-

သံလိုက်အိမ်မြောင်နှင့် ပတ်သက်ပြီး ဘာမှထူးခြားနေဟန်မပေါ်ပေ။ သိသာသည့် တစ်ခုတည်းသောအရာက အချိန်ရှည်ကြာမှု ဖြစ်၏။ ဖျောက်ဖျက်မရနိုင်သည့် အစွန်းအထင်းများပင် ရှိနေသည်။ လွန်ခဲ့သည့် နှစ်များစွာခန့်ကတည်းက သွေးစွန်းထားသလိုမျိုး ဖြစ်၏။

သို့သော်လည်း မူမမှန်သည့် အငွေ့အသက် အနည်းငယ်မျှပင် မရှိနေပေ။ ထိုအရာက ဝက်သစ်ချအနံ့မျိုး ထုတ်လွှင့်လျက်ရှိနေသည်။ တစ်ချိန်တည်းဆိုသလို ညာဘက်ထောင့်တစ်နေရာတွင် လက်တစ်ချောင်း အကျယ် ပျောက်ဆုံးနေ၏။

ပျောက်ဆုံးနေသည့် ထောင့်ပိုင်းလေးက သံလိုက်အိမ်မြောင်ကိုပင် ကြေမွသွားစေနိုင်လောက်သည့် အားပြင်းပြင်းဖြင့် ထိမှန်ခဲ့ခြင်း ဖြစ်ရမည်။ ထိုနေရာတစ်ဝိုက်တွင် အက်ရာများ မြင်တွေ့နိုင်၏။ သံလိုက်အိမ်မြောင်တစ်ခုလုံးအနှံ့ ပျံ့နှံ့နေသည့် အက်ရာအနက်များနှင့် အက်ရာအ‌သေးလေးများက အချိန်မည်မျှ ဖြတ်ကျော်ခဲ့ရကြောင်း ပြသနေသည်။

“လောကအဆင့်မြင့် သံလိုက်အိမ်မြောင်” ဝမ်ပေါင်လဲ့က သံလိုက်အိမ်မြောင်ကို လက်ထဲ ကိုင်ထားရင်း ရေရွတ်လိုက်သည်။ ထိုသံလိုက်အိမ်မြောင်တွင် အသုံးပြုမှုများစွာ ရှိနေနိုင်သည်။ သို့သော် ဝမ်ပေါင်လဲ့ကမူ လူမှုအဖွဲ့အစည်း မြင့်တင်နိုင်သည့် အချက်တစ်ခုကိုသာ သိထား၏။

သူက ထိုအရာ ဘယ်လိုအလုပ်လုပ်မှန်း မသိသော်လည်း လျို့ဝှက်ရတနာ ဖြစ်လိမ့်မည်ဟု ထင်နေမိသည်။ ထိုအရာက လူမှုအဖွဲ့အစည်းကို တိုးမြင့်ပေးနိုင်သလို သမိုင်းကြောင်းကိုပင် ထည့်ပေါင်းနိုင်သည်။ ထိုအရာက လူမှုအဖွဲ့အစည်းအား အဆင့်ခုန်တက်သွားဖို့ လာဘ်စားကာ ခွင့်ပြုပေးထားဟန်ပေါ်သည်။

မည်သို့အသုံးပြုရမလဲဆိုတော့ကား သိပ်မရှုပ်ထွေးပေ။ သူ့အနေနှင့် ထာဝရကြယ်ဖြင့် ပေါင်းစည်းဖို့သာ လိုအပ်၏။

ဝမ်ပေါင်လဲ့က ခတ္တမျှ တွေးလိုက်မိသည်။ ထို့နောက် သူက ခေါင်းမော့ကာ ထာဝရကြယ်ကို လှမ်းကြည့်လိုက်သည်။ သို့သော် သူက ချက်ချင်း မပေါင်းစည်းပေ။ ထိုပစ္စည်းက အမှောင်မြစ်ထဲမှ ရလာသည် မဟုတ်ပါလော။ ဝမ်ပေါင်လဲ့က ထိုအရာပေါ် ယုံကြည်ချက်များစွာ မရှိနေ၍ သေချာလေ့လာကြည့်ဖို့ လိုအပ်နေသေးသည်။ သေချာသွားသည့်အခါမှ အသုံးပြုရမလား ဆုံးဖြတ်ရမည် ဖြစ်၏။

ခရမ်းရောင်ရွှေ လူမှုအဖွဲ့အစည်း ရောက်ရှိလာကာ ပေါင်းစည်းမှုဖြင့် ပြည်ထောင်စု၏ လူမှုအဖွဲ့အစည်းကို အဆင့် မြင့်တက်သွားစေလိမ့်မည်။ ဝမ်ပေါင်လဲ့က ခတ္တမျှ တွေးလိုက်ပြီးသည့်နောက် မျက်လုံးမှိတ်ကာ တိတ်တဆိတ် တရားထိုင်လိုက်သည်။

အချိန်ကုန်လွန်သွားပြီး ခုနှစ်ရက်တာ ကြာမြင့်သွားလေပြီ။

ထိုခုနှစ်ရက်အတွင်း ဝမ်ပေါင်လဲ့၏ အိမ်၌ ဧည့်သည်များဖြင့် ပြည့်နှက်နေသည်။ သူတို့က ကောင်းကင်တာအိုကျောင်းမှ ကျောင်းအုပ် လီရှင်းဝမ်၊ ဥက္ကဋ္ဌ ဝူမုန့်လင်၊ အင်္ဂါဂြိုဟ်၏ ဘုရင်ခံ လင်းယုံ၊ ဧရာမသစ်ပင်ကြီးနှင့် ဝမ်ပေါင်လဲ့ တစ်ခါမှ မမြင်ဖူးခဲ့သည့် လသုံးစင်းမဟာမိတ်မှ ကျင့်မိသားစု ခေါင်းဆောင်ကြီးပင် ပါဝင်သည်။ ထို့နောက် နတ်ဧကရာဇ် တရားမျှတမှုဂိုဏ်း ခေါင်းဆောင်ကြီးနှင့် ကျယ်ပြန့်တာအိုနန်းတော်မှ စိုးရိမ်ပူပင်နေသည့် ချင်လင်းကျစ်လည်း ရောက်လာသည်။

ပြည်ထောင်စု၏ အဆင့်မြင့် အရာရှိများက လာရောက်နှုတ်ဆက်ကြ၏။ ဝမ်ပေါင်လဲ့က လူအမျိုးမျိုးကို ကွဲပြားစွာ ဆက်ဆံခဲ့သည်။ နမူနာအနေနှင့် လီရှင်းဝမ်၊ ဝူမုန့်လင်နှင့် ပြည်ထောင်စုမှ တခြားသူများကို ဝမ်ပေါင်လဲ့က အငယ်တစ်ယောက်အနေနှင့် ဧည့်ဝတ်ကျေခဲ့သည်။ တခြားသူများအတွက်မူ ဝမ်ပေါင်လဲ့က အပြုံးဖြင့်သာ တုံ့ပြန်၏။ သို့သော် သူ့အပြုံးက မည်မျှပင် ညင်သာနေစေကာမူ လီရှင်းဝမ်၊ ဝူမုန့်လင်တို့မှလွဲ၍ တခြားဧည့်သည်များအား စိတ်ဂယက်ထစေသည်။

ခရမ်းရောင်ရွှေ လူမှုအဖွဲ့အစည်းမှ ခေါင်းဆောင်ကြီးလည်း ရောက်ရှိလာသည်။ သူက ဝမ်ပေါင်လဲ့ရှေ့တွင် ရိုကျိုးနေကာ မဆင်မခြင် မပြုမူရဲပေ။ ဤသည်က ပြည်ထောင်စု၏ အဆင့်မြင့်အရာရှိများအား ဝမ်ပေါင်လဲ့အပေါ် ပိုမိုကြောက်ရွံ့လာစေ၏။

အပေါ်ယံ ဖြစ်စေ၊ တကယ် ဖြစ်စေ ဝမ်ပေါင်လဲ့၏ အနေအထားနှင့် အဆင့်အတန်းတို့က ပြည်ထောင်စုတစ်ခုလုံးအတွင်း ပြိုင်ဘက်ကင်း ဖြစ်နေသည်။ ပြည်ထောင်စုရှိ တချို့သောကျင့်ကြံသူများက ဝမ်ပေါင်လဲ့အကြောင်း ပြောကြစဉ် သူ့ကို ခေါင်းဆောင်ကြီးဟု သုံးစွဲလေ့ရှိကြ၏။

ပြည်ထောင်စုရဲ့ ခေါင်းဆောင်ကြီး …

ထိုဂုဏ်ပုဒ်က အလျှင်အမြန် ပျံ့နှံ့သွားကာ မည်သူကမှ မကျေမနပ် မဖြစ်ကြပေ။ ပြည်ထောင်စုထဲရှိ အရာအားလုံးကို ဝမ်ပေါင်လဲ့ ရယူပေးထားခြင်း ဖြစ်၏။ သူက ကျယ်ပြန့်တာအိုနန်းတော် ပူးပေါင်းမှုကို တာဝန်ယူထားသူ ဖြစ်ပြီး နတ်မျက်လုံး လူမှုအဖွဲ့အစည်းနှင့် ခရမ်းရောင်ရွှေ လူမှုအဖွဲ့အစည်းတို့ကလည်း သူ့ဂုဏ်သတင်းကြောင့် ပူးပေါင်းကြခြင်း ဖြစ်သည်။

ထို့ကြောင့် လက်ရှိ ပြည်ထောင်စုအတွင်း ဝမ်ပေါင်လဲ့က ကလေးဘဝ အိပ်မက် ဖြစ်သည့် ဥက္ကဋ္ဌ ဖြစ်ဖို့ရာ မဖြည့်ဆည်းရသေးသော်လည်း သိပ်အရေးမကြီးတော့ပေ။

ဧည့်သည်များကို လက်ခံတွေ့ဆုံပြီးသည့်နောက် ဝမ်ပေါင်လဲ့က သူ့မိဘများကို မနှောင့်ယှက်စေမိဖို့ ကိုယ်ပွားကို ချန်ထားခဲ့သည်။ သူ့ပင်မခန္ဓာက ကမ္ဘာမြေမှ ထွက်လာပြီး ထာဝရကြယ်ဆီ ရောက်လာသည်။

အတိတ်တုန်းက သူ မဝင်နိုင်ခဲ့သည့် ထာဝရကြယ်က ယခုအခါ ကိုယ်ပိုင်ဥယျာဉ်လို ဖြစ်နေသည်။ အကြောင်းအရင်းမှာ သူ့ကျင့်ကြံဆင့်က ယခင်နှင့် မတူတော့၍ ဖြစ်၏။ တခြားတစ်ဖက်တွင် နတ်မျက်လုံး လူမှုအဖွဲ့အစည်းက နေမင်းနှင့် ပေါင်းစည်းပြီးသည့်နောက်တွင် သူ့ထိန်းချုပ်မှုအောက် ရှိနေပြီ ဖြစ်၏။

နေ၏ ထာဝရကြယ်ပေါ်တွင် ဝမ်ပေါင်လဲ့က တင်ပျဉ်ခွေထိုင်ကာ ကျင့်ကြံနေသည်။ သူ ကျင့်ကြံနေစဉ်အတွင်း ခရမ်းရောင်ရွှေ လူမှုအဖွဲ့အစည်းက ပြည်ထောင်စုနှင့် အသေးစိတ်ဆွေးနွေးခဲ့ပြီး ပေါင်းစည်းမှုကို ဆက်လက် ဆောင်ရွက်နေကြသည်။

ဤသို့ဖြင့် လဝက်တာ ကြာမြင့်သွား၏။

လဝက်အတွင်း ကြိုတင်ပြီးစီးဖို့ လိုအပ်နေသည့် ကိစ္စများစွာရှိနေသည်။ နမူနာအနေနှင့် ပေါင်းစည်းပြီးသည့်နောက် နေရာများကို ခွဲဝေခြင်း၊ ခရမ်းရောင်ရွှေ လူမှုအဖွဲ့အစည်းနှင့် ဆက်နွယ်နေသည့် လူမှုအဖွဲ့အစည်းရာချီကို ဖြေရှင်းပေးခြင်းနှင့် ပြည်ထောင်စုအတွင်း နေရာချပေးရေးတို့ ပါဝင်သည်။

ပြည်ထောင်စုနှင့် ယှဉ်လိုက်လျှင် ခရမ်းရောင်ရွှေ လူမှုအဖွဲ့အစည်းက သိပ်ကြီးမားလွန်းနေသည်။ ဝမ်ပေါင်လဲ့ မပါရှိလျှင် ပြည်ထောင်စုကြီးက ပေါင်းစည်းမှုအတွင်း ငြိမ်ခံနေရသည့်ဘက်မှ ဖြစ်နေလိမ့်မည်။ သို့သော် ယခုတွင် ခရမ်းရောင်ရွှေ လူမှုအဖွဲ့အစည်းက အရင်လျော့ပေးခဲ့ပြီး သူတို့၏ ခရမ်းရောင်ရွှေ ထာဝရကြယ်ကို ပြည်ထောင်စု၏ ထာဝရကြယ်ဖြင့် ပေါင်းစည်းဖို့ အဆိုပြုလာကြသည်။ တစ်ချိန်တည်းဆိုသလို သူတို့နှင့် ဆက်နွယ်နေသည့် လူမှုအဖွဲ့အစည်းငယ်ရာချီကို ပြည်ထောင်စုထံ လက်လွဲပေးလာသည်။

ယခုမှစ၍ ထိုလူမှုအဖွဲ့အစည်းငယ်များသည် ခရမ်းရောင်ရွှေ ထာဝရကြယ်ဖြင့် ဆက်နွယ်နေတော့မည် မဟုတ်ဘဲ ပြည်ထောင်စု၏ ထာဝရကြယ်နှင့် ဆက်နွယ်သွားလိမ့်မည်။

သူတို့၏ ကြယ်အစုအဝေးက အနာဂတ် ပြည်ထောင်စု၏ ကြယ်အစုအဝေး အဖျားတွင် လှည့်ပတ်နေမည် ဖြစ်ကာ တစိတ်တပိုင်း ဖြစ်လာလိမ့်မည်။ တစ်ချိန်တည်းဆိုသလို ပြည်ထောင်စု၏ ပိုင်နက် ၂၀ ရာခိုင်နှုန်းကို ပိုင်းခြားပြီး ခရမ်းရောင်ရွှေ လူမှုအဖွဲ့အစည်းထံ ပေးအပ်ခဲ့သည်။

ခရမ်းရောင်ရွှေ လူမှုအဖွဲ့အစည်းအတွက် ချို့တဲ့မှုကြီး ဖြစ်နေလေသည်။ သူတို့၏ ပေါင်းစည်းမှုက ပြည်ထောင်စုကို များစွာ ချဲ့ထွင်စေနိုင်မည် မဟုတ်ပါလော။ သို့သော် ခရမ်းရောင်ရွှေ လူမှုအဖွဲ့အစည်းက မကျေမနပ် မဖြစ်ပေ။ ထို့အစား သူတို့က အားကုန်သုံး၍ ကြိုးပမ်းနေကြသည်။

အားလုံးက ပြည်ထောင်စုသည် ခရမ်းရောင်ရွှေ လူမှုအဖွဲ့အစည်းအတွက် ဘာမှမဟုတ်ကြောင်း ပြောနိုင်လေ၏။ သူတို့က ဤနေရာထံ ဝမ်ပေါင်လဲ့အပေါ် မှီခိုရန် ရောက်လာကြခြင်း ဖြစ်သည်။

ပူးပေါင်းမှုအပြည့်ဖြင့် လဝက်တာက မျက်စိတစ်မှိတ်အတွင်း ကုန်ဆုံးသွားလေသည်။ စီစဉ်ထားသည့် အရာအားလုံးက ပြီးစီးသွားပြီ ဖြစ်၏။ နောက်ဆုံးတော့ ပြည်ထောင်စုတစ်ခုလုံးအတွင်း ထုတ်လွှင့်ပြသမှုနှင့်အတူ ခရမ်းရောင်ရွှေ လူမှုအဖွဲ့အစည်း ပေါင်းစည်းမှု တရားဝင် အစပြုခဲ့လေပြီ။

ထိုစဉ် ဝမ်ပေါင်လဲ့က ကိုယ်ပွားရာချီ ခွဲကာ အဘက်ဘက်သို့ ဖြန့်ကျက်လိုက်သည်။ သူက နေအဖွဲ့အစည်းအပြင်ဘက်တွင် မတော်တဆ ဖြစ်ရပ် သို့မဟုတ် အပြောင်းအလဲများကို ကာကွယ်ဖို့ အသင့်ရှိနေ၏။ သူ့ပင်မခန္ဓာကိုယ်ကမူ နေ၏ ထာဝရကြယ်ပေါ်တွင် တရားထိုင်နေဆဲ ဖြစ်ကာ ပေါင်းစည်းမှုကို စတင်နေသည်။

ပြည်ထောင်စုတစ်ခုလုံးရှိ လူများက ဝေဟင်အထက် နေမင်းထက် များစွာကြီးမားသည့် ကြယ်တစ်လုံးကို မြင်လိုက်ကြရသည်။ ထိုအရာက ဝေဝါးနေရာမှ ဖြည်းဖြည်းချင်း ထွက်ပေါ်လာပြီး ဆွဲချည်၊ တွန်းချည် ရှိနေသည့် ဥက္ကာပျံများစွာ ဝန်းရံထားလျက်ရှိသည်။ ထိုထူးထူးဆန်းဆန်း ကြယ်က ဖြည်းဖြည်းချင်း နေမင်းဆီ ချဉ်းကပ်လာသည်။

ဖြစ်စဉ်တစ်ခုလုံးက ၁၄ ရက်တာ ကြာမြင့်ခဲ့သည်။ ပထမ ၇ ရက်တွင် နေအဖွဲ့အစည်းရှိ အပူချိန်က များစွာမြင့်တက်သွားကာ ဝိညာဉ်စွမ်းအားများလည်း သိသိသာသာ တိုးပွားလာသည်။ နေအဖွဲ့အစည်း၏ မန္တန်အစီအရင်မှ ထုတ်လွင့်ပြသမှုတဆင့် လူများက ဖြစ်ပျက်နေသမျှအရာအားလုံးကို မြင်လိုက်ကြရသည်။

အားလုံးက စိတ်လှုပ်ရှားနေကြသလို နတ်မျက်လုံး လူမှုအဖွဲ့အစည်းလည်း အတူတူ ဖြစ်၏။ သူတို့ကြောင့် ခရမ်းရောင်ရွှေ လူမှုအဖွဲ့အစည်း ပေါင်းစည်းမှု ဖြစ်လာခဲ့၍ သူတို့ဘဝ တိုးတက်လာသလို ကျင့်ကြံဆင့်ကလည်း မြင့်မားလာကြသည်။ ကျယ်ပြန့်တာအိုနန်းတော်လည်း အတူတူ ဖြစ်ကြပြီး သူတို့က ပိုမို စိတ်လှုပ်ရှားနေကြသည်။ ပေါင်းစည်းမှု အဆုံးသတ်သွားသည်နှင့် သူတို့၏ ဒဏ်ရာများက သက်သာသွားမည် ဖြစ်ကာ တချို့သော မပြင်းထန်သည့် ဒဏ်ရာများက ချက်ချင်း ပြန်ကောင်းသွားလိမ့်မည်။

ဤသည်မှာ ကျောက်တုံးကမ္ဘာ၏ စည်းမျဉ်းဥပဒေသ ဖြစ်၏။ အမှောင်ဂိုဏ်းနှင့် အဆုံးမဲ့မျိုးနွယ်တို့၏ မိုးကောင်းကင် နှစ်ခုလုံး၌ တာအို ပါဝင်နေသည်။

လူမှုအဖွဲ့အစည်း ပေါင်းစည်းလိုက်ခြင်းက သူတို့ဘဝအနေအထားကို မြင့်တင်ပေးနိုင်သည်။ ထိုအရာက ကောင်းကင်ဘုံကို ပြောင်းလဲကာ ဘဝများကို ပြောင်းလဲလိုက်ခြင်း ဖြစ်၏။ ဤသည်က သူတို့၏ ပင်ကိုအရည်အချင်းအပေါ် သက်ရောက်လာပြီး ကျင့်ကြံဆင့်များကို တိုးမြင့်သွားစေနိုင်သည်။

ရှစ်ရက်မြောက်နေ့တွင် ခရမ်းရောင်ရွှေ ထာဝရကြယ်နှင့် ပြည်ထောင်စု၏ နေမင်းတို့က အပြည့်အဝ ထိတွေ့သွားကြပြီ ဖြစ်၏။ သူတို့က မြူခိုးများစွာ ထုတ်လွှင့်ကြပြီး ခရမ်းရောင်ရွှေ ခေါင်းဆောင်ကြီးနှင့် ဝမ်ပေါင်လဲ့တို့၏ ဖိနှိပ်ထားမှုအောက်တွင် ဖြည်းဖြည်းလေး ပေါင်းစည်းသွားကြသည်။

အဝေးမှကြည့်လျှင် နေမင်းက အလွန်တရာ သေးငယ်ပြီး ခရမ်းရောင်ရွှေ ကြယ်ကြီးက အလွန်တရာ ကြီးမားနေသည်။ သို့သော်လည်း ပေါင်းစည်းမှုအတွင်း ပြည်ထောင်စု၏ နေမင်းနှင့် ခရမ်းရောင်ရွှေ ထာဝရကြယ်တို့က ပံ့ပိုးပေးနေကြသည်။ ထိုဖြစ်စဉ်က ခုနှစ်ရက်တာ ကြာမြင့်သွားသည်။

ထိုခုနှစ်ရက်က ပြည်ထောင်စုအတွက် ကမ္ဘာကြီးကို ပြောင်းလဲပေးလိုက်ဟန်ပေါ်သည်။ အပြောင်းအလဲများက ကြီးမားလွန်း၍ အားလုံးပင် တုန်လှုပ်အံ့ဩသွားကြရသည်။

ပြည်ထောင်စု၏ နယ်နိမိတ်က ချက်ချင်း ဆယ်ဆမက ကျယ်ပြန့်သွားလေ၏။

နတ်မျက်လုံး လူမှုအဖွဲ့အစည်းမှ ဝိညာဉ်ချီနှင့်‌ နေအဖွဲ့အစည်းရှိ နဂိုဂြိုဟ်များက ပြည်ထောင်စု၏ ကြယ်တာရာကောင်းကင်ထဲ ပေါက်ထွက်လာကြပြီး ယခင်ထက် အဆရာချီ ပိုအားကောင်းသွားကြသည်။

ကြယ်တာရာကောင်းကင်ရှိ အပူချိန်ကလည်း ကြောက်ခမန်းလိလိ အနေအထား ရောက်လာသည်။ သို့သော်လည်း ဝမ်ပေါင်လဲ့၏ ကာကွယ်ပေးမှုအောက်တွင် ဂြိုဟ်များက သက်ရောက်မခံရဘဲ မည်သူကမှ မထိခိုက်ကြပေ။ တစ်ချိန်တည်းဆိုသလို ဝိညာဉ်ချီနှင့် အပူချိန်က ပိုမို များလာလေလေ နေအဖွဲ့အစည်းတစ်ခုလုံးက ပိုမို မှုန်ဝါးဝါး ဖြစ်လာလေလေ ဖြစ်၏။

ထိုမထင်မရှားခံစားချက်က ပိုမိုအားကောင်းလာလေလေ တချို့သော အသိမဲ့ စိတ်ဝိညာဉ်တချို့ ပေါ်ထွက်လာသည်။ ထိုစိတ်ဝိညာဉ်များက ဝိညာဉ်ချီဖြင့် မွေးဖွားလာကြ၍ ကွဲပြားသည့် သွင်ပြင်အမျိုးမျိုး ပိုင်ဆိုင်ထားကြသည်။ သူတို့က ဝေဟင်ထဲ ကခုန်နေကြ၍ မြင်လိုက်ရသူတိုင်းအား တုန်လှုပ်သွားစေ၏။

ခရမ်းရောင်ရွှေ လူမှုအဖွဲ့အစည်း ပိုင်ဆိုင်သည့် ဂြိုဟ်က နေအဖွဲ့အစည်းထဲ နဂိုနေရာသတ်မှတ်ထားသည့် နေရာ၌ ဆွဲယူခံလိုက်ရသလို ရောက်ရှိလာသည်။ ထိုအရာက ဝေဝါးနေသော်လည်း သူတို့ပေါ်ထွက်လာမှုက နေအဖွဲ့အစည်းအတွင်း မုန်တိုင်းထန်သွားစေသည်။ မုန်တိုင်း ပြီးဆုံးသွားသည့်အခါ ဝိညာဉ်ချီများက ထပ်မံ ထွက်ပေါ်လာသည်။

နတ်မျက်လုံး လူမှုအဖွဲ့အစည်းရှိ လူအားလုံး၊ ပြည်ထောင်စုရှိ သက်ရှိအားလုံးနှင့် ကျယ်ပြန့်တာအိုနန်းတော်မှ ကျင့်ကြံသူများကပင် ထိုအခိုက်အတန့်တွင် တုန်ရီသွားကြသည်။ အရှိန်အဝါလှိုင်းလုံးကြီးက အဘက်ဘက်သို့ ပျံ့နှံ့သွားလေသည်။ ဤသည်က အဆင့်တက်လှမ်းသွားခြင်း ဖြစ်၏။

၁၇ ရက်မြောက်နေ့တွင် ခရမ်းရောင်ရွှေ ထာဝရကြယ်က ပြည်ထောင်စု၏ နေမင်းနှင့် အပြည့်အဝ ပေါင်းစည်းသွားပြီဖြစ်ရာ ပြည်ထောင်စု၏ ကြယ်တာရာပိုင်နက်ကို ထပ်မံ ကျယ်ပြန့်သွားစေသည်။ ယခုအခါ ယခင်ထက် အဆရာချီ ကြီးမားနေပြီ ဖြစ်၏။ ပြည်ထောင်စုထဲ ပိုင်ဆိုင်သည့် ဂြိုဟ်ရာချီနှင့်အတူ လူမှုအဖွဲ့အစည်းငယ်များက ဝန်းရံထားလျက် ရှိနေသည်။ ထိုလူမှုအဖွဲ့အစည်းငယ် တစ်ခုချင်းစီတွင် ကွဲပြားသည့် အရွယ်အစားရှိသည့် ဂြိုဟ်ဆယ်လုံး ရှိကြသည်။

အဝေးတစ်နေရာမှ နေအဖွဲ့အစည်း၏ နဂိုနေရာ ကြယ်တာရာကောင်းကင်အထက် နေအဖွဲ့အစည်းက ပျောက်ကွယ်သွားခဲ့ပြီး ရောင်စုံကြယ်စင် ဝဲကတော့ကြီးတစ်ခု ပေါ်ထွက်လာခဲ့သည်။

ထိုစဉ် မဟာလက်ဝဲတာအိုနယ်မြေရှိ ဂိုဏ်းများစွာနှင့် မိသားစုမျိုးနွယ်များက တစ်စုံတစ်ခု ခံစားမိခဲ့ကြသည်။ မဟာလက်ဝဲတာအိုနယ်မြေမှ အကြည့်များစွာက နေအဖွဲ့အစည်းဆီ ရောက်ရှိလာကြသည်။