မြင်ကွင်းကို ပြန်လည်ဖန်တီးသည်

"တကယ်တော့ သူက ချီအသွင်ပြောင်းခြင်းဆဌမအဆင့်မှာ ရှိတာ..."

ရှုယွမ်သည် စကားမပြောနိုင်ချေ။

ကျန်ဟုန်ရှန်ကို လှည့်ကြည့်လိုက်တော့ တုန်လှုပ်ခြောက်ခြားစရာ မျက်နှာအမူအရာ ရှိသည်ကို သဘောပေါက်လိုက်သည် ။

နှစ်ယောက်သား တစ်ယောက်ကို တစ်ယောက်ကြည့်ကာ ညီညီညွတ်ညွတ် သက်ပြင်းချကြသည်။

လင်းရှန်သည် ပြိုင်ပွဲတွင် အနိုင်ရရန် မျှော်လင့်ချက်မရှိပုံရသည်။

စုနျန် အခုလေးတင် သရုပ်ပြထားတဲ့ ခွန်အားနဲ့ ဆိုတတိယတန်းမှာ ဘယ်သူကမှ သူနဲ့ယှဉ်နိုင်မှာ မဟုတ်ချေ။

"ဟာ…"

ကျိုးကျစ်ဟိုင်သည် လင်းရှန်ကို ကြည့်လိုက်ပြီး နောက်မှ ကံဆိုးခြင်းတွေကြောင့် ကျေနပ်နေသည်။

စုနျန်နဲ့ဆို လင်းရှန်က ပထမနေရာကို ရဖို့ မဖြစ်နိုင်တော့ပေ။

သူက ယန်ကျုံးရီကို ငုံ့ကြည့်လိုက်ပြီး ပိုလို့တောင် ကျေနပ်သွားကာ စကားမပြောဘဲ မျက်မှောင် ကျုံ့လိုက်သည်။

လူအုပ်ရှေ့မှ ကျောက်ရွှမ်ရင်၏ အကြည့်များသည် စုနျန်ဆီသို့ ရောက်သွားပြီး သူမ၏ အမူအရာက အနည်းငယ် ပြောင်းလဲသွားသည်။

"စုမိသားစုမှာ နောက်ထပ် ပါရမီရှင်တစ်ယောက်ပေါ်လာတာပဲ”

ယန်ရှင်းက ခပ်ဖျော့ဖျော့ပြုံးပြီး စုနျန်ကို နှိမ့်ချစွာ ကြည့်နေသည် ။

"သူက ချီအသွင်ပြောင်းခြင်း ဆဌမအဆင့်မှာပဲ ရှိပါသေးတယ်”

"မင်းနဲ့ငါမပြောနဲ့။ ဒီမှာ သူ့လို အရည်အချင်းရှိတဲ့ လူတစ်ဒါဇင်လောက် ရှိတယ်”

ဤစကားများပြောပြီးသည်နှင့်အမျှ သြဇာကြီးမားသောမိသားစုများ၏ တပည့်များစွာသည် သာလွန်သောသဘောဖြင့် ပြုံးလိုက်ကြသည်။

ကျောက်ရွှမ်ရင်သည် သူမ၏ နှုတ်ခမ်းများကို စိထားကာ ယန်ရှင်းနှင့် ငြင်းခုံခြင်း မရှိပေ။

ယန်ရှင်းမှပြောသော တစ်ဒါဇင်သည် မိသားစုဆယ့်ရှစ်စုမှဖြစ်သည်။ သူတို့ပိုင်ဆိုင်သော အရင်းအမြစ်များသည် ကျဆင်းနေသော မိသားစုမှ ဆင်းသက်လာသည့် စုနျန်အနေနဲ့ နှိုင်းယှဉ်နိုင်သော အရာမဟုတ်ချေ။

သို့ရာတွင် သူတို့၏ ကျင့်ကြံမှု အဆင့်သည်

စုနျန်နှင့် အတူတူပင်ဖြစ်ပြီး သူတို့ကို နိမ့်ကျစေသည်။

စုနျန်သည် တူညီသော ကျင့်ကြံမှု အရင်းအမြစ်များ ရှိပါက သူ၏ အောင်မြင်မှုများသည် ကျောက်ရွှမ်ရင်နဲ့ ယန်ရှင်းတို့ထက် နိမ့်ကျမည်မဟုတ်ပေ။

"ဒီပြိုင်ပွဲမှာ အနိုင်ရတဲ့သူက ဘယ်သူဖြစ်မလဲဆိုတာ သံသယဖြစ်စရာမရှိတော့ပါဘူး။ ငါတို့ စောင့်ကြည့်နေစရာ မလိုတော့ဘူး။ ငါတို့သွားမလား" ယန်ရှင်းက ပြောသည်။

သို့သော် ကျောက်ရွှမ်ရင်က ခေါင်းခါလိုက်သည်။

"ငါ ဆက်ကြည့်ချင်တယ်"

ကျဆင်းနေသော မိသားစုဟောင်းများမှ အဖွဲ့ဝင်တစ်ဦးသည် နေမီးတောက်လက်ဝါးတွင် အထူးကျွမ်းကျင်အဆင့် ရောက်ရှိသည်ကို တွေ့ရခဲသည်။ သူမသည် သူ၏လက်ဖဝါးနည်းစနစ်ကို လေ့လာဆည်းပူးလိုပြီး ဗဟုသုတအချို့ကို ရယူလိုသည်။

ယန်ရှင်းသည် မိန်းကလေး၏ လှပသော နံဘေးကို ကြည့်လိုက်သည်။ သူ့မျက်လုံးများ က မှိတ်တုတ်မှိတ်တုတ်နှင့် ညင်သာစွာ ပြုံးလိုက်သည်။

"မင်းကြည့်ချင်နေရင် ငါမင်းနဲ့နေခဲ့ပေးမယ်။"

ကျောက်ရွှမ်ရင်သည် အနည်းငယ် မျက်မှောင်ကြုတ်လိုက်သော်လည်း ဘာမှ

မပြောချေ။ သူမသည် ကွင်းကို လှမ်းကြည့်လိုက်သည်။

ဝမ်ဝေ့ချောင်ကို ကွင်းထဲမှာ ကူညီပေးခဲ့ကြပြီး မကြာခင်မှာပဲ ဒုတိယပွဲ စတင်ခဲ့သည်။

လင်းရှန်ပြိုင်ဘက်မှာ လျူရှောင်မင်ဟူသော ကျောင်းသားဖြစ်သည်။

လင်းရှန်ကိုကြည့်လိုက်တော့ လျူရှောင်မင်က ကံကောင်းတယ်လို့ ခံစားရသည်။

စုနျန်၏ ပြိုင်ဘက်အဖြစ် မကျခဲ့သည့်အတွက် ဝမ်းသာမိသည်။ မဟုတ်ရင် သူကျိန်းသေပေါက် ရှုံးရုံသာမက ဒဏ်ရာအပြင်းအထန်ပါ ရလိမ့်မည်ပင်။

ဝမ်ဝေ့ချောင်၏ ကြေကွဲဖွယ်အခြေအနေကို တွေးတောရင်း လျူရှောင်မင်က အနည်းငယ် ထိတ်လန့်သွားခဲ့သည်။

နှိုင်းယှဥ်ကြည့်လျှင် လင်းရှန်က ပို၍လွယ်ကူမှာ သေချာသည်။

လင်းရှန်သည် မကြာသေးမီက ချီအသွင်ပြော င်းခြင်း ပဉ္စမအဆင့်သို့ တက်လှမ်းခဲ့သည်ဟုဆိုသည်။ သူ၏ ကျင့်ကြံမှုကတော့ တည်ငြိမ်ရန် အခွင့်အလမ်း မြင့်မားသည်။လျူရှောင်မင်သည် လင်းရှန်ကို အနိုင်ယူနိုင်

မည်ဟု အတော့်ကို ယုံကြည်မှုရှိခဲ့သည်။

"ပထမနေရာကိုရဖို့ မျှော်လင့်ချက်မရှိဘူး၊ ဒါပေမယ့် ဒုတိယနေရာကတော့ မဆိုးပါဘူး။ ဒီနည်းနဲ့ ဝင်ခွင့်စာမေးပွဲအတွက် ခွင့်ပြုချက်ရနိုင်တယ် “

ဒါကိုတွေးရင်း လျူရှောင်မင်က အနည်းငယ် စိတ်လှုပ်ရှားသွားသည်။ လင်းရှန်အပေါ် သူ့အကြည့်တွေက စိတ်အားထက်သန်မှုအပြည့်

နဲ့ပင်။

တစ်ချိန်တည်းမှာပင် တိုက်ပွဲကို စောင့်ကြည့်နေသည့် အနီးနားရှိ ကျောင်းသား အများအပြားကလည်း အသံတိုးတိုးဖြင့် ဆွေးနွေးကြသည်။

" လင်းရှန် ဒါမှမဟုတ် လျူရောင်မင်မှာ ဘယ်သူအနိုင်ရလောက်လဲ။"

"ပြောဖို့ခက်တယ်။ သူတို့နှစ်ယောက်လုံးက ချီအသွင်ပြောင်းခြင်း ပဉ္စမအဆင့်မှာ ရှိတာ။ သူတို့ရဲ့ ခွန်အားက သိပ်ကွာခြားမှုမရှိပါဘူး။"

"ဘယ်သူက ဂရုစိုက်နေတာလဲ။ ဘယ်သူက ပထမဖြစ်မယ်ဆိုတာ ငါတို့အားလုံးသိတယ်။"

"မင်းအဲ့လိုပြောလို့ မရဘူးလေ။ ဒုတိယနေရာက အကယ်ဒမီဝင်ခွင့်စာမေးပွဲမှာ နေရာတစ်ခုကို အာမခံနိုင်တယ်။ တတိယနဲ့ စတုတ္ထနေရာတွေနဲ့ က တော်တော်ကွာတယ်လေ”

ပတ်ဝန်းကျင်မှာ ဆွေးနွေးနေတာကို ကြားတော့ ဆရာတွေက အမျိုးမျိုးသောပုံစံတွေ ဖြစ်နေကြသည်။

စုနျန် ဆဋ္ဌမအဆင့်သို့ တိုးတက်လာပြီး နေမီးတောက်လက်ဝါး အထူးကျွမ်းကျင်အဆင့်ရောက်နေတာကို ယနေ့ထိတိုင် ဘယ်သူမှမသိခဲ့ပေ။ အခု မြင်ကွင်းက သူတို့ကို တကယ် ထိတ်လန့်စေသည်။

အတန်း (၁၂) ၏ ဆရာကျန်းတောင်သည် ရွှင်မြူးလျက် ရှိသည်။ ဝမ်းသာလွန်းလို့ ပါးစပ်ကို မပိတ်နိုင်ခဲ့ပေ။

သူ၏အတန်းရှိ ချီအသွင်ပြောင်းခြင်း အဆင့်(၆) ကျောင်းသားနှင့်အတူ နှစ်ကုန်တွင် သူ၏ဆုကြေးသည် ပိုမိုမြင့်မားလာမည်ဖြစ်သည်။ သူ ဘယ်လိုမှ မပျော်ဘဲမနေနိုင်ပေ။

အခြားဆရာများ၏ ငြူစူသော အကြည့်များကို မြင်လိုက်ရတော့ ကျန်းတောင်သည် ကျယ်ကျယ်လောင်လောင် ပြုံးလိုက်ပီုး ပါးစပ် ပွင့်သွားမတတ်ပင်။

"ငါ သိပါတယ်။ စုနျန်မှာ ထူးချွန်ထက်မြက်တဲ့ အရည်အချင်းရှိပြီး ကြိုးစားလိုစိတ်ရှိတယ်။ သူစာမေးပွဲမဖြေခင် ချီအသွင်ပြောင်းခြင်း ဆဋ္ဌမအဆင့်ကို သေချာပေါက် ကျော်ဖြတ်နိုင်မယ်ဆိုတာ ငါသိပါတယ်။ ကြည့်

ကြည့်လိုက်၊ ငါပြောတာ မှန်တယ်မလား”

သူ၏ ကြွားဝါသော စကားများသည် ဆရာများ၏ ပါးစပ်များကို အဟောင်းသား ဖြစ်သွားစေသည်။

"သူ ကံကောင်းတာပါ။သူ့အတန်းထဲမှာ ထူးချွန်တဲ့ ကျောင်းသားတစ်ယောက် ရှိလာလို့ ပဲဟာ ..ဂုဏ်ယူစရာ ဘာရှိလို့လဲ။"

ခုန်ဟုန်သည် သူ့မျက်နှာတွင် ဖော်မပြနိုင်သော အသွင်အပြင်ရှိသည်။

ပထမပိုင်းတွင် ပြိုင်ပွဲ၌ လင်းရှန် ပထမနေရာရရန် မျှော်လင့်ချက် အနည်းငယ်ထားခဲ့သော်လည်း ယခုအခါ မျှော်လင့်ချက်မရှိတော့ချေ။

စုနျန်၏ နေမီးတောက်လက်ဝါးသည် အထူးကျွမ်းကျင်အဆင့်သို့ရောက်ရှိနေတာ မပြောနှင့်။ အဆင့်နှစ်ဆင့်ကြားရှိ ခွန်အားကွာခြားချက်က လွယ်ကူသည်မဟုတ်ပေ။

ဘာမှမမှားပါက စုနျန်သည် ဤပြိုင်ပွဲတွင် အနိုင်ရသူဖြစ်သင့်သည်။

ကံကောင်းထောက်မစွာ လင်းရှန်သည် ထိပ်ဆုံးလေးယောက်မှာ ရှိနေပြီဖြစ်သည်။ သူရှုံးခဲ့ရင်တောင် မူလဆေးလုံး ခြောက်လုံးကို ရယူနိုင်သေးသည်။

ဒါက ပြိုင်ပွဲမှာ ပါဝင်ရတဲ့ သူ့ရဲ့ မျှော်မှန်းချက်တွေကို ဖြည့်ဆည်းပေးနိုင်မှာပင်။

သူသာ စုနျန်ကိုရှုံးပြီး လျူရှောင်မင်ကို အနိုင်ယူနိုင်ခဲ့ရင် ဝင်ခွင့်စာမေးပွဲမှာ နေရာတစ်နေရာ ရနေသေးသည်။

"ဒီပွဲရဲ့ ရလဒ်ပေါ်မှာပဲ မူတည်တယ်။"

ခုန်ဟုန်က ကွင်းပေါ်မှာ အာရုံစိုက်နေချိန်တွင် သူ့ဘာသာပြောနေသည်။

ဘေးနားက လူတွေရဲ့ မျှော်လင့်ချက်တွေနဲ့ စိတ်လှုပ်ရှားနေတဲ့ အကြည့်တွေအောက်မှာ ဒိုင်လူကြီးက သူ့လက်ကို မြင့်မြင့်တင်လိုက်ပြီး အောက်ကို လှဲချလိုက်သည်။

တိုက်ပွဲစတင်ခဲ့သည်။

ဝူး

လျူရှောင်မင်က ပြင်းပြင်းထန်ထန် အော်ဟစ်လိုက်ပြီး လင်းရှန်ဆီကို ခုန်လိုက်သည်။

ဝမ်ဝေ့ချောင်ကဲ့သို့ပင် သူသည် ပထမဆုံးစတင်သူ ဖြစ်သည်။

" ဝမ်ဝေ့ချောင်က ကံမကောင်းလို့ ပြိုင်ပွဲကို ရှုံးတာ။ သူက စုနျန်နဲ့ ရင်ဆိုင်ရပေမယ့် ငါ့အခြေအနေက မတူဘူး။ လင်းရှန်နဲ့ ငါကြားက ခွန်အားကွာခြားချက်က ကြီးကြီးမားမားတော့ မဟုတ်ဘူး။ တိုက်ပွဲကို ငါ့စည်းချက်အတိုင်း ဆွဲယူနိုင်ရင် ငါနောက်ဆုံးအောင်နိုင်သူဖြစ်မှာ”

ထိုအတွေးများ စိတ်ထဲဝင်လာသည်နှင့်အမျှ လျူရှောင်မင်သည် သူ့အောင်မြင်မှုကို ကြိုမြင်သလို စိတ်လှုပ်ရှားနေသော အပြုံးကို ထုတ်ပြလိုက်သည်။

မျက်စိတစ်မှိတ်အတွင်းမှာပင် လျူရှောင်မင်သည် လင်းရှန်၏ နှစ်မီတာအကွာအဝေးသို့ ပြေးသွားခဲ့သည်။

ထိုထိတိုင် လင်းရှန်သည် မလှုပ်မရှားပေ။

လင်းရှန်သည် စွန့်လွှတ်ရန်ပြင်ဆင်နေပြီဖြစ်ကြောင်း သံသယဖြစ်ကုန်ကာ

ပရိသတ်များက တိတ်တဆိတ် အံ့ဩသွားကြသည်။

ဤအခိုက်အတန့်တွင် လင်းရှန်သည် လှုပ်ရှားမှုတစ်ခု ပြုလုပ်ခဲ့သည်။

တိုက်ခိုက်လိုစိတ်ပြင်းသော လျူရှောင်မင်

ကိုရင်ဆိုင်ရင်း လင်းရှန်သည် သူ့လက်ဖဝါးကို ငြိမ်သက်စွာ ဝှေ့ယမ်းလိုက်သည်။ ထိုအရာက လျှပ်စီးကြောင်းကဲ့သို့ လျင်မြန်ပြီး ဦးစွာရောက်လာသည်။

ရုတ်တရက် တောက်ပလာသော အလင်းတန်းအနီရောင် ပေါ်လာသည်။

လင်းရှန်ရဲ့ လက်ဖဝါး ဖြတ်သွားတိုင်း လေဟာပြင်ဟာ ဆီပူထဲကိုကျသွားတဲ့

ရေတွေ ချက်ချင်း ဆူပွက်သွားသလိုပင်။

မရေမတွက်နိုင်အောင် လောင်မြိုက်နေသည့် အပူလှိုင်းများသည် သာမန်မျက်စိဖြင့် မြင်နိုင်သော လေဟာနယ်မှ ထွက်ပေါ်လာပြီး လျူရှောင်အင်သည် နှင်းတောင်များကဲ့သို့ ပြိုကျသွားသည်။ ကြောက်ရွံ့ထိတ်လန့်သော အကြည့်အောက်တွင် ၎င်းသည် သူ့ခန္ဓာကိုယ်နှင့် ပြင်းထန်စွာ တိုက်မိသွားကြသည်။

"အာ”

သနားစရာကောင်းသော အော်ဟစ်သံနှင့်အတူ လျူရှောင်မင်သည် သူရောက်လာသည်ထက် အရှိန်ပိုမြန်စွာ လွင့်ပျံသွားခဲ့သည်။ သူသည် မြေပြင်ပေါ်သို့ ပြင်းထန်စွာ လဲကျသွားပြီး သူ့တစ်ကိုယ်လုံးက ပြုတ်ထားသော ပုဇွန်ကဲ့သို့ နီရဲနေသည်။ သူက တွန့်လိမ်ပြီး ရှေ့နောက် လူးလှိမ့်နေသည် ။

သူတို့ပတ်ဝန်းကျင်မှာတော့ တုန်လှုပ်ချောက်ချားတဲ့ ဆွေးနွေးမှုတွေ ရုတ်တရက် ရပ်တန့်သွားသည်။

အားလုံးက မြင်ကွင်းကို အံ့အားသင့်စွာ ကြည့်နေကြသည်။

အားကစားကွင်းကြီးထဲမှာ လျူရှောင်မင်ရဲ့အော်သံကလွဲလို့ တခြားအသံမရှိတော့ချေ။

ဒီမြင်ကွင်းက ဘယ်လောက်ရင်းနှီးခဲ့လဲ။

စုနျန်နဲ့ ဝမ်ဝေ့ချောင်တို့ကြားက တိုက်ပွဲကို ပြန်အစဖော်ခဲ့သည်။

ဆိုလိုသည်မှာ ထင်ရှားသည်။

ဝူး

ကြည့်ရှုသူအားလုံး၏ အကြည့်များသည် လင်းရှန်ဆီသို့ ရောက်သွားကြသည်။

ထိတ်လန့်မှု၊ အံ့ဩမှု၊ မယုံကြည်မှု… စသည်ဖြင့် စိတ်ခံစားမှု အမျိုးမျိုးရှိနေကြသည်။

ယခုအချိန်တွင် လင်းရှန်သည် စုနျန်ကဲ့သို့ ချီအသွင်ပြောင်းခြင်းဆဌမအဆင့်နှင့် နေမီးတောက်လက်ဝါး အထူးကျွမ်းကျင်အဆင့်သို့ရောက်ရှိနေသည်ကို သူတို့ နားမလည်နိုင်ဖြစ်နေကြသည်။