အဂ္ဂိရတ်သမားများ၏ အဖြစ်များသော ဘေးဒုက္ခ(၂)

အဖြူရောင် အလင်းတန်းက လက်ဖဝါးနီကြီးကို ဖြိုခွဲလိုက်ပေမယ့် စွမ်းအင်တွေ အကုန်ဆုံးရှုံးပြီး လေထဲတွင် ပျောက်ကွယ်သွားခဲ့သည်။

ထိပ်တိုက် တိုက်မိမှုအောက်မှာတော့ မြေပြင်ကလွဲလို့ ဘာမှမရှိတော့ပေ။ လွန်ခဲ့သည့်

အခိုက်အတန့်မှ ထိပ်တိုက်ရင်ဆိုင်မှုလက္ခဏာများကို မတွေ့ရပေ။

အိုး

အဝတ်အစားများ တဖျပ်ဖျပ်ခတ်သံကို ကြားနေရသည်။

မီးခိုးရောင်ဆံပင်နဲ့ အုံ့မှိုင်းသောအမူအရာရှိသည့် အဘိုးအိုသည် ခြံဝင်းအတွင်းသို့ ဆင်းလာပြီး လင်းရှန်နှင့် အခြားသူများ၏လမ်းကို ပိတ်ဆို့လိုက်သည်။ သူ၏ အေးစက်သောအကြည့်များသည် လင်းရှန်အပေါ်သို့ မြှားတစ်စင်းလို ရောက်သွားပြီး သူ့မျက်လုံးများက အနည်းငယ် ကျဉ်းမြောင်းသွားခဲ့သည်။

"လမ်းကြောင်းအဆင့် အရည်ပျော်ခြင်း..မင်းက နေကိုးစင်းဂိုဏ်းရဲ့ တပည့်လား။"

ကျင့်ဟိုင်၏ လေသံသည် မသေချာမရေရာမှုများနဲ့ပင်။

အစကတော့ ကျူးကျော်သူတွေက ကြောင်နတ်ဆိုးတွေပဲလို့ သူထင်ခဲ့သည်။ သူတို့ကြားတွင် နေကိုးစင်းဂိုဏ်း၏ တပည့်တစ်ဦးရှိနေမည်ဟု မမျှော်လင့်ခဲ့ပေ။

ဒီတပည့်က ဒီကြောင်နတ်ဆိုးအုပ်စုကို ကူညီဖို့ တစ်ယောက်တည်း လုပ်နေတာလား။

ဒါမှမဟုတ် နေကိုးစင်းဂိုဏ်းက သူ့ရဲ့ လျှို့ဝှက်ပုံစံကို ရှာဖွေတွေ့ရှိပြီး သူ့ကိုဖမ်းဖို့

ဒီကို လာခဲ့တာလား။

တကယ်တော့ ကျင့်ဟိုင်မှာ လုံလောက်တဲ့ အတွေ့အကြုံရှိသည်။ သူ့စိတ်တွေက အဖြစ်အပျက်ကို မြန်မြန်ဆန်ဆန် သိလိုက်သည် ။

အကယ်၍သာ နောက်ဆုံးအခြေအနေဖြစ်ခဲ့ပါက အိမ်တော်တွင် နေကိုးစင်းဂိုဏ်း၏ တပည့်တစ်ဦးထက်ပို၍ ရှိလိမ့်မည်။

အဲ့တာက ဖြစ်နိုင်ခြေအရှိဆုံးဖြစ်သည်။

ဒါကိုစဉ်းစားရင်း ကျင့်ဟိုင်သည် စိတ်ထဲထစ်လာပြီး သူ့မျက်နှာမှာ အေးစက်တဲ့အပြုံးတစ်ခု ပေါ်လာပြန်သည်။

"မင်းဒီကိုရောက်ကတည်းက ထွက်သွားဖို့မစဉ်းစားနဲ့။ ကောင်လေးကောင်း

တစ်ယောက် ဖြစ်အောင် လုပ်ပေးမယ်။ မင်း ငါ့ရဲ့ အဂ္ဂိရတ်ပစ္စည်းဖြစ်လာရမယ်။"

ရယ်မောသံကြားမှ ကျင့်ဟိုင်သည် သူ့လက်ညိုးနဲ့ လက်ခလယ်ကို ဖိလိုက်သည်။ သူသည် လေကဲ့သို့လျင်မြန်ပြီး လေထဲတွင် လမ်းကြောင်း ၁၀ ခုကို ဆွဲထုတ်

လိုက်သည်။ အစိမ်းရောင်အလင်းများသည် လေထုထဲတွင် စုစည်းကာ လျှပ်စီးအဖြစ်သို့ ပြောင်းလဲသွားသည်။

ပုံသဏ္ဍာန်ပေါ်လာသည်နှင့် တပြိုင်နက် ကျင့်ဟိုင်သည် သူ၏လက်ဖဝါးများကို ရှေ့သို့ ချက်ချင်း ဖိချလိုက်သည်။

နောက်အခိုက်အတန့်တွင် တောက်လောင်နေသော အဖြူရောင် အလင်းတန်းတစ်ခု ပေါ်လာပြီး လင်းရှန်ဆီသို့ မြှားတစ်စင်းလို ပစ်လွှတ်လိုက်သည် ။

သူသည် သူ၏ဝိညာဉ်ရေးရာအနှစ်သာရကို မှော်စွမ်းအားအဖြစ်သို့ ပြောင်းလဲခဲ့သည်။ အဲဒါ လျှပ်စီးလက်ဝါးပင်။

လင်းရှန် နှလုံးသားက တုန်လှုပ်သွားသည်။

ယခုမြင်ကွင်းက သူ့ကို အဖြေပေးပြီးသားဖြစ်သော်လည်း အဘိုးကြီးသည် အဆောင်တစ်မျိုးမျိုး သုံးနေသည်ဟု မျှော်လင့်နေဆဲဖြစ်သည်။

သို့သော် လက်ရှိအခြေအနေသည် သူ့မျှော်လင့်ချက်၏ နောက်ဆုံးခြေရာကို ဖြိုဖျက်ပစ်လိုက်သည်။

လေထဲတွင် အဆောင်ရေးဆွဲခြင်းသည် လူတစ်ဦး၏ ကျင့်ကြံမှုအဆင့် အလွန်

မြင့်မားမှ ရမည်ဖြစ်သည်။

လူတစ်ဦး၏ စိတ်ဝိညာဉ်သည် အတိုင်းအတာတစ်ခုအထိ အားကောင်းလာသောအခါ

၎င်းတို့၏ ဝိညာဉ်ပြည့်လျှံခြင်းကို နိုးကြားပြီး လေထဲတွင် အဆောင်ရေးဆွဲရန်

အတွက် ဝိညာဉ်ဓာတ်အားဖြည့်ဆေးကို အသုံးပြုနိုင်သည်။

တစ်နည်းအားဖြင့် မှော်စွမ်းအားပင်။

ဒီလိုလုပ်ဖို့ တောက်ပသောဝင်ပေါက်အဆင့်ရောက်မှသာရမည်။

တစ်နည်းဆိုရသော် အဘိုးအိုသည် တောက်ပသော ဝင်ပေါက်အဆင့်ရှိသူ ဖြစ်သည်။

ဤအိမ်၏ပိုင်ရှင်ဖြစ်သော ဆေးဖော်စပ်သူသည် အမှန်တကယ်ပင်

တောက်ပသောဝင်ပေါက်အဆင့် ကျင့်ကြံသူဖြစ်သည် ။

လင်းရှန်အံ့အားသင့်သွားသည်။

သို့သော်လည်း ရန်သူက ရန်လိုပြီး သူ့ကို တွေးဖို့ အချိန်မပေးပေ။

ဝင်လာသော လျှပ်စီးကြောင်းကို ရင်ဆိုင်ရင်းလင်းရှန်သည် တားမြစ်ထားသော ရွှေရောင်ချပ်ဝတ်တန်ဆာကို အသက်သွင်းလိုက်သည်။

နောက်အခိုက်အတန့်တွင် ကြီးကျယ်ခမ်းနားသော ရွှေရောင်ချပ်ဝတ်တန်ဆာ၏ အရိပ်သည် လေဖိအားနည်းရပ်ဝန်းမှ ထွက်ပေါ်လာပြီး လင်းရှန်၏ ခန္ဓာကိုယ်တစ်ခုလုံးကို ဖုံးအုပ်ထားသည်။

ချွမ်

တောက်လောင်နေသော အဖြူရောင်လျှပ်စီးကြောင်းသည် ရွှေရောင်ချပ်ဝတ်တန်ဆာကို ရိုက်ခတ်သွားပြီး ပေါက်ကွဲသံနှင့်အတူ ပြိုးပြိုးပြက်ပြက်လျှပ်စီးကြောင်းများ ပေါက်ထွက်ကာ ပတ်ဝန်းကျင်ရှိ မြက်ခင်းများကို မီးသွေးအဖြစ်သို့ ပြောင်းလဲစေခဲ့သည်။ မီးပွင့်သွားသော်လည်း လျှပ်စီးကြောင်းအလယ်တွင်ရှိနေသည့် လင်းရှန်သည် ဒဏ်ရာမရရှိပေ။

"လမ်းကြောင်းအဆင့် ရုပ်ပိုင်းဆိုင်ရာ မြှင့်တင်ခြင်း ကိုယ်ခံပညာ”

ကျင့်ဟိုင်၏ မျက်လုံးများသည် ကျဉ်းမြောင်းသွားသည်။

တောက်ပသော ဝင်ပေါက်အဆင့် ကျင့်ကြံသူများက လမ်းကြောင်းအဆင့် ကိုယ်ခံပညာကို ကျွမ်းကျင်ကြသော်လည်း တောက်ပသော ဝင်ပေါက်အဆင့်ကျင့်ကြံသူများတွင် ကိုယ်ခံပညာများကို တစ်ချိန်တည်းတွင် လမ်းကြောင်းအဆင့်ရောက်အောင် ကျင့်ကြံနိုင်သူတော့ အများကြီးမရှိပေ။

ဒီလူက အိမ်ထဲကို ခိုးဝင်တာ အံ့ဩစရာမရှိပေ။ သူ့မှာ အရည်အချင်းတစ်ခုခုရှိပုံရသည်။

သူ့ကြိုတင်ထင်မြင်ချက်များကြောင့် လင်းရှန်ကို တောက်ပသောဝင်ပေါက်အဆင့် ကျင့်ကြံသူဟု ကျင့်ဟိုင်က ထင်မြင်နေသေးသည်။

တစ်ချိန်တည်းမှာပင် ထန်ယွဲ့သည် အံသြသွားသည်။

တစ်ဖက်တွင် အိမ်ပိုင်ရှင်သည် အမှန်တကယ် တောက်ပသော ဝင်ပေါက်အဆင့် ကျင့်ကြံသူ ဖြစ်တာကြောင့် သူမ အံ့အားသင့်သွားသည်။

တစ်ဖက်တွင်လည်း လင်းရှန်၏ ခွန်အားကြောင့် သူမ အံ့သြသွားရသည်။

တကယ်တော့ သူ့မှာ လမ်းကြောင်းအဆင့် ကိုယ်ခံပညာ ရှိနေသည်။

သူတို့နှစ်ယောက်က ….

လင်းရှန်သည် တောက်ပသော ဝင်ပေါက်အဆင့်ကျင့်ကြံသူ၏ မှော်စွမ်းအားတိုက်ခိုက်မှုများကို နှစ်ကြိမ်ဆက်တိုက် တားဆီးခဲ့သည်။

ထန်ယွဲ့က အံ့သြသွားသည်။

လင်းရှန်သည် မည်မျှ စွမ်းအားကြီးသည်ကို သူမ နားလည်နေကြောင်း ဘယ်လိုပြောရမလဲ

သို့သော် ယခုအချိန်တွင် သူမသည် လင်းရှန်ကို လျှော့တွက်ထားဆဲဖြစ်ကြောင်း သဘောပေါက်ခဲ့သည်။ လင်းရှန်ခွန်အားသည် သူမ၏ စိတ်ကူးထက် ကျော်လွန်သွားသည် ။

ထိုအချိန်တွင် လင်းရှန်၏အသံက ထန်ယွဲ့ကို နိုးထလာစေသည်။

"ထန်ယွဲ့ မင်းရဲ့လူတွေကို ခေါ်ပြီး ထွက်သွား”

ထန်ယွဲ့ က အံ့အားသင့်သွားသည်။ လင်းရှန်ပြောတာကို သဘောပေါက်တော့ သူ့အမူအရာက သိသိသာသာ ပြောင်းလဲသွားသည်။သူမပြန်ပြောတော့မည့်

အချိန်တွင် လင်းရှန်က ကြားဖြတ်လိုက်သည်။

"မင်းက အရမ်းအားနည်းတယ်။ မင်းရှိနေတာက ငါ့ကိုပါထိခိုက်လိမ့်မယ်”

ထန်ယွဲ့၏ အမူအရာ ရပ်တန့်သွားလေ၏

သို့သော် လင်းရှန်က အမှန်တွေ ပြောနေတာကို သူမနားလည်သည်။

သူမ၏ တိုးတက်ခြင်းအဆင့်နဲ့ဆို သူမသည် ကျင့်ဟိုင်၏ တိုက်ခိုက်မှုတစ်ချက်ကိုပင်

မခံနိုင်ပေ။ သူမဆက်နေပါက သူမ ကံဆိုးနိုင်သည် သို့မဟုတ် လင်းရှန်အတွက် ဝန်ထုပ်ဝန်ပိုးဖြစ်လာမည်ဖြစ်သည်။

တခြားဝိဉာဉ်ကြောင်တွေလည်း အတူတူပင်။

တိုက်ပွဲတစ်ခု၏ နောက်ဆက်တွဲ လှုပ်ခတ်မှုသည် သူတို့၏ အသက်ကို ဆုံးရှုံးစေနိုင်သည်။

ထန်ယွဲ့ သည် ရှက်တတ်သူမဟုတ်ပေ။ သူမက ၎င်းကို တွေးပြီးတာနဲ့ တုံ့ဆိုင်းမနေတော့ပေ။ သူမသည် လင်းရှန်ကို အကြာကြီးကြည့်ကာ သွားများကို ကိုက်ရင်း ဝိညာဉ်ကြောင်များကို ထွက်သွားရန် ပြောလေသည်။

"မင်းက ထွက်သွားချင်တာလား? ငါကခွင့်ပြုပေးမယ်ထင်လား "

ကျင့်ဟိုင်သည် အေးစက်စွာ အော်လိုက်ပြီး ကြောင်များကို ရပ်တန့်တော့မည့်အချိန်တွင် သူ့မျက်လုံးထောင့်မှ လျင်မြန်စွာ ရွေ့လျားနေသော လူတစ်ယောက်ကို ရုတ်တရက်တွေ့လိုက်ရသည်။ လင်းရှန်သည် သူ့ရှေ့သို့ ရောက်နေပြီဖြစ်သည်။ သူလက်ထဲက ဓားရှည်ကို ထပ်ခါထပ်ခါ ဝှေ့ယမ်းလိုက်ပြီး ကျင့်ဟိုင်ကို ဖုံးအုပ်ထားတဲ့ ဓားအလင်းလှိုင်းတွေ ထွက်လာသည်။

ပြိုးပြိုးပြက်ပြက် ဓားအလင်းသည် ကျင့်ဟိုင်၏အမူအရာကို အေးခဲသွားစေသည်။

၎င်းသည် သူနှင့်တူညီသောအဆင့်တွင်ရှိသည်ဟု ထင်ရသော ကျင့်ကြံသူတစ်ဦး၏ တိုက်ခိုက်မှု ဖြစ်သည် ။ သူသည် လင်းရှန်ကို လျှော့မတွက်ဝံ့ဘဲ ထန်ယွဲ့ကို ရပ်တန့်တာကို စွန့်လွှတ်ခဲ့သည်။ သူ့လက်ဖဝါးကို သုတ်လိုက်တော့ ဓားရှည်တစ်ချောင်းက လေထုထဲက ထွက်လာသည်။

နောက်အခိုက်အတန့်တွင် အဆုံးမရှိသော သတ္တုချင်းတိုက်မိသည့် အသံတစ်ခု ထွက်ပေါ်လာပြီး မီးပွားများ ထွက်ပေါ်လာသည်။

နှစ်စက္ကန့်မှ သုံးစက္ကန့်အတွင်း ၎င်းတို့နှစ်ဦးသည် အကြိမ် (၅၀)ထက်မနည်း တိုက်ခိုက်ခဲ့ကြသည်။

သူတို့နှစ်ယောက် တိုက်ခိုက်တာကို ရပ်လိုက်သည့်အချိန်တွင် ထန်ယွဲ့သည် ဝိညာဉ်ကြောင်များနှင့် ဝေးရာသို့ လျှောက်သွားနေပြီဖြစ်သည်။ သူတို့သည် အုံ့မှိုင်းသောညတံင် ပျောက်ကွယ်လုနီးပါးဖြစ်ခဲ့သည်။

သို့သော် ယခုအချိန်တွင် ကျင့်ဟိုင်သည် ၎င်းတို့ကို ဂရုမစိုက်နိုင်တော့ပေ။

သူ့အကြည့်တွေက လင်းရှန်ဆီကို စိုက်ကြည့်နေပြီး မျက်လုံးတွေက အံ့သြတကြီးနဲ့ မှိတ်တုတ်မှိတ်တုတ် ဖြစ်နေသည်။

အခု ထိပ်တိုက်တွေ့ဆုံမှုတွင် သူ့ပြိုင်ဘက်အင်အားက သူမျှော်လင့်ထားသလောက် အစွမ်းထက်ပုံမပေါ်တာကို တွေ့လိုက်ရတာကြောင့် ကျင့်ဟိုင်က အံ့အားသင့်သွားသည်။

"မင်းက တောက်ပသောဝင်ပေါက်အဆင့် ကျင့်ကြံသူ မဟုတ်ဘူး။ မင်းက ကြာရှည်စွာအသက်ရှုခြင်းအဆင့်မှာပဲ။"

ကျင့်ဟိုင်သည် လင်းရှန်ကို စိုက်ကြည့်ရင်း သူ့မျက်လုံးများ တဖြည်းဖြည်း တောက်ပလာသည်။

"ကြာရှည်စွာ အသက်ရှုခြင်းအဆင့်၊ လမ်းကြောင်းအဆင့် ကိုယ်ခံပညာနည်းစနစ်နဲ့နေကိုးစင်းဂိုဏ်း...ဟားဟား ၊ ဒါဆို မင်းကလင်းရှန်ပဲ”

"ငါ မင်းကို တိတ်တိတ်လေး ရှာဖို့ လုပ်နေတာ၊ ကဲ ဒါဆိုရင်တော့”

"မင်းကို ဘယ်လိုဖမ်းရမလဲလို့ ငါတွေးနေတာ။ မင်းက ငါ့အိမ်တံခါးဝကို တကယ်ရောက်လာမယ်လို့ မျှော်လင့်မထားဘူး။ ကောင်းကင်ကြီးကတောင်မှ ငါ့ကို စောင့်ရှောက်တယ်။ ဟားဟား…”

ကျင့်ဟိုင်၏ ကျေနပ်ပြီး စိတ်လှုပ်ရှားနေသော ရယ်မောသံက ညဘက်တွင် ထွက်ပေါ်လာသည်။

လင်းရှန်က မျက်ခုံးပင့်လိုက်သည်။

စကားများကို သုံးသပ်ကြည့်လျှင် တစ်ဖက်သည် သူ့ကို တိုက်ခိုက်ရန် စီစဉ်နေသည်မှာ ကြာပြီပင်။

ဒါနဲ့ဘာလို့လဲ?

လင်းရှန်၏ စိတ်ထဲတွင် အတွေးများစွာ ပေါ်လာပြီး မှုန်ဝါးဝါးဖြစ်နေ၏

"ခင်ဗျားက ဝံပုလွေရိုင်းကပဲ”

ရယ်မောသံက ရုတ်တရက် ရပ်သွားသည်။

ကျင့်ဟိုင်သည် လင်းရှန်ကို အံ့သြတကြီးဖြင့် ကြည့်လိုက်သည်။

"မင်း ဒီလောက် ဉာဏ်ကောင်းမယ်လို့ ငါ မျှော်လင့်မထားဘူး။ မင်းက ငါ့ရဲ့အထောက်အထားကို မြန်မြန် ခန့်မှန်းနိုင်တာပဲ”

မျှော်လင့်ထားသည့်အတိုင်းပင်။

လင်းရှန်သည် ဘာမှန်းသိသွားသော်လည်း ငြိမ်သက်နေခဲ့သည်။

"ဝံပုလွေရိုင်းတွေက ဝိညာဉ်ကြောင်တွေကို ဘယ်အချိန်က လိုက်နေတာလဲ။ ခင်ဗျားတို့ပစ်မှတ်က ကျင့်ကြံသူတွေ မဟုတ်ဘူးလား"

"ဒီလိုကိစ္စတွေတောင် သိတာလား? ဒါဆို မင်းတော်တော်သိပုံရတယ်။"

လင်းရှန် သူ့ဆီကနေ ထွက်သွားဖို့ ကြိုးစားနေတာကို ကျင့်ဟိုင်က သိပေမယ့် စိတ်ကောင်းဝင်နေပြီး သူ့ဆီကနေ လင်းရှန်လွတ်မြောက်နိုင်မှာ မဟုတ်ဘူးဆိုတာ သေချာတဲ့အတွက် ဂရုမစိုက်ပေ။

“ငါက သွေးဝိညာဉ်ဆေးအမျိုးအစားအသစ်အတွက် အဲ့ကြောင်တွေကိုစမ်းသပ်ခဲ့တာ။ ကံမကောင်းစွာနဲ့ပဲ ဘာရလဒ်မှ ထွက်မလာသေးဘူး”

"ဒါပေမယ့် ကိစ္စမရှိပါဘူး။ မင်းကို ငါဖမ်းပြီး သွေးဝိညာဉ်ဆေးပြားတွေအဖြစ် ပြုပြင်ပြီးရင် ငါက အတားအဆီးကို ဖြတ်ကျော်ပြီး ကျင့်ကြံသူသခင်

ဖြစ်လာမှာ။ အဲ့အချိန်ကျ ငါ့ကျင့်ကြံမှုရယ်၊ စွမ်းရည်ရယ်နဲ့ဆို သွေးဝိညာဉ်ဆေးပြား အမျိုးအစားသစ်ကိုဖန်တီးနိုင်မှာ”

လင်းရှန်သည် ကျင့်ဟိုင်၏ စကားလုံးများမှ အဓိကအချက်ကို ကောင်းစွာ ခံစားသိရှိခဲ့သည်။

"ခင်ဗျားကတောက်ပသောဝင်ပေါက် နဝမအဆင့်မှာ ရောက်နေတာလား"

"ဟုတ်တယ်”

ကျင့်ဟိုင်သည် သူ့နောက်ကျောတွင် လက်နှစ်ဖက်ယှက်ကာ ဂုဏ်ယူစွာ မတ်တပ်ရပ်လိုက်သည်။

သို့သော်လည်း လင်းရှန်၏ နောက်ဆက်တွဲစကားများက သူ့ကို ဒေါသထွက်စေခဲ့သည်။

"တကယ်လား? ဒါပေမယ့် ခင်ဗျားက နဝမအဆင့်က လူတစ်ယောက်နဲ့တူတယ်လို့ ဘာလို့ မခံစားရတာလဲ”

“ခင်ဗျားက နည်းနည်း အားနည်းနေသလို ခံစားရတယ်”

ကျင့်ဟိုင်သည် ဒေါသမထွက်ခင် ခဏလောက် အံ့အားသင့်သွားသည်။

တကယ်တော့ ဒါကလည်း အဂ္ဂိရတ်သမားများအတွက် ဖြစ်ရိုးဖြစ်စဉ်တစ်ခုပပင်

အဂ္ဂိရတ်ဆရာများသည် ၎င်းတို့ဘဝ၏ အချိန်အများစုကို အာရုံထွေပြားခြင်းမရှိဘဲ ဆေးဖက်ဝင်ဆေးပြားများအား သုတေသနပြုရာတွင် သုံးစွဲကြသည်။

ဆေးပြား အားကိုးကြောင့် ၎င်းတို့၏ ကျင့်ကြံမှု အဆင့်များသည် သာမန်

ကျင့်ကြံသူများနှင့် အတူတူပင် ဖြစ်သော်လည်း ကိုယ်ခံပညာများနှင့် တိုက်ခိုက်ရေး နည်းစနစ်များကတော့ ပိုမို နိမ့်ကျသည်။

ထို့အတွက်ကြောင့် အဂ္ဂိရတ်ပညာရှင်တို့ကို ၎င်းတို့၏ ရွယ်တူများကြားတွင် အားနည်းသူများဟု သိထားကြသည်။

အတော်လေး အားနည်းကြသည်။

တောက်ပသောဝင်ပေါက် နဝမအဆင့်ရှိ အဂ္ဂိရတ်ပညာရှင်သည် တတိယအဆင့်ရှိသာမန်ကျင့်ကြံသူအား အနိုင်ယူနိုင်မည်မဟုတ်ပေ။

ဆေးဖော်စပ်သူအနေဖြင့် ကျင့်ဟိုင်သည် ဤကဏ္ဍတွင် အဂ္ဂိရတ်ပညာရှင်ထက် များစွာသာလွန်ခြင်းမရှိပေ။

အများအားဖြင့်တော့ သူက ဒါကို သိပ်ပြီး မစဉ်းစားပေ။ အခု သူ့ကို ကြာရှည်စွာအသက်ရှုခြင်းက ဂျူနီယာတစ်ယောက်က ထောက်ပြပြီး အားနည်းတာကို လှောင်ပြောင်နေသည်။ သူဘယ်လို စိတ်ထိန်းထားနိုင်မလဲ။ သူ ချက်ချင်း စိတ်ဆိုးသွားသည်။

"ကောင်လေး ၊ မင်း အရမ်းမောက်မာလွန်းတယ်”

ကျင့်ဟိုင်က အော်လိုက်ပြီး လူသတ်ချင်သော အမူအရာဖြင့် လင်းရှန်ဆီသို့ ပြေးသွားသည် ။