သားရဲခန်းမ

"တခြားဆေးပင် ပစ္စည်းတွေက ရှာရလွယ်တယ် ဆိုင်ရှင်ကိုကူပြီး ရှာခိုင်းလို့ရတယ်... အဓိကက နဂါးသွေးက ဆင်းသက်လာတဲ့ သားရဲကြီးတွေ ဒါမှမဟုတ် ဝိညာဉ်သားရဲတွေပဲ"

နဂါးမီးငြိမ်းစွမ်းအားဆေး အတွက် အရေးကြီးဆုံး ပါဝင်ပစ္စည်းမှာ နဂါးသွေး ဖြစ်သည်။

ဧရာမနဂါးကြီးသည် ရှည်လျားလှသော သမိုင်းထဲတွင် ပျောက်ကွယ်သွားသည်မှာ ကြာမြင့်ခဲ့ပြီဖြစ်ပြီး နောင်လာနောက်သား များကလည်း ၎င်း၏အမည်ကို ကြားဖူးရုံမျှသာ ရှိပြီး မမြင်ဖူးကြပေ။

ဤနေရာတွင် ဖော်ပြထားသော နဂါးသွေးသည် အမှန်တကယ် အားဖြင့် နဂါးသွေးပါသော နတ်ဆိုးသားရဲ သို့မဟုတ် ဝိညာဥ်သားရဲများကို ရည်ညွှန်းလေသည်။

သွေးပါဝင်မှု နည်းပါးသော်လည်း ၎င်းတို့သည် နဂါးမျိုးရိုးမှ ဆင်းသက်လာဆဲ ဖြစ်သည်။ ဤသွေးအမျိုးအစားကို အသုံးပြု၍ ခန္ဓာကိုယ်ကို ပျော့ပျောင်းစေသော ဆီမွှေးကို သန့်စင် အသုံးပြုပါက ခန္ဓာကိုယ်၏ ကြံ့ခိုင်မှုကို လျင်မြန်စွာ တိုးစေပြီး ကန့်သတ်ချက်များကို အချိန်တိုအတွင်း ဖြတ်ကျော်ကာ ဆင်သံချပ်ရွှေကိုယ်ထည်၏ တတိယအလွှာသည် ထိုးဖောက်နိုင်မှာ ဖြစ်သည်။

နဂါးမျိုးရိုးမှ ဆင်းသက်လာသော သားရဲများသည် ရှာရန် မလွယ်ကူသလို ၎င်းတို့ကိုတွေ့လျှင်ပင် အနိုင်ယူရန်လည်း အလွန်ခက်ခဲပါသည်။

နဂါး၏အသွေးသည် မည်မျှပင် ရှားပါးစေကာမူ ၎င်း၏ တန်ခိုးသည် အကန့်အသတ် မရှိပေ။ သူသည် အလယ်အလတ် အဆင့်သို့ ရောက်သည်နှင့်ပင် ဤသတ္တဝါဆိုးမျိုးနှင့် ကြုံတွေ့ရပါက တိုက်ခိုက်ရမည် မဟုတ်ဘဲ ရှောင်သွားတာကသာ အကောင်းဆုံး ဖြစ်ပေသည်။

"သားရဲခန်းမကို သွားရအောင် အသုံးဝင်တာ တစ်ခုတွေ့ချင် တွေ့နိုင်မှာ!"

အတွေးတစ်ခုနဲ့အတူ လှုပ်ရှားလိုက်သည်။

ကျင့်ကြံသူများသည် နတ်ဆိုးသားရဲ ဖြစ်စေ ဝိညာဥ်သားရဲ ဖြစ်စေ ဖမ်းဆီးပြီး မွေးမြူရောင်းချခြင်းများကို အများအပြား ပြုလုပ်ကြသည်။ အချို့သော သန်မာသူများသာ ပျံသန်းသားရဲများကို ဖမ်းယူ၍ အခြားသူတို့အားရောင်းချခြင်း၊ သားပေါက်များကို မွေးမြူခြင်းများ ပြုလုပ်ကြသည်။

အတိုချုပ် ပြောရရင် ဝယ်လိုအား ရှိတဲ့နေရာမှာ အရောင်းအဝယ် ရှိ၏။ နတ်ဆိုး သားရဲနှင့် နတ်သားရဲများအတွက်လည်း အလားတူပင်။

သားရဲခန်းမသည် ဤလုပ်ငန်းမျိုး လုပ်ဆောင်ရာ နေရာဖြစ်သည်။ ကျွမ်းကျင်သူများသည် အမည်မသိ တောရိုင်းသားရဲများနှင့် ဝိညာဥ်သားရဲအချို့ကို ဖမ်းဆီးကာ ၎င်းတို့၏ခြေသည်းများ၊ အမွေးများ၊ ကြွက်သားများနှင့် အတွင်းအင်္ဂါများကို ဖယ်ထုတ်ကာ ရောင်းဝယ် ဖောက်ကားကြသည်။

အဂ္ဂိရတ်ပညာရှင် အဖွဲ့ နှင့် အခင်းအကျင်းပညာရှင် အဖွဲ့ကဲ့သို့ပင် သားရဲခန်းမသည် စုစည်းထားသော စီမံခန့်ခွဲမှုရှိပြီး တိုက်ကြီးတစ်ခုလုံးတွင် ရေတွက်နိုင်သော အင်အားစု တစ်ခုကို ပိုင်ဆိုင်ထားသည်။

တခြားသူတွေ မသိပေမယ့် တစ်ချိန်က ကမ္ဘာရဲ့ အထွတ်အထိပ်မှာ ရပ်တည်ခဲ့တဲ့ ဖြစ်တည်မှု တစ်ခုအနေနဲ့ လုရွှမ်ဟာ လျှို့ဝှက်ချက် တချို့ကိုလည်း ကောင်းကောင်း သိနေပါသေးသည်။

တိမ်ပင်လယ် နယ်မြေတွင် လူသားမျိုးနွယ်များ၊ နတ်ဆိုးမျိုးနွယ် များသာမက သားရဲမျိုးနွယ်များပါ ရှိသည်။

သားရဲခန်းမ နှင့် သားရဲမျိုးနွယ်တို့ အကြား ညှိနှိုင်းမှုမရှိပါက သင်သည် တောရိုင်းသားရဲများနှင့် ဝိညာဥ်သားရဲများကို အလိုအလျောက်သတ်ပြီး အမဲလိုက်ခြင်းအတွက် သားရဲမျိုးနွယ်မှ တန်ပြန် တိုက်ခိုက်ခြင်း ခံရမည် ဖြစ်သည်။

ထို့အတွက်ကြောင့် သားရဲခန်းမသည် အလွန် အစွမ်းထက်သည်။ ပေရွှီးအင်ပါယာသည် အထက်တန်းစား နိုင်ငံဖြစ်လျှင်ပင် သားရဲခန်းမ၏ ပဲ့ပိုင်းခွဲတစ်ခုကို တည်ထောင်ရန် အရည်အချင်း ပြည့်မီပါသည်။

ကျန်းဝူအင်ပါယာနှင့် ဝူယန်အင်ပါယာတွင်ပင် သဘာဝကျကျ ဒီလိုအဖွဲ့အစည်းမျိုး ပြုလုပ်ဖို့ အရည်အချင်းတောင် မရှိဘူး။

သားရဲခန်းမသည် တောင်များနှင့် နီးသော ပေရွှီးမြို့တော်၏ တောင်ဘက်တွင် တည်ရှိသည်။ တောရိုင်းသားရဲများကို အမဲလိုက်သော ကျင့်ကြံသူများစွာသည် ၎င်းတို့၏ ပစ္စည်းများကို ရောင်းချရန် သို့မဟုတ် အသုံးဝင်သော အရာများအတွက် လဲလှယ်ရန် ဤနေရာကို အတိုဆုံးအချိန်အတွင်း ရောက်ရှိလာနိုင်သည်။

လုရွှမ်သည်လည်း လျောက်ချင်း၏ ဦးဆောင်မှုအောက်တွင် ရောက်ရှိလာခဲ့သည်။

ကြီးမား၍ ပြင်းထန်သော အဆောက်အအုံကြီး၏ ရှေ့ဝင်ပေါက်တွင် သားရဲ၏ ဦးခေါင်းတစ်ခု ရှိသည်။ အဆောက်အအုံသည် အထူး ပျော့ပျောင်းသော ပုံစံဖြင့် သားရဲ၏ အသက်ရှုသံဖြင့် လူတို့အား ပြင်းထန်သော ဖိနှိပ်မှုကို ခံစားရစေသည်။

"အခင်းအကျင်းတွေကို ပေါင်းစပ်ထားတယ်... ဒီအသက်ရှူသံကို ထုတ်လွှတ်နိုင်အောင် လုပ်ထားနိုင်တာ အနည်းဆုံး အခင်းအကျင်း ဂိုဏ်းဆရာနယ်ပယ်က လူတစ်ယောက် ဖြစ်လိမ့်မယ်"

လုရွှမ် တိတ်တဆိတ် ခေါင်းညိတ်လိုက်သည်။

သားရဲခန်းမကို အခင်းအကျင်း ပညာရှင်များသာ သေချာပေါက် ဆောက်လုပ်ထားနိုင်သည်။ မဟုတ်ရင် သားရဲရဲ့ စွမ်းအားကို ထုတ်လုပ်ဖို့ ဝိညာဉ်စွမ်းအင်တွေကို သိမ်းပိုက်ထားဖို့ မဖြစ်နိုင်ဘူးလေ။

အခြားသူများအတွက်မူ ဤအကျပ်ကိုင် ဖိအားပေးမှုမျိုးကို တန်ပြန်ရန် စစ်မှန်သော စွမ်းအင်ကို အသုံးချနိုင်သော်လည်း သူ့အတွက်မူ သက်ရောက်မှု လုံးဝမရှိပါ။

"သခင်လေး... သားရဲခန်းမရဲ့ အသွင်အပြင်က ကိုက်ဖြတ်ကောင်းကင် သားရဲတစ်ကောင်လို့ ကျွန်တော် ကြားမိတယ် အဲဒါက ရှေးနတ်သားရဲ အသွင်အပြင်ပဲ ရှိပေမယ့် လူတွေကို ပြင်းထန်တဲ့ ဖိအားတွေ ပေးနိုင်တယ်..."

လျောက်ချင်းသည် ဖိအားကို တွန်းလှန်ရန် သူ၏ စစ်မှန်သော စွမ်းအင်ကို ဖြန့်ကျက်ကာ သတင်းရယူမည်ဟု ပြောခဲ့သည်။

"ကိုက်ဖြတ် ကောင်းကင်သားရဲ?" လုရွှမ်က ခေါင်းခါလိုက်ပြီး

"ဒါက ကိုက်ဖြတ်ကောင်းကင် သားရဲရဲ့ မျိုးဆက်သာသာပါပဲ!"

အခြားသူတွေကတော့ သားရဲခန်းမတွေ အကြောင်း သိပ်မသိနိုင်ပေမယ့် သူက အများကြီး သိထားသည်။

သူ၏ယခင်ဘဝတွင် သူသည် အဓိကဂိုဏ်းကြီး ခြောက်ခုကို ခိုးဝင်ခဲ့ရုံသာမက သားရဲခန်းမ တစ်ခုတည်းသို့လည်း သွားရောက် လည်ပတ်ခဲ့ပြီး နောက်ပိုင်းတွင် သားရဲမျိုးနွယ်မှ လူဟောင်းအချို့နှင့်လည်း တိုက်ခိုက်ခဲ့ဖူးသည်။ နောက်ဆုံးရလဒ်ကိုတော့ ဘယ်သူမှ မပြောခဲ့သလို ကမ္ဘာကြီးကလည်း မသိခဲ့ပေ။

သူသိတာက အဲဒီကတည်းက သူက သားရဲခန်းမရဲ့ အထူးခြားဆုံး ဧည့်သည် ဖြစ်လာခဲ့ပြီး အမြင့်ဆုံး နေရာကိုလည်း ရရှိခဲ့ဖူးသည်။

သခင်လေး ဘာကိုတွေးနေလဲ မသိပေမယ့် လျောက်ချင်းလည်း နောက်ထပ်မေးခွန်းများကို မမေးဝံ့တော့ပေ။ နှစ်ယောက်သား ရှေ့က အထပ်မြင့် အဆောက်အဦးဆီသို့ လျှောက်သွားကြသည်။

သားရဲခန်းမထဲတွင် လူများဖြင့် ပြည့်ကျပ်နေပြီး လှောင်အိမ်ကြီးထဲတွင် သားရဲမျိုးစုံဖြင့် ပြည့်နေပါသည်။ အများစုမှာ ပျံသန်းသားရဲများ ဖြစ်ကာ ၎င်းတို့လည်ပင်းတွင် အထူးသားရဲ တံဆိပ် သော့ခလောက်များကို ၀တ်ဆင်ထားကြသည်။ ၎င်းတို့ကို ပိုက်ဆံသုံးနိုင်နေသရွေ့ တစ်ဖက်တွင် ဝယ်ယူနိုင်မည်။

သားရဲတံဆိပ် သော့ခလောက်များ ပေါ်တွင် ဝိညာဉ်အမည်များကို ရေးထွင်းပါက ပျံသန်းသားရဲသည် သင့်အား သခင်အဖြစ် အသိအမှတ်ပြုပြီး သင်၏အမိန့်ကို နာခံမည် ဖြစ်သည်။

"သားရဲသော့ခလောက်က စိတ်ဝိဥာဉ်ပုံတွေကို ရေးထွင်းနိုင်တဲ့သူဟာ သားရဲထိန်းသူလို့ ကြားဖူးတယ်... ဒီလိုလူမျိုးကသာ သားရဲတွေနဲ့ ဆက်သွယ်နိုင်တယ်တဲ့ သူတို့တွေးနေတာတွေကို သိပြီး သူတို့နဲ့ သဘောတူညီမှု ရနိုင်တယ်လို့ ပြောတယ်"

လျောက်ချင်းက ပြော၏။

သခင်လေးသည် သားရဲခန်းမသို့ လာမည်ကို သိသဖြင့် များစွာသော အကြောင်းအရာများကို ကြိုတင် မေးမြန်းခဲ့သည်။

အဂ္ဂိရတ် ပညာရှင်ကဲ့သို့ သားရဲထိန်းသူများသည်လည်း ပညာရှင်များဖြစ်ကာ ၎င်းသည် ကြောက်စရာ အကောင်းဆုံးသော အသက်မွေးဝမ်းကျောင်း တစ်ခုလည်း ဖြစ်သည်။ အစွမ်းထက်သော သားရဲထိန်းသူသည် အစွမ်းထက်သော သားရဲများနှင့် ဝိညာဥ်သားရဲများစွာကို သူ့အားအစေခံရန် ဆင့်ခေါ်နိုင်ပြီး လူများကို တိုက်ခိုက်ရာတွင်လည်း အသုံးပြုသည်။

ဤပုဂ္ဂိုလ်မျိုးသည် သာမန်ကျင့်ကြံသူများထက် ကွဲပြားသော စိတ်ဝိညာဉ် အတက်အကျရှိပြီး တောရိုင်းသားရဲများနှင့် ဝိညာဥ်သားရဲများကို ချောမွေ့စွာ ဆက်သွယ်နိုင်သည်။ ထို့ကြောင့် သားရဲခန်းမရှိ တန်ခိုးအရှိဆုံးပုဂ္ဂိုလ်မှာ ဤအမျိုးအစား ဖြစ်သည်။

သားရဲလေ့ကျင့်ပေးသည့် ပညာရပ်သည် အလွန်ရှားပါးသည်။ အရည်အချင်းရှိသူ သန်းတစ်ရာတွင် တစ်ဦးတစ်ယောက်မျှ မရှိနိုင်ပေ။ ထို့ကြောင့် ကျန်းဝူအင်ပါယာ နှင့် ဝူယန်အင်ပါယာတွင် ၎င်းကို မည်သူမျှ မကြားသိဖူးကြပေ။

"သားရဲ လေ့ကျင့်ရေးဆရာတွေက အရမ်း အစွမ်းထက်တယ်... ဒီလူမရှိရင် မင်းက သဘာဝကျကျ သားရဲတွေကို မမွေးမြူထားဘူးဆိုရင် မင်းဟာ ခွန်အားကြီးရင်တောင် သူတို့ကို ထိန်းကျောင်းဖို့ နှစ်နဲ့ချီ ကြာနေနိုင်တယ်... မဟုတ်ရင် သားရဲတွေက မင်းရဲ့အမိန့်ကို နာခံနိုင်မှာ မဟုတ်ဘူး"

လုရွှမ် ခေါင်းညိတ်၍ သဘောတူလိုက်သည်။

သားရဲများကို ထိန်းကျောင်းရန် နည်းလမ်းများစွာ ရှိသည်။ သားရဲထိန်းသူများသည် သားရဲများကို အချိန်တိုအတွင်း ယဉ်ပါးစေရန် အထူးမန္တာန်များဖြင့် ၎င်းတို့နှင့် ဆက်သွယ်နိုင်သည်။

သာမာန်လူများက ၎င်းကို ယဉ်ပါးချင်ရင် မဖြစ်နိုင်ဘဲ အလွန်ဒုက္ခရောက်နိုင်သည်။ ပထမဦးစွာ သားရဲကို ယဉ်ပါးချင်သူတွေထက် သာလွန်တဲ့ အစွမ်းသတ္တိ ရှိရမည်။ တစ်နေ့ကို အကြိမ်ပေါင်းများစွာ ဒေါသထိန်းဖို့ သူတို့ရဲ့ အစွမ်းသတ္တိကို အသုံးပြုပြီးနောက် နှစ်အနည်းငယ် ကြာမှသာလျှင် သားရဲက ရန်ဘက် မပြုတော့ဘဲ သဘာဝအတိုင်း အရှုံးပေးလာလိမ့်မည်။

ဒုတိယ နည်းလမ်းကတော့ သားရဲ ကြိုက်တာကို လုပ်ပေးပြီး သားရဲကို ပျော်ရွှင်အောင် ထားတာပဲ။ ဤနည်းလမ်းနှစ်ခုဖြင့် ယဉ်ပါးလာသော သားရဲကြီးများသည် အလွန်သစ္စာ မရှိသဖြင့် ကောင်းစွာ မကိုင်တွယ်ပါက ပုန်ကန်နိုင်သည်။

အန္တရာယ်အကင်းဆုံး နည်းလမ်းမှာ သားရဲများနှင့် ဆက်သွယ်ပြီး သားရဲသော့ခတ်ထားခြင်း ဖြစ်ပြီး ထိုအရာက သားရဲထိန်းသူများသာ ရရှိနိုင်သော အထူးကာကွယ်မှုစွမ်းရည် ဖြစ်သည်။

"ဒါက မြေအပူရှိတဲ့ ဝက်ဝံအရေခွံ! မြေအောက်ချော်ရည် အနီးမှာ မွေးဖွားလာတဲ့ မြေအပူရှိတဲ့ ဝက်ဝံတွေက သဘာဝအတိုင်း အပူဒဏ်ကို ခံနိုင်ရည်ရှိတယ်.... လက်နက်တစ်ခုလို ဝက်ဝံအရေခွံက အလွန်ခိုင်ခံ့ပြီး တိုက်ခိုက်မှု အမျိုးမျိုးကို ကာကွယ်နိုင်တယ် အထူးသဖြင့် မီးတောက် တိုက်ခိုက်မှုများကို ခုခံကာကွယ်နိုင်စွမ်း ရှိတယ်။ အခုစျေးနှုန်းက စျေးမကြီးပါဘူး... မင်းတကယ် ဝယ်ချင်သရွေ့ ရွှေစသန်း ၂၀ ပဲ စျေးလျှော့စရာ မရှိဘူး!"

"ဒါက ကြွက်ကလေး ကြွက်ကလေးဆိုပြီး မကြည့်နဲ့! မြေကြီးထဲ ပေါက်ပြီး အရွယ်ရောက်ပြီးတာနဲ့ လူတစ်ယောက်ရဲ့ အရှိန်လောက်ရှိတယ်... မင်းဟာ တန်ခိုးအကြီးဆုံး ဆိုရင်တော့ မင်းနောက်ကို လိုက်နေလိမ့်မယ်။ မြေအောက်မှာ ရတနာတွေ အများကြီး ရှိတယ်ဆိုတာ မင်းလည်းသိပါတယ်။ ဒီလို မြေတူးကြွက် ရှိတာက ရတနာတစ်ခုကို တူးဖော်ပြီး ငွေတွေ အများကြီး ရှာနိုင်တယ်။ ငါ မင်းကို ရွှေစ၁၀ သန်းနဲ့ပဲ ရောင်းလိုက်မယ်!"

"သူတို့ လှည့်စားတာကို နားမထောင်နဲ့... ငါ့သံထည်နွားက အကောင်းဆုံး သားရဲကြီးပဲ အဲဒါက မြင့်မြတ်တဲ့ အကောင်ကြီး... ယဉ်ပါးပြီး နာခံတတ်သရွေ့ မင်းအတွက် အထောက်အကူဖြစ်မှာ သေချာတယ်"

သားရဲခန်းမထဲတွင် လမ်းလျှောက်ရင်း စျေးဝယ်ထွက်သံများကို အဆုံးမရှိ ကြားနေရသည်။