ကြောင်မိန်းကလေး

"ကျိုးကျစ်ဟိုင်ကို ဘယ်သူသတ်တယ် ထင်လဲ"

ကျယ်ဝန်းသော ကားပေါ်၌ ယန်ကျုံးရီသည် အအေးသောက်ရင်း စပ်စုကာ မေးလိုက်သည်။

သူသည် ကျိုးကျစ်ဟိုင်နှင့် အဆင်မပြေခဲ့ပေ။ တစ်ခုခုဆို သူတို့က တစ်ယောက်ကို တစ်ယောက် ရန်လို လုနီးပါး ဖြစ်ခဲ့သည်။

ထို့ကြောင့် ကျိုးကျစ်ဟိုင် သေဆုံးမှုအတွက် သူ မသနားခဲ့ပေ။ သူသည် စပ်စုခြင်းသက်သက်ဖြစ်သည်။

သူ့ဘေးနားက စုနျန်က ပြတင်းပေါက်အပြင်ဘက်က ရှုခင်းတွေကို ကြည့်ရင်း ခေါင်းမလှည့်ဘဲပြောလိုက်သည်။

"ဒါကို ကိုယ်ခံပညာတည်မြဲရေးစံအိမ်က စိုးရိမ်သင့်တယ်။"

"ငါက စပ်စုတာပါ”

ယန်ကျုံးရီက သူ့လက်ကို ဖြန့်လိုက်သည်။

"ပြီးတော့ ဒီတစ်ခါ ကိုယ်ခံပညာတည်မြဲရေးစံအိမ်က ခေါင်းကိုက်နေလိမ့်မယ်။ လမ်းသွားလမ်းလာတွေရဲ့ ဖော်ပြချက်တွေအရ ကျိုးကျစ်ဟိုင်ကိုသတ်ခဲ့တဲ့လူက လမ်းကြားထဲကို ဝင်သွားပြီးတဲ့နောက်မှာ ပြန်ထွက်မလာဘူးတဲ့။ လေထဲမှာ ပျောက်ကွယ်သွားသလိုပဲ”

"ကျင့်ကြံသူအများအပြားက အိမ်ခေါင်မိုးတွေပေါ်မှာ ပျံသန်းနိုင်ပြီး နံရံတွေပေါ်မှာလည်း လမ်းလျှောက်နိုင်တယ်လေ”

"ဒါပေမယ့် အဲဒီလမ်းကြားက အထပ်မြင့် အဆောက်အဦး နှစ်ခုကြားမှာ ရှိတာ။ နှစ်

ဖက်စလုံးက နံရံတွေက မီတာ (၅၀) ကျော် မြင့်တယ်။ ပျံသန်းလို့ရတဲ့အဆောင် နဲ့ ဆိုရင်တောင် နံရံတွေကို ကျော်ပြီး ပျံသန်းလို့မရဘူးလေ။ အဲဒီလူက ကျင့်ကြံရေးသခင် မဟုတ်ဘူးဆိုရင် ရွေ့လျားမှု နည်းစနစ်တွေ လည်း သုံးလို့မရဘူး။"

စုနျန်က ပခုံးတွန့်ပြီး ပြန်မဖြေချေ။

ယန်ကျုံးရီနှင့် စကားအခြေအတင်ဖြစ်နေသော်လည်း စုနျန်မှာက တူညီသောအတွေးတစ်ခုရှိသည်။ ကျိုးကျစ်ဟိုင်ကိုသတ်တဲ့လူမှာ လှည့်ကွက်အချို့ရှိတယ်ဆိုတာ ထင်ရှားသည်။ နောက်ကွယ်မှာ ခြေရာတွေ မကျန်

သလောက်ပင်။ ကိုယ်ခံပညာတည်မြဲရေးစံအိမ်သည် သူ့ကိုရှာဖွေရန် ခက်ခဲနေပေလိမ့်မည်။

ထို့အပြင် ကိုယ်ခံပညာတည်မြဲရေးစံအိမ်သည် မကြာသေးမီက အခြားကိစ္စရပ်တစ်ခုကို စုံစမ်းစစ်ဆေးရန် အလုပ်များနေပုံရသည်။ ကျိုးကျစ်ဟိုင်အတွက် သူတို့မှာ စွမ်းအင်အများကြီးရှိမှာ မဟုတ်ချေ။

နောက်ဆုံးတော့ ကျိုးကျစ်ဟိုင်သည် ကျဆင်းသောမိသားစုမှဆင်းသက်လာပြီး ဩဇာညောင်းသောမိသားစုဆယ့်ရှစ်ခုမှ အဖွဲ့ဝင်မဟုတ်ပေ။ ကိုယ်ခံပညာတည်မြဲရေးစံအိမ်က သူ့ကို သိပ်အာရုံစိုက်မှာ မဟုတ်ချေ။

စုနျန်က ဒါကို တွေးပြီး သူ့ဘာသာ ရယ်လိုက်သည်။

စုနျန်၏ စိတ်ခံစားမှုများကို ခံစားသိရှိလိုက်ရသလိုပင် ယန်ကျုံးရီက လည်ချောင်းကို ရှင်းထုတ်ပြီး ကားပြတင်းပေါက်မှ လှမ်းကြည့်ကာအကြောင်းအရာကို ပြောင်းလဲလိုက်သည်။

"ငါတို့ဒီမှာဆင်းရမှာ”

စကားစမြည်ပြောရင်း ကားသည် အဆောက်အဦးတစ်ခုရှေ့တွင် ဖြည်းညှင်းစွာရပ်သွားသည်။

ကားပေါ်မှ ဆင်းပြီး လင်းရှန်မော့ကြည့်

လိုက်တော့ သူ့မျက်လုံးများ တောက်ပလာသည်။

သူ့ရှေ့က အဆောက်အဦးက ဥရောပပုံစံလိုပင်။ အပြင်ပိုင်းဒီဇိုင်းသည် အလွန်

ခေတ်ဆန်ပြီး ကလပ်နှင့်တူသည်။

ကားပါကင်ရှိ ဇိမ်ခံကားအရေအတွက်အရ ဤနေရာတွင် စီးပွါးရေးသမားများ သာမက လာရောက်လည်ပတ်သူများသည် ချမ်းသာသူများ သို့မဟုတ် လူမှုအဆင့်အတန်းမြင့်မားသူများ ဖြစ်သည်။

ဂိတ်တံခါး အပြင်ဘက်တွင် ရပ်နေသော အစောင့်များကလည်း သပ်ရပ်သော ယူနီဖောင်းကို ၀တ်ထားသည်။

ဘား၏အဝင်ဝမှာ ၎င်းတို့မြင်နေရသည့်

မျက်နှာတိုင်းကို လေ့လာဖို့ သူတို့၏စူးရှအကြည့်များကို အသုံးပြုကြသည်။

ဆိုးရွားသောအသွင်အပြင်နှင့် သံသယဖြစဖွယ်အမူအရာရှိသူအားလုံးကို မည်သူကိုမျှသတိပေးတာမျိုးမလုပ်ဘဲ တတ်နိုင်သမျှအမြန်ဆုံး ဖယ်ရှားမည်ဖြစ်သည်။

ယန်ကျုံးရီသည် သူ့ကိုကြိုဆိုသော စားပွဲထိုးဆီသို့ သော့ကို ပစ်ချလိုက်ပြီး လင်းရှန်နဲ့စုနျန်တို့ကို အထဲသို့ ခေါ်သွားခဲ့သည်။

တောက်ပသော ပထမထပ်ခန်းမ၏ အဓိကအရောင်များမှာ ရွှေရောင်နှင့် မီးခိုးရောင်တို့ဖြစ်သည်။ အမိုးခုံးအလယ်တွင် လက်ရာမြောက်သော ကြေးဝါရောင် ဥရောပပုံစံ မီးဆိုင်းတစ်ခု ချိတ်ဆွဲထားသည်။ ခန်းမ၏ တစ်ဖက်တစ်ချက်စီတွင် စကျင်ကျောက်တိုင်များကို လှပသော နံရံများဖြင့် အလှဆင်ထားသည်။ သူတို့ခြေထောက်အောက်မှာ တော့ ကော်ဇောအနီရောင်ကို ခင်းထားပြီး ပျော့ပျောင်းနေသည်။ မြင်လိုက်ရသော အလှဆင်မှုများသည် ဇိမ်ကျပြီး အံဝင်ခွင်ကျ ဖြစ်နေသည်။

ယန်ကျုံးရီသည် ဤနေရာကို လာနေကျမှန်းသိသာသည်။ ခန်းမထဲသို့ ဝင်ပြီးနောက် စားပွဲထိုးကို လက်ပြကာ သူ့သူငယ်ချင်း နှစ်ယောက်ကို တတိယထပ်ရှိ ကျယ်ဝန်းသော အခန်းသို့ ခေါ်သွားခဲ့သည်။

"ဒီမှာ ဝန်ဆောင်မှုက တော်တော်ကောင်းတယ်၊ အစားအသောက်လည်း အရသာရှိတယ်။ စတုတ္ထထပ်က ပိုကောင်းတယ်။ စမ်းကြည့်ဖို့ အကြံပေးချင်တယ်။ ဒီညကို ငါအကုန်အကျခံမယ်” ယန်ကျုံးရီသည် လင်းရှန်ကို မျက်စောင်းထိုးကာ ပြုံးလိုက်သည်။

သူ့အပြောအဆိုက သင့်လျော်သော လုပ်ဆောင်ချက်မဟုတ်မှန်း လင်းရှန်က သေချာသိသည်။

သူတို့ထိုင်ပြီး သိပ်မကြာခင်မှာပဲ တံခါးခေါက်သံထွက်လာသည်။

"အထဲဝင်ခဲ့လေ”

ယန်ကျုံးရီပြောပြီးတာနဲ့ အပြင်ကနေ တံခါးပွင့်လာပြီး လှပတဲ့ မိန်းကလေးနှစ်ယောက်ကအစားအသောက်နဲ့ ဝင်လာခဲ့သည်။

လင်းရှန် အကြည့်များသည် ချက်ချင်းပင် သူတို့၏ ခေါင်းပေါ်သို့ ကျရောက်သွားသည်။

ကြောင်နားရွက်လား?

မျှော်လင့်ထားသည့်အတိုင်း သူတို့နှစ်ဦးလုံးသည် ၎င်းတို့၏တင်ပါးပေါ်တွင် အမွေးအမြီးများရှိနေသည်။ တစ်ခုက မီးခိုးရောင်ဖြစ်ပြီး တစ်ခုမှာ အဖြူရောင်ဖြစ်သည်။

လင်းရှန်၏ မျက်လုံးများသည် ယခုအချိန်တွင် အလွန်စူးရှနေသည်။ မိန်းကလေးနှစ်ယောက်ရဲ့ ကြောင်နားရွက်နဲ့ အမြီးတွေက သူတို့ရဲ့ ခန္ဓာကိုယ်အစိတ်အပိုင်းအစစ်အမှန်မဟုတ်ဘဲ အလှဆင်ထားတာကို ချက်ချင်းတွေ့လိုက်ရသည်။ သူက ပိုတောင် အံ့ဩသွားသည်။

ကောင်မလေးနှစ်ယောက်က မထွက်သွားမီ ဟင်းပွဲတွေချပြီး ဦးညွှတ်ကြသည်။ ထိုနောက်တွင် လင်းရှန်သည် ယန်ကျုံးရီကို စူးစမ်းမေးမြန်းကြည့်သည်။

"ဒါက ညအိမ်မက်ဘားရဲ့ င်္အဂါရပ်တစ်ခုပဲလေ”

ယန်ကျုံးရီသည် အမဲလျှာတစ်ပိုင်းကို သူ၏တူဖြင့် ကောက်ယူကာ ပါးစပ်ထဲသို့ ပစ်ချလိုက်သည်။ သူက ဝါးရင်းနဲ့ ရှင်းပြသည်။

"ဒီကလပ်မှာရှိတဲ့ ဧည့်ကြိုကလွဲရင် စားပွဲထိုးတွေအားလုံးက ကြောင်မိန်းကလေးတွေ”

"ကြောင်မိန်းကလေး... အဲဒါက လူပုံစံ ကြောင်နတ်ဆိုးလား?"

မိန်းကလေးနှစ်ဦးသည် ပြင်းထန်သော ကျင့်ကြံမှု အရှိန်အဝါကို သယ်ဆောင်လာကြောင်း လင်းရှန်က ယောင်ဝါးဝါး ရိပ်မိခဲ့သည်။ ၎င်းတို့သည် ချီအသွင်ပြောင်းခြင်း စတုတ္ထအဆင့် သို့မဟုတ် ပဉ္စမအဆင့်တွင် အနည်းဆုံးရှိကြသည်။

"အဲ့လို မဟုတ်ဘူး”

ယန်ကျုံးရီက ခေါင်းယမ်းလိုက်သည်။

"ဒီကကြောင်မိန်းကလေးတွေက စိတ်ပိုင်းဆိုင်ရာ ဥာဏ်ရည်ဥာဏ်သွေးကို မြှင့်တင်ပေးထားတဲ့ ကြောင်တွေ။ ပြောင်းလဲမှုဆေးကို သောက်ပြီးမှသာ ဒီလိုဖြစ်လာတာ။ သူတို့က အတင်းအကြပ်ဖွံ့ဖြိုးလာရတဲ့ ထုတ်ကုန်တွေ။ သူတို့တွေက လူသားဒုက္ခကို ဖြတ်ကျော်ပြီး လူသားပုံစံရရှိထားတဲ့ နတ်ဆိုးတွေနဲ့ မတူဘူး”

လင်းရှန် နားလည်သွားသည်။

အဲဒါက အဓိပ္ပာယ်ရှိသည်။ လူ့ဒုက္ခကို အောင်အောင်မြင်မြင် ကျော်ဖြတ်ခဲ့သော နတ်ဆိုးများသည် တကယ့် ကျင့်ကြံသူသခင်များကဲ့သို့ အစွမ်းထက်သည်ဟု ဆိုကြသည်။ အခုလို ကလပ်တစ်ခုမှာ ဘယ်လိုလုပ်ပြီး စားပွဲထိုးတွေ လုပ်ကြမလဲ။

သို့သော် ဤကလပ်သည် စားပွဲထိုးများအဖြစ် ပြောင်းလဲခြင်းဆေးကို သောက်ခဲ့သောကြောင်မိန်းကလေးများစွာကို အသုံးပြုထားသည်။ ဒါက အလွန်ကောင်းမွန်စွာ ချိတ်ဆက်ထားတာ ဖြစ်သည်။

သူ့သံသယများကို ဖြေရှင်းပြီးသည်နှင့် လင်းရှန်သည် အရသာများပြည့်နေသော စားပွဲဆီသို့ အာရုံစိုက်လာခဲ့သည်။ သူသည် မစောင့်တော့ဘဲ အစားအသောက်ကို စတင် စားသည်။ သူက စားနေရင်း ယန်ကျုံးရီနှင့်စကားစမြည်ပြောသည် ။

စုနျန်က စကားသိပ်မပြောဘဲ ရံဖန်ရံခါမှ ကြားဖြတ်ပြောသည်။

သူတို့သုံးယောက်ကြားက အငွေ့အသက်က တော်တော်လေးကို လိုက်ဖက်ညီသည်။

စကားစမြည်ပြောရင်း ခေါင်းစဉ်က ကျောင်းဝင်ခွင့်စာမေးပွဲဆီကို ပြောင်းသွားသည်။

"နှစ်စဉ်နှစ်တိုင်း ဂိုဏ်းကြီးသုံးခုက စာမေးပွဲအတွက် နေရာ ၅၀၀ ကို ခွဲဝေပေးတယ်။ နောက်ဆုံးမှာတော့ ဂိုဏ်းတစ်ခုစီက စာမေးပွဲအောင်မြင်ပြီးသူ ၂၀၀ကိုပဲ လက်ခံတယ်။ အဲဒါက သူတို့ပေးတဲ့ ခွဲတမ်းရဲ့ တစ်ဝက်အောက်ပဲ"

သြဇာကြီးသောမိသားစု၏ တပည့်တစ်ဦးအနေဖြင့် ယန်ကျုံးရီက ဒါကို ကောင်းစွာသိသည်။

လင်းရှန်သည်လည်း သေချာနားထောင်နေသည်။

ယန်ကျုံးရီ၏ ဖိတ်ကြားချက်ကို လက်ခံရခြင်း၏ အဓိကအကြောင်းရင်းမှာ စာမေးပွဲအကြောင်း မေးရန်ဖြစ်သည်။

"စာမေးပွဲပုံစံက ဘယ်လိုလဲ။"

" ပုံသေပုံစံမရှိဘူး ။ ဂိုဏ်းကြီးသုံးခုရဲ့ အကဲဖြတ်မှုက နှစ်စဉ်ကွဲပြားပေမဲ့ အခြေခံအားဖြင့်တော့ အတူတူပဲ။ နောက်ဆုံးမှာက တစ်ဦးချင်းစီရဲ့ လေ့ကျင့်မှုနဲ့ ကိုယ်ခံပညာအဆင့်အပေါ် မူတည်နေသေးတယ်”

လင်းရှန် အနည်းငယ် ခေါင်းညိတ်လိုက်သည်။ အဲဒါက အဓိပ္ပာယ်ရှိသည်။

" စိတ်မပူပါနဲ့။ မင်းရဲ့လက်ရှိအင်အားနဲ့ စာမေးပွဲကို သေချာပေါက်အောင်သွားလိမ့်မယ်။"

ယန်ကျုံးရီကပြုံးပြီး လင်းရှန်ကို စိုက်ကြည့်သည်။

စုလည်း အတူတူပင်။ ချီအသွင်ပြောင်းခြင်းဆဋ္ဌမအဆင့်တွင်သာ ရှိနေမည်ဆိုပါက သေချာမည်မဟုတ်ပေ။ သို့သော် နေမီးတောက်လက်ဝါး အထူးကျွမ်းကျင်အဆင့်နဲ့ဆို ဘာမှမမှားပါက သူသည် စာမေးပွဲကို ကျိန်းသေ အောင်နိုင်မည်ဖြစ်သည်။

စုနျန်က သူ့လက်ချောင်းတွေကို ချလိုက်ပြီး လေးနက်တည်ကြည်စွာ ပြောသည် ။

"ငါ စာမေးပွဲအောင်တာထက် ပိုလိုချင်တာ ရှိတယ်။ အဆင့်ကောင်းကောင်းလည်း ရချင်တယ်။ကျောင်းတွေ ၀င်ပြီးရင် ကျင့်ကြံမှု အရင်းအမြစ် ဘယ်လောက်ရနိုင်မလဲဆိုတာကိုလည်း စိတ်ပူမိတယ်။"

"ဘာကိုဆိုလိုတာလဲ?" လင်းရှန်သည် ချက်ချင်းပင် စိတ်ဝင်စားသွားသည်။

ယန်ကျုံးရီက ပြုံးပြီး စိတ်ရှည်လက်ရှည် ရှင်းပြသည်။

သူ့ရှင်းပြချက်ကြောင့် လင်းရှန်သည် တဖြည်းဖြည်း နားလည်လာသည်။

အစပိုင်းတွင် လင်းရှန်သည် ကျောင်းများက ကျင့်ကြံမှုသင်တန်းများမှလွဲ၍ ၎င်း၏ယခင်ဘဝက တက္ကသိုလ်များနှင့် ဆင်တူသည်ဟု ထင်မြင်ခဲ့သည်။

သို့သော် ယန်ကျုံးရီ၏ စကားကို နားထောင်ပြီးနောက် နားလည်မှုလွဲသွားသည်ကို သူသိလိုက်သည် ။

အဓိကဂိုဏ်းကြီးသုံးခုနှင့် ဆက်စပ်နေသော ကျောင်းများတွင် သင်ရိုးညွှန်းတမ်းမရှိပေ။ တပည့်များအားလုံးသည် ကျင့်ကြံမှုနေရာများ၊ ဆေးဖက်ဝင်ဆေးများ၊ ကျင့်ကြံနည်းစနစ်များ၊ ရှားပါးဆန်းပြားသော ဆေးဖက်ဝင်အပင်များနှင့် အခြားကျင့်ကြံမှုအရင်းအမြစ်များကို ပံ့ပိုးပေးရန်သာ တာဝန်ရှိပြီး တပည့်များအားလုံးက ၎င်းတို့ဘာသာ ကျင့်ကြံကြရသည်။

ဒါပေမဲ့ တစ်ခုမှ အလကားမဖြစ်ခဲ့ချေ။

အကူအညီအမှတ်များ လဲလှယ်ခြင်းအပြင် တပည့်တိုင်းသည် ၎င်းတို့၏ ကျင့်ကြံမှု အဆင့်နှင့် အဆင့်အတန်းအလိုက် လစဉ် ပုံသေ ကျင့်ကြံမှု အရင်းအမြစ်များကို ရရှိနိုင်သည်။

ကျောင်းသို့ ရောက်ရှိလာသော တပည့်များအတွက် လစဉ်ရရှိနိုင်သော ကျင့်ကြံမှု အရင်းအမြစ် အရေအတွက်သည် ဝင်ခွင့်စာမေးပွဲတွင် ၎င်းတို့၏ စွမ်းဆောင်ရည်

အပေါ် မူတည်သည်။

သူတို့ရဲ့ စွမ်းဆောင်ရည် ပိုကောင်းလေ၊ ကျင့်ကြံမှု အရင်းအမြစ်တွေ များများရနိုင်လေပင်။

အတိုချုပ်ပြောရလျှင် ကျင့်ကြံမှုအရင်းအမြစ်များနှင့်ပတ်သက်၍ ကျောင်းများ၏ တပည့်များကြား ပြိုင်ဆိုင်မှုသည် ပြင်းထန်ပြီး ပြင်ပလူများ၏ စိတ်ကူးစိတ်သန်းထက် များစွာသာလွန်သည်။

စာမေးပွဲအစမှာပင် ပြိုင်ပွဲစတင်ခဲ့သည်။