လေလံပွဲစတင်ခြင်း (ပထမပိုင်း)

"ကြားလိုက်ကြလား? လုရွှမ်လို့ခေါ်တဲ့ လူငယ်တစ်ယောက်က ချင်မိသားစုကို ဖျက်ဆီးဖို့ လူတွေကို ဦးဆောင်ခဲ့တယ်တဲ့"

"ချင်မိသားစုရဲ့ ဘိုးဘေးက အဓိပတိနယ်ပယ်က စွမ်းအားရှင်တောင် မခုခံနိုင်လောက်အောင် အစွမ်းထက်တယ်...သူ့ကိုတောင် သတ်နိုင်တယ်တဲ့လား!"

"နောင်မှာ စိတ်အနှောင့်အယှက် မဖြစ်စေရမယ့် လူတွေထဲမှာ နောက်ထပ်တစ်ယောက် ထပ်ထည့်ထားရတော့မယ်.... သူ့ကို ဝူယန်အင်ပါယာရဲ့ တော်ဝင်မိသားစုကတောင် စော်ကားရဲမှာ မဟုတ်တော့ဘူး"

"မှန်တယ်.... သူ့ကို ခိုးဝင် တိုက်ခိုက်တာကလည်း ချင်မိသားစုက လူတွေပဲတဲ့... လုရွှမ်က ဒေါသထွက်ပြီး သူ့ကို ဖျက်ဆီးဖို့ တစ်စုံတစ်ယောက်ကို စေလွှတ်လိုက်တယ်လို့ ကျုပ်ကြားမိတယ်"

ချင်မိသားစုသည် ဝူယန်အင်ပါယာကို စိုးမိုးခဲ့ပြီး ယခုအချိန်တွင် ဖျက်ဆီးခံရသောအခါ လုရွှမ်အမည်ရှိ ဤလူငယ်အကြောင်းကို လူတိုင်း သိသွားကြသည်။

တစ်ရက်မပြည့်ခင်မှာပဲ ကမ္ဘာတစ်ဝှမ်းမှာ နာမည်ကြီး လာခဲ့တော့သည်။

သို့သော်လည်း ဤသတင်းသည် ပထမနှစ်ရက်တွင် ချဲ့ကားပြီး နောက်သတင်း တစ်ခုက တဖြည်းဖြည်း အစားထိုးခဲ့သည်။

အဂ္ဂိရတ်ပညာရှင် အဖွဲ့မှ ကျင်းပသော အကြီးစား လေလံပွဲတွင် အဓိပတိအဂ္ဂိရတ်ဆေးကို လေလံတင်မည့် အကြောင်းပဲ ဖြစ်သည်။

"အဓိပတိအဂ္ဂိရတ်ဆေး ဆိုတာ ဘာလဲ"

"ဂိုဏ်းဆရာနယ်ပယ်က ပြီးပြည့်စုံပြီး သန်မာတဲ့ လူတစ်ယောက်ကို အဆင့်တိုးဖို့ အခွင့်အလမ်း 20% တိုးမြှင့်ပေးနိုင်တယ် လို့တော့ ကြားခဲ့တယ်!"

"ဒီကမ္ဘာမှာ ဒီလို ကောင်းကင်ဘုံကို အံတုနိုင်တဲ့ ဆေးလုံးလည်း ရှိတယ်လား"

"ဟုတ်တယ် ငါရနိုင်ရင် အဓိပတိနယ်ပယ်ကို ရောက်ပြီး တစ်ရှိန်ထိုး အကြီးကျယ်ဆုံး သခင် ဖြစ်လာနိုင်တယ်!"

"ဒီလိုအခွင့်အရေးမျိုးကို ရှိသမျှ ကံဇာတာတွေ ဆုံးရှုံးသွားရင်တောင်မှ လက်လွတ်မခံသင့်ဘူး"

"လေလံဆွဲသူက ရွှေငွေကို မလိုချင်ဘဲ ရေခဲသွေးမြက်ပင်ကိုပဲ လဲမယ်လို့ ကြားတယ်... အဲဒီပစ္စည်းကို ဘယ်မှာရှာရမလဲ?”

ဤဆွေးနွေးပွဲမျိုးသည် ဝူယန် တော်ဝင်မျိုးတော်၏ မည်သည့် ထောင့်တွင်မဆို ပေါ်ထွက်လာပြီး ဝူယန်အင်ပါယာ တစ်ခုလုံးပင် အဆက်မပြတ် ဆွေးနွေးနေပါသည်။

၎င်းသည် အဓိပတိနယ်ပယ် အောင်မြင်မှု အခွင့်အလမ်းကို 20% တိုးမြင့်စေနိုင်သည် မဟုတ်ပါလား။

ဟန်မိသားစုတွင်။

"ဟန်ရောင်.... မင်းတကယ် ပြောတာလား? ဒီဆေးက မင်းရဲ့ သခင်လေးကိုယ်တိုင် သန့်စင်ထားတာလား?"

ဟန်မိသားစုရဲ့ ဘိုးဘေးက မျှော်လင့်ချက်အပြည့်နဲ့ မေးလိုက်သည်။

"ဟုတ်ကဲ့!" ဟန်ရောင်ကလည်း မငြင်းပါဘူး။

"ဒါဆို မင်း ဒီဆေးကို ငါတို့ ဟန်မိသားစုကို ရောင်းပေးဖို့ ပြောပေးနိုင်မလား? ငါတို့ ဟန်မိသားစုမှာ နောက်ထပ် အဓိပတိနယ်ပယ် တစ်ဦးရှိတာနဲ့ ဝူယန် တော်ဝင်မိသားစုက ဘယ်တော့မှ ပြောရဲမှာ မဟုတ်တော့ဘူး"

ဟန်မိသားစု၏ ဘိုးဘေးက လက်သီးများကို စိတ်လှုပ်ရှားစွာ ဆုပ်ထားသည်။

"ဘိုးဘေးကြီး... တကယ် စိတ်မကောင်းပါဘူး.... ကျုပ်ဒါကို သွားပြောလည်း မဖြစ်နိုင်ဘူး။ ဝယ်ချင်ရင် လေလံပွဲမှာ လဲလှယ်ဖို့ ရေခဲသွေးမြက် အလုံအလောက် ထုတ်သွားရမယ်။ မဟုတ်ရင် သခင်လေးက ရောင်းမှာမဟုတ်ဘူး... ဘယ်လောက်ပဲ ဈေးမြင့်နေပါစေ သူစဥ်းစားမှာ မဟုတ်ဘူး"

ဟန်ရောင်က ခေါင်းယမ်းလိုက်သည်။

"ငါသိပြီ.... လာကြစမ်း!! ရေခဲသွေးမြက်ကို မြန်မြန် သွားရှာလိုက်... ဘယ်လောက်ပဲ ဈေးကြီးနေပါစေ ငါဝယ်မယ်"

ဟန်မိသားစု၏ ဘိုးဘေးက ခေါင်းလှည့်ပြီး အမိန့်ပေးလိုက်သည်။

ဝူယန်၏ တော်ဝင်မိသားစု။ ဘုရင်မင်းမြတ် ဟန်ချီ။

"ဒီအဓိပတိဆေးလုံးကို ငါတို့တော်ဝင်မိသားစုက ရအောင်ယူရမယ်... မဟုတ်ရင် တခြားမိသားစုတွေအတွက် နောက်ထပ် အဓိပတိနယ်ပယ် တစ်ဦးရှိလာခဲ့ရင် ထိန်းလို့မရနိုင်တော့ဘူး!"

ဘုရင်မင်းမြတ် ဟန်ချီရဲ့ မျက်နှာမှာ ညိုးနွမ်းနေပါပြီ။

"မင်း ဘယ်လိုနည်းနဲ့ပဲဖြစ်ဖြစ် ရအောင်ယူရမယ်!"

"ဟုတ်ကဲ့!"

သူ့ရှေ့က အနက်ရောင် အရိပ်များစွာက ခေါင်းညိတ်ပြီး နောက်ပြန်ဆုတ်သွားသည်။

ကျောက်မိသားစု။

"ဒါကို အကုန်အကျခံပြီး ရယူရမယ်!"

ကျောက်မိသားစုရဲ့ ဘိုးဘေးကလည်း ဟစ်ကြွေးပြန်လေသည်။

အဓိက မိသားစုနှစ်စုနှင့် တော်ဝင်မိသားစုများသာမက တော်ဝင်မြို့ တစ်ခုလုံးကိုပါ ရက်အနည်းငယ်အတွင်း မရေမတွက်နိုင်သော ဂိုဏ်းဆရာနယ်ပယ် ပြီးပြည့်စုံခြင်း အဆင့်က လူများသာမက အဓိပတိနယ်ပယ်က လူများပင် ရောက်ရှိလာခဲ့သည်။

ဝူယန်အင်ပါယာမှ လူများအပြင် အခြားသော အလယ်အလတ် နိုင်ငံများမှ ပါရမီရှင်များလည်း ရှိသေးသည်။

ခဏအတွင်း၌ပင် တော်ဝင်မြို့၌ ရေစီးကြောင်းတစ်ခုပေါ်လာပြီး လူတိုင်းသည် လာမည့် အဂ္ဂိရတ် လေလံပွဲအတွက် အာရုံစိုက်နေကြသည်။

ဤသတင်းကို ဖြစ်ပေါ်စေသော တရားခံသည် လောလောဆယ်တွင် အပြင်လောကကို ဂရုမစိုက်ဘဲ မိမိနေထိုင်ရာသို့ ပြန်ရောက်သည်နှင့် တပြိုင်နက် အထီးကျန်စွာ ကျင့်ကြံနေတော့သည်။

ဟူ!

အသက်ရှုသံနှင့် အတူ လုရွှမ် ရပ်တန့်သွားသည်။ ရက်အနည်းငယ်ကြာအောင် လေ့ကျင့်ပြီးနောက်တွင် သူ၏ ကျင့်ကြံမှုသည် တစ်ဖန် တိုးလာခဲ့သည်။ သို့သော် အလွန်နည်းလှ၏။

အတုတံဆိပ် နယ်ပယ်အထိ လေ့ကျင့်ပြီးနောက် တိုးတက်မှုများစွာ နှေးကွေးသွားသည်မှာ သိသာထင်ရှားလှသည်။ တကယ်တော့ သူ မဖြတ်ကျော်တာ မဟုတ်ဘဲ သူ၏ကျင့်ကြံမှုကို အပြင်းအထန် ဖိနှိပ်လိုက်ခြင်းပင်။

ထူးဆန်းသော ရတနာသည် ကောင်းကင်နှင့်မြေကြီးမှ မွေးဖွားလာသော ရတနာတစ်ခုဖြစ်သည်။ ၎င်းသည် အကန့်အသတ်မရှိ စွမ်းအားကြီးမားပြီး ၎င်း၏ စွမ်းအင်သည် မတည်ငြိမ်ပေ။ အတင်းအကြပ် သန့်စင်ခြင်းသည် အကျိုးမရှိရုံ သာမက ကောင်းမွန်စွာ မလုပ်ဆောင်ပါက သေဆုံးစေမည် ဖြစ်သည်။

ထို့ကြောင့် ယခု သူလုပ်ရမည့်အရာမှာ သူ၏ ခွန်အားကို အဆက်မပြတ် မြှင့်တင်ပြီး သူ၏ ခွန်အားကို အချည်းနှီး ထားရမည့်အစား သူ့ခန္ဓာကိုယ်နှင့် ခွန်အားကို အကြွင်းမဲ့ ထိန်းချုပ်ထားရန် ဖြစ်သည်။

"သခင်လေး... ထူးဆန်းတဲ့ အဘိုးကြီးက ထပ်လာရှာနေတယ်.... သူ့ကို တွေ့ချင်သေးလား"

မုယန်ဖုန်း၏ အသံသည် အခန်းအပြင်ဘက်မှ ထွက်ပေါ်လာသည်။

ဒီရက်ပိုင်းမှာ ထူးဆန်းတဲ့ အဘိုးကြီး နေ့တိုင်းလိုလို ရောက်လာပေမယ့် အကြိမ်တိုင်း လှည့်ထွက်သွားခဲ့ရသည်။

သို့သော် လုရွှမ်၏ စွမ်းရည်ကိုလည်း သူသိပုံရသောကြောင့် တွေ့ခွင့်မရတာကို အလေးမထားဘဲ နေ့တိုင်း ဤနေရာသို့ လာခဲ့သေးသည်။

"သူလာပါစေ!"

လေလံပွဲစတော့မှာမို့ လုရွှမ် လူတွေကို နှင်မထုတ်တော့ဘဲ တံခါးကို တွန်းချပြီး အပြင်ကို ထွက်လာခဲ့သည်။

"သခင်လေး....ဟန်ရွှယ်က သခင်လေးပေးခဲ့တဲ့ လေ့ကျင့်ရေး နည်းလမ်းအသစ်ကို လက်ခံခဲ့ပြီး သူမရဲ့ လေ့ကျင့်မှုအဆင့်က ထပ်ပြီး တိုးသွားပြန်ပြီ.... သူမအခု အတုတံဆိပ်နယ်ပယ်ရဲ့ အထွတ်အထိပ်ကို ရောက်နေပြီ!"

မုယန်ဖုန်းက ဆိုလေ၏။

သူတို့သည် သေရေးရှင်ရေး ကိစ္စတို့ကို အတူတကွ တွေ့ကြုံခဲ့ရသောကြောင့် လုရွှမ်သည် ဟန်ရွှယ်အား တွန့်တိုခြင်းမရှိဘဲ တစ်ဖက်လူ၏ ကိုယ်လုံးကိုယ်ပေါက်အရ အထူးလေ့ကျင့်မှုအစုံကို ပေးလိုက်သည်။

မမျှော်လင့်ဘဲ ဤလေ့ကျင့်ရေး နည်းလမ်းကို ရပြီးနောက် ရက်အနည်းငယ် ကြာပြီးနောက်တွင် နောက်ထပ် တိုးတက်မှုတစ်ခု ရှိလာခဲ့သည်။

ဒါဟာ ထူးဆန်းတယ်လို့ ထင်ရပေမယ့် တကယ်တော့ အဲဒါကို သေသေချာချာ တွေးကြည့်ရင် သဘာဝကျပါသည်။

ဟန်ရွှယ်သည် ထိုကဲ့သို့ ငယ်ရွယ်အချိန်တွင် အတုတံဆိပ်နယ်ပယ်သို့ ရောက်ရှိနိုင်သည်မှာ သူမသည် လူတစ်ရာအတွင်း ပါရမီရှင်တစ်ဦး ဖြစ်သည်။ ထို့အပြင် သူမ၏ အဆင့်မြင့်သော စွမ်းရည်များကို ပြောင်းလဲခဲ့လေသည်။

"အင်း!"

လုရွှမ် ခေါင်းညိတ်ရင်း

"လေလံပွဲအတွက် ပြင်ဆင်မှုတွေ ဘယ်လိုရှိလဲ? ရေခဲသွေးမြက်ခင်းပြင်နဲ့ ပတ်သက်တဲ့ သတင်းတွေ ရသေးလား?"

"သခင်လေးကို တင်ပြပါတယ်... အဓိပတိဆေးလုံးကို ရေခဲသွေးမြက်ခင်းနဲ့ လဲလှယ်တယ်ဆိုတဲ့ သတင်းက ပြန့်နှံ့သွားပြီး ဝယ်ချင်တဲ့သူတွေ တစ်ခုခုတော့ ပြင်ဆင်ထားပြီးသား ဖြစ်ရမယ်!"

မုယန်ဖုန်းက ဆို၏။

"ကောင်းပြီ သွားကြည့်ရအောင်!"

လုရွှမ်သည် နောက်ထပ်မေးခွန်းများ မမေးတော့ဘဲ ထူးဆန်းသော အဘိုးကြီး၊ မုယန်ဖုန်းတို့နှင့်အတူ အဂ္ဂိရတ်ပညာရှင် အဖွဲ့ဆီသို့ လျှောက်သွားခဲ့သည်။

ဤအခိုက်အတန့်တွင် အဂ္ဂိရတ်ပညာရှင် အဖွဲ့သည် အလွန်တက်ကြွနေပါသည်။ မမှောင်ခင်တွင် လူပင်လယ်များဖြင့် ပြည့်ကျပ်နေပြီး ၎င်းတို့ရှေ့ကို ယင်တစ်ကောင်ပင် ဖြတ်သန်း၍မရ ဖြစ်နေသည်။

သို့သော် ထူးဆန်းတဲ့ အဘိုးကြီး ရှိနေတော့ ဝင်ဖို့မခက်ပါဘူး။ သိပ်မကြာခင်မှာပဲ အထူးသီးသန့် အခန်းတစ်ခုထဲကို ဝင်ပြီး လေလံပွဲစဖို့ စောင့်နေလိုက်သည်။

"ဝုန်း!"

သူတို့သုံးယောက် ထိုင်ပြီး မကြာခင် တံခါးပွင့်လာပြီး အဂ္ဂိရတ်အဖွဲ့ ဥက္ကဋ္ဌ ဆရာကြီး ကူယ ဝင်လာသည်။

"ဆရာလုရွှမ်ကို ဂါဝရပြုပါတယ်!"

ကူယက လေးလေးစားစား ကြည့်လေသည်။

မရိုမသေလုပ်တာ မကောင်းပါဘူးလေ။ အဓိပတိအဂ္ဂိရတ်ဆေးကို ရပြီးနောက် အချိန်အတော်ကြာအောင် သေသေချာချာ လေ့လာကြည့်တော့ လုံး၀ နားမလည်နိုင်တာကို တွေ့ရသည်။

သူ့ရဲ့ လက်ရှိ အဂ္ဂိရတ်ပညာနဲ့ အဂ္ဂိရတ် ဆေးနည်းကို ကိုယ်တိုင် လမ်းညွှန်ပေးရင်တောင်မှ အောင်မြင်အောင် စွမ်းဆောင်နိုင်ရန် မသေချာပါ။

ဤအချက်ကို အခြေခံ၍ သူ့ရှေ့မှ လူငယ်၏ အဂ္ဂိရတ်ပညာသည် သူ့ထက် အဆများစွာ အားကောင်းသည်ကို သူသိလာသည်။

ဒီလိုလူမျိုးက ဘာကြောင့် လေးစားထိုက်သူ မဟုတ်ရမှာလဲ။

"ဘယ်လိုလဲ? ရေခဲသွေးမြက်ခင်းပြင်နဲ့ ပတ်သက်ပြီး သတင်းတွေ ရှိသေးလား"

လုရွှမ်က တစ်ချက်ကြည့်လိုက်သည်။

"ဆရာကြီး စိတ်မပူပါနဲ့.... အဓိပတိဆေးကို ဝယ်ချင်ရင် ရေခဲသွေးမြက်ကို ပေးရမယ်... ဒါက အရင်ကတည်းက ချမှတ်ထားတဲ့ စည်းမျဉ်းတစ်ခုပဲ ကျုပ်သိသလောက်တော့ ရေခဲသွေးမြက် ဆယ်ခုထက်မနည်း လေလံရုံထဲ ဝင်လာပြီ!"

ကူယက ပြုံးလျက် ဆိုလေသည်။

လေလံပွဲစီစဉ်သူ အနေဖြင့် မည်သူက အရင်းအနှီးမည်မျှ ယူဆောင်လာမည်ကို ကြိုတင်သိရှိနိုင်သည်။

"အဲဒါကောင်းတယ်!"

လုရွှမ် ခေါင်းညိတ်လိုက်သည်။

ထိပ်တန်းဆေးလုံးသည် အခြားသူများအတွက် အလွန်အဖိုးတန်သော်လည်း ၎င်းသည် သူ့အတွက် ဘာမှမဟုတ်ပေ။ ဆေးပင်ပစ္စည်းများ အလုံအလောက်ရှိသရွေ့ သူအလိုရှိသလောက် သန့်စင်နိုင်သည်။

သူသည် ဤဆေးလုံးဖြင့် လုံလောက်သော ရေခဲသွေးမြက်ပင်ကို စုဆောင်းနိုင်လျှင် သေချာပေါက် အမြတ်လို့ ယူဆရလိမ့်မည်။

"ဆရာကြီး....လေလံပွဲမှာ ဆရာကြီး စိတ်ဝင်စားနိုင်တဲ့ အရာတစ်ခု ရှိခဲ့ရင်... စျေးနှုန်းများတယ် ဆိုရင်တောင် ကျုပ်တို့ရဲ့ အဂ္ဂိရတ်ပညာရှင် အဖွဲ့က ပေးချေဖို့ ကူညီပေးမှာပါ!"

"ကျုပ်အတွက် ပေးချေမှာလား"

လုရွှမ် ခဏလောက် အံ့အားသင့်သွားပြီး နားလည်သွားသည်။ သူ့အဆင့်ကိုသိပြီး ကူယလည်း သူ့ကို စိတ်ဝင်စားနေပုံ ရသည်။

သို့သော် သူသည် ကြီးကျယ်ခမ်းနားသော အရူးဧကရာဇ် အဖြစ် အခြားသူများကို အခွင့်ကောင်းကို ယူရန် မဖြစ်နိုင်ပေ။

"ကျုပ်တကယ် စိတ်ဝင်စားတာ တစ်ခုရှိရင် ဝယ်မှာပါ... အဓိပတိအဂ္ဂိရတ်ဆေး နဲ့ ခင်ဗျားကိုပေးချေမယ်!"

လုရွှမ်က ပေါ့ပေါ့ပါးပါးနဲ့ ပြောလိုက်သည်။