ကျွယ်ရှင်းပန်း

မော့ချုံ ထွက်လာပြီးကတည်းက လုရွှမ်သည် ၎င်းအတွက် စိတ်ပူစရာ မလိုတော့ဘဲ အမည်စာရင်းသွင်းခြင်း အမြန်ပြီးခဲ့သည်။ ထို့နောက် ယင်းယန်အကယ်ဒမီမှ ရှန့်ခုန်းချိုင့်ဝှမ်းသို့ သွားရန် ကိစ္စများစွာကို အကြောင်းကြားခဲ့သည်။

သုံးရက်အတွင်း အချိန်မှန် ထွက်ခွာမည် ဖြစ်သည်။

"ဆရာကြီးလုရွှမ်.... ဆရာလည်း ရှန့်ခုန်းချိုင့်ဝှမ်းကို သွားတော့မယ်လို့ ခန်းမသခင်က ပြောပါတယ်... အဲဒါ သံသွားသင်းခွေချပ် ပြဿနာကို အပြီးတိုင်ဖြေရှင်းဖို့ အခုပဲ သားရဲခန်းမကို သွားနိုင်ဖို့ မျှော်လင့်ပါတယ်!"

မော့ချုံက ရှေ့တက်လာခဲ့သည်။

ရှန့်ခုန်းချိုင့်ဝှမ်းသည် ပေရွှီးအင်ပါယာ၏ ပိုင်နက်အတွင်းတွင် ရှိသော်လည်း ထိုနေရာသို့ အမှန်တကယ်သွားလိုပါက ပျံသန်းသားရဲများဖြင့်ပင် အသွားအပြန် အနည်းဆုံး တစ်လခန့် အချိန်ယူရမည် ဖြစ်ပါသည်။ သံသွားသင်းခွေချပ်ကို ၁၀ရက်တစ်ကြိမ် ကုသမှုရှိတာကြောင့် စောင့်နေလို့ မရချေ။

"သွားရအောင်!" လုရွှမ် ခေါင်းညိတ်သည်။

ပြောစရာမလိုအောင် သူလည်း သိပါ၏။

မင်းသမီးလော့ရုံ နှင့် အခြားသူများကို နေအိမ်သို့ ဦးစွာပြန်ခိုင်းပြီး လုရွှမ်နှင့် မော့ချုံသည် သားရဲခန်းမသို့ တိုက်ရိုက် ထွက်လာခဲ့သည်။ သားရဲခန်းမရဲ့ ဘဏ္ဍာထိန်းနဲ့အတူ ထွက်လာတာကြောင့် မည်သူမျှ ပြဿနာ လာမရှာဝံ့ပေ။

"ဆရာကြီး လုရွှမ်.... ခင်ဗျား လာပြီလား?"

သူရောက်လာတာကို မြင်တော့ ခန်းမသခင်ဖုန်းက သူ့ကို ရိုသေတဲ့ အမူအရာနဲ့ အမြန်နှုတ်ဆက်လိုက်သည်။

ကောင်လေး ထွက်သွားပြီးနောက် သံသွားသင်းခွေချပ်နဲ့ ဆက်သွယ်ဖို့ ကြိုးစားခဲ့ပေမယ့် နောက်တော့ အကောင်လေးက သူ့ကို လျစ်လျူရှုပြီး နှာမှုတ်နေတာကိုသာ တွေ့ရှိခဲ့ရသည်။

လူငယ်တစ်ယောက်နှင့် သားရဲတစ်ကောင် လျင်မြန်စွာ ဆက်သွယ် ပြောဆိုနိုင်မှုသည် သားရဲဘာသာ စကားကို ပြောနိုင်ခြင်းကြောင့်သာ မဟုတ်ဘဲ ပို၍အရေးကြီးသည်မှာ သူ့တွင် လူသာလွန်သော နားလည်မှုနှင့် ဝိညာဥ်သားရဲများကို ထိန်းချုပ်နိုင်စွမ်း ရှိသောကြောင့် ဖြစ်သည်။

ဒီလိုမှမဟုတ်ရင် ဒေါသအိုး သံသွားသင်းခွေချပ်ကို လွယ်လွယ် ထိန်းချုပ်ဖို့ မဖြစ်နိုင်သလို မလှုပ်မယှက်ဘဲ သူ့ကိုယ်ပေါ် ဓားနဲ့ ထိုးထားဖို့အထိ မဖြစ်နိုင်ပါဘူး။

"ကျုပ် လာကြည့်တာ!"

လုရွှမ်သည် အပိုစကားမပြောဘဲ သံသွားသင်းခွေချပ် ရှိသော လှောင်အိမ်ဆီသို့ တိုက်ရိုက်လျှောက်သွားသည်။

ဝူး!

လုရွှမ်၏ သဏ္ဌာန်ကိုမြင်လျှင် သံသွားသင်းခွေချပ် သို့မဟုတ် သင်းခွေချပ်နဂါးသည် စိတ်လှုပ်ရှားစွာ မတ်တတ်ထ၍ ဟိန်းဟောက်လေ၏။

လွန်ခဲ့သည့် ရက်အနည်းငယ်က ဓားကို အသုံးပြုပြီး သွေးများစွာ ယိုဖိတ်ခဲ့သော်လည်း ၎င်း၏ ခန္ဓာကိုယ်သည် ယခင်ကထက် ပိုမို ကောင်းမွန်လာကာ ဝိညာဥ်စွမ်းအင်သည် ပိုမိုအားကောင်း၍ လူတို့အား ပြင်းထန်သော ခံစားချက်ကို ပေးစွမ်းနိုင်နေသည်။

"မဆိုးဘူး... ဒီရက်ပိုင်း ခင်ဗျားကျွေးတဲ့ အစားအစာက လုံလောက်နေပြီ ထင်တယ်!" လုရွှမ် ပြုံးလိုက်သည်။

သင်းခွေချပ်နဂါးကို အသွင်ပြောင်းဖို့ သွေးလမ်းကြောင်းထဲရောက်အောင် ကူညီဖို့က အရမ်းရှုပ်ထွေးပါသည်။ ဓားသုံးတာလောက် မရိုးရှင်းရုံတင် မကဘဲ ကူညီဖို့ အရင်းအနှီးတွေ မရေမတွက်နိုင်အောင် လိုအပ်နေသေးသည်။ ဝိညာဥ်စွမ်းအင် မလုံလောက်ရင် အဆင့်မြှင့်တင်မှုက အများကြီး နှေးသွားပါလိမ့်မည်။

သူ့ကို မတွေ့ရတာ ရက်အတော် ကြာပြီးနောက် ဒီကောင်လေးက ပြောင်းလဲသွားပုံရပြီး ခန်းမသခင်ဖုန်း ပေးတဲ့ စွမ်းအင်အရင်းအမြစ် အဆင့်တွေကြောင့် သတ်မှတ်ထားတဲ့ အခြေအနေကို ရောက်ရှိရုံသာမက ကျော်လွန်နေပြီဆိုတာ ပြသနေပါ၏။

"သခင်လေးက ဉာဏ်ကောင်းတာပဲ... အခု မဆက်သွယ်နိုင်ပေမယ့် အနည်းဆုံးတော့ ဆက်ဆံရေးက အရင်ကလို တင်းမာမနေတော့ဘူး!"

ခန်းမသခင်ဖုန်းက ရယ်မောလိုက်ပါသည်။

နောက်ဆုံးတစ်ခေါက်က သံသွား သင်းခွေချပ် သူ့ကို လျစ်လျူရှုထားသလို မျက်နှာမကောင်းဘဲ အချိန်မရွေး တိုက်ခိုက်တော့မည့်ပုံ ဖြစ်နေခဲ့သည်လေ။

"စိတ်မပူပါနဲ့ အချိန်တန်ရင် ခင်ဗျားအတွက် အဆင်ပြေသွားမှာပါ!"

လုရွှမ်က တစ်ခုခုပြောပြီး စာရင်း စာရွက်ထုတ်ပေးကာ

"ဒါက နောက်အဆင့်နှစ်ဆင့်မှာ လိုအပ်တာတွေပဲ...ခင်ဗျား ပြင်ဆင်ထားနိုင်တယ် ဒီကောင်လေးကို လောလောဆယ် ကျုပ်ခဏ ခေါ်သွားမယ်!"

ဤနေရာသို့ လာရာလမ်းတွင် သံသွားသင်းခွေချပ်၏ နောက်ထပ်အဆင့် နှစ်ဆင့်အတွက် လိုအပ်သည့် အရာများကို ချရေးခဲ့သည်။

ဤသင်းခွေချပ်နဂါးသည် သွေးလမ်းကြောင်းကို မြှင့်တင်ရန် အလွန်ခက်ခဲပါသည်။ သူသည် အရင်းအမြစ်များ လိုအပ်ရုံသာမက ဝမ်းဗိုက်ကို ဖောက်ကာ သွေးများကို ယခင်ကဲ့သို့ ထုတ်ပစ်ရန် လိုအပ်ပါသည်။

တခြားများနှင့် ညှိနှိုင်းရန် မဖြစ်နိုင်ပေ။ သူနဲ့သာ သွေးဘယ်လောက် ထုတ်ရမယ် ဆိုတာကို ကြိုတင်ဆွေးနွေးနိုင်မှာ ဖြစ်သည်။

သူများကို ဒုက္ခရောက်စေတာထက် ကိုယ့်ဘာသာ ခေါ်ထုတ်သွားလိုက်တာ ပိုကောင်းပါသည်။

"ကျုပ် အခုပြင်လိုက်မယ်!"

စာရင်းထဲက ပစ္စည်းတွေကို ငုံ့ကြည့်လိုက်တော့ ခန်းမသခင်ဖုန်းက သူ့စုဆောင်းထားတဲ့ စုဆောင်းငွေ အားလုံးနီးပါးကို ကျိန်းသေပေါက် သုံးစွဲရမယ် ဆိုတာ သိပေမယ့် အလျင်စလို ခေါင်းညိတ်ပြလိုက်သည်။

သံသွားသင်းခွေချပ်သည် သူ့ထက်သာလွန်၍ ခွန်အားနှင့် ယှဉ်လျှင် သာ၍ ကြီးကျယ်သော အကျိုးကျေးဇူးများ ရရှိမည် ဖြစ်သည်။ ထို့ပြင် သူ့ထက် သန်မာသော ဝိညာဉ်သားရဲများ နှင့် တစ်နေ့တာလုံး သူ့ကို ယဉ်ပါးအောင် လုပ်နိုငိမည်ဖြစ်သည်။ သားရဲသခင်၏ အဆင့်ကို မြှင့်တင်ခြင်းသည်လည်း များစွာ အထောက်အကူပြုမည် ဖြစ်သည်။

ကောင်းကျိုးဆိုးကျိုးများကို သိရှိပြီးနောက် ခန်းမသခင်ဖုန်းသည် အလွန်လျင်မြန်စွာ လုပ်ဆောင်ခဲ့သည်။ တစ်ရက်မပြည့်မီတွင် ကျန်ပစ္စည်း အားလုံး အဆင်သင့် ဖြစ်လုနီးပါး ဖြစ်နေပြီ ဖြစ်သည်။

"သခင်လေး.... မင်းပြောခဲ့တဲ့ အရင်းအမြစ် ပစ္စည်းတွေကို ငါပြင်ဆင်ထားပြီးပြီ... ဒါပေမဲ့ ကျွယ်ရှင်ပန်းတစ်မျိုးပဲ ပျောက်နေတယ်.... ကျွယ်ရှင်ပန်းက ဘာလဲ? ပေရွှီးမြို့တော် တစ်ခုလုံးကို ရှာဖွေခဲ့ပေမယ့် မတွေ့ဘူး"

ခန်းမသခင်ဖုန်း ရှက်ရွံ့စွာ ခေါင်းကုတ်လိုက်သည်။

တစ်ရက်လောက် ရှာပြီးတာတောင် မတွေ့ခဲ့ပေ။ အရေးကြီးဆုံးကတော့ လုရွှမ်ရဲ့ စာရင်းမှာ ရေးထားတဲ့ ကျွယ်ရှင်ပန်းပွင့် အကြောင်း ဘယ်သူမှ မသိတာပင်။

"ကျွယ်ရှင်ပန်းက အသိဥာဏ်ရှိတဲ့ ပန်းတစ်မျိုးပဲ.... ဆေးဝါးများစွာနဲ့ ပေါင်းစပ်ထားတာမလို့ ဝှက်ထားတဲ့ သွေးကြောတွေကို နိုးကြားစေနိုင်တယ် အဂ္ဂိရတ်ပညာရှင် အဖွဲ့မှာ မရှိရင် ဆေးဥယျာဉ်မှာ ရှိလိမ့်မယ်!"

လုရွှမ်က ရှင်းပြလေ၏။

"ဆေးဥယျာဉ်လား?"

ခန်းမသခင်ဖုန်း၏ အမူအရာမှာ ရှုပ်ယှက်ခတ်နေပြီး အနည်းငယ် အမြင်မကြည်စရာ ဖြစ်နေသည်။

"ဘာလဲ? ပေရွှီးအင်ပါယာမှာ ဆေးဥယျာဉ် ဌာနခွဲတောင် မရှိဘူးလား?"

လုရွှမ် မျက်မှောင်ကြုတ်လိုက်သည်။

သားရဲခန်းမကဲ့သို့ ဆေးဥယျာဉ်သည် ကမ္ဘာတစ်ဝှမ်းမှ အဖိုးတန် ဆေးဖက်ဝင် ပစ္စည်းများကို စုဆောင်းပြီး ရောင်းချသည့် သီးခြားအဖွဲ့အစည်းတစ်ခုမှ ပိုင်ဆိုင်ထားသည်။

ဒဏ္ဍာရီအရ ဆေးဥယျာဉ်၏ ဌာနချုပ်သည် ဆေးဖက်ဝင်ပစ္စည်းများကို တောင်ကြီးကဲ့သို့ စုပုံထားရာ ဖြစ်သည်။ တိမ်ပင်လယ် နယ်မြေအတွင်း လျှို့ဝှက်ဆန်းကြယ်သော နေရာကို ထိန်းချုပ်ထားပြီး ဆေးပင်များ မကုန်ခမ်းနိုင်သောကြောင့် ကမ္ဘာပေါ်ရှိ အဖိုးတန် ဆေးဖက်ဝင်ပစ္စည်းများ အများစုသည် ဆေးဥယျာဉ်မှ လာခြင်း ဖြစ်သည်။

အဂ္ဂိရတ်ဆရာအသင်းပင် ၎င်းနှင့် နှိုင်းယှဉ်၍မရပေ။ ကျန်းဝူအင်ပါယာနှင့် ဝူယန်အင်ပါယာလို နေရာလေးတွေမှာ သူတို့ရဲ့ အကိုင်းအခက်တွေ ထားရှိဖို့ မဖြစ်နိုင်ပါဘူး။

"ရှိတာတော့ ရှိတယ်... ဒီအတိုင်း.. "

ခန်းမသခင်ဖုန်းမှာ တစ်ခုခုပြောချင်လို့ ခေါင်းညိတ်ပြပေမယ့် ဘယ်ကနေစရမှန်း မသိပုံပေါ်သည်။

"ဘာလဲ?"

သူအရမ်း ထူးဆန်းနေတာကို မြင်တော့ လုရွှမ် အံ့သြသွားသည်။

သူတို့ အဆက်အသွယ် မရတာကြာပေမယ့် ဒီခန်းမသခင်က ပြတ်ပြတ်သားသား လုပ်တတ်သူ တစ်ယောက်ပင်။ ဒီအသုံးအနှုန်းနဲ့ ဆေးဥယျာဉ်အကြောင်း ဘယ်လိုပြောရမလဲ။

"ကျွယ်ရှင်ပန်းက ဒီတောင်ဖောက်နဂါးရဲ့ အသွေးအသားကို နိုးထစေတဲ့ အဓိက သော့ချက်ပဲ.... ရှာတွေ့ရင် သူ့ကို တိုက်ရိုက် အဆင့်တိုးသွားစေမှာ ကံကောင်းရင် သေမျိုးအသွင်ပြောင်းခြင်း နယ်ပယ်ကိုတောင် ဖြတ်ကျော်သွားနိုင်တယ်... တစ်နှစ် သို့မဟုတ် နှစ်နှစ်အတွင်း ပိုမြင့်တဲ့ အဆင့်ကိုရောက်အောင် ကျွယ်ရှင်ပန်းကို ရှာမတွေ့ရင် အရင်က ပြင်ဆင်မှုတွေအကုန် အချည်းနှီး ဖြစ်သွားလိမ့်မယ်!"

တစ်ဖက်လူက ဒီကိစ္စကို မပြောချင်တာကို မြင်လိုက်ရတော့ လုရွှမ်က အဓိပ္ပါယ်မဲ့ စကားမပြောဘဲ ကျွယ်ရှင်ပန်းရဲ့ အကျိုးသက်ရောက်မှုကို တိုက်ရိုက် ရှင်းပြလိုက်သည်။

ကျွယ်ရှင်ပန်းပွင့်သည် တတိယအဆင့်တွင် လိုအပ်သည့် အရာဖြစ်ပြီး တောင်ဖောက်နဂါး၏ အသွေးအသားကို နိုးထလာစေရန်အတွက် အရေးကြီးဆုံး အရာလည်း ဖြစ်သည်။ သင်အစွမ်းကုန် ကြိုးစားသော်လည်း ဤအရာကို ရှာမတွေ့ပါက ၎င်း၏သွေးကို နိုးထရန် လွယ်ကူမည်မဟုတ်ပေ။

"တောင်ဖောက် သင်းခွေချပ်နဂါး?"

"အင်း... ဒီကောင်ကို သံသွားသင်းခွေချပ်လို့ မခေါ်ဘူး နဂါးသွေးနဲ့ တောင်ဖောက်ထားတဲ့ နဂါးပဲ!" လုရွှမ်က ရှင်းပြပြီး သူ့လက်ကို ဝှေ့ယမ်းပြီး

"ဘာလဲ... မပြောချင်သေးဘူးလား? ရှာမတွေ့ဘူး ဆိုရင်တော့ ခင်ဗျားကိုတောင်ဖောက် နဂါးကိုမွေးဖို့ ကိစ္စက မဖြစ်နိုင်တော့ဘူး"

တစ်ဖက်လူက တကယ်ကို မလိုလားဘူး ဆိုရင်တော့ သူလည်း ဆက်ပြီး ဂရုစိုက်ဖို့ အရမ်းပျင်းသွားပြီ။

တောင်ဖောက်နဂါး၏ သွေးသည် သူ၏ ဆင်သံချပ် ရွှေကိုယ်ထည်အတွက် များစွာအထောက်အကူ ဖြစ်သော်လည်း ချိုင့်ဝှမ်းထဲတွင် နဂါးသွေးပါသော ဝိညာဥ်သားရဲအချို့ကို ရှာတွေ့ရန်မှာ အလွန်လွယ်ကူနေသေးသဖြင့် သူ့တွင် မိမိကိုယ်ကို ကြိုးဆွဲချနေရန် မလိုအပ်ပေ။

"ကောင်းပြီ ကျုပ်ပြောမယ်!"

ဤအရာသည် လိုအပ်ကြောင်းသိ၍ ခန်းမသခင်ဖုန်းသည် အံကိုကြိတ်ကာ ဆုံးဖြတ်ချက်တစ်ခုကို ချလိုက်ပြီး ၎င်းကိုမဖုံးကွယ်တော့ဘဲ ပြောလာသည်။

"တကယ်တော့ ဒါက ငယ်ငယ်တုန်းက အကြွေးတွေပါ"

"ပေရွှီးအင်ပါယာ ဆေးဥယျာဉ်ဌာနခွဲရဲ့ ဆေးဥယျာဥ်ပိုင်ရှင်က ကျုပ်ရဲ့ချစ်သူပါ.... ဒါပေမဲ့ တချို့ကိစ္စတွေကြောင့် ပဋိပက္ခဖြစ်တော့ ပြင်ပကမ္ဘာက ဆေးတွေက ပိုစျေးကြီးရင်တောင် ဆေးဥယျာဉ်နဲ့ အမြဲဝေးဝေး နေခဲ့ရတယ် ... သွားမဝယ်ချင်ဘူး"