွာပြောသည်။ “မလိုက်ဘူး”

ဟန်ရှောင်းမျက်ခုံးပင့်လိုက်သည်။ “ငါ Bennett ကိုလဲ မေးပါတယ်။ သူ မလိုက်ဘူးဆိုတာ နားလည်ပေမယ့် မင်းက ဘာလို့ ငြင်းတာလဲ။"

“အန္တရာယ်ရှိတယ်” ဟီလာက ပြောသည်။ "ညီမလေးကို စောင့်ရှောက်ရမယ်"

"နေဖို့လည်း အန္တရာယ်များတယ်။"

ဟီလာ၏ အမူအရာသည် လေးနက်သွားကာ "မင်း ဘာကို ထပ်ပြီး မြင်ထားတာလဲ"

ဟန်ရှောင်းက ဗီဇပြောင်းလဲခြင်း ဘေးအန္တရာယ်ကို အကြမ်းဖျင်းပြောပြပြီး "ဒီကမ္ဘာပေါ်မှာ မင်းရှိနေရင်တောင် မကြာခင်မှာ ဘေးဒုက္ခက မင်းဆီရောက်လာလိမ့်မယ်။ မင်းနဲ့ အော်ရိုရာနှစ်ဦးစလုံးမှာ အရမ်းမြင့်မားတဲ့ အလားအလာရှိတယ်၊ ဒါကြောင့် မင်းတို့ရဲ့ အနာဂတ်က ကျိန်းသေပေါက် ဂလက်ဆီမှာပဲ။ ဒါတောင် မင်းငါနဲ့ မလိုက်ချင်သေးဘူးလား"

ဟီလာသည် မျက်လုံးများကိုမှိတ်ကာ တွေးတောနေသည် ။

ကောင်းကင်မှာ အထီးကျန်နေတဲ့ လမင်းလို တိတ်ဆိတ်ငြိမ်သက်နေ၏။

အချိန်အတော်ကြာပြီးနောက် ဟီလာသည် ဟန်ရှောင်းဘက်သို့လှည့်ကာ တိုးတိုးလေးပြောသည်။ “မလိုက်ဘူး”

ဟန်ရှောင်းက သူမကို အဓိပ္ပါယ်ရှိစွာကြည့်ကာ စီးကရက်မီးညှိကာ မီးခိုးငွေ့များကို ရှူထုတ်လိုက်သည်။ “ကောင်းပြီလေ။”

သူ့လေသံသည် အလွန်ပေါ့ပေါ့ပါးပါးဖြစ်ပြီး နောက်ထပ်သိချင်သည့် အရိပ်အယောင်များ မပြဘဲ ဟီလာကို သံသယဝင်စေသည်။ သူမက မျက်မှောင်ကြုတ်ကာ “ဘာဖြစ်လို့လဲ မသိချင်ဘူးလား”

ဟန်ရှောင်းက ရယ်ပြီး “ကိုယ့်ကိုကိုယ် သိပ်အထင်မကြီးပါနဲ့၊ ငါမေးလိုက်ရုံပဲ။ မင်းလိုက်သည်ဖြစ်စေ မလိုက်သည်ဖြစ်စေ ငါ့အပေါ် အများကြီး သက်ရောက်မှု မရှိစေဘူး။ အခု မင်းမှာရှိနေတဲ့ ခွန်အားက အကူအညီအများကြီး ရနိုင်မှာမဟုတ်ဘူး။"

ဟီလာ၏ မျက်လုံးများ အနည်းငယ် အေးစက်သွားသည်။ သမက ဟန်ရှောင်းကို ငြင်းခဲ့သော်လည်း ထိုယောက်ျား၏ ဂရုမစိုက်သော သဘောထားကို ခံစားလာရပြီး သူမသည် သူ့အတွက် အရေးမကြီးဟု ခံစားလာရသောအခါ ရှက်စရာကောင်း၏။

ဒီတစ်ကြိမ်မှာတော့ ဟန်ရှောင်းက “ဒါက မင်းရဲ့ကိုယ်ပိုင်ရွေးချယ်မှုပဲ၊ 'မင်းအကျိုးအတွက်' ဆိုတဲ့ ဟန်ဆောင်မှုအောက်မှာ မင်းကို ဘယ်အရာမှ အတင်းအကြပ်မလုပ်ခိုင်းပါဘူး။

သူစကားပြောနေစဉ်တွင် သူသည် သော့တစ်ချောင်းကိုထုတ်ကာ ဟီလာထံပစ်ပေးလိုက်ပြီး “တစ်နေ့ အမှောင်ထုက ခိုလှုံရေးစခန်းကို ဝါးမျိုသွားရင် ဒီသော့တွေက ငါ့ရဲ့လျှို့ဝှက်စခန်းကို ဦးတည်သွားစေလိမ့်မယ်။ ဒါက မင်းအတွက် ဖုံးကွယ်ရန် နေရာတစ်ခု ပေးစွမ်းနိုင်သည်။ ငါ့ရုံးခန်းထဲ ဘယ်ဘက်က တတိယအံဆွဲ၏ နောက်ကျောဘက်ခြမ်းတွင် တည်နေရာအချက်အလက်ကို ထားခဲ့တယ်၊ ငါအဲ့ဒါကို မင်းအတွက် ထားခဲ့မယ်။"

ဟီလာက သော့တွေနဲ့ ကစားနေ၏။ ရုတ်တရက် သူမက "နင်ပြန်မလာဘူးလား?"

ဟန်ရှောင်းက တစ်ဝက်တစ်ပျက် ပြုံးပြပြီး "ဒါကို မင်းအရမ်း ဂရုစိုက်နေတာလား?"

ဟီလာသည် အေးစက်စွာ နှာမှုတ်လိုက်ပြီး သော့များကို မြှောက်ပြပြီး သူပြောသည်ကို မှတ်မိကြောင်း အချက်ပြကာ ထွက်ခွာသွားသည်။

သူမ ခြေလှမ်းအနည်းငယ် လှမ်းပြီးနောက်တွင် ဟန်ရှောင်း၏ အသံသည် ပေါ့ပါးသောလေသံဖြင့် အနောက်မှထွက်လာသည်။

"မသေစေနဲ့။"

ဟီလာ၏ ခြေလှမ်းများ ရပ်တန့်သွား၏။

"နင်ရောပဲ။"

ဟီလာထွက်သွားပြီးနောက် ဟန်ရှောင်း၏ အပြုံးသည် ပျောက်ကွယ်သွား၏။ စီးကရက်ကို ကြမ်းပြင်ပေါ်ပစ်ချပြီး သူ့ခြေထောက်နှင့် ငြှိမ်းသတ်လိုက်သည်။

သူခန့်မှန်းထားမှုအရ ဟီလာသည် သူနှင့်အတူ ထွက်ခွာရန် အခွင့်အလမ်း ၅၀%ကျော်ရှိသော်လည်း ဟီလာသည် မမျှော်လင့်ဘဲ အခြားရွေးချယ်မှုကို ပြုလုပ်ခဲ့သည်။ ကောင်းကျိုးဆိုးကျိုးများကို ရှင်းပြပြီးသည့်တိုင် ဟီလာဆက်နေရန် ရွေးချယ်ခဲ့၏။ အကြောင်းပြချက်အဖြစ် ညီမလေးအပြင် တခြားစဉ်းစားစရာတွေလည်း ရှိနေနိုင်၏။ နတ်ဆိုးမဖြစ်မီ ဟီလာ၏ ပင်ကိုယ်စရိုက်မှာ ခန့်မှန်းရန် မလွယ်ကူပေ။

သို့သော်လည်း လက်ရှိအဆင့်တွင် ဟန်ရှောင်း၏ ဟီလာအပေါ် လိုအပ်ချက်မှာ အမှန်တကယ် မမြင့်မားပေ။ သူမ၏ စွမ်းအားများ မရင့်ကျက်သေးမီ ဟီလာက သူ့အတွက် ကူညီပေးမယ့် ပမာဏသည် သိပ်မများသေးဘဲ ကျွမ်းကျင်သည့် ကစားသမားများလောက်ပင် ထိရောက်မည် မဟုတ်ပေ။

ထို့အပြင် ဟီလာကိုခေါ်ဆောင်ခြင်းသည် အော်ရိုရာကိုပါ ခေါ်ဆောင်လာရမည်ဟု ဆိုလိုပြီး လက်ရှိ အော်ရိုရာသည် ပို၍ပင်ပျော့ပျောင်းပြီး အလွယ်တကူ ထိခိုက်နိုင်သည်။ နဂါးငွေ့တန်းသည် မသိနိုင်သော အန္တရာယ်များနှင့် ပြည့်နှက်နေ၏။ ဟန်ရှောင်းသည် Galaxy နှင့်ရင်းနှီးသော်လည်း၊ သူက သတိထားရမည်ဖြစ်သည်။

အခြားတစ်ဖက်တွင်မူ ကစားသမားများသည် ၎င်းတို့ ပြန်လည်ရှင်သန်လာနိုင်သောကြောင့် အလွန်ကောင်းမွန်သောအကူအညီဖြစ်ပြီး၊ ဟန်ရှောင်းသည် ကန့်သတ်ချက်များမရှိဘဲ တစ်ယောက်တည်းလွတ်လပ်စွာ လှုပ်ရှားနိုင်သည်။ ဘယ်သူ့ကိုမှလည်း မသယ်သွားရသည့် အကျိုးကျေးဇူးများရှိ၏။

ထို့ကြောင့်၊ ဟီလာနှင့် အော်ရိုရာကို ရေပင်လယ်ဂြိုလ်တွင်နေခွင့်ပြုခြင်းသည် ကောင်းသောရွေးချယ်မှုပင် ဖြစ်သည်။ ဗီဇပြောင်းလဲခြင်း ဘေးအန္တရာယ်မရောက်မီ နှစ်နှစ်မှ သုံးနှစ်ခန့် လိုသေးပြီး သူတို့နှစ်ဦးသည် လုံခြုံသောပတ်ဝန်းကျင်တွင် ကြီးထွားလာနိုင်မည်ဖြစ်သည်။ သူ့နောက်ကို လိုက်ခဲ့မည်ဆိုလျှင် မကြာခင် အန္တရာယ်နှင့် ရင်ဆိုင်ရပေလိမ့်မည်။

သူတို့ကို ကြီးထွားစေပြီးနောက် ဗီဇပြောင်းလဲခြင်း ဘေးအန္တရာယ်ပြီးမှ ပြန်လည်ခေါ်ယူခြင်းသည် ဟန်ရှောင်း၏ ရှုထောင့်မှကြည့်လျှင် မကောင်းသောအရာတော့ မဟုတ်ပေ။

နှစ်ကြိမ်တိုင်တိုင် ငြင်းဆိုခံရပြီးနောက် ဟန်ရှောင်းသည် သူ့နှလုံးသားထဲတွင် အတော်လေး နာကျင်နေသေးသည်။ သူသည် သူ့ကိုယ်သူ တိုးတိုးလေးပြောကာ “ငါက ချစ်စရာမကောင်းလို့လား။ အဲလိုမဖြစ်ရဘူးလေ။”

သူ့အနားမှ အသံထွက်လာသည်။ ရီရယ့်ချင်းက အရိပ်ကနေ ထွက်လာ၏။ ဟန်ရှောင်းသည် သူမ ပုန်းအောင်းနေသည်ကို တစ်ချိန်လုံး သိနေခဲ့သည် ။ သူမကိုကြည့်ကာ မေးလိုက်သည်။ “မင်းဘယ်လောက် ကြားသွားလဲ”

“အားလုံးပဲ၊” ရီရယ့်ချင်းက အံ့သြစွာပြောသည်။ "မင်းပြောသမျှ အမှန်ပဲလား။ မင်းထွက်သွားပြီးရင် ငါထွက်သွားမှာကို မင်းမကြောက်ဘူးလား။ မင်းငါ့ကို လဲလှယ်ခဲ့ပြီး အခု ငါက အသုံးမဝင်တော့ဘူးလား။"

"မင်းက လွတ်လပ်သွားပြီ၊ ဒါပေမယ့် မင်း ခိုလှုံရေးစခန်းမှာ နေနေတာ အကောင်းဆုံးပဲ။ ငါပြောတဲ့ disaster အကြောင်းက နောက်နေတာမဟုတ်ဘူး။”

ရီရယ့်ချင်းက ရှုပ်ထွေးသောအမူအရာဖြင့် ခေါင်းညိတ်ကာ လှည့်ထွက်သွား၏။ ဟန်ရှောင်းက မျက်လုံးမှေးကာ သူ့နောက်ကျောကို ကြည့်ပြီး ခေါင်းယမ်းလိုက်သည်။

မရဏခေါင်းလောင်းကျွန်းမှ အကျဉ်းသားများသည် ဗားရှင်း ၂.၀ တွင် ဇာတ်ကောင်အသစ်များဖြစ်ကြသည်။ ရီရယ့်ချင်းသည် ၎င်းတို့အနက်မှ တစ်ဦးဖြစ်ပြီး ဟန်ရှောင်းက သူမကို ကြိုတင်ခေါ်ထုတ်ထားခဲ့သည်။ သူမသည် အနာဂတ်တွင် ဗီဇပြောင်းလဲခြင်းဘေးဒဏ်ကို ဟန့်တားနိုင်သည့် အရေးကြီးသောဆေးများကို တီထွင်နိုင်စေရန်အတွက် ရီရယ့်ချင်းသည် အဖိုးတန်လှသည်။

လူတစ်ယောက်၏ နှလုံးသားကို ထိန်းချုပ်ရန် ခက်ခဲသော်လည်း ရီရယ့်ချင်းရှိနေရန် အခွင့်အလမ်း မြင့်မားသည်ဟု သူ ခံစားမိသည်။ သူမသည် သူမ၏ဘဝကို တန်ဖိုးထားကာ ဆေးဝါးသုတေသနကို အရူးအမူးဖြစ်ခဲ့သည်။ ခိုလှုံရေးစခန်းတွင် ကစားသမားများစွာရှိသဖြင့်၊ ၎င်းသည် စမ်းသပ်မှုများအတွက် အကောင်းဆုံးနေရာဖြစ်သည်။ ထိုအရာက ရီရယ့်ချင်းကို ဆွဲဆောင်နိုင်သည်။

…

ကျွမ်းကျင်သော ကစားသမား ၅၀ကို ခေါ်ယူခြင်းသည် အစီအစဉ်၏ အလွန်အရေးကြီးသော အစိတ်အပိုင်းတစ်ခုဖြစ်သည်။ ပရိုလိဂ်ပြီးဆုံးသွားပြီး ကစားသမားများမှာ စိတ်မကျေနပ်ဖြစ်နေကြသေးလျှင် အစီအစဉ်ကို အကောင်အထည်ဖော်ဖို့ အချိန်တန်ပြီဖြစ်သည်။

ဖိုင်နယ်အဆင့် ရောက်နေပြီဖြစ်ပြီး ရက်အနည်းငယ်အတွင်း ပြီးဆုံးတော့မည်ဖြစ်သည်။ ဟန်ရှောင်းသည် ကစားသမားများကို ခေါ်ဆောင်ရန် ၎င်း၏ အစီအစဉ်ကို အပြီးသတ်ခဲ့သည်။

ဤနေ့တွင် ရိုင်းလင်းသည် Bennett ကို ကျော်ကာ ဟန်ရှောင်းကို တိုက်ရိုက်ဆက်သွယ်ပြီး အလွန်ကြမ်းတမ်းခက်ထန်သောလေသံဖြင့် နောက်ဆုံးသတိပေးချက် ပေးခဲ့သည်။

“Black Phantom၊ မင်း ဂိုဒိုရာရဲ့ စုံစမ်းစစ်ဆေးရေးမှူးကို ဖမ်းထားတာ ငါတို့သိတယ်။ မင်းအမှားကြီးတစ်ခု လုပ်လိုက်ပြီ။ ဂျာမီနယ်အဖွဲ့အစည်းနဲ့ စစ်ပွဲအတွင်းမှာ မင်းလုပ်ခဲ့သော ပံ့ပိုးမှုတွေကို ငါတို့ လေးစားပါတယ်၊ ဒါပေမယ့် အဲဒီပံ့ပိုးမှုတွေကို မင်းအလိုရှိသည့်အတိုင်းသုံးဖို့ ငါတို့ခွင့်မပြုနိုင်ဘူးး။ ဂိုဒိုရာသားကို ငါတို့လက်ထဲအပ်ပါ။ ဒါက နောက်ဆုံးသတိပေးချက်ပဲ၊ ဒီလိုမှမဟုတ်ရင် လိုအပ်တဲ့ အစီအမံတွေကို လုပ်ဆောင်ရလိမ့်မယ်။ မင်းလည်း ဒီလိုဖြစ်စေချင်မှာ မဟုတ်ဘူး။ မင်းက အရမ်းသန်မာတယ်ဆိုပေမယ့် ငါတို့နိုင်ငံနဲ့တော့ ယှဉ်နိုင်မှာမဟုတ်ဘူး။”

"အိုကေ၊ ဘိုင်။"

ကလင်။

ဟန်ရှောင်းက ဖုန်းချလိုက်ပြီး စကားမပြောဘဲ သူ့နှာခေါင်းကို ပွတ်သပ်လိုက်သည်။

ရိုင်းလင်းက လက်မလျှော့ဘဲ သူ့ကိုဖိအားပေးချင်ပေမယ့် ဟန်ရှောင်းက အခုသူတို့နဲ့ အချိန်ဖြုန်းမနေချင်တော့ပေ။

ဒီအချိန်မှာ ဟန်ရှောင်းက သူ့ရုံးခန်းမှာ ထိုင်နေပြီး ကားလော့ဒ်က သူ့အနားမှာ ရှိနေတယ်။ ဤဂိုဒိုရာသားသည် ပြတင်းပေါက်ဘေးတွင် ရပ်နေပြီး ရင်ပြင်ရှိ ကစားသမားများကို လှမ်းကြည့်နေသည်။ သူက ရုတ်တရက် "ဒါဆို ဒါက မင်းကမ္ဘာပေါ်က ထူးခြားတဲ့ ဖြစ်စဉ်တစ်ခုလား"

ကားလော့ဒ်သည် သူ၏ စုံစမ်းစစ်ဆေးရေးမစ်ရှင်ကို မှတ်မိနေသေးသည်။ ဤအတောအတွင်း သူသည် 'ဂြိုလ်သား ဖြစ်ရပ်ဆန်း' ကိုလည်း သတိပြုမိပြီး ကစားသမားများ၏ စရိုက်လက္ခဏာများစွာကို မြင်တွေ့ခဲ့ရသည်။

"ဒါ မင်းရဲ့ စုံစမ်းစစ်ဆေးရေးမစ်ရှင်ပဲ မဟုတ်လား။ ဒါဆို မင်း ကောက်ချက်ချလို့ပြီလား။" ဟန်ရှောင်းက မေးလိုက်သည်။