ဝိညာဉ်သခင်

လုရွှမ်သာ ဒီအရာကို စောစောကရခဲ့ရင်

သူ့အစွမ်းက အတုတံဆိပ်နယ်ပယ်မှာပဲ ရှိနေရင်တောင် ချင်ရွှမ်းနဲ့ ချင်ကန်ကို သတ်ပစ်ဖို့က အားစိုက်ထုတ်စရာ မလိုဘဲ အသီးအရွက်နဲ့ ဖရဲသီးတွေကို ဖြတ်တောက်လိုက်သလို ရိုးရှင်းသွားနိုင်သည်။

နောက်ဆုံးတွင် သူ၏စိတ်ဝိညာဉ် စွမ်းအား အတိုင်းအတာသည် ၀.၉၈ သို့ ရောက်ရှိခဲ့ပြီလေ။ အဓိပတိနယ်ပယ်က လူများစွာထက် များစွာပိုမို အားကောင်းလာခဲ့သည်။

"ဒါပေမဲ့... ဝိညာဉ်သခင်တွေက ဒီကမ္ဘာကြီးထဲမှာ ပေါင်းစည်းထားပုံ မရဘူး!"

ကျီးကန်း ပြောသည်။

သာမာန် ကျင့်ကြံသူများသည် ဝိညာဉ်သခင်ကို ရှာတွေ့တဲ့အခါ ၎င်းတို့နောက်သို့ အမြဲလိုလို လိုက်၍ အဆုံးမရှိ သတ်ကြလိမ့်မည်။

ဤအခြေအနေအတွက် အကြောင်းရင်း နှစ်ရပ်ရှိသည်။ ပထမအချက်မှာ စိတ်ဝိညာဉ်သခင်များသည် စွမ်းအား ကြီးမားလွန်းလှသည်။ အထူးလက်နက်များနှင့် ဝိညာဉ်ကျွမ်းကျင်မှုများဖြင့် ပူးပေါင်း လုပ်ဆောင်နေရင်တောင် ၎င်းတို့သည် တူညီသောအဆင့်တွင် အောင်မြင်နိုင်ချေ မရှိဟု ဆိုနိုင်သည်။

ကျင့်ကြံသူ တစ်ယောက်သည် ဘယ်လောက်ပဲ သန်မာနေပါစေ သူနဲ့တော့ မယှဉ်နိုင်ပါ။ သန်မာလွန်းသောကြောင့် ကျင့်ကြံသူ များစွာကို ကြောက်ရွံ့ထိတ်လန့်စေရန် လွယ်ကူသည်။

ဒုတိယအချက်မှာ စိတ်ဝိညာဉ်သခင်အဖြစ် ကျင့်ကြံခြင်းသည် အလွန်ခက်ခဲပြီး သာမန်ကျင့်ကြံသူများထက် ပိုခက်ခဲပါသည်။ လုရွှမ်၏ ဝိညာဉ်စွမ်းအားသည် ဤကဲ့သို့သော အသက်အရွယ်တွင် ၀.၉၈ အထိ တိုးလာသည်က မယုံနိုင်စရာပင်။

ကျင့်ကြံမှုနှင့် အသက်အရွယ်တို့နှင့် အတူ ဝိညာဉ်စွမ်းအား၏ အတိုင်းအတာသည် ဖြည်းဖြည်းချင်း တိုးလာမည် ဖြစ်ပြီး ကျင့်ကြံမှု နည်းလမ်းများသည်လည်း မရှိသလောက်ပင်။

သို့သော် ခြွင်းချက်လည်း ရှိပါသည်။

လွန်ခဲ့သော နှစ်ပေါင်းများစွာက ဝိညာဉ်သခင်သည် သူ၏ ဝိညာဉ်စွမ်းအားကို လျင်မြန်စွာ တိုးမြင့်လာစေရန်အတွက် အထူးဆိုးရွားသော နည်းလမ်းတစ်ခုကို ဖန်တီးခဲ့သည်။

ဤဆိုးယုတ်သော နည်းလမ်းသည် မိမိကိုယ်မိမိ အာဟာရ ဖြစ်စေရန်အတွက် အခြားသူများ၏ စိတ်ဝိညာဉ်များကို ဝါးမြိုသွားနိုင်သည်။ မိမိတို့ခွန်အား တိုးပွားစေရန် အတွက် ဝိညာဉ်သခင်များသည် မရေမတွက်နိုင်သော အရပ်သားများနှင့် ကျင့်ကြံသူများကို အကြောင်းပြချက် မရှိဘဲ သတ်ဖြတ်ကာ ၎င်းတို့၏စိတ်ဝိညာဉ်များကို စုပ်ယူခဲ့တာကြောင့် ဝမ်းနည်းပူဆွေးခြင်းနှင့် မရေမတွက်နိုင်သော သေဆုံးမှုများကို ဖြစ်ပေါ်စေခဲ့သည်။

ထို့အတွက်ကြောင့် စိတ်ဝိညာဉ်သခင်များသည် ကျင့်ကြံသူများ အားလုံး၏ သဘာဝရန်သူများ ဖြစ်လာခဲ့သည်။

နှစ်ဘက်ကြားတွင် စစ်ပွဲတစ်ခု ဖြစ်ပွားခဲ့လျှင် စိတ်ဝိညာဉ်သခင်များသည် တူညီသောအဆင့်တွင် မတိုက်ခိုက်နိုင်သော်လည်း ကျင့်ကြံသူများသည် လျင်မြန်စွာ တိုးတက်လာကြသည်။

ပြတ်ပြတ်သားသား ပြောရလျှင် တူညီသောလေ့ကျင့်သူ နှစ်ဦးတွင်။ ဝိညာဉ်စွမ်းအားကို လေ့ကျင့်သူနှင့် သိုင်းပညာကို လေ့ကျင့်သူသည် ဆယ်နှစ်ကြာပြီးနောက် ကျင့်ကြံသူသည် ၎င်းတို့၏ တိုက်ခိုက်ရေး စွမ်းအားသည် အားကောင်းလာသလို ဝိညာဥ်သခင်သည်လည်း သဘာဝအားဖြင့် ပိုမိုအားကောင်းလာမည် ဖြစ်သည်။

ထို့အပြင် စိတ်ဝိညာဉ်စွမ်းအားကို လေ့ကျင့်ရန် ကန့်သတ်ချက်များ အမျိုးမျိုး ရှိသည်။ ဝိညာဉ်သခင် အရေအတွက်သည် ကျင့်ကြံသူများထက် များစွာနည်းသည်။ တိုက်ပွဲတစ်ခု ပြီးသည်နှင့် နောက်ပိုင်းတွင် ကြီးမားသော အတိုင်းအတာဖြင့် ချက်ချင်း ရှုံးနိမ့်သွားမည် ဖြစ်သည်။

အဲဒီနောက်မှာတော့ ရလဒ်က ရိုးရှင်းပါ၏။ ဝိညာဥ်သခင်ရဲ့ အလုပ်အကိုင်ဟာ တိမ်ပင်လယ်ထဲက လုံးဝနီးပါး ပျောက်ကွယ်သွားခဲ့ပြီး စိတ်စွမ်းအားနဲ့ ဝိညာဥ်စွမ်းအားတွေ ပါနိုင်တဲ့ ဝိညာဥ်သခင် အားလုံးကို သုတ်သင် ရှင်းလင်းပစ်ပေမည်။

ထိုအခါ ဝိညာဉ်သခင်၏ လုပ်ငန်းကို တစ်ချိန်တွင် မေ့လျော့သွားလိမ့်မည်။

လုရွှမ်သည် ဂိုဏ်းကြီးခြောက်ခု၏ စာကြည့်တိုက်များထဲမှ စာအုပ်များကို ဖတ်ရှုပြီး အဓိကဂိုဏ်းကြီးခြောက်ခု၏ မှတ်တမ်းများအတိုင်း ဤအရာ၏ တည်ရှိမှုကို သိရှိပြီး ဝိညာဉ်ကျွမ်းကျင်မှု လျှို့ဝှက်ချက် အချို့ကိုလည်း တွေ့ရှိခဲ့သည်။

သို့သော် ယခင်ဘဝက ဤအရာများကို သိသော်လည်း သူ၏ ခွန်အားသည် အပြီးသတ်နေပြီဖြစ်ပြီး ကျင့်ကြံခြင်း မပြုနိုင်တော့ပေ။ ထို့ကြောင့် သူသေဆုံးသည်အထိ ဝိညာဉ်စွမ်းရည်ကို ဘယ်သောအခါမှ မလေ့ကျင့်နိုင်ခဲ့ပေ။

ယခု မတူတော့ပေ။ ပြန်လည်မွေးဖွားလာခဲ့ပြီး ဝိညာဉ်စွမ်းအား အတိုင်းအတာသည် ၁သို့ မရောက်သေးပါ။ အရာအားလုံး ဖြစ်နိုင်သေးသည်။ ဝိညာဉ်ကျွမ်းကျင်မှုကိုလေ့ကျင့်နေသရွေ့ ဝိညာဉ်သခင် ဖြစ်လာရန် မျှော်လင့်ချက်ကြီးစွာ ရှိနေသေးသည်။

"ဝိညာဥ်သခင် ကိုယ်တိုင်က ဘာအမှားမှ မရှိပါဘူး။ မှားတာက ကျင့်စဥ်နည်းလမ်းပဲ... နတ်ဆိုးအတတ်ကို မလေ့ကျင့်ဘဲ နှလုံးသားက မိစ္ဆာစိတ် မဝင်သရွေ့ ကိုယ့်ကိုကိုယ် မြှင့်တင်တဲ့ လေ့ကျင့်ရေး နည်းလမ်းတွေ ရှိတယ်"

လုရွှမ်သည် သူ့လက်ကို ဝှေ့ယမ်းလိုက်သည်။

သူက စိတ်ပျော့တဲ့ လူမဟုတ်ဘူး။

လူတိုင်းသည် စိတ်ဝိညာဉ်သခင်၏ အသုံးအနှုန်းများ အကြောင်း ပြောဆိုကြပြီး ဖြောင့်မတ်သောနည်းလမ်းဖြင့် မထီမဲ့မြင် ပြုကြသော်လည်း ၎င်းတို့နှင့် မဆိုင်ပေ။

နတ်ဆိုးအတတ်ကို မလေ့ကျင့်ဘဲနဲ့ မင်းရဲ့ ဝိညာဉ်စွမ်းအားကို တစ်ဆင့်ပြီးတစ်ဆင့် တိုးမြှင့်နေသရွေ့တော့ အဆင်ပြေသွားမှာပါ။

ယနေ့ခေတ် တိမ်ပင်လယ် တိုက်မကြီးသည် စိတ်ဝိညာဉ်သခင်များနှင့် လိုက်လျောညီထွေ မရှိသေးချေ။ ကျင့်ကြံနေသော်လည်း မိမိတို့၏အသက်ကို ကယ်တင်ရန် အတွက်သာ အသုံးပြုနိုင်ပြီး ၎င်းတို့ကို ပွင့်လင်းမြင်သာစွာ ထုတ်သုံး၍ မရနိုင်ပေ။

သို့မဟုတ်ပါက မရေမတွက်နိုင်သော ကျင့်ကြံသူများ၏ ဝိုင်းရံခြင်းကို ခံရသည်မှာ သေချာပါသည်။

"မှန်တယ်!" ကျီးကန်းက ခေါင်းညိတ်လေသည်။

ဝိညာဉ်သခင်သည် အစွမ်းထက်သည်ဟု လူအများ သိကြသော်လည်း ၎င်းတို့ စိတ်နှလုံးထဲတွင် ကောင်းခြင်း မကောင်းခြင်း အတားအဆီးကို မကျော်ဖြတ်နိုင်သောကြောင့် လေ့ကျင့်ရတာ ခက်လေသည်။

အမှန်စင်စစ် ဝိညာဉ်သခင်များသည် ကျင့်ကြံသူ တစ်စိတ်တစ်ပိုင်းသာ ဖြစ်ပြီး သူတို့ကိုယ် သူတို့သာ မကောင်းသော လမ်းစဥ်သို့ လိုက်ခဲ့လျှင် နတ်ဆိုးဟူသာ အခေါ်ခံရနိုင်သည်။

ကျင့်ကြံသူများသည်လည်း နောက်တစ်ဆင့်သို့ တက်လှမ်းရန် အထူးနည်းလမ်းများကို အသုံးပြုသူများလည်း ရှိပြီး နည်းလမ်းများသည် စိတ်ဝိညာဉ်သခင်များထက် အမှန်တကယ်ပင် ပိုကြောက်စရာ ကောင်းပါသည်။

"ဒီသစ်သားနီကို အရင်သန့်စင်ရအောင်!"

သူ့စိတ်ထဲတွင် ဆုံးဖြတ်ချက် တစ်ခုချပြီးနောက် လုရွှမ်သည် တုံ့ဆိုင်းမနေဘဲ လက်ညှိုးကို ကိုက်၍ သွေးများစီးကျလာကာ ဝိညာဉ်စွမ်းအားများ လွင့်ထွက်လာပြီး သစ်သားထဲသို့ သွန်းလောင်းသွားသည်။

ဘိ.....

အနီရင့်ရင့်သစ်သား၏ မျက်နှာပြင်သည် အလင်းရောင်ဖြင့် ထွန်းလင်းနေပြီး ၎င်းပေါ်ရှိ မျဥ်းကြောင်းများမှာ တောက်ပနေသည်။

အနီရောင်အသားသည် ဝိညာဉ်သခင်များအတွက် ကောင်းကင်မှ အထူးလက်ဆောင် တစ်ခုဖြစ်သည်ဟု ဆိုရပေမည်။ မျက်နှာပြင်ပေါ်ရှိ မျဉ်းကြောင်းများစွာသည် ဝိညာဉ်စွမ်းအားကို ဖြည့်ဆည်းပေးသည့် နေရာများသာ ဖြစ်သည်။

ဝိညာဉ်စွမ်းအား လုံလောက်စွာ အားကောင်းနေသရွေ့ ၎င်းကို လုံးလုံးပေါင်းစပ်နိုင်သည်။

ဟူ!

သွေးကို စုပ်ယူပြီး လုံလောက်သော ဝိညာဉ်စွမ်းအားကို ပေါင်းစပ်လိုက်တဲ့အခါ သစ်သားသည် ချက်ချင်းပင် လုရွှမ်၏ လက်ဖဝါးကို စွန့်ကာ ဖြည်းညှင်းစွာ လွင့်ပျံလာသည်။

"အောင်မြင်ပြီ!"

အနီရောင် မျဥ်းကြောင်းများ၏ စီးဆင်းမှုကို ထိန်းချုပ်ခြင်းဖြင့် ဤသစ်သားကို လုံး၀ သန့်စင်ထားကြောင်း လုရွှမ် သိလိုက်သည်။

"ဝိညာဥ်သခင်ဖြစ်ချင်ရင် ဝိညာဉ်ကို ခန္ဓာကိုယ်နဲ့ ခွဲထားရမယ်.... အရမ်းကြီး မရောထွေးပစ်နဲ့!"

အဂ္ဂိရတ်သမားများနှင့် လက်မှုပညာရှင်များ ကဲ့သို့ စိတ်ဝိညာဉ်သခင်များသည် ဝိညာဉ်စွမ်းအင်များကို စုဆောင်းကြရသည်။ အကြောင်းအရင်းအရ နောက်ပိုင်းတွင် ပြင်းထန်သော ဝိညာဉ်စွမ်းအား အတိုင်းအတာရှိပြီး ၎င်းတို့တွင် ဝိညာဉ်သခင်၏ တိုက်ခိုက်ရေး နည်းလမ်းများလည်း ရှိလေသည်။

အစွမ်းထက်သော အဂ္ဂိရတ်ဆရာများနှင့် လက်မှုပညာရှင် များသည် လူများကိုသတ်ရန် ဝိညာဉ်စွမ်းအားကို အသုံးပြုသော်လည်း ၎င်းတို့သည် ဝိညာဉ်သခင်များထက် များစွာဆိုးရွားနေသေးသည်။

ဝိညာဥ်သခင် လေ့ကျင့်သူများသည် ၎င်းတို့၏ ဝိညာဉ်စွမ်းအားကို စတင် လေ့ကျင့်ချိန်မှစ၍ ၎င်းတို့၏ ခန္ဓာ ကိုယ်နှင့် ပိုင်းခြားထားပြီး တိုက်ခိုက်သည့်အခါ တိုက်ခိုက်ရန်အတွက် ၎င်းတို့၏ ဝိညာဉ်စွမ်းအား အားလုံးကို အသုံးပြုနိုင်သည်။

ထို့အတွက်ကြောင့် လုရွှမ်သည် သူ၏ယခင်ဘဝတွင် ဝိညာဉ်ကျွမ်းကျင်မှုများစွာကို သိရှိခဲ့သော်လည်း ၎င်းတို့ကို မလေ့ကျင့်နိုင်ခဲ့ပေ။

သေမျိုးအသွင်ပြောင်းခြင်း နယ်ပယ်သို့ ဝင်ရောက်သည်နှင့် တစ်ပြိုင်နက် ဝိညာဉ်နှင့်ခန္ဓာကိုယ်သည် အလွန်ပေါင်းစပ် သွားလိမ့်မည်ဖြစ်သည်။

အကယ်၍ ဝိညာဉ်သည် သေမျိုးအသွင်ပြောင်းခြင်း နယ်ပယ် မတိုင်မီ မဖယ်ထုတ်ပါက ဝိညာဉ်သခင် ဖြစ်လာလျှင် ဝိညာဉ်နှင့်ခန္ဓာကိုယ်သည် တစ်စိတ်တစ်ပိုင်း ပေါင်းစပ်သွားမည် ဖြစ်ပြီး ဝိညာဉ်သည် ခွဲထုတ်လို့ ရမည် မဟုတ်တော့။

ထို့ကြောင့် လုရွှမ်အတွက်တော့ သူသည် စိတ်ဝိညာဉ်သခင်ဖြစ်ရန် အမှန်တကယ် ရည်မှန်းထားလျှင် ယခုရွေးချယ်မှုတစ်ခု ပြုလုပ်ရမည်ဖြစ်သည်။ သူသည် သေမျိုးအသွင်ပြောင်းခြင်း နယ်ပယ်သို့ရောက်သည်နှင့် ၎င်းကိုစဉ်းစားလျှင်ပင် စွမ်းအားမဲ့သွားလိမ့်မည်။

"စလိုက်ကြရအောင်!"

အနီရင့်ရင့် သစ်သားကို ဘေးဖယ်ထားရင်း လုရွှမ် သူ့နှလုံးသားကို ထိန်းချုပိလိုက်သည်။

စိတ်ဝိညာဉ်ကို ခန္ဓာကိုယ်နှင့် ခွဲထုတ်ရန် အလွန်ခက်ခဲပြီး ဇွဲလုံ့လနှင့် ယုံကြည်မှုများစွာ လိုအပ်ပါသည်။ အခြားလူများအတွက်မူ ထိုသို့ပြုလုပ်ရန် မဖြစ်နိုင် သလောက်ပင်။ သို့သော် သူ့အရင်ဘဝက အထွတ်အထိပ်ကို ရောက်ခဲ့ပြီး သူ့စိတ်ဝိဥာဉ်နဲ့ ခွဲခွာခြင်းကို တွေ့ကြုံခဲ့ရတာမို့ အဲဒါအတွက် ပြင်ဆင်ထားပြီးသား ဖြစ်သည်။

ပြန်လည်မွေးဖွားပြီးနောက် ဝိညာဥ်စွမ်းအား အမှတ်ကို ဖွင့်လိုက်သည်နှင့်အမျှ အခက်အခဲ အဆင့်မှာ များစွာလျော့ကျသွားခဲ့သည်။

မလှုပ်မယှက် ငြိမ်သက်စွာ ထိုင်နေသည့် အချိန်ကာလတစ်ခု ကြာပြီးနောက် သူ့မျက်ခုံးများ ရုတ်တရက် ပင့်တက်လာသည်။

ဗုန်း!

စိတ်ထဲတွင် ဟိန်းသံတစ်ခု ထွက်ပေါ်လာပြီး စိတ်စွမ်းအား လှိုင်းလုံးကြီးတစ်ခု ကောင်းကင်ယံ၌ တခဏချင်း လွင့်ပျံသွားသည်။

ဝိညာဉ်သည် ခန္ဓာကိုယ်မှ ထွက်ခွာခြင်း အောင်မြင်သွားလေပြီ။

ခွဲခွာနေသော ဝိညာဉ်က လှုပ်ရှားသွားသည်နှင့် တပြိုင်နက် မဝေးလှသော နေရာမှ သစ်သားနီမှာ တစ်ခဏ ငြိမ်သက်စွာ ရပ်တန့်သွားသည်။

ဝိညာဉ်စွမ်းအား၏ ထိန်းချုပ်မှုအောက်တွင် အနီရောင် မျဥ်းကြောင်းများသည် လျှပ်စီးကဲ့သို့ အရှိန်အဟုန်ဖြင့် ပြေးလွှားနေ၏။

ဝူး!

ခွဲထွက်နေသော ဝိညာဉ်သည် ခန္ဓာကိုယ်ထဲသို့ ပြန်လည် ဝင်ရောက်လာသော်လည်း အနီရောင်ရှိသော သစ်သားသည် လှည့်ပတ် ပျံသန်းနေပြီး အလိုအလျောက် လမ်းကြောင်းပြောင်းသွားခဲ့သည်။

"စိတ်ဝိညာဉ်ကို ခန္ဓာကိုယ်နဲ့ ခွဲထုတ်ခြင်းကို အနီရောင်သစ်သားက တကယ် ထိန်းချုပ်နိုင်တာပဲ!"

လုရွှမ် မတ်တပ်ထရပ်လိုက်ပြီး အတွေးတစ်ခုဖြင့် နီရဲနေသော သစ်သားသည် သူ့လက်ဖဝါးဆီသို့ ဖြည်းဖြည်းချင်း ပျံသန်းလာစေသည်။

ဝိညာဉ်နှင့် ခန္ဓာကိုယ် မခွဲခြားထားပါက သူ၏ 0၀.၉၈ ဝိညာဉ်စွမ်းအားဖြင့် ခန္ဓာကိုယ်မှ ခွဲထွက်၍ မရသည့်အပြင် သဘာဝအတိုင်း လှည့်ပတ် ပျံသန်းနေသည့် အနီရောင်သစ်သားကို ထိန်းချုပ်ရန် မဖြစ်နိုင်ပေ။

ဝိညာဥ်ခွဲခွာပြီးနောက် စိတ်ဝိညာဉ်သည် ချည်နှောင်ခြင်းမှ လွတ်မြောက်သွားသဖြင့် အပြင်သို့ အလွယ်တကူ ပျံ့နှံ့သွားနိုင်သည်။

"ဒါပေမဲ့ ငါ့ရဲ့ လက်ရှိ စိတ်ဝိညာဉ်စွမ်းအား အတိုင်းအတာက အရမ်းနည်းနေသေးတယ်။ ငါ့ခန္ဓာကိုယ်ရဲ့ ဆယ်မီတာအတွင်း ပျံသန်းဖို့ပဲ သစ်သားနီကို ထိန်းချုပ်နိုင်တယ်... ထပ်ဝေးသွားရင်တော့ မဖြစ်တော့ဘူး!"

လုရွှမ်၏ လက်ရှိစိတ်ဝိညာဉ် စွမ်းအား အတိုင်းအတာသည် ၁ ထက်နည်းပြီး သူ၏ထိန်းချုပ်မှုမှာ အကန့်အသတ်ရှိသည်။ အနည်းဆုံးအားဖြင့် သစ်သားနီကို ဆယ်မီတာအတွင်း ပျံသန်းရန်သာ ထိန်းချုပ်နိုင်၏။