အခန်း (၇၉၉)

ဆေးစံအိမ်ထဲတွင် တပည့်များက အံ့အားသင့်စွာ ပြောလိုက်ကြသည်။ သူတို့က စိတ်လှုပ်ရှားနေသော်လည်း အခန်းထဲတွင် ဆေးလုံးသန့်စင်နေသော နတ်မိမယ်မူကို နှောင့်ယှက်မိမှာစိုးသောကြောင့် မအော်ရဲကြပေ။

အင်မော်တယ်ဟန်နှင့် နတ်မိမယ်မူသည် အနောက်ဘက်နယ်စပ်ကုန်းမြေ၏ ဂုဏ်ကျက်သရေ ဖြစ်သည်။

အနောက်ဘက်နယ်စပ်ကုန်းမြေ၏ ကျင့်ကြံခြင်းလောကတွင် သူတို့နှင့် ယှဉ်နိုင်သောလူ မရှိပေ။

အနောက်ဘက်နယ်စပ်ကုန်းမြေ၏ အင်မော်တယ်ဟန်ဖြစ်သော အမတ်ချုပ်ကြီးဟန်သည် ကောင်းကင်အံ့ဖွယ်ကမ္ဘာကို ဦးဆောင်ပြီး တာအိုပြိုင်ပွဲတွင် အနိုင်ရစေခဲ့သည်။

အနောက်ဘက်နယ်စပ်ကုန်းမြေတွင် သူတို့၏ဇာတ်လမ်းကို သုံးရက်သုံးညပြောလျှင်ပင် အဆုံးသတ်သွားမည်မဟုတ်ပေ။

စံအိမ်၏တပည့်များက ဒဏ္ဍာရီလာပုဂ္ဂိုလ်ကြီးနှစ်ယောက်ကို တိတ်ဆိတ်စွာ စောင့်ဆိုင်းနေကြသည်။

“အဲဒီကလေးက အရာအားလုံး ကောင်းပေမဲ့ လွတ်လွတ်လပ်လပ် နေချင်တယ်။ ကျင်းယွမ်၊ ကျန်းမင်တို့နဲ့ မတူဘူး”

အကြီးအကဲစုလျန့်က ခေါင်းခါလိုက်ပြီး ညင်သာစွာပြောသည်။

ဟန်မူယဲ့က ခပ်ဟဟရယ်လိုက်ပြီး စကားမပြောပေ။

သူ၏ ကျင့်ကြံဆင့်တွင် အရာအားလုံးကို ရှင်းလင်းစွာမြင်နိုင်သည်။

အကယ်၍ ကျန်းမင်နှင့် တခြားလူများက အကူအညီတောင်းလာခဲ့လျှင် သူက ဖြေရှင်းပေးမည်ဖြစ်သည်။

ထိုအရာသည် ကံကြမ္မာဖြစ်ပြီး ကျင့်ကြံခြင်းလောက၏ အခွင့်အရေးလည်း ဖြစ်သည်။

မူဝမ်က ဆေးလုံးများကို သန့်စင်ခဲ့သည်။ ထိုဆေးလုံးသည် ဆဌမအဆင့်သာ ဖြစ်သောကြောင့် သူမက ထိပ်တန်းအဆင့် ဆေးလုံးများကို လွယ်ကူစွာ သန့်စင်ပေးခဲ့သည်။

သူမက ဆေးလုံးသန့်စင်နေသောအချိန်တွင် အကြီးအကဲစုလျန့်နှင့် စကားပြောနေသေးသည်။

အနောက်ဘက်နယ်စပ်ကုန်းမြေ၏ အံ့ဖွယ်ကိုးပါးတောင်သည် အလွန်တိုးတက်နေသည်။ ဂိုဏ်းချုပ်ထို့ပါချန်သည် များသောအားဖြင့် တံခါးပိတ်ကျင့်ကြံနေပြီး အပြင်ထွက်မလာပေ။ ကျောက်ဖူက ဂိုဏ်း၏ အရေးကိစ္စများအားလုံးကို ကိုင်တွယ်နေရသည်။

ယခုအချိန်တွင် ကျောက်ဖူက ကောင်းကင်အဆင့်သို့ ရောက်နေပြီး အနောက်ဘက်နယ်စပ်ကုန်းမြေကို လွှမ်းမိုးနိုင်သည်။

မူဝမ်၊ ဟန်မူယဲ့တို့နှင့် မျိုးဆက်တူသောလူများသည် များသောအားဖြင့် လွှမ်းမိုးနိုင်စွမ်းရှိကြသည်။

ခေါင်းဆောင်တောက်ရင်သည် တစ်ခါတလေမှ ပေါ်လာတတ်သည်။ လျှိုဟုန်က ဓားစံအိမ်ကို တာဝန်ယူထားသည်။

ယခုအချိန်တွင် အံ့ဖွယ်ကိုးပါးတောင်၏ ဓားစံအိမ်၏ ဓားသိုလှောင်ထားသော နေရာတစ်ခုသာ ဖြစ်သွားခဲ့သည်။ အထက်ဘုံမှ ဓားစံအိမ်ဂိုဏ်း၏ အမွေအနှစ်တစ်ခု မဟုတ်တော့ပေ။

ထိုလူများသာမက နှစ်တစ်ရာကျော် ကြာမြင့်သွားပြီဖြစ်သောကြောင့် အံ့ဖွယ်ကိုးပါးတောင်၏ မျိုးဆက်သစ်များသည်လည်း ကြီးပြင်းလာကြသည်။

လက်ရှိအချိန်၌ အံ့ဖွယ်ကိုးပါးတောင်တွင် သခင်ငယ်လေးတချို့ ရှိနေကြသည်။ လျှိုဟုန်၏သားဖြစ်သူ လျှိုချင်းရွှမ်သည် ဓားစံအိမ်ကို တာဝန်ယူထားသည်။ သူ့ကို သခင်လေးချင်းရွှမ်အဖြစ် လူသိများကြသည်။ သူ့အမေသည် ချောင်မိသားစု၏စီးပွားရေးကို ထိန်းချုပ်ထားပြီး လျှိုချင်းရွှမ်က ပန်းပဲပညာရှင်တစ်ယောက်လည်း ဖြစ်သည်။

ကျန်းယုချန်ကလည်း ဓားစံအိမ်၏ အဖွဲ့ဝင်တစ်ယောက် ဖြစ်ပြီး သခင်လေးယုချန်အဖြစ် နာမည်ကြီးသည်။ သူ့မိဘများသည် အာခီမီခန်းဆောင်တွင် အဆင့်အတန်းမြင့်မားကြသည်။

ကျောက်တုံးသုံးတုံးစံအိမ်ကို ကျောက်ဖူ၏သားဖြစ်သူ ကျောက်ယွမ်ကျင်းက တာဝန်ယူထားသည်။ သူက အံ့ဖွယ်ကိုးပါးတောင်၏ တိုက်ရိုက်မျိုးဆက်ဖြစ်ပြီး အနာဂတ်တွင် အံ့ဖွယ်ကိုးပါးဓားဂိုဏ်း၏ ဂိုဏ်းချုပ်နေရာကို ဆက်ခံနိုင်ချေရှိသည်။

မဟာအကြီးအကဲကောင်းချန်ကုန်း၏ သားတစ်ယောက်လည်း ရှိသေးသည်။ နန်းမြို့တော်မှ ရှောင်မိသားစု၏ သခင်လေးရှောင်ရီကျန်း ဖြစ်သည်။ သူက နန်းမြို့တော်တွင် မွေးဖွားလာသော်လည်း အံ့ဖွယ်ကိုးပါးတောင်၏ ဓားစံအိမ်တွင် ကြီးပြင်းလာရန် ရောက်နေခဲ့သည်။

အံ့ဖွယ်ကိုးပါးတောင်၏ သခင်လေးများသည် နက်ရှိုင်းသောနောက်ခံကို ပိုင်ဆိုင်ထားကြသည်။

အံ့ဖွယ်ကိုးပါးတောင်သည် အနောက်ဘက်နယ်စပ်ကုန်းမြေကို ထိန်းချုပ်ထားသည်။ အံ့ဖွယ်ကိုးပါးတောင်သည် အနောက်ဘက်နယ်စပ်ကုန်းမြေသာမက ကောင်းကင်အံ့ဖွယ်ကမ္ဘာတစ်ခုလုံး၏ ဓားတာအိုတော်ဝင်နယ်မြေ ဖြစ်သည်။ အံ့ဖွယ်ကိုးပါးဓားဂိုဏ်းတွင် အင်အားစုအများအပြား ရှိနေကြသည်။

“နင်တို့နှစ်ယောက်က တာအိုလက်တွဲဖော်ဖြစ်နေတာ အတော်ကြာပြီ။ အခု ဘယ်လိုလဲ”

အကြီးအကဲစုလျန့်က မူဝမ်ကို ကြည့်လိုက်သည်။ သူမက အာခီမီကျင့်ကြံသူတစ်ယောက် ဖြစ်သောကြောင့် မူဝမ်က ကလေးမမွေးရသေးကြောင်း ပြောနိုင်သည်။

မူဝမ်က ပြုံးလိုက်ပြီး တီးတိုးပြောသည်။

“အကြီးအကဲ၊ တာအိုလမ်းစဉ်က ရှည်လျားလွန်းပါတယ်။ အလျင်လိုဖို့ မလိုပါဘူး”

အကြီးအကဲစုလျန့်က ဟန်မူယဲ့ကို ကြည့်လိုက်ပြီး ခေါင်းညိတ်လျက် ပြောသည်။

“အဲဒါ အမှန်ပဲ။ နင်တို့က ငါတို့လိုမျိုး သာမန်ကျင့်ကြံသူတွေနဲ့ မတူဘူး”

“နင်တို့က ကိုယ်ပိုင်လမ်းစဉ်ကို ရှာဖွေရမယ်”

အကြီးအကဲစုလျန့်က အံ့ဖွယ်ကိုးပါးတောင်၏ အာခီမီခန်းဆောင်အကြီးအကဲတစ်ယောက်သာ ဖြစ်သော်လည်း အမြင်ကျယ်သည်။

ဟန်မူယဲ့နှင့်မူဝမ်က အဆင့်နိမ့်ကျင့်ကြံသူများဖြစ်သော သူမတို့နှင့် မတူညီတော့ပေ။

သူတို့နှစ်ယောက်သည် ကျင့်ကြံခြင်းလောက၏ အထွတ်အထိပ်တွင် ရပ်တည်နေပြီး အသက်ရှည်ကြသည်။

သွေးမျိုးဆက်နှင့်ပတ်သတ်၍ အလျင်လိုရန် မလိုအပ်ပေ။

ဟန်မူယဲ့နှင့်မူဝမ်က အံ့ဖွယ်ကိုးပါးဆေးစံအိမ်တွင် နေ့တစ်ဝက်ကြာအောင် နေထိုင်ပြီး ထွက်သွားခဲ့ကြသည်။

မူဝမ်က အကြီးအကဲစုလျန့်အတွက် ကျောက်စိမ်းပုလင်းတချို့နှင့် အဖိုးတန်ဝိညာဉ်ဆေးပင်များကို ချန်ထားခဲ့သည်။

တခြားပစ္စည်းများသည် အကြီးအကဲစုလျန့်အတွက် မလိုအပ်ပေ။ သူမ၏ ကျင့်ကြံခြင်းအတွက် အတားအဆီးဖြစ်သွားနိုင်သည်။

အကြီးအကဲစုလျန့်၏ ပါရမီအရ ကောင်းကင်အဆင့်သို့ ဝင်ရောက်ရန် ပြဿနာမရှိပေ။ သူမက ရှည်လျားသောသက်တမ်းကို ပိုင်ဆိုင်ရမည်ဖြစ်‌သောကြောင့် ဖြည်းဖြည်းချင်း အချိန်ယူနိုင်သည်။

စံအိမ်ထဲတွင် စောင့်ဆိုင်းနေသော တပည့်များကို ဟန်မူယဲ့နှင့်မူဝမ်က အားပေးစကားပြောလိုက်ပြီး လက်ဆောင်အဖြစ် ဝိညာဉ်ဆေးပင်နှင့် ဆေးလုံးများကို ပေးအပ်ခဲ့သည်။

“အစ်မပိုင်က ကောင်းကင်အံ့ဖွယ်ကမ္ဘာကနေ ထွက်သွားမယ်လို့ ထင်မထားခဲ့ဘူး”

မူဝမ်က ညင်သာစွာ သက်ပြင်းချသည်။

စုကျန်းဈေးဆိုင်၏ပိုင်ရှင် ပိုင်စုကျန်းသည် အနောက်ဘက်နယ်စပ်ကုန်းမြေ၏ နံပတ်တစ်မိစ္ဆာကျင့်ကြံသူ လီမူပိုင်၏ သမီးအရင်း ဖြစ်သည်။ သူမက မူဝမ်၊ ဟန်မူယဲ့တို့နှင့် ဆက်ဆံရေးကောင်းသည်။

အံ့ဖွယ်ကိုးပါးတောင်တွင် ဟန်မူယဲ့က ပိုင်စုကျန်းကြောင့် ငွေရှာနိုင်ခဲ့သည်။

သူက စတင်ကျင့်ကြံသောအချိန်တွင် အရင်းအမြစ်များကို စုကျန်းဈေးဆိုင်၌ လဲလှယ်ခဲ့သည်။

ပိုင်စုကျန်းသည် ဟန်မူယဲ့၏ ကျင့်ကြံခြင်းအစတွင် ကျေးဇူးရှင်ဟု ပြောနိုင်သည်။

သူတို့နှစ်ယောက်က အချိန်အတော်ကြာသည်အထိ နှစ်ဖက်အကျိုးအမြတ်ကို ထိန်းသိမ်းထားနိုင်ခဲ့သည်။

သို့သော် ပိုင်စုကျန်းက ကောင်းကင်အံ့ဖွယ်ကမ္ဘာတွင် စီးပွားရေးလုပ်ငန်းဖြင့် အောင်မြင်မှုများကို ရရှိထားသော်လည်း မိစ္ဆာဂိုဏ်း၏တပည့်များကို ခေါ်ဆောင်၍ လီမူပိုင်ကိုရှာဖွေရန် ကောင်းကင်အံ့ဖွယ်ကမ္ဘာမှ ထွက်သွားလိမ့်မည်ဟု ဟန်မူယဲ့က ထင်မထားခဲ့ပေ။

ပိုင်စုကျန်းက ကောင်းကင်အံ့ဖွယ်ကမ္ဘာမှ ထွက်သွားသောအချိန်တွင် ဝိညာဉ်သူငယ်အထွတ်အထိပ်အဆင့်သို့ ရောက်နေခဲ့သည်။ ထို့အပြင် သူမက အကာအကွယ်ရတနာတချို့ကိုလည်း ပိုင်ဆိုင်ထားသောကြောင့် အန္တရာယ်ရှိမည်မဟုတ်ပေ။

မူဝမ်က မူမိသားစုဆီသို့ အလည်သွားခဲ့သည်။ မူမိသားစု၏ ဘိုးဘေးများက ထွက်ခွာသွားပြီဖြစ်သောကြောင့် သူမက သန်မာသောဆက်နွယ်မှုကို မခံစားရသော်လည်း သူမ၏ ကလေးဘဝကို မူမိသားစုတွင် ကုန်ဆုံးခဲ့သည်။

သူတို့က မူမိသားစုသို့ ရောက်လာသောအခါတွင် မူမိသားစု၏ခေါင်းဆောင် မူထုံယွမ်က ကိုယ်တိုင်ထွက်ကြိုခဲ့သည်။ အစေခံများ၏ သတင်းပေးမှုကြောင့် မူဝမ်နှင့် ဟန်မူယဲ့ကို မြင်လိုက်ရသောအခါတွင် သူက အလွန်ပျော်ရွှင်နေသည်။

မူဝမ်တို့ကို ကြိုဆိုခဲ့သော မူမိသားစု၏ မျိုးဆက်သစ်များက စပ်စုချင်နေကြသည်။

မူမိသားစုသည် ဧည့်ခံပွဲကျင်းပပေးခဲ့သည်။ ဟန်မူယဲ့က ခဏတာမျက်နှာပြပြီး သီးသန့်ကျင့်ကြံနေခဲ့သည်။

မူဝမ်က မူမိသားစု၏ မိတ်ဆွေဟောင်းတချို့နှင့်အတူ မူမိသားစု၏ မျိုးဆက်သစ်လက်ရွေးစင်များကို သွားကြည့်ခဲ့သည်။

ထိုမျိုးဆက်သစ်များထဲတွင် မူထုံယွမ်၏မြေးဖြစ်သူ မူကျင်းကျီလည်း ပါနေသည်။ သူမက အံ့ဖွယ်ကိုးပါးဆေးစံအိမ်တွင် ပေါ်လာခဲ့သည်။

မူဝမ်က မူမိသားစုနှင့် အံ့ဖွယ်ကိုးပါးတောင်၏ ပူးပေါင်းမှုကို ထောက်ခံသည်။

သူမနှင့် ဟန်မူယဲ့၏ ဆက်ဆံရေးကို ဘေးဖယ်ထားလိုက်လျှင်ပင် မူမိသားစု၏ အကျိုးကျေးဇူးအတွက် မူကျင်းကျီနှင့် ကျန်းယုချန်၏ လက်ထပ်ပွဲကို ထောက်ခံသည်။

မူမိသားစုသည် အနောက်ဘက်နယ်စပ်ကုန်းမြေ၏ အာခီမီတော်ဝင်နယ်မြေဖြစ်သော မူရှန်မြို့တွင် တည်ရှိသည့် အာခီမီမိသားစုတစ်ခုသာ ဖြစ်သည်။

ကျင့်ကြံခြင်းလောက၏ အစစ်အမှန် အာခီမီတော်ဝင်နယ်မြေသည် တိမ်တိုက်ကောင်းကင်ဆေးတောင်ကြား ဖြစ်သည်။

အံ့ဖွယ်ကိုးပါးတောင်သည် မတူပေ။

ဟန်မူယဲ့ရှိနေသ၍ အံ့ဖွယ်ကိုးပါးတောင်၏ အဆင့်အတန်းသည် တည်မြဲနေလိမ့်မည်။

မူကျင်းကျီသည် ဒဏ္ဍာရီလာဒေါ်လေး၏ရှေ့တွင် ကိုယ့်ကိုယ်ကိုယ် ထိန်းချုပ်ထားသည်။

သူမက ကျန်းယုချန်နှင့် ဆက်ဆံရေးကိုလည်း ရှင်းပြခဲ့သည်။ သူမက တမင်သက်သက် ရန်ရှာနေခြင်းသာဖြစ်သည်။

သူမက သခင်လေးယုချန်၏ဂုဏ်သတင်းကို နားလည်သည်။

သူနှင့် လက်ထပ်ရမည်ဖြစ်သောကြောင့် သူမက တိတ်တဆိတ် ပျော်ရွှင်နေသည်။ သူမက ကျန်းယုချန်၏အာရုံစိုက်မှုကို လိုချင်သောကြောင့် ပြဿနာရှာနေခြင်းဖြစ်သည်။ သူမကို လက်ထပ်ပွဲ၏ ပစ္စည်းတစ်ခုအဖြစ် မမြင်စေချင်ပေ။

မူဝမ်က မူကျင်းကျီ၏အတွေးကို နားလည်သည်။

သူမကိုယ်တိုင်ကပင် အစ်ကိုဟန်၏ကျင့်ကြံခြင်းကို နှောင့်ယှက်မိမှာ စိုးရိမ်နေသည်။

သူမက အစ်ကိုဟန်အတွက် အနှောင့်အယှက်မဖြစ်ချင်သောကြောင့် တာအိုပြိုင်ပွဲစတင်သောအချိန်တွင် ကောင်းကင်အံ့ဖွယ်ကမ္ဘာမှ ထွက်သွားခဲ့သည်။

ထိုအရာသည် အမျိုးသမီးတစ်ယောက်နှင့် အာခီမီပညာရှင်တစ်ယောက် ဖြစ်နေရခြင်း၏ ဝမ်းနည်းမှု ဖြစ်နိုင်သည်။

ငြိမ်းချမ်းသောခေတ်သည် အာခီမီပညာရှင်များနှင့် သက်ဆိုင်သော်လည်း ဖရိုဖရဲဖြစ်နေသောခေတ်သည် လက်နက်များနှင့်သာ သက်ဆိုင်သည်။

အမျိုးသမီးများအတွက်လည်း ချွင်းချက်မဟုတ်ခဲ့ပေ။

ဟန်မူယဲ့နှင့်မူဝမ်က အံ့ဖွယ်ကိုးပါးတောင်သို့ ထွက်လာသောအခါတွင် မူကျင်းကျီနှင့် မူမိသားစု၏ မျိုးဆက်သစ်တပည့်များက နောက်မှ လိုက်လာကြသည်။

သူတို့က အံ့ဖွယ်ကိုးပါးတောင်သို့ လိုက်လာပြီး နောက်ပိုင်းတွင် အထက်ဘုံ၏ တိမ်တိုက်ကောင်းကင်ဆေးတောင်ကြားသို့ ဝင်ရောက်ရမည်ဖြစ်သည်။

မူမိသားစုသည် အာခီမီမိသားစု ဖြစ်သောကြောင့် အာခီမီတော်ဝင်နယ်မြေကို မျှော်လင့်နေကြသည်။

အထက်ဘုံတွင်ရှိသော မူမိသားစုခေါင်းဆောင်နှင့် နတ်မိမယ်ပီအိုနေးတို့ကလည်း လွန်ခဲ့သောနှစ်အနည်းငယ်ခန့်တွင် ဆေးတောင်ကြား၌ ကျင့်ကြံနေခဲ့ကြသည်။

မူထုံယွမ်နှင့် တခြားလူများက တွန့်ဆုတ်နေသော အကြည့်များဖြင့် သူတို့ကို မြိုပြင်သို့ လိုက်ပို့ခဲ့ကြသည်။

ကောင်းကင်အံ့ဖွယ်ကမ္ဘာ၏ အမတ်ချုပ်ကြီးဟန်ဖြစ်သော အနောက်ဘက်နယ်စပ်ကုန်းမြေ၏ အင်မော်တယ်ဟန်သည် မူရှန်မြို့၏ မူမိသားစုတွင် နေထိုင်သွားခဲ့သည်။ သူတို့က တစ်မြို့လုံးအတွက် ဧည့်ခံပွဲကျင်းပပြီး ထိုဂုဏ်ကျက်သရေကို အနောက်ဘက်နယ်စပ်ကုန်းမြေ၏ တာအိုရောင်းရင်းများနှင့် မျှဝေချင်ခဲ့သည်။

သို့သော် ဟန်မူယဲ့နှင့် မူဝမ်က မူမိသားစုတွင် တစ်ရက်သာ နေထိုင်သွားခဲ့သည်။

နှမြောစရာ ကောင်းသည်။

မူမိသားစု၏ တပည့်များ ပါလာသောကြောင့် ဟန်မူယဲ့က သင်္ဘောပျံကို ထုတ်ယူပြီး ကောင်းကင်ထက်တွင် ရွက်လွှင့်ခဲ့သည်။

သို့သော် သူတို့က လျင်မြန်စွာ မသွားခဲ့ကြပေ။ ဟန်မူယဲ့နှင့်မူဝမ်က ပတ်ဝန်းကျင်ရှုခင်းများကို ခံစားနေပြီး ရင်းနှီးသောနေရာများကိုလည်း သွားကြည့်ခဲ့ကြသည်။

လမ်းတစ်လျှောက်တွင် ဟန်မူယဲ့၏သတင်းကို ကြားလိုက်ရသော ကျင့်ကြံသူများက သူတို့ကို ကြိုဆိုခဲ့ကြသည်။

အနောက်ဘက်နယ်စပ်ကုန်းမြေ၏ ဂိုဏ်းများသည် အံ့ဖွယ်ကိုးပါးတောင်ကို လေးစားကြသည်။ ယခင်က အနောက်ဘက်နယ်စပ်ကုန်းမြေ၏ တိုက်ပွဲများတွင် နာမည်ကြီးကျင့်ကြံသူများသည် ဟန်မူယဲ့၏နောက်သို့ လိုက်၍ အတူတကွ တိုက်ခိုက်ခဲ့ကြသည်။

တိမ်မြုံကမ်းပါးတိုက်ပွဲတွင် သောင်းချီသောလူများသည် ဟန်မူယဲ့၏နာမည်ကို ရွတ်ဆိုပြီး အင်မော်တယ်ဟန်အဖြစ် ဂုဏ်သတင်းရလာစေသည်။

နောက်နှစ်များတွင် သူက မြစ်ရေစီးကို ဆန့်ကျင်၍ အနောက်ဘက်နယ်စပ်ကုန်းမြေ၏ လက်ရွေးစင်များနှင့် ပူးပေါင်းပြီး ပြောင်မြောက်စွာ တိုက်ခိုက်ခဲ့သည်။

ကံဆိုးစွာဖြင့် အနောက်ဘက်နယ်စပ်ကုန်းမြေသည် ဟန်မူယဲ့ကို အချိန်ကြာမြင့်စွာ ထိန်းသိမ်းမထားနိုင်ခဲ့ပေ။

ဟန်မူယဲ့က ကောင်းကင်အထိ ရောက်သွားပြီး အလယ်ပိုင်းကုန်းမြေကို ထိန်းချုပ်၍ ကောင်းကင်အံ့ဖွယ်ကမ္ဘာကို ဦးဆောင်ခဲ့သည်။ သူက တာအိုပြိုင်ပွဲတွင် အနိုင်ရအောင် ကြိုးစားခဲ့သည်။ ထို့နောက် အထက်ဘုံသို့ ခရီးဆက်သွားခဲ့သည်။

ဟန်မူယဲ့နှင့်အတူ တိုက်ခိုက်ခဲ့ဖူးသော ကျင့်ကြံသူများအတွက် ဒဏ္ဍာရီပုံပြင်များသည် ပိုမိုအရေးပါသည်။

ထိုအရာသည် ကျင့်ကြံခြင်းလောကပင် ဖြစ်သည်။

ဟန်မူယဲ့နှင့်မူဝမ်က ရက်ရောနေသည်။

ယခင်က သူနှင့်တွေ့ခဲ့သော ကျင့်ကြံသူအများစုသည် ကမ္ဘာမြေအဆင့်တွင် ရှိနေကြသည်။

အနောက်ဘက်နယ်စပ်ကုန်းမြေ၏ ရေခဲနတ်မယ် လော့ရှောင်ယွီနှင့် ဟန်မူယဲ့ကို ယှဉ်ပြိုင်ဖူးသော စွန်းကျင်းရှစ်တို့သည် ယခုအချိန်တွင် မဟာကျင့်ကြံသူကြီးများ ဖြစ်နေကြသည်။

လူအများစုက ဟန်မူယဲ့နှင့် တွေ့ရသောအခါတွင် ကိုယ့်ကိုယ်ကိုယ် ထိန်းချုပ်ထားကြပြီး မြှောက်ပင့်နေကြသည်။

ဟန်မူယဲ့က စိတ်မရှိပေ။ သူက လမ်းညွှန်ချက်တချို့ မပေးလျှင် ရတနာများကို တိုက်ရိုက်ထုတ်ပေးလိုက်သည်။

အနောက်ဘက်နယ်စပ်ကုန်းမြေသို့ ပြန်လာပြီး မိတ်ဆွေ‌ဟောင်းများနှင့် တွေ့ဆုံခြင်းသည် သူ့အတွက် အကျိုးအမြတ်တစ်ခုပင် ဖြစ်သည်။

သင်္ဘောပျံက အံ့ဖွယ်ကိုးပါးတောင်သို့ ရောက်လာ‌သောအခါတွင် ထို့ပါ့ချန်က အကြီးအကဲများကို ဦးဆောင်၍ သူ့ကို ကြိုဆိုခဲ့သည်။

“ငါက ခေါင်းလောင်းသံခြောက်ကြိမ်ကိုပဲ ကြားချင်ခဲ့တာ ....”

အံ့ဖွယ်ကိုးပါးတောင်၏ သာယာသောခေါင်းလောင်းသံကို ကြားရသောအခါ သင်္ဘောပျံ၏ ကုန်းပတ်ပေါ်တွင်ရပ်နေသော ဟန်မူယဲ့က သက်ပြင်းချသည်။

သူ့ဘေးတွင်ရှိနေသော ခေါင်းဆောင်တောက်ရင်နှင့် ကောင်းချန်ကုန်းတို့က အကြည့်ချင်းဖလှယ်လိုက်ကြသည်။

ယခင်က သူတို့သည် ခေါင်းလောင်သံခြောက်ကြိမ်ထွက်ပေါ်အောင် လုပ်နိုင်ခဲ့ကြသည်။

အံ့ဖွယ်ကိုးပါးတောင်သည် ပြောင်းလဲသွားခဲ့ပြီဖြစ်သည်။ တောင်ထိပ်တွင်ရှိသော ခန်းဆောင်သည် ပိုမိုခမ်းနားနေသည်။ ကောင်းမွန်သော အဆောက်အအုံများသည် တောင်ခြေအထိ ဆန့်ထွက်သွားသည်။

လွှမ်းမိုးနိုင်စွမ်းရှိခဲ့သော ဓားစံအိမ်သည် ယခုအချိန်တွင် မထင်ပေါ်ဘဲ ဖြစ်နေသည်။

“ဂိုဏ်းတူအစ်ကို”

ရင့်ကျက်လာသော လျှိုဟုန်က ဓားစံအိမ်၏ရှေ့တွင် ရပ်နေပြီး ဟန်မူယဲ့ကို ဦးညွတ်လိုက်သည်။

ဓားအလင်းများသည် ဟန်မူယဲ့၏ခန္ဓာကိုယ်ပေါ်တွင် လှုပ်ရှားလာကြသည်။

ထိုအရာသည် သူ၏ ဓားတာအို ဖြစ်သည်။

သူက ပျင်းရိနေသောကြောင့် ကောင်းကင်အံ့ဖွယ်ကမ္ဘာသို့ ပြန်လာခြင်းမဟုတ်ပေ။

သူက ကိုယ်ပိုင်ဓားတာအိုကို သုံးသပ်နေခဲ့သည်။

သူက ထိုအဆင့်သို့ ခြေချနိုင်လျှင် သူ၏ တိုက်ခိုက်နိုင်စွမ်းနှင့် ကျင့်ကြံခြင်းသည် စိတ်ကူးမယဉ်နိုင်အောင် တိုးတက်လာလိမ့်မည်။