ယွမ်ယန်ကျင့်စဥ်

Vol. 2 Ch. 22

အချိန်အနည်းငယ် ကြာပြီးနောက် လုရွှမ် နိုးလာခဲ့သည်။

"ထပ်ပြီး ပြန်မွေးဖွားလာတာလား?"

အသိစိတ် ရှိနေသေးတယ်လို့ ခံစားရပြီး လုရွှမ် မျက်လုံးဖွင့်ကြည့်လိုက်သည်။

"ငါမသေဘူး? ဟားဟား ကြည့်ရတာ အောင်မြင်သွားပုံပဲ"

အစကတော့ တခြားခန္ဓာကိုယ်မှာ ပြန်မွေးဖွားလာတယ်လို့ ထင်ခဲ့ပေမယ့် သတိလစ်ရာက နိုးလာတဲ့အခါ မသေသေးဘူးဆိုတာ သိလိုက်ရသည်။

သူ့တစ်ကိုယ်လုံးမှာ ဆိုးရွားတဲ့ ဒဏ်ရာတွေနဲ့ ဖုံးလွှမ်းနေပြီး သွေးမထွက်တော့ပေမယ့် လှုပ်လိုက်တာနဲ့ နာကျင်နေတုန်းပါပဲ။

"ငါ့ရဲ့ မူလအမှတ်က မျက်ခုံးမွှေးကြားမှာ ဖြစ်လာမယ်လို့ မမျှော်လင့်ထားဘူး..."

ထထိုင်ဖို့ကြိုးစားရင်း လုရွှမ် မေ့မြောမသွားမီက ဖြစ်ပျက်ခဲ့သည်ကို ပြန်တွေးလိုက်သည်။

တစ်ကိုယ်လုံးက နေရာသုံးဆယ့်ခြောက်ခုကို စမ်းကြည့်ပေမယ့် မူလအမှတ်ကို ရှာမတွေ့ခဲ့ပါဘူး။ မျက်ခုံးကြားကို အန္တရာယ်ရှိတဲ့ စမ်းသပ်မှုတစ်ခု လုပ်ခဲ့ပေမယ့် နောက်ဆုံးမှာတော့ အောင်မြင်မယ်လို့ မမျှော်လင့်ထားခဲ့ပေ။

သူ့လက်ရှိ ကျင့်ကြံမှုက အားနည်းလွန်းတာကြောင့် ဝိညာဉ်စွမ်းအင်များ အလျင်အမြန် စီးဝင်သွားတဲ့အခါ သူ့စိတ်တွေ တုန်လှုပ်သွားပြီး သတိမေ့မြောသွားခဲ့တာ ဖြစ်လေသည်။

သို့သော် သူ့မူလအမှတ်ကို ရှာတွေ့ပြီး ဝိညာဉ်စွမ်းအင်က အလိုအလျောက် ချုပ်ငြိမ်းသွားတဲ့အတွက် သူအသက်ရှင်နေခဲ့တာ ဖြစ်ပေ၏။

"မူလအမှတ်ကို ရှာတွေ့ပြီ....ငါလည်း ဝူအဆင့်တစ်ယောက် ဖြစ်လာပြီ"

မူလအမှတ်သည် ဝိညာဥ်စွမ်းအင်ကို အလိုအလျောက် သန့်စင်ပေးပြီး တစ်ကိုယ်လုံးကို စွမ်းအင် ဖြည့်ပေးမည်ဖြစ်သည်။ ပြောရရင် သူအခု ဝူအဆင့်လူတစ်ယောက်ကို တိုက်ခိုက်နိုင်ပြီ ဖြစ်သည်။

ပြီးတော့ ... တိမ်ပင်လယ်နယ်မြေ သမိုင်းမှာ ပထမဆုံး ကိုးကွင်းနယ်ပယ် သိုင်းပညာရှင် ဖြစ်လာလိမ့်မည်။

"ဝူအဆင့် ဖြစ်လာပြီဆိုတော့ ကျင့်ကြံရေး နည်းလမ်းတွေ ရွေးချယ်ရမယ်...ကျင့်ကြံရေးနည်းလမ်းက ပိုအဆင့်မြင့်လေ အနာဂတ် အောင်မြင်မှုတွေက မြင့်မားလေလေပဲ!"

ဝူအဆင့်ပညာရှင် တစ်ဦးဖြစ်လာလျှင် မိမိကိုယ်ပိုင်အတွက် ဝိညာဥ်စွမ်းအင် သန့်စင်စေသည့် ကျင့်ကြံရေး နည်းလမ်းများကို သဘာဝအတိုင်း စတင်ရွေးချယ်ခွင့် ရှိသည်။

ကျင့်ကြံရေး နည်းလမ်းသည် ကျင့်ကြံမှုကို အဆုံးအဖြတ် ပေးနိုင်သည့် တခြားအချက်တစ်ခု ဖြစ်သည်။ ထိုနည်းလမ်းက အဆင့်မြင့်လေ ဝိညာဥ်စွမ်းအင် အဆင့်က ပိုမြင့်လာကာ တိုးတက်မှုကလည်း ကြီးလာလေ ဖြစ်၏။

ထို့ကြောင့် အစပိုင်းတွင် အားကောင်းသည့် ကျင့်ကြံရေး နည်းလမ်းကို ရွေးချယ်ခြင်းသည် အနာဂတ် ကျင့်ကြံမှုအပေါ် များစွာအကျိုးသက်ရောက်စေမည် ဖြစ်သည်။

ခန္ဓာကိုယ်၏ မူလပိုင်ရှင်အနေဖြင့် သူသည် အကယ်ဒမီ၏ အသုံးအများဆုံး ကျင့်ကြံရေးနည်းကိုသာ ရွေးချယ်နိုင်သော်လည်း လုရွှမ်ကတော့ ကွဲပြားသည်။

သူ့စိတ်ထဲမှာ မရေမတွက်နိုင်သော ကျင့်ကြံရေး နည်းလမ်းတွေ ရှိနေပြီး ကျပန်းရွေးချယ်လိုက်ရင်တောင် ကျန်းဝူအင်ပါယာမှာ ထွက်ပေါ်လာနိုင်သည့် အရာမဟုတ်။

"ကျင့်ကြံရေး နည်းလမ်းတွေကို နတ်ဘုရား၊ သူတော်စင်၊ ဝိညာဉ်၊ တစ္ဆေနှင့် သေခြင်းဆိုပြီး အဆင့်ငါးဆင့် ခွဲထားတယ်... အဆင့်တစ်ခုစီကို အောက်၊ အလယ်၊ အထက်နှင့် အထွတ်အထိပ်ဆိုပြီး အဆင့်၄ဆင့် ထပ်ခွဲခြားထားသေးတယ်...အဆင့်အကြီးကြီး ၅ခုနဲ့ အဆင့်ငယ် ၂၀ပဲ"

"အရင်ဘဝတုန်းက လေ့ကျင့်ခဲ့တဲ့ ကောင်းကင်ကိုးလွှာ ကန့်သတ်မဲ့ကျင့်စဥ်က အလယ်အလတ်တန်း သူတော်စင် အဆင့်လေးပဲ... အဓိက ဂိုဏ်းသုံးခုထဲမှာ အထွတ်အထိပ်လို့ မှတ်ယူလို့ရတယ် လောကကို ဖြတ်ကျော်နိုင်တဲ့ စွမ်းအားတွေ..."

ကျင့်ကြံရေး အဆင့်သည် မြင့်မားပြီး အဆင့်တစ်ခုစီတွင် မထင်မှတ်ထားသော စွမ်းအားများရှိသည်။ ကျန်းဝူကျောင်းတော် ကဲ့သို့သေးငယ်သော နေရာတွင် အလယ်အလတ် အဆင့်ကပင် အမြင့်ဆုံးအဆင့်ဟု သတ်မှတ်နိုင်ပြီး သူတော်စင် အဆင့်သည်ပင် မတွေးဝံ့စရာ ဖြစ်နေပြီ။

နောက်ဆုံးတော့ ထိုသူတော်စင် ကျင့်ကြံရေး အဆင့်သည် တိုက်ကြီးတစ်ခုလုံးတွင် ထိပ်တန်းအဆင့်ဟု သတ်မှတ်ကြပြီး အဓိကဂိုဏ်းကြီးသုံးခုမှ အကြီးအကဲများသာ လေ့ကျင့်ရန် အရည်အချင်း ပြည့်မီသည်။

ထိပ်တန်း နတ်ဘုရားအဆင့် ကျင့်ကြံရေး နည်းလမ်းကတော့ ၎င်းတို့သည် ဒဏ္ဍာရီများသာဖြစ်ပြီး ၎င်းတို့ကို မည်သူမျှ မမြင်ဖူးပေ။

ကောင်းကင်ကိုးလွှာ ကန့်သတ်မဲ့ကျင့်စဥ်ကို တိုက်ရိုက်လေ့ကျင့်ရန် ဤကိုယ်ခန္ဓာကို သုံးလိုက်ရင် အစပြုခြင်းကစလို့ အချိန်ဘယ်လောက် ကြာသွားမယ် ဆိုတာတော့ မသိ။

"ကောင်းပြီ ကောင်းကင်ကိုးလွှာ ကန့်သတ်မဲ့ကျင့်စဥ်ကိုပဲ ကျင့်ကြံလိုက်တာပေါ့"

သူ့စိတ်ထဲမှာ ဒီကျင့်စဥ်ထက် အားမနည်းတဲ့ လျှို့ဝှက်ကျင့်စဥ်တွေ ရှိနေသေးပေမယ့် လုရွှမ်အတွက် သူ့အရင်ဘဝက လေ့ကျင့်ဖူးတဲ့ ကျင့်စဥ်တွေဟာ စတင်ဖို့ ပိုလွယ်ကူပြီး ဘယ်မှာ ပြဿနာရှိမယ်ဆိုတာ အတိအကျ သိနိုင်သည်။

ထို့အပြင် ကောင်းကင်ကိုးလွှာ ကန့်သတ်မဲ့ကျင့်စဥ်သည် လုံးဝမဆိုးပါ။ ကျင့်ကြံရေး နည်းလမ်းကိုလည်း ပြောင်းလဲဖို့ မလိုအပ်ဘဲ အသစ်ပြန် ကျင့်ကြံရုံပဲ။

"စပြီး ကျင့်ကြံရအောင်"

တောအုပ်ကြီးထဲတွင် မည်သူမျှ လာလည်ခြင်းမရှိဘဲ အလွန်တိတ်ဆိတ်နေ၏။ လုရွှမ်သည် အပြင်ထွက်ရန် အစီအစဉ်မရှိ။ သူ့နှလုံးသားထဲတွင် အကြိမ်ပေါင်း မရေမတွက်နိုင်သော ကျင့်ကြံရေး နည်းလမ်းတွေ အတိုင်း လေထဲမှ ဝိညာဉ်စွမ်းအင်ကို စုပ်ယူလိုက်သည်။

ဝုန်း!

ဝိညာဉ်စွမ်းအင်များသည် ခန္ဓာကိုယ်ထဲသို့ ဝင်ရောက်လာပြီး ကောင်းကင်ကိုးခု ကန့်သတ်မဲ့ကျင့်စဥ်၏ ခွဲဖြာမှု နည်းလမ်းအတိုင်း ကြီးထွားလာတော့သည်။

ပြင်းထန်သော ဟိန်းဟောက်သံတစ်ခု သူ့ခေါင်းထဲတွင် ရုတ်တရက် ထွက်ပေါ်လာသည်။ ရှေးကျပြီး လျှို့ဝှက်ဆန်းကြယ်သော အရှိန်အဝါ တစ်ခု ပြေးဝင်လာ၏။

ချက်ချင်းပင် အနက်ရောင် ကျောက်စိမ်းပြား တစ်ချပ်သည် သူ့စိတ်ထဲတွင် လှည့်ပတ်သွားကာ ရှေးခေတ် အရှိန်အဝါများ ထွက်ပေါ်လာသည်။

"ဒါက... [ထာဝရစီးဆင်းမှု]မှာ ငါရတဲ့အရာတစ်ခုလား"

ကျောက်စိမ်းပြားကို မြင်တော့ လုရွှမ် မျက်မှောင်ကြုတ်လိုက်သည်။ ဒီကျောက်စိမ်းပြားကို သူသိသည်။ အဲဒီတုန်းက အရက်စက်ဆုံး ထာဝရစီးဆင်းမှုဆိုတဲ့ နေရာကရလာတဲ့ ပစ္စည်းပဲ။

ဒီအရာသည် ဓားနဲ့မခွဲနိုင်သလို ပုဆိန်နဲ့လည်း မခွဲနိုင်ပေ။ သူ့မှာ ဒီလိုမျိုး ကျင့်ကြံထားတာတောင် ဖျက်စီးချင်တိုင်း ဖျက်စီးလို့ မရတာကြောင့် ခန္ဓာကိုယ်ပေါ်မှာပဲ သိမ်းထားခဲ့တာ။ ဝိညာဉ် ပြန်မွေးဖွားလာပြီးတာတောင် ဘာလို့ သူ့စိတ်ထဲမှာ ပေါ်လာသေးတာလဲ။

ဒါမှ မဟုတ်... ဒီအရာကြောင့် သူ ပြန်မွေးဖွားလာတာ ဖြစ်နိုင်ပါ့မလား?

နောက်ဆုံးမှာတော့ အားလုံးသည် ပထမဘဝ၌ ပျောက်ဆုံးသွားခဲ့ပြီးပြီ။ အဲဒါကြောင့် ဤအခြေအနေတွင် ပြန်လည်မွေးဖွားတယ် ဆိုပါက အနည်းငယ် ယုံရခက်သည်။

ဝုန်း!

သူ တွေးတောရင်းနဲ့ ကျောက်စိမ်းပြားက ရုတ်တရက် လှည့်ပတ်သွားပြီး သူ့စိတ်ထဲမှာ အကြံကြီးတစ်ခု ဝင်လာခဲ့သည်။

"ကိုးကွင်းနယ်ပယ်ကို... ငါရောက်သွားပြီ"

သူ့နားထဲတွင် ရှေးကျသော အသံတစ်ခု ထွက်ပေါ်လာပြီး လုရွှမ်သည် ချက်ချင်းပင် မူးဝေသွားကာ ပြန်ကောင်းလာရန် အချိန်ခဏ ယူခဲ့ရ၏။ ထိုခဏမှာ လုရွှမ် မျက်လုံးများ ဝိုင်းစက်လာသည်။

"[ယွမ်ယန်ကျင့်စဥ်]... ကျောက်စိမ်းပြားထဲမှာ ကျင့်ကြံရေး နည်းလမ်းတွေ အစုံရှိနေတာလား?"

ကျောက်စိမ်းအတွင်းရှိ ရှေးခေတ် ကျင့်ကြံရေးနည်းလမ်း အစုံထဲမှ ယွမ်ယန်ကျင့်စဥ်က သူ့ခေါင်းထဲ ဝင်လာခဲ့သည်။

ဤကျင့်စဥ်သည် ပထမအဆင့်သာ ရှိသော်လည်း သူယခင်ဘဝက ပြည်မကြီးတွင် အသန်မာဆုံး လူသားဖြစ်ခဲ့တာမို့ တစ်ချက်ကြည့်ရုံနဲ့ ကောင်းကင်ကိုးလွှာ ကန့်သတ်မဲ့ကျင့်စဥ်ထက် အဆပေါင်းများစွာ သာလွန်တာကို ပြောနိုင်သည်။

"ဒါက မြင့်မြတ်တဲ့ သူတော်စင်အဆင့် ဒါမှမဟုတ် အမြင့်ဆုံးအဆင့် ကျင့်ကြံရေး နည်းလမ်းတစ်ခုပဲ ဖြစ်နိုင်မလား?"

လုရွှမ်ခေါင်းထဲ မီးတောက်သွားသည်။

ကောင်းကင်ကိုးလွှာ ကန့်သတ်မဲ့ကျင့်စဥ်ထက် သာလွန်တယ်ဆိုရင် ဒါက အလယ်အလတ် သူတော်စင်အဆင့်ကို ကျော်လွန်လိမ့်မည်။ ဒီကျင့်စဥ်အကြောင်းသာ တိုက်ကြီးတစ်ခုလုံး သိသွားရင် ဂိုဏ်းပေါင်းစုံမှ ပြိုင်ဆိုင်မှုတွေ မလွဲမသွေ ဖြစ်လာလိမ့်မည်။

နတ်ဆိုးဧကရာဇ် အတွက်တော့ မနှမြောပါဘူး။

ကမ္ဘာပေါ်တွင် နံပါတ်တစ် လူတစ်ဦးဖြစ်သည့် နတ်ဆိုးဧကရာဇ် ချုံလူကျင့်ကြံထားတဲ့ အဆင့်ကပင် သူတော်စင် ထိပ်တန်းအဆင့်ဟု ဒဏ္ဍာရီတွင်ဖော်ပြထားသည်။

အဲဒါကို သူလည်းသိသည်။

ကျောက်စိမ်းပြားသည် သူနှင့်အတူ အမှန်ပင် ပြန်လည်မွေးဖွားလာခဲ့ပြီး ၎င်းက အသိစိတ်ပင်လယ်၏ နက်နဲသောနေရာတွင် ပုန်းနေခဲ့သည်။

သို့သော် ကိုးကွင်းနယ်ပယ်ကိုသာ မထိုးဖောက်နိုင်ခဲ့ရင် ၎င်းကို လုံးဝ သတိထားမိလိမ့်မည်မဟုတ်ပေ။

"ကံကောင်းလို့ ကိုးကွင်းနယ်ပယ်ကို ထိုးဖောက်သွားနိုင်လို့!"

ဒါကိုသိလိုက်ရတော့ လုရွှမ်ဟာ ခဏတာ ဝမ်းသာသွားခဲ့သည်။

အခုအချိန်တွင် သူတုံ့ဆိုင်းနေပါက ထိုယွမ်ယန်ကျင့်စဥ်သည် သူနဲ့ လွဲချော်သွားကာ နောက်တစ်ကြိမ် လေ့ကျင့်ရန် အခွင့်အရေး မရှိတော့မှာပင် ကြောက်ရသည်။

"ကျိုရန်ဧကရာဇ်... ငါပြန်လာခဲ့မယ်!"

အေးစက်စွာ ပြောရင်း လုရွှမ်သည် ကောင်းကင်ကို ဒေါသတကြီး မော့ကြည့်လိုက်သည်။

သူ့ယခင်ဘဝက အမုန်းတရားများကို တွေးတောရင်း ဤအဆင့်မြင့် ကျင့်စဥ်ကို ရယူခြင်းသည် အခွင့်အလမ်းတစ်ခု ဖြစ်ကြောင်း နားလည်ခဲ့သည်။ ၎င်းကို လက်လွတ်မခံသင့်ပေ။

တွန့်ဆုတ်မနေဘဲ စိတ်ကိုငြိမ်အောင် ထားလိုက်သည်။

"ယွမ် အရာခပ်သိမ်း၏အစ... ယန် ကောင်းကင်နှင့်မြေကြီး၏ ဖြောင့်မတ်ခြင်း...ယွမ်ယန် ကောင်းကင်နှင့်မြေကြီး၏ ဖြောင့်မတ်ခြင်း စုရုံးခြင်းသည် အရာခပ်သိမ်းတို့ရဲ့ အစုအရုံးဖြစ်၏....."

လျှို့ဝှက်ဆန်းကြယ်သော အတွေးများသည် သူ့စိတ်ထဲတွင် ဝေ့ဝဲနေသည်။ အခြားသူများ မပြောနှင့် ကျန်းဝူအကယ်ဒမီရဲ့ ကျောင်းအုပ်ကြီးတောင် ဒါကိုနားလည်မည် မဟုတ်။

သို့သော် သူယခင်ဘဝက အသိပညာနှင့် အတွေ့အကြုံများကို အခြေခံ၍ လျှို့ဝှက်ချက်ကျင့်စဥ်၏ အချက်အားလုံးကို နားလည်ရန် တစ်ရက်သာ အချိန်ယူခဲ့ရသည်။

သုံးရက်ကြာပြီးနောက်

ထူထပ်သော တောအုပ်ထဲတွင် ထိုင်ရင်း လုရွှမ်၏ ကြွက်သားများ အနည်းငယ် တုန်ခါသွားပြီး ကျင့်ကြံမှု၏ အရေးကြီးသော အခိုက်အတန့်ကို ရောက်နေပြီဆိုတာ သူသိလိုက်သည်။

ပြင်းထန်သော စွမ်းအင် ခန္ဓာကိုယ်အနှံ့ ကြွက်တစ်ကောင်ကဲ့သို့ ကူးခတ်လျက် အရေပြားတလျှောက် ကူးခတ်နေသည်။ ရုတ်တရက်ပင် ဤ "ကြွက်ကြီး" သည် လည်ပင်းသို့ ရောက်လာပြီး ဦးခေါင်းဆီသို့ ပြေးသွားလေသည်။

ဦးခေါင်းသည် လူ့ခန္ဓာကိုယ်၏ အရေးကြီးဆုံး အစိတ်အပိုင်း ဖြစ်သည်။ သတိမထားမိပါက သင်သည် သေရင်သေ သို့မဟုတ် အသုံးမကျတဲ့လူသာ ဖြစ်သွားလိမ့်မည်။

"ဟူး....."

အန္တရာယ်ကိုသိပေမယ့် လုရွှမ်သည် လုံးဝမရပ်ဘဲ ဝိညာဥ်စွမ်းအင်ကိုသာ အာရုံစူးစိုက်ထားသည်။

ဗုန်း!

ကြွက်ကြီးကဲ့သို့ စွမ်းအင်သည် ခေါင်းထဲသို့ ချောမွေ့စွာ ပြေးဝင်လာသည်။

"အောင်မြင်ပြီ!"

လုရွှမ်သည် လျှပ်စစ်မီး တစ်ဖျပ်ဖျပ် တောက်နေသကဲ့သို့ မျက်လုံးကိုဖွင့်လိုက်သည်။ ဝီရိယရှိစွာ သုံးရက်ကြာအောင် လေ့ကျင့်ပြီးနောက် ယွမ်ယန်ကျင့်စဥ်ကို သူ့ခန္ဓာကိုယ်က နောက်ဆုံးတွင် လက်ခံသွားပြီ။

အစပျိုးမှု တစ်ခုမျှသာ ဖြစ်သော်ငြားလည်း ဤကျင့်စဥ်၏ စွမ်းအားက ဘယ်လောက်အားကောင်းကြောင်း သူ့ကိုသိစေသည်။

ဝိညာဉ်စွမ်းအင်ကြောင့် ကွဲထွက်သွားသော ဒဏ်ရာများမှ တစ်လနှစ်လခန့် အချိန်ယူရသော်လည်း ယွမ်ယန်ကျင့်စဥ်၏ အကူအညီဖြင့် သုံးရက်အတွင်း တစ်ကိုယ်လုံး ကုသပြီး ပျောက်ကင်းသွားရာ မွေးကင်းစ ကလေးနှင့်ပင် တူသွားသည်။

ယွမ်ယန်ကျင့်စဥ်

Vol. 2 Ch. 22

အချိန်အနည်းငယ် ကြာပြီးနောက် လုရွှမ် နိုးလာခဲ့သည်။

"ထပ်ပြီး ပြန်မွေးဖွားလာတာလား?"

"ငါမသေဘူး? ဟားဟား ကြည့်ရတာ အောင်မြင်သွားပုံပဲ"

"မူလအမှတ်ကို ရှာတွေ့ပြီ....ငါလည်း ဝူအဆင့်တစ်ယောက် ဖြစ်လာပြီ"

"စပြီး ကျင့်ကြံရအောင်"

ဝုန်း!

"ဒါက... [ထာဝရစီးဆင်းမှု]မှာ ငါရတဲ့အရာတစ်ခုလား"

ဒါမှ မဟုတ်... ဒီအရာကြောင့် သူ ပြန်မွေးဖွားလာတာ ဖြစ်နိုင်ပါ့မလား?

ဝုန်း!

"ကိုးကွင်းနယ်ပယ်ကို... ငါရောက်သွားပြီ"

လုရွှမ်ခေါင်းထဲ မီးတောက်သွားသည်။

နတ်ဆိုးဧကရာဇ် အတွက်တော့ မနှမြောပါဘူး။

အဲဒါကို သူလည်းသိသည်။

"ကံကောင်းလို့ ကိုးကွင်းနယ်ပယ်ကို ထိုးဖောက်သွားနိုင်လို့!"

ဒါကိုသိလိုက်ရတော့ လုရွှမ်ဟာ ခဏတာ ဝမ်းသာသွားခဲ့သည်။

"ကျိုရန်ဧကရာဇ်... ငါပြန်လာခဲ့မယ်!"

တွန့်ဆုတ်မနေဘဲ စိတ်ကိုငြိမ်အောင် ထားလိုက်သည်။

သုံးရက်ကြာပြီးနောက်

"ဟူး....."

ဗုန်း!

ကြွက်ကြီးကဲ့သို့ စွမ်းအင်သည် ခေါင်းထဲသို့ ချောမွေ့စွာ ပြေးဝင်လာသည်။

"အောင်မြင်ပြီ!"