ရွှေကျီးကန်းကျမ်းစာ အစပြုသူအဆင့် (၁)
Vol. 6 Ch. 90
စုဆောင်းခြင်း မစ်ရှင်အများစုကို အသုံးအဆောင်ပစ္စည်းခန်းမနှင့် အဂ္ဂရိတ်ဌာနခွဲမှ ထုတ်ပေးကြောင်း လင်းရှန်က ခိုမင်ထံမှ ကြားသိခဲ့ပြီး အကြံတစ်ခုရခဲ့သည်။ ဤမစ်
ရှင်အချို့တွင် အနက်ရောင်သံတုံးကို လိုအပ်မည့် အခွင့်အရေးမြင့်မားသည်ဟု သူထင်သည်။
နောက်ဆုံးတွင် အနက်ရောင်သံတုံးသည် လက်နက်နှင့် မှော်လက်နက်များအတွက်ပင် အသုံးအများဆုံးပစ္စည်းများထဲမှ တစ်ခုဖြစ်သည်။
ရလဒ်က သူမျှော်လင့်ထားသလိုပင်။
လင်းရှန်သည် ချက်ချင်းပင် သစ်သားပြားကို ယူလိုက်သည်။
မစ်ရှင်ကို လွှဲပေးခါနီးမှာ သူ့မျက်လုံးထောင့်ကနေ ဘယ်ဘက်မှာရှိတဲ့ သစ်သားပြားကို တစ်ချက်ကြည့်လိုက်သည်။ ချက်ချင်းဆိုသလိုပင် အသံတိုးတိုးလေးထွက်လာပြီး သူ့လုပ်နေတဲ့အရာ ရပ်သွားသည်။
"နှစ် (၃၀)ထက်မနည်းသက်တမ်းရှိသော မဟာရင်မြက်ကို စုဆောင်းပါ။ ဆုလာဘ်- အရည်အသွေးရမှတ် (၈၀)
" မဟာရင်မြက် လည်းရှိတယ်”
လင်းရှန် ဝမ်းသာသွားသည် ။
လောင်ရီီဆီမှရရှိသော မဟာရင်မြက်သည် သူ့အတွက် အသုံးမဝင်လုနီးပါးဖြစ်သည်။ အရည်အသွေးအမှတ်တွေနဲ့ လဲလှယ်နိုင်ရင် အကောင်းဆုံးဖြစ်မှာပင်။
လင်းရှန်သည် မဆိုင်းမတွပင် သစ်သားပြားကို ယူလိုက်သည်။ ထို့နောက် တံခါးအနီးရှိ ကောင်တာသို့သွားကာ ကောင်တာပေါ်သို့ သစ်သားပြားနှစ်ခုကို တင်လိုက်သည်။
"ကျွန်တော်မှာ မစ်ရှစ် လွှဲပြောင်းပေးစရာရှိလို့”
ကောင်တာအနောက်မှာတော့ သိမ်မွေ့တဲ့ အသွင်အပြင်နဲ့ မိန်းကလေးတစ်ယောက် ရပ်နေသည်။
သူမကြည့်ရတာ အသက် ၂၀ လောက်ရှိပြီပင်။
သူမက မစ်ရှင်လွှဲပြောင်းပေးရန် သစ်သားပြားများ ကိုင်ဆောင်ထားသော တပည့်များစွာကို တွေ့မြင်ခဲ့ရပုံရသည်။ ဒါကိုမြင်တော့ သူမ မအံ့ဩချေ။ သူမသည် မြင်နေကျ သစ်သားပြားကို ကောက်ကိုင်လိုက်ပြီး ကြည့်လိုက်သည်။ ထို့နောက် လင်းရှန်ထံမှ အနက်ရောင်သံတုံးနဲ့ မဟာရင်မြက်တို့ကို ယူပြီး သံတုံးကို ကျွမ်းကျင်စွာ ချိန်တွယ်ကာ မြက်၏ သက်တမ်းကို ပိုင်းဖြတ်ခဲ့သည်။ ခဏအကြာတွင် ကောင်မလေးက မော့ကြည့်ကာ ပြုံးလိုက်သည်။
"အနက်ရောင်သံတုံး အလေးချိန်က ၁၂ ကီလိုဂရမ်ရှိတော့ စုစုပေါင်းအရည်အသွေးအမှတ် ၄၈ မှတ်၊ မဟာရင်မြက်က သက်တမ်း ၃၀ကနေ ၄၀ ကြားရှိတယ်။မစ်ရှင်လိုအပ်ချက်နဲ့ ပြည့်စုံတယ် ။ ဆုလာဘ်က အရည်အသွေး ရမှတ် ၈၀ပဲ ။ အကုန်ဆို (၁၂၈)မှတ် ၊ ကျေးဇူးပြုပြီး ရှင့်ရဲ့ အထောက်အထားကတ်ကို ပြပါ။"
လင်းရှန်က သူ့ရဲ့ အထောက်အထားကတ်ကို ပေးလိုက်သည်။
ကောင်မလေးက ကတ်ကိုယူလိုက်ပြီး စစ်ဆေးနေသည်။ အမှားအယွင်းမရှိကြောင်း အတည်ပြုပြီးနောက် သူမသည် စုတ်တံတစ်ချောင်းကိုယူကာ မှတ်စုစာအုပ် အလွတ်တစ်ခုပေါ်တွင် စတင်ရေးသားခဲ့သည်။
လင်းရှန်၏ မျက်လုံးထောင့်မှ စာမျက်နှာပေါ်ရှိ အနက်ရောင် လက်ရေးလှနှင့် ပန်းချီကားများ လျင်မြန်စွာ ပျောက်ကွယ်သွားသည်ကို မြင်နေရသည်။
ကောင်မလေးက စုတ်တံကိုချလိုက်တော့ မှတ်စုစာအုပ်က အလွတ်လို ဖြစ်သွားသည် ။ ကောင်မလေးက ပြုံးပြီး ကတ်ကို ပြန်ပေးလိုက်သည်။
"ရမှတ် ၁၂၈မှတ်ကို ထည့်ပေးပြီးပါပြီ။"
လင်းရှန်သည် အံ့သြစွာဖြင့် ပါးစပ်အဟောင်းသား ဖြစ်သွားသည်။ စုတ်တံနှင့် မှတ်စုစာအုပ်သည် မှော်လက်နက်တစ်မျိုးဖြစ်နိုင်သည်ဟု သူထင်မိသည်။
သူမကို ကျေးဇူးတင်ကြောင်းပြောပြီးနောက် လင်းရှန်သည် ၎င်း၏အထောက်အထားကတ်နှင့်အတူ ထွက်ခွာသွားပြီး အရင်းအမြစ်များကို လဲလှယ်ရန် ပြင်ဆင်ခဲ့သည်။
လင်းရှန် ခန်းမထဲက ထွက်သွားတာကို ကြည့်ပြီး ကောင်တာ နောက်ကွယ်က ကောင်မလေးက စိတ်ရှုပ်ထွေးစွာဖြင့် ခေါင်းငြိမ့်လိုက်သည်။
"ထူးဆန်းလိုက်တာ။ အဲဒီလူကို သိပ်မရင်းနှီးဘူး။ အနက်ရောင်အဆင့် တပည့်တွေထဲမှာ ဒီလိုလူရှိတာလား။ လွန်ခဲ့တဲ့ ရက်အနည်းငယ်က အဆင့်စိန်ခေါ်မှုကနေ တက်လာခဲ့တာလား။
"ဒါပေမယ့် ဒီလူကို အဝါရောင်အဆင့်တပည့်တွေထဲမှာလည်း တွေ့ဖူးမယ်
မထင်ဘူး"
လင်းရှန်သည် အရင်းအမြစ်များ လဲလှယ်ရာ ခန်းမသို့ ရောက်ရှိလာသည်။
သူသည် စာရင်းကို လှန်ကြည့်ကာ ဘာကို လဲလှယ်ရမလဲဟု တွေးနေမိတော့သည်။
ကိုယ်ခံပညာသည် သေချာပေါက် သူအလိုချင်ဆုံးအရာဖြစ်သည်။
ဥပမာအားဖြင့် အဆီအနှစ် ဓားသွား လက်ချောင်းသည် သာမန်အရည်အသွေး ရမှတ် ဆယ်ခုရှိသည်။
၎င်းသည် လက်ချောင်းများဖြင့် ဓားစွမ်းအင်ကို ထုတ်လွှတ်နိုင်သည့် အစွမ်းထက်သော ကိုယ်ခံပညာတစ်ခုဖြစ်သည်။ သူ့ကိုယ်ခံပညာကို ပြီးပြည့်စုံစေဖို့ ထိုအရာကို အသုံးပြုနိုင်သည်။
ထို့အပြင် သာမန်အရည်အသွေးအမှတ် ၄ခု ရှိသော ယန်စွမ်းအား ဓားနည်းစနစ်လည်း ရှိသေးသည်။ ၎င်းသည် သူ၏ လက်နက်အမျိုးအစား ကိုယ်ခံပညာ လိုအပ်ချက်အတွက်တော့ ရနိုင်သည်။
ကံမကောင်းစွာပဲ လင်းရှန်သည် လောလောဆယ်တွင် သာမန် အရည်အသွေးရမှတ် သုံးခုသာ ရရှိခဲ့သည်။
အဆီအနှစ် ဓားသွား လက်ချောင်းကိုမဆိုထားနဲ့၊ ယန်စွမ်းအားဓားနည်းစနစ်ကိုတောင် မတတ်နိုင်ခဲ့ပေ။
"ထားလိုက်ပါ၊ တိမ်တိုက်ကြားက နဂါးဟောက်သံ၊ တားမြစ်ထားတဲ့ ရွှေရောင်
သံချပ်ကာနဲ့ အရည်ပျော်ခြင်းကိုပဲ ပြီးပြည့်စုံခြင်းထိ အရင်ကျင့်ကြံလိုက်မယ်။ အဲဒီနောက်ကျမှ ကိုယ်ခံပညာနဲ့ လဲလှယ်ဖို့ လုံလောက်တဲ့ အရည်အသွေး အမှတ်တွေ
ရှိလာမှာပါ။"
လင်းရှန်သည် မှော်လက်နက်များဖြစ်သော ယန်စွမ်းအား ဝတ်ရုံ နှင့် နေကိုးစင်းအဆောင်ဓားကို လိုချင်သည်။
သို့သော် ကိုယ်ခံပညာကဲ့သို့ပင် ယခုအချိန်မှာတော့ ၎င်းတို့ကို မတတ်နိုင်ပေ။
ကံကောင်းထောက်မစွာပင် ဆေးများသည် သူတတ်နိုင်သော အရာတစ်ခုဖြစ်သည်။
အဆီအနှစ် ဆေးတစ်ပုလင်းလျှင် အရည်အသွေးအမှတ် ၃၆ မှတ်ပေးရသည်။ လင်းရှန်သည် ချက်ချင်းပင် သုံးပုလင်းကို လဲလှယ်လိုက်သည်။
အဆီအရည် ပုလင်းသုံးလုံးက သူ့ကို အချိန်အကြာကြီး ခံနိုင်ရည်ရှိဖို့ လုံလောက်စေသည်။
သာမန်အရည်အသွေးရမှတ် ၃ခုကိုတော့ သိမ်းဆည်းထားဖို့ တွေးလိုက်သည်။
အရည်အသွေးအမှတ်များနဲ့ လဲလှယ်ပြီးသည်နှင့် သာမန်အရည်အသွေးရမှတ်ကို ပြန်လည် လဲလှယ်၍မရပေ။
စာရင်းထဲက အဖိုးတန် ပစ္စည်းတော်တော်များများကို သာမန်အရည်အသွေး အမှတ်တွေနဲ့သာ လဲလှယ်နိုင်သည်။
အဆီအနှစ်ဆေးနဲ့ လဲလှယ်ပြီးနောက် လင်းရှန်သည် နေရမည့်နေရာသို့ အမြန်ပြေးသွားခဲ့သည်။
သစ်သားအဆောက် အအုံများဖြင့် ဝန်းရံထားသော တောင်ပေါ်လမ်း တွင် တာအို၀တ်စုံများ ဝတ်ထားသော တပည့်များစွာသည် အလျင်စလို လာနေကြသည်။
သို့သော်လည်း လင်းရှန် တောင်လမ်းပေါ်သို့ တက်သွားသောအခါ ပတ်ဝန်းကျင်လေထုသည် ရုတ်တရက် ပြောင်းလဲသွားသည်။ လူများစွာသည် နှေးနှေးအေးအေးဖြစ်ကုန်ပြီး တစ်ချိန်တည်းမှာပင် သူ့ကို လက်ညှိုးထိုးကာ တီးတိုးပြောနေကြသည်။
"အဲ့ဒါက လင်းရှန်လား?"
"ဟုတ်တယ်။ သူက ကြာရှည်စွာအသက်ရှုခြင်းအဆင့် တပည့်နှစ်ယောက်ကို အနိုင်ယူခဲ့တဲ့ ကျောင်းသားသစ်လေ”
"ဆရာကြီး စစ်က သူ့ကို အနက်ရောင်တပည့်အဖြစ် ရာထူးတိုးပေးတယ်လို့ ကြားတယ်”
"ဟင်း ငါအရမ်းမနာလိုဖြစ်မိတာပဲ၊ ငါက အနက်ရောင်တပည့်ဖြစ်လာဖို့ နှစ်နှစ်လောက် အချိန်ယူခဲ့ရတာ။ ဒါပေမယ့် သူကတော့ ကျောင်းကို ဝင်လာတဲ့အချိန်မှာပဲ ဖြစ်သွားတယ်။"
"အဲဒါက အဆင်မပြေဘူးလေ။ သူက မယုံနိုင်လောက်အောင် အရည်အချင်းရှိတယ်။ သူက ကြာရှည်စွာအသက်ရှုခြင်းအဆင့် ကျောင်းသားအသစ်ပဲ။ ဒါက ကျောင်းတည်ထောင်ပြီးကတည်းက ပထမဆုံးအကြိမ်လေ။ မယုံနိုင်စရာပဲ မဟုတ်ဘူးလား။"
လမ်းပြတိုက်ပွဲသတင်းတွေ ပျံ့နှံ့နေပြီဆိုတာ သိသာသည်။
လမ်းတစ်လျှောက်တွင် လင်းရှန်သည် တိရစ္ဆာန်ရုံရှိ ပန်ဒါဝက်ဝံတစ်ကောင်လို ဖြစ်နေပြီး မရေမတွက်နိုင်သောလူများက သူ့ကို ဝိုင်းပြီး ညွှန်ပြနေကြသည်။
ကံကောင်းထောက်မစွာပဲ အဆောက်အဦး C171 ကိုရှာတွေ့ရန် အချိန်အကြာကြီး မပေးခဲ့ရပေ။ သူသည် ချက်ချင်းပင် တံခါးကို အဆောင်နဲ့ ဖွင့်လိုက်ပြီး အတွင်းဘက်မှာ ပုန်းနေလိုက်သည်။
ပတ်ဝန်းကျင်သည် ရုတ်တရက် တိတ်ဆိတ်သွား၏။ သစ်သားအဆောက် အအုံ၏ အခင်းအကျင်းက မျက်လုံးများအားလုံးကို ပိတ်ဆို့ထားသည်။
ဤနေရာသည် ကမ္ဘာနှင့် ဝေးကွာသော ကျွန်းငယ်လေးတစ်ခု ဖြစ်လာခဲ့သည်။
ထိုမှသာ လင်းရှန်က သက်ပြင်းရှည်ကြီး ချလိုက်မိသည်။ သူသည် ပတ်ပတ်လည်ကို ကြည့်လိုက်ပြီး သစ်သားအဆောက်အအုံရှိ ပတ်ဝန်းကျင်ကို စစ်ဆေးသည်။
သစ်သားအဆောက်အအုံသည် ကျယ်ဝန်းပြီး အထပ်နှစ်ထပ်ရှိသည်။
ဧည့်ခန်း၊ မီးဖိုချောင်နှင့် လသာဆောင်တစ်ခု ရှိသည်။
အိပ်ခန်းသုံးခန်းပါရှိပြီး တစ်ခုစီတွင် ရေချိုးခန်း သီးသန့်ပါရှိသည်။
ထို့အပြင် ပြုပြင်မွမ်းမံထားသော ကျင့်ကြံရေးအခန်းတစ်ခုလည်း ရှိခဲ့သည်။ အတွင်းကြမ်းပြင်နှင့် နံရံများကို သံ သို့မဟုတ် ကြေးနီကဲ့သို့ သတ္တုအလွှာဖြင့် ဖုံးအုပ်ထားသည်။ ၎င်းသည် အလွန်မာကျောပြီး ကြာရှည်စွာအသက်ရှုခြင်းအဆင့် ကျင့်ကြံသူ၏ တိုက်ခိုက်ခြင်းကိုပင် ခံနိုင်ရည်ရှိသည်။ နေ့စဉ် ကိုယ်ခံပညာ ကျင့်ကြံတာမျိုးလည်း လုပ်လို့ရသည်။
ကျောင်း၏ အလုံးစုံပုံစံနှင့် ကိုက်ညီဖို့အတွက် သစ်သားအဆောက်အအုံ အတွင်းကို ရှေးဆန်ပြီး ကျက်သရေရှိအောင် ပြင်ဆင်ထားသည်။