စစ်ဆေးခြင်း

ဆောင်းရာသီနှင့် နွေရာသီထောင်ချီက မျက်စိတစ်မှိတ်အတွင်း ကုန်ဆုံးသွားကာ အသင်္ချေအင်ပါယာကမ္ဘာက လျင်မြန်သော်လည်း တိတ်ဆိတ်သည့် ဖွံ့ဖြိုးတိုးတက်နေသော ခေတ်ကာလအတွင်း ရောက်ရှိနေလေသည်။ ထိုစဉ် ဝမ်ဝေ့က သူ့ကျင့်ကြံရေးအခန်းအတွင်း မျက်လုံးဖွင့်လာခဲ့၏။

သူက အသက်ပြင်းပြင်းရှူကာ လက်သီးကျစ်ကျစ်ဆုပ်ပြီး သွေးကြောများမှ စီးဆင်းနေသည့် စွမ်းအားကို ခံစားလိုက်သည်။

“မင်း ဒဏ်ရာတွေအားလုံးက ပျောက်ကင်းလုနီးပါးဖြစ်နေပြီ” ကိုယ်ပွားက မှတ်ချက်ပေးလိုက်သည်။

“အဲဒါဆိုတော့ မင်း ငါ့ကို မလိုလောက်တော့ဘူး”

“အဲ့လို မဟုတ်ဘူး” ဝမ်ဝေ့က အထွတ်အထိပ်သို့ ပြန်ရောက်လုနီးပါး ဖြစ်နေလေပြီ။ သူ့လက်ရှိစွမ်းအားက ကိုယ်ပွားနှင့် အတူတူ ဖြစ်၏။ ပုံမှန်အားဖြင့် သူသည် မဟာတာအိုအရင်းအမြစ် ၅၀ ရာခိုင်နှုန်းကို ထုတ်ပြနိုင်လိမ့်မည်။ အရေးပေါ်အနေဖြင့် သူ့စွမ်းအား အပြည့်အဝကို ထုတ်သုံးနိုင်လိမ့်မည်။

ဝမ်ဝေ့က သူ့စွမ်းအားအကုန် ထုတ်သုံးဖို့ ကြိုးစားကြည့်ခဲ့သည်။ သို့သော်လည်း ယခင်ကဲ့သို့ သူ့စွမ်းအားက ၅၀ရာခိုင်နှုန်း ကျော်လွန်သွားသည်နှင့် သူ့ခန္ဓာကိုယ်က ပြိုလဲလာသည်ကို ခံစားမိလိုက်၏။

“ဒီနောက်ဆုံးဒဏ်ရာက လည်ချောင်းမှာ တစ်နေတဲ့ အရိုးလိုပဲ ပျောက်ကင်းဖို့ ငြင်းဆန်နေတယ်” သူက ညည်းတွားလိုက်၏။ ယခင်နှစ်တစ်ထောင်အတွင်း အချိန်အစီအရင်ကြောင့် သူ့အတွက် ပိုမိုကြာမြင့်လှရာ ကုသရေးအပေါ်သာ အာရုံစိုက်ထားခြင်း မဟုတ်ပေ။ သူက အရူးကြီးချူး၏ အမွေအနှစ်အကြောင်း သင်ယူခဲ့သလို သူ့ကျွမ်းကျင်အတတ်ပညာ တာအိုများကိုလည်း တိုးမြှင့်ခဲ့ပြီး သူ့ခန္ဓာကိုယ်လေ့ကျင့်ရေးက မွေးကင်းစ မကောင်းဆိုးဝါးနတ်ဘုရား ၉၀ အထိ တိုးမြှင့်နိုင်ခဲ့သည်။

သူ့ခန္ဓာကိုယ်က တိုက်ကွက်အမျိုးမျိုးကို ပိုမိုခံနိုင်ရည်ရှိလာပြီဖြစ်ကာ အယူအဆသဘောတရားများပင် အပါအဝင် ဖြစ်သည်။ သူက သူ့ခန္ဓာကိုယ်ကြီးသက်သက်ဖြင့် မဟာတာအိုအရင်းအမြစ် ၃၀ ရာခိုင်နှုန်းရှိထားသည့် ဧကရာဇ်တစ်ယောက်နှင့် ရင်ဆိုင်တိုက်နိုင်သည်။

ဝမ်ဝေ့က တာအိုသင်္ချိုင်းမြေမှ ခန္ဓာကိုယ် လေ့ကျင့်ထားသည့် မဟာဧကရာဇ်အားလုံးကို သန့်စင်ကာ အသုံးပြုထားသော်လည်း သူ့တိုးတက်နှုန်းကြောင့် ပျော်ရွှင်နေမိသည်။ ကမ္ဘာဦးဖျက်ဆီးခြင်း ကို မသန့်စင်ရသေးသည့်အတွက် ထိုသူကို အသုံးပြုပြီးသည့်နောက်တွင် တိုးတက်ဖို့ အခွင့်အရေး ရှိနေသေးသည်။ သူက ခွန်အားအစစ်အမှန်တာအို နယ်ပယ်၏ နောက်အဆင့် နဂါးဇာမဏီအဆင့်ကို ရောက်ရှိနိုင်လိမ့်မည်။

“တည်ရှိမှုဒဏ်ရာက အင်မော်တယ်ကျင့်ကြံသူတွေအတွက် ကုသလို့မရတဲ့ နာတာရှည်ရောဂါလိုပဲ။ မြန်မြန်ဆန်ဆန် မကုသနိုင်တာ နားလည်လို့ ရပါတယ်” ကိုယ်ပွားက ပြောလိုက်သည်။

ဝမ်ဝေ့က ရှုပ်ထွေးလှသည့် အခြေအနေကို ရှင်းပြဖို့ ရိုးရှင်းသည့် နည်းလမ်းကို အသုံးပြုခဲ့သော်လည်း ထိုနှိုင်းယှဉ်မှုကို သဘောတွေ့လေသည်။

“ငါတို့တွေ လုပ်စရာရှိသေးတယ်။ စလိုက်ကြရအောင်”

သူက လက်ဝှေ့လိုက်ပြီးသည့်နောက်တွင် ကိုယ်ပွားကို အဝေးတစ်နေရာ ပို့ဆောင်လိုက်၏။

နမူနာအနေဖြင့် သူ့စွမ်းအားတိုးမြှင့်ဖို့ အန္တရာယ်များသည့် အခြေအနေအတွင်း ထိုသူအား စတေးနိုင်လိမ့်မည်။ အကယ်၍ ထိုအရာကို ဘယ်သောအခါမှ မလိုအပ်ပါက ဝမ်ဝေ့သည် ဂိုဏ်းအတွက် ကိုယ်ပွားတစ်ခု ဖန်တီးဖို့ အခြေခံအနေဖြင့် အသုံးပြုနိုင်သည်။

အကြောင်းအရင်းမှာ တခြားသော ထာဝရဧကရာဇ်များက မလုပ်ဆောင်ဖူးသည့်အတွက် ဂိုဏ်းအတွက် ကိုယ်ပွားချန်ထားဖို့ရာ လွယ်ကူမည် မဟုတ်ကြောင်း တစ်စုံတစ်ခုက ပြောပြနေသော်လည်း သူက ကြိုးစားကြည့်နိုင်သည်။

သူက တစ်ကမ္ဘာလုံးကို စစ်ဆေးကြည့်ကာ အပြောင်းအလဲများကို ကြည့်လိုက်သည်။ သူ့အာရုံစိုက်မှုလိုအပ်သည့် အသေးစားကိစ္စနှင့် အဓိကဖြစ်ရပ်တစ်ခုတို့ ရှိလာခဲ့သည်။ အသေးစားကိစ္စက သေမျိုးများသည် အနုပညာ၊ အတတ်ပညာ မိသားစုများကို တည်ထောင်နိုင်ခဲ့ကြ၏။

နမူနာအနေဖြင့် ယခင်နှစ်တစ်ထောင်အတွင်း ပညာရှင်များကို မွေးထုတ်ပေးရာတွင် နာမည်ကျော်ကြားသည့် ဖူမျိုးနွယ်ဟု၍ ရှိလာခဲ့သည်။ ဖူမျိုးနွယ်က ပန်းပဲပညာနှင့် ဝိညာဉ်သင်္ကေတပိုင်းဆိုင်ရာတွင် နာမည်ကျော်ကြားလေ၏။ ထိုသေမျိုးများက အတူတကွ ပေါင်းစည်းကာ အားကောင်းသည့် မိသားစုများကို ဖန်တီးပြီး ဉာဏ်အလင်းပွင့်ဗိမာန်ကို ဝင်ရောက်နိုင်ခဲ့သည်။ ထို့ကြောင့် သူတို့၏ စွမ်းအားနှင့် လုပ်ပိုင်ခွင့်တို့ ရရှိလာခဲ့၏။ ရလဒ်အနေဖြင့် သူတို့က မည်သူကို လက်ထပ်ရမည့်အပေါ် အင်မတန် ရွေးချယ်လာကြသည်။

ထို့အပြင် ဝမ်ဝေ့က သူတို့သည် ကျင့်ကြံရေးကို ဂရုမစိုက်သည့် စံနှုန်းတစ်ခုကို လုပ်ဆောင်ခဲ့ကြောင်း သတိထားမိ၏။ အကယ်၍ သူတို့မိသားစုထဲမှ တစ်စုံတစ်ယောက်က အလုံခန္ဓာကိုယ်နှင့် မွေးဖွားလာပါက ထိုသူကို ပြုစုပျိုးထောင်ပေးမည် ဖြစ်သော်လည်း ထိုသူက မျိုးနွယ်၏ အဓိကအာရုံစိုက်မှု ဖြစ်လာမည် မဟုတ်ပေ။ သူတို့က ထိုသူကို သူတို့မိသားစုအတွက် အစောင့်အရှောက်အနေဖြင့် မှတ်ယူကြလိမ့်မည်။

ဝမ်ဝေ့က အပြောင်းအလဲကို အသေအချာ အကဲခတ်နေသော်လည်း ဝင်ရောက်စွက်ဖက်ခဲ့ခြင်း မရှိပေ။ တခြားသော ကိစ္စများကဲ့သို့ ထိုအပြောင်းအလဲ၌ အကောင်းအဆိုး ဒွန်တွဲနေလေသည်။ ဤမျှားအတိုင်း အကောင်းဘက်သာ ပေါ်ထွက်လာသည့်အတွက် သူက တည်ထောင်ခွင့်ပြုထားခြင်း ဖြစ်၏။

အဓိကဖြစ်ရပ်အတွက်မူ ပင်လယ်မျိုးနွယ်က ထာဝရဦးသျှောင် တစ်ယောက်ကို ပြုစုပျိုးထောင်နိုင်ခဲ့သည်။ ထိုဖြစ်ရပ်က တစ်ကမ္ဘာလုံးကို အံ့အားသင့်သွားစေ၏။ အကြောင်းအရင်းမှာ တစ်ကမ္ဘာလုံးက ပင်လယ်မျိုးနွယ်၏ ခြိမ်းခြောက်မှုနှင့် အလားအလာကို မြင်တွေ့လိုက်ရ၍ ဖြစ်သည်။ သူတို့သာ ပေါင်းစည်းပြီး သူတို့မျိုးနွယ်၏ အရင်းအမြစ်များ အားလုံးကို အသုံးပြုသည်နှင့် ထာဝရဦးသျှောင်တစ်ယောက်ကို လေ့ကျင့်ပေးဖို့ အင်မတန် လွယ်ကူနေသည်။

နောက်ဆုံးတွင် ကောင်းကင်ဧကရာဇ်က ပင်လယ်မျိုးနွယ်ကို စောင့်ကြည့်ကာ ပင်လယ်ထဲနေသည့် စိတ်ကူးမကြည့်နိုင်ဖွယ် အရင်းအမြစ်များကို အဘယ်ကြောင့် လိုချင်နေမှန်း နားလည်သွားကြ၏။ ထို့ကြောင့် ထိုသူများသည် ပင်လယ်နှင့် ပတ်သက်ပြီး ပိုမိုစိတ်အားထက်သန်လာကြ၏။ အပေါ်ယံကမ္ဘာက ပတ်ဝန်းကျင် ပြောင်းလဲပြီးသည့်နောက်တွင် အရင်းအမြစ်များဖြင့် ပေါကြွယ်ဝနေသော်လည်း မည်သူကမှ နောက်ထပ် မလိုချင်းဘူးဟု ပြောမည့်သူ မရှိပေ။

ဝမ်ဝေ့က ထိုအရာအားလုံးကို တည်ငြိမ်စွာ ကြည့်နေလေ၏။ သူ့အနေဖြင့် ပင်လယ်မျိုးနွယ်သည် ဒုတိယမြောက် ထာဝရဦးသျှောင်ကို ပြုစုပျိုးထောင်နိုင်ကြောင်း ထိုသူများထက် ပိုမိုသိထားသည်။ သို့သော်လည်း ကမ္ဘာ၏ တုံ့ပြန်မှုကို မြင်တွေ့ပြီးသည့်နောက်တွင် သူတို့က ထိုအတွေးကို ရပ်တန့်ကာ သူတို့၏ တည်ရှိမှုကို အမြဲတမ်းကဲ့သို့ လျှို့ဝှက်ထားခဲ့သည်။

ထို့နောက် ဝမ်ဝေ့က ဝူမင်ကို စစ်ဆေးကြည့်လိုက်၏။ ခုံရုံး၏ တောင်ဘက်ပိုင်းတွင် ခန္ဓာကိုယ်အထက် အမှတ်အသား သို့မဟုတ် တက်တူးများ ပြည့်နှက်နေသည့် အမျိုးသားနှင့် အမျိုးသမီးအုပ်စုကို မြင်လိုက်ရသည်။ သူတို့က လေ့ကျင့်နေရင်း တက်တူးများက တောက်ပလာကာ သူတို့၏ ကျင့်ကြံဆင့် နောက်ကွယ်မှ စွမ်းအားကို ထုတ်ဖော်ခွင့်ပြုထားသည်။

“နောက်ဆုံးတော့ အောင်မြင်သွားပြီလား”

ထုံရို့ပင်း၏ ကိုယ်ပွားနှင့် ဆွေးနွေးပြီးသည့်နောက် တာအိုအခွင့်အလမ်းဂိုဏ်းနှင့် ယန်းလီလင်းတို့ဆီမှ အကူအညီရယူကာ ဝူမင်က ထူထန်စစ်သည်တော် လမ်းစဉ်ကို ပြီးမြောက်နိုင်ခဲ့သည်။ ထိုသူများက ခုံရုံးအတွင်း အားကောင်းသည့် ဧကရာဇ်အစီအရင်ဖြင့် ဆက်နွယ်နေပြီး ထိုစွမ်းအားကို ငှားယူနိုင်လေသည်။

ဝမ်ဝေ့က နောက်ဆုံးရလဒ်ကို ကျေနပ်စွာ ခေါင်းညိတ်လိုက်၏။ သူတို့၏ သဘောတူညီချက်အရ ထိုကျွမ်းကျင်အတတ်ပညာ အသစ်ကို လူသိရှင်ကြား ထုတ်ဖော်မပြရသေးပေ။ သူက ဝူမျိုးနွယ်အား ထိုနည်းလမ်းကို အသုံးပြု၍ သူတို့၏ စွမ်းအားနှင့် အုတ်မြစ်ကို တိုးမြှင့်ဖို့ အချိန်ပေးထားသည်။

သူက ဝူမင်အား အံ့ဖွယ်အသိစိတ်မှတဆင့် ချီးကျူးစကား ပို့ဆောင်လိုက်ပြီးသည့်နောက်တွင် သူ့ဂိုဏ်းနှင့် မိသားစုကို စစ်ဆေးကြည့်လိုက်သည်။

သူ့မိသားစု၏အခြေအနေက များများစားစား ပြောင်းလဲခြင်း မရှိပေ။ သူ့အဘိုးက အရူးသဖွယ် လေ့ကျင့်နေပြီး နေမင်းကိုးစင်းဧကရာဇ်နှင့် တိုက်ပွဲအတွက် ပြင်ဆင်နေသည်။

ယခင်နှစ်ပိုင်းအတွင်း ကိုယ်ပွားက သူ့အဘိုးအတွက် ထူးကဲသည့် တာအိုအရင်းအမြစ် မျိုးစေ့ကို သန့်စင်ပေးနိုင်ခဲ့သည်။ ထိုမျိုးစေ့က လူသားမကောင်းဆိုးဝါး သွေးမျိုးဆက်၏ ကြီးထွားနှုန်းကို အရှိန်မြှင်တင်ပေးနိုင်သည့် အတွင်းကမ္ဘာကို ဖန်တီးနိုင်သည်။ သူ့အဘိုးက မွေးကင်းစမကောင်းဆိုးဝါးနတ်ဘုရား ၇၀ ထက် ကျော်လွန်အောင် ရည်ရွယ်ထားပြီး သူ့ခန္ဓာကိုယ်ကို အသုံးပြုကာ နေမင်း၉စင်းဧကရာဇ်ဖြင့် တိုက်ခိုက်ဖို့ ရည်ရွယ်ထားသည်။

သူ့အဖေက ဓားရေးကမ္ဘာအတွင်း သဘောတွေ့နေကာ သူ့အမေကို တွေ့ဆုံဖို့ ပုံရိပ်ယောင်ကို ရံဖန်ရံခါ စေလွှတ်တတ်သည်။ ထိုလူအိုကြီးက သူ့ကို စစ်ဆေးကြည့်ဖို့ပင် မေ့လျော့နေဟန်ပေါ်၏။

သူ့အမေကလည်း ကျင့်ကြံရေးတွင် ကြိုးစားအားထုတ်နေကာ ခုံရုံးချဲ့ထွင်မှုနှင့် မသေမျိုးဘဝ တက်လှမ်းအတွက် ပြင်ဆင်နေသည်။

ယန်းလီလင်းက ဂိုဏ်းထံ တခြားသော ကျွမ်းကျင်အတတ်ပညာများအတွက် အင်မော်တယ်သင်္ကေတများ အသုံးပြုနိုင်ဖို့အတွက် ကူညီနေဆဲ ဖြစ်၏။ သို့သော်လည်း လီကျွင်းက သီးသန့်ကျင့်ကြံရာမှ ထွက်လာကာ ကိုယ်ဝန်သည် ကိုယ်လုပ်တော်နှင့် မမွေးဖွားရသေးသည့် ကလေးနှင့် အချိန်ဖြုန်းနေသည်။ သူ့မျက်နှာအထက် အပြုံးက ရောက်ရှိလာမည့် ဖခင်တစ်ယောက်ဖြစ်ဖို့ စိန်ခေါ်မှုကို စိုးရိမ်နေသလို စိတ်လှုပ်ရှားနေဟန်လည်း ပေါ်သည်။

ဝမ်ဝေ့က အနည်းငယ် စိတ်မကောင်းဖြစ်မိ၏။ အကြောင်းအရင်းမှာ ယန်းလီလင်းနှင့် လီကျွင်းတို့က တာအိုကို သက်သေမပြရသေးဘဲ အိပ်မက်လောက၏ ယှဉ်ပြိုင်မှုမှ ချီကံကောင်းမှုနှင့် ကြမ္မာကို စုဆောင်းဖို့ရာ လိုအပ်နေသေးသည့်အတွက် အချိန်က အလှမ်းဝေးနေသေးသည်။ သို့သော်လည်း သူက ကြိုတင်ပြင်ဆင်ထားပြီးသားဖြစ်သည့်အတွက် ကောင်းကင်အလိုဆန္ဒများ ရယူဖို့ မိစ္ဆာနတ်ဘုရားကိုးပါးကမ္ဘာကို ထုတ်ကာ သန့်စင်ပြီး ကောင်းကင်တာအိုထံ စတေးနိုင်သည်။

ဝမ်ဝေ့က ထျဲ့ကန်ကို ကြည့်လိုက်၏။ ထိုသူက တာအိုဘိုးဘေးနှင့် ပထမတန်းစား ဆန့်ကျင်ကျင့်ကြံသူတစ်ယောက် ဖြစ်လာခဲ့သည်။ အကြောင်းအရင်းမှာ ကိုယ်ပွားက သူ့အတွက် ထူးကဲသည့် မဟာတာအိုအရင်းအမြစ်မျိုးစေ့ကို သန့်စင်ပေးခဲ့၍ ဖြစ်သည်။ သူ့အတွင်းကမ္ဘာတွင် သီးသန့်ဖန်တီးထားသည့် ကံကြမ္မာမြစ်ကြောင်းတစ်ခု ပါဝင်နေသည်။ သူက ထိုကြိုးမျှင်များကို အသုံးပြုကာ သူ၏ တုန်ခါနှုန်း မဟာတာအိုအရင်းအမြစ်ကို လိုက်လျောညီထွေ အသုံးပြုနိုင်လေသည်။

သူ့အတွက် ကံဆိုးသည်က မိုးမြေ၏ စည်းမျဉ်းများသည် ထာဝရအဆင့် ဆန့်ကျင်ကျင့်ကြံသူဖြစ်လာဖို့ရာ အတွင်းကမ္ဘာကို မှီခိုဖို့ရာ ခက်ခဲအောင် ပြုလုပ်ထားသည်။ ထို့အပြင် ဂိုဏ်းက ထာဝရဧကရာဇ်အသစ် မလိုအပ်သေးသည့်အတွက် သူ့အလားအလာကို ကန့်သတ်ထားသလို ဖြစ်နေ၏။

ထျဲ့ကန်အတွက် သတင်းကောင်းက သူ့ မသေနိုင်ဖွယ် တပ်ဖွဲ့သည် ပိုမိုခက်ထန်ကာ အားကောင်းလာခြင်း ဖြစ်၏။

ထို့နောက် ဝမ်ဝေ့က သုံ့လီဖန်းနှင့် သူ့ဆရာတို့ကို စစ်ဆေးကြည့်လိုက်သည်။ သူမ၏ အချိန်အများစုကို အိပ်မက်လောကအတွင်း နေပြီး အားနည်းသည့် ကောင်းကင်အလိုဆန္ဒကမ္ဘာကို ကျူးကျော်ဖို့ရာ ပြင်ဆင်နေသည်။ သူမ၏ ဆရာအတွက်မူ သူမက ဧကရာဇ်တစ်ပိုင်းအဆင့်သာ ရှိနေဆဲ ဖြစ်၏။ ဝမ်ဝေ့က သူ ထွက်မသွားခင် အချိန်အထိ သူမအား တာအိုဘိုးဘေးအဖြစ် ပြောင်းလဲဖို့ စီစဉ်ထားခြင်း မရှိပေ။

ကိုယ်ပွားစီမံကိန်းက အလုပ် မဖြစ်လောက်ကြောင်း ခံစားမိနေ၏။ ထို့ကြောင့် သူမသည် သူ့လက်ရာဖြစ်လာပြီး သူမက တာအိုအခွင့်အလမ်းဂိုဏ်း၏ အစစ်အမှန် စောင့်ရှောက်သူ ဖြစ်လာကာ ဒိုင်မေးရှင်းအနိမ့်တွင် သူတို့၏ ထာဝရကြာရှည်မှုကို အာမခံထားလိမ့်မည်။

နောက်ဆုံးသောသူက အထွေထွေသောင်းပြောင်းအရှင် ဖြစ်၏။ သူ့အတွက် ကံကောင်းသည်က ထိုသူသည် ဝမ်ဝေ့ လိုချင်သည့် ဆေးလုံးများကို ကူညီပေးနိုင်သည့် အကြီးအကဲတန့် ရှိနေသည်။ နှမြောစရာကောင်းလှသည်က သူ တခြားသော စီမံကိန်းများက တိုးတက်မှု များများစားစား မရှိပေ။

အင်မော်တယ်ချီ စုစည်းရေး အစီအရင်က များစွာ တိုးတက်မှု မရှိသေးပေ။ အဓိကအကြောင်းအရင်းက အထွေထွေသောင်းပြောင်းအရှင်သည် ဂိုဏ်း၏ အစီအရင်နှင့် ပတ်သက်ပြီး အနည်းငယ် စွဲလမ်းနေ၍ ဖြစ်၏။ ထိုစီမံကိန်းက ဝမ်ဝေ့၏ ကံကြမ္မာအခြေခံ အစီအရင်နှင့် လှည့်ဖျားရေးအစီအရင်တို့ကို တခြားသော ၉ခုနှင့် ပေါင်းစည်းဖို့က ထင်ထားသည်ထက် ပိုမိုခက်ခဲနေခဲ့၏။

ဝမ်ဝေ့က ထိုအရာကို ကြည့်လိုက်သော်လည်း ဘာမှမပြောပေ။ ထိုစိန်ခေါ်မှုမှာ အထွေထွေသောင်းပြောင်းအရှင်အနေနှင့် အချိန်ကြာကြာပေးရသော်လည်း သူ့ကျင့်ကြံဆင့်ကို တိုးမြှင့်ဖို့ရာ ကူညီပေးနိုင်သည်။ ထို့ကြောင့် သူက ထိုသူကို မတားဆီးခဲ့ပေ။

သူက ကောင်းကင်အထက် ကူးသန်းသွားလိုက်ပြီး သူ့အသံက ကမ္ဘာအနှံ့ ပျံ့နှံ့သွားလေသည်။

“ဒီခေတ်ကာလစတင်ကတည်းက ကမ္ဘာရဲ့ အစိတ်အပိုင်း တော်တော်များများက ပြောင်းလဲလာခဲ့တယ်။ အဓိကအစိတ်အပိုင်းတစ်ခု ဖြစ်တဲ့ ငါတို့ရဲ့ ကျင့်ကြံရေးစနစ်တစ်ခု ကျန်ရှိနေသေးတယ်။ လက်ရှိအခြေအနေကို ထင်ဟပ်ပြသနိုင်တဲ့ စနစ်အသစ်ကို ဖွဲ့စည်းဖို့ လိုအပ်လာပြီ။ ဒီနေ့ ငါက နောက်ဆုံးအပြောင်းအလဲအကြောင်း ကမ္ဘာကြီးဆီ ဟောပြောပို့ချပေးမယ်”