အဆုံးစွန်သတ်ဖြတ်ခြင်းနှင့် ထျန်းလော့ထီး

တုန်ဖန်းကျောက်သည် စင်ပေါ်တွင်မထိုင်နိုင်တော့ပေ။ သေလိုက်စမ်း ဒါက သူ့စကားတွေမဟုတ်ဘူးလား။ ရှောင်ကျို့နဲ့ ရှင်းတာကို ဒီကောင်က ဘယ်လိုလုပ် သူ့စကားတွေယူသုံးနေတာလဲ။

ပေထင်းဟွမ်သည် နှာမှုတ်ကာ မျက်လုံးများကို ကျဉ်းမြောင်းကာ အထင်သေးစွာပြောလေသည် “ဒါက ကျုပ်စတိုင်ပဲ၊ ခင်ဗျားဘာပြောချင်သေး လဲ၊ မတိုက်ခိုက်ရဲဘူးလား၊ မတိုက်ခိုက်ရဲရင်လည်း ရှုံးကိုဝန်ခံလိုက်တော့ ခင်ဗျားကို အရှင်ထားပေးမယ်”

“ဟေ့ကောင်”

လော့ရှောင်မို့က ဘယ်လိုလုပ် အရှုံးပေးမှာလဲ။ သူသည် နတ်မိစ္ဆာဝိညာဉ် ဂူသင်္ချိုင်းကို သွားရဦးမည်။ ၎င်းသည် သူ၏နောက်ဆုံးအခွင့်အရေးဖြစ်သည်။ သူသည် ထိုအခွင့်အရေးတွင် ပေထင်းဟွမ်ကိုလက်လျော့မည်မဟုတ်ပေ။

သူသည် ခန္ဓာကိုယ်ကို နှိမ့်ကာ တိုက်ခိုက်ရန်ပြင်ဆင်လေသည်။ သူသည် ထျန်းလော့ထီးကို အသက်သွင်းရန် သူ၏ဒြပ်စင်စွမ်းအင်ကို အသုံးပြုခဲ့သည်။ နဂိုကမည်းနက်ပြီး မထင်မရှားရှိသော ထျန်းလော့ထီးသည် ယခုအခါ ရွှေရောင် အလင်းနှင့်တောက်ပပြီး ကွင်းထဲမှ စွမ်းအင်အကာအကွယ်ကို ရောင်ပြန်ဟပ် လေသည်။ သူသည် အော်ပြီးနောက် ထျန်းလော့ထီးကိုမြှောက်ကာ ပေထင်းဟွမ်အား တိုက်ခိုက်လေသည်။

ချက်ချင်းဆိုသလိုပင် သူ့ရှေ့တွင်ရှိနေသော ပေထင်းဟွမ်သည် ရုတ်တရက် သူ့မျက်စိရှေ့မှ ပျောက်ကွယ်သွားလေသည်။ လော့ရှောင်မို့သည် ချွေးအေးများပြန်လာသည်။ ပေထင်းဟွမ်သည် အလွန်လျင်သည်။ သူသည် သူမ၏ ပုံရိပ်ကိုပင် ဖမ်းမမိပေ။ ထိုအခိုက်အတန့်တွင် သူသည် လည်ပင်းပေါ်မှ အေးစိမ့်မှုကိုခံစားရလေသည်။ တိုက်ခိုက်ရေးအတွေ့အကြုံရင့်နေသော လော့ရှောင်မို့သည် အလျင်အမြန်ပင် ထျန်းလော့ထီးကို အလျားလိုက်ထောင် လိုက်သည်။

ချွင်း...

နားအူလောက်သည့်အသံများ ထွက်လာသည်။ လော့ရှောင်မို့၏ ထျန်းလော့ထီးသည် ပေထင်းဟွမ်၏လက်ထဲမှ ဓားရှည်နှင့် ပြင်းထန်စွာ တိုက်မိ လေသည်။ ထိုအခိုက်အတန့်တွင် လူသတ်နိုင်သည့်အလင်းများ တောက်ပလာ ပြီး ထျန်းလော့ထီးပေါ်မှ သခင်ကြီးအဆင့်စွမ်းအင်အားလုံးကို ပိတ်ပင်လေ၏။ ဓားသည် အနည်းငယ်လှုပ်ခါသွားကာ လေပျံ့သွားသည့် စူးရှသောအသံတစ်ခု သည် ရင်ပြင်ကြီးတစ်ခုလုံးကို ပြန့်သွားလေသည်။

၎င်းသည် ရတနာလက်နက်တစ်ပါးဖြစ်သည်။

ထိုနေရာတွင်ရှိနေသောလူများသည် ကျွမ်းကျင်သူများဖြစ်ကြသည်။ သူတို့သည် အဆင့်မြင့်ဝိညာဉ်လက်နက် အဆုံးစွန်သတ်ဖြတ်ခြင်းဖြစ်ပြီး ပေထင်းဟွမ် ပြီးခဲ့သည့်ညက ယူလာသည်ကိုမြင်သောအခါ သူတို့သည် မှင်တက်မိကြ၏။

အဆင့်မြင့်ဝိညာဉ်လက်နက်နှင့် သခင်ကြီးအဆင့်လက်နက်အကြားတွင် အဆင့်တစ်ဆင့်ကျော်ကွာခြားသည်။ ဤပင်မတိုက်ကြီးတွင် နတ်လက်နက် များသည် အလွန်ရှားပါးသည်။ လူအများအပြားသည် သခင်ကြီးအဆင့် လက်နက်ကြောင့် ဤပြိုင်ပွဲကိုလာရောက်ကြည့်ကြခြင်းဖြစ်သည်။ ဤအခိုက် အတန့်တွင် ၎င်းသည် အဆင့်မြင့်ဝိညာဉ်လက်နက်ကြောင့် ရှုံးနိမ့်သွားရလေပြီ။ သူတို့သည် စိတ်မပျက်ဘဲမနေနိုင်တော့ပေ။

လေသံသည် အားလုံးနားထဲသို့ရောက်ချိန်တွင် သူတို့ အံ့ဩရုံသာရှိသည်။ သို့သော် လော့ရှောင်မို့၏နားထဲသို့ ထိုအသံဝင်သောအခါ သူ၏ဝိညာဉ်သည် အကြမ်းပတမ်း တုန်ခါမိလေသည်။ သူ့၏ဝိညာဉ်ထဲမှ ငွေရောင်အလင်းတန်း ထွက်လာလုနီးပါးပင်။ လက်ထဲမှထျန်းလော့ထီးကိုဖွင့်ကာ အသံနှင့်အလင်းကို မခုခံလိုက်လျှင် လော့ရှောင်မို့သည် ပေထင်းဟွမ်၏ဓားချက်အောက်တွင် လည်စဉ်းခံမည်ဖြစ်သည်။

အားကောင်းလိုက်တာ။

လော့ရှောင်မို့၏မျက်လုံးထဲတွင် ကြောက်ရွံ့မှုကြီးပေါ်ပေါ်လာသည်။ သူသည် မသိစိတ်မှ နောက်သို့ခြေလှမ်းအနည်းငယ် ဆုတ်မိလေသည်။ သူ့ ရင်ဘတ်ထဲမှ သွေးများဆူပွက်လာပြီး လည်ချောင်းထဲတွင် ချိုမြိန်မှုကိုခံစား လိုက်ရသည်။ သူသည် သွေးများအန်ထွက်လာသည်။

ပေထင်းဟွမ်သည် ဓား ၉ လက်ကြယ်ဝိညာဉ်သခင် အစစ်အမှန်ဖြစ်ကာ သူ အထင်သေး၍မရသူဖြစ်သည်။ ထို့အပြင် သူ့တွင် ကြယ် ၉ ပွင့်နတ်သားရဲ၏ ချပ်ဝတ်တန်ဆာအပြည့်နှင့် အဆင့်နိမ့်နတ်သားရဲသုံးကောင်၏ ချပ်ဝတ် တန်ဆာတစ်စိတ်တစ်ပိုင်းတို့ရှိနေသည်။ သူမ၏စွမ်းအားသည် ဝိညာဉ်သခင် ကြီးအဆင့်သို့ ရောက်နေပြီဖြစ်သည်။

ထိုကောင်လေးသည် အမြင့်ဆုံးသားရဲထိန်းဖြစ်နေသည့်အတွက် အလွန် မောက်မာနေခြင်းဖြစ်သည်။

လော့ရှောင်မို့သည် သွေးအန်ပြီး ချက်ချင်းပင် သုတ်လိုက်သည်။ သူသည် လက်ထဲတွင် ထျန်းလော့ထီးကို ကြပ်ကြပ်ပါအောင်ကိုင်ထားကာ ပေထင်းဟွမ် အား အေးစက်သောမျက်လုံးများဖြင့် ခက်ထန်စွာ စိုက်ကြည့်လေသည်။ သူသည် သူနှင့် တိုက်ခိုက်နိုင်မည့် လက်နက်မျိုးရှိနေလိမ့်မည်ဟု မယုံကြည် ပေ။

ထိုထျန်းလော့ထီးသည် နတ်မိစ္ဆာဝိညာဉ်ဂူသင်္ချိုင်းမှ ကောက်လာသော အရင်ပိုင်ရှင်၏ အမြင့်ဆုံးရတနာဖြစ်သည်။ သူသည် ဤလက်နက်ကိုရရန် များစွာအားစိုက်ထုတ်ခဲ့ရပြီး အမြဲတမ်းဂုဏ်ယူရသည့်လက်နက်လည်းဖြစ်၏။ ပေထင်းဟွမ်၏ အဆုံးစွန်သတ်ဖြတ်ခြင်းသည် ပေထင်းချင်းယူလာပေးသည့် အမြင့်ဆုံးဝိညာဉ်လက်နက်ဖြစ်သည်ကို တိုက်ကြီးပေါ်မှ လူများအားလုံးနီးပါး သိကြသည်။

ကံကောင်းလို့ပဲဖြစ်မယ်။ ဟုတ်တယ်... ကံကောင်းလို့ပဲဖြစ်မယ်။