အကြီးအကဲယွင်ထန်း (ပထမပိုင်း)

ယင်းယန်အကယ်ဒမီမှ လူတိုင်းသည် ၎င်းတို့ထက်စောပြီး ရှန့်ခုန်းချိုင့်ဝှမ်းသို့ ဝင်ရောက်ခဲ့ကြပြီး အကြီးအကဲဖန့်သည် ရှန့်ခုန်းချိုင့်ဝှမ်းထဲ နှစ်ကြိမ် ဝင်ရောက်ခြင်း အတွေ့အကြုံ ရှိထားသည်။

သို့သော် မုယန်ဖုန်း နှင့် အခြားသူများ အံ့အားသင့်သွားသည်မှာ ပေရွှီးမြို့မှ ထွက်ခွာသွားသောအခါတွင် စုစုပေါင်း လူ ၈၀၀ ကျော် ရှိနေပြီ ဖြစ်သည်။ ယခု တဲအရေအတွက်နှင့် အနားယူနေ သူများကို ကြည့်လျှင် ထက်ဝက်နီးပါး လျော့သွားတာကို တွေ့ရလေသည်။

ချိုင့်ဝှမ်းထဲသို့ ဝင်ရောက်သွားပြီးနောက် အသင်းများစွာ ခွဲထွက်သွားခြင်း ဖြစ်နိုင်သလား။

"လုရွှမ်... ရှင်ဒီကို ရောက်နေပြီပဲ.... ဘာအန္တရာယ်မှ မရှိခဲ့ဘူးမလား?"

အရှေ့သို့ မရောက်မီတွင် ချန်စစ်ယန်သည် လူအုပ်ကြီးကို သတိပြုမိကာ ၎င်းတို့ထံ အမြန်ပြေးသွားခဲ့သည်။

ရတနာအဆောက်အအုံ လောင်းကစား ဖြစ်ရပ်ကို အတူတူ ကြုံဖူးကြသဖြင့် သူတို့နှစ်ဦးကြားက ဆက်ဆံရေးသည် ပို၍ နီးစပ်လာခဲ့သည်။

"မရှိဘူး!"

လုရွှမ် ခေါင်းယမ်းလိုက်သည်။

ချန်စစ်ယန်သည် လူတိုင်းကို ကြည့်လိုက်ရာ ကျင့်ကြံမှုတွင် အနိမ့်ဆုံးဖြစ်သည့် လင်ရှောင်းရှောင်းပင်လျှင် ထိတ်လန့်တုန်လှုပ်ခြင်း မရှိသည်ကို တွေ့လိုက်ရသောကြောင့် သူတို့၏ လုပ်ငန်းခွင်တွင် အန္တရာယ် တစ်စုံတစ်ရာ မကြုံသင့်ကြောင်း သူမ သိလိုက်ရသည်။

"ရှင်တို့ အရမ်းကံကောင်းတာပဲ... ကျွန်မတို့တော့ သိပ်ကံမကောင်းခဲ့ဘူး။ ကျွန်မတို့ ဝင်လာပြီးတာနဲ့ စွမ်းအင် လှိုင်းထန်မှုတွေ ကြုံရပြီး ကျောင်းသား တစ်ရာနီးပါး သေဆုံးသွားခဲ့တယ်။ အဲဒီနောက် အဆိပ်ငွေ့ အဆိပ်ပင်တွေနဲ့ ကြုံခဲ့ရပြီး နောက်ထပ် လူအများကြီး သေဆုံးခဲ့ကြလို့ လေးရာအောက်ပဲ ကျန်တော့တယ်"

ချန်စစ်ယန် ခေါင်းယမ်းလိုက်သည်။

"ဘာ?? အားလုံး သေကုန်ကြပြီလား?"

"ထက်ဝက်ကျော်တောင် သေကုန်တာလား?"

ဟန်ရွှယ်နှင့် အခြားသူများ တုန်လှုပ်သွားကြသည်။

အရင်ကတော့ အကယ်ဒမီက လူတွေ ခွဲထွက်သွားပြီလို့ ထင်ခဲ့ကြပေမယ့် ချန်စစ်ယန်ရဲ့ စကားကို ကြားတော့ ပျောက်ကွယ်သွားတဲ့သူတွေ အားလုံး သေသွားပြီဆိုတာ သိလိုက်ရသည်။

ဤသူတို့အုပ်စုသည် သေမျိုးအသွင်ပြောင်းခြင်းနယ်ပယ် အဆင့်၇ ပြီးပြည့်စုံခြင်းက အကြီးအကဲဖန့်မှ ဦးဆောင်ရုံ သာမက ကျွမ်းကျင်သော သားရဲထိန်းသူနှင့် ဆေးဝါးပညာရှင်တို့လည်း လိုက်ပါသွားခဲ့သည်။ သို့တိုင် လူအများအပြား သေဆုံးနေဆဲ ဖြစ်သည်။

လုရွှမ်က သူတို့ကို မထွက်ခင် ရက်အနည်းငယ်လောက် စောင့်ခိုင်းရတဲ့ အကြောင်းအရင်းကို အားလုံး နားလည်သွားကြသည်။

သူတို့ရဲ့ ခွန်အားနဲ့ ဒီလူတွေရဲ့ နောက်ကို အမှန်တကယ် လိုက်ချင်ရင် အရိုးတွေ ဖြစ်သွားနိုင်တယ် ဆိုတာကိုပါ သဘောပေါက်သွားကြ၏။

"လုရွှမ်!"

ထိုအချိန်တွင် မော့ချုံသည်လည်း လူတိုင်းကို မြင်ပြီး စိတ်လှုပ်ရှားစွာ နှုတ်ဆက်လာသည်။

သူမသည် လမ်းပြတစ်ဦးသာ ဖြစ်သည်။ ခံနိုင်ရည် မရှိသော ဝိညာဉ်သားရဲများနှင့် ကြုံတွေ့ရသော အခါတွင် ညှိနှိုင်းရန်သာ တာဝန်ရှိသည်။ သူမသည် ယင်းယန်အကယ်ဒမီမှ မဟုတ်သောကြောင့် ကျောင်းသားမည်မျှ သေဆုံးခြင်းသည် ၎င်းနှင့်မသက်ဆိုင်ပါ။

နတ်ဘုရားမနှစ်ပါးက လုရွှမ်ကို နှုတ်ဆက်ပြီး မင်းသမီးလော့ရုံ ၊ လင်ရှောင်းရှောင်း နှင့် ဟန်ရွှယ်တို့ အလှမယ် သုံးယောက်ကပါ လုရွှမ်အနား ဝန်းရံထားတာကြောင့် ပတ်ဝန်းကျင်ရှိ လူတိုင်း၏ အာရုံကို တခဏချင်း ဆွဲဆောင်သွားလေသည်။

"အဲ့ကောင်လေးက ဘယ်သူလဲ"

"ဒီလူတွေရဲ့ အသွင်အပြင်ကို ကြည့်လိုက်ရင် သူတို့က ပေရွှီးအင်ပါယာရဲ့ ယင်းယန်အကယ်ဒမီက ဖြစ်နိုင်တယ်!"

"သေမျိုးအသွင်ပြောင်းရေး နယ်ပယ်ကိုတောင် မရောက်ဖူးဘူး ထင်ရတဲ့ ယင်းယန်အကယ်ဒမီ ရဲ့ ကျောင်းသားတစ်ယောက်က အလှလေးတွေ အများကြီး ဝန်းရံခံရအောင် သူ့မှာ ဘယ်လိုအရည်အချင်းတွေ ရှိနေလို့လဲ?"

"ဒါတော့ မသိဘူး.... အဲဒါက ဆွဲဆောင်မှုကြောင့် ဖြစ်နိုင်တယ်"

အနီးနားတွင် ထိုင်နေကြသူများသည် ပေရွှီးအင်ပါယာ ယင်းယန်အကယ်ဒမီက မဟုတ်ဘဲ အခြားအဖွဲ့များမှ ဖြစ်သည်။ လုရွှမ် ပတ်ပတ်လည်ရှိ အလှလေး ငါးယောက်ကို မြင်လိုက်ရသောအခါတွင် သူတို့၏ မျက်လုံးများသည် နီရဲသွားကြသည်။

"စီနီယာလုရွှမ်က အမျိုးသမီးတွေနဲ့ ဆက်ဆံပုံက အစွမ်းထက်လွန်းတယ်!"

"ဒါက အစွမ်းထက်ရုံ မကဘူး အံ့သြစရာပါ ကောင်းနေသေးတယ်!"

"သူ့ရဲ့ အရည်အချင်း တစ်ဝက်လောက်ရှိရင် ငါ့ကောင်မလေးက တခြားသူနဲ့ ထွက်ပြေးသွားမှာ မဟုတ်ဘူး"

"မင်းရဲ့ရည်းစားက ထွက်ပြေးသွားတာလား? မင်းဘာလို့ ဒီလောက် ပျော်စရာကောင်းတဲ့ အကြောင်းကို မပြောတာလဲ? မြန်မြန်နားထောင် ကြည့်ရအောင်... ဘာဖြစ်ခဲ့တာလဲ?"

"......"

တခြားသူတွေ မနာလိုဖြစ်ရုံ တင်မကဘဲ အကယ်ဒမီကျောင်းက ကျောင်းသားတွေတောင် လေးစားမှု ပြလာကြသည်။

သူတို့အမြင်အရတော့ လုရွှမ်ဟာ ဘဝမှာ တကယ့် အောင်နိုင်သူပါ။ သူဟာ အရည်အချင်းရှိပြီး အစွမ်းထက်ရုံ သာမက မိန်းကလေးတွေကိုပါ ဖမ်းစားနိုင်သူလည်း ဖြစ်သေးသည်။ ဒီလိုမှမဟုတ်ရင် နတ်ဘုရားမ တစ်ပါးသူနဲ့ ဘာကြောင့် ဆက်ဆံရေး ကောင်းနေပါ့မလဲ?

"ဟမ့် ပေါ်လာပြီလား?"

ယင်းယန်အကယ်ဒမီ၏ တဲအိမ်များနှင့် မနီးမဝေးတွင် လူအများအပြား ရပ်ကာ လုရွှမ်အား အေးစက်သော အမူအရာဖြင့် ကြည့်နေကြသည်။

လုရွှမ်သာ မြင်ခဲ့လျှင် မင်းသား ချန်ရှင်း ၊ သခင်မဟိုင်ထန်၊ ကောင်းရှန့်၊ ယန်ဖုံးနှင့် အခြားသူများ သတိပြုနိုင်မည် ဖြစ်သည်။

သူတို့သည် အင်အားများစွာဖြင့် ပူးပေါင်းကာ ယင်းယန်အကယ်ဒမီမှ လူများနှင့် ရှန့်ခုန်းချိုင့်ဝှမ်းအထိ လူတိုင်း လိုက်ချလာသော်လည်း ချုံခိုးတိုက်ခိုက်ရန် အခွင့်အရေး မတွေ့ခဲ့ရပေ။ လုရွှမ် ပြန်ရောက်လာသည်ကို မြင်လိုက်ရသဖြင့် သူတို့အားလုံးမှာ လူသတ်ချင်သည့် အငွေ့အသက်များ လွှမ်းခြုံလာကြသည်။

အထူးသဖြင့် မင်းသားချန်ရှင်း၏ မျက်နှာပေါ်ရှိ အမုန်းတရားများမှာ အချိန်မရွေး ပေါက်ထွက်တော့မလို ဖြစ်နေသည်။

"မင်းသား စိတ်မပူပါနဲ့.... အခု ယင်းယန်အကယ်ဒမီက လူတိုင်းနဲ့ ရှိနေပြီ... အကြီးအကဲဖန့်က ကျုပ်တို့ ပြိုင်ဘက် မဟုတ်တော့ တစ်ခုခုလုပ်ဖို့ အချိန်ကောင်းတော့ မဟုတ်သေးပါဘူး"

သူ့အမုန်းတွေကို မြင်တော့ ယန်ဖုံးက ပြုံးလိုက်သည်။

ယန်ဖုံးသည် စစ်သေနာပတိ ဟူရှောက်၏ လက်အောက်တွင် လေကို လိုက်ဖမ်းသည့် အရိပ်ဟု လူသိများသော သေမျိုးအသွင်ပြောင်းခြင်း နယ်ပယ် အဆင့်၇ရှိ တပ်မှူးဖြစ်သည်။ ယခုတစ်ကြိမ် ဟူရှောက်သည် လုရွှမ်ဟူသည့် အလွန်သန်မာသောလူကို ခေါင်းဖြတ်ရန် ဤနေရာသို့ စေလွှတ်လိုက်သည်။

"ငါသိတယ်! စိတ်မပူပါနဲ့... ငါမဆင်မခြင် လုပ်မှာမဟုတ်ဘူး... ငါတကယ် တိုက်ခိုက်ချင်ရင်တော့ တစ်ချက်တည်း ထိုးသတ်ပစ်မှာ သေချာတယ်... ဒါမှ သူခုခံနိုင်စွမ်း နည်းနည်းလေးမှ မရှိမှာ!"

မင်းသားချန်ရှင်းက အသံကို လျှော့ပြီး ဟောက်လိုက်သည်။

"ဟုတ်တယ်!"

ယန်ဖုံးနှင့် အခြားလူများက တစ်ချိန်တည်းတွင် ခေါင်းညိတ်ကြသည်။

ဝုန်း!

လူတော်တော်များများက ဒီလုရွှမ်ကို ဘယ်လိုသတ်ရမလဲ ဆိုတာကို ယင်းယန်အကယ်ဒမီ၊ ဆေးဥယျာဥ်နှင့် သားရဲခန်းမကလူတွေ ဘယ်သူမှ သတိမထားမိအောင် ဆွေးနွေးနေကြချိန် မြေကြီးက ရုတ်တရက် ဝုန်းကနဲ တုန်လှုပ်သွား၏။

"ပေရွှီးအင်ပါယာ ယင်းယန်အကယ်ဒမီက ကျောင်းသားတွေ!! လတ်စသတ်တော့ မင်းတို့က ဒီမှာ ပုန်းနေတာပဲ အဖွဲ့ကို ဦးဆောင်နေတဲ့သူက ဘယ်သူလဲ?? ချက်ချင်း ထွက်လာခဲ့!"

ထိုအသံသည် မိုးခြိမ်းသံကဲ့သို့ ကျယ်လောင်ပြီး မြေပြင်သည်ပင် အဆက်မပြတ် တုန်ခါနေ၏။ သူထုတ်လွှတ်နေသော အငွေ့အသက်အရ ဤလူ၏ စွမ်းပကားသည် ထူးကဲလှသည်ကို တွေ့မြင်နိုင်သည်။

"သူက သေမျိုးအသွင်ပြောင်းခြင်းနယ်ပယ် အဆင့်၈က ကျွမ်းကျင်သူပဲ!"

ယန်ဖုံး မျက်မှောင်ကြုတ်သွားသည်။

သူသည် သေမျိုးအသွင်ပြောင်းခြင်းနယ်ပယ် အဆင့်၇ တွင် သန်မာသူတစ်ဦး ဖြစ်ပြီး ခွန်အားအဆင့်ကို အလွန်ရှင်းလင်းစွာ သိရှိသူဖြစ်သည်။ ပြိုင်ဘက်က ကြွေးကြော်ပြီး ၎င်း၏ခွန်အားကို အပြည့်အဝ မဖော်ပြသော်လည်း ဤလူ၏ စွမ်းအားသည် သူ့ထက်သာလွန်ကြောင်း သူသိထားပြီး ဖြစ်သည်။

"ဒီလူက ပေရွှီးအင်ပါယာ ယင်းယန်အကယ်ဒမီက လူကို ရှာပြီး ဘာလုပ်တာလဲ? ရဲတင်းလွန်းတယ်!"

မင်းသား ချန်ရှင်းသည် သူ့မျက်နှာတွင် ထူးဆန်းသော အမူအရာဖြင့် ပြောလိုက်သည်။

ယင်ယန်အကယ်ဒမီ၏ ခွန်အားကို လူတိုင်းသိကြသည်။ ပေရွှီးအင်ပါယာသည် အကိုင်းအခက် တစ်ခုသာ ဖြစ်သော်ငြား ဤကဲ့သို့ အရှိန်အဟုန် ပြင်းပြင်းနှင့် အသံဟစ်ခြင်းသည် ယင်းယန်အကယ်ဒမီ၏ ဘုန်းအာနုဘော်ကို စိန်ခေါ်ခြင်းနှင့် ညီမျှသည်။

ယခုတစ်ကြိမ်တွင် ပေရွှီးအင်ပါယာ သာမက နန်ဟိုင်အင်ပါယာ၊ တုံးရှန့်အင်ပါယာ၊ ရှီးချီအင်ပါယာနှင့် ထျန်းသုန်းအင်ပါယာ စသော အခြားနိုင်ငံများစွာ၏ အကိုင်းအခက်များ၏ တုံ့ပြန်မှုကို မကြောက်ဘဲ ဒီလိုအော်နေတာလား??

ဒီလိုသာဆိုရင် သေမျိုးအသွင်ပြောင်းခြင်း နယ်ပယ် အဆင့်၈ လူတောင် ခုခံနိုင်မည် မဟုတ်ပေ။

"နန်ဟိုင်အင်ပါယာ ယင်းယန်အကယ်ဒမီက အကြီးအကဲ လျိုယွင်ထန်းပဲ....ကျုပ် သူနဲ့ တစ်ခါလောက် တွေ့ဖူးတယ်"

ခဏလောက် ကြည့်ပြီးနောက် ယန်ဖုံး တစ်ဖက်လူကို မှတ်မိသွားသည်။

"နန်ဟိုင်အင်ပါယာ ယင်းယန်အကယ်ဒမီက အကြီးအကဲ??" မင်းသားချန်ရှင်းမှာ ပိုလို့တောင် ထူးဆန်းသွားသည်။

ပြိုင်ပွဲတွေ ရှိနေသော်လည်း ယင်းယန်အကယ်ဒမီ၏ အကိုင်းအခက် တစ်ခုပင် ဖြစ်သော်လည်း အတူတူ ဖြစ်နေကြဆဲ ဖြစ်သည်။ ဤနေရာတွင် စည်းလုံးညီညွတ်သင့်သည်ဟု ထောက်ပြရမည်။

"အခြေအနေ အတိအကျတော့ မသိဘူး... အရင် စောင့်ကြည့်ရအောင်.... တစ်ခုခုတော့ တွေ့နိုင်တယ် မဟုတ်လည်း ကျုပ်တို့အတွက် အခွင့်အရေး ရနိုင်တာပဲ"

ယန်ဖုံးသည် သန်မာသော်လည်း အနာဂတ်၏ ဟောပြောသူ တစ်ဦးမဟုတ်ပေ။

"အင်း!" မင်းသား ချန်ရှင်းလည်း ဒါကိုသိပြီး စကားခဏရပ်လိုက်ကာ လူတော်တော် များများကလည်း ထိုဘက်ခြမ်းကို တစ်ချိန်တည်း ကြည့်နေလိုက်သည်။

"လတ်စသတ်တော့ အကြီးအကဲယွင်ထန်းကိုး...ဘာကများ ခင်ဗျားကို ဒေါသထွက်စေပါလိမ့် ကျုပ်တို့ မတွေ့ရတာ ကြာပြီနော်!"

အားရပါးရ ရယ်မောသံ ထွက်ပေါ်လာပြီး အကြီးအကဲ ဖန့်ဝူဆွေ့သည် လူအုပ်ထဲမှ ထွက်လာသည်။