အကုန်သေသွားပြီ

"ဒီကောင် မတုံးဘူးပဲ!"

မြူခိုးတွေရဲ့ အလယ်တစ်နေရာမှာတော့ လုရွှမ်ဟာ တစ်ဖက်လူရဲ့ အသွင်အပြင်ကို မြင်ပြီး အနည်းငယ် ပြုံးလိုက်၏။

ရထားလုံးပေါ် ရောက်တာနဲ့ ပြဿနာကို သူမြင်ပြီးသား ဖြစ်သည်။

ရထားထိန်း၏ ကြာပွတ်ကို တစ်ချက်လွှဲလိုက်တိုင်း ဝိညာဥ်စွမ်းအင်များ မျဉ်းဖြောင့်အတိုင်း ဆင်းသက်သည်လေ။ သတိမူခြင်းသည် အလွန်တိကျသောကြောင့် ဤလူသည် ထုံးရွှမ်နယ်ပယ်ထက် သန်မာသူတစ်ဦးဖြစ်ကြောင်း ပြသခဲ့သည်။

ထုံးရွှမ်နယ်ပယ်မှာ ရှိတဲ့ လူတစ်ယောက်က ဝူယန်အင်ပါယာမှာ ရှိနေရင်တောင်မှ အရည်အချင်း ရှိသူဟု ယူဆလို့ရသည်။ သူဟာ နေ့စဉ် ရွှေစ ရာချီပဲရတဲ့ ရထားထိန်း အလုပ်ကို လုပ်နေပါ့မလား။

ဒီလူမှာ တစ်ခုခုမှားနေပြီဆိုတာ မြင်လိုက်ရတော့ လုရွှမ် မျက်နှာထွက်မပြခြင်း ဖြစ်သည်။ သူ့စိတ်ဝိညာဉ်စွမ်းအား အတိုင်းအတာက အရမ်းတိုးတက်လာပြီး သူ့အသက်ကို ကယ်တင်ဖို့ လျှိုဝှက်ကတ် အလုံအလောက်လည်း ရှိတော့ ဘယ်သူကများ လှုပ်ရှားချင်နေတာလဲ တွေ့ချင်မိလာ၏။

ဓားအလင်းနှင့် လူသုံးယောက် ရုတ်တရက် ထွက်ပေါ်လာပြီး တိုက်ခိုက်ကတည်းက ချင်မိသားစု၏ လုပ်ဆောင်မှု ဖြစ်ရမည်ကို သူသိထားပြီး ဖြစ်သည်။

ထို့နောက်တွင် သူက ပြိုင်ဘက်ကို ရှုပ်ထွေးစေရန် ပုံရိပ်ယောင်အခင်းအကျင်း ပုံစံကို ထုတ်လွှတ်ပေးခဲ့သည်။ သတ်ဖြတ်ခြင်း အခင်းအကျင်းနှင့် ပတ်သက်၍ ပြောရလျှင် ၎င်းသည် နောက်ဆုံးဖော်ပြခဲ့သော အဆင့်၈ အခင်းအကျင်း ဖြစ်သည်။

၎င်းကို မူလက စိတ်ဝိညာဉ်စွမ်းအားကို တိုးမြှင့်ရန်အတွက် အသုံးပြုခဲ့သော်လည်း မမျှော်လင့်ဘဲ အရေးကြီးသော အခိုက်အတန့်တွင် ကြီးမားသော အခန်းကဏ္ဍမှ ပါဝင်လာခဲ့သည်။ ဒဏ်ရာအပြင်းအထန် ရသွားသော နှောင်းပိုင်းအဆင့် လူ၂ယောက်သည် ၎င်းတို့၏ တိုက်ခိုက်ရေးစွမ်းရည်ကို ဆုံးရှုံးသွားခဲ့သည်။

ပုံရိပ်ယောင် အခင်းအကျင်းကို သတ်ဖြတ်ခြင်း အခင်းအကျင်း ထပ်ပေါင်းထည့်လိုက်တဲ့အခါ ပြိုင်ဘက်သည် အခင်းအကျင်းကို မည်ကဲ့သို့ တိုက်ခိုက်ရမည်ကို မသိပါက ရှုံးနိုင်ချေများသည်။

၎င်းတွင် ကြီးမားသော တိုက်ခိုက်နိုင်စွမ်း ရှိသည်။ ဂိုဏ်းဆရာနယ်ပယ် အထွတ်အထိပ်ရှိ သန်မာသော လူအတွက် အပြောင်းအလဲများကို တူညီစွာ တုံ့ပြန်ခြင်းသည် လက်ရှိအချိန်တွင် အမှန်တကယ်ပင် အကောင်းဆုံး နည်းလမ်းဖြစ်သည်။

ဒါပေမဲ့ သူ့လုပ်ရပ်တွေကို လုရွှမ်က တွက်ချက်ထားပြီးသား ဆိုတော့ သူဘယ်လိုလုပ် အောင်မြင်နိုင်ပါ့မလဲ။

ဟူ!

ဝိညာဥ်ချီဓားသည် မရေမတွက်နိုင်စွာ ပေါ်ထွက်လာပြီး ဂိုဏ်းဆရာနယ်ပယ် အထွတ်အထိပ် သခင်ကို ထပ်မံ ထိုးလိုက်ပြန်သည်။

"ဟမ့်!"

ဂိုဏ်းဆရာနယ်ပယ် အထွတ်အထိပ် အဆင့်ပင် အစစ်အမှန်လား အတုအယောင်လား မပြောနိုင်သော်လည်း အလျင်အမြန် မတုံ့ပြန်ရဲချေ။

ဟူ!

သက်ဆင်းလာသော ဓားအလင်းသည် မြေပြင်ပေါ်သို့ ကျလာပြီး လေပြေကဲ့သို့ လွင့်စင်သွားသည်။

ခန့်မှန်းစရာ မလိုအောင် ဒါကပုံရိပ်ယောင်ပဲ!

"အား……"

"ကယ်ကြပါ……"

သူသည် သူ့စိတ်ထဲတွင် အေးစက်စွာ အော်ဟစ်လိုက်ပြီး အထွတ်အထိပ် သခင်က ရယ်ချင်လာသောအခါ သူ့နောက်မှ အော်သံများ ထွက်ပေါ်လာရာ ရုတ်တရတ် လှည့်ကြည့်လိုက်သည်။

ဒဏ်ရာအပြင်းအထန် ရသွားခဲ့သော ဆရာကြီးနှစ်ဦးသည် ယခုမှ မြေပြင်ပေါ်တွင် လဲလျောင်းနေရပြီး သံနဲ့အရိုက်ခံထားရသလို သေလားရှင်လား မသိရတော့ချေ။

"မင်း……"

မထင်မှတ်ပဲ သူ့အား တိုက်ခိုက်ခြင်းသည် အတုအယောင် ဖြစ်သော်လည်း နှောင်းပိုင်းအဆင့်ရှိ အဘိုးကြီးနှစ်ဦးကို ခိုးဝင်တိုက်ခိုက်ခြင်းသည် အစစ်အမှန် ဖြစ်နေရာ အထွတ်အထိပ်အဆင့် လူကြီးသည် ဒေါသတကြီးဖြင့် မျက်နှာများ နီရဲသွားလေသည်။

မူလက ဤလူသုံးယောက်သည် အတုတံဆိပ်နယ်ပယ်မှ ကလေးငယ်တစ်ဦးကို ခိုးဝင်တိုက်ခိုက်ရန် ရောက်ရှိလာခဲ့သည်။ လူငယ်လေးက ဘာမှမဖြစ်သော်လည်း နှောင်းပိုင်းအဆင့်ရှိ သူ့ဘေးမှ လူနှစ်ဦး အသတ်ခံခဲ့ရသည်။

မျိုးနွယ်စုသို့ ပြန်သွားပြီးရင် သူတို့သည် သေဒဏ်ပေးခံရခြင်း မရှိဘဲ နေပါတော့မလား။

"ကောင်လေး.... မင်းငါ့နဲ့ ပေါ်ပေါ်ထင်ထင် တိုက်ခိုက်ရဲလား?"

ဟိန်းဟောက်သံနှင့်အတူ ဂိုဏ်းဆရာနယ်ပယ် ဆရာကြီးက အော်ဟစ်လိုက်သည်။

"မင်းအသက် ဘယ်လောက်ရှိပြီလဲ? ငါတို့သခင်ငယ်လေးက အသက် ဘယ်လောက်ရှိသေးလို့လဲ? မင်းကို ပွင့်ပွင့်လင်းလင်း ပြောလိုက်မယ် မင်းလိုပဲ လူတိုင်းက တုံးနေတယ်လို့ ထင်နေလားကွ!"

ဟိန်းဟောက်သံ၏ အဆုံးသတ်တွင် မုယန်ဖုန်း၏ လှောင်ရယ်သံ ထွက်လာသည်။

မူလက သူသည် သခင်ငယ်လေးအား အသေခံ ခုခံကာကွယ်ရန် စီစဉ်ခဲ့သလို အလွန်စိုးရိမ်နေသေးသော်လည်း သခင်လေးသည် သူ့လက်ထဲတွင် အပိုအခင်းအကျင်း တစ်ခု အမှန်တကယ် ရှိနေမယ်လို့ မမျှော်လင့်ထားချေ။

ဤသို့ဖြင့် သူတို့နှစ်ဦးန ပူးပေါင်းဆောင်ရွက်မှုသည် အလွန်အစွမ်းထက်သွားသည်။

"မင်းထွက်မလာရင် ကောင်းပါတယ်... ဒါပေမဲ့ မင်း ဒီအခင်းအကျင်း နှစ်ခုနဲ့ ဘယ်လောက်ကြာကြာ ခံနိုင်မလဲဆိုတာ ငါကြည့်ချင်သေးတယ်..."

ဂိုဏ်းဆရာနယ်ပယ် အထွတ်အထိပ်အထိ ကျင့်ကြံခဲ့ပြီးပြီမို့ သူသည်လည်း ငတုံးတော့ မဟုတ်ချေ။ တစ်ဖက်လူက ထွက်မလာဘူးဆိုရင် ထိုလူရဲ့ စိတ်စွမ်းအားတွေ ကုန်သွားတဲ့အထိ စောင့်ဖို့ကလွဲပြီး ရွေးစရာမရှိဘူး ဆိုတာကို သူသိသည်။

တစ်ဖက်လူသည် အတုတံဆိပ်နယ်ပယ်တွင်သာ ရှိနေသည်။ ဂိုဏ်းဆရာနယ်ပယ် အထွတ်အထိပ် အဆင့်နှင့် ယှဉ်နိုင်မည်ဟု သူမယုံပါ။

နေရာတွင် မလှုပ်မယှက် ရပ်နေသော သူ့ခန္ဓာကိုယ်ပေါ်တွင် ဒေါသမျက်နှာဖုံး တစ်ခု ပေါ်လာပြီး မျက်လုံးများကို ဖြည်းညှင်းစွာ မှိတ်ထားလိုက်သည်။

မျက်လုံးတွေကို မှိတ်ထားရင် လှည့်စားမှုတွေကြောင့် စိတ်ရှုပ်နေမှာ မဟုတ်ဘူး။ ဝိညာဥ်စွမ်းအင်ကို ထုတ်လွှတ်ထားရင် ပြိုင်ဘက်ရဲ့ ခိုးဝင်တိုက်ခိုက်မှုကို ကြောက်စရာ မလိုတော့ဘူး။ အချိန်အကြာဆုံး တောင့်ခံထားနိုင်ဖို့ စွမ်းအားအနည်းဆုံးကို သုံးထားသည်။

ဒါမှာ ရည်ရွယ်ထားတဲ့ ရန်သူကို အသေသတ်နိုင်မှာ ဖြစ်သည်။

ဒီလှည့်ကွက်က တကယ်ပဲ အလုပ်ဖြစ်ခဲ့တယ်။ သုံးမိနစ်အကြာမှာတော့ အခင်းအကျင်း တစ်ခုလုံး တုန်လှုပ်နေပြီး မတည်မငြိမ် ဖြစ်လာပြီဆိုတာကို သူ ရှင်းရှင်းလင်းလင်း ခံစားလိုက်ရသည်။

ဟူ!

တစ်ဖက်ခြမ်းရှိ အတုတံဆိပ်နယ်ပယ် ကောင်လေးသည် သူ၏စစ်မှန်သော စွမ်းအင်အားလုံးကို ကုန်ဆုံးတော့မည် ထင်သည်။

ဒင် ဒင် ဒင် !

ဝိညာဥ်စွမ်းအင်ကို အလွန်အကျွံ သုံးစွဲမှုကြောင့် ဤအချိန်တွင် ဓား၏ တောက်ပမှုမှာ စွမ်းအား မရှိသလောက်ပင် ဖြစ်သည်။ လူကြီးထုတ်လွှတ်ထားသော ဝိညာဥ်စွမ်းအင်ပေါ် ပြုတ်ကျသောအခါ မိုးရေစက်များနှင့် များစွာ ကွာခြားမှု မရှိသလို သူ့အပေါ်လည်း ထိခိုက်မှု မရှိခဲ့ပေ။

"ဟားဟား.... မင်းရဲ့ စစ်မှန်တဲ့ ဝိညာဥ်စွမ်းအင်တွေ ကုန်ဆုံးသွားပြီလား? ဒါဆိုရင်တော့ မင်းရဲ့ သေချိန်ရောက်လာပြီပေါ့!"

တိုက်ခိုက်ခြင်း၏ စွမ်းအားကို ခံစားလိုက်ရသဖြင့် ဂိုဏ်းဆရာနယ်ပယ် အထွတ်အထိပ် အဆင့်ရှိလူ၏ မျက်လုံးများ လင်းလက်သွားသည်။

သူ၏အသံဆုံးသည်နှင့် တပြိုင်နက် အခင်းအကျင်းသည် စစ်မှန်သော ဝိညာဥ်စွမ်းအင် ထောက်ပံ့မှု မရှိခြင်းကြောင့် တခဏအတွင်း ကွယ်ပျောက်သွားသည်။

ဟူ!

အခင်းအကျင်း၏ အကာအကွယ် မပါတော့သောအခါ လူငယ်နှင့် မုယန်ဖုန်းတို့သည် မလှမ်းမကမ်းတွင် ရုတ်တရက် ပေါ်လာသည်။

ဂိုဏ်းဆရာနယ်ပယ် အထွတ်အထိပ် အဆင့်ရှိ သန်မာသောလူသည် ခေါင်းမော့ကြည့်လိုက်သော် လူငယ်၏ မျက်နှာသည် ဖြူဖျော့နေပြီး အားနည်းလွန်းသဖြင့် အချိန်မရွေး လဲကျသွားတော့မလို့ ဖြစ်နေတာ တွေ့ရ၏။

"မုယန်ဖုန်း....ဒီအခင်းအကျင်း တံဆိပ်ပြားကို မြန်မြန် အသက်သွင်းလိုက်!"

အခင်းအကျင်း ပျောက်ကွယ်သွားသည်ကို မြင်လိုက်ရသည်နှင့် လူငယ်သည် မျက်လုံးများကို မှိတ်ထားလိုက်ပြီး မလှမ်းမကမ်းရှိ မုယန်ဖုန်းဆီသို့ သူ့လက်ထဲမှ တံဆိပ်ပြား အလျင်အမြန် ပစ်ပေးလိုက်သည်။

"အခုပြောင်းဖို့ အရမ်းနောက်ကျသွားပြီ!"

မုယန်ဖုန်းသည် အခင်းအကျင်း တံဆိပ်ပြားကို ပြန်လည်အသက်သွင်းကြောင်း သိလိုက်ရသဖြင့် တင်းမာသွားသည်။ အခင်းအကျင်းကို ထပ်အသက်သွင်းလိုက်ရင် ၎င်းတွင် ထပ်မံပိတ်မိနေလိမ့်မည်။ အထွတ်အထိပ် အဆင့်ကြီးက သူ့ဆန္ဒကို မည်သို့ဖြည့်ဆည်း ပေးနိုင်မည်နည်း။

လှောင်ပြောင်သံနှင့်အတူ ခန္ဓာကိုယ်သည် လျင်မြန်စွာ ပြေးထွက်သွားကာ လက်ဖဝါးသည် ပျံတက်သွားသော အခင်းအကျင်း တံဆိပ်ပြားကို ဖမ်းထားလိုက်သည်။

သူ့အမြင်တွင် ကောင်လေးသည် သူ၏စစ်မှန်သော ဝိညာဥ်စွမ်းအင်ကို ဆုံးရှုံးသွားပြီး သူ့တွင် အကာအကွယ် ရှိသည်ဖြစ်စေ၊ မရှိသည်ဖြစ်စေ ထူးခြားမှု မရှိပေ။

ဟူ!

သူ၏အရှိန်သည် အလွန်လျင်မြန်လွန်းသဖြင့် မျက်စိတစ်မှိတ်အတွင်း မီတာဆယ်နှင့်ချီ၍ ခုန်တက်သွားသည်။

"ဟားဟား....အဆင့်၈ အထွတ်အထိပ် အခင်းအကျင်းပဲ... ဒီအရာနဲ့ဆို ငါ့ရဲ့ ခွန်အားတွေ အများကြီး တိုးတက်လာလိမ့်မယ်"

တံဆိပ်ပြားကို လက်ထဲတွင် ကိုင်လျက် ဂိုဏ်းဆရာနယ်ပယ် အထွတ်အထိပ် အဆင့်က ကျယ်လောင်စွာ ရယ်မောလိုက်ပြီး လုရွှမ် နှင့် အခြားနှစ်ယောက်ကို လှည့်ကြည့်လိုက်တော့ "ဘန်း!"ဟူသော အသံက ရုတ်တရက် ထွက်ပေါ်လာပြီး မရေမတွက်နိုင်သော ဝိညာဥ်ချီများ သူ့ခန္ဓာကိုယ်တစ်ဝိုက်တွင် လေဖိအား တစ်ခုအဖြစ် ထွက်ပေါ်လာသည်။

အခင်းအကျင်းကို အသက်မသွင်းနိုင်အောင် တံဆိပ်ပြားကို ပြေးဖမ်းလိုက်ပေမယ့် ဖမ်းမိလိုက်သည်နှင့် ထိုအရာက အသက်ဝင်လာတော့သည်။

ဝှစ် ဝှစ်ဝှစ်

ဓားစွမ်းအင်၏ အသံများ ဆက်တိုက်ထွက်ပေါ်လာပြီး ဂိုဏ်းဆရာနယ်ပယ် အထွတ်အထိပ်အဆင့် လူကြီး မတုံ့ပြန်မီတွင် သူ့ခန္ဓာကိုယ်အတွင်း ပြင်းထန်သော နာကျင်မှု လှိုင်းတံပိုးများ ရိုက်ခတ်ခြင်းကို ခံလိုက်ရပြီး ဓားအလင်းသည် သူ့နှလုံးသားထဲသို့ ထိုးဖောက် ဝင်ရောက်သွားလေသည်။

သူ့ခေါင်းကို လှည့်ကြည့်လိုက်တော့ လူငယ်လေးရဲ့လက်ထဲမှာ သတ်ဖြတ်ခြင်းတစ်ခု ရှိနေတာကို တွေ့လိုက်ရသည်။

"မင်း မင်းမှာဘာလို့ ဝိညာဥ်စွမ်းအင်တွေ ရှိနေသေးတာလဲ?"

အဘိုးကြီးသည် သူ့သွားတွေကို အံကြိတ်ပြီး အော်ပြောလိုက်ရင်း သူသေခါနီးမှာ မယုံနိုင်လောက်အောင် ဖြစ်သွားခဲ့သည်။

ဂိုဏ်းဆရာနယ်ပယ် အထွတ်အထိပ်တွင် သူသည် စွမ်းအင်ချွေတာမှု အရှိဆုံး နည်းလမ်းကို အသုံးပြုကာ သူ၏ခန္ဓာကိုယ် အတွင်းမှ စွမ်းအင်များကို ဖိနှိပ်ထားခဲ့သည်။

တစ်ဖက်ကလည်း ဝိညာဥ်စွမ်းအင်များ ကုန်ဆုံးလုနီးပါး ဖြစ်နေပြီ ဖြစ်သည်။ ထို့ကြောင့် သူကတံဆိပ်ပြားကို ထပ်မံ အသက်မသွင်းနိုင်အောင် ပြေးဖမ်းလိုက်ခြင်းပင်။ သို့သော် တစ်ဖက်လူရဲ့ လှည့်စားမှုတစ်ခု ဖြစ်မယ်လို့ တစ်ခါမှ စိတ်ကူးမယဉ်ခဲ့ဖူးဘူး။

ကျင့်ကြံမှုအဆင့် တိုးလာသည်နှင့်အမျှ စစ်မှန်သော ဝိညာဥ်စွမ်းအင်သည် တဖြည်းဖြည်း တိုးလာမည်ဖြစ်သည်။ ပြိုင်ဘက်သည် အတုတံဆိပ်နယ်ပယ်၏ အစောပိုင်းအဆင့်တွင်သာ ရှိပြီး တစ်ချိန်တည်းတွင် အခင်းအကျင်းနှစ်ခုကို သုံးစွဲနိုင်ခြင်းသည် သူ့ထက် အဆများစွာ ကြာမြင့်သည်။

ဒါတောင်သူ့မှာ စစ်မှန်တဲ့ ဝိညာဥ်စွမ်းအင် ဘယ်လိုလုပ် ရှိနေနိုင်သေးတာလဲ?

ဘုန်း!

အလောင်းသည် မြေပြင်ပေါ် လဲကျသွားသည်။

ဟူး

သူလုံးဝသေသွားသည်ကို မြင်ရတော့မှ လုရွှမ်သည် သက်ပြင်းတစ်ချက်ချကာ မောပန်းနွမ်းနယ်မှု အရိပ်အယောင်များ ချက်ချင်းပေါ်လာပြီး သူ့ခန္ဓာကိုယ်က အလိုအလျောက် တုန်ခါသွားသည်။

တစ်ဖက်လူရဲ့ တွေးခေါ်ပုံနဲ့ လုပ်ရပ်တွေ အားလုံးမှန်ပေ၏။ တစ်ချက်မှားသွားတာက သူ ပထမအဆင့် နန်းတော်ပင်လယ်ကို မမျှော်လင့်ထားခြင်းပင်။

သူ့ရဲ့နန်းတော်ပင်လယ် ပထမအဆင့်တွင် အံ့ဩဖွယ်ရာ စွမ်းအင် အသိုက်အဝန်း တစ်ခုရှိသည်။ အခင်းအကျင်းနှစ်ခုကို တစ်ချိန်တည်းတွင် ထိန်းချုပ်ထားသော်လည်း စစ်မှန်သော ဝိညာဥ်စွမ်းအင်ကို ဦးစွာ ဆုံးရှုံးသွားသူမှာ တစ်ဖက်လူ ဖြစ်သည်။

"ဝူယန်အင်ပါယာရဲ့ အဓိက မိသားစုသုံးစုထဲက ဂိုဏ်းဆရာနယ်ပယ်က လူတစ်ယောက်ဆီမှာ ပစ္စည်းကောင်းလေးတွေ မနည်းလောက်ဘူး!"

သူ၏ ပင်ပန်းနွမ်းနယ်မှုကို ခဏမေ့ထားကာ လုရွှမ်သည် မြေပြင်ပေါ်တွင် လဲလျောင်းနေသော သုံးယောက်ကို ကြည့်ကာ ရယ်မောလိုက်သည်။