အင်ပါယာ ထိပ်သီးစာရင်း

"ဟင်?"

ကျီးကန်း၏ ပြစ်တင်ရှုတ်ချခြင်းကို ခံရသော် လုရွှမ်သည် အနည်းငယ် ရှက်သွားသော်လည်း ခေါင်းကို လှည့်ကာ တစ်ခုခုကို သတိရသွားသလို မျက်မှောင်ကြုတ်လိုက်သည်။

"ရှေးဟောင်းမြို့ကို မဖွင့်နိုင်မှတော့ ဘယ်လိုလုပ် ထွက်လာအောင် တူးလို့ရမှာလဲ? မင်း တစ်ခုခုကို မတော်တဆ ထိမိလို့ ရှေးဟောင်းမြို့က သူ့အလိုလို ထွက်လာတာများလား?"

ရှေးမြို့ဟောင်းကို တူးဖော်နိုင်ခြင်း အပေါ် ဤကျီးကန်းတွင် လျှို့ဝှက်ချက်များစွာ ရှိနေသည်ဟု ထင်မိခဲ့သည်။ ထိုသို့မဟုတ်ပါက ၎င်း ယခင်ပြောခဲ့သော စကားများကို လျှော့ချလိုက်ရမည်ကို ကြောက်ရသည်။

ဒီကောင်က အမြဲတမ်း ကြွားလုံးထုတ်ရတာကို နှစ်သက်ပြီး အပြည့်အဝ မယုံကြည်နိုင်တဲ့ အရာတွေလည်း အများကြီး ရှိနေပါသေးသည်။

"မင်း"

ကျီးကန်းသည် မျက်နှာချင်းဆိုင်လိုက်ကာ ဒေါသတကြီး အော်ဟစ်လိုက်ပြီး

"ကောင်လေး!! အကြီးကို လေးစားရမယ်ဆိုတာ မင်းမသိဘူးလား? ကျီးဖိုးဖိုးက နှစ်အတော်ကြာအောင် နေလာတာ... မင်းလိုမျိုး နောက်မျိုးဆက်ကို တစ်ခါမှ မတွေ့ဖူးဘူး... ဟိုတုန်းကတော့ လူကြီးရော လူငယ်ရော ကောင်းကင်၉လွှာမှာ ငါ့ကို တန်ခိုးကြီးသူလို့ ခေါ်တာကွ!"

ထိတ်လန့်တုန်လှုပ်နေသည့် အကြည့်ကို မြင်လိုက်ရသဖြင့် လုရွှမ်သည် ချက်ကောင်းကို ထိမိသွားသည်ကို သိလိုက်ရသောကြောင့် သူချက်ချင်း ပြုံးပြလိုက်ပြီး ၎င်းကို ထပ်၍ မပြောတော့ပေ။

"ဒီရှေးဟောင်းမြို့ရဲ့ လျှို့ဝှက်ချက် တချို့ကို ငါနည်းနည်း မြင်ဖူးတယ်"

သူ့အရင်ဘဝက သူဖတ်ဖူးတဲ့ စာအုပ်တွေကို ပြန်စဥ်းစားနေတုန်း အဝေးက ခြေသံတွေကို ကြားလိုက်ရသည်။

"သခင်လေး... အကြီးအကဲဖန့်က တွေ့ခွင့်တောင်းနေပါတယ်"

လုရွှမ်သည် အကြီးအကဲ လျိုယွင်ထန်းကို သတ်ရန် တောင်​ဖောက်နဂါးကို အမိန့်ပေးနိုင်ခဲ့တဲ့ အတွက် ယင်းယန်ကျောင်းတော်တွင် ဂုဏ်သိက္ခာတစ်ခုကို ထူထောင်နိုင်ခဲ့သည်။ အကြီးအကဲဖန့်ပင်လျှင် ယခင်ကဲ့သို့ မာန်မာနကြီးစွာ မလာရဲပေ။

"အင်း!"

လုရွှမ် သူ့လက်ကို ဝှေ့ယမ်းလိုက်ပြီး မကြာခင်မှာပဲ အကြီးအကဲ ဖန့်ဝူဆွေ့ သူ့ဆီကို ရောက်လာသည်။

"အကြီးအကဲဖန့် ကျုပ်ကို လာကိစ္စ ရှာနေတာလဲ"

လုရွှမ်လည်း တစ်ဖက်လူ ကိစ္စမရှိဘဲ လာရှာမှာ မဟုတ်မှန်း သိတဲ့အတွက် သံသယနဲ့ မေးလိုက်လေသည်။

"ဒီလိုပါ.... ရှေးဟောင်းမြို့က မဖွင့်လာတာ ကြာပြီ... အဖွဲ့တွေအားလုံးက နောက်ကိစ္စတွေကို ဆွေးနွေးကြဖို့ စီစဉ်နေပါတယ်"

အကြီးအကဲဖန့်က ဆိုလေသည်။

အဖွဲ့ဝင် အများအပြားသည် ရှန့်ခုန်းရှေးဟောင်းမြို့ကို ဝိုင်းရံထားပြီး မြို့တံခါးဖွင့်ချိန်ကို စောင့်မျှော်နေတာ လဝက်ကျော်ပင် ဖြစ်နေပြီ။ ထပ်မံမဖွင့်လာပါက စောင့်ဆိုင်းရန် မတတ်နိုင်ပေ။ သူတို့မှာ တကယ် ထွက်သွားချင်ကြသော်လည်း ထွက်သွားပြီးမှ ဖွင့်လာရင် နောင်တရနေရလိမ့်မည်။

ထို့အတွက်ကြောင့် လူတိုင်းသည် ရှေးဟောင်းမြို့တစ်မြို့အား တိုက်ခိုက်ရန် စိတ်ပျက်လက်ပျက်ဖြင့် တန်ပြန်အစီအမံကို ဆွေးနွေးရန် အင်အားများစွာဖြင့် အတူတကွ ပူးပေါင်းရန် စီစဉ်ခဲ့ကြသည်။

လုရွှမ်၏ ခွန်အားသည် အဓိက အင်အားစုများ၏ မျက်စိထဲတွင် မရှိသော်လည်း သူ့ဘေးနားရှိ တောင်ဖောက်နဂါးသည် တုနှိုင်းမယှဉ်နိုင်ဘဲ အဆင့်၈ ရှိ လျိုယွင်ထန်းကိုပင် အလွယ်တကူ သတ်နိုင်ကြောင်း ပြသနိုင်လောက်အောင် အင်အားရှိလို့ ဤအစည်းအဝေးတွင် ပါဝင်ရန် အရည်အချင်းများ ရှိ​လေသည်။

"သွားကြည့်တာပေါ့!" လုရွှမ် ခေါင်းညိတ်သည်။

ရှေးဟောင်းမြို့ကို သူ့အရင်ဘဝက ဖတ်ဖူးတဲ့ စာအုပ်တွေထဲမှာ ဖွင့်ဖို့ နည်းလမ်းတွေရှိပေမယ့် သူ့အစွမ်းအစကို အားကိုးဖို့ဆိုတာ သေချာပေါက် မဖြစ်နိုင်ပါဘူး။ အခုက အခွင့်ကောင်းပဲ။

ဆွေးနွေးမည့် နေရာသည် သူတို့နေရာနှင့် မဝေးလှပေ။ အမည်မသိ တပ်ဖွဲ့တစ်ခုမှ ကြီးမားသော တဲကြီးတစ်ခုဆီကို လုရွှမ်သည် တောင်ဖောက်နဂါးကို ခေါ်၍ အကြီးအကဲဖန့်နဲ့အတူ ရောက်လာခဲ့သည်။

"အကြီးအကဲဖန့်! ဒါက ညီငယ် လုရွှမ်ဆိုတာပေါ့၊ သူရဲကောင်းဆိုတာ ငယ်ငယ်ကတည်းက ထူးချွန်လာတာပဲ!"

လူများစွာက သူတို့ကို နှုတ်ဆက်​ကြသည်။

ဤလူများသည် အခြေခံအားဖြင့် သေမျိုးအသွင်ပြောင်းခြင်းနယ်ပယ် အဆင့်၈ စွမ်းအားရှင်များ ဖြစ်ကြပြီး ၎င်းတို့အား အင်ပါယာ၏ အထွတ်အထိပ် ပုဂ္ဂိုလ်များအဖြစ် ရေတွက်နိုင်သည်။ သို့သော် ၎င်းတို့၏ မျက်နှာသည် လုရွှမ်အတွက် အလွန်ဂုဏ်ယူ ဝံ့ကြွားခြင်းမျိုး မရှိကြပေ။

သူတို့ထဲက အများစုဟာ တောင်ဖောက်နဂါးရဲ့ ကြောက်စရာ ကောင်းသော အဖြစ်ကို မြင်တွေ့ခဲ့ကြပြီး လူငယ်က လျိုယွင်ထန်းကို နင်းသတ်ပြီး သေဆုံးခဲ့ရတဲ့ မြင်ကွင်းကိုတောင် မြင်တွေ့ခဲ့ရသူတွေ ဖြစ်သည်။

အင်ပါယာ ပထမမိသားစု ဖြစ်သည့် လျိုမိသားစုပင်လျှင် မကြောက်ခဲ့ပေ။

တဲထဲသို့ လျှောက်သွားရင်း လုရွှမ် တစ်ချက် အကဲခတ်လိုက်သည်။

လူတော်တော်များများ ​ရောက်နေကြပြီ။ စုစုပေါင်း ငါးဆယ်လောက် ရှိ၏။ အားနည်းတဲ့သူတွေက အကြီးအကဲဖန့် နဲ့ အတူတူနီးပါး ဖြစ်ပြီး သူတို့ဟာ သေမျိုးအသွင်ပြောင်းခြင်းနယ်ပယ် အဆင့်၇ ပြီးပြည့်စုံမှု အဆင့်ကို ရောက်နေပါပြီ။

"အားလုံး ကျေးဇူးပြုပြီး ထိုင်​ကြပါ!"

ရတနာအဆောက်အအုံ သခင်ကျန့်ပိုင်လျဲ့ ခွန်အားနှင့် နီးပါးတူညီသော စွမ်းအားရှိသည့် ခေါင်းဆောင် အဘိုးကြီးသည် အသွင်ပြောင်းခြင်း၏ အဆင့်၈ နယ်ပယ်သို့ ရောက်ရှိနေပြီ ဖြစ်သည်။

"သူက ကျိုတင်အင်ပါယာ ရှောင်းမိသားစုက မိသားစုခေါင်းဆောင် ရှောင်းချင်ထျန်း... သူက အရမ်း ကျော်ကြားပြီး အင်ပါယာရဲ့ ထိပ်သီး စာရင်းထဲမှာ ဆယ့်ခုနစ်ယောက်မြောက် သြဇာအရှိဆုံး ပုဂ္ဂိုလ်ပဲ!"

ဖန့်ဝူဆွေ့က လုရွှမ်ကို တိတ်တဆိတ် ရှင်းပြ၏။

"အင်ပါယာရဲ့ ထိပ်သီးစာရင်း?" လုရွှမ် ပဟေဌိ ဖြစ်သွားသည်။

"အင်ပါယာရဲ့ ထိပ်သီးစာရင်းကို အင်အား​ကြီးစာရင်းလို့လည်း ခေါ်ပါတယ်.... အဲဒါက အင်ပါယာအတွင်း ပိုင်းခြားထားတဲ့ စာရင်းတစ်ခုပါ... စာရင်းဝင်နိုင်သူတွေ အားလုံးနီးပါးက စာရင်းထဲကို အင်ပါယာအတွင်း အထွတ်အထိပ် ဖြစ်တည်မှုစာရင်းမှာ ပါဝင်ထားတဲ့ လူတွေပါ"

ဖန့်ဝူဆွေ့က ဆက်ရှင်းပြသည်။

​တော်ဝင်အင်ပါယာ၏ ပတ်​ဝန်းကျင်​ အတွင်း သေမျိုးအသွင်ပြောင်းခြင်းနယ်ပယ် အဆင့်၈သည်​ အထွတ်​အထိပ်​ ဖြစ်​ပြီး အဆင့်​၉ သို့ ဖြတ်​​ကျော်​ရန်​ အလွန်​ခက်​ခဲသည်​။ အတိအကျ​ပြောရလျှင်​ လျိုမိသားစုသည်​ ထို့ကြောင့်​ပင် နန်ဟိုင်အင်ပါယာ၏ တော်ဝင်မိသားစုကို ကြီးစိုးပြီး ခေါင်းညွှတ်စေခြင်းပင်။

သေမျိုးအသွင်ပြောင်းခြင်း နယ်ပယ် အဆင့်၈သည် ဖြတ်ကျော်ရန် အလွန်ခက်ခဲသောကြောင့် ၎င်းတို့သည် အထွတ်အထိပ်ဆုံးသော ကိန်းဂဏန်းများ ဖြစ်လာခဲ့သည်။

လူတို့သည် ၎င်းတို့၏ အားသာချက် အားနည်းချက်များကို ပိုမိုကောင်းမွန်စွာ နားလည်နိုင်စေရန်နှင့် ၎င်းတို့၏ အားသာချက်များကို ပိုမိုကောင်းမွန်စွာ ပိုင်းခြားနိုင်စေရန်အတွက် ဤအင်ပါယာ၏ ထိပ်သီးစာရင်းကို ဖန်တီးခဲ့ခြင်း ဖြစ်သည်။

စာရင်းထဲ ထည့်ဝင်နိုင်သရွေ့ သူတို့အားလုံးဟာ ကျော်ကြားပြီး ထင်ရှားတဲ့ လူတွေပဲ ဖြစ်လေသည်။

ဤရှောင်းချင်ထျန်းသည် ၁၇ နေရာသို့ တက်လှမ်းနိုင်ခဲ့ပြီး သူ၏ ခွန်အားသည် အလွန်ပင် ကြောက်မက်ဖွယ် ကောင်းလှသည်။

"ကျန့်ပိုင်လျဲ့ရော စာရင်းထဲမှာ ရှိလား?" လုရွှမ် မကူညီနိုင်ဘဲ ထပ်မေးလိုက်သည်။

သူအခုထိ တွေ့မြင်ခဲ့ရတဲ့ အသန်မာဆုံးလူက ကျန့်ပိုင်လျဲ့ ဖြစ်သည်။ သို့သော် ဒီလူက စာရင်းထဲမှာ ပါမပါ ဆိုတာ သူမသိချေ။

"စာရင်းထဲမှာတော့ အဆင့် ၁၁ ဖြစ်ပုံရတယ်!" ဖန့်ဝူဆွေ့က ခဏလောက်စဉ်းစားပြီး

"ကျုပ်တို့ ကျောင်းအုပ်ကြီးလည်း သူတို့အထဲမှာ ပါပါတယ်... ဒါပေမဲ့ အဆင့်က ၃၅ လောက်မှာပဲ သိပ်မမြင့်ဘူး!"

"ကျောင်းအုပ်ကြီးတောင် အဆင့်၃၅??"

လုရွှမ် အံ့သြသွားသည်။

သူသည် ပေရွှီးအင်ပါယာ၏ ယင်းယန်ကျောင်းတော်က ကျောင်းအုပ်ကြီးနှင့် မတွေ့ဖူးသော်လည်း သူသည် အကြီးအကဲလုံယွမ် နှင့် အခြားသူများထက် များစွာ သန်မာပြီး ခန်းမသခင်ဖုန်း ထက်ပင် များစွာ အားကောင်းနေပါသည်။

ဤလူမျိုးသည် အမှန်တကယ်တွင် အင်ပါယာ၏ ဤအဆင့်တွင်သာ ရှိနေသည်။ တိုက်ခိုက်ရေး စွမ်းအားစာရင်းတွင် အဆင့် ၃၅ နေရာက အဆင့်သတ်မှတ်ချက်သည် ကြောက်မက်ဖွယ် ကောင်းနေသေးကြောင်း ပြသနေသည်။

ထိုကဲ့သို့ ကြောက်စရာကောင်းသော စာရင်းဖြင့် သူ့ရှေ့ရှိ အဖိုးအိုသည် အဆင့်၁၇ တွင် ရပ်တည်နိုင်သောကြောင့် သူ၏ခွန်အားကို စိတ်ကူးကြည့်နိုင်သည်။

"မင်းရဲ့အမြင်အရ.... တောင်ဖောက်နဂါးက စာရင်းထဲမှာ ပါနိုင်လား"

လုရွှမ်မှ ထပ်မေးလိုက်သည်။

တောင်ဖောက်နဂါးတွင် နဂါးမျိုးရိုး၏ သွေးများရှိပြီး တူညီသော အဆင့်တွင်ရှိ လူများ မအောင်မြင်နိုင်သော်လည်း အဆင့်များကို ပိုင်းခြားရမည်ဖြစ်သည်။

တိမ်ပင်လယ် နယ်မြေ တစ်ခုလုံးရှိ အထက်အင်ပါယာ သုံးထောင်တွင် သေမျိုးအသွင်ပြောင်းခြင်း နယ်ပယ် အဆင့်၈ ပြီးပြည့်စုံခြင်း အဆင့် သန်မာသူများမှာ မရေမတွက်နိုင်အောင် များပြားလှသည်။ ၎င်းတို့ မဖြတ်ကျော်နိုင်တော့သည့်နောက်တွင် ဤလူများသည် ကိုယ်ခံပညာနှင့် ထူးခြားသော လှုပ်ရှားမှု အမျိုးမျိုးကို စူးစူးစိုက်စိုက် လေ့လာရမည် ဖြစ်သည်။

ထိုအရာများက သူတို့ရဲ့ ခွန်အားကို တိုးမြင့်စေနိုင်သည်။ ဒါကြောင့် ဒီစာရင်းမှာ ပေါ်လာနိုင်တဲ့ ဇာတ်ကောင်တွေတိုင်း သူတို့အားလုံးဟာ စိန်ခေါ်မှုတွေကို ခုန်ပျံကျော်လွှားနိုင်တဲ့ စွမ်းရည်တွေ ရှိလေသည်။

တောင်ဖောက်နဂါးသည် အစွမ်းထက်၏။ လုရွှမ်သည် အသွင်ပြောင်းခြင်း နယ်ပယ် အဆင့်၈ ပြီးပြည့်စုံခြင်းအဆင့်ကို မကြာသေးခင်ကမှ ထိုးဖောက်ထားပြီး ၎င်း၏ ခွန်အားကို အပြည့်အဝစုစည်းနိုင်သေးပေ။ ဤသို့ဆိုလျှင် အနေအထားက ကွာလှသည်။

ထို့အပြင် ကျင့်​ကြံသူများသည် ဝိညာဉ်သားရဲများနှင့် နှိုင်းယှဉ်ရန် ဝေးကွာသော လှည့်ကွက်များနှင့် နည်းလမ်းများစွာ ရှိရသည်။

"မင်းရဲ့ ဝိညာဥ်သားရဲက အားမနည်းပါဘူး...သာမန် သေမျိုးအသွင်ပြောင်းခြင်း နယ်ပယ် အဆင့်၈ ပြီးပြည့်စုံမှု အဆင့်ကို ရောက်နေသူဆိုရင် ပြိုင်ဘက် မဟုတ်နိုင်ဘူး... ဒါပေမဲ့ စာရင်းထဲပါဖို့က နည်းနည်း ခက်လိမ့်မယ်...တခြား မပြောနဲ့.. ကျုပ်တို့ ကျောင်းအုပ်ကြီးနဲ့ တိုက်ခိုက်ခဲ့ရင်တောင် ဒီသားရဲ အနိုင်ရဖို့ မဖြစ်နိုင်ဘူး”

အဲဒါကို တွေးရင်း သေသေချာချာ ပြန်စဥ်းစားပြီးနောက် ဖန့်ဝူဆွေ့က ပြောပြလေသည်။

"အဲ့လိုကိုး....!"

လုရွှမ် ခေါင်းညိတ်လိုက်သည်။

တစ်ဖက်သား ပြောသည်ကို သူသံသယ မရှိပေ။

ဖန့်ဝူဆွေ့က သေမျိုးအသွင်ပြောင်းခြင်းနယ်ပယ် အဆင့်၇ ဖြစ်ပြီး သူသည် အချိန်မရွေး ဖြတ်ကျော်သွားနိုင်သည်။ အမြင်အာရုံလည်း ကောင်းမွန်ရမည်။ မဟုတ်ပါက ကျောင်းတော် တစ်ခုလုံးတွင် နာမည်ကြီးပြီး မရေမတွက်နိုင်သော လူများ၏ အသိအမှတ်ပြု ခံရရန် မဖြစ်နိုင်ပေ။

တောင်ဖောက်နဂါးသည် ကျောင်းအုပ်ကြီး၏ ပြိုင်ဘက်မဟုတ်ဟု ဆိုသောကြောင့် ကျောင်းအုပ်ကြီးကို မတိုက်နိုင်မှာ သေချာပါ၏။

ကျောင်းအုပ်ကြီးသည် တော်ဝင်အင်ပါယာများ၏ ထိပ်သီးစာရင်းတွင် အဆင့် ၃၅ သာရှိလို့ တောင်ပေါက်နဂါးကို အဆင့်သတ်မှတ်ရန် အမှန်တကယ် ခက်ခဲနိုင်ဖွယ် ရှိသည်။