သတ်ဖြတ်ခြင်း တံဆိပ် ခုနစ်ခု။

လင်းယွန်၏ လှုပ်ရှား နေသော စိတ်မှာ၊ ပြန်လည် ငြိမ်သက် သွားသည်။ ပန်း ပြိုင်ပွဲတွင် ဤခွန်အား အရာက သူ့အတွက်၊ မလုံ လောက်ကြောင်း ခန့်မှန်း နိုင်ခဲ့သည်။

အမည်ခံ အုပ်စိုးရှင် အနေဖြင့် ကောင်းကင် ပြည်နယ် အကယ် ဒမီ၏ အခြေခံ အုတ်မြစ်မှာ၊ ဓားနန်းတော်ထက် ပို၍ ခိုင်မာ လှ၏။

အကယ်ဒမီ၏ အမာခံ တပည့် တိုင်းက၊ ဓားနန်းတော်ရှိ အကြီး အကဲ များကို ခွန်အားဖြင့် ဖိနှိပ် နိုင်သည်။

ထိပ်တန်း ဆယ်ယောက်လုံး၊ ပါဝင် ယှဉ်ပြိုင် ကြမည် မဟုတ် သော်လည်း၊ ပေါ့ပေါ့ တန်တန် သဘော ထား၍ မရချေ။

သူ့ အနေဖြင့် အပြင်လူ တစ်ယောက် ဖြစ်သော ကြောင့်၊ ပြိုင်ဘက်မှာ ယန်းရှောင် တစ်ဦးတည်း မဟုတ်ကြောင်း သူ သိသည်။

ခဏ အကြာတွင် လေ့ကျင့်ရေး အခန်း ဆီသို့ လျှောက်သွား လိုက်သည်။ အမာခံ တပည့်၏ အဆင့် အတန်းနှင့်၊ ညီမျှသော ဤနေ အိမ်တွင်၊ ပြည့်စုံစွာ စီစဉ် ပေးထားသည်။

ကျင့်ကြံခြင်း အတွက်၊ ဝိညာဉ် စွမ်းအင်များ စုစည်း ပေးသော အစီရင် တစ်ခု ခင်းကျင်း ပေးထားပြီး၊ လေ့ကျင့်ရန် ရုပ်သေးများ တပ်ဆင် ထားသည့်၊ အခန်း တစ်ခု ပါရှိ လေသည်။

ဤဖွဲ့စည်း မှု မျိုးမှာ၊ ဓားနန်းတော် အတွက် စိတ်ကူး ယဉ်နိုင်သော အရာ မဟုတ်ပေ။

သတ်ဖြတ်ခြင်း လက်သီး ခုနစ် ချက်ကို၊ အမြန် ထုတ်ယူကာ နဖူးပေါ် တင်လိုက်သည်။ နောက်တစက္ကန့် အတွင်း မှာပင်၊ အကန့် အသတ် မဲ့သော အချက် အလက်များ၊ စတင် ဝင်ရောက် လာတော့၏။

ပထမ ဦးစွာ ဘုန်းကြီး တစ်ပါးက၊ ညာလက်တွင် တံဆိပ် တစ်ခုကို ဆုပ်ကိုင် ထား၏။ ဘယ်လက်တွင် တမူ ထူးခြားသော ဗုဒ္ဓ တံဆိပ် တော် တစ်ခုအား ထုလုပ် နေသည်။

ယင်းတံဆိပ်ကို ဗုဒ္ဓ၏ သတ်ဖြတ်ခြင်း ခုနစ်ပါး တံဆိပ်ဟု ခေါ်တွင်ပြီး၊ မတူ ညီသော သတ်ဖြတ်မှု အရှိန်အဝါ ခုနစ် မျိုးအား၊ ကိုယ်စား ပြုသည်။

ထိုတံဆိပ်သည် ရှေးဦးခေတ် ကပင်၊ စွမ်းအား ကြီးလွန်းသော ဗုဒ္ဓ တစ်ပါးမှ၊ ဆင်းသက် လာခြင်း ဟူသော ရှည်လျား လှသည့် သမိုင်းကြောင်း ရှိလေသည်။

သတ်ဖြတ်ခြင်း လက်သီး ခုနစ် ချက်ကို လေ့ကျင့် ခြင်းသည်၊ သတ်ဖြတ်ခြင်း ခုနစ်ပါး အပေါ်၊ ဦးစွာ လေ့လာရန် လိုအပ်သည်။

သို့သော် သူ့ အနေဖြင့် သတ်ဖြတ်ခြင်း ခုနစ်ပါး ဆိုသည်ကို နားမလည် မိချေ။ တစ်ခါမှ မမြင်ဖူး သော်လည်း၊ ဆက်လက် မှတ်ယူ နေချိန်တွင်၊ သဘော တရားကို ဆုပ်ကိုင် မိလာသည်။

သတ်ဖြတ်ခြင်း ခုနစ်ပါး ဆိုသည်မှာ၊ မတူ ညီသော ခံယူချက် ခုနစ် ရပ်ကို ကိုယ်စား ပြု၏။

ရန်သူကို ပုရွက်ဆိတ် တစ်ကောင် ကဲ့သို့၊ လျစ်လျူ ရှု နိုင်သော သတ်ဖြတ်မှု ရောင်ဝါ၊ ရန်သူကို သတ်ဖြတ် နေစဉ်တွင် သန့်ရှင်း တည်ငြိမ်သော သတ်ဖြတ်မှု ရောင်ဝါ၊ ကမ္ဘာ ကြီးကို တုန်လှုပ် စေသော သတ်ဖြတ်မှု ရောင်ဝါ၊ မုန်းတီးမှု ပြင်းထန်သော ရောင်ဝါ၊ သည်းမခံ နိုင်သော ရောင်ဝါ နှင့် သတ်ဖြတ် ခြင်းဖြင့် ကြင်နာသော သတ်ဖြတ်မှု ရောင်ဝါ။

( လျစ်လျူရှုခြင်း၊ သန့်ရှင်း တည်ငြိမ်ခြင်း၊ တုန်လှုပ်ခြင်း၊ မုန်းတီးခြင်း၊ သည်းမခံခြင်း၊ ကြင်နာခြင်း။ )

ကမ္ဘာ ပေါ်ရှိ သတ်ပစ် လို့သည့် ဆန္ဒများ အားလုံးမှာ၊ ၎င်းရည်ရွယ်ချက် ခြောက်ပါးနှင့် ဆက်စပ် နေသည်ကို၊ သဘောပေါက် လာမိသည်။

တံဆိပ် ခုနစ် ခုကို ဖွဲ့စည်း ပြီးသော အခါတွင်၊ သတ်ဖြတ်ခြင်း ရောင်ဝါမှာ ခုနစ်ဆ တိုးလာ ပေလိမ့်မည်။

ယင်း အဆိုကြောင့် လင်းယွန်က ထိတ်လန့် သွားရသည်။

သတ်ဖြတ်ခြင်း လက်သီး ခုနစ်ချက်အား၊ အကယ် ဒမီမှ ချိတ်ပိတ် ထားသည်မှာ၊ အံ့သြ စရာ မရှိချေ။

သာမာန် လူတစ်ယောက် အနေဖြင့်၊ ဤနည်း စနစ်ကို ကျင့်ကြံ ပါက၊ သတ်ဖြတ် ခြင်း ခုနစ်ပါး ထဲတွင်၊ ပိတ်မိ နေမိ ပေမည်။

သည်မျှ များပြား လှသော သတ်ခြင်း အငွေ့ အသက်ကို၊ ခန္ဓာကိုယ် အတွင်း နိုင်နိုင် နင်းနင်း ထိန်းချုပ်ရန်၊ ရဟန်းများ သာလျှင် တက်စွမ်း နိုင်မည် ဖြစ်သည်။

ရုတ်တရက် ဘုန်းကြီးက မျက်လုံးများ ပွင့်လာ ခဲ့သည်။ ဘယ်လက်ဖြင့် တံဆိပ်ကို ထုတ်ဖော် နေချိန်တွင်၊ သူ့ ခန္ဓာ၌ သတ်ဖြတ် လိုသော ဆန္ဒများ၊ တဟုန်းဟုန်း တောက်လောင် လာတော့၏။

( သူ ဘယ်သူ့ကို သတ်ချင် တာလဲ။ )

တံဆိပ်ကို ဖွဲ့စည်း လိုက်သည်နှင့်၊ သတ်ဖြတ် လိုသော ဆန္ဒ များက သမုဒ္ဒရာ တစ်စင်း ကဲ့သို့ အဆုံးမဲ့ နေပေသည်။

မျက်ဝန်းများ အတွင်း၌ ကြင်နာမှု များက ကြောက်ခမန်း လိလိ ငြိမ်သက် သွား၏။

ညာလက်သီးမှ ပေးစွမ်းလာ သော ဖိအားမှာ၊ ရုတ်တရက် လေထုကို ပါးလွှာ လာစေသည်။

သည်လက်သီးက အရာရာတိုင်း အပေါ်၊ ဖျက်ဆီး ပစ်နိုင် သည်ဟု ခံစား ရမိသည်။ နဖူး ပေါ်ရှိ ကျောက်စိမ်း တုံးကို၊ အမြန် ဖယ်ရှား လိုက်ပြီး၊ အတွေးနက် သွားရ ပြန်၏။

သတ်ဖြတ် လိုသော ဆန္ဒ များမှာ၊ ကြောက်စရာ ကောင်းလွန်းပြီး သတိ မထား ပါက၊ နှလုံးသား တစ်ခုလုံး လောင်မြိုက် တက်ပေ မည်။

နောက်ဆုံးတွင်၊ ဤအရာသည် တားမြစ် နည်းစနစ် တစ်ရပ် ဖြစ်ရသည့် အကြောင်းရင်း တစ်ရပ်လည်း ဖြစ်နိုင် သည်။

“ ဒီကျောက်စိမ်း တုံးကို ပြန်ယူဖို့၊ အကြီး အကဲ ယုက ရည်ရွယ်ချက် မရှိတာ အံ့သြ စရာ မဟုတ် ပါဘူး၊ ဒီနည်း စနစ်ကို ငါ မထိန်းချုပ် နိုင်ဖူးလို့ သူထင် နေခဲ့တာ ဖြစ်ရမယ်။ ”

အကြီး အကဲ ယုမူ၏ အတွေးကို မှန်းဆကာ၊ ပြုံးလိုက် မိသည်။

အဆုံးတွင် လင်းယွန်မှာ အပြင်လူ တစ်ယောက် ဖြစ်နေဆဲ ပေပင်။ အကယ်ဒမီ အနေဖြင့် သည်မျှ အစွမ်း ထက်သော၊ နည်းစနစ်ကို ပေးအပ် နိုင်စရာ နည်းလမ်း မရှိချေ။

( ၎င်းတို့ ယူဆ သကဲ့သို့၊ ဤဆန္ဒ များကို၊ တကယ်ပင် မထိန်းချုပ် နိုင်သည်လော။ )

လက်နှစ် ဖက်ကို နောက်ပစ်ကာ၊ အခန်း အနှံ့ လျှောက်သွား နေလျက်ဖြင့်၊ တွန့်ဆုတ် တွေဝေ နေခဲ့သည်။

သို့သော် ရုတ်တရက် သူ့ မျက်လုံးများ၊ တောက်ပ လာ၏။

ကျား-နဂါး လက်သီး၏ နတ်ဆိုး အမြစ်ပြတ် သုတ်သင်ခြင်း တံဆိပ်တွင်၊ ဗုဒ္ဓ ရည်ရွယ်ချက် နေရာ၌၊ ဓားရည်ရွယ် ချက်ဖြင့်၊ အစားထိုး နိုင်ခဲ့ သည်ကို သတိ ရသွား မိသည်။

၎င်းကို သတ်ဖြတ်ခြင်း တံဆိပ် ခုနစ်ပါး နေရာတွင်၊ အစား ထိုးရန် စိတ်ကူး ရသွား၏။

ရဟန်း များ၏ ကရုဏာ တရား ဖြင့်ပင်၊ ဤမျှ ကြောက်စရာ ကောင်းသော သတ်ဖြတ် လိုခြင်း ဆန္ဒ များကို၊ ထိန်းချုပ် နိုင်သည် ဖြစ်ရာ၊ ဓား တစ်လက်နှင့် မလုပ် နိုင်ဖွယ် မရှိချေ။

တစ်နေ့တာ ကုန်လွန်သွား ပြီးနောက်၊ အကယ် ဒမီရှိ မည်သူမျှ ဤနည်း စနစ်အား မသင်ယူ နိုင်သည့် အကြောင်း ရင်းအား၊ နားလည် သွားခဲ့သည်။

နောက်ဆုံးတွင်၊ အကယ် ဒမီရှိ တပည့် များက၊ ဓား တစ်လက် ကဲ့သို့ အခြားသော တစ်စုံ တစ်ရာကို အစား ထိုးရန်၊ မစဉ်းစား မိခဲ့ သောကြောင့် ဖြစ်သည်။

ထို့ပြင် ဓား သမားတိုင်း၊ ရှန်ရှင်း ဓား ရည်ရွယ် ချက်ကို ဆုပ်ကိုင်ထား နိုင်ခြင်း မရှိပေ။

ဖျက်ဆီးခြင်း ဓားခန်းမနှင့်၊ တော်ဝင် ယန်နန်းတော် တို့တွင်ပင်၊ ရှန်ရှင်း ဓားကို ဆုပ်ကိုင် ထားနိုင်သူ၊ အများ အပြား မရှိ ကြောင်း သူပြော နိုင်သည်။။

ထို့ကြောင့် နေသာ စီရင်စု မြို့တော်တွင်၊ သင်ယူ နိုင် မည့်သူ ရှိပါက၊ သူ သာလျှင် ဖြစ်ရ ပေမည်။

သတ်ဖြတ်ခြင်း လက်သီး ခုနစ် ချက်အား လေ့ကျင့်ရန် အလျင် လိုခြင်း မရှိ ခဲ့ဘဲ၊ ရှန်ရှင်း ဓားဖြင့် မည်ကဲ့သို့ နှိမ်နင်း ရမည်ကို၊ မျက်လုံး မှိတ်လျက် လေးလေး နက်နက် တွေးတော နေမိသည်။

အချိန် အတော်ကြာ ပြီးနောက် နှုတ်ခမ်း ပေါ်၌ အပြုံး တစ်ပွင့် ထွက်ပေါ် လာကာ၊ မျက်လုံး များကို ဖြည်းညှင်းစွာ ပြန်ဖွင့် လိုက်၏။

ဗုဒ္ဓ အယူ အဆ အကြောင်း နကန်း တစ်လုံး မျှပင် မသိ သော်လည်း၊ အဖြစ် အပျက် မှန်သမျှကို တွန်းလှန် နိုင်သည့်၊ ဓားသမား တစ်ယောက်၏ နှလုံးသား ရှိသည်။

စိတ်ထဲတွင် သတ်ခြင်း တံဆိပ် ခုနစ်ပါးကို နားလည် လာသည်။ သူ့ အနေဖြင့် ထိတ်လန့် တုန်လှုပ်ဖွယ် ကောင်းသော၊ နားလည် နိုင်စွမ်း ရှိပြီး၊ ကျောက်စိမ်း တုံးတွင် မှတ်တမ်း တင်ထားသော အချက် အလက် များအရ၊ ချောမွေ့စွာ လေ့ကျင့် နိုင်ခဲ့သည်။

ထဲထဲ ဝင်ဝင် ဆုပ်ကိုင် လာနိုင် သည်နှင့် အမျှ၊ အကန့် အသတ်မဲ့ သတ်ပစ် လိုသည့် ဆန္ဒများ၊ သူ့ စိတ်ထဲ စုပြုံ လာသည်။

တစ်ချိန်တည်း မှာပင်၊ ထိန်းချုပ် မရသော သတ်ဖြတ်ခြင်း အရှိန် အဝါများ၊ နှလုံး သားထဲ စိမ့်ဝင် လာ၏။

ဤရောင်ဝါသည် လက်ရှိ အဆင့်ဖြင့်၊ သူ ခုခံ နိုင်သည့် အရာ မဟုတ်ပေ။ ထို့ကြောင့် ရှန်ရှင်း ဓားကို စတင် ထုတ်လွှတ် လိုက်သည်။

တစ်ချိန်တည်း မှာပင်၊ သူ့ အောက် ခြေ၌ ခရမ်းရောင် ပန်းတစ်ပွင့်၊ ပလ္လင် သဖွယ် ဖြစ်ပေါ် လာ၏။

ကွဲပြားသော အရှိန် အဝါ နှစ်ခု အတူ တကွ ပေါင်းစပ်ရန် ကြိုးစား လာသည်။ တစ်ခုမှာ ရက်စက် ကြမ်းကြုတ် လွန်းသော သတ်ဖြတ် ခြင်း ရောင်ဝါ ဖြစ်ပြီး၊ နောက်တစ် ခုမှာ တိကျ ပြတ်သားသော ရှန်ရှင်း ဓား ဖြစ်၏။

ရည်ရွယ်ချက် နှစ်ခု ထိပ်တိုက် တွေ့ပြီး၊ ဖြစ်ပေါ် လာသော ရုန်းရင်း ဆန်ခတ် မှု များကြောင့်၊ နှလုံးသား တစ်ခုလုံး နာကျင် သွားရ သည်။

သူ၏ ဆန္ဒ အမှန်မှာ သတ်ဖြတ်ခြင်း ရည်ရွယ် ချက်ကို ဖြိုခွင်းပြီး၊ ရှန်ရှင်း ဓား ရည်ရွယ် ချက်ဖြင့်၊ ထိန်းကြောင်း လိုခြင်း ဖြစ်သည်။

အချိန်များ တရွေ့ရွေ့ ကုန်လွန်လာ သည်နှင့် အမျှ၊ သတ်ဖြတ် လိုသော ရည်ရွယ်ချက်မှာ၊ ရှန်ရှင်း ဓားအောက်၌ ဦးကျိုး လာ၏။

ခဏ အကြာတွင် လက်ထဲ၌ တံဆိပ် တစ်ခု ထွက်ပေါ် လာပြီး၊ သတ်ဖြတ် လိုသော ရည်ရွယ် ချက်ကို၊ ရေ ကဲ့သို့ စေခိုင်း နိုင်တော့ မည်ဟု ခံစား လိုက်ရသည်။

ယင်းမှာ (၅၀) ရာခိုင်နှုန်း အောင်မြင် သည်ဟု၊ အဓိပ္ပါယ် ရ၏။ သူ၏ ဘယ်လက်တွင် နောက်ထပ် တံဆိပ် တစ်ခု၊ ထပ်မံ ဖြစ်ပေါ် လာပြီး၊ နှလုံးသား ထဲရှိ သတ်ပစ် လိုသည့်၊ အရိပ် အယောင် များလည်း ပြောင်းလဲ လာသည်။

အနည်း ငယ်သော အမှား အယွင်း ရှိလျှင်ပင်၊ ရှုံးနိမ့် သွားမည် ဖြစ်သည်။ သူ့ လက်ထဲတွင် တံဆိပ်မှာ၊ ပုံသဏ္ဍာန် ပြောင်းလဲ သွားသည်။

အဆုံးတွင်၊ သတ်ဖြတ် လိုသော ရည်ရွယ် ချက်ကို၊ သူ၏ ဘယ်လက်က လုံးလုံး လျားလျား ထိန်းချုပ် နိုင်ခဲ့၏။

ရှန်ရှင်း ဓားကြောင့် ထက်ရှသော တံဆိပ် အဖြစ်၊ အသွင်ပြောင်း လာခဲ့ လေသည်။

ယခု အချိန်တွင် သတ်ဖြတ် လိုသော ရည်ရွယ် ချက်မှာ၊ အရှိန် အဝါ သက်သက် သာရှိ ပေတော့သည်။

ဓားရည်ရွယ် ချက်ဖြင့်၊ သူ့နှလုံး သားကို တိုက်စား လိုသော၊ သတ်ဖြတ်ခြင်း ရည်ရွယ် ချက်အား၊ ကာကွယ် နိုင်ခဲ့သည်။

မျက်လုံးများ ဖြည်းညှင်းစွာ ဖွင့်လိုက်သော အခါတွင်၊ သတ်ဖြတ်ခြင်း တံဆိပ် ခုနစ် ပါးကို အောင်မြင်စွာ ဖွဲ့စည်း လိုက်၏။

လေ့ကျင့်ရေး ခန်းမ တစ်ခုလုံး အဆုံး မရှိ သတ်ဖြတ် လိုသော ရည်ရွယ်ချက် များဖြင့်၊ ဖုံးလွှမ်း ထား သော်လည်း တည်ငြိမ်စွာ ရပ်နေ နိုင်ခဲ့သည်။

၎င်းမြင်ကွင်း အရ၊ ကြမ်းကြုတ် လွန်းသည့် သားရဲကြီး တစ်ကောင်က၊ ထက်ရှ လွန်းသော ရတနာ ဓား တစ်လက်ကို ကာကွယ် ပေးနေ သည်ဟု ခံစား လာရ စေ၏။

ဘယ်လက်ကို အနည်းငယ် ရွေ့လျား လိုက်ခြင်းဖြင့်၊ အဆုံး မရှိ သတ်ဖြတ် လိုသော ရယ်ရွယ် ချက်များ၊ ပျောက်ကွယ် သွားခဲ့သည်။

ရေကန်ပေါ် လှိုင်းလုံးများ ဖြတ်ပြေး သွားသ ကဲ့သို့ ခံစား လိုက်ရပြီး၊ လက်ရှိ အခြေ အနေမှ ရုန်းထွက် လာ နိုင်၏။

မျက်ဝန်း များတွင် ရှန်ရှင်း ဓားက၊ စူးရှစွာ တောက်ပ နေခဲ့သည်။ တစ်ချိန်တည်း မှာပင် ပို၍ သိပ်သည်း လာ၏။

တစ်ချက်ကြည့် လိုက်ရုံ ဖြင့်ပင်၊ တစ်ဖက် လူကို၊ အေးစိမ့်သော ခံစား ချက်များ ဝင်ရောက် စေ ပေမည်။

ရှန်ရှင်း ဓား ရည်ရွယ် ချက်ကို၊ ပို၍ မြှင့်တင် လာနိုင် သောကြောင့်၊ မမျှော်မှန်း နိုင်အောင် ပျော်ရွှင် မိသည်။

အခန်း တစ်နေရာရှိ၊ ယန္တရား ရုပ်သေး ရုပ်ကို လှမ်းကြည့်ကာ၊ သတ်ဖြတ် လိုသော ရည်ရွယ် ချက်ဖြင့်၊ လွှမ်းခြုံ ပစ်လိုက်သည်။

ရုပ်သေးရုပ် ထံမှ အေးစက် မှုကို ခံစား လိုက်ရ သောကြောင့်၊ သူ့ မျက်ဝန်းများ ကြက်သွေးရောင် တောက်ပ လာ၏။

တစ်ချိန်တည်း မှာပင် အလယ် အလတ် ယင် အဆင့် အရှိန် အဝါမှာ၊ ကောင်းကင်သို့ ပျံတက် သွားပြီး၊ ရုပ်သေး ရုပ်ပေါ် ကျရောက် သွားသည်။

တုံ့ဆိုင်းခြင်း မရှိဘဲ ပြေးဝင် တိုက်ခိုက် လိုက်၏။ သူ၏ ခြေလှမ်း များက အခန်း တစ်ခန်း လုံးအား၊ တုန်လှုပ် လာစေ ခဲ့သည်။

ဘယ်ဘက် လက်ဖြင့် တံဆိပ် တစ်ခုကို ထုတ်ဖော် နေစဉ်၊ ဤရလာဒ် အပေါ် ပြုံးလျက် ကြေနပ် သွားသည်။

တံဆိပ် ဖြစ်ပေါ် လာသည်နှင့်၊ အကန့် အသတ် မရှိသော သတ်ဖြတ် လိုခြင်း ရည်ရွယ် ချက်က၊ ရုပ်သေး ရုပ်ကို လှုပ်ရှားရ ခက်ခဲ သွားစေ ခဲ့သည်။

ကောင်းကင်ပေါ် ခုန်တက် လိုက်ပြီး လက်သီးဖြင့်၊ ပြုံးကာ ထိုးချ လိုက်သည်။ လက်သီးက ရုပ်သေးကို ထိမှန် လိုက်သည်နှင့်၊ အမှုန့်များ အဖြစ် ကြေမွ သွားတော့၏။

***