အခန်း (၉၂၂)

တစ်ဖက်တွင် မိစ္ဆာဘုရင်နှစ်ပါးက သဘောတူညီချက်ရသွားသည်။

သူတို့က အလွန်အားကောင်းသော မိစ္ဆာဘုရင်များ ဖြစ်သောကြောင့် မိစ္ဆာဘုရင်ရှန်းထျန်းကို အမှန်တကယ် အညံ့ခံခဲ့ခြင်း မဟုတ်ပေ။

မိစ္ဆာဘုရင်ရှန်းထျန်းက ဖိနှိပ်ခံနေရသောအချိန်တွင် ဝိညာဉ်ကိုးပါးမိစ္ဆာဘုရင်က အင်မော်တယ်သခင်၏ အမွေအနှစ်ကို ရှာဖွေချင်သောကြောင့် ပြန်ရောက်လာခဲ့သည်။

“ကောင်းပြီ။ ရတနာတွေကို အရင်ရှာကြရအောင်။ ရတနာကို ပိုင်ဆိုင်ဖို့ ကိုယ်ပိုင်စွမ်းရည်အပေါ်မှာပဲ မူတည်တယ်”

လူသန်ကြီးအဖြစ် အသွင်ပြောင်းထားသော ပါ့မြွေက ခပ်အုပ်အုပ် အော်ဟစ်လိုက်သည်။ သူ့လက်ထဲတွင်ရှိသော ရွှေရောင်တူက တောင်ပံတစ်စုံအဖြစ် ပြောင်းလဲသွားသည်။

ဝိညာဉ်ကိုးပါးမိစ္ဆာဘုရင်ကလည်း ကိုယ်ပွားကိုးခုကို ခွဲထုတ်သည်။ ကိုယ်ပွားရှစ်ခုသည် ပုံရိပ်ယောင်ဆန်နေသည်။

ကျိုးရှန့်၏ သေရည်အိုးက ဆယ်ပေကြီးမားသွားသည်။ သူက သေရည်အိုးကို စီးနင်းလိုက်သည်။

ချန်ကျူးလုံ၏ ကျောပေါ်တွင် ရွှေတောင်ပံတစ်စုံ ပေါ်လာသည်။

လူတိုင်းက ပြင်ဆင်ထားပြီး ဟန်မူယဲ့ကို ကြည့်လိုက်ကြသည်။

ဟန်မူယဲ့က လက်ထဲတွင်ရှိသော ကျောက်စိမ်းပြားကို အသက်သွင်းသည်။ ကျောက်စိမ်းပြားက ပျံထွက်သွားသည်။

ဟန်မူယဲ့က ဓားအလင်းအဖြစ် အသွင်ပြောင်းပြီး နောက်မှ လိုက်လာသည်။

လူတိုင်းကလည်း လျင်မြန်စွာ လိုက်လာကြသည်။

သူတို့က လေပြင်းတောင်စောင်းကို ဖြတ်ကျော်ခဲ့ကြသည်။

မိုင်တစ်ထောင်အကွာသို့ ရောက်သွားသောအခါတွင် ဟန်မူယဲ့က ရပ်တန့်လိုက်သည်။

“ဒါက အင်မော်တယ်သခင်ရဲ့ အမွေအနှစ်တည်နေရာလား”

ဟန်မူယဲ့က ညင်သာစွာရေရွတ်လိုက်ပြီး လက်မြှောက်၍ ဖိချသည်။

“ဘုန်း”

ကျောက်စိမ်းပြားက နတ်ဘုရားအလင်းကို ထုတ်လွှတ်၍ အင်မော်တယ်ချီစွမ်းအင်ကို မိုင်တစ်ထောင်ပတ်ဝန်းကျင်တွင် တုန်ခါသွားစေသည်။ အောက်တွင်ရှိနေသော ကုန်းမြေက တုန်ခါသွားသည်။

မိုင်တစ်ဝက် ပတ်ဝန်းကျင်သည် ချက်ချင်း ပေါက်ကွဲထွက်သွားသည်။

အင်မော်တယ်အလင်းနှင့် နတ်ဘုရားအလင်းများ သွယ်ယှက်နေသော လူသွားလမ်းတစ်ခု ပေါ်လာသည်။

“နတ်ဘုရားအလင်းပဲ”

ဝိညာဉ်ကိုးပါးမိစ္ဆာဘုရင်က လှုပ်ရှားလိုက်ပြီး အထဲသို့ ဝင်သွားသည်။

ပါ့မြွေက သူ့နောက်မှ နီးကပ်စွာ လိုက်လာသည်။

“သတိထားပါ”

ကျိုးရှန့်က လူသွားလမ်းကို ကြည့်လိုက်ပြီး ဟန်မူယဲ့ကို တီးတိုးပြော၍ ဆင်းသက်သွားသည်။

ချန်ကျူးလုံက ဟန်မူယဲ့ကို ခေါင်းညိတ်ပြပြီး လူသွားလမ်းထဲသို့ ပြေးဝင်သွားသည်။

အင်မော်တယ်သခင်၏ အမွေအနှစ်ဖြစ်သောကြောင့် မည်သူက တုံ့ဆိုင်းနေမည်နည်း။

ရွှေအင်မော်တယ်အဆင့် ကျင့်ကြံသူများ၏ စိတ်ဓာတ်သည် အလွန်ပြတ်သားသည်။

သူတို့က အထဲသို့ ဝင်သွားသောအခါတွင် ဟန်မူယဲ့က ကျောက်စိမ်းပြားကိုသိမ်းပြီး ဓားအလင်းကို ထိန်းချုပ်၍ လူသွားလမ်းထဲသို့ ဝင်ရောက်ခဲ့သည်။

သူက အားကောင်းသောစွမ်းအင်တစ်ခု ခန္ဓာကိုယ်ထဲသို့ ဝင်ရောက်လာကြောင်း ခံစားမိသည်။

နတ်ဘုရားရင်းမြစ်ချီ ....

အသန့်စင်ဆုံး အင်မော်တယ်ချီကို သန့်စင်ပြီးမှသာ ထိုစွမ်းအင်ကို ရရှိနိုင်သည်။

ရွှေအင်မော်တယ်အဆင့် ကျင့်ကြံသူများအတွက် အင်မော်တယ်ချီသည် ကျင့်ကြံဆင့်တိုးတက်ရန် မလုံလောက်တော့ပေ။ သူတို့က နတ်ဘုရားရင်းမြစ်ချီကို အသုံးပြုရသည်။

ရွှေအင်မော်တယ်အဆင့်ကို ကျော်လွန်သွားသောအခါ လူတစ်ယောက်၏ ခွန်အားသည် ကောင်းကင်နှင့်မြေကြီး၏ တာအိုအပေါ်တွင် မှီခိုခြင်းမရှိတော့ပဲ ကိုယ်ပိုင်တာအိုအပေါ်တွင် မှီခိုသည်။

ဟန်မူယဲ့က ထိုစွမ်းအားကို အာရုံခံမိခဲ့ပြီး သူ၏ ဝိညာဉ်စွမ်းအားက ရွှေအင်မော်တယ်အဆင့်သို့ ရောက်သွားသောအခါ စည်းမျဉ်းများကို ချမှတ်လိမ့်မည်။

“ဝီ”

နတ်ဘုရားအလင်းသည် သူ့ကို ဝိုင်းရံထားပြီး ခန္ဓာကိုယ်ထဲသို့ ဝင်ရောက်လာသည်။

နတ်ဘုရားရင်းမြစ်ချီသည် သူ၏ အင်မော်တယ်ချီကို ဆက်တိုက် သိပ်သည်းလာစေသည်။

တခြားလူများ မမြင်နိုင်သောနေရာတွင် နတ်ဘုရားရင်းမြစ်ချီက သူ၏ သတ်ဖြတ်ခြင်းဓားဆီသို့ စိမ့်ဝင်သွားသည်။

သတ်ဖြတ်ခြင်းဓားသည် တုန်ခါနေပြီး စုစည်းထားသော ဝိညာဉ်စွမ်းအင်ကို ဆက်တိုက်သန့်စင်နေသည်။

နတ်ဘုရားအင်းကွက်များသည် ဓားပေါ်တွင် ပေါ်လာကြသည်။

ဓားသည် အစစ်အမှန်ပုံစံကို ပိုင်ဆိုင်လိုက်ရပုံပေါ်သည်။

နတ်ဘုရားရင်းမြစ်ချီသည် ဟန်မူယဲ့အတွက် အမှန်တကယ် အသုံးဝင်သည်။

ထိုစွမ်းအားသည် သူစုဆောင်းထားသော စွမ်းအားများကို အားဖြည့်ပေးနေသည်။

သူက ဆက်လက်ကျင့်ကြံခဲ့လျှင် အဆပေါင်းများစွာ ခွန်အားတိုးလာလိမ့်မည်။

“ဘုန်း”

ရှေ့တွင် ပေါက်ကွဲသံကို ကြားရသည်။

ဓားအလင်းနှင့် မိစ္ဆာအလင်းသည် ထိတွေ့သွားသည်။

ကျိုးရှန့်နှင့် တခြားလူများက တိုက်ခိုက်နေကြပုံပေါ်သည်။

သူတို့၏ ပူးပေါင်းမှုက အလွန်ထိခိုက်လွယ်သည်။ သူတို့က အင်မော်တယ်သခင်၏ အမွေအနှစ်ကို ရှာတွေ့သွားလျှင် သဘောတူညီချက်ကို ဂရုစိုက်တော့မည်မဟုတ်ပေ။

ဝိညာဉ်ကိုးပါးမိစ္ဆာဘုရင် ပြောခဲ့သည့်အတိုင်း ကိုယ်ပိုင်စွမ်းရည်နှင့်သာ သက်ဆိုင်သည်။

အခွင့်အရေးကို ခွန်အားဖြင့်သာ ရယူနိုင်သည်။

“ခလွမ် ....”

ဓားအလင်းသည် လေဟာနယ်ကို ထိုးခွဲသွားပြီး ဟန်မူယဲ့က ရှေ့တွင်ရှိသော မြင်ကွင်းကို မြင်လိုက်ရသည်။

ခမ်းနားသော ခန်းဆောင်တစ်ခုသည် တိတ်ဆိတ်စွာ လွင့်မျောနေသည်။ ခန်းဆောင်ထဲတွင် အနက်ရောင်ရုပ်သေးရုပ်များ ရှိနေကြသည်။

ခန်းဆောင်၏ အပြင်ဘက်တွင် ရွှေရောင်လှေကားထစ် ၉၉ခု ရှိသည်။ ထိုလှေကားထစ်များပေါ်တွင် အနီရောင်အင်းကွက်များက အသက်ရှင်နေသကဲ့သို့ လှုပ်ရှားနေကြသည်။

လှေကားထစ်ပေါ်တွင် ဓားရှည်၊ လှံနှင့် တခြားလက်နက်များ ပြန့်ကျဲနေကြသည်။

မီးပြင်းဖိုတစ်ခုသည် ခန်းဆောင်၏အလယ်တွင် လွင့်မျောနေသည်။

ခန်းဆောင်၏ အတွင်းပိုင်းရှိသော ပလ္လင်ပေါ်တွင် ရောင်စုံငှက်‌မွေးယပ်တောင်တစ်ခု ရှိနေသည်။

ယခုအချိန်တွင် ကျိုးရှန့်၊ ဝိညာဉ်ကိုးပါးမိစ္ဆာဘုရင်နှင့် တခြားလူများသည် လှေကားထစ်များ၏ရှေ့တွင် တိုက်ခိုက်နေကြသည်။

ရွှေအင်မော်တယ်အဆင့် ကျွမ်းကျင်သူလေးယောက်၏ တိုက်ခိုက်မှုသည် ပတ်ဝန်းကျင်ကို တုန်ခါသွားစေသည်။

ဟန်မူယဲ့က လှုပ်ရှားလိုက်ပြီး လှေကားထစ်ပေါ်သို့ ရောက်သွားသည်။ သူက ရွှေရောင်ဓားရှည်တစ်လက်ကို ဆုပ်ကိုင်သည်။

ထိုဓားသည် သုံးပေရှည်လျားပြီး ဓားသွားသည် ရောင်စုံအလင်းကို ထုတ်လွှတ်နေသည်။ ထိုဓားကို သွန်းလုပ်ထားသော ပုံစံသည် အင်မော်တယ်ကမ္ဘာနှင့် မတူပေ။

ဟန်မူယဲ့က ဓားချီကို ထည့်သွင်းလိုက်ပြီး မြင်ကွင်းများကို မြင်လိုက်ရသည်။

နတ်ဘုရားလောက၏ ကောင်ကင်စက်ဝန်းမှ လောယွမ်နတ်ဘုရားကမ္ဘာ၏ ဓားတစ်လက်ဖြစ်ပြီး ချပ်ဝတ်တစ်သောင်းဂိုဏ်းက သွန်းလုပ်ခဲ့သည်။

ထိုဓားသည် ‌လောယွမ်နတ်ဘုရားကမ္ဘာ၏ တန်ယွမ်ဂိုဏ်းမှ ဓားတစ်လက်ဖြစ်ပြီး စည်းကမ်းထိန်းသိမ်းရေးအဖွဲ့နှင့် သက်ဆိုင်သည်။

ထိုဓားသည် ဝိညာဉ်ရတနာဖြစ်ခဲ့သော်လည်း နောက်ပိုင်းတွင် ထိခိုက်သွားခဲ့သည်။

ဟန်မူယဲ့က မြင်ကွင်းများကို ကြည့်နေသည်။

“ဒီလိုမျိုးလား”

သူက ဓားရိုးကို တင်းကျပ်စွာ ဆုပ်ကိုင်ထားပြီး ခန်းဆောင်ကို ကြည့်သည်။ သူ့မျက်လုံးထဲတွင် ကြောက်ရွံ့မှုနှင့် စိတ်သက်သာမှုကို မြင်နိုင်သည်။

“တန်ယွမ်ဂိုဏ်းရဲ့ ပထမအကြီးအကဲ အင်မော်တယ်သခင် မင်ယွမ်”

သူက တီးတိုးပြောလိုက်ပြီး နောက်ဆုတ်သည်။

အင်မော်တယ်သခင်စန်ယွင်က အင်မော်တယ်သခင်မင်ယွမ်ကို ဤနေရာတွင် သေဆုံးသွားစေခဲ့သော်လည်း ထိုကျွမ်းကျင်သူက နောက်ဆုံးအချိန်တွင် အစီအစဉ်တချို့ ပြုလုပ်ခဲ့သည်။

ဤခန်းဆောင် ဖြစ်သည်။

မီးပြင်းဖိုနှင့် ယပ်တောင်လည်း ပါဝင်သည်။

အကြီးမားဆုံး အစီအစဉ်သည် မိစ္ဆာဘုရင်ရှန်းထျန်းနှင့် သူ့လက်အောက်တွင်ရှိနေသော မိစ္ဆာများ ဖြစ်ကြသည်။

အကယ်၍ ဟန်မူယဲ့က ထိုမှတ်ဉာဏ်များကို မမြင်ခဲ့လျှင် ခန်းဆောင်ထဲသို့ ခြေချမိလိမ့်မည်။

ယခုအချိန်တွင် သူက နောက်ဆုတ်ရန် ရွေးချယ်လိုက်သည်။

“ဘုန်း”

သူ့နောက်တွင် ပုံရိပ်ယောင်ကိုယ်ပွားတစ်ခု ပေါ်လာပြီး လက်ဝါးချက်ဖြင့် ရိုက်ချသည်။

ဝိညာဉ်ကိုးပါးမိစ္ဆာဘုရင်၏ ကိုယ်ပွား ဖြစ်သည်။

ဟန်မူယဲ့က ဤနေရာသို့ ရောက်လာသောကြောင့် အထိအခိုက်မရှိပဲ ထွက်သွားရန် မဖြစ်နိုင်ပေ။

ထို့အပြင် ဟန်မူယဲ့၏ ရတနာများကို ဝိညာဉ်ကိုးပါးမိစ္ဆာဘုရင်နှင့် မြွေမိစ္ဆာဘုရင်တို့က လိုချင်နေသည်။

“ဝီ”

ဟန်မူယဲ့က လက်မြှောက်ပြီး ကိုယ်ပွား၏လက်ဝါးချက်ကို ဓားဖြင့် ထိုးချသည်။

ထိုဓားသည် ရွှေအင်မော်တယ်အဆင့် ကျွမ်းကျင်သူ၏ တိုက်ခိုက်မှုကို တားဆီးခဲ့သည်။

ထိုဓားသည် ကောင်းကင်အင်မော်တယ်အဆင့်ထက် ကျော်လွန်နေသည်။

“ဝီ”

ဓားအလင်းက ဖျတ်ခနဲလှုပ်ရှားသွားသည်။ ဟန်မူယဲ့က အကောင်းအတိုင်း ဆက်ရှိနေသည်။

သူပေါ်လာသောကြောင့် တင်းမာနေသော စစ်မြေပြင်က ငြိမ်သက်သွားသည်။

ဝိညာဉ်ကိုးပါးမိစ္ဆာဘုရင်နှင့် ကျိုးရှန့်တို့က လှေကားထစ်ပေါ်တွင်ရှိနေသော ရတနာများကို ကောက်ယူလိုက်ပြီး ခန်းဆောင်ထဲသို့ ပြေးဝင်သွားကြသည်။

အစစ်အမှန်ရတနာများသည် ခန်းဆောင်ထဲတွင် ရှိနေကြသည်။

ယခုအချိန်တွင် မတိုက်ခိုက်ပဲ ရတနာများကိုသာ လုယူသင့်သည်။

“ဝီ”

ဝိညာဉ်ကိုးပါးမိစ္ဆာဘုရင်က ခန်းဆောင်ထဲသို့ ဝင်ရောက်သွားသောအခါ အနက်ရောင်ရုပ်သေးရုပ်များက မျက်လုံးဖွင့်လိုက်ကြသည်။

သွေးနီရောင်အလင်းသည် ဝိညာဉ်ကိုးပါးမိစ္ဆာဘုရင်၏ ခန္ဓာကိုယ်ကို ချက်ချင်းလွှမ်းခြုံသွားသည်။

နောက်မှ လိုက်လာသော မြွေမိစ္ဆာဘုရင်၊ ကျိုးရှန့်နှင့် ချန်ကျူးလုံတို့ကလည်း ရုပ်သေးရုပ်များ၏ ဝိုင်းရံခြင်းကို ခံလိုက်ရသည်။

ဟန်မူယဲ့က ခန်းဆောင်၏အပြင်ဘက်တွင် ရပ်နေပြီး မလှုပ်ရှားခဲ့ပေ။

ဓားရှည်ထဲတွင် သူမြင်ခဲ့ရသော မြင်ကွင်းများကြောင့် ယခုအချိန်တွင် အလွန်သတိထားနေသည်။

သူက အင်မော်တယ်သခင်အဆင့် ကျွမ်းကျင်သူ၏ ထောင်ချောက်ထဲသို့ လွယ်ကူစွာ ဝင်မသွားချင်ပေ။

သူက အောက်တွင်ရှိနေသော လှေကားထစ်များကို လေးနက်စွာကြည့်သည်။

“ဘန်း”

အနက်ရောင်ချပ်ဝတ်ရုပ်သေးရုပ်၏ တိုက်ခိုက်မှုကို မြွေမိစ္ဆာဘုရင်က ရွှေရောင်တူဖြင့် တားဆီးလိုက်သည်။ သူက နောက်ဆုတ်ပေးလိုက်ရသည်။

“ဒီလိုခွန်အားမျိုး”

မြွေမိစ္ဆာဘုရင်က ထိတ်လန့်စွာပြောသည်။

သူက ပါ့မြွေသွေးမျိုးဆက်ကို ပိုင်ဆိုင်ထားပြီး ‌တောင်တစ်လုံးကို လွယ်ကူစွာ ဖျက်ဆီးနိုင်သည်။

သို့သော် ယခုအချိန်တွင် ရုပ်သေးရုပ်၏ တိုက်ခိုက်မှုကြောင့် သူ့လက်က ထုံထိုင်းသွားသည်။

“ဟမ့်”

ဝိညာဉ်ကိုးပါးမိစ္ဆာဘုရင်က ကိုယ်ပွားကိုးခုကို ခွဲထုတ်ပြီး အနက်ရောင်ချပ်ဝတ် ရုပ်သေးများ၏ ဝိုင်းရံမှုမှ လွတ်မြောက်သွားသည်။ သူက ခန်းဆောင်၏ အလယ်တွင်ရှိသော ပလ္လင်ဆီသို့ ဦးတည်နေသည်။

ပလ္လင်ပေါ်တွင် ရောင်စုံငှက်မွေးယပ်တောင်တစ်ချောင်း ရှိနေသည်။

မိစ္ဆာဘုရင်ရှန်းထျန်းက အဖြူရောင်နှင့်အနက်ရောင်ယပ်တောင်ကိုသာ ပိုင်ဆိုင်ထားပြီး ခါးသီးအင်မော်တယ်နယ်မြေကို လွှမ်းမိုးခဲ့သည်။

ထိုရောင်စုံယပ်တောင်သည် မိစ္ဆာဘုရင်ရှန်းထျန်း၏ ယပ်တောင်ထက် ပိုမိုအားကောင်းလိမ့်မည်။

ဝိညာဉ်ကိုးပါးမိစ္ဆာဘုရင်က ရောင်စုံယပ်တောင်ဆီသို့ ပြေးဝင်သွားသောအခါ မြွေမိစ္ဆာဘုရင်၏ မျက်နှာထားက ပြောင်းလဲသွားသည်။ သူက ရှေ့သို့ ခြေတစ်လှမ်းတိုးပြီး ရွှေရောင်တူဖြင့် ကြမ်းတမ်းစွာရိုက်ချသည်။

“ဘုန်း”

သူ့ရှေ့တွင်ရှိသော ရုပ်သေးရုပ်က ပျက်စီးသွားသည်။

မြေမိစ္ဆာဘုရင်က ဝိညာဉ်ကိုးပါးမိစ္ဆာဘုရင်၏နောက်မှ နီးကပ်စွာလိုက်လာပြီး ပလ္လင်ဆီသို့ ဦးတည်နေသည်။

ကျိုးရှန့်နှင့် ချန်ကျူးလုံက အကြည့်ချင်းဖလှယ်လိုက်သည်။ သူတို့နှစ်ယောက်က လိုက်သွားတော့မည့်အချိန်တွင် ရုတ်တရက် တုန်ခါသွားပြီး အပြင်ဘက်တွင်ရှိသော ဟန်မူယဲ့ကို လှည့်ကြည့်သည်။

ဟန်မူယဲ့က ညင်သာစွာ ခေါင်းခါသည်။

သူတို့နှစ်ယောက်က တွန့်ဆုတ်နေသော်လည်း ရပ်တန့်လိုက်ကြသည်။

သို့သော် ချက်ချင်းဆိုသလိုပင် ဝိညာဉ်ကိုးပါးမိစ္ဆာဘုရင်နှင့် မြွေမိစ္ဆာဘုရင်တို့က ရပ်တန့်သွားကြသည်။

မီးခိုးရောင်မီးပြင်းဖိုက ရွှေအလင်းကို ထုတ်လွှတ်ပြီး သူတို့နှစ်ယောက်ကို လွှမ်းခြုံလိုက်သည်။

“အသင်္ချေဝိညာဉ်သန့်စင်ခြင်းအလင်း”

ကျိုးရှန့်၏မျက်နှာက ဖြူဖျော့သွားပြီး ထိတ်လန့်စွာ ရေရွတ်သည်။

“မိစ္ဆာဘုရင်ရှန်းထျန်းရဲ့ နာမည်ကြီးနည်းစနစ်က ဘာဖြစ်လို့ ဒီနေရာမှာ ပေါ်လာတာလဲ”

ချန်ကျူးလုံကလည်း အံ့အားသင့်နေပြီး ညင်သာစွာပြောသည်။