စုပ်ယူပြီးပြီ

လုရွှမ်က ခပ်ဖျော့ဖျော့ ပြုံးလိုက်ပြီး

"အဘိုးအိုက မျက်လုံးကောင်းသားပဲ"

သူ့အမူအရာက ဘာကိုမှ ဂရုမစိုက်ဘဲ သူ့အဖော်တွေနဲ့ စကားပြောနေသလိုမျိုး ပေါ့ပါးနေ၏။ ဈေးဆိုင်ပိုင်ရှင်ကလည်း ရယ်မော၍

"မိတ်ဆွေလေးလုရွှမ်က အရမ်းကို မာနကြီးတယ်လို့ ကျုပ်ကြားမိပါတယ်.... ဒီနေ့တကယ် သိလာရပြီ... ကျုပ် သေမျိုးအသွင်ပြောင်းခြင်း နယ်ပယ် ကာလတုန်းကဆို သူတော်စင်တစ်ပိုင်း နယ်ပယ်က အကြီးအကဲတွေကို ရင်ဆိုင်ရတဲ့အခါ သိပ်မောက်မာနေမှာ မဟုတ်ဘူး"

​လေမုန်တိုင်းလို တခဏအတွင်း အဘိုးအို၏ ခန္ဓာကိုယ်မှ စွမ်းအားလှိုင်းများ ထိုးထွက်လာပြီး ဘေးပတ်ဝန်းကျင်မှ လူများ လျင်မြန်စွာ ရှောင်တိမ်းသွားသည်။ သို့သော် လုရွှမ်က သူတို့ရှေ့တွင် မလှုပ်မယှက် ရပ်နေလေသည်။

လူတော်တော်များများရဲ့ နှလုံးခုန်သံတွေ မြန်ဆန်လာခဲ့သည်။

ကောင်လေး မင်းအစောက မာနကြီးနေတာ မဟုတ်ဘူးလား? အခု လူကြီးတွေကို စော်ကားကြည့်ဦးလေ။

ထိုစဥ် အဘိုးအို၏ စွမ်းအားများ ရုတ်ချည်း ရုတ်သိမ်းသွားကာ ပတ်ဝန်းကျင် တစ်ခုလုံး ရှုပ်ပွနေပြီ ဖြစ်သည်။

"ကောင်လေး မင်းဒီလောက် မာနကြီးနေတာ အံ့သြစရာ မရှိတော့ပါဘူး....မင်းမှာ တကယ် မာနကြီးဖို့ အရင်းအနှီးတွေ ရှိ​နေတာပဲ... အထူးသဖြင့် ဒီစိတ်ဓာတ် ခွန်အားပေါ့ ဒီအဘိုးကြီး​တောင် မင်းလောက် မတော်ဘူးလို့ ထင်ရတယ်.... တကယ့် သူရဲကောင်း ယောက်ျားလေးပဲ"

ဆိုင်ပိုင်ရှင်က ရယ်​မောပြီး သူ့အမူအရာကလည်း လျော့ပါးသွားကာ အရင်က မောက်မောက်မာမာ အကြည့်နဲ့ ဒေါသတွေ မရှိတော့ပေ။

လူတိုင်း အံ့အားသင့်သွားကြသည်။ ဘယ်လိုလုပ် ဒီလိုမျိုး ဇာတ်သိမ်းသွားရတာလဲ။ အဘိုးအိုက ဒီမောက်မာတဲ့ ကလေးကို သင်ခန်းစာ ပေးသင့်တာ မဟုတ်ဘူးလား။ သူတို့က စိတ်လှုပ်ရှားစရာကောင်းတဲ့ ပွဲကို ကြည့်ဖို့ စောင့်နေကြတာလေ။

တကယ်တော့ တစ်စုံတစ်ယောက်သည် တစ်စုံတစ်ဦးကို လျှို့ဝှက်စွာ တောင်းဆိုထားပြီးဖြစ်သည်။ လွန်ခဲ့သည့် နှစ်တွင် နတ်ဆေးလုံးမြို့သည် ပို၍နာမည် ကြီးလာကာ သူတော်စင်တစ်ပိုင်းများ အားလုံးကို တံခါးအပြင်မှာ ပိတ်ထားခဲ့သည်။

နတ်ဆေးလုံး မြို့ထဲသို့ မည်သူမျှ မဝင်ရောက်နိုင်သော်လည်း နတ်ဆေးလုံးရေကန်က ဝိညာဥ်စွမ်းအင်ကိုလည်း မခံစားနိုင်တော့ပေ။

နတ်ဆေးလုံးမြို့၏ သခင်အနေဖြင့် လူအုပ်ကြီးသည် မကျေမနပ် ဖြစ်လာသည်မှာ သဘာဝအားဖြင့် ပိုများလာသော်လည်း သူသည် ကြီးမားသော အခင်းအကျင်း ဖွဲ့စည်းမှုအတွင်း စုပြုံနေခဲ့ရသည့် အတွက် ဘာမှမတတ်နိုင်ခဲချေ။

လုရွှမ်ကို သူတို့၏ နှလုံးသားထဲတွင် အကြိမ်ပေါင်းထောင်နှင့်ချီ၍ ကျိန်ဆဲခဲ့သော်ငြားလည်း လုရွှမ်ကတော့ ထွက်မလာခဲ့ပေ။

အခု ဒီကောင်လေး တကယ် ထွက်လာပြီဖြစ်သလို သူ့ပတ်ဝန်းကျင်မှာ ကာကွယ်မယ့်သူ ဘယ်သူမှ မရှိတဲ့အတွက် သူ့ကို သင်ခန်းစာတစ်ခု သင်ပေးဖို့ အချိန်ကောင်းပဲ။ အကယ်၍ ဤအကြီးအကဲရှေ့မှာသာ မဟုတ်ပါက ၎င်းတို့သည် လှုပ်ရှားဆောင်ရွက်နေပြီ ဖြစ်သည်။

လုရွှမ်က ပေါ့ပေါ့ပါးပါး ပြုံးလိုက်ပြီး

"အဘိုးအိုက စိတ်နှလုံးကောင်း ရှိပြီး တည်ငြိမ်အေးချမ်းတယ်..... ကျင့်ကြံ အောင်မြင်မှုက ထောင့်စွန်းလေးမှာ ရှိနေပုံရတယ်"

ဆိုင်ပိုင်ရှင်၏ အမူအရာမှာ ဂုဏ်သိက္ခာရှိပြီး လုရွှမ်ကို ပထမဆုံးအကြိမ် မြင်လိုက်ရသော မျက်လုံးများထက် အနည်းငယ် ပို၍လေးနက်စွာ ကြည့်လာသည်။

"မင်းဘယ်လို သိတာလဲ?"

သူအလွန် အံ့သြသွားသည်။ ဆိုလိုသည်မှာ ဤနေရာတွင် ရှိနေသည့် လွန်ခဲ့သော တစ်နှစ်အတွင်း သူ့ရဲ့မူလ ကျင့်ကြံမှုမှာ တဖန် ပြောင်းလဲသွားခဲ့သည်။

ဤအရာက သူ့ကို အလွန်အံ့အား သင့်စေသော်လည်း အတူပါလာသော လူများကမူ ၎င်းကို သတိမထားမိဘဲ ၎င်းတို့ကို သေမျိုးအသွင်ပြောင်းခြင်း နယ်ပယ် အငယ်တန်း တစ်ဦးကတော့ ရှာတွေ့သွားခဲ့သည်။

ရိုးရှင်းသော ချီးမွမ်းစကား တစ်ခွန်းသာ ဖြစ်သော်လည်း လုရွှမ်၏ လျစ်လျူရှုသော အမူအရာကို ကြည့်လျှင် လုံးဝတူမည် မဟုတ်ပေ။ ခဏလောက်ကြာတော့ သူ ဒီလုရွှမ်ကို တကယ် စိတ်ဝင်စားလာတော့သည်။

သူသည် လေထဲ၌ ပြေးလွှားပြီး မျက်နှာကို ကယ်တင်သည့် လူငယ်အရွယ်ကို ဟိုးအရင်ကတည်းက ကျော်ဖြတ်ခဲ့ပြီးပြီ။ လုရွှမ်သည် ယခု ပျော်ရွှင်နေသည်ကို မြင်လိုက်ရသည်နှင့် တခဏချင်းပင် အခြားမည်သည့် အရာကိုမျှ ဂရုမစိုက်နိုင်တော့ပေ။

လုရွှမ်က ပြုံးလိုက်သည်။

"အကြီးအကဲရဲ့ မျက်လုံးတွေက လျှပ်စီးရောင်လို တောက်ပပြီး နက်မှောင်တဲ့ သွေးကြောတွေကို ကွယ်ထားတယ်.... ကြည်လင်တဲ့ အသိဉာဏ်ရှိပြီး ကြီးကျယ်ခမ်းနားတဲ့ အငွေ့အသက်တွေလည်း တဟုန်ထိုး တက်လာ​နေတယ်....ဒါက နယ်ပယ်က တိုးတက်လာတာ မဟုတ်လို့ ဘာများ ဖြစ်နိုင်ဦးမှာလဲ?"

သူအရင်ဘဝက ဘယ်ကျင့်ကြံမှု အဆင့်အထိ ရောက်ခဲ့လဲ? သူတော်စင်တစ်ပိုင်းရဲ့ နယ်ပယ်ပြောင်းလဲမှုကို သဘာဝကျကျ ရှင်းရှင်းလင်းလင်း မြင်နိုင်သည်လေ။

လုရွှမ်ရဲ့ စကားကို ကြားတော့ အဖိုးအိုသည် နားမလည်နိုင် လောက်အောင် အတန်ကြာတဲ့အထိ စဉ်းစားနေခဲ့သည်။ ဘယ်လိုပဲ ကြည့်ကြည့် အရင်ကနဲ့ နည်းနည်းလေယ ကွာခြားတာကိုတောင် သာမန်လူတွေ မြင်နိုင်စရာ မရှိပါဘူး။

"ဒါက ဒီက​လေးက ထူးထူးခြားခြား စွမ်းရည်ရှိနေတာ ဖြစ်​နိုင်​မလား?"

အဘိုးအိုက ချောင်းတစ်ချက် ဆိုးလိုက်ကာ

"ကောင်းပြီ... မင်း ငါ့စာမေးပွဲ အောင်သွားပြီ မိတ်ဆွေလေး... အဲ့တော့ မင်းငါ့ရဲ့ သူတော်စင်နယ်ပယ်က ဝိညာဥ်မြက်တွေရဲ့ မတော်တဆဖြစ်ခဲ့မှု အကြောင်း ပြောနိုင်တယ်လို့ ဆိုလိုချင်တာလား?"

လုရွှမ် ခေါင်းညိတ်လိုက်သည်။

"မှန်တယ်... အဖိုးကြီး လိုချင်တာ ဘယ်ဈေးရှိလဲ?"

လှည့်ကြည့်ကာ မေးလိုက်စဥ်တွင် သူ့မျက်လုံးသည် သူတော်စင် ဝိညာဉ်မြက်ထက် များစွာရှားပါးသော နဂါးဝိညာဉ်မြက်ပင်၌ ဖြစ်သည်။ သူ့အကြည့်တွေကြောင့် အဘိုးကြီးလည်း သူနဂါးဝိညာဥ်မြက်ကို လိုချင်နေကြောင်း ရိပ်မိလိုက်သည်။

"ကောင်လေး.... မင်းမှာ ယုံကြည်ချက်တွေ ရှိနေတာပဲ... ငါ့ရဲ့ သူတော် ဝိညာဉ်မြက်တွေ ဖြစ်ပျက်ခဲ့တဲ့ အကြောင်းကို မင်းပြောနိုင်ရင် ဒီအထဲက တချို့ကို ရောင်းပေးမယ် ဘယ်လိုလဲ?"

သူတော်စင် ဝိညာဉ်မြက်များ ညှိုးနွမ်းသွားရသည့် အကြောင်းအရင်းကို ရှာတွေ့နိုင်သရွေ့ ဤပုံးထဲတွင် တစ်စက်မျှသာ ရှိသည်၊ .

"ကောင်းပြီ... အကြီးအကဲက စိတ်ပျော်နေတာပဲ"

လုရွှမ်က ပြုံးပြီး သူတော်စင် ဝိညာဉ်မြက်ပင်တစ်ပင်ကို တိုက်ရိုက် ရွေးချယ်ကာ သူ့လက်ချောင်းများကြားတွင် ဆုပ်ကိုင်ထားလိုက်သည်။

လုရွှမ်သည် သူတော်စင်နယ်ပယ်က ဝိညာဉ်မြက်နှင့် တစ်ထပ်တည်း နီးပါးတူသည့် ဤနဂါးဝိညာဉ်မြက်မှ တိတ်ဆိတ် ထူထဲ စိမ်းလန်းသော နဂါးစွမ်းအင်သည် သူ့ခန္ဓာကိုယ်ထဲသို့ စိမ့်ဝင်လာသည်ကို ချက်ချင်း ခံစားလိုက်ရသည်။

မြစ်ငယ်လေးက ပင်လယ်ကြီးကို မြင်လိုက်ရသလိုပင်။ နဂါးဝိညာဥ်ထဲက အငွေ့အသက်ဟာ သူ့ခန္ဓာကိုယ်ထဲက နဂါးနှလုံးကို ခံစားမိသွားသည့်နှယ် သူ့အလိုလို ပျော်ရွှင်စွာဖြင့် မိခင်ရင်ခွင်ထဲ အပြေးဝင်လာသလို စိမ့်ဝင်လာခဲ့သည်။

လုရွှမ် တခြားလူတွေရဲ့ အမူအရာများကိုလည်း ဂရုတစိုက် အာရုံစိုက်ခဲ့သည်။ သေချာသည်မှာ ဤလူများသည် လုံလောက်သော ကြံ့ခိုင်မှု မရှိသည့်အပြင် ဤနဂါးဝိညာဥ်မြက်ပင်၏ ခြားနားမှုကို မည်သူမျှ မခံစားရပေ။

“ဒီအပင်ကြောင့်လား” အဘိုးအိုက မေးလိုက်သည်။

လုရွှမ်က ခေါင်းညိတ်ပြပြီး အဘိုးအိုလက်ထဲ နဂါးဝိညာဥ်မြက်ကို ပေးလိုက်သည်။ နဂါးဝိညာဥ်မြက်ထဲက စိမ်းပြာနဂါးရဲ့ အငွေ့အသက်ကို သူ စုပ်ယူထားပြီးပြီမို့ အဘိုးအိုက အကြိမ်တစ်သောင်းလောက် စစ်ကြည့်ရင်တောင် မတွေ့နိုင်တော့ပေ။

ဆိုင်ပိုင်ရှင် အဘိုးကြီးမှာ အချိန်အကြာကြီး ကြည့်နေပေမယ့် ဘာသဲလွန်စမှ ရှာမတွေ့ခဲ့ချေ။

"အဘိုးကြီးမှာ ဝိညာဥ်မြက်ပင်တွေ အများကြီး ရှိနေမှာပဲ... ကျုပ်အထင်အရတော့ အပင်တွေကို စိုက်ထားတဲ့နေရာက အရမ်းထူထပ်ပြီး သုခဘုံ တစ်ခုလိုတောင် ဖြစ်​နေနိုင်တယ်... ဒါပေမဲ့ နေရာက အရမ်းကောင်းလွန်းတဲ့ အတွက် အတိအကျ ပြောရရင် အပြောင်းအလဲ မတော်တဆတွေ ဖြစ်လာဖို့ လွယ်ကူသွားစေတယ်...... ဒီပေါင်းပင်တွေ ကြီးထွားမှုကိုလည်း အားပေးစေတယ်"

ဈေးဆိုင်ပိုင်ရှင်လည်း ဝိညာဉ်မြက်ပင်တွေ စိုက်ထားသည့် နေရာ၌ ဖုံးအုပ်ထားသော အပင်များတွင် သူတော်စင်ဝိညာဥ် အပင်များ၏ အငွေ့အသက်များ မရှိကြောင်း ခံစားမိတာကြောင့် လုရွှမ် စကားကို သူ ဖျတ်ခနဲ ယုံလိုက်သည်။

သို့သော် သူဘယ်လိုကြည့်ကြည့် သူ့လက်ထဲက ဝိညာဥ်အပင်နဲ့ တခြားဝိညာဥ် အပင်တွေရဲ့ ခြားနားချက်ကို သူ မပြောနိုင်ပေ။

"အဘိုးကြီး စိတ်မရှိဘူးရင် ကျုပ် ခင်ဗျားနဲ့အတူ ပေါင်းပင်တွေ အားလုံးကို လိုက်ရွေးပေးလို့ ရတယ်.... ခင်ဗျား ဘယ်လိုထင်လဲ?"

ကျီးကန်း၏ စကားအရ သူတော်စင် ဝိညာဉ်မြက်များသည် ကောင်းကင်နှင့် မြေကြီး၏ ရတနာတစ်ခုဖြစ်သည်။

၎င်းကို ဝိညာဥ်စွမ်းအင် ကြွယ်ဝသော မြေပေါ်တွင် စိုက်လိုက်သည်နှင့် ၎င်းသည် ကောင်းကင်ဘုံ နိယာမဥပဒေသများ၏ လွှမ်းမိုးမှုအောက်တွင် သဘာဝအတိုင်း မှော်ဆန်သောပြောင်းလဲမှု တချို့ကို ဖြစ်ပေါ်စေလိမ့်မည်။

ဆိုင်ပိုင်ရှင်က စိုက်ထားတဲ့နေရာက သဘာဝနဂါးသွေး​ကြော ရှိရမယ်။ တစ်ချိန်က စိမ်းပြာ နဂါးတွေ နေထိုင်ခဲ့တဲ့နေရာ၊ စိမ်း​​ပြာနဂါးတွေ အားလုံးရဲ့ လွှမ်းမိုးထားခဲ့တဲ့ အငွေ့အသက်တွေကြောင့် နဂါးဝိညာဥ်မြက်ဟာ သူတော်စင် ဝိညာဥ်အပင်တွေကြားမှာ ပေါက်ဖွားလာခဲ့တာပဲ ဖြစ်လေသည်။

အလားတူပင် စိုက်ထားသော ​နေရာသည် ကျားဖြူ၊ ကျူးချွဲ့ငှက်နှင့် ရွှမ်ဝူတို့ကဲ့သို့ ဩဇာလွှမ်းမိုးမှု ရှိလျှင် ကျားနတ်ဘုရားမြက်၊ မီးဝိညာဥ်မြက်နှင့် လျှို့ဝှက်ဆန်းကြယ်သော ရွှမ်ဝိညာဥ်မြက်တို့ကို အသီးသီး ပေါက်ဖွားလာစေနိုင်သည်။

ဒီအံ့ဖွယ်အပင်တွေ ကိုယ်တိုင်က ကောင်းကင်နဲ့မြေကြီးရဲ့ စွမ်းအင်မှာ အမြစ်တွယ်နေပြီး ကောင်းကင်နဲ့မြေကြီး အပေါ်မှာ ကြီးကြီးမားမား သက်ရောက်မှု ရှိကြသည်။

အစပိုင်းတွင် ၎င်းတို့သည် ၎င်းတို့၏ ခန္ဓာကိုယ်ကို အာဟာရ ဖြစ်စေရန်အတွက် ကောင်းကင်နှင့် မြေကြီး၏ ဝိညာဥ်စွမ်းအင်ကို စုပ်ယူနိုင်သော်လည်း နောက်ပိုင်းတွင် ၎င်းသည် ပြန်လည် အားဖြည့်ပေးကာ ကောင်းကင်နဲ့မြေကြီး ကိုယ်တိုင်၏ ဆေးဖက်ဝင် အာနိသင်ကို များစွာမြှင့်တင်ပေးနိုင်သည်။

သူတော်စင် ဝိညာဉ်မြက်များ အထွတ်အထိပ်သို့ရောက်လာသောအခါ နဂါးဝိညာဥ်မြက်သည် တိတ်ဆိတ်စွာ ကြီးထွားလာခဲ့သည်။ ဝိညာဉ်မြက်များ သွေ့ခြောက်လုနီးပါး ဖြစ်သောအခါ နဂါးဝိညာဉ်မြက်သည် ရင့်မှည့်လာလိမ့်မည်။

ထိုအခါ ၎င်းသည် ဝိညာဉ်စွမ်းအင်များကို ပြန်လည် ဖြည့်တင်းပေးလိမ့်မည်။ သူတော်စင် ဝိညာဉ်မြက်များ ပြန်လည် ကောင်းမွန်လာမည် ဖြစ်ပြီး ဆေးဖက်ဝင်သည့် အာနိသင်သည်လည်း အလွန်တိုးလာမည် ဖြစ်သည်။

အဲဒီရက်ပိုင်းအတွင်း နည်းနည်းလေး သတိထားမမိလိုက်တာနဲ့ အားလုံးကို လက်လွှတ် လိုက်ရလိမ့်မည်။