အစစ်လား? အတုလား?

"အတုတွေ ဝယ်နေတယ်? ရဲတင်းလိုက်တာ!! ငါတို့သခင်က ဘယ်သူလဲဆိုတာ မင်းသိလား? ဒီမှာ ဘာငတုံးစကားတွေ ပြောနေတာလဲ?"

လုရွှမ်၏ စကားကိုကြားတော့ လူငယ်သည် ချက်ချင်း မျက်ခုံးပင့်ကာ သူ့မျက်နှာဆီသို့ အရှိန်ပြင်းပြင်း ဝင်လာသည်။ တကယ်တော့ ဒါဟာ သေမျိုးအသွင်ပြောင်းခြင်း နယ်ပယ် အဆင့်၅က စွမ်းအင်ပင်။

ဤအသက်ရှုခြင်း၏ ဖိနှိပ်မှုကို ရင်ဆိုင်ရပါက အဓိပတိနယ်ပယ် မပြောနှင့် သေမျိုးအသွင်ပြောင်းခြင်း နယ်ပယ် အဆင့်၂ အဆင့်၃များပင် ၎င်းကို သည်းမခံနိုင်တော့ဘဲ ကြောက်လန့်တကြား ဒူးထောက်ကာ တိုက်ရိုက် လဲကျသွားနိုင်သည်။

သို့သော် လုရွှမ်အတွက်မူ မည်သည့် ဖိအားကိုမှ မခံစားမိသည့်နှယ် တည်ငြိမ်နေ၏။

"ဟူး.... မျက်စိကန်းနေတာ ကောင်းပါတယ်... သတိပေးတာတောင် လက်မခံသေးဘူး" လုရွှမ်က ခေါင်းခါပြီး

"လူကြီးလူကောင်းတဲ့ ရှက်ဖို့ ကောင်းလိုက်တာ!"

စကားပြီးတာနဲ့ သူဟာ တစ်ဖက်လူကို လျစ်လျူရှုပြီး ချန်စစ်ယန်ကို ကြည့်ပြီး

"ငါ တခြားသူတွေရဲ့ ဖြားယောင်းတာကို နားမထောင်စေချင်လို့ သတိပေးတာကို ဝယ်ချင်နေတာဆိုတော့ အဲဒါကို စိတ်ဝင်စားမနေတော့ဘူး သွားကြရအောင်!"

"အတင့်ရဲလိုက်တာ!! အတုကို ဘယ်သူက ဝယ်ခဲ့တာလဲ?? ရှင်းရှင်းလင်းလင်း မပြောရင် ထွက်သွားဖို့တောင် မစဉ်းစားနဲ့"

လူငယ်လေးသည် သူ၏ဖိအားကို လုံးဝ မခံစားမိသလို မလှုပ်မယှက်ဘဲ ရပ်နေသည်ကို မြင်သော် လုလင်သည် ခေတ္တမျှထိတ်လန့်သွားသည်။ ထိုခဏ လူငယ် ထွက်သွားတော့မည်ကို သိလိုက်တော့ စူးစူးဝါးဝါး ကြည့်ကာ သူ့ထံသို့ ချက်ချင်းရောက်သွား၏။

"ဘာလဲ? မင်းတို့ မျက်စိကန်းလို့ ငါက ကြင်နာစွာ သတိပေးတာကို အမှားကို ဝန်မခံဘဲ ငါတို့ကို ဘာကိစ္စ လာတားနေတာလဲ?"

လုရွှမ်က ဘာမှမထူးခြားသလို ကြည့်နေသည်။

"မင်းဘယ်သူ့ကို ကန်းနေတယ်လို့ ပြောနေတာလဲ? တစ်လုံးမြို့မှာ လူဘယ်နှစ်ယောက်လောက် မျက်လုံးဖွင့်ပြီး အကဲဖြတ်ပေးဖို့ ငါတို့ သခင်အဘိုးကြီး တောင်းဆိုနေလဲ မင်းသိလား??"

လူငယ်လေး၏ မျက်နှာသည် မည်းမှောင်သွားသည်။ သူဆက်ပြောတော့မည့် အခိုက် အစိမ်းရောင်ကို ၀တ်ထားသော အဘိုးအိုက ဖြည်းညှင်းစွာ လျှောက်လာခဲ့သည်။

"ကောင်းပြီ!"

အဘိုးအိုက လက်ဝှေ့ယမ်းပြီး လူငယ်ကို သူ့နောက်မှာ ရပ်ခိုင်းလိုက်၏။ ပြီးတော့ လုရွှမ်ကို လှမ်းကြည့်ကာ။

"မင်းက ငါ ပစ္စည်းအတုကို ဝယ်ခဲ့တယ်လို့ ပြောခဲ့တယ်နော် ဘယ်ဟာက အတုလဲ? မင်းမှာ ဘာအထောက်အထားရှိလဲ?"

အဘိုးအိုသည် သာမာန် မေးခွန်းများကိုသာ မေးနေသော်လည်း သူ့ရှေ့တွင်ရှိ လူငယ်လေးသည် ပေါက်ကရတွေ ပြောနေသကဲ့သို့ပင် သူသည် ခိုင်မာသော ယုံကြည်မှုတွေ ရနေသည်။

"အထောက်အထား? ဟဲဟဲ ခင်ဗျားတကယ် သိချင်တာလား? မျက်နှာကို ပါးရိုက်ခံရရင်တောင် ခင်ဗျား လက်မခံမှာ ကြောက်ရတာ!"

လုရွှမ် ပြုံးလိုက်သည်။

"တိတ်စမ်း!! မင်းဘယ်သူနဲ့ ပြောနေတာလဲ မသိသေးဘူးလား?"

လူငယ်က ထပ်အော်ပေမယ့် စကားမဆုံးခင်မှာ အဘိုးအိုက လက်ဝှေ့ယမ်းပြီး နှောက်ယှက် လိုက်ပြန်သည်။

"မင်းပြောခဲ့တာတွေက မှန်ပြီး ငါမှားတာကို သက်သေပြနိုင်ရင် ငါသေချာပေါက် ဝန်ခံမယ်! ဒါပေမယ့် မင်း ပေါက်ကရတွေ ပြောမယ်ဆိုရင်တော့ ငါက သဘောမတူဘူးသလို ရှောက်ရန်ကလည်း သဘောမတူမှာ ကြောက်ရတယ်"

အဘိုးအိုက ပြောသည်။

သူပြောနေသော ရှောက်ရန်သည် မဝေးလှသော နေရာမှ သေမျိုးအသွင်ပြောင်းခြင်း နယ်ပယ်၏ အဆင့်၅ လူငယ်ဖြစ်သည်။

သခင်အား မျက်ကန်းဖြစ်ကြောင်း မသိနားမလည်ကြောင်း တိုက်ရိုက် ပြောသည့်အတွက် အစေခံတစ်ဦး အနေဖြင့် တစ်ဖက်သားကို ခွင့်မပြုနိုင်တာ သဘာဝအတိုင်းပင်။

"လုရွှမ်"

ဒါကိုကြားတော့ ချန်စစ်ယန်က လုရွှမ်ရဲ့လက်မောင်းကို စိုးရိမ်တကြီး လှမ်းဆွဲထားလိုက်သည်။

ထိုလူငယ်သည် သူမကြောင့် တစ်ဖက်လူနှင့် ငြင်းခုံနေခြင်း ဖြစ်သည်။ တစ်ဖက်လူ၏ ကိုယ်ရံတော်သည် အဆင့်၅ ရှိပြီး ၎င်းမှာ သူတို့၏ အထောက်အထားကို ပြသနိုင်မည် ဖြစ်သည်။ မှားပြောမိပါက သူသေချာပေါက်ဒုက္ခအများကြီး ခံရလိမ့်မည်။

"မေ့လိုက်ပါ.... ကျွန်မ စိမ့်မြက် မလိုချင်တော့ဘူး"

သူမက နှိမ့်ချစွာ ဆိုလိုက်သည်။

"စိတ်ချပါ...."

ဒါကိုကြားတော့ လုရွှမ်က သူမစိုးရိမ်နေတာကို သိပြီး စိတ်ချပါဆိုတဲ့ အကြည့်နဲ့ ပြုံးပြပြီး အဘိုးအိုကို လှမ်းကြည့်သည်။

"ကျုပ် ပေါက်ကရတွေ ပြောနေတာ မဟုတ်ရင်ရော??"

"မင်းက ဘာကိုဆိုလိုမှန်း ငါသိတယ်။ အတုတစ်ခုဝယ်ခဲ့ကြောင်း အကြောင်းပြချက်တွေ ပေးနိုင်ရင် မင်းကို အဲဒီစိမ့်မြက်ပင်ကို အလကား ပေးရုံတင်မကဘဲ မင်းလိုချင်တဲ့ အကျိုးကျေးဇူးတွေကိုလည်း ပေးနိုင်တယ်!"

အဘိုးအိုကလည်း ပြက်သားစွာ ဆိုလေ၏။ သူဝယ်တဲ့ ပစ္စည်းတွေက အတုတွေ မဟုတ်ကြောင်း အရမ်းယုံကြည်ပုံရပြီး သူ့လေသံက အင်မတန် တင်းမာနေသည်။

"ကောင်းပြီ... ပြောတဲ့အတိုင်း တည်ပါစေ"

လုရွှမ် စောင့်ဆိုင်းနေသည့် အရာမှာ တစ်ဖက်လူဆီက ဤစကားဖြစ်သည်။

"ကျုပ် အမြင်မမှားဘူးဆိုရင် ခင်ဗျားအစောက မြရောင်ဝါးကို ဝယ်သွားသလားလို့"

"အင်း!"

"ဒီမြရောင်ဝါးမှာ တစ်ခုခု မှားနေပြီလို့ မင်းပြောချင်တာလား?” ရှောက်ရန်က ဝင်မေးလိုက်သည်။

သူတို့အခုနက စျေးဝယ်ပြီး အရောင်းအဝယ်လုပ်တုန်းက လူတိုင်းက သူတို့ရှေ့မှာ ရှိနေတာကြောင့် ငြင်းစရာ မရှိပေ။

"မြရောင်ဝါးရဲ့ အာနိသင်ကို ဘာလဲမသိဘူး?? မင်းဝယ်တဲ့အခါ ဘာအတွက် သုံးမလို့လဲ?"

လုရွှမ်သည် လူငယ်၏စကားကို ပြန်မဖြေဘဲ အဖိုးအိုကို ကြည့်လိုက်သည်။ တာဝန်ခံယွင် ပြောပုံအရဆိုရင် ပိုင်လျဲ့ကသာ သခင်ဖြစ်သည်မို့ ထိုလူငယ်နှင့် စကားပြောရန် စိတ်မ၀င်စားပေ။

"မြရောင်ဝါးက အထူးဆေးဖက်ဝင်တဲ့ ဝိညာဥ်အပင် တစ်မျိုးပဲ... သူ့ရဲ့အရွက်က လင်းလုံဆေးကို သန့်စင်ဖို့အတွက် အဓိကပစ္စည်း ဖြစ်တယ်။ အဲဒီဆေးက နှလုံးကို သန်မာစေနိုင်ပြီး နတ်ဆိုးတွေကို နှိမ်နင်းနေတဲ့အချိန် သဘာဝကျကျ ငြိမ်းချမ်းတဲ့ စိတ်အခြေအနေကို ရရှိစေနိုင်တယ်။ မြရောင်ဝါးပင်ရဲ့ ပင်စည်က အရမ်းမာကြောလို့ တစ္ဆေနယ်ပယ် အဆင့်၄ လက်နက်ကို သန့်စင်ဖို့အတွက် အသုံးပြုနိုင်ပြီး အထူးအခင်းအကျင်း ဖွဲ့စည်းတဲ့ နေရာမှာလည်း အခြေခံအုတ်မြစ် အဖြစ်လည်း ပြုလုပ်နိုင်တယ်!"

အစိမ်းရောင်ဝတ်ရုံ အဘိုးအိုသည် မုတ်ဆိတ်မွေးများကို လက်ဖြင့် ပွတ်သပ်ကာ သူ၏စကားများသည် ဗဟုသုတနှင့် ဂုဏ်ယူဖွယ်ရာ ထိုးထွင်းသိမြင်မှုကို ပြသနေသည်။

"ကောင်းတယ်.... မြရောင်ဝါးရဲ့ အရွက်ကို သပ်သပ်ရပ်ရပ် သန့်စင်အောင် သုံးနိုင်တယ်ဆိုတာ လူအများစုက သိထားကြပါတယ်။ အခင်းအကျင်း ဖွဲ့စည်းပုံအကြောင်း သိပ်မသိကြဘူး။ ဒါကိုသိထားတာ တော်တော်ကို ကောင်းပါတယ်"

လုရွှမ်က ပြုံးပြုံးရွှင်ရွှင်နဲ့ ထပ်မေးလိုက်သည်။

"ဒါဆို ခင်ဗျား မြရောင်ဝါးကို ဝယ်တာက အခင်းအကျင်း ရေးဆွဲဖို့လား? လက်နက်သန့်စင်ဖို့လား ဒါမှမဟုတ် လင်းလုံဆေးကို သန့်စင်ဖို့လား?"

"သေချာပေါက် လင်းလုံဆေးကို သန့်စင်ဖို့ပဲပေါ့... တခြားအရာတွေက အားမနည်းပေမယ့် ဆေးလုံးနဲ့ယှဥ်ရင် ဆိုးဝါးနေသေးတယ်"

အဘိုးအိုက ဒီစကားလုံးတွေကို အမေးခံရင်း လူငယ်က ဘာကိုဆိုလိုမှန်း မသိဘဲ မျက်မှောင်ကြုတ်လိုက်သည်။ သို့သော် စိတ်ရှည်ရှည်ဖြင့် ရှင်းပြနေသေးသည်။

လင်းလုံဆေးလုံးသည် သေမျိုးအသွင်ပြောင်းခြင်း နယ်ပယ် အဆင့်၅ စွမ်းအားရှင်များ အတွက်ပင် အသုံးဝင်သော အရာတစ်ခုဖြစ်သည်။ ၎င်းသည် အလွန်အဖိုးတန်ပြီး တစ်ခုစီကို တစ္ဆေအဆင့်ထက် မကျော်လွန်သည့် ကောင်းကင်မြင့်ဈေးဖြင့် ရောင်းချနိုင်သည်။

အခုနက ဝယ်ထားတဲ့ မြရောင်ဝါးက စျေးကြီးလေသည်။ ပိုက်ဆံပြန်ရချင်ရင် များများသုံးရမည်။ ကျန်တာတွေက အရန် ပစ္စည်းတွေသာ ဖြစ်၏။

"လင်းလုံဆေးလုံးကို သန့်စင်ချင်တာ ဆိုရင်တော့ အတုကို ဝယ်ခဲ့တာလို့ ကျုပ်ပြောရလိမ့်မယ်!"

လုရွှမ်က သူသိချင်တာကို ရှင်းရှင်းလင်းလင်း မေးပြီး ပြုံးလိုက်သည်။

"အတု??..နောက်နေတာလား! မြရောင်ဝါးက မြရောင်လိုမျိုး စိမ်းစိမ်းစိုစို အကိုင်းအခက်နဲ့ အရွက်ကြားက ကွက်လပ်ကြီးတွေ ရှိတယ်.... ဓားနဲ့ ခြစ်လို့တောင် မရဘူး။ အကိုင်းတစ်ခုစီမှာ အရွက် ၃ ရွက် ရှိပြီး အရွက်မှာ သွေးကြော ခုနစ်ခု ရှိတယ်...."

အစိမ်းရောင် ဝတ်ထားသော အဘိုးအိုက ပြန်မဖြေသော်လည်း ရှောက်ရန်သည် မြရောင်ဝါး၏ ဂုဏ်ရည်ကို လျင်မြန်စွာ ရှင်းပြလိုက်သည်။ ဤဝိညာဥ်အပင်နှင့် ပတ်သက်ပြီး အချက်အလက် ဒါဇင်များစွာ ရှိပြီး တစ်ခုစီသည် သူ့လက်ထဲတွင် ကိုင်ထားသော မြရောင်ဝါးနှင့် အတူတူပင်။

"ဒါက မြရောင်ဝါးပဲ။ သခင့်ရဲ့ အတည်ပြုချက် မလိုဘဲ ဒါက မြရောင်ဝါးမှန်း ငါတောင် သေချာသိတယ်.... အတုဖြစ်မယ်လို့ မင်းပြောရအောင် ဒါက မြရောင်ဝါး မဟုတ်ဘူးလို့ ပြောချင်တာလား?"

"မင်းက ကောင်းကောင်း ရွတ်လိုက်တာပဲ.... ဒါတွေက မြရောင်ဝါးကို ဖော်ထုတ် ပြသနိုင်တဲ့ နည်းလမ်းတွေပဲ အမှားတွေ မရှိဘူး"

တစ်ဖက်က မြရောင်ဝါး၏ ဂုဏ်ရည်ကို ကျွမ်းကျင်စွာ ရွတ်ဆိုသွားသည်ကို ကြားသောအခါ လုရွှမ်က ပြုံးကာ ခေါင်းညိတ်သော်လည်း တစ်ချိန်တည်းမှာ ငြင်းဆိုလိုက်ပြန်သည်။

"အတုလို့ မပြောတော့ဘူးလား? ဘာလို့ မဝန်ခံချင်သေးတာလဲ"

ရှောက်ရန်က ဟစ်အော်လိုက်သည်။

"မင်းက အဲဒါကို ကောင်းကောင်း အလွတ်ကျက်ထားပြီး ဖော်ထုတ်တဲ့ နည်းကလည်း မှန်တယ်။ ဒါက မြရောင်ဝါးပဲ!" လုရွှမ်က ဆက်ပြောသည်။

"မြရောင်ဝါးလို့လည်း ဝန်ခံသေးတယ် မင်းကအတုလို့ ပြောချင်နေတုန်းလား?"

"မင်း ငါတို့ကို လာနောက်နေတာလား?"

လူငယ်နှင့် အစိမ်းဝတ် အဘိုးအိုတို့ အားလုံး အံ့ဩသွားကြသည်။

ဒီကောင်လေးက သူတို့ကို လှည့်စားနေတာလား။

ပစ္စည်း အတုတစ်ခု ဝယ်သည်ဟု ယခုပဲပြောခဲ့သော်လည်း သူသည် မြရောင်ဝါးအစစ်ဖြစ်ကြောင်း ဝန်ခံခဲ့သေးသည်။

တစ်ဖက်မှ ချန်စစ်ယန်သည် သူ့လက်သီးများကို အလိုအလျောက် ဆုပ်ကိုင်ထားကာ သူမ၏ မျက်လုံးများတွင် စိုးရိမ်မှုများ ပြည့်နှက်နေပြီး ကောင်လေး၏ စကားထဲတွင် မည်သည့်ဆေးကို ရောင်းချနေသည် မသိချေ။