အခန်း (၅၄၂)

သူက သစ်သားသေတ္တာတစ်လုံးကိုထုတ်ယူပြီး ဟန်မူယဲ့၏ရှေ့တွင်ရှိသော စားပွဲပေါ်၌ ချထားလိုက်သည်.

ဟန်မူယဲ့က သေတ္တာကို လှမ်းယူလိုက်ပြီး ဧကတစ်ရာရှိသောရေပြင်၌ ငါးတစ်ရာခန့်ရှိနေကြောင်း မြင်လိုက်ရသည်။

ထိုသေတ္တာသည် ရတနာကောင်းတစ်ခုဖြစ်ပြီး နေရာလွတ်တစ်ခုကို ပိုင်ဆိုင်သည်။

ငါးတစ်ရာသည် အဆင့်မြင့်ဝိညာဉ်ကျောက်တုံးတစ်သောင်းခန့် တန်ကြေးရှိလိမ့်မည်။

အဆင့်နိမ့်ဝိညာဉ်ကျောက်တုံး သန်းတစ်ရာဖြစ်သည်။

ထိုအရာသည် နတ်ဘုရင်တစ်ပါးအတွက် လက်ဆောင်တစ်ခုအဖြစ် သတ်မှတ်နိုင်သည်။

ယခုအချိန်တွင် နတ်သခင်ထိုက်ယွီသည် ကြယ်ကိုထိန်းချုပ်ထားသော နတ်ဘုရင်တစ်ပါး မဖြစ်သေးပေ။

ဟန်မူယဲ့က သေတ္တာကိုသိမ်းလိုက်ပြီး တခြားလူများကို အပြုံးတစ်ခုနှင့်အတူ ကြည့်သည်။

“စစ်သူကြီးစွန်း၊ ဒါက ငါ့ရဲ့ ကျေးဇူးသိတတ်မှုလေးပါပဲ”

နတ်သခင်ကျီထိုက်က လက်မြှောက်လိုက်သောအခါတွင် ကျောက်စိမ်းသေတ္တာနှစ်လုံး ပေါ်လာသည်။

ကျောက်စိမ်းသေတ္တာတစ်လုံးသည် ကြီးမားပြီး ကျန်တစ်လုံးသည် သေးငယ်သည်။ ဟန်မူယဲ့က သေတ္တာများကိုယူလိုက်ပြီး အလွန်သိပ်သည်းသော အမွှေးတိုင်စွမ်းအားများကို ခံစားရသည်။

ဆယ်ပေရှည်လျားပြီး ခြောက်လက်မထူထဲသော အမွှေးတိုင်တစ်ခုချင်းစီက သက်ရှိတစ်သန်း၏ ယုံကြည်မှုစွမ်းအားကို ဖော်ပြသည်။

ကျောက်စိမ်းသေတ္တာအကြီးထဲတွင် အမွှေးတိုင်ဆယ်‌ချောင်းရှိပြီး အသေးထဲတွင် အမွှေးတိုင်တစ်ချောင်းရှိသည်။

ထိုအဆင့်မြင့်အမွှေးတိုင်များက တစ်တိုင်လျှင် ဝိညာဉ်ကျောက်တုံးရှစ်သန်းခန့် တန်ကြေးရှိသည်။

ကျောက်စိမ်းသေတ္တာအသေးထဲတွင်ရှိသော အမွှေးတိုင်က ဟန်မူယဲ့အတွက်ဖြစ်ကြောင်း သိသာသည်။

ထိုအမွှေးတိုင်များသည် ဟန်မူယဲ့အတွက် ကောင်းမွန်သောရတနာတစ်မျိုးဖြစ်သည်။ သူက အမွှေးတိုင်များကိုအသုံးချ၍ အဝါရောင်ခုံရုံးနည်းစနစ်၏ နတ်ဘုရားတာအိုစွမ်းအားကို စုစည်းနိုင်သည်။

“နတ်သခင်မကျီထိုက်က ယဉ်ကျေးလွန်းနေပါပြီ။ ကျွန်တော်က နတ်ဘုရင်ကို သေချာပေါက် ဆက်သလိုက်ပါ့မယ်”

ဟန်မူယဲ့က ပြုံးလိုက်ပြီး ကျောက်စိမ်းသေတ္တာနှစ်လုံးကို သိမ်းသည်။

သူစကားမပြောနိုင်ခင် တခြားနှစ်ယောက်က လက်ဆောင်များ ထုတ်ပေးလိုက်သည်။

ဟန်မူယဲ့က ယဉ်ကျေးမနေပေ။ သူက ရယ်လိုက်ပြီး လက်ဆောင်များကို လက်ခံ၍ အပြုံးတစ်ခုနှင့်အတူ ယဉ်ကျေးသောစကားများကို ပြောလိုက်သည်။

သူက ဝိညာဉ်ကျောက်တုံး သန်းတစ်ထောင်တန်ကြေးရှိသော လက်ဆောင်များကို ရခဲ့သည်။

အများစုက နတ်ဘုရင်သွမ်ယွဲ့အတွက်ဖြစ်သည်။

သို့သော် ဟန်မူယဲ့က နတ်ဘုရင်သွမ်ယွဲ့နှင့် သွားတွေ့မည်မဟုတ်ပေ။ ထို့ကြောင့် လက်ဆောင်များအားလုံးသည် သူ့အိတ်ကပ်ထဲသို့ ရောက်သွားလိမ့်မည်။

ဝိညာဉ်ကျောက်တုံးများရရှိရန် အလွန်လွယ်ကူသည်။ သူက တခြားကြယ်များသို့သွားပြီး တမန်တော်အဖြစ် ဟန်ဆောင်ချင်မိသည်။

သို့သော် တခြားကြယ်များသည် နတ်ဘုရင်ယွင်ချန်၏ ချပ်တံဆိပ်ကိုရရှိရန် ယွင်ချန်ကြယ်ပေါ်ရှိလူများကဲ့သို့ စိတ်အားထက်သန်နေမည်မဟုတ်ပေ။

ဟန်မူယဲ့က လက်ဆောင်များကိုသိမ်းလိုက်ပြီး ညင်သာစွာချောင်းဟန့်သည်။

ခန်းဆောင်ထဲတွင်ရှိသောလူတိုင်းက ခါးမတ်လိုက်သည်။

ဟန်မူယဲ့က နတ်သခင်ထိုက်ယွီကိုကြည့်ပြီး ပြောသည်။

“နတ်သခင်၊ ကျွန်တော်က ယွင်ချန်ကြယ်ရဲ့သခင်နဲ့ပတ်သတ်ပြီး ဆွေးနွေးဖို့အတွက် နတ်ဘုရင်ရဲ့အမိန့်အရ ရောက်လာခဲ့တာပါ”

သူ့စကားကို ကြားလိုက်ရသောအခါတွင် ခန်းဆောင်၏လေထုသည် ရုတ်တရက် လေးနက်သွားသည်။

နတ်သခင်ထိုက်ယွီက အားတင်း၍ ပြုံးသည်။

“စစ်သူကြီး စိတ်မပူပါနဲ့။ ဒီမှာရှိနေတဲ့တာအိုရောင်းရင်းတွေက ယွင်ချန်ကြယ်နဲ့ပတ်သတ်ပြီး ဆုံးဖြတ်နိုင်ပါတယ်”

ဟန်မူယဲ့က လျင်မြန်စွာခေါင်းညိတ်သည်။

သူတို့က နတ်ဘုရားချိပ်တံဆိပ်၏ဆွဲဆောင်မှုအောက်တွင် ပူးပေါင်းလိုက်ပုံရသည်။

ထို့ကြောင့် ကိစ္စများက ပိုမိုလွယ်ကူလာသည်။

ဟန်မူယဲ့၏ခန္ဓာကိုယ်က တောက်ပလာပြီး လက်မြှောက်၍ ရွှေရောင်အပိုင်းအစတစ်ခုကို ထုတ်ယူသည်။

ထိုအပိုင်းအစပေါ်လာသောအခါ ခန်းဆောင်ထဲတွင် အဆုံးမရှိသောနတ်ဘုရားအလင်းများ လှုပ်ရှားလာသည်။

နတ်ဘုရင်ယွင်ချန်၏ နတ်ဘုရားချိပ်တံဆိပ် အစိတ်အပိုင်း ....

ထိုအစိတ်အပိုင်းသည် လက်တစ်ချောင်းအရွယ်သာရှိသော်လည်း ခန်းဆောင်အတွင်းရှိနတ်ဘုရားစွမ်းအားများကို တုန်ခါသွားစေသည်။

ယနေ့တွင်ရှိနေသော လူများအားလုံးသည် နတ်ဘုရင်ယွင်ချန်၏ လက်အောက်ငယ်သားများဖြစ်ကြသည်။ သူတို့ကိုယ်ထဲတွင်ရှိသော နတ်ဘုရားစွမ်းအားကို နတ်ဘုရင်ယွင်ချန်က အမှတ်အသားပြုထားသည်။

ယခုအချိန်တွင် နတ်ဘုရားချိပ်တံဆိပ်၏အပိုင်းအစ ပေါ်လာသောကြောင့် နတ်ဘုရားစွမ်းအားများကို မည်သူမှ မထိန်းချုပ်နိုင်တော့ပေ။

သခင်ထိုက်ယွီ၏နတ်ဘုရားစွမ်းအားသည် လှံရှည်အဖြစ်အသွင်ပြောင်းပြီး နတ်ဘုရားချိပ်တံဆိပ်၏အပိုင်းအစဆီသို့ ပျံသန်းလာသည်။

တခြားနတ်သခင်သုံးပါးက တုံဆိုင်းခြင်းမရှိဘဲ လက်များကို ဝှေ့ယမ်းလိုက်သည်။

ခန်းဆောင်ထဲတွင် တိုက်ပွဲဖြစ်ပွားတော့မည်။

ဟန်မူယဲ့က မျက်မှောင်ကြုတ်လိုက်ပြီး နတ်ဘုရားချိပ်တံဆိပ်၏အပိုင်းအစကို လက်ထဲတွင် ကိုင်ထားသည်။ သူက အော်ဟစ်လိုက်သည်။

နတ်ဘုရားချိပ်တံဆိပ်၏အပိုင်းအစသည် မှုန်မှိုင်းသောအလင်းရောင်ကို ထုတ်ပေးပြီး ခန်းဆောင်တစ်ခုလုံးကို လွှမ်းခြုံလိုက်သည်။

ထိုအလင်းကြောင့် ခန်းဆောင်ထဲတွင်ရှိသောလူများအားလုံး အသိစိတ်ပြန်ဝင်လာသည်။

“နတ်ဘုရင်ပြောတာ မှန်တယ်။ နတ်ဘုရင်တစ်ပါး ပျောက်ကွယ်သွားရင် လက်အောက်ခံနတ်သခင်တွေနဲ့ နတ်စစ်သူကြီးတွေက စွမ်းအားဆုံးရှုံးမှုကို ခံစားရလိမ့်မယ်”

ဟန်မူယဲ့က အပိုင်းအစကို ကိုင်ထားပြီး တီးတိုးပြောသည်။

ထိုစကားကို နတ်ဘုရင်သွမ်ယွဲ့က ပြောခဲ့ခြင်းမဟုတ်ပေ။ မှူးမတ်ဝူက ပြောပြခဲ့သည်။

မှူးမတ်ဝူက နတ်ဘုရားချိပ်တံဆိပ်အပိုင်းအစကို ထုတ်ယူပြီး နယ်မြေတစ်ခုကိုဖိနှိပ်ရန် စီစဉ်ထားခဲ့သည်။

သို့သော် ထိုသို့လုပ်လိုက်လျှင် တခြားနတ်ဘုရင်များက သတိထားမိလိမ့်မည်။

မှူးမတ်ဝူက တိုက်ခိုက်နိုင်စွမ်းကောင်းသော်လည်း အစစ်အမှန်ခန္ဓာကိုယ်ကို ထုတ်မသုံးလျှင် အငြိုးအတေးမဲ့နယ်မြေ၏နတ်ဘုရင်များအားလုံးကို တစ်ယောက်တည်းဖိနှိပ်နိုင်မည်မဟုတ်ပေ။

ထို့အပြင် နတ်ဘုရားဘွဲ့ထူးယဇ်ပလ္လင် အောင်မြင်စွာဖြစ်ပေါ်လာလျှင် အငြိုးအတေးမဲ့နယ်မြေ၏ နတ်ဘုရားစွမ်းအားက ချက်ချင်းပြိုလဲသွားလိမ့်မည်။

ခွန်အားအနည်းငယ်ထုတ်သုံးပြီး အများအပြားဆောင်ရွက်နိုင်ခြင်းသည် အမှန်ကန်ဆုံးရွေးချယ်မှုဖြစ်သည်။

ထို့ကြောင့် မှူးမတ်ဝူက နတ်ဘုရင်ယွင်ချန်ဆီမှရလာသော နတ်ဘုရားချိပ်တံဆိပ်ကို ထုခွဲလိုက်ပြီး ဟန်မူယဲ့ကို အပိုင်းအစတစ်ခု ပေးခဲ့သည်။

ထိုအရာသည် အစီအစဉ်၏ တစ်စိတ်တစ်ပိုင်းဖြစ်သည်။

ခန်းဆောင်ထဲတွင် ဟန်မူယဲ့၏စကားကြောင့် နတ်ဘုရားတာအိုကျင့်ကြံသူများ၏မျက်နှာထား ပြောင်းလဲသွားသည်။

သူတို့က အစပိုင်းတွင် သိပ်ဂရုမစိုက်သော်လည်း ဟန်မူယဲ့၏စကားကို ကြားလိုက်ရပြီး နတ်ဘုရားချိပ်တံဆိပ်၏အပိုင်းအစ ပေါ်လာသောကြောင့် စွမ်းအားများကို မထိန်းချုပ်နိုင်သောအခါတွင် မနေနိုင်တော့ဘဲ ခေါင်းညိတ်မိသည်။

နတ်ဘုရားတာအိုကျင့်ကြံသူတစ်ယောက်က စွမ်းအားများကို မထိန်းချုပ်နိုင်တော့လျှင် ပျက်စီးသွားရန် သိပ်မလိုတော့ပေ။

နတ်သခင်ထိုက်ယွီက လက်ထဲတွင်ရှိသောလှံကို ပြန်သိမ်းလိုက်ပြီး တခြားလူများကိုကြည့်သည်။ သူက ပြောလိုက်သည်။

“စစ်သူကြီးစွန်း၊ ဒီအစိတ်အပိုင်းက နတ်ဘုရင်ယွင်ချန်ရဲ့ နတ်ဘုရားချိပ်တံဆိပ်အပိုင်းအစပဲ။ နတ်ဘုရင်သွမ်ယွဲ့က ဘာကိုလိုချင်တာတဲ့လဲ”

ဟန်မူယဲ့က ဤနေရာသို့ရောက်လာသောကြောင့် အပိုင်းအစတစ်ခုတည်းသာရှိနေရန် မဖြစ်နိုင်ပေ။

နတ်ဘုရင်သွမ်ယွဲ့က လက်ဆောင်အနည်းငယ်ကြောင့် သူတို့ကို နတ်ဘုရားချိပ်တံဆိပ်အပိုင်းအစ ပေးလိုက်မည်မဟုတ်ပေ။

နတ်ဘုရင်များသည် အလိုဆန္ဒမရှိသော သူတော်စင်များ မဟုတ်ပေ။

နတ်ဘုရားတာအိုကျင့်ကြံသူများက စိတ်စွမ်းအားများကို စုစည်းသောကြောင့် တစ်ခါတလေတွင် ခံစားချက်များကိုထိန်းချုပ်ရန် ခက်ခဲလာသည်။ သူတို့က မကြာခဏဆိုသလိုပင် အလိုဆန္ဒများ၏လွှမ်းမိုးမှုကို ခံရလေ့ရှိသည်။

နတ်သခင်ထိုက်ယွီ၏စကားကို ကြားလိုက်ရသောအခါတွင် ဟန်မူယဲ့က လက်ဖြန့်လိုက်ပြီး တည်ငြိမ်စွာပြောသည်။

“ကျွန်တော်တို့နတ်ဘုရင်က အချက်နှစ်ချက် လိုချင်တယ်”

လိုချင်‌သောအရာများရှိနေသ၍ အဆင်ပြေသည်။

ခန်းဆောင်ထဲတွင်ရှိသောလူတိုင်းက ဟန်မူယဲ့ကို ကြည့်လိုက်သည်။

“ပထမအချက်အနေနဲ့ ယွင်ချန်ကြယ်ရဲ့ထွက်ကုန် ၃၀%ကို နှစ်တစ်ထောင်အထိ ကျွန်တော်တို့နတ်ဘုရင်ဆီ ဆက်သရမယ်”

ဟန်မူယဲ့က ပတ်ဝန်းကျင်ရှိလူများကို ကြည့်သည်။

ကြယ်တစ်စင်း၏ထုတ်ကုန် ၃၀%သည် အလွန်များပြားသော ပမာဏဖြစ်သည်။ ထို့အပြင် နှစ်တစ်ထောင်အထိ ပေးအပ်ရမည်။

“နှစ်တစ်ထောင်လား”

နတ်သခင်မကျီထိုက်က မျက်မှောင်ကြုတ်လိုက်ပြီး နက်ရှိုင်းသောအသံဖြင့် ပြောသည်။

“နတ်ဘုရင်သွမ်ယွဲ့က တကယ်အစားကြီးတာပဲ”

တခြားနတ်သခင်နှင့် နတ်စစ်သူကြီးများကလည်း ခေါင်းညိတ်သည်။

သဘောမတူညီမှုများကို ရှောင်လွဲရန်ဖြစ်နိုင်ပေ။

ဟန်မူယဲ့က ရယ်လိုက်ပြီး နတ်သခင်မကျီထိုက်ကို ကြည့်သည်။

“သခင်မ၊ ကျွန်တော့်ရဲ့နတ်ဘုရင်က သခင်မကို တကယ်သဘောကျတယ်။ သခင်မက နတ်ဘုရင်ရဲ့ နတ်ဘုရားကြင်ရာတော်ဖြစ်လာရင် နှစ်ပေါင်းသုံးရာ ဆက်ကြေးပေးစရာမလိုဘူး”

နတ်ဘုရားကြင်ရာတော် ....

ခန်းဆောင်က တိတ်ဆိတ်သွားပြီး နတ်သခင်မကျီထိုက်ကို ကြည့်သည်။

သူတို့၏အကြည့်ထဲတွင် မနာလိုခြင်းနှင့် မျှော်လင့်ချက်များ ရှိနေသည်။

နတ်ဘုရားကြင်ရာတော်တစ်ယောက်ဖြစ်သွားလျှင် ကောင်းကင်သို့ထိုးတက်ရန် အခွင့်အရေးရလာလိမ့်မည်။

ထို့အပြင် နှစ်ပေါင်းသုံးရာ ဆက်ကြေးကင်းလွတ်မည်ဖြစ်သောကြောင့် မရေမတွက်နိုင်သောကြွယ်ဝမှုများကို ပိုင်ဆိုင်နိုင်လိမ့်မည်။

“တာအိုရောင်းရင်းကျီထိုက်၊ ဂုဏ်ပြုပါတယ်”

နတ်သခင်ကောင်းစွန်းက ပြုံးလိုက်ပြီး လက်မြှောက်သည်။

တခြားလူများကလည်း ပြောလိုက်သည်။

နတ်သခင်ထိုက်ယွီ၏မျက်နှာထားက လေးနက်နေပြီး နတ်သခင်မကျီထိုက်ကို ကြည့်နေသည်။

နတ်သခင်မကျီထိုက်က နတ်ဘုရင်သွမ်ယွဲ့၏ နတ်ဘုရားကြင်ရာတော်ဖြစ်လာလျှင်လည်း အရေးမကြီးပေ။ သို့သော် သူမက ခြိမ်းခြောက်နိုင်စွမ်းရှိသည်။

အိပ်ယာဝင်ချိန်ပြောစကားများသည် အလွန်အားကောင်းပြီး နတ်ဘုရင်သွမ်ယွဲ့က ယွင်ချန်ကြယ်ကို တိုက်ခိုက်လာနိုင်သည်။

“ဟမ့်၊ ငါက နတ်ဘုရားကြင်ရာတော်ဖြစ်ဖို့ စိတ်မဝင်စားဘူး”

နတ်သခင်မကျီထိုက်က နှာမှုတ်လိုက်ပြီး အေးစက်စွာပြောသည်။

“နှစ်တစ်ထောင်ပဲဆက်ကြေးပေးမယ်”

ခန်းဆောင်ထဲတွင် လူအချို့က စိတ်ပျက်သွားသော်လည်း လူအချို့က စိတ်သက်သာရာရသွားသည်။

ဟန်မူယဲ့က လက်ခုပ်တီးလိုက်ပြီး ပြုံးသည်။

“ကျွန်တော့်ရဲ့နတ်ဘုရင်က နတ်သခင်မရဲ့အတွေးကို ခန့်မှန်းထားခဲ့တယ်။ တကယ်လို့ နတ်သခင်မက နတ်ဘုရားကြင်ရာတော်ဖြစ်လာဖို့ သဘောတူမယ်ဆိုရင် ကျွန်တော်တို့နတ်ဘုရင်က မင်္ဂလာလက်ဖွဲ့အနေနဲ့ အမွှေးတိုင်သုံးထောင်ကို ပေးလိမ့်မယ်”

ရွှေရောင်အမွှေးတိုင်တစ်ချောင်းသည် ဝိညာဉ်ကျောက်တုံးရှစ်သန်း တန်ကြေးရှိသည်။

ရွှေရောင်အမွှေးတိုင် သုံးထောင်ဖြစ်သည်။ နတ်ဘုရင်သွမ်ယွဲ့က အလွန်ရက်ရောနေသည်။

နတ်ဘုရင်တစ်ပါး၏နည်းလမ်း ဖြစ်သင့်သည်။

ဟန်မူယဲ့၏စကားများကြောင့် နတ်သခင်မကျီထိုက်ကပင် အနည်းငယ်ကြောင်အသွားရသည်။

ဟန်မူယဲ့က ပြုံးနေပြီး နတ်သခင်မကျီထိုက်ကို ကြည့်သည်။

“တာအိုရောင်းရင်းကျီထိုက်၊ ကြည့်ရတာ နတ်ဘုရင်သွမ်ယွဲ့က မင်းကို ချစ်နေတဲ့ပုံပဲ ....”

နတ်သခင်ထိုက်ယွီက သက်ပြင်းချလိုက်ပြီး ပြောသည်။

နတ်ဘုရင်သွမ်ယွဲ့၏ လက်အောက်ခံစစ်သူကြီးက နတ်သခင်မကျီထိုက်၏နန်းဆောင်သို့သွားရန် ပြင်ဆင်ထားသည့်အတွက် အံ့အားသင့်စရာမလိုတော့ပေ။

ကံကောင်းစွာဖြင့် သူက ရပ်တန့်လိုက်ပြီး ကိုယ်ပိုင်နန်းဆောင်သို့ ဖိတ်ခေါ်နိုင်ခဲ့သည်။

နတ်သခင်မကျီထိုက်က တိတ်ဆိတ်နေပြီး တည်ငြိမ်စွာပြောသည်။

“ဒီအကြောင်းနဲ့ပတ်သတ်ပြီး ထပ်မပြောဘဲနေရအောင်”

ခန်းဆောင်ထဲတွင် လူတိုင်းက သူမကို ကြည့်လိုက်သည်။

ဟန်မူယဲ့၏မျက်နှာထားက အနည်းငယ်အေးစက်သွားသည်။

“ကောင်းပြီ။ ကောင်းပြီ။ ဒီအကြောင်းကို ဆက်မပြောဘဲနေတာပေါ့ ....”

ဟန်မူယဲ့က နတ်ဘုရားချိပ်တံဆိပ်၏အပိုင်းအစကို စားပွဲပေါ်တွင်တင်လိုက်ပြီး အေးစက်စွာပြောသည်။

“ယွင်ချန်ကြယ်ရဲ့ထုတ်ကုန် ၃၀%ကို နှစ်တစ်ထောင်တိတိ ဆက်သရမယ်။ ဒီအစိတ်အပိုင်းကို လမ်းပြအနေနဲ့သုံးပြီး ခင်ဗျားတို့ အာကာသထဲကို ရောက်သွားတဲ့အချိန်မှာ ကျွန်တော်တို့နတ်ဘုရင်ရဲ့စွမ်းအားက ခင်ဗျားတို့လိုချင်တာကို လမ်းညွှန်ပေးလိမ့်မယ်”

ထိုသို့ဖြင့် သူက မတ်တရပ်လိုက်ပြီး ထွက်သွားသည်။

သူ့အပြုံးကို မည်သူမှ သတိမထားမိလိုက်ပေ။

အားလုံး ပြီးဆုံးသွားသည်။

သူ့စကားများကို သံသယဝင်နေသောလူများ မရှိတော့ပေ။

ယခု ခန်းဆောင်ထဲတွင်ရှိနေသောလူများက နတ်ဘုရားချိပ်တံဆိပ်၏အပိုင်းအစကို ကြည့်ပြီး ကြယ်ကို ထိန်းချုပ်နိုင်သောအခါတွင် ထုတ်ကုန်များ ဆက်သရမည့်အကြောင်းကို တွေးနေသည်။

နတ်ဘုရားချိပ်တံဆိပ်၏အပိုင်းအစကို ပို့လိုက်သောလူက နတ်ဘုရင်သွမ်ယွဲ့မဟုတ်ဘဲ တခြားလူများဖြစ်နေလျှင်လည်း ဂရုမစိုက်တော့ပေ။