လိုက်သတ်ခြင်း

"ဒီကောင်လေးကို သတ်ပစ်ရမယ်!"

ရေပြာကန်အနားမှာ အဘိုးအိုနှစ်ယောက်သည် အရိပ်ထဲမှာ ပုန်းနေပြီး သွေးစွန်းနေတဲ့ ဝံပုလွေတစ်ကောင်ကို မြင်နေရသလို မျက်လုံးတွေက အရောင်တောက်နေသည်။

"ကျုပ်တို့ သူ့ကို အသက်ရှင်ခွင့် ပေးလိုက်ရင် သူကြီးပြင်းလာတာနဲ့အမျှ ချင်မိသားစုက ပြင်းထန်တဲ့ ထိုးနှက်ချက်ကို ခံရလိမ့်မယ်။ တစ်ခုတည်းသော နည်းလမ်းက သူ့ကို အခုသတ်ပစ်ဖို့ပဲ"

လူအိုကြီးက ခေါင်းညိတ်သည်။

"အရင်က သူဟန်ရောင်နဲ့ တစ်ချိန်လုံးရှိခဲ့တာ နောက်ပြီး တိမ်ဆွဲမျှော်စင်ကို ဝင်သွားတော့ ငါတို့မှာသူ့ကို သူဘာမှ လုပ်ခွင့်မရှိတော့ဘူး။ အခု လူအုပ်ကို ရှောင်ပြီး ဒီကိုလာခဲ့ပြီ ဆိုတော့.... ဒါက အခွင့်အရေးကောင်းပဲ!"

ဒုတိယ အဘိုးကြီးကလည်း ပြောသည်။

ချင်မိသားစု၏ အကြီးအကဲကြီး ချင်ဟန်နှင့် အိမ်တော်သခင် ချင်ရှောင်းတို့မှ လွှတ်လိုက်သော ချင်ရွှမ်းနှင့် ချင်ကန်တို့ အကြီးအကဲနှစ်ဦး ဖြစ်သည်။

လုရွှမ်သည် ယခင်က ဟန်ရောင်နှင့် အတူရှိခဲ့ပြီး အကယ်ဒမီ၏ ခြံဝန်းအတွင်း ကျွမ်းကျင်သူများစွာ နေထိုင်ကြရာ ၎င်းတို့မှာ လှုပ်ရှားဖို့အတွက် အခွင့်အလမ်း မရှိခဲ့ပေ။ ယခု လုရွှမ်သည် လူသူကင်းမဲ့သော ဤနေရာသို့ ရောက်လာခဲ့သည်က သူတို့လိုချင်တာနဲ့ အတိအကျ ဖြစ်နေသည်။

"အလျင်မလိုနေနဲ့.....ချင်ယိုနဲ့ ချင်ပေါင်းတို့ရဲ့ အလောင်းကို ငါကြည့်လိုက်တယ်....အဲဒီမှာ ပြေးနေတဲ့ အခင်းအကျင်းတွေရဲ့ သဲလွန်စတွေရှိတယ်... ဆိုလိုတာက ဒီကလေးမှာ အဆင့် ၈ အထက်ရှိတဲ့ အခင်းအကျင်းတွေ ရှိနိုင်တယ်!"

ချင်ရွှမ်းက ဆို၏။

"အဆင့်၈ အခင်းအကျင်းက ဘာဖြစ်လဲ? ငါကရော အခင်းအကျင်း ဖွဲ့စည်းပုံတွေကို မကျွမ်းကျင်လို့လား...ငါလည်း အဆင့်၅ အခင်းအကျင်းပညာရှင်ပဲလေ....အတုတံဆိပ်နယ်ပယ်က ကောင်လေးက မင်းလိုဂိုဏ်းဆရာနယ်ပယ် ပြီးပြည့်စုံခြင်း အဆင့်ကလူကို တားနိုင်မယ်လို့ ထင်နေလား?"

ချင်ကန်ကလည်း ပြောလိုက်သည်။

မြင်းထိန်း၏ လေ့ကျင့်မှု စွမ်းအားသည် မြင်းလှည်းငယ်ကဲ့သို့ ဖွဲ့စည်းခြင်း၏ စွမ်းအားအပေါ် သက်ရောက်မှုရှိနိုင်သည်။ သူ့လိုမြင်းထိန်းလေးက စစ်မှန်သော စွမ်းအင်မရှိဘဲ သာမန်အဖိုးအိုများနှင့် ဆက်ဆံရာတွင်သာ အဆင်ပြေနိုင်ပါသည်။

သို့သော် ဂိုဏ်းဆရာနယ်ပယ် ပြီးပြည့်စုံခြင်း အဆင့်က သန်မာတဲ့ သခင်တွေကို ရင်ဆိုင်ရရင်တော့ အလုပ်မဖြစ်တော့ပါဘူး။

"ဒါအမှန်ပဲ!"

ချင်ရွှမ်းကလည်း ခေါင်းညိတ်လိုက်ပြီး သူ့မျက်လုံးတွေက ယုံကြည်မှု အပြည့်နဲ့ တောက်ပနေသည်။

ဂိုဏ်းဆရာနယ်ပယ် ပြီးပြည့်စုံခြင်းအဆင့်သည် ဝူယန်အင်ပါယာ၏ အထွတ်အထိပ်ဆုံး အဆင့်တွင် ပါ၀င်သည်။ အခင်းအကျင်း ဖွဲ့စည်းမှုအားလုံး၊ ပူးပေါင်းကြံစည်မှု အားလုံး၊ ဤအကြွင်းမဲ့ ခွန်အား၏ ရှေ့မှောက်တွင် မျောပါသေဆုံးသွားသကဲ့သို့ ရယ်စရာကောင်းလှသည်။

"ဒီကောင်လေးက တော်တော် လှုပ်ရှားနိုင်တယ်... ဟန်မိသားစု၊ ကျောက်မိသားစု၊ ဝူယန်အကယ်ဒမီနဲ့ တော်ဝင်မိသားစု တွေကိုတောင် သံလွင်ခက်တွေကို ပေါ့ပေါ့ပါးပါး ပေးအပ်နိုင်ကြတယ်....လှုပ်ရှားတဲ့အခါ သတိထားရမယ်... ခြေရာလက်ရာ လုံးဝကျန်လို့ မဖြစ်ဘူး!"

"အင်း....အဲဒီ ဟန်ရွှယ်ကို ဘယ်လို ကိုင်တွယ်မလဲ? သူက ဟန်မိသားစုကလူ!"

"ငါတို့ လှုပ်ရှားလိုက်တာနဲ့ သူမ ငါတို့ကို သေချာပေါက် တွေ့လိမ့်မယ်...သူမသာ ဒီအကြောင်းကို ထောက်ပြလာရင် ဟန်မိသားစုနဲ့ ကျောက်မိသားစုက ချင်မိသားစုကို တိုက်ခိုက်ဖို့ အခွင့်အရေးကို အရယူထားနိုင်တယ် နောက်ပြီး သူမက တိမ်ဆွဲမျှော်စင်ကို ၆ထပ်အထိ ဖောက်ထွက်နိုင်တယ်.... အကန့်အသတ်မရှိတဲ့ အလားအလာနဲ့ ငါတို့ကို အတူတူသတ်နိုင်တယ်... ချင်မိသားစုအတွက် လျှို့ဝှက်အန္တရာယ်ကို တစ်ခါတည်း ဖယ်ရှားပစ်လိုက်ကြမယ်!"

"မှန်တယ်.... ရှင်းရှင်းပြောရရင် ဟန်မိသားစုက ငါတို့ကို လာစွပ်စွဲလည်း သက်သေမရှိဘူး!"

ချင်ရွှမ်း နှင့် ချင်ကန်၏ မျက်လုံးများသည် လူသတ်ရန် ရည်ရွယ်ချက်ဖြင့် တဖျပ်ဖျပ် ခတ်နေပြီး သူတို့၏ ခန္ဓာကိုယ်သည် မီးခိုးစိမ်းများကဲ့သို့ ရွေ့လျားကာ သတိမထားမိသော လုရွှအ်ဆီသို့ ဖြည်းညှင်းစွာ ချဉ်းကပ်လာသည်။

ဟန်ရွှယ်မှာ ထွက်သွားဖို့တောင် ရည်ရွယ်ချက် မရှိပုံရသည်။

"ဘာလဲ? မပြောချင်ဘူးလား? မပြောချင်ရင် မေ့လိုက်ပါတော့!"

လုရွှမ်သည် မိမိအတွေ့အကြုံကို မဝေမျှချင်ဘူးဟု ထင်ကာ ဟန်ရွှယ်၏နှုတ်ခမ်းများ တွန့်ကွေးသွားသည်။ တစ်ခုခုပြောခါနီးတွင် လူငယ်လေး၏ မျက်ခုံးများ ရှုံ့သွားသည်ကို မြင်လိုက်ရပြီး သူ့ခန္ဓာကိုယ်သည် ရှေ့သို့ ရွေ့လာ၏။

လေးလံသော အသက်ရှုသံသည် သူမ နားရွက်ဘေးတွင် ပေါ်လာပြီး အကွာအဝေးမှာ နီးကပ်နေပြီး တစ်ဖက်လူ၏ ခန္ဓာကိုယ် အပူချိန်ကိုပင် ခံစားမိလာသည်။

"နင်ဘာလုပ်မလို့လဲ?"

ဟန်ရွှယ် အေးခဲသွားသည်။ သူမတို့အရမ်းနီးကပ်နေတာ လင်းယုန်နီ ကျောပေါ်မှာရှိစဥ်ကထက် အင်မတန် နီးကပ်နေ၏။

ညအမှောင်တွင် မည်သူမျှ မရှိတာကို အခွင့်ကောင်းယူပြီး လူငယ်သည် မကောင်းမှုကို ကြံစည်ချင်နေတာလား။

ဒါပေမဲ့ တကယ်ပဲ ဒီလိုတွေးခေါ် မြော်မြင်နေတယ်ဆိုရင် အကြီးအကဲရဲ့ တောင်းဆိုမှုကို ပျော်ပျော်ရွှင်ရွှင် သဘောတူထားပြီး မျိုးနွယ်စုတွေ ရှေ့မှာ လက်ထပ်လိုက်ရုံပဲ မဟုတ်လား။

"ဒီပတ်ဝန်းကျင်မှာ ပုန်းအောင်းနေတဲ့ လူတွေရှိရင် မကြည့်နဲ့.... ပုံမှန်အတိုင်းပဲ စကားပြောနေ ထူးဆန်းတဲ့ လှုပ်ရှားမှုတွေ မလုပ်နဲ့!"

တိုးညှင်သော လေသံဖြင့် လုရွှမ်၏ အသံက သူမနားထဲသို့ တိုးဝင်လာသည်။

"ပုန်းနေတဲ့လူလား?"

ဟန်ရွှယ်သည် တုံးအနေတဲ့လူ မဟုတ်တာကြောင့် တစ်ဖက်လူရဲ့ ဆိုလိုရင်းကို ချက်ချင်း နားလည်သွားသည်။ ပုန်းအောင်းနေတဲ့ လူဆိုတာနဲ့ လုံးဝ သာမန်မဟုတ်တော့မှန်း သူမသိသည်။

"ဘယ်သူလဲ? ငါဘာလုပ်သင့်လဲ"

ဒါကိုသိလိုက်ရတော့ ဟန်ရွှယ်လည်း လေသံတိုးတိုးဖြင့် မေးလိုက်သည်။

"ဘယ်သူလဲတော့ မသိဘူး.... အသက်ရှုပုံ အရတော့ ဂိုဏ်းဆရာနယ်ပယ် ပြီးပြည့်စုံတဲ့ အဆင့်က သန်မာတဲ့ သခင်နှစ်ယောက်ပဲ ဖြစ်မယ်။ သူတို့က ချင်မိသားစုနဲ့ တစ်ခုခု ပတ်သက်နေမှာကို ကြောက်ရတယ်"

"ဂိုဏ်းဆရာနယ်ပယ် ပြီးပြည့်စုံခြင်းအဆင့်က လူနှစ်ယောက်?"

ဟန်ရွှယ်၏ နုနယ်သော ခန္ဓာကိုယ်သည် တုန်ခါသွားကာ သူမ၏ မျက်နှာသည်လည်း ဖျော့တော့သွားသည်။

ဂိုဏ်းဆရာနယ်ပယ်။ ဝူယန်အင်ပါယာမှာ အဆင့်မြင့်သူအဖြစ် သတ်မှတ်ခံထားရတဲ့ လူနှစ်ယောက်က ပုန်းအောင်းနေတာလား?

"အရင်ဆုံး မလောနဲ့! ငါတို့မှာ မျှော်လင့်ချက် ရှိသေးတယ်... "

လုရွှမ်သည် သူမ၏ တုန်လှုပ်နေမှုကို မြင်လိုက်ရသဖြင့် အသံကို လျှော့ချလိုက်သည်။

တိမ်ဆွဲမျှော်စင်တွင် သူ၏ လေ့ကျင့်မှု တိုးတက်လာသော်လည်း သူ၏ ခွန်အားမှာ ၁၀၀၀ သာ တိုးလာခဲ့သည်။ သူ့ခန္ဓာကိုယ်ကို စေ့စေ့စပ်စပ် ထိန်းချုပ်နိုင်ခဲ့သော်ငြား သူ၏ ခွန်အားများ အားလုံးသည် ၁၀၀၀၀ ကျော်သာ ရှိသေးသည်။

ဂိုဏ်းဆရာနယ်ပယ် ပြီးပြည့်စုံခြင်းအဆင့်က ခွန်အား၅၀၀၀၀ နှင့် နှိုင်းယှဉ်ပါက ကွာခြားချက်မှာ အလွန်များပြားလေသည်။

နှိုင်းယှဉ်စရာပင် လုံးဝမရှိ။

သို့သော် တစ်သက်တာ အတွေ့အကြုံများဖြင့် နောက်ဆုံး အခိုက်အတန့်မှာ ရလဒ်များက ဘာမဆို ဖြစ်သွားနိုင်ပြီး စိတ်ပျက်အားငယ်နေမည် မဟုတ်ကြောင်းပေ။

"ဘယ်လိုလုပ်မလဲ?"

ဂိုဏ်းဆရာနယ်ပယ် နှစ်ယောက်၏ လက်မှ လွတ်မြောက်နိုင်ခြေသည် မဖြစ်နိုင်ကြောင်း သူမ သိသော်လည်း လူငယ်လေး၏ တည်ငြိမ်သော မျက်နှာကို ကြည့်ပြီး သူမ၏ စိုးရိမ်သောက ခံစားချက်များသည် အကြောင်းပြချက် တစ်ခုခုကြောင့် တဖြည်းဖြည်း ငြိမ်သက်သွားခဲ့သည်။

"ငါ့ကို တင်းတင်းဖက်ထား!"

"အမ်?"

ဟန်ရွှယ် အံ့သြသွားသည်။

သို့သော် အချိန်က သူမကို အလွန်အမင်းစဉ်းစားရန် ခွင့်မပြုခဲ့ပေ။ သူမ မတုံ့ပြန်မီတွင် သူမနောက်မှ လေပြင်း တိုက်ခတ်သွားသည်ကို ခံစားလိုက်ရပြီး ကြီးမားသော ဝိညာဥ်ချီ လက်ဖဝါးတံဆိပ်တစ်ခုသည် သူတို့နှစ်ဦး၏ နောက်ကျောကို တိုက်ရိုက် ကျရောက်လာသည်။

ဂိုဏ်းဆရာနယ်ပယ်၏ လက်ဖဝါးတံဆိပ်သည် မီတာ၁၀၀ အကွာမှ ပြေးလာနေပြီး အား ၅၀၀၀၀လောက် ရှိရာ ဘယ်လိုပဲ ရှောင်တိမ်းပါစေ မလွတ်မြောက်နိုင်ပေ။

"ဒါက ငါ့ကိုပါ သတ်ချင်နေတာလား"

ဟန်ရွှယ်၏ သိမ်မွေ့သော ခန္ဓာကိုယ်သည် တုန်လှုပ်သွားပြီး သူမ နားလည်သွားသည်။

လုရွှမ်သည် ချင်မိသားစုမှ ဖြစ်နိုင်သည်ဟု ကြားသိခဲ့ရသော်လည်း ကံကောင်းခြင်း အတွက် တွေးနေမိဆဲ ဖြစ်သည်။ ထို့နောက် ချင်မိသားစုနှင့် ဟန်မိသားစုသည် အဓိကမိသားစုသုံးစုမှဖြစ်ပြီး ဆက်ဆံရေးမှာ အမြဲတမ်းကောင်းမွန်နေခဲ့သည်လေ။

ချင်ဟွာလည်း သူမကို လိုက်နေတာမို့ တစ်ဖက်လူက တစ်ခုခုလုပ်ချင်တယ် ဆိုရင်တောင် လွဲချော်မှုတွေတော့ ရှိကောင်းရှိပါလိမ့်မယ်။ အခုတော့ ဒီအတွေးက သိပ်နုံအသွားပုံပဲ။

ဤလက်ဖဝါးသည် ဂိုဏ်းဆရာနယ်ပယ်၏ စွမ်းအားအားလုံးကို အသုံးပြုပြီး ထွက်ပြေးနေသော လုရွှမ်ကိုပင် အခက်တွေ့စေနိုင်သည်။ သူမသည်လည်း အသက်ရှင်နေရန် လုံးဝ အကြောင်းမရှိနိုင်တော့။

သူမတစ်ကိုယ်လုံး အေးခဲနေပြီး ဘာလုပ်ရမှန်း မသိသလို တောင့်တင်းနေစဥ် သူမရဲ့ သွယ်လျတဲ့ခါးကို တင်းတင်းကျပ်ကျပ် အဖက်ခံလိုက်ရသလို ခံစားလိုက်ရပြီး ခိုင်ခံ့တဲ့ လက်မောင်းက ပွေ့ဖက်ထားသလို ဖြစ်နေ၏။

"အာ"

အံ့အားသင့်စွာ အော်ဟစ်ရင်း ခေါင်းကို လှည့်ကြည့်လိုက်တော့ လူငယ်က သူမကို ဘယ်အချိန်က ရင်ခွင်ထဲ ထည့်ထားလိုက်သည်မသိ မြေပြင်ပေါ် ခြေနှစ်ဘက်နဲ့ နင်းပြီး သူမကို ရှေ့သို့ သယ်ဆောင်သွားသည်။

လက်ဖဝါးတံဆိပ်သည် နောက်ကွယ်မှ ထွက်လာပြီး ပတ်ဝန်းကျင်ရှိ အရာအားလုံးကို ဖျက်စီးလာသည်။

လက်ဖဝါးရိုက်နှိပ်တဲ့ အရှိန်က အရမ်းမြန်သည်။ ရှေ့ကို တိုးသွားရင်တောင်မှ နောက်ထပ် အသက်ရှုသံ တစ်ချက်နှစ်ချက်လောက်သာ အသက်ရှင်နိုင်လိမ့်မည်။

လူငယ်က ဘာ့ကြောင့် ဒီလိုလုပ်တာလဲလို့ တွေးနေရင်းနဲ့ သူမခန္ဓာကိုယ်က အေးစက်သွားသလို တစ်ချိန်တည်းမှာလည်း အသက်ရှူကြပ်သလို ခံစားလိုက်ရပြီး ရေလှိုင်းတွေက သူမမျက်နှာကို ရိုက်ခတ်လာတော့သည်။

ကောင်လေးက သူမကို ဖက်ထားရင်း သူတို့ရှေ့က ရေပြာကန်ထဲကို ခုန်ချလိုက်ပြီဆိုတာ သိလိုက်ရသည်။

"ဟုတ်တယ်... ဒါက တစ်ခုတည်းသော နည်းလမ်းပဲ"

သူ့ပတ်ဝန်းကျင်က အေးစက်နေတဲ့ ရေကန်ကို အာရုံခံလိုက်ရင်း ဟန်ရွှယ် နောက်ဆုံးတော့ သိလိုက်ရသည်။

ပြိုင်ဘက်၏ တိုက်ခိုက်မှုကို ရှောင်ဖို့ အနီးနားရှိ မည်သည့်နေရာမှ ပုန်းကွယ်စရာ မရှိပေ။ တစ်ခုတည်းသော နည်းလမ်းက ရေကန်ထဲကို ခုန်ချဖို့ပဲ ဖြစ်သည်။

ရေကန်ထဲကိုဝင်ရင် တခြားသူတွေက ရှာမတွေ့ဘူး။ အရေးကြီးဆုံးကတော့ ရေကန်ထဲကို ဝင်လိုက်တာနဲ့ နောက်ကွယ်က ကြီးမားလှတဲ့ လက်ဝါးတံဆိပ်တွေကို ပိတ်ဆို့ပြီးသား ဖြစ်သွားမည်။

ဗုန်း!

ရေထဲသို့ ဝင်လိုက်သည်နှင့် အနောက်မှ ပြင်းထန်သော လှိုင်းလုံးကြီး တစ်ခုကို ချက်ချင်းခံစားလိုက်ရသည်။ ဖိအားအောက်တွင် သူတို့နှစ်ဦး ရှေ့သို့ လျင်မြန်စွာ ကူးခတ်သွားကာ ချက်ချင်းပင် မီတာရာနှင့်ချီ ဝေးကွာသွားသည်။