မိမိကိုယ်ကို နှိပ်စက်ခြင်း

လုရွှမ်၏ ပြောင်းလဲမှုကို သာမန်မျက်စိဖြင့်ပင် မြင်နိုင်လေရာ သူတော်စင်တစ်ပိုင်း လူနှစ်ယောက်မှာ ထိုအရာကို ရှင်းရှင်းလင်းလင်း မြင်လိုက်ရတော့ တုန်လှုပ်မှု၊ မုန်းတီးမှု၊ အားကျမှုများ ရောယှက်သွားတော့သည်။

အကယ်၍များ တခြား အချိန်များတွင် သူသည် သာမန်ထက် အနည်းငယ် သာလွန်၍ ဝှက်ဖဲများ ရှိနေခဲ့လျှင် သေမျိုးအသွင်ပြောင်းခြင်း နယ်ပယ်က သေးငယ်သော လူတစ်ဦးမျှသာ ဖြစ်သော်လည်း သူတို့နှစ်ဦး အတူတူ ပူးပေါင်းလျှင်ပင် ပုရွက်ဆိတ်လို တက်ကြိတ်ခံရမှာ သေချာလေ၏။

သို့သော် ယခုအချိန်တွင် လုရွှမ်၏ လှည့်ဖြားစားတာကို ခံရပြီ။ လျှပ်စီးလက်ခံရမည့် အန္တရာယ်ကြောင့် သူတို့အင်အားက အားနည်းလာကာ တစ်ဖက်လူရဲ့ အင်အားကတော့ သိသိသာသာ တိုးလာခဲ့သည်။

အရှိန်က မြန်လွန်းလို့ သူတို့မြင်တာနဲ့ ထိတ်လန့်သွားခဲ့သည်။ လျှပ်စီးကြောင်း အနည်းငယ်မလို့သာ ခံနိုင်ရည် ရှိခဲ့တာ။ မိုးကြိုးဘေးကြီး ကျလာခဲ့ရင် ဘယ်သူက ခံနိုင်မှာလဲ။

အလှမ်း ဝေးလွန်းလှသော နေရာက အားကြီးသူများသည် လုရွှမ် ထောင်ထားသော အခင်းအကျင်း မှော်စက်ဝိုင်းများကို ဖြတ်ကျော်ပြီး ရှေ့သို့ ပြေးသွားရင်း သူတို့အားလုံး စိတ်ပျက်လက်ပျက် ဒေါသကြီးစွာ အဝေးမှ လုရွှမ်ကို အော်ဟစ် ကျိန်ဆဲနေကြသည်။

ထိုအခင်းအကျင်း ဖွဲ့စည်းပုံများသည် တစ်ခုထက် တစ်ခု ပို၍ထူးခြားလာသည်။ လျှိုဝှက်မှော်အခင်းအကျင်း၊ သတ်ဖြတ်ခြင်း အခင်းအကျင်း၊ ပုံရိပ်ယောင် အခင်းအကျင်း ၎င်းတို့အားလုံး ပါဝင်ပြီး တခြားပုံစံများလည်း ပါဝင်နေသည်။

တချို့က ဓားတောင်တန်းများနဲ့ ကြုံတွေ့ရပြီး တချို့က ပင်လယ်ထဲသို့ ပြုတ်ကျကြသည်။ သွေးနှင့် အခင်းအကျင်း ဖွဲ့စည်းခြင်းတို့ကို ဖြတ်သန်းရတာလည်း မလွယ်လှချေ။

တခဏချင်းမှာပဲ ကောင်းကင်ကြီးက မှောင်မဲနေပြီး မြေကြီးကိုလည်း ဖုံးလွှမ်းသွားကာ တခြား အခင်းအကျင်း ပုံစံတစ်ခုက ဖမ်းမိသွားပြန်သည်။

ဤအခင်းအကျင်းများသည် အ​ခြေခံအားဖြင့်သာ ပံ့ပိုးထားခြင်း ဖြစ်ပြီး ၎င်းတို့ကို မည်သူမျှ လက်ခံထားခြင်း မရှိသည့် အတွက်ကြောင့် ၎င်းတို့သည် မသေနိုင်လျှင်ပင် အရေပြားများ ထိခိုက်ဒဏ်ရာ ရသွားမှာ ဖြစ်သည်။

ဤသည်မှာ အဖွဲ့ကို ဦးဆောင်သူ သူတော်စင် တစ်ပိုင်းများ၏ ချိုးဖျက်နိုင်သော ခွန်အားဖြစ်ဆဲပင် ဖြစ်သည်။

"အကြီးအကဲချောင် သွားကြစို့... ငါတို့ ရွှဲနေတဲ့ ရေကို မထိသင့်တော့ဘူး"

ပိုင်မြန့်က အော်ပြောလိုက်သည်။ သူ့စိတ်တွေ ကမောက်ကမ ဖြစ်နေရတာ ကြာပါပြီ။ သူ ဒီအတိုင်း ဆက်နေရင် တခြား ဘာအကျိုးမှ ရှိမှာ မဟုတ်ဘူး ဆိုတာ သိသည်။ လုရွှမ်က အောင်မြင်မှုအတွက် ခြေတစ်လှမ်းပြီး တစ်လှမ်း တက်နေတာပဲ။

လုရွှမ်၏ အရှိန်သည် လျှပ်စီး လက်သွားသလို ကောင်းကင်က မိုးခြိမ်းသံနှင့်အတူ သူတို့နှစ်ဦးရှေ့ကို ရိုက်ခတ်လာခဲ့သည်။

"မင်းတို့ နှစ်ယောက်လုံး...လာချင်တိုင်းလာ သွားချင်တိုင်း သွားရအောင် ကမ္ဘာပေါ်မှာ ဒီလောက်သဘော ကောင်းတဲ့လူ ဘယ်မှာရှိမှာလဲ?"

လုရွှမ် ဒီနတ်ဆေးလုံးက သူ့ကိုယ်ပိုင် ခွန်အားကို ဘယ်လောက်တောင် တိုးတက်စေနိုင်လဲ သေချာ မသိသေးပါ။ ထို့အပြင် သေမျိုး အသွင်ပြောင်းခြင်း နယ်ပယ်မှ သူတော်စင်တစ်ပိုင်း ဖြစ်လာရန် သူတော်စဥ်လမ်းစဥ် နိယာမကို နားလည်ထားရမည်။

သူတော်စဥ် လမ်းကြောင်းတွင် လမ်းကြောင်း ၃၀၀၀ ခန့် ရှိကာ မတူညီသော လမ်းကြောင်းများတွင် မတူညီသော သြဇာလွှမ်းမိုးမှုများ ရှိကြသည်။

သူ​တော်တစ်ပိုင်းကို အောင်မြင်ရန် နတ်ဘုရားအသွင်ပြောင်းဆေးကို အသုံးပြုနိုင်ကြောင်း ကျီးကန်း ပြောခဲ့ဖူးသည်။ ဒါက ရိုးရှင်းသော်လည်း အနာဂတ်အတွက် ကြီးမားသောအန္တရာယ်ကိုလည်း ဖြစ်စေနိုင်သေးသည်။

သူတော်စင်လမ်းစဥ် ဥပဒေကို ပြီးမြောက်ရန် နတ်ဆေးလုံးကို အသုံးပြုခြင်းသည် အခြားအရာများထက် အားနည်းသည့် အချက်ဟု ယူဆသော်လည်း တိမ်ပင်လယ် နယ်မြေရှိ ကျင့်ကြံသူများအတွက် ၎င်းသည် သူတော်စင်နယ်ပယ် အဆင့်၉ နဝမတန်း ဆေးလုံးထက် မနည်းသော တန်ဖိုးသာ ဖြစ်သည်။

ဤနည်းအားဖြင့် မိုးခြိမ်းသံ အနည်းငယ် ကျရောက်ပြီးနောက် သူ့တံခါးဆီ ရောက်လာကြသူများ အတွက် ယင်းမှာ ကြေကွဲစရာပင် ဖြစ်လိမ့်မည်။

ဒါပေမဲ့ သူ့အတွက်ကတော့ ကျားကို တောင်ပေါ်ပြန်သွားခိုင်းလိုက်ရင် အဆုံးမဲ့ဒုက္ခတွေကိုပဲ ကြုံရလိမ့်မယ်။

လုရွှမ်၏ လွှမ်းမိုးမှု အောက်တွင် ကောင်းကင်ယံမှ မိုးခြိမ်းသံများသည် သူ​တော်စင်တစ်ပိုင်း အကြီးအကဲ နှစ်ဦးကို ဆက်လက် တိုက်ခိုက်နေသည်။ လုရွှမ် မှန်းဆထားသည့် အတိုင်း နောက်ပိုင်းတွင် မိုးခြိမ်းသံသည် အားကောင်း​လာလေ ကျယ်ပြန့်လာလေ ဖြစ်သည်။

လုရွှမ်သည် အကြီးအကဲနှစ်ယောက်ကို ပြန်လည်း မတိုက်နိုင်၊ ပြေးလို့လည်း မရအောင် အနီးကပ်လိုက်ရင်း မိုးကြိုးချက်များကို ခုခံစေလေသည်။

နတ်ဘုရားအသွင်ပြောင်း ဆေးကို သူ့လက်ထဲတွင် ကိုင်ထားပြီး ကောင်းကင်မှ စွမ်းအင် အများစုကို နတ်ဆေးလုံးက စုပ်ယူသွားသည်။ မိုးခြိမ်းသံကို ပြင်းပြင်းထန်ထန် တွန်းလှန်နေရသော ထိုလူနှစ်ယောက်နှင့် နှိုင်းယှဉ်ပါက လုရွှမ် အနည်းငယ် ရှောင်တိမ်းနိုင်သေးသည်။

ထို့အပြင် ရုပ်ပိုင်းဆိုင်ရာ ကြံ့ခိုင်မှုအရ သူတို့သည် လုရွှမ်ရဲ့ တစ်ဝက်ခန့်သာ ရှိသေးသည်။ ရွှေအရှိန်ကြောင့် လုရွှမ်ရဲ့ အခြေအနေက ပိုအားကောင်းလာသည်။

တစ်ဖက်ရှိ သူတော်စင်တစ်ပိုင်း လူနှစ်ယောက်မှာ ပို၍ ရှက်ရွံ့လာကာ သူတို့၏ အရှိန်သည် တဖြည်းဖြည်း နှေးကွေးလာပြီး ကောင်းကင်ယံက မိုးခြိမ်းသံဟာလည်း အဆက်မပြတ် တရစပ် တိုက်ခိုက်နေ၏။

"ကောင်လေး... မင်းငါ့ကို ဒီလိုကြံစည်နေတာ မင်းလုံးဝ ကောင်းကောင်း မသေစေရဘူး "

အကြီးအကဲချောင်က အော်ဟစ်ရင်း သွေးတစ်လုတ် ထိုးအန်လိုက်သည်။ လုရွှမ်ကတော့ အေးစက်စွာပဲ လှောင်ရယ်လိုက်၏။

ဘယ်သူက ဘယ်သူ့ကို ကြံစည်နေတာလဲ?

နောက်ထပ် မိုးကြိုးတစ်ချက် ဆင်းသက်လာပြီး သူတော်စင်တစ်ပိုင်း လူနှစ်ယောက်မှာ မခံနိုင်တော့ဘဲ သွေးတွေ တဖျပ်ဖျပ် စီးကျလာကာ မိုးကြိုးထိ၍ သေဆုံးသွားကြတော့သည်။

လုရွှမ် သူ့ပတ်ဝန်းကျင်ရှိ လူများကို မထီမဲ့မြင် အကြည့်များဖြင့် ဝေ့ကြည့်လိုက်သည်။ လူများစွာသည် အခင်းအကျင်း မှော်စက်ဝိုင်းကို ဖြတ်ကျော်ပြီး ရှေ့သို့ ရောက်လာကြပြီ။

သူတော်စင်တစ်ပိုင်း လူနှစ်ဦး၏ သေဆုံးသွားမှုကို မြင်သော်လည်း မည်သူမျှ ရှေ့တိုး၍ မကူညီရဲကြချေ။

"မင်း​တို့အားလုံး ဒီကိုရောက်​ပြီ ဆိုမှတော့ ထွက်သွားဖို့ မစဥ်းစားနဲ့တော့"

လုရွှမ် ပြုံးပြီး လူအုပ်ဆီသို့ ပြေးသွားလိုက်သည်။

"ဟမ့်... လူလေး အစောကတည်းက မင်းအကွက် ရွှေ့ချင်နေတာ ငါတို့သိပါတယ်... အခင်းအကျင်းတွေ တည်စမ်း!!"

အဘိုးကြီး တစ်ယောက်က အော်ပြောပြီးတာနဲ့ သူ့နောက်က တပည့်ရှစ်ယောက်က အခင်းအကျင်း တံဆိပ်ပြား တစ်ခုစီ ပစ်ချလိုက်ပြီး လုရွှမ်ကို အခင်းအကျင်းရဲ့ အပြင်ဘက်မှာ ပိတ်ဆို့ထားလိုက်သည်။

ယခု အခင်းအကျင်းမှာ အလွန် လျှို့ဝှက်ဆန်းကြယ်ပြီး ခဏအတွင်း လုရွှမ်သည် ၎င်းအတွင်းမှ ဟာကွက်ကိုကို မမြင်နိုင်ခဲ့ပေ။ ၎င်းတို့သည် အခင်းအကျင်း ပညာရှင်အဖွဲ့မှ လူများ ဖြစ်နိုင်သည်။

နှစ်ပေါင်းသုံးရာ ကြာပြီးနောက်တွင် ၎င်းတို့သည် အမှန်တကယ်ပင် တိုးတက်မှုများစွာကို ရရှိခဲ့သည်။

လုရွှမ်၏ အတွေ့အကြုံသည် သူတို့​၏ လက်ရှိအခြေအနေထက် ကျော်လွန်နေပြီဖြစ်ပြီး အချိန်အနည်းငယ် ပေးလိုက်တာနဲ့ ဟာကွက်တွေကို ပုံဖော်ရန် ခက်ခဲသည့်အရာ မဟုတ်ကြောင်း သူယုံကြည်သည်။

လျှပ်စီးမိုးကြိုး နောက်တစ်ကြိမ် ရိုက်ခတ်ရန် အချိန်အနည်းငယ်သာ လိုတော့သည်။ သူသည် အခြားသူများ အဆင်သင့် ပြင်လာခဲ့မည်ဟု မယုံကြည်ထားဘဲ လှည့်ထွက်ကာ အခြားသူများဆီသို့ ပြေးသွားခဲ့သည်။

လက်မှုပညာရှင် အဖွဲ့မှ လူတစ်စုဖက်၌။

အရပ်ရှည်ပြီး ထွားကြိုင်းသန်မာသော လူတစ်စုက လုရွှမ်ကို မြင်လိုက်ကြသော် ၎င်းတို့ ဦးဆောင်နေသည့် လူတို့နှစ်ယောက်က ကျယ်လောင်စွာ အော်ဟစ်၍ လက်နက်ကြီးများကို လေထဲသို့ ဆက်တိုက်ဆိုသလို ပစ်သွင်းလာ၏။

ဓားများ၊ လှံများ၊ တုတ်များနှင့် လက်နက် ဆယ့်ရှစ်မျိုးစလုံး ထိုနေရာတွင်ရှိ မိုးကောင်းကင်ကို ဖုံးလွှမ်းသွားသည်။ လုရွှမ်သည် သူ၏ ဦးတည်ရာကို လျင်မြန်စွာ ရွှေ့လိုက်စဥ် နောက်ထပ် လက်နက် လှိုင်းလုံးများက သူ့ကို ရိုက်ခတ်သွားခဲ့သည်။

လုရွှမ် လှည့်၍ လက်နက်များကို ဝင်တိုးရင်း လက်မှုပညာရှင် အဖွဲ့ဆီ မီတာအနည်းငယ် အကွာသို့ ရောက်ရှိသွား၏။

ဤသည်မှာ မိုက်မဲသော နည်းလမ်းတစ်ခု ဖြစ်သော်လည်း အလွန်ထိရောက်မှု ရှိသည်။ လုရွှမ် ဒေါသထွက်နေသော်လည်း ရယ်မောရင်း တိုးဝင်လာရာ လက်မှုပညာရှင် အဖွဲ့ကလည်း ၎င်းတို့၏ လက်နက်များကို အပြင်းအထန် ပစ်သွင်းလာခဲ့သည်။

တခြား အဖွဲ့အစည်းတွေနဲ့ အစည်းအရုံး မိသားစုရဲ အင်အားစုတွေက ဒီအချက်ကို တွေးမိနိုင်ပေမယ့် သူတို့မှာ လုရွှမ်လို လုပ်နိုင်စွမ်းတော့ မရှိပါဘူး။

ကောင်းကင်က မိုးခြိမ်းသံတွေ ကျဆင်းလာတဲ့ အခိုက်မှာ လုရွှမ်ဟာ တော်ဝင်အင်ပါယာ မိသားစုများ အလယ်ကို အလျင်အမြန် ပြေးသွားပြီး ပြင်းထန်စွာ အော်ဟစ်သံများသာ ချန်ထားခဲ့လိုက်သည်။

ကောင်းကင် မိုးခြိမ်းသံ၏ စွမ်းအားသည် အလွန်အံ့သြဖွယ် ကောင်းလောက်အောင် သူတော်စင်တစ်ပိုင်းပင် ခံနိုင်ရည် မရှိရာ သေမျိုးအသွင်ပြောင်းခြင်းနယ်ပယ် ပြီးပြည့်စုံသော ကာလမှာပဲ ရှိသူများသည် မည်သို့ ခံနိုင်ရည်ရှိမည်နည်း။

သူတို့အတွက် ပြန့်ကျဲနေတဲ့ မိုးခြိမ်းသံတွေဟာ လူသတ်ပွဲကြီးလိုပဲ ဖြစ်ပေါ်လာခဲ့သည်။ လုရွှမ် ထိုလူတွေကြားထဲ ဖြတ်ပြေးရင်း စူးစူးဝါးဝါး အော်ဟစ်သံတွေကို သူ့နောက်တွင် ကျန်ရစ်စေခဲ့၏။

အသက်ရှင် ကျန်ရစ်သူများမှာ အလွန်အမင်း ထိတ်လန့်နေကြလေပြီ။ ဤအခိုက်အတန့်တွင် လူတိုင်း၏ မျက်လုံးထဲတွင် လုရွှမ်သည် အသက်ကို ရိတ်သိမ်းနေသော သေမင်း၏ နတ်ဘုရား ကဲ့သို့ပင်။

တော်ဝင်အင်ပါယာ အသီးသီး လူတို့သည်​ အရပ်​ရပ်​သို့​ ထွက်ပြေးသွား​သော်​လည်း အင်အားက လုံလောက်မှု မရှိ​သော​ကြောင့်​ လုရွှမ် အမြန်​​ ကျော်​ဖြတ်​လိုက်​သည်။

"မဟုတ်ဘူး.... ကယ်ကြပါဦး!"

လုရွှမ် သူတို့ဆီကို ပြေးချလာတာကို မြင်တော့ အော်ဟစ်သံတွေ ထွက်ပေါ်လာပြန်၏။

လုရွှမ်ရဲ့ စိတ်ကတော့ ငြိမ်သက်နေပါပြီ။ ဤလူများက မိမိဘာသာ နှိပ်စက်လာခြင်း ဖြစ်သည်။ အခင်းအကျင်းကို ဖွဲ့စည်းခြင်းအား ဖြတ်ကျော်နိုင်ခြင်းကြောင့် ခွန်အားသည် သဘာဝအတိုင်း ထူးကဲလှသော်လည်း သူတော်စင်တစ်ပိုင်း နှစ်ဦး တရစပ် အသေခံသွားတာကို မြင်လိုက်ရတယ် မဟုတ်လား။

လောဘကို စွန့်လွှတ်ပြီး ထွက်သွားရင် အသက်ကို ကယ်တင်နိုင်ပေမယ့် သူတို့ရဲ့ အစွမ်းအစကို စိတ်ကြီးဝင်ပြီး သူ့ပစ္စည်းကို လုယူဖို့ ဒီရုန်းရင်းဆန်ခတ် ဖြစ်မှုကို အခွင့်ကောင်းယူချင်ရင်တော့ သေရမှာပဲ။

အချိန် သိပ်မကြာလိုက် ထိုနေရာ၌ ကျန်နေခဲ့သူများမှာ ကြီးမားသော တပ်ဖွဲ့အနည်းငယ်သာ ဖြစ်သည်။ လုရွှမ်အား ထိန်းထားရန် အခင်းအကျင်း သို့မဟုတ် လက်နက်များကို အသုံးပြု၍ တားဆီးထားသော သူတော်စင်တစ်ပိုင်း အနည်းငယ်သာ ကျန်လေသည်။