လိုက်ဖမ်းနေပြီ

"စိတ်မပူပါနဲ့....ငါတို့ ကျွန်းပေါ်မှာ ရှိနေမှန်း မသိဘူး....သူတို့က ဒီနေရာ အကျယ်ကြီးမှာပဲ လိုက်ရှာနေတာ....ငါတို့သတိထားနေသရွေ့ သူတို့ ရှာလို့ မတွေ့နိုင်ဘူး"

ကောင်မလေး၏ ကြောက်ရွံ့သော အကြည့်ကို မြင်လိုက်ရတော့ လုရွှမ် ပြုံးပြီး နှစ်သိမ့်ပေးလိုက်သည်။

အကယ်၍ ထိုသူများသည် အနီးဝန်းကျင်ကိုသာ ရှာဖွေနေပါက မြေပြင်အက်ကြောင်းထဲမှာ ဘေးကင်းသည်ဟု ယူဆရပြီး ၎င်းတို့ကို ရှာမတွေ့နိုင်ပေ။ သေသေချာချာ အသေးစိတ်ရှာဖွေမည် ဆိုပါက ပြောလို့ကောင်းမည် မဟုတ်တော့ချေ။

နောက်ဆုံးအကြိမ် ရွှံ့ထဲမှာ ပုန်းအောင်းရတာ ကံကောင်းပေမယ့် ဒီတစ်ကြိမ်မှာတော့ ဤနတ်ဘုရားမက ဆက်မလိုက်နိုင်မှာ စိုးရိမ်ရသည်။

ချင်ကန်နှင့် ချင်ရွှမ်း ကျွန်းပေါ်သို့ ရောက်သောအခါ ဂရုတစိုက် ရှာဖွေကြသည်။

"သူတို့က အတုတံဆိပ်နယ်ပယ်မှာပဲ ရှိသေးတယ်... ရေထဲမှာ ခဏနေနိုင်ရင်တောင် အသက်ရှုဖို့ နာရီအနည်းငယ် အကြာမှာ ထွက်လာမှာ သေချာတယ်။ အပြန်လမ်းကို ငါတို့က ပိတ်ဆို့ထားတယ် ဆိုတော့ သူတို့ပုန်းလို့ရတဲ့ တစ်ခုတည်းသောနေရာက ဒီကျွန်းငယ်လေးတွေပဲ အဲဒါတွေကို သေသေချာချာ ရှာကြည့်ရင် တစ်ခုခုတော့ တွေ့နိုင်မှာပဲ!"

ချင်ရွှမ်းက ဟစ်အော်လိုက်သည်။

တစ်ညလုံး ရေထဲတွင် ရှာဖွေပြီးနောက် ၎င်းတို့နှစ်ဦးသည် ကမ္ဘာမှ အငွေ့ပျံသွားပုံ ရသည်အထိ မတွေ့ရှိခဲ့ကြသဖြင့် နယ်ပယ်ကို ချဲ့ထွင်ကာ ရေကန်အလယ်ရှိ ကျွန်းငယ်လေးဆီသို့ ရောက်လာခဲ့ကြသည်။

"ဟမ့်... အဲဒီကလေးတွေ ငါတို့ကို တစ်ညလုံး ရေထဲမှာ စိမ်ခိုင်းတယ်....တွေ့လို့ကတော့ အမှုန့်ကိုချေပစ်မယ်!"

ချင်ကန်က ဒေါသတကြီး အော်ဟစ်လိုက်သည်။

ကြီးကျယ်ခမ်းနားပြီး အစွမ်းထက်တဲ့ သခင်နှစ်ယောက်က အတုတံဆိပ်နယ်ပယ်က လူနှစ်ယောက်ကို လိုက်ရှာပြီး သတ်ပစ်ဖို့ လက်တွဲလိုက်ကြပေမယ့် ၎င်းတို့မှာ ထွက်ပြေးလွတ်မြောက် သွားကြလေ၏။ သတင်းသာပြန့်သွားရင် သူတို့ကို သေလောက်အောင် ရယ်ကြလိမ့်မည်။

သူတို့အတွက်ကတော့ တကယ်ကို ရှက်စရာကောင်းနေပြီ ဖြစ်သည်။

"တစ်ယောက် တစ်လမ်း သွားရအောင် သဲလွန်စတွေကို လုံးဝ လက်မလွှတ်လိုက်နဲ့....သူတို့နှစ်ယောက် လေထဲကနေ အငွေ့ပျံသွားနိုင်တယ်ဆိုတာ ငါမယုံဘူး!"

ကျွန်းပေါ်သို့ လမ်းလျှောက်ပြီးနောက် ချင်ရွှမ်းက အော်ဟစ်လိုက်သည်။

ချင်ကန်သည် မီတာဆယ်နှင့်ချီဝေးသော နေရာကို ဖြည်းဖြည်းချင်း ရှာဖွေနေသည်။

"ပြဿနာတက်ပြီ!"

မြေပြင်ရှိ အက်ကွဲကြောင်းများမှ တဆင့် လုရွှမ်သည် သူတို့နှစ်ဦး၏ လုပ်ရှားပုံများကို မြင်ပြီး မျက်မှောင်ကြုတ်လိုက်သည်။

အန္တရာယ်က အရှေ့မှာ ရောက်နေပြီ။ တစ်ချိန်လုံး ပုန်းကွယ်ထားရတာက တကယ်ကို အသုံးမဝင်ဘူး။ ပထမအကြိမ်က ကံကောင်းနိုင်ပေမယ့် ဒုတိယ အကြိမ်တော့ မဖြစ်နိုင်တော့ဘူး။

"အခုချက်ချင်း ထွက်သွားရင် သေချာပေါက် တွေ့သွားလိမ့်မယ်.... မနေ့က ပေါ့လျော့မှု ကြောင့် ငါတို့ကို ရေထဲ လွတ်သွားအောင် လုပ်နိုင်တယ်ဆိုတာ တစ်ဖက်က သိလာလိမ့်မယ်။ ဒီနေ့တော့ လုံးဝ မဖြစ်နိုင်ဘူး!"

နှစ်ယောက်သား နီးကပ်လာသည်ကို တွေ့လိုက်ရသည်နှင့် အချိန်မရွေး တွေ့နိုင်လိမ့်မည်ကို လုရွှမ်မှာ စိုးရွံ့နေသော်လည်း ဒေါသတကြီး ထွက်မသွားဘဲ သူ့စိတ်ထဲမှာ ဆက်တွေးနေမိသည်။

ဂိုဏ်းဆရာနယ်ပယ် ပြီးပြည့်စုံခြင်း အဆင့် လူနှစ်ယောက်ဆီက တစ်ကြိမ် ပြေးလို့လွတ်နိုင်ပေမယ့် ဒုတိယအကြိမ်က ပြေးမလွတ်နိုင်ဘူး။

"လျှိုဝှက်မှော်အခင်းအကျင်းက အဆင့်၈ အထွတ်အထိပ် အဆင့်ပဲ...ဒါပေမဲ့ ဂိုဏ်းဆရာနယ်ပယ်က လူတစ်ယောက်ကိုပဲ ထောင်ချောက်ဆင်နိုင်မှာ နှစ်ယောက်ဆိုရင်တော့ အဆင်မပြေနိုင်တော့ဘူး.... သတ်ဖို့မပြောနဲ့ အရင်လူတွေအပေါ် သုံးတဲ့နည်းလမ်းတွေကလည်း အလုပ်မဖြစ်တော့ဘူး"

လျှိုဝှက်မှော်အခင်းအကျင်း၏ စွမ်းအားသည် အလွန်အစွမ်းထက်သည်။ ၎င်းသည် အဆင့်၈ ဖွဲ့စည်းမှု၏ ထိပ်တန်းဖြစ်သည်။ ၎င်းသည် နှောင်းပိုင်းနှင့် အလယ်အလတ်အဆင့် ဂိုဏ်းဆရာများကို ရင်ဆိုင်ရန် လွယ်ကူသော်လည်း ပြီးပြည့်စုံခြင်းအဆင့်က လူများကို ကိုင်တွယ်ရန် အနည်းငယ် ခက်ခဲလေသည်။

ဒါ့ထက် ၎င်းတို့နှစ်ယောက် အဝေးကြီးမှာ ရှိနေပြီး တစ်ယောက်က ပိတ်မိနေတယ်ဆိုရင် နောက်တစ်ယောက်က ဖွဲ့စည်းတာကို တွေ့တာနဲ့ အပြင်ကနေ အလွယ်တကူ ကွဲသွားနိုင်သည်။

အချိန်အတော်ကြာ စဉ်းစားပြီးနောက် လုရွှမ်သည် ခွန်အားမဲ့သွားသလိုပင် ခံစားလိုက်ရသည်။

"ငါ ကျောက်စိမ်းပြားထဲ ဝင်ပုန်းနေရင်တောင် ဟန်ရွှယ်ကတော့ လုံးဝ လွတ်မြောက်နိုင်မှာ မဟုတ်ဘူး!"

ကျောက်စိမ်းသည် အာကာသ မှော်လက်နက် တစ်ခု ဖြစ်သည်။ ဝင်လာသည်နှင့် တစ်ပြိုင်နက် တစ်ဖက်က သူ့ကို မတွေ့ နိုင်တော့ သော်လည်း ဟန်ရွှယ်သည် အပြင်တွင် ကျန်ခဲ့မည်ဖြစ်ပြီး အချိန်ကျရောက် လာသောအခါ ကျိန်းသေ တွေ့

သေသွားလိမ့်မည်။ .

သူ့အသက်ကို ကယ်တင်ဖို့အတွက် ကြီးကျယ်ခမ်းနားတဲ့ အရူးဧကရာဇ် လုရွှမ်ဟာ တစ်ယောက်တည်း ထွက်ပြေးလို့ရသည်။ သို့သော် လုပ်လို့ကမဖြစ်ချေ။

"ဒီမြေပြင် အက်ကွဲကြောင်းက အရမ်းနက်တယ် အထဲကို ဆက်ကြည့်ရအောင်... ငါတို့ နောက်ထပ် ထွက်လမ်းရှာပြီး ရေပြာကန်ထဲကို ထပ်ခိုးဝင်သွားနိုင်တယ်"

နောက်ဆုံး နည်းလမ်းကို စွန့်လွှတ်လိုက်ပြီး လုရွှမ်သည် မြေပြင်ပေါ်ရှိ ခြေရာလက်ရာများကို ရှင်းထုတ်ပြီး ဟန်ရွှယ်ဆီသို့ တိတ်တဆိတ် အသံပို့လွှတ်လိုက်သည်။

မလွတ်မြောက်နိုင်ဘူး မတိုက်နိုင်ဘူး ဆိုရင်တောင် သေဖို့တော့ ထိုင်စောင့်မနေနိုင်ဘူးလေ။ အခု သူတို့ လွတ်မြောက်ဖို့ တခြားလမ်းရှာဖို့ မြေပြင်က အက်ကြောင်းကြီးကိုသာ မျှော်လင့်ထားနိုင်တော့သည်။

"အင်း!"

ဟန်ရွှယ်သည်လည်း အခြားနည်းလမ်း မရှိသည်ကို သိသောကြောင့် သူမ ခေါင်းညိတ်ကာ နှစ်ယောက်သား တစ်ယောက်ပြီးတစ်ယောက် လျှောက်သွားကြသည်။

မြေပြင်ရှိ အက်ကွဲကြောင်းများသည် အလွန်နက်ရှိုင်းလှသည်။ သူတို့ အနားယူရာ နေရာသည် နေရောင်ကိုမြင်ရပြီး ပိုနက်လာသည်နှင့်အမျှ သူတို့ဘာမှ မမြင်ရသည်အထိ မည်းမှောင်လာသည်။

"ငါ့လက်ကိုဆွဲပြီး အနီးကပ်လိုက်ခဲ့!"

လုရွှမ်၏ နတ်မျက်စိ ပွင့်သွားသည်။ ဤအမှောင်ထုသည် သူ့အပေါ် မသက်ရောက်ပေ။ ထို့ကြောင့် သူကသာ ရှေ့သို့ အရင်လျှောက်သွားသင့်သည်။

"ကြည့်လိုက်!! ဒီမှာ မြေသားအက်ကွဲကြောင်း ရှိတယ်"

သူတို့ ရှေ့ကို လျှောက်လာနေတုန်း အဝေးက အသံတစ်သံ ထွက်လာသည်။ ဂိုဏ်းဆရာနယ်ပယ် ပြီးပြည့်စုံခြင်းအဆင့်က လူနှစ်ယောက် ဖြစ်တဲ့ ချင်ရွှမ်းနဲ့ ချင်ကန်တို့ဟာ မြေကြီးအက်ကြောင်းကို တွေ့သွားကြသည်။

"ဒီမှာ လူနေသွားတဲ့ အရိပ်အယောင်တွေ ရှိတယ် သူတို့ အထဲမှာ ရှိနေရမယ်.... လိုက်!!"

သိပ်မကြာခင်မှာပဲ နှစ်ယောက်သား၏ အော်ဟစ်တေသံတွေ ထပ်ထွက်လာ၏။

လုရွှမ်သည် သဲလွန်စ အများစုကို ဖျက်ဆီးလိုက်သော်လည်း လုံးလုံး မဖယ်ရှားနိုင်သော ပြာများများစွာ ကျန်ရှိနေဆဲ ဖြစ်သည်။ သူတို့နှစ်ယောက် ဂရုတစိုက် ရှာဖွေလိုက်ရာ တစ်ခုခုမှားနေပြီ ဆိုတာကို ချက်ချင်း သိသွားခြင်းပင် ဖြစ့သည်။

"မြန်မြန် သွားရအောင်!"

တစ်ဖက်လူက ဒီနေရာကို တွေ့သွားပြီဆိုတဲ့ အသိက လုရွှမ်ကို အေးစက်သွားစေသည်။ သူ့ရဲ့နောက်ဆုံး မျှော်လင့်ချက်ဟာ လုံးဝပြိုပျက်သွားပြီဟုပင် ခံစားမိကာ ဟန်ရွှယ်ကို အမြန်ဆွဲခေါ်လိုက်သည်။

မြေကွက်လပ်က ကြက်ဟင်းခါးသီး တစ်လုံးလိုပင်။ အစကတော့ နေရာက ကျယ်ပေမယ့် ခဏလောက် လမ်းလျှောက်ပြီးတဲ့အခါ ကျဉ်းသွားပြန်၏။ မကြာခင်မှာ လမ်းက လူတစ်ယောက်ပဲ ဖြတ်သွားနိုင်တော့သည်။ နောက်ဆုံးမှာတော့ ဘာမှကို မမြင်ရတော့ချေ။

"လမ်းမရှိတော့ဘူး"

ဟန်ရွှယ်၏ မျက်နှာလေး ဖျော့တော့သွားသည်။

မူလက ဒီအက်ကြောင်းအတိုင်း သွားရင် အပေါက်တစ်ခုတော့ ရှိလိမ့်မယ်လို့ မျှော်လင့်ခဲ့ပေမယ့် အခုတော့ အိပ်မက်တစ်ခုလို ဖြစ်သွားလေသည်။

လုရွှမ် မျက်နှာမှာလည်း ကြည့်ရဆိုးသွားသည်။

တစ်ခုတည်းသော လမ်းက ပိတ်ဆို့သွားပြီ။

"အဆင်မပြေရင် ပြိုင်ဘက်ကို ထောင်ချောက်ဆင်ဖို့ အခင်းအကျင်းကို လွှင့်တင်လိုက်မယ်.... မင်းက လွတ်မြောက်ဖို့ နည်းလမ်းရှာပြီး ပြေးတော့!"

လုရွှမ်က ဆိုလိုက်သည်။

မြေပြင်အကွာအဝေးက ကျဉ်းမြောင်းသွားပြီမို့ နှစ်ယောက်သား တစ်ချိန်တည်း ပြေးလို့မဖြစ်တော့ပေ။ လျှိုဝှက်မှော်အခင်းအကျင်းက သူတို့ကို ဖုံးအုပ်ပေးထားနိုင်သည်။ တစ်ဖက်က ချိုးဖောက်ပစ်နိုင်သော်လည်း ဟန်ရွှယ် လွတ်မြောက်ရန် အချိန် လုံလောက်နိုင်သည်။

သူမအန္တရာယ်က လွတ်မြောက်ပြီးတာနဲ့ သူအာကာသ မှော်လက်နက်ထဲသို့ ဝင်ရောက်သရွေ့ သူမသည်လည်း ဤအကျပ်အတည်းကို ရှောင်ရှားနိုင်ပေမည်။

သေချာသည်မှာ ဖြစ်နိုင်ချေကတော့ အရမ်းနည်းပါသည်။

အခင်းအကျင်း ပျက်သွားသည်နှင့် ပြိုင်ဖက်က သူရှိနေကြောင်း ရှာတွေ့နိုင်နေပြီ ဖြစ်သောကြောင့် ကျောက်စိမ်း နေရာထဲကို ဝင်နိုင်ရင်တောင်မှ သူဝင်လိုက်တာနဲ့ ကျောက်စိမ်းပြားက ပေါ်လာမှာဖြစ်လို့ ပြိုင်ဘက်က ရှာတွေ့လိမ့်မည်။

တစ်ဖက်လူက ကျောက်စိမ်းပြားကို ယူသွားတဲ့အခါ အထဲမှာ ပိတ်မိပြီး သေဖို့ပဲ ရှိလိမ့်မယ်။

ထို့အပြင် ဟန်ရွှယ်သည် အချိန်တိုလေးအတွင်း လွတ်မြောက်သွားလျှင်ပင် သူမသည် ဝေးဝေးသွားနိုင်မည် မဟုတ်ပါ။ အနှေးနှင့်အမြန် ဆိုသလိုပင် သူမအား ဖမ်းမိပြီး အသတ်ခံရပြန်လိမ့်မည်။

"သေရင် အတူတူသေမယ်!"

သူမဒီလိုလုပ်ရင် သူမ သတ်ခံရနိုင်တယ် ဆိုတာ ဟန်ရွှယ်သိထားတာကြောင့် သူမရဲ့ ဖြူဖွေးတဲ့ကျောက်စိမ်း မျက်နှာပေါ်မှာ သတ္တိရှိကြောင်း ပြသလာ၏။

"ကောင်းပြီလေ!"

လုရွှမ် ခေါင်းယမ်းရင်း ခါးသက်စွာ ရယ်လိုက်သည်။

မထင်မှတ်ဘဲ ပြန်လည်မွေးဖွားပြီး နောက်တွင် ကြီးကျယ်ခမ်းနားသော အရူးဧကရာဇ်သည် ရန်ကြွေးကို လက်စားမချေရသေးဘဲ ဤနေရာတွင် သေသွားရတော့မည်။

ဒါပေမဲ့ အရင်ဘဝကထက် ပိုကောင်းတဲ့ တစ်ချက်တော့ ရှိနေသေးသည်။ အနည်းဆုံးတော့ သူ့မှာ ချောမောလှပတဲ့ မိန်းကလေး တစ်ယောက်က အဖော်ပြုပေးနေတော့ အရင်ကလို အထီးကျန် မနေတော့ဘူးပေါ့။

"ဒီထက်ပိုအားကောင်းခဲ့ရင် ကောင်းမယ်"

စကားတစ်ခွန်းကို ရေရွတ်ပြီးနောက် ရုတ်တရက် တစ်စုံတစ်ခုကို သတိရသွားပြီး သူ့မျက်လုံးများ ပြူးကျယ်သွားသည်။

"ဒါကို ငါဘယ်လိုလုပ် မေ့သွားတာလဲ? သေတဲ့သူက ငါတို့မှ မဟုတ်သေးဘဲ ငရဲကို ဘယ်သူသွားရမလဲ ဆိုတာ မသေချာဘူးလေ!"

ဒါကိုတွေးပြီး စိုးရိမ်တကြီး စိတ်လွှင့်နေတဲ့ ဟန်ရွှယ်ဖက်ကို ခေါင်းလှည့်လိုက်သည်။

"ဟန်ရွှယ် ကျေးဇူးပြုပြီး တစ်ချက်လောက် ကူညီပေးပါ... မင်းလုပ်နိုင်ရင် ငါတို့ ရှုံးနိမ့်မှုက အောင်ပွဲအဖြစ် ပြောင်းလဲသွားနိုင်တယ်။ မင်း ဒီအခက်အခဲကို မကျော်ဖြတ်နိုင်ရင်တော့ ငါတို့အားလုံး ဒီမှာ သေသွားနိုင်တယ်!"

"အရှုံးကို အောင်ပွဲအဖြစ် ပြောင်းလဲနိုင်မယ်? ဘာလုပ်ရမှာလဲ"

ဟန်ရွှယ်သည် မျှော်လင့်ချက် တဖျပ်ဖျပ် ရှိနေသေးကြောင်း ကြားသောအခါ သူမသည် ချက်ချင်းပင် ခိုင်မာသော မျက်လုံးများဖြင့် ကြည့်လိုက်သည်။

သေခြင်းတရားကို ရင်ဆိုင်ရသော အခါတွင် သူမ၏ အလားအလာသည်လည်း ဆုတ်ယုတ်သွားခဲ့ပြီး ဖြစ်သည်။

ဤအကျပ်အတည်း ပြီးသွားသည်နှင့်အမျှ ကျင့် ခုန်ပျံကျော်လွှားကာ မလွဲမသွေ တိုးတက်လာမည်ဟု ခန့်မှန်းနိုင်သည်။

"ဒါက အရမ်းရိုးရှင်းပါတယ်... ဒီမှာ အခင်းအကျင်း တံဆိပ်ပြား တစ်ခု ရှိတယ် ပြိုင်ဘက်ကို ရပ်တန့်ဖို့ မင်းရဲ့ ခွန်အားတွေ အကုန်သုံးပြီး ငါးမိနစ်လောက် တောင့်ခံထားနိုင်သရွေ့ ငါ အနိုင်ရဖို့ နည်းလမ်း ရှိတယ်!"

လုရွှမ်သည် လျှိုဝှက်မှော်အခင်းအကျင်း တံဆိပ်ပြားကို ထုတ်ယူလိုက်သည်။