ချင်မိသားစု၏တုံ့ပြန်မှု

ဟန်ရောင်ရဲ့ အမြင်အရတော့ လူတွေရဲ့ စွမ်းအင်ဟာ အကန့်အသတ် ရှိကြသည်။ ငယ်ရွယ်တဲ့ သခင်လေးက ဒီအသက်အရွယ်မှာ ဒီလို တိုက်ခိုက်နိုင်တဲ့ စွမ်းအားတွေ ပိုင်ဆိုင်ထားတာ အံ့သြစရာပါပဲ။

ဒါတောင် အဆင့်၆ အခင်းအကျင်း မှော်ဆရာ ဖြစ်နေသေးသည်။

ဒါတင်မကသေး သူက အဂ္ဂိရတ်ပညာရှင်ကြီး ကူယကတောင် ငိုမတတ် တောင်းဆိုနေရတဲ့ အဂ္ဂိရတ် ဆရာသခင်ပါ ဖြစ်နေတုန်းပဲလား။

ဒါက ဖြစ်ရောဖြစ်နိုင်ရဲ့လား။

ကူယက ဘယ်သူလဲ။ ဝူယန်အင်ပါယာမှာ နံပါတ်တစ်ဟု လူအများ သိကြသော အဆင့်၈ အဂ္ဂိရတ်ဆရာ ဖြစ်လေသည်။ မုယန်ဖုန်းပြောသည့် စကားသာ မှန်ပါက သခင်လေးသည် အနည်းဆုံး အဆင့်၉ အဂ္ဂိရတ်ဆရာကြီးဟု မဆိုလိုပေလော။

ဟန်ရောင်ရဲ့ လည်ချောင်းတွေ ခြောက်သွေ့သွားသလို ခံစားလိုက်ရသည်။

အမှန်ဆိုလျှင် ဤသခင်လေးသည် ကောင်းကင်နှင့် ဆန့်ကျင်ဘက် ဖြစ်နေပြီ။

"သူက တစ္ဆေအဖွဲ့က လူကြီးမင်းတစ်ယောက်ရဲ့ နောက်မျိုးဆက် ဖြစ်နေမှာတောင် ကြောက်ရတယ်...."

စိတ်ထဲမှာ တဆတ်ဆတ် တုန်ယင်လာပြီး အတွေးတစ်ခု ပေါ်လာခဲ့သည်။

လုရွှမ်ကို သခင်ငယ်လေးဟု မှတ်ယူသည်က မုယန်ဖုန်းနှင့်မတူဘဲ သူသည် တစ္ဆေအဖွဲ့၏ ကျိန်ဆိုချက်ဖြင့် ချည်နှောင်ထားသောကြောင့် ဖြစ်သည်။ အစပိုင်းတွင်တော့ အတုတံဆိပ်နယ်ပယ် သာရှိသည့် လူငယ်လေးကို ကာကွယ်ရခြင်းသည် အနည်းငယ် နိမ့်ကျမည်ဟု သူထင်ခဲ့သည်။

ယခုတော့ ထိုကဲ့သို့မဟုတ်ပဲ ဂုဏ်ယူနေရမည့် အရာဖြစ်ကြောင်း သူသဘောပေါက်လာသည်။

၁၆ ၁၇နှစ်အရွယ် အဆင့်၉ အဂ္ဂိရတ်ပညာရှင်။

သူ မပြုတ်ကျသရွေ့ သေမျိုးနယ်ပယ် အဆင့်၏ အောင်မြင်မှုသည် လုံးဝသေချာပြီး တောက်ပသော အနာဂတ်ကို ရရှိရန် အလားအလာ ပိုများလေသည်။

ဤပုဂ္ဂိုလ်မျိုးသည် အခြွေအရံအဖြစ် ရှာဖွေတဲ့အခါ သေမျိုးအသွင်ပြောင်းခြင်း နယ်ပယ်မှ တစ်စုံတစ်ဦး ရောက်လာလျှင်ပင် သူသည် အစေခံဖြစ်ရန် ဆန္ဒရှိပေလိမ့်မည်။

ဒီအသက်အရွယ်မှာ ဒီစွမ်းရည်ရှိနေရင် တစ္ဆေအဖွဲ့မှာလည်း သူ့ အဆင့်အတန်းက မနိမ့်ဘူးလို့ ဆိုလိုရမှာပဲ မဟုတ်လား?

"ဘာလဲ... ဒါက မယုံနိုင်စရာပဲလို့ ခံစားရလို့လား?"

ဟန်ရောင်ရဲ့ အသွင်အပြင်ကို မြင်တော့ မုယန်ဖုန်းက ပြုံးလိုက်ပြီး

"သခင်လေးရဲ့ အံ့ဩစရာကောင်းတဲ့ စွမ်းရည်က ဒါတင်မကဘူး!"

"ဒါတင်မကဘူးလား?"

"ဘာပဲဖြစ်ဖြစ် ကျုပ်သိသလောက်တော့ သခင်လေးက လက်မှုပညာရှင် တစ်ယောက်လည်း ဖြစ်နေသေးတယ်... သူ့မှာ အဆင့်၉ ဆေးမီးဖိုတစ်ခုရှိတယ်... သူကိုယ်တိုင် သန့်စင်ထားတာ အဓိကက ပစ္စည်းမရှိလို့!"

မုယန်ဖုန်းက ဆို၏။

ဝမ့်ဖုန်း ချိုင့်ဝှမ်းတွင် လေ့ကျင့်ကြစဉ်က လုရွှမ်သည် ဆေးလုံး သန့်စင်ရန်အတွက် အဂ္ဂိရတ် ဆေးမီးဖိုကို ထုတ်ယူခဲ့သည်။ ထို့ကြောင့် ဤအဂ္ဂိရတ်မီးဖိုအကြောင်း အနည်းငယ်ကို သိရှိခဲ့ရသည်။

"အဆင့်၉ အဂ္ဂိရတ်မီးဖိုကို သုံးဖို့ ပစ္စည်းတွေ မလုံလောက်ခဲ့ဘူး?"

ဟန်ရောင်သည် သူ့တစ်ကိုယ်လုံး တောင့်တင်းနေသည်ဟုသာ ခံစားမိတော့သည်။

အဆင့်၉ အဂ္ဂိရတ်မီးဖိုကို ချပြလိုက်တာက သူဟာ အဆင့်၉ အဂ္ဂိရတ်ဆရာ ဖြစ်တယ်လို့ မဆိုလိုဘူးလား။

၎င်းကို ကြည့်ခြင်းအားဖြင့် အဆင့်၉ အဂ္ဂိရတ်ပညာရှင်နှင့် အဆင့်၉ လက်နက်သန့်စင်သူသည် အဆင့်၉ အခင်းအကျင်း မှော်ဆရာ ဟုမဆိုလိုပေဘူးလား။

သူဘယ်လိုများ လုပ်ခဲ့တာလဲ?

"ချင်ဟွာက ပါရမီရှင်ကြီး တစ်ယောက်လို့ ငါထင်ခဲ့ဖူးတယ်...ဒါပေမဲ့ သူက သခင်လေးနဲ့ယှဉ်ရင် ဘာမှမရှိတော့ဘူးပဲ"

ချင်ဟွာသည် အသက်၂၀ ကျော်တွင် ဂိုဏ်းဆရာနယ်ပယ်သို့ ရောက်ရှိခဲ့ပြီး ဓားနှလုံးသား ၏အလယ်အလတ် အဆင့်အထိ ဓားကျွမ်းကျင်မှုကိုပင် လေ့ကျင့်နိုင်ခဲ့သည်။ သူသည် အလွန်ကောင်းသော ပါရမီရှင်ဖြစ်နေပြီဟု ထင်ခဲ့သည်။

သခင်လေးကို မြင်ပြီးနောက်မှ ၎င်းသည် ရိုးရိုးငါးတစ်ကောင် နှင့်နဂါးကြား ကွာခြားချက်ကို သိရှိလာခဲ့သည်။

ပါရမီရှင်အားလုံးသည် သခင်လေး၏ရှေ့တွင် ဒူးထောက်ကြရလိမ့်မည်။

သခင်လေးအပေါ် ချင်ဟွာ၏ တစ်ခုတည်းသော အားသာချက်မှာ ဓားပညာကို ကောင်းစွာနားလည်ခြင်းပင် ဖြစ်သည်။

"တကယ်တော့ ကျုပ်ဒီအရာတွေကို သဘောကျပေမယ့် အဲဒါတွေကို နားလည်နိုင်တုန်းပဲ။ နောက်ဆုံးတော့ လက်မှုပညာရှင်၊ အဂ္ဂိရတ်ပညာရှင် နဲ့ အခင်းအကျင်းပညာရှင်တွေ အားလုံးက ဝိညာဉ်စွမ်းအားရဲ့ အတိုင်းအတာနဲ့ ဆက်စပ်နေကြတာ... ဝိညာဉ်စွမ်းအားရဲ့ အတိုင်းအတာအထိတော့ ဒါဟာ မဖြစ်ပါဘူး သူတို့အားလုံး ရှေ့တိုးဖို့ ခက်တာပဲ ရှိတယ်!"

ဟန်ရောင်ရဲ့ ထိတ်လန့်တုန်လှုပ်မှုကို မမြင်လိုက်ဘဲ မုယန်ဖုန်းက တစ်ခုခုကို တွေးမိပြီး သူ့မျက်လုံးတွေက ထိန်းမနိုင်သိမ်းမရ သဘောကျမှုတွေကို ပြသနေ၏။

"မယုံနိုင်စရာကောင်းတဲ့ အရာက သခင်လေးရဲ့ ဓားပညာကို ကောင်းကောင်း နားလည်ထားတာပဲ.... ကျုပ်ကိုယ်တိုင် မျက်စိနဲ့ မြင်ခဲ့တာ အဲဒါက လူနဲ့ဓားပေါင်းစည်းခြင်း နယ်ပယ်အထိတောင် ရောက်နေပြီ....မဟုတ်သေးဘူး လူနဲ့ဓားပေါင်းစပ်ခြင်းရဲ့ အဆင့်မြင့် အဆင့်ဖြစ်မယ်!"

"အဆင့်မြင့်အဆင့် လူနှင့် ဓားပေါင်းစပ်မှု?"

ချင်ဟွာသည် ဓားရေးကျွမ်းကျင်သည်ဟု ယခုပင် သူထင်ခဲ့သော်လည်း ထိုစကားကို ကြားသောအခါ ဟန်ရောင်၏ ခြေဖဝါးများ ပျော့သွားကာ လဲကျလုမတတ် ဖြစ်သွားသည်။

အဂ္ဂိရတ်ပညာ၊ လက်နက်သန့်စင်ခြင်းနှင့် အခင်းအကျင်း ဖွဲ့စည်းခြင်းဆိုင်ရာ အဓိကစွမ်းရည် သုံးရပ်သည် ကွဲပြားသော်လည်း ၎င်းတို့တွင် တူညီသော ဝိသေသလက္ခဏာတစ်ခု ဖြစ်သည့် ဝိညာဉ်စွမ်းအား အတိုင်းအတာ ရှိသည်။

ဝိညာဉ်စွမ်းအား အတိုင်းအတာ လုံလောက်သရွေ့ အဓိက စွမ်းရည်သုံးရပ်ကို တစ်ပြိုင်နက်တည်း တိုးတက်စေရန်အတွက် လုံး၀ နားလည်နိုင်သည်။

သို့သော် ဓားကျွမ်းကျင်မှုမှာ ကွဲပြားသည်။ ၎င်းသည် အအေးနှင့် အပူတွင် စွမ်းရည်နှင့် အဆက်မပြတ် လေ့ကျင့်နိုင်ရန် လိုအပ်သည်။

ဂိုဏ်းဆရာနယ်ပယ် ပြီးပြည့်စုံခြင်း အဆင့်က သန်မာသော သခင်သည်ပင် လူသားနှင့် ဓား၏ ပေါင်းစည်းမှုနယ်ပယ်သို့ မရောက်နိုင်သေးပေ။ သခင်လေးက ရောက်ထားရုံသာမက အဆင့်မြင့် အဆင့်ပင် ဖြစ်နေသည်။

ခဏလောက်ကြာတော့ ဟန်ရောင်ဟာ ဒီသခင်ငယ်လေးဟာ လူသားတွေရဲ့ နယ်ပယ်ကို ကျော်လွန်နေပြီ ဖြစ်တဲ့ နတ်ဝိညာဉ် တစ်မျိုးဖြစ်မယ်လို့ ခံစားလိုက်ရသည်။

မလေးစားဘဲတောင် မနေနိုင်တော့ဘူး။

အဂ္ဂိရတ်ပညာ၊ လက်နက်သန့်စင်ခြင်း၊ အခင်းအကျင်း ဖွဲ့စည်းခြင်းနှင့် ကျင့်ကြံခြင်းတို့သည် ကောင်းကင်နှင့် ဆန့်ကျင်ဘက်ဖြစ်သည်။

ဒါဆိုရင် ထားပါတော့ အဓိက ဓားနည်းပညာမှာ လူသားနှင့် ဓားတို့၏ ပေါင်းစည်းမှု နယ်ပယ်တောင် ရောက်သွားပြီတဲ့လေ။ မိမိမိသားစုထဲက ဘိုးဘေးများပင် မရောက်နိုင်သော အခြေအနေတစ်ခု ဖြစ်သည်။

လုရွှမ်သည် အဂ္ဂိရတ် သန့်စင်နေစဥ် မုယန်ဖုန်းနှင့် ဟန်ရောင်တို့က ကာကွယ်ထားသော်လည်း အဓိက မိသားစုသုံးစုမှ ချင်မိသားစုမှာ ပေါက်ကွဲသွားနေပြီ ဖြစ်သည်။

"အကြီးအကဲချင်ယို....အကြီးအကဲချင်ပေါင်း...."

ခန်းမထဲမှာ ပြန့်ကျဲနေတဲ့ အလောင်းသုံးလောင်းကို ကြည့်လိုက်ပြီး ချင်ရှောင်းရဲ့ မျက်လုံးတွေက အေးစက်သွားက သူ့မျက်နှာကလည်း မည်းမှောင်သွားသည်။

ချင်မိသားစုတွင် ကြီးကျယ်သော အသက်မွေးဝမ်းကျောင်း လုပ်ငန်းတစ်ခု ရှိလျှင်ပင် ဂိုဏ်းဆရာနယ်ပယ် နှောင်းပိုင်းအဆင့်တစ်ဦးနှင့် အလယ်အလတ်အဆင့် နှစ်ဦးကို တစ်ရက်တည်း ဆုံးရှုံးလိုက်ရခြင်းသည် လက်ခံနိုင်စရာ မရှိချေ။

"အိမ်တော်သခင်....ဒါက ဘာတွေဖြစ်နေတာလဲ ဆိုတာ တစ်ချက်လောက် ရှင်းပြသင့်တယ် မဟုတ်လား?"

တံခါးပွင့်လာပြီး ဆံပင်ဖြူ မုတ်ဆိတ်ဖြူနဲ့ အဘိုးကြီးတစ်ယောက် ဝင်လာသည်။

အကြီးအကဲကြီး ချင်ဟန်။

အကြီးအကဲကြီး ချင်ဟန်သည် ဂိုဏ်းဆရာနယ်ပယ် ပြီးပြည့်စုံခြင်း အဆင့်က သန်မာသောသခင် ဖြစ်ပြီး အမြင့်မြတ်ဆုံး အဓိပတိနယ်ပယ် ဘိုးဘေးအောက်တွင် နံပါတ်တစ်ပုဂ္ဂိုလ် ဖြစ်လို့ မိသားစုခေါင်းဆောင် ချင်ရှောင်းပင်လျှင် အနည်းငယ် ကြောက်ရသည်။

မျိုးနွယ်စုရှိ အကြီးအကဲ သုံးဦးဆက်တိုက် သေဆုံးမှုသည် ဤသူကို ထိတ်လန့်စေခဲ့သည်။

"အတုတံဆိပ်နယ်ပယ်က ကလေးတစ်ယောက်ကို သတ်ဖို့ ကျွန်တော်သူတို့ကို စေလွှတ်လိုက်တာ...ပြန်ရလိုက်တဲ့ အရာက သူတို့ရဲ့ အလောင်းတွေ ဖြစ်နေတာပဲ!"

ချင်ရှောင်း၏ မျက်နှာမှာ အင်မတန် မည်းမှောင်နေ၏။

"အတုတံဆိပ်နယ်ပယ်က ကလေးက ဘယ်သူလဲ? ကျောက်မိသားစုက ကျောက်ကောင်းလား? ဒါမှမဟုတ် ဟန်မိသားစုက ဟန်လင်လား?"

အဘိုးကြီးသည် မျက်ခုံးပင့်လိုက်သည်။

ကျောက်ကောင်းနှင့် ဟန်လင်တို့သည် ကျောက်မိသားစုနှင့် ဟန်မိသားစုမှ ငယ်ရွယ်ပြီး အရည်အချင်း ရှိသော လူငယ်များဖြစ်သည်။ အဓိက မိသားစုသုံးစုထဲ စွမ်းရည်ပြည့်ဝသော အတုတံဆိပ် နယ်ပယ်သို့ ရောက်ရှိသွားကြပြီး ဂိုဏ်းဆရာနယ်ပယ်နှင့် ခြေတစ်လှမ်းသာ ကွာဝေးပါတော့သည်။

နှစ်တွေ ကြာလာတာနဲ့အမျှ သူတို့နှစ်ယောက်ဟာ နံပါတ်တစ် လူငယ်တစ်ယောက် ဖြစ်တဲ့ ချင်ဟွာနဲ့ အပြိုင်အဆိုင် ယှဉ်ပြိုင်ခဲ့ကြပေမယ့် နောက်ဆုံးမှာတော့ ချင်ဟွာသည် သူတို့ကို အောင်မြင်စွာ ဖြတ်ကျော်နိုင်ခဲ့ပါသည်။

"အဲဒါက သူတို့ မဟုတ်ဘူး.... လုရွှမ်ဆိုတဲ့ ကောင်လေးပဲ!"

ချင်ဟွာက အဖြစ်အပျက်တွေကို ပြန်ပြောပြလိုက်သည်။

"လုရွှမ်ဆိုတဲ့ ကောင်လေးက ဟန်မိသားစုရဲ့ ပံ့ပိုးမှုနဲ့ ချင်ဟွာကို ဒဏ်ရာရစေရုံသာမက အကြီးအကဲတွေ ဖြစ်တဲ့ ချင်ယိုနဲ့ ချင်ပေါင်တို့ သုံးယောက်ကိုပါ သတ်ခဲ့တယ်လို့ မင်းပြောချင်တာလား?"

ထိုရှင်းပြချက်ကို နားထောင်ပြီးနောက် ချင်ဟန်၏ မျက်နှာသည် ရေခဲကဲ့သို့ အေးစက်သွားသည်။

"ဟုတ်တယ်...ကျွန်တော် လူတွေလွှတ်ပြီး ဟန်မိသားစုကို အနီးကပ် စောင့်ကြည့်ခဲ့တယ်....ယန်ရောင်က တခြားသူတွေကို ထိန်းထားပြီး အန္တရာယ်ရှိမှန်းတောင် မသိကြဘူး.... ဘာမှလုပ်လို့မရဘူး"

ချင်ရှောင်းက ဆိုလိုက်သည်။

"တော်တော် သတ္တိကောင်းနေတာပဲ!"

ချင်ဟန်က သူ့လက်ဖဝါးကို ဝေ့ယမ်းလိုက်သည်နှင့် လေထဲတွင် တိုးညှင်းသော အသံတစ်ခု ထွက်ပေါ်လာပြီး သူ့မျက်ခုံးနက် နှစ်ခုသည်လည်း ထက်ရှသော ဓားရှည်နှစ်ချောင်းကဲ့သို့ တွန့်ချိုးသွားသည်။

"ငါတို့ရဲ့ ချင်မိသားစုက ဒီနှစ်တွေ တစ်လျှောက်လုံး တိတ်တိတ်ဆိတ်ဆိတ် နေလာခဲ့တော့ ချင်မိသားစုရဲ့ တန်ဖိုးအာဏာနဲ့ ချင်ဟန်အကြောင်း လူတော်တော်များများ မေ့နေကြပုံရတယ်...."

"အကြီးအကဲကြီး... ဒီကိစ္စကို ဘယ်လိုဖြေရှင်းကြမလဲ"

ချင်ရှောင်းက တချက်ကြည့်လိုက်သည်။

"ဘာဆက်လုပ်ရ ဦးမှာလဲ? ချင်မိသားစုရဲ့ တပည့်ကို ဒဏ်ရာရစေပြီး ချင်မိသားစုရဲ့ အကြီးအကဲတွေကို သတ်ပစ်ပြီးမှတော့ သွေးကြွေးအတွက် သွေးကြွေးပဲပေါ့.... ဟန်မိသားစုက ဘာမှမလုပ်ရင် ကောင်းပါတယ် ဒါပေမဲ့ ငါသူတို့ကို သင်ခန်းစာ ကောင်းကောင်းပေးပြီး ဝူယန်အင်ပါယာမှာ ဘယ်မိသားစုက အင်အားအကောင်းဆုံးလဲ သူတို့သိသွားစေရမယ်"

ချင်ဟန်၏ မျက်လုံးများ မှိန်ဖျော့သွားကာ လွှမ်းမိုးချုပ်ကိုင်နိုင်သော လေများ တိုက်ခတ်လာသည်။

"ကျွန်တော် ပြောခဲ့တယ်မလား... ဒါပေမဲ့ ဘုရင်မင်းမြတ်က တစ်ဖက်လူကို ကူညီနေတာ သိသာတယ် ပြီးတော့ ဘုရင်ရွှမ်လို့တောင် တင်စားခေါ်ဝေါ်ခဲ့သေးတယ်....ကျွန်တော်တို့က ပွင့်ပွင့်လင်းလင်း လုပ်ရင် ဘုရင်မင်းမြတ်ကို စော်ကားမိမှာကို ကြောက်ရတယ်"

ချင်ရှောင်း ခဏတုံ့ဆိုင်းသွားပြီး ပြောလိုက်သည်။

"မင်းဘုရင်မင်းမြတ်က လူမိုက်တွေရဲ့ လှည့်စားခြင်းကို ခံနေရတာပဲ.... ငါတို့ရဲ့ ချင်မိသားစုက တကယ်လုပ်ချင်ရင် ဘုရင်မင်းမြတ်က ခုခံကာကွယ်နေရင်တောင် မဖြစ်နိုင်ဘူး...မျက်နှာသာပေးချင်ရင် အဲ့ကောင်လေးထက် ချင်မိသားစုကြီးကို မျက်နှာသာပေးမှာပဲလေ!"

အကြီးအကဲက အော်ဟစ်လိုက်သည်။

"ဒါအမှန်ပဲ! ဘုရင်ရွှမ်.... ဘုရင်ရွှမ်က ဘွဲ့တစ်ခုပဲလေ....သူသေရင် သဘာဝအတိုင်း ပျောက်ကွယ်သွားလိမ့်မယ်!"

ချင်ရှောင်းက သဘောပေါက်သွားပြီး သူ့ခန္ဓာကိုယ်ပေါ်မှ အေးစက်သော အသက်ရှုသံဖြင့် ခေါင်းကိုလှည့်လိုက်ကာ

"လာကြစမ်း!"

"ရှိ!"

"အကြီးအကဲ ချင်ရွှမ်း နဲ့ အကြီးအကဲချင်ကန်ကို သွားရှာလာခဲ့!"

"ဟုတ်!"

"ဟုတ်!"

လူနှစ်ယောက် အထဲဝင်လာပြီး ပြန်ပြေးထွက်သွားသည်။

"ငါတို့ချင်မိသားစုကို လာရှုပ်မှတော့ ဝူယန် တော်ဝင်မြို့တော်ရဲ့ ဟန်ချက်ကို တစ်ချက်လောက် လှုပ်ရှားပေးလိုက်တာပေါ့"