ဖြစ်ရပ်နောက်ကွယ်

ဧကရာဇ်ကျားက အက်တမ်နှင့် အမှုန်တိုင်း တစ်ခုချင်းစီက သူ့တိုက်ကွက်ကို ရှောင်ရှားနေသည်ကိ မြင်လိုက်ရသည်။ သူက မျက်မှောင်ကြုတ်လိုက်ပြီးသည့်နောက်တွင် အဆီအနှစ်၊ စိတ်ဝိညာဉ်နှင့် ချီတို့ကို တစ်ခုတည်းအဖြစ် စုစည်းနိုင်မည့် သင်္ကေတတစ်ခုကို ထုတ်သုံးလိုက်သည်။ ထို့ကြောင့် ဝမ်ဝေ့၏ ခန္ဓာကိုယ်က တစ်စုတစ်စည်းထဲ ပြန်လည်စုစည်းသွား၏။ ဝမ်ဝေ့၏ ဦးခေါင်းအထက် အလင်းလှံတစ်ချောင်းက ပြေးဝင်လာကာ သူ့အတွက် ရှောင်ရှားဖို့ရာ မြန်ဆန်လွန်းနေသည်။

သူက အရိုးအစားထိုးကို အသုံးပြုကာ သေခြင်းတရားကို ရှောင်ရှားလိုက်ရ၏။ ထို့နောက် သူက နဂါးရာသီခွင်ကို အသုံးပြုကာ ကောင်းကင်အထက် လက်သီးချက်ဖြင့် ထိုးခွင်းလိုက်ပြီး ထိုနည်းစနစ်၏ အနှောင့်အယှက် သဘောတရားကို ဖောက်ဖျက်ဖို့ ကြိုးစားလိုက်သည်။

နှမြောစရာကောင်းလှစွာဖြင့် ထိုနည်းလမ်းက ကျရှုံးသွားခဲ့၏။ ထိုနည်းစနစ်က ခန္ဓာကိုယ်အပေါ် အားအနည်းဆုံး သက်ရောက်မှုရှိနေသော်လည်း အနှောင့်အယှက် ဖြစ်နေဆဲသာ ဖြစ်သည်။ ထို့အပြင် သူ့အား ထိခိုက်စေပြီးသည့်နောက် ထိုအလင်းတန်း သို့မဟုတ် မြားများက သူ့ခန္ဓာကိုယ်ကို ပို၍ အနှောင့်အယှက်ဖြစ်လာစေသည် သို့မဟုတ် တိုက်စားလာစေသည်။

မြားသုံးချောင်းက ဝမ်ဝေ့၏ ခန္ဓာကိုယ်အတွင်း ဖောက်ထွင်းသွားကာ သူ့အရှိန်အဝါက ပို၍ အားနည်းသွားသည်။ သူ့အကြည့်က ဧကရာဇ်ကျားဆီမှ မဖယ်ပေ။ သူ့စိတ်ထဲ အခြေအနေကို ဆက်တိုက်သုံးသပ်နေပြီး ဖြေရှင်းနည်းကို စဉ်းစားနေလေ၏။ အကောင်းဆုံးနည်းလမ်းက ဤနေရာကို သူ့စိတ်ဆန္ဒသဏ္ဍာန်ပြခြင်းဖြင့် လွှမ်းမိုးလိုက်ဖို့ ဖြစ်သည်။

သို့သော်လည်း ဧကရာဇ်ကျားက သူ၏ အရေးသာချက်သုံးခုကို သိ၍ တန်ပြန်နည်းလမ်းကို ကြိုတင်ပြင်ဆင်ထားပြီးသားဖြစ်ကြောင်း ခန့်မှန်းမိသည့်အတွက် ထိုသို့မလုပ်ဆောင်ခဲ့ပေ။

နာကျင်မှု အော်သံ

ဝမ်ဝေ့က ပါးစပ်ဟကာ နာကျင်မှုစွမ်းရည်ဖြင့် အသံလှိုင်းတိုက်ကွက်ကို ရောနှောကာ အသုံးပြုလိုက်သည်။ ထိုနည်းစနစ်က အလုပ်ဖြစ်ခဲ့ပြီး ဧကရာဇ်ကျားက ဦးခေါင်းကို ဆုပ်ကိုင်ကာ နှာခေါင်းမှ သွေးများစီးကျလာလေ၏။ ဝမ်ဝေ့က ရှေ့သို့ တိုးကာ သူ့ကို ထိတွေ့ဖို့ ကြိုးစားခဲ့ပြီး သူ့အပေါ် ပင်ကိုကံကြမ္မာအနှောင်အဖွဲ့ကို ထားရှိဖို့ လုပ်ဆောင်ခဲ့သည်။ သို့သော် ဧကရာဇ်ကျား၏ နောက်တွင် သင်္ကေတတစ်ခုပေါ်ထွက်လာပြီး သူ့နာကျင်မှုကို စုပ်ယူသွားလေ၏။

ထိုစဉ် ဝမ်ဝေ့က မြားနှင့် မိုးစက်များကို ဆက်တိုက်ရှောင်ရှားနေပြီး တချို့တစ်လေက သူ့ကို ထိမှန်သွားခဲ့သည်။

ဘန်း

ဝမ်ဝေ့က အနောက်ဘက်မှ အန္တရာယ်ကို ခံစားမိလိုက်၍ သူ့ခန္ဓာကိုယ်က အလိုလိုတုံ့ပြန်ကာ ခန္ဓာကိုယ်ထဲ ဗလာစွမ်းအားကို အသက်သွင်းလိုက်ပြီး ကိုယ်ထည်မဲ့ အနေအထားသို့ ဝင်ရောက်ခဲ့သည်။ သို့သော်လည်း သူက အနက်ရောင်အလင်းတန်းကြောင့် ဘယ်ဖက်လက်ကို ဆုံးရှုံးလိုက်ရ၏။ သူက ဤအခြေအနေကို ဖြေရှင်းဖို့ နည်းလမ်းကို တွေးမိလိုက်သည်။

အရာအားလုံးက ဗလာနတ္ထိအဖြစ် ပြန်လည်ရောက်ရှိသွားခြင်း

သူက ခန္ဓာကိုယ်ထဲမှ ဗလာနတ္ထိစွမ်းအား အားလုံးကို ထုတ်သုံးလိုက်ပြီး အနှောင့်အယှက် စွမ်းအားကို ဗလာဖြစ်သည်အထိ လျှော့ချလိုက်သည်။ သို့သော်လည်း သူ ဆုံးရှုံးသွားသည့် လက်တစ်ဖက်က ထိုနည်းစနစ်ကို ဖျက်စီးဖို့ရာ မလုံလောက်ကြောင်း ပြောပြနေလေသည်။ သို့သော် အချိန်ကို လုံလုံလောက်လောက် ဆွဲထားနိုင်၏။ ဝမ်ဝေ့က ယခု သူ့ပတ်ဝန်းကျင်တွင် တာအိုကို အသုံးပြုနိုင်လာပြီဖြစ်ကာ ချက်ချင်း လှုပ်ရှားလိုက်၏။

အစီအစဉ်ကျမှုကို ပြန်လည်ရေးသားခြင်း

သူက နေရာတစ်ခု ဖန်တီးသည့် နည်းစနစ်တစ်ခုကို ထုတ်သုံးခဲ့သည်။ သူ့ကံကြမ္မာနှင့် အစီအစဉ်ကျမှု၊ မကျမှုတာအိုတို့ဖြင့် စကြဝဠာ၏ တာအို၊ အမှန်တရား၊ အစီအစဉ်ကျမှု၊ မကျမှု အားလုံးကို ပြန်လည်ဖန်တီးခဲ့သည်။ တခြားနည်းဖြင့်ပြောရလျှင် သူက ဧကရာဇ်ကျား၏ တာအိုအနှောင့်အယှက်အားလုံးကို ဖယ်ရှားပစ်လိုက်သည့် စကြဝဠာတစ်ခုကို ပြန်လည်ဖန်တီးလိုက်ခြင်း ဖြစ်၏။

ဝမ်ဝေ့၏ လက်ဝါးထဲ ရွှေရောင်အလင်းတစ်ခု ပေါ်ထွက်လာကာ ထုတ်လွှတ်လိုက်စဉ် ပျက်စီးနေသည့် သံကြိုးများက သူ့အလိုလိုပြန်လည်ကောင်းမွန်သွားပြီး နဂိုအခြေအနေ ပြန်လည်ရောက်ရှိသွားသည်။ မဟာတာအိုအရင်းအမြစ်က သံကြိုးများဖြင့် ဖွဲ့စည်းထားသည့် အာကာပြင်မြစ်ကြောင်းပုံစံဖြင့် ပေါ်ထွက်လာခဲ့ပြီး သူ့တာအိုကို အပြည့်အဝ ထိန်းချုပ်နိုင်ကြောင်း ပြသနေသည်။

“ဒါက ထူးချွန်ပြောင်မြောက်တဲ့ နည်းစနစ်ပဲ” ဝမ်ဝေ့က ချီးကျူးလိုက်သည်။ သို့သော်လည်း ဧကရာဇ်ကျားက သူ့ကို စောင့်ကြိုနေသည့် ကံကြမ္မာကို သိသည့်အတွက် သက်ပြင်းချလိုက်သည်။

“မင်းက ငါ့ကို အပြီးတိုင် မသတ်မဲ့ အခွင့်အရေးများ ရှိမလား” သူက တည်ငြိမ်စွာ မေးလိုက်သည်။

“အဲဒါက မဖြစ်နိုင်တာတော့ မဟုတ်ဘူး” ဝမ်ဝေ့က ပြန်ဖြေလိုက်သည်။

“အိုး”

“ခင်ဗျားက ခြိမ်းခြောက်မှု မဖြစ်လောက်တဲ့အထိ ကျုပ် ကြီးထွားအောင်အချိန်အထိ ခင်ဗျားရဲ့ ပြန်လည်ရှင်သန်လာမှုကို တားဆီးထားနိုင်တယ်” ဝမ်ဝေ့က ပြောလိုက်သည်။

“ဒါပေမဲ့ ကျုပ်က စိတ်ဝိညာဉ်ဇစ်မြစ်ဂိုဏ်းကို ဖျက်ဆီးပစ်မယ်ဆိုတာကိုတော့ သိထားရမယ်။ တကယ်လို့ မကျေနပ်တာကို ပြသခဲ့မယ်ဆိုရင် ခင်ဗျားကိုပါ ဖျက်ဆီးပစ်မယ်”

“ကောင်းပြီလေ” ဧကရာဇ်ကျားက ပြောလိုက်သည်။ သူက အသက်ပြန်ရှင်လာပြီးသည့်နောက်တွင် ဂိုဏ်းကို ပြန်လည်တည်ထောင်နိုင်လေသည်။

“ဆက်လက်တိုက်မလား။ ခုခံမလား” ဝမ်ဝေ့က မေးလိုက်သည်။

“ငါ မနိုင်ဘူးဆိုတာကို သိထားပေမဲ့ အဆုံးထိတိုက်မယ်” သူက အပိုအသက် ငါးခုရှိထားသော်လည်း တစ်ခုချင်းစီကို သုံးပြီးသည့်နောက်တွင် သူ့အင်အားက သိသိသာသာ လျော့ကျသွားမည် ဖြစ်၏။

“ကောင်းပြီလေ”

ဝမ်ဝေ့က ဧကရာဇ်ကျား၏ အနောက်ဖက်တွင် ခြိမ်းခြောက်နိုင်စွမ်းရှိသည့် သင်္ကေတများစွာ ပေါ်ထွက်လာသည်ကို ကြည့်နေပြီး တိုက်ကွက်အတွက် ပြင်ဆင်လိုက်သည်။ သူက လက်တစ်ဖက်အတွက် ကောင်းကင်ကို ညွှန်ပြလိုက်၏။

ကံကြမ္မာ အနှောင်အဖွဲ့

“စကားလုံးတွေမှာ စွမ်းအား မရှိဘူး”

သူ့အထက်တွင် ဧရာမမီးခိုးရောင် သံကြိုးတစ်ခု ထွက်ပေါ်လာပြီး ကံကြမ္မာမြစ်ကြောင်း၏ ပုံရိပ်အတွင်း ဝင်ရောက်သွားခဲ့သည်။ ယခုမှစ၍ ဤအဆုံးမဲ့အာကာပြင်၏ စည်းမျဉ်းများက ပြောင်းလဲသွားပြီဖြစ်ကာ စကား၊ ဘာသာစကားနှင့် သင်္ကေတများက စွမ်းအား သို့မဟုတ် အင်အား ကိုင်ဆောင်ထားနိုင်မည် မဟုတ်တော့ပေ။ ဧကရာဇ်ကျား ဝန်းကျင်ရှိ သင်္ကေတများက ပျောက်ကွယ်သွားပြီး သူ့စာအုပ်ပင် မှေးမှိန်သွားလေသည်။

ဒီဟာက ငါ့တာအိုကို ပစ်မှတ်ထားတဲ့ နည်းစနစ်ကို အခြေခံထားတာ…

ဧကရာဇ်ကျားက သုံးသပ်လိုက်သည်။ သူ့ တစ်စိတ်တစ်ပိုင်းက ဤလမ်းစဉ်ကို လျှောက်လှမ်းမိသည့်အတွက် နောင်တရနေမိသည်။ မဟုတ်ပါက သူ့တိုက်ခိုက်ရေးအတွေ့အကြုံသည် ဤမျှနိမ့်ကျနေမည် မဟုတ်ဘဲ တိုက်ပွဲကို ရှုံးနိမ့်သွားမည် မဟုတ်ပေ။ မှော်စက်ဝန်းများက သူ့အောက်ခြေတွင် ပေါ်ထွက်လာပြီး သူက မလှုပ်ရှားနိုင်တော့ကြောင်း သိလိုက်ရသည်။

လက်တစ်ဖက်ဝမ်ဝေ့က သူ့ရှေ့တွင် ပေါ်ထွက်လာကာ ဧကရာဇ်ကျားက အသိစိတ်ပျောက်ဆုံးသွားခဲ့သည်။ ထိုသူက သူ့ကို ဝိုင်းထားသော်လည်း သူ့အနေဖြင့် မခုခံလိုပေ။ ခုခံရေးက အကာအကွယ်များဖြင့် ဝမ်ဝေ့က ဧကရာဇ်ကျား၏ အတိတ်ကို မြင်တွေ့လိုက်ပြီး အမှန်တရားကို သိခဲ့ရသည်။ ထိုသူက လျှို့ဝှက်ဒိုင်မေးရှင်းတစ်ခုအတွင်း အမွေအနှစ်ကို တွေ့ရှိခဲ့ခြင်း ဖြစ်၏။

ဝမ်ဝေ့က မန္တန်တစ်ခုကို ရွတ်ဖတ်လိုက်စဉ် မုခ်ဝတစ်ခု ပေါ်ထွက်လာပြီး အမွေအနှစ်ရှိသည့် အဆောင်တစ်ခု ပြုတ်ကျလာခဲ့သည်။ သူက ပြဿနာမရှိကြောင်း စစ်ဆေးပြီးသည့်နောက်တွင် အသုံးပြုလိုက်၏။ အမွေအနှစ်က ပင်ကိုတာအိုခန္ဓာကို လေ့ကျင့်သည့်အကြောင်း ဖြစ်ကာ တစ်စုံတစ်ယောက်အား တားမြစ်နယ်မြေအဆင့် ဝင်ရောက်ဖို့ ခွင့်ပြုပေးထားသည်။

ထိုအမွေအနှစ်၏ ပထမအဆင့်က တစ်စုံတစ်ယောက်အား အစစ်အမှန်ကောင်းကင်တာအို၏ မှတ်တမ်းများကို ညှိခွင့်ပြုထားသည့် ဝိရောဓိအခမ်းအနားတစ်ခု ဖြစ်သည်။ အထူးသဖြင့် ထိုအရာ၏ မြင်ကွင်းအောက်တွင် ပုန်းအောင်းရင်းဖြင့် ချို့ယွင်းချက် ရှိသွားစေခြင်း ဖြစ်သည်။

ဒါက စနစ်တစ်ခုမှာ နှောင့်ယှက်ရေးလုပ်ဆောင်ချက်တစ်ခု ထည့်သွင်းလိုက်တဲ့ ပုံစံမျိုးပဲ…

ဝမ်ဝေ့က တွေးလိုက်မိပြီး အနည်းငယ် အံ့အားသင့်သွားမိသည်။ ဝိရောဓိတစ်ခုလုံးက ကုရွှမ်၏ လှည့်ဖြားရေးစစ်ဆေးမှု အလုပ်လုပ်ပုံနှင့် တူညီနေပြီး အစစ်အမှန်ကောင်းကင်တာအိုက ထိုအရာကို ဂိမ်းကစားပွဲ၏ တစ်စိတ်တစ်ပိုင်းအနေဖြင့် ခွင့်ပြုပေးထားခြင်း ဖြစ်လိမ့်မည်ဟု ထင်ထားခဲ့မိသည်။ သို့သော် ထိုသို့မဟုတ်ခဲ့ပေ။ ဤနည်းလမ်းက အမှန်တကယ် လှည့်ဖြားခဲ့ခြင်း ဖြစ်သည်။

ထိုနည်းလမ်းက ငါးခုမြောက် ပြန်လည်ဝင်စားခြင်းအထိသာ ရှိလေသည်။ အကြောင်းအရင်းမှာ ၆ခုမြောက်အပြီးတွင် အစစ်အမှန်ကောင်းကင်တာအိုက ပြဿနာကို သတိထားမိပြီဖြစ်ကာ ပြင်ဆင်သွားလိမ့်မည်။ ထို့ကြောင့် အမွေအနှစ်က ပိုင်ရှင်အား ပင်မ ၃၈၀၀ ကမ္ဘာ မဟုတ်သည့် ဟွင်သွမ်းကမ္ဘာထံ သွားရောက်၍ ဆက်လက်လေ့ကျင့်ဖို့ အကြံပြုထားသည်။ ထိုအရာက အကြောင်းအရင်းကို ဖော်ပြထားခြင်း မရှိသော်လည်း ဝမ်ဝေ့က အမှန်တရားကို ကောက်ချက်ချမိ၏။ ထိုဟွင်သွမ်းကမ္ဘာများ၏ အစစ်အမှန်ကောင်းကင်တာအို၏ ကန့်သတ်ချက်စွမ်းအားက ထူးကဲသာလွန်မှုတစ်ပိုင်းအဆင့်အစား စံပြအဆင့်သာ ရှိလိမ့်မည်။ ထို့ကြောင့် လှည့်ဖြားဖို့ရာ ပိုမိုလွယ်ကူလိမ့်မည်။

ဒီဝိရောဓိအခမ်းအနားထဲမှာ အဆုံးမဲ့တက်လှမ်းခြင်းကမ္ဘာက မဟုတ်တဲ့ စနစ်နဲ့ ဗဟုသုတတွေ ပါဝင်နေတယ်။ ဒီနည်းလမ်းကို ဖန်တီးထားသူက ကမ္ဘာဦးဟွင်သွမ်းအတွင်း သွားလာပြီးတော့ အစစ်အမှန်ကောင်းကင်တာအိုကို သေသေချာချာ လေ့လာထားတဲ့သူပဲ ဖြစ်ရမယ်…

ဝမ်ဝေ့က ထိုအမွေအနှစ်အကြောင်း အကဲဖြတ်ပြီးသွားပြီ ဖြစ်၏။ ထိုအရာက ကိစ္စများစွာအတွက် အကျိုးရှိလေသည်။ တားမြစ်နယ်မြေအဆင့်ကို ဝင်ရောက်နိုင်မည့် ထူးကဲသော တာအိုခန္ဓာကို ဖန်တီးလိုသည့် သူ့ရည်ရွယ်ချက်အတွက်ပင် အကျိုးရှိ၏။ ထို့ကြောင့် သူက ဧကရာဇ်ကျားကို မည်သို့ဖြေရှင်းရမလဲ အာရုံစိုက်ထားလိုက်သည်။

ပထမဦးစွာ သူက ထိုသူ၏ သင်္ကေတစာအုပ်ကို ကူးယူခဲ့သည်။ ဝူဟုန်က ထိုအရာကို စိတ်ဝင်စားလိမ့်မည်ဖြစ်ကြောင်း သိနေ၏။ အထူးသဖြင့် အနှောင့်အယှက်သင်္ကေတကို ဖြစ်သည်။

ဒုတိယအနေဖြင့် သူက သင်္ကေတလေးသွယ်ကြေးမုံကို စည်းပိတ်ကာ သူ့နေရာလွတ်ထဲ ထည့်သိမ်းထားလိုက်သည်။ နောက်ဆုံးတစ်ခုက ဧကရာဇ်ကျား၏ ခန္ဓာကိုယ် ဖြစ်၏။

ငါ့အနေနဲ့ ပြန်လည်ဝင်စားဖို့ဆိုတာက ဖြစ်နိုင်မှာ မဟုတ်ဘူးဆိုတဲ့ သူ့ရဲ့ ခန္ဓာကိုယ်ကို စုပ်ယူရင်ရော…

ဝမ်ဝေ့က ထိုအုတ်မြစ်ရှိခြင်း၏ အကျိုးအမြတ်ကို စဉ်းစားမိပြီး အလင်းမဲ့အမှန်တရားအပေါ် မှီခိုခြင်းမရှိဘဲ တားမြစ်နယ်ပယ်အဆင့်ကို ဝင်ရောက်နိုင်ဖို့ ဖြစ်နိုင်ချေရှိကြောင်း တွေးမိသွားခဲ့သည်။ သူက ကျန်ရှိနေသည့် လက်ဖြင့် စတော့မည့်ဆဲဆဲတွင် ရုတ်တရက် ရပ်တန့်လိုက်သည်။

တစ်ခုခုတော့ မှားနေပြီ

ဝမ်ဝေ့က ပြောလိုက်ပြီး သေချာ စဉ်းစားလိုက်သည်။

ဒီအမွေအနှစ်က အရူးကြီးချူးဆီကဆိုပြီးတော့ ဘေးကင်းတယ်လို့ မှတ်ယူထားခဲ့တာ။ ဒါပေမဲ့ သေချာစဉ်းစားကြည့်ရင် အဲဒါက သူ့ဆီက မဟုတ်ဘူး။ အရေးအသားက မတူသလို သိပ္ပံပညာရှင်တစ်ယောက်လိုမျိုး အေးစက်စက်လေသံနဲ့ နှောင့်ယှက်တတ်တဲ့ လေသံမျိုးလည်း ပါဝင်မနေဘူး။

သူက မျက်မှောင်ကြုတ်ကာ အခြေအနေကို သုံးသပ်လိုက်သည်။

ဧကရာဇ်ကျားက သူ့ရဲ့ ငါးဘဝမြောက် ပြန်လည်ဝင်စားခြင်းကို နှောင့်ယှက်တာက ငါက တာဝန်ရှိတဲ့သူလို့ ပြောခဲ့တာ။ ဒါပေမဲ့ ငါက အဲ့လိုအရာမှ မလုပ်ခဲ့တာ။ သူ့လိုအဆင့်လိုလူမျိုးက အမှားအယွင်းတော့ လုပ်မှာ မဟုတ်ဘူး။ အဲ့လိုဆိုတော့ ဘာလို့အဲ့လိုမျိုး ခံစားမိနေတာလဲ…

သူ့စိတ်ထဲ အဖြေက ရုတ်တရက် ထွက်ပေါ်လာခဲ့သည်။

ငါ လုပ်ခဲ့တာပဲ။ ဒါပေမဲ့ လက်ရှိ ငါ မဟုတ်ဘူး။ အနာဂတ်က ငါ။

ငါက ဧကရာဇ်ကျားရဲ့ ပြန်လည်ဝင်စားမှုကို ကာလံဒေသံတွေဖြတ်ကျော်ပြီးတော့ ဘာလို့နှောင့်ယှက်ခဲ့ရတာလဲ။ ဒီအမွေအနှစ်ကို ရယူဖို့ သက်သက်အတွက်လား။ ဝူဟုန်ရဲ့ ပြီးပြည့်စုံတဲ့ အုတ်မြစ်က နည်းလမ်း မဟုတ်ဘူးလို့ ပြောပြနေတာများလား…

ဝမ်ဝေ့က သေချာတွေးတောလိုက်ပြီး ပစ္စုပ္ပန်အကြောင်း သတင်းအချက်အလက် ကန့်သတ်ချက် ရှိနေသည့်အတွက် အနာဂတ်ဖြစ်ရပ်များကို ကောက်ချက်ချဖို့ရာ ခက်ခဲလှသည်။

နောက်ထပ် ဖြစ်နိုင်ချေတစ်ခုက ဧကရာဇ်ကျားက တခြားတစ်ယောက်ရဲ့ နယ်ရုပ်ပဲ။ ငါ့ရဲ့ အနာဂတ်ကိုယ်က သူ့ရဲ့ ပြန်လည်ဝင်စားမှုကို နှောင့်ယှက်ခဲ့တာ။ တကယ်လို့ အဲ့လိုဖြစ်မယ်ဆိုရင် အဲဒီလူက ငါ့ကို ပစ်မှတ်ထားနေတာ ဖြစ်နေနိုင်တယ်…

အကယ်၍ သူတို့သာ ငါ့စရိုက်ကို သိထားခဲ့ရင် ငါ့အလိုလိုသိစိတ်က ဧကရာဇ်ကျားကို ဝါးမျိုမယ်ဆိုတာကိုလည်း ကောက်ချက်ချနိုင်ကြမှာပဲ။ အဲ့လိုဆိုတော့ ငါနဲ့ ငါ့အနာဂတ်ကိုယ်ကို နှောင့်ယှက်နိုင်တယ်…

ဝမ်ဝေ့က ချွေးများ စီးကျလာပြီး သူ၏ လောဘကြောင့် ကိစ္စများ မည်မျှပင် ဆိုးရွားသွားနိုင်ကြောင်း သဘောပေါက်သွားခဲ့သည်။ ကံကောင်းစွာဖြင့် သူက ကံကြမ္မာအနှောင်အဖွဲ့မှ လွတ်မြောက်ဖို့ စိတ်ခံစားချက်များကို ထိန်းချုပ်နိုင်ခဲ့သည်။

အခုမေးခွန်းက ဒီတစ်ကြိမ် ငါ့ရန်သူက ဘယ်သူလဲ…

သူတို့က မဟာတာအိုနဲ့ အလုပ်တွဲလုပ်နေတယ်ဆိုတာတော့ သိသာတယ်…

နာမည်နှစ်ခုက သူ့စိတ်ထဲ ပေါ်ထွက်လာခဲ့သည်။