ပန်းသင်္ချိုင်းက သဘော မတူဘူး။
Vol. 58 Ch. 807
နှင်းဓား ရည်ရွယ်ချက် ထွက်ပေါ် လာသည်နှင့်၊ ကောင်းကင် တစ်ခုလုံး ချက်ချင်း မှောင်မိုက် သွားသည်။
၎င်းကို အကဲဖြတ် ရမည် ဆိုပါက၊ ပြီးပြည့် စုံသော ကျွမ်းကျင်မှု မဟုတ် လျှင်ပင်၊ အလယ် အလတ် ကျွမ်းကျင်မှု၌ ရှိချေသည်။
နန်းဂွန်း ဝမ်းယူ၏ အစွမ်း သတ္တိမှာ၊ လီမူဘိုင်းထက် များစွာ သန်မာ သည်ဟုသာ ပြောနိုင်သည်။
နန်းဂွန်း ဝမ်းယူက ကောင်းကင်ပေါ် ပျံတက်ပြီး၊ နှင်းဓား ရည်ရွယ်ချက် နှင့်အတူ၊ ပျောက်ကွယ် သွားသည်။
“ ငါ့ ဓား၏ နာမ၌ ပန်းပွင့်လော့။ ”
ခရမ်းရောင် နန်းတော်ရှိ၊ ခရမ်းရောင် ပန်း နှင့်အတူ၊ ဓားသုတ္တန်အား ကန့်သတ်ချက် အထိ၊ တွန်းပို့ လိုက်သည်။ ထိုနောက် ပန်းသင်္ချိုင်းကို မြှောက်လျက် ကောင်းကင်ပေါ် လှမ်းထိုး ပစ်၏။
အေးစက်သော ဓားအလင်း တစ်လက် ကောင်းကင်မှ ဆင်းသက် လာပြီး၊ လင်းယွန် ဓားနှင့် ထိပ်တိုက် တွေ့သည်။
လင်းယွန်၏ ရပ်ခြေကို ဗဟို ပြုလျှက် ပင့်ကူအိမ် သဖွယ် အက်ရာများ ပျံ့နှံ့လာ တော့သည်။
ဖုန်မှုန့်များ လေထဲ ပျံတက် သွားကာ၊ စင်မြင့်ကို ဖုံးအုပ် ထားသော ဝိညာဉ် ရေးရာ အစီရင်ကို၊ အသက် ဝင်စေ ခဲ့သည်။
အက်ကြောင်းများ ထင်ဟပ် လာသဖြင့်၊ စွမ်းအင်လှိုင်း များကို ပိတ်ဆို့ရန် ကြိုးစားလိုက် ကြသည်။
နန်းဂွန်း ဝမ်းယူ၏ အရှိန် အဝါမှာ၊ ကောင်းကင် ဝိညာဉ် နယ်မြေသို့ ရောက်ရှိ ပြီးနောက်၊ ဤမျှ သန်မာ လာလိမ့် မည်ဟု မထင်ထား ကြချေ။
ပို၍ အံ့သြစရာ ကောင်းသည်မှာ၊ လင်းယွန်က ထိုတိုက်ခိုက်မှုကို သူ့ ဓားဖြင့် ထိပ်တိုက် ရင်ဆိုင် ခဲ့ခြင်း ဖြစ်သည်။
လင်းယွန် နောက်ကျောတွင် ရှိသော ပန်းပွင့်ကို ကြည့်ပြီး၊ မည်သည့် ကျင့်ကြံမှု နည်းစနစ် ဖြစ်သည်အား သိချင်လာ ကြ၏။
သို့သော် နန်းဂွန်း ဝမ်းယူ၏ တိုက်ခိုက်မှုကို လက်ခံ ရရှိ ပြီးနောက်၊ လင်းယွန် တစ်ယောက် လွင့်ပျံ သွားသည်။
ဖုန်မှုန့် တိမ်တိုက်များ ရှင်းလင်း သွားချိန်၌၊ အပြာရောင် အဝတ် အစား တစ်ခုလုံး အနီရောင် သွေးကွက်များ ပြည့်နှက် နေသည်ကို တွေ့လိုက် ရ၏။
“ နန်းဂွန်း ဝမ်းယူရဲ့ ဓားကို၊ မျက်နှာချင်းဆိုင် ခံယူဖို့ အတွက်၊ သူက အားနည်း နေသေးတယ်၊ သူတို့ကြား ကွာဟချက်က သိသာ ပါတယ်။”
“ နှင်းဓား ရည်ရွယ်ချက်က၊ ပြီးပြည့်စုံ နေပြီ။”
“ ကျင့်ကြံမှု ကွာဟ ချက်က ကြီးတာကြောင့်၊ နန်းဂွန်း ဝမ်းယူမှာ အားသာချက် ရှိတယ်၊ ... ”
“ ... လင်းယွန်မှာ အစွမ်း ထက်တဲ့ ဓားသုတ္တန် မရှိရင်၊ အခုချိန် မြေကြီးထဲ ရောက် နေလောက်ပြီ။ ”
“ နန်းဂွန်း ဝမ်းယူကို ရင်ဆိုင် ဖို့က တကယ် မလွယ် သေးဘူး။ ”
“ ဓားသမားတွေ ကြား တိုက်ပွဲက၊ ဓားရည်ရွယ်ချက် ဖြိုခွင်းခံ လိုက်ရရင်၊ စိတ် လှုပ်ရှား စရာ မရှိတော့ ပါဘူး။ ”
ကာကွယ်သူ မက်မွန်နှင့် မဟာချင် အင်ပါယာ အဖွဲ့သား များမှာ၊ စိုးရိမ် ပူပန်မှုများ ဖြစ်ပေါ် လာသည်။
ဓားရည်ရွယ် ချက်သာ ဖြိုခွင်း ခံလိုက် ရပါက၊ ဓားသမား တစ်ဦးသည် ကစား ပွဲကို လှည့်ရန်၊ လွယ်ကူ တော့မည် မဟုတ်ပေ။
“ ဟား ဟား ဟား ... ၊ ဒီကောင်ကို သန်မာလိမ့် မယ်လို့ ငါထင် ခဲ့တာ၊ အခုတော့ ပြီးပြီ။ ”
ရန်လောင်ဇီက အထင် အမြင် သေးစွာဖြင့် ပြုံးလိုက်သည်။ လီမူဘိုင်းကို ဓား တစ်ချက်နှင့်၊ အနိုင်ယူ လိုက်ချိန်က၊ သူ တုန်လှုပ် ခဲ့သည်။
ထို့ကြောင့် လင်းယွန်၏ လက်ရှိ အခြေ အနေကို မြင်လိုက် ရသော အခါတွင်၊ စိတ် သက်သာရာ ရသွားသည်။
“ သူ သန်မာ တာကို လက်ခံ ပါတယ်၊ ဒါပေမယ့် နန်းဂွန်း ဝမ်းယူကို အနိုင်ယူ နိုင်မယ် လို့ တွေးနေတာ ကတော့၊ ရူး နေလို့ပဲ။ ”
စကားဆုံး သည်နှင့် ကောင်းကင် မိစ္ဆာ ခန်း၏ တပည့်ငယ် များက၊ သူ့အား ထူးထူး ခြားခြား လှည့်ကြည့် လာကြသည်။
လင်းယွန်နှင့် ပတ်သတ်သော သူ့ ခန့်မှန်းချက် များမှာ၊ အကြိမ်ကြိမ် လွဲမှား ခဲ့သည်။
လင်းယွန် ရှုံးမည်ဟု သူတို့ ခံစား နေမိ သဖြင့်၊ ရန်လောင်ဇီမှ အလားတူ ထုတ်ဖော် ပြောဆို လာသော အခါတွင်၊ ထိတ်လန့် ကုန်ကြခြင်း ဖြစ်သည်။
ရန်လောင်ဇီ စကားကြောင့်၊ လင်းယွန် တစ်ယောက် ကစား ပွဲကို လှည့်ကာ၊ အနိုင် ရသွား နိုင်မည်ကို စိုးရိမ် သွား၏။
ဤအကြည့် များကို မြင်လိုက် ရသော အခါတွင်၊ ရန်လောင်ဇီမှာ ဒေါသများ ပြည့်နှက် လာပြီး၊
“ မင်းတို့က ဘာလို့ ငါ့ကို ကြည့်နေ ကြတာလဲ၊ ဒီကောင် အနိုင် ရရင် ငါ့ကိုယ့်ငါ ဆယ်ကြိမ် ပါးရိုက် ပြမယ် ... ဟမ့်။ ”
-ဟု ဆိုလိုက် သဖြင့်၊ တပည့်ငယ် များက ချက်ချင်းပင် ပြန်လှည့် သွားကြသည်။
စင်မြင့် ပေါ်ရှိ နန်းဂွန်း ဝမ်းယူက လင်းယွန်၏ အခြေ အနေကို စစ်ဆေး နေခဲ့ သည်။
သူ၏ အပြင်း ထန်ဆုံးသော တိုက်ခိုက်မှု များကို အသုံးချ ခဲ့သော်လည်း၊ ပြိုင်ဘက်အား မထိန်းချုပ် နိုင်သေးချေ။
ဤဓားကို ကောင်းကင် ဝိညာဉ် နယ်မြေ ကျွမ်းကျင် သူ တစ်ဦး မှပင် ထိပ်တိုက် မရင်ဆိုင် ရဲကြောင်း၊ အာမခံ နိုင်သည်။
“ မင်းရဲ့ ဓားသုတ္တန်က၊ ငါတို့ မြောက်ပိုင်း နှင်းစံအိမ်ထက်၊ ပို အစွမ်းထက် နေပုံ ရတယ်။ ”
“ မင်းရဲ့ နှင်းဓား ကလည်း၊ တကယ့်ကို ကြောက်စရာ ကောင်းပါတယ်။ ”
သူ့ ခန္ဓာကိုယ် ပေါ်ရှိ၊ ဒဏ်ရာ များကို စစ်ဆေးပြီး၊ လင်းယွန်က ဆိုသည်။ ပြိုင်ပွဲ တစ်လျှောက် ဤသို့ ဒဏ်ရာ ပြင်းပြင်း ထန်ထန် ရရှိခဲ့ သည်မှာ၊ ပထမဆုံး အကြိမ် ဖြစ်၏။ အနိုင် ရရန် လွယ်ကူမည် မဟုတ်ချေ။
အစောပိုင်း တိုက်ခိုက်မှုတွင် ဝိညာဉ်ရေး ဓားအား မသုံးထား သဖြင့်၊ သူတို့ နှစ်ဦးကြား ခြားနားချက်ကို ခံစား နိုင်သည်။
“ ... ဒါပေမယ့် မင်းမှာ ဒါ အကုန်ပဲ ဆိုရင်၊ ငါ့ရဲ့ ဝှက်ဖဲ အစစ်ကို မင်း မြင်ရမှာ မဟုတ်ဘူး၊ ဓားရည်ရွယ်ချက်သည် သင့်တွင်ရှိသော ပမာဏအပေါ်တွင် အားမကိုးဘဲ ၎င်းကို သင်အသုံးပြုပုံ။”
လင်းယွန်က နန်းဂုန်း ဝမ်းယူ၏ ဆက်လက် ကြီးထွား နေသော ရောင်ဝါကို ကြည့်လိုက်ပြီး ဆိုသည်။
“ အိုး ... ဟုတ်လား ဒါဆို ကျေးဇူး ပြုပြီး၊ ငါ့ကို လမ်းပြ ပေးပါ။ ”
တစ်ဖက်လူ စကားကြောင့် နန်းဂွန်း ဝမ်းယူ၏ အေးစက်သော မျက်ဝန်း များမှ၊ ဓား ရောင်ခြည်များ တိုးထွက် လာသည်။
ထိုဓား ရောင်ဝါသည် စူးရှသော မြည်သံကို ဖြစ်ပေါ် လာစေပြီး၊ သူ့ ဓားအား ပိုမို တောက်ပ လာစေ၏။
စစ်မြေပြင် အတွင်းသို့ ထောင်ပေါင်း များစွာသော စစ်သည်တော်များ ဖြတ်ကျော် ပြေးလွှားနေ သံနှင့် တူသည်။
လင်းယွန် နောက်ရှိ ခရမ်းရောင် ပန်း အတွင်း၌၊ ဓားအလင်း များက မုန်တိုင်း တစ်ခု ကဲ့သို့၊ ပေါက်ကွဲ ထွက်လာသည်။
ယခု အခြေ အနေသည် မည်သူက အနည်းငယ် သာလွန် နေသည် ဟုပင် တွေး၍ မရ သေးပေ။
နန်းဂွန်း ဝမ်းယူမှာ၊ တိုက်ပွဲကို အုပ်စိုး ထားနိုင် သော်လည်း၊ စိတ်ဆိုးစ ပြုလာသည်။ ပြိုင်ဘက်အား ထင်သလောက် မထိန်းချုပ် နိုင်သေးချေ။
လင်းယွန်က သခင့်ဓားကို ကန့်သတ်ချက် အထိ တွန်းထုတ် လိုက်၏။ လက်ရှိ အချိန်၌ သူ သည်လည်း၊ စိတ်အနှောင့် အယှက် ဖြစ်နေ ပေသည်။
တစ်ဖက်တွင် နန်းဂွန်း ဝမ်းယူမှာ သတိ လက်လွတ် မနေ ဝံ့ချေ။ အခွင့် အရေး တစ်ခုကို တွေ့ရှိ သွားပါက၊ သခင့်ဓားမှာ သူ့ ထံသို့ ချက်ချင်း ဆင်းသက် လာမည် ဖြစ်သည်။
သူ့တွင် လင်းယွန် ကဲ့သို့ သန်မာသော ရုပ်ခန္ဓာမျိုး မရှိ သဖြင့်၊ အကျိုး ဆက်အား စိတ်ကူး မယဉ် နိုင်မည် မဟုတ်ပေ။
ပြိုင်ဘက်တွင် ဓား ရည်ရွယ်ချက် ရှိနေ သဖြင့်၊ ရလာဒ် များကို အချိန် မရွေး လှည့်သွား နိုင်သည်။
“ ဘယ်လောက်တောင် ... ၊ စိတ် အနှောက် အယှက် ပေးလိုက်လဲ။ ”
နောက်ဆုံးတွင် သည်းခံ နိုင်စွမ်း မရှိတော့ သဖြင့်၊ နန်းဂွန်း ဝမ်းယူ၏ ဓား အလင်း များမှာ၊ ငွေရောင် သိမ်းငှက် အသွင် ဖြစ်ပေါ် လာသည်။
၎င်းသိမ်းငှက် ကြီး၏ ခန္ဓာ ကိုယ်မှာ၊ ပြိုင်ပွဲ စင်မြင့် သုံးပုံ တစ်ပုံ နီးပါးကို သိမ်းပိုက် ထားပြီး၊ အကြည့် များက အေးစက် နေသည်။
ဓားကို လွှဲလိုက်သော အခါ၊ သိမ်းငှက် ကြီးက ကျယ်လောင်စွာ အော်ဟစ် လိုက်၏။
“ ကျီး ... ။ ”
“ ချေး ပဲ ... ။ ”
ကောင်းကင် ပေါ်ရှိ ငွေရောင် သိမ်းငှက် ကြီးကို ကြည့်ပြီး၊ မဟာချင် အင်ပါယာ၏ အဖွဲ့ သား များမှာ၊ ကျိန်ဆဲ မိကုန် ကြသည်။
“ ဝှီး ... ။ ”
ထို့နောက် သိမ်းငှက် ကြီးက၊ အတောင်ပံ တစ်စုံကို ခတ်လျက်၊ ငွေရောင် ရေခဲဓား အလင်း များဖြင့်၊ ပစ်ခတ် လာ၏။
“ အချိန် ကောင်းပဲ ... ။ ”
၎င်းကို မြင်သည်နှင့်၊ လင်းယွန်က မျက်လုံးများ မှေးစင်း သွားကာ၊ ခန္ဓာကိုယ် အတွင်း၌ မူလ စွမ်းအင်များ လှိုင်းထ လာသည်။
လက်ထဲတွင် ရှိသော ဓားမှ၊ အလင်းများ ဖြာထွက် လာပြီး၊ ကောင်းကင်၌ လရောင်သမ်း နေသော စွမ်းအင် စက်လုံးကြီး တစ်လုံး ဖြစ်ပေါ် လာသည်။
“ သခင့်ဓား — သွေးအား ဖိနှိမ်ခြင်း။ ”
သခင့်ဓား၏ ပဉ္စမမြောက် ပုံစံအား၊ ပထမဆုံး အကြိမ် အဖြစ် အသုံးပြု လိုက်ခြင်း ဖြစ်သည်။
ကောင်းကင်၌ စွမ်းအင် လမင်း ကိုးစင်း ထွက်ပေါ် လာပြီး၊ နေရာ တိုင်းသို့ အလင်းများ ပေးပို့ လာ၏။
ထို့နောက် ထိုလမင်း ကိုးစင်းက ငွေရောင် သိမ်းငှက် ကြီးထံ၊ တိုးဝင် ပေါက်ကွဲ သွားသည်။ ပျက်စီး နေပြီ ဖြစ်သော စင်မြင့် ကြီး၌၊ နက်ရှိုင်းသော အက်ကြောင်းများ ထပ်မံ ဖြစ်ပေါ် လာ၏။
မူလ စွမ်းအင် အပြောင်း အလဲကြောင့်၊ ပြင်းထန် လှသော ဓားမုန်တိုင်း တစ်ခု လွတ် ထွက် လာသည်။
လူတိုင်းက ယင်းကို ကြည့်ပြီး၊ ထိတ်လန့်ကုန် ကြ၏။ ဤသည်မှာ ကောင်းကင် ဝိညာဉ် နယ်မြေ အောက်ရှိ၊ လူငယ် များ၏ တိုက်ပွဲဟု၊ ယုံနိုင်စရာ မရှိချေ။
နောက်ဆုံး ပေါက်ကွဲသံ နှင့်အတူ၊ နှစ်ယောက်သား ပြန်လည် ဆုတ်ခွာလိုက် ကြသည်။
“ တကယ့်ကို အံ့သြ မိပါတယ်၊ မင်းက ရင်ဆိုင်ရ ...၊ ဒီလောက် ခက် လိမ့်မယ်လို့၊ ငါ မထင် ထားဘူး၊ ဒါပေမယ့် မင်းကို အနိုင် ယူခွင့် ငါ မပေးဘူး။ ”
နန်းဂွန်း ဝမ်းယူက လေးနက်သော အမူအရာဖြင့် ဆိုသည်။
“ မင်း စကားကို ပန်းသင်္ချိုင်းက သဘော မတူဘူး။ ”
လင်းယွန်က မျက်ခုံး ပင့်ကာ တုန့်ပြန် လိုက်သည်။ ကျေနပ်စရာ ကောင်းသော တိုက်ပွဲ တစ်ပွဲ အဖြစ်၊ ဝန်ခံ ရပေမည်။
ဝိညာဉ်ရေး ဓားကို မသုံး သဖြင့်၊ ဖိအား ကြီးစွာ ခံနေ ရပြီး၊ သူ့ သွေးများ ဆူပွက်လာ လေသည်။
တိုက်ပွဲဝင် ဆန္ဒများ တောက်လောင် လာသဖြင့်၊ ပန်းသင်္ချိုင်း ဓားမှာ အဆက် မပြတ် တုန်ခါ လာပေသည်။
***