ထောင်ချောက်ဆင်ပြီး သတ်ပစ်ခြင်း

လက်နက်များ၊ ဓားများ၊ လျှပ်စီးကြောင်းများ အားလုံးသည် အောက်သို့ ပြင်းထန်စွာ ကျဆင်းသွားကြသည်။

အောက်ဖက်တွင်တော့ မရေမတွက်နိုင်သော ကျင့်ကြံသူများသည် လှည့်စား တိုက်ခိုက်ခံရခြင်းမှ မိမိတို့ အသက်အတွက် ပြေးလွှားနေခဲ့ကြသည်။ ခင်မင်ရင်းနှီးသော သူငယ်ချင်းဟောင်းများနှင့် အတန်းဖော် ဟောင်းများသည် ယခုအခါ ၎င်းတို့တစ်ဦးစီအတွက် ဒိုင်းကာများ ဖြစ်လာခဲ့ကြသည်။

သူတို့သည် ကျင့်ကြံခြင်းလောကမှ မိတ်ဆွေများ ဖြစ်ကြသော်လည်း ဤထောင်ချောက် အတွင်း ၎င်းတို့၏ဘဝ အတွက် တစ်ကိုယ်ကောင်းဆန်စွာ လွတ်မြောက်ရန် ကြိုးစားရ​တော့သည်။

"သတ်!"

"သူတို့အားလုံးက အရှက်မဲ့တဲ့ လူတွေပဲ ဟေ့... မင်းတို့ကို အရင်က ထွက်သွားဖို့ ငါ သတိပေးခဲ့တယ်မလား... ဒါပေမဲ့ မင်းတို့က ဘယ်သူမှ မလှုပ်ကြဘူးလေ.... အခုမှ ထွက်သွားဖို့ မစဥ်းစားနဲ့ အရမ်းနောက်ကျသွားပြီ"

ဧကရာဇ်အင်ပါယာကြီး (၃) ခုမှ အဓိက ခေါင်းဆောင်ကြီး ၃ဦးတို့သည် လွန်ခဲ့သော (၃) ရက်က ဤနေရာကို သိမ်းပိုက်ပြီးကတည်းက အခြားသူများကို နှင်ထုတ်တော့သည်။ နှင်ထုတ်ခြင်းက မအောင်မြင်တဲ့အခါ သတ်ဖြတ်ခြင်းများကို တိုက်ရိုက် ​ပြုလုပ်လာခဲ့ကြသည်။

အားနည်းတဲ့ ကျင့်ကြံသူများမှာ ခုခံဖို့ အင်အားတောင် မရှိကြချေ။

လွန်ခဲ့သည့် ရက်အနည်းငယ်အတွင်း အစပိုင်း ခုခံမှုတချို့ ရှိနေဆဲ ဖြစ်သည်။ ထိုအထဲ သန်မာသော ကျင့်ကြံသူတချို့ လွတ်မြောက်သွားခဲ့ပြီး နောက်ထပ် ကျန်လူများကတော့ ဤနေရာတွင် ပိတ်မိနေခဲ့လေသည်။

လုရွှမ်သည် တိတ်တိတ်ဆိတ်ဆိတ် ပုန်းနေရင်း အခင်းအကျင်း တချို့ကို တိတ်တဆိတ် စီစဉ်ထားလိုက်သည်။ ဒီလူတွေ ဒီလောက်ထိ ရက်စက်လိမ့်မယ်လို့ သူတကယ် မမျှော်လင့်ထားဘူး။ ရွှေသဲအနည်းငယ် အတွက် ထောင်နှင့်ချီသော လူများကို ချောင်ပိတ်၍ သတ်ဖြတ်ခဲ့သည်။

သဲဖြူမြစ်၏ ပြောင်းလဲမှုများသည် ပိုမိုကြီးမားလာပြီး မြေပုံပေါ်တွင် အမှတ်အသား ပြုထားသည့် ဧရိယာထက် နှစ်ဆ ပိုကြီးလာသည်။ ထွက်လာတဲ့ ရွှေသဲပမာဏဟာ အဆပေါင်းများစွာ တိုးလာပါ၏။

ခပ်ဝေးဝေး အကွာအဝေးကနေတောင် လုရွှမ်ဟာ ထိုရွှေသဲအရည်အသွေးဟာ သံချောတချို့လောက်နီးပါး ကောင်းမွန်ကြောင်း ရှင်းရှင်းလင်းလင်း မြင်နေရသည်။

သူသည် လက်နက် သန့်စင်မှု၌ ကျွမ်းကျင်သူဖြစ်ပြီး ဤရွှေသဲများကို စုဆောင်းပြီး စျေးတန်တန်ဖြင့် ရောင်းချပါက အမြတ်ငွေများက အင်ပါယာတစ်ခုကပင် လိုချင်နေမည်ကို ကောင်းစွာသိ​လေသည်။

ဤသည်မှာ သဲဖြူမြစ်ဧရိယာ၌ အကျပ်အတည်း ဖြစ်ရသည့် အကြောင်းရင်းလည်း ဖြစ်သည်။ ယခင်က ဤနေရာ၌ထွက်သော ရွှေသဲပမာဏမှာ မလုံလောက်ဘဲ အရည်အသွေးမှာ ပျမ်းမျှအားဖြင့်သာ များသည်။

သို့သော် အခုတော့ ဒီနေရာဟာ ရတနာတစ်ခု ဖြစ်လာတော့ ဒီအင်အားကြီးတွေက တခြားလူရဲ့ လက်ထဲထည့်ပေးဖို့ ဘယ်လိုနည်းနဲ့ ခွင့်ပြုနိုင်မပါ့လဲ။

ဒါပေမဲ့ လုရွှမ် အံ့သြသွားတာက ဒီရွှေသဲတွေက အဖိုးတန်ပေမယ့် ဒီလူတွေက သဲတွေကို ဘယ်လို သယ်သွားခဲ့တာလဲ ဆိုတာပင်။

ရွှေသဲသည် သာမာန်သံထည်များထက် သာလွန်ကာ ၎င်းတို့၏ ထုထည်သည် အလွန်မြင့်မားလှသည်။ ရွှေသဲငယ် ထုထည်သည်ပင် လက်ချောင်းအရွယ် သံထည်နှင့် ယှဉ်နိုင်နေပြီ။ သူတော်စင် သားရဲရဲ့ သယ်ယူပို့ဆောင်ရေး ပုံစံကို အားကိုးမယ် ဆိုရင်တောင် တခြားသူတွေရဲ့ လောဘဇောကို ဘယ်လိုလုပ် ရှောင်ရှားနိုင်မှာလဲ။

ဒါတင်မကသေးပါဘူး။ ဒါက သူတော်စင်တစ်ပိုင်း ကမ္ဘာတစ်ခုပင်။ သူတော်စင် သားရဲကို ခေါ်ဆောင်လာ၍ မရချေ။ ဒီနေရာက သူတော်စင်သားရဲ လိုချင်ရင် အဲဒါကို ယဉ်ပါး​စေဖို့ လိုသေးတယ် မဟုတ်လား။ ဒီစွမ်းအင်ကို သူတို့ ဘယ်ကရလာတာလဲ။

တစ်ယောက်ကို တစ်ယောက် ခေါ်နေသည့် တန်းစီနေသော ခေါင်းဆောင် ၃ယောက်၏ အေးဆေး တည်ငြိမ်သော အမူအရာများကို ကြည့်ရင်း လုရွှမ်သည် ၎င်းတို့ကြားတွင် မကောင်းတာ တစ်ခုခု ရှိရမည်ကို သဘာဝကျကျ သိလိုက်သောကြောင့် အလောတကြီး မပြုမူခဲ့ပေ။

အောက်ဖက်မှာက သတ်ဖြတ်မှုတွေ အော်ဟစ်ညည်းတွားမှုတွေ ရှိနေပြီး လုရွှမ် အေးစက်စွာ ကြည့်နေခဲ့သည်။ သူတို့မှာ ခွန်အား မရှိပေမယ့် ရှားပါးတဲ့ ရတနာတွေကို သိမ်းပိုက်ချင်နေ၏။ အဲဒါက သေလမ်းရှာတဲ့ နည်းလမ်းဖြစ်ပြီး သနားဖို့ မထိုက်တန်ပါဘူး။

နောက်ဆုံးတွင် အခင်းအကျင်း ဖွဲ့စည်းမှုအတွင်းမှ အသံသည် ပျောက်ကွယ်သွားခဲ့သည်။ အခင်းအကျင်းထဲ၌ ပိတ်မိနေသော လူအားလုံး သေသွားတာ ဟုတ်ရင်ဟုတ် မဟုတ်ရင် ပြင်းပြင်းထန်ထန် ဒဏ်ရာရသွားကြတာ ဖြစ်မည်။

အခင်းအကျင်း ပြယ်သွားသောအခါ အောက်ဖက်ရှိ ဆိုးရွားသော အခြေအနေများကို ထုတ်ဖော် ပြသလာခဲ့သည်။ အင်ပါယာကြီး သုံးခုမှ လူများပင် မျက်မှောင်ကြုတ်ကာ ကြေကွဲဖွယ် ကောင်းလှသည့် မြင်ကွင်းကို မနှစ်မျို့ကြချေ။

လူသေအလောင်းများ စုပုံနေပြီး ခန္ဓာကိုယ် အစိတ်အပိုင်းများနှင့် အသား အပိုင်းအစများက နေရာအနှံ့ ပြန့်ကျဲနေသည်။ ကျိုးပဲ့သွားသော လက်နက်များလည်း အပိုင်းပိုင်း ကွဲကာ နေရာအနှံ့ ပြန့်ကျဲနေလေသည်။

ခေါင်းဆောင်ကြီး ၃ယောက်ဖြစ်တဲ့ ယောက်ျား နှစ်ယောက်နဲ့ အမျိုးသမီး တစ်ယောက် ထွက်လာခဲ့သည်။

ကျင့်​ကြံမှုအဆင့်သည် သူတော်စင်တစ်ပိုင်း ပြီးပြည့်စုံမှု ကာလဖြစ်ပြီး တစ်ကိုယ်လုံးမှ ထွက်ပေါ်လာသော ​ရောင်ဝါများသည် သာမန် သူတော်စင်တစ်ပိုင်း ပြီးပြည့်စုံမှု ကာလနှင့် ယှဉ်နိုင်မည်မဟုတ်ပေ။

လုရွှမ်သည် ဤလူသုံးဦးအနက် အထူးသဖြင့် အမျိုးသမီးသည် ရှားပါးသော ဝိညာဉ်သခင်ဖြစ်ကြောင်း သတိပြုမိခဲ့တာ ကြာ​လေပြီ။

ဝိညာဉ်စွမ်းအား အတိုင်းအတာကလည်း မနိမ့်ချေ။ လုရွှမ်လည်း သူ့စိတ်ဝိညာဉ် စွမ်းအားကို ထိုမိန်းမ အာရုံမခံစားမိအောင် ဂရုတစိုက် ထိန်းထားလိုက်သည်။ သူတို့ သုံးယောက်လုံးက အလွန်အစွမ်းထက်တဲ့ သူတော်စင် ဆယ်ယောက်ကို အနိုင်ယူနိုင်လေသည်။

လူသုံးဦးသည် နယ်မြေကို လျင်မြန်စွာ ပိုင်းခြားလိုက်ကာ အသီးအနှံများကို စတင် ကောက်ယူကြသည်။ အိတ်သုံးလုံး ထုတ်ယူပြီး ရွှေသဲများ အဆက်မပြတ် သိမ်းယူနေ၏။

သိုလှောင်အိတ်!

ဒါကိုမြင်တော့ လုရွှမ်ခည်း ဒီအိတ် သုံးအိတ်ဟာ ပစ္စည်းတွေကို ရှင်းရှင်းလင်းလင်း သိမ်းဆည်းထားနိုင်တဲ့ သိုလှောင်အိတ်တွေဆိုတာ နားမလည်ဘဲ ဘယ်နေပါ့မလဲ။

တိမ်ပင်လယ် နယ်မြေ၏ နိယာမများသည် အမှန်ပင် မပြည့်စုံသေးပေ။ သို့သော် ကောင်းကင်ပြင်တွင် ပျက်စီးနေသော ကမ္ဘာကြီးကြောင့် တခြားကမ္ဘာ၏ နိယာမများသည် တိမ်ပင်လယ်နယ်မြေသို့ အစဉ်တစိုက် ရောနှောနေတတ်သည်။

သိုလှောင်အိတ်များပင် ဆင်းသက်လာသည့် အတိုင်းအတာအထိ နိယာမဥပဒေများကို ပေါင်းစည်းလိုက်ကြောင်း တွေ့ရှိရ၏။

"ငါ အဲဒီအိတ်သုံးလုံးကို လိုချင်တယ်"

လုရွှမ်ရင်ထဲမှာ ပူလောင်သွားခဲ့သည်။ ကျောက်စိမ်း​ပြား နေရာက သူ့ရဲ့ အကြီးမားဆုံး ချမ်းသာမှုပဲ။ ရွှေကျီးကန်း သင်ပေးသော ယွမ်ယန်ကျင့်စဥ်သည် တိမ်ပင်လယ် နယ်မြေရှိ ကမ္ဘာ့အကောင်းဆုံး သိုင်းပညာဖြစ်သည်။

သို့သော် လုရွှမ်သည် ကျောက်စိမ်းပြား၏ သိုလှောင်မှု လုပ်ဆောင်ချက်သည် သူ့အဆင့်တက်တာနဲ့အတူ လျင်မြန်စွာ ကြီးထွားလာနိုင်ကြောင်း လုရွှမ် ကောင်းကောင်းသိသည်။ သို့မှသာ အချိန်မရွေး သယ်ဆောင် အသုံးပြုနိုင်သည့် ကောင်းကင်နှင့် မြေကြီး၏ ရတနာများကို အဆက်မပြတ် ထောက်ပံ့ပေးနိုင်မှာ ဖြစ်သည်။

တော်ဝင်အင်ပါယာထဲက ပါရမီရှင်များထဲမှာ ဧကရာဇ် အင်ပါယာသို့ လေ့ကျင့်ဖို့ မသွားချင်သူ မရှိကြချေ။ တစ်နည်းဆိုရသော် အဆင့်နိမ့် ဧကရာဇ်အင်ပါယာမှ ထက်မြက်သော ကျင့်​ကြံသူများသည် အလယ်အလတ်တန်းစား ဧကရာဇ်အင်ပါယာ အဆင့်မြင့် အင်ပါယာများသို့ မရောက်လိုသူလည်း မရှိကြပေ။

သို့သော် အရင်းအနှီး ပြဿနာကြောင့် အဆင့်မြင့် ဧကရာဇ်အင်ပါယာကို သွားရာလမ်းမှာ လိုအပ်တဲ့ အသုံးစရိတ်တွေကို ထည့်မပြောဘဲ ခွန်အားနဲ့ အင်အားမရှိရင် ဧကရာဇ် အင်ပါယာထဲမှာ အမြစ်တွယ်နေတာတောင် ပြဿနာတစ်ခု ဖြစ်လာလိမ့်မည်။

ဒါပေမဲ့ အခုချိန်မှာ သိုလှောင်အိတ်တွေ ရှိတော့ သဘာဝကျကျ လုံးဝကို ကွဲပြားသွားပြီ။ လုရွှမ်သည် အနာဂတ်တွင် သိုလှောင်အိတ်များကို ဖြန့်ကျက်လိုက်ခြင်းဖြင့် တိမ်ပင်လယ် နယ်မြေတစ်ခုလုံးရှိ ကျင့်ကြံသူတိုင်း ဘယ်သူက ရတနာကို ဘဏ္ဍာတိုက်ထဲ ဖွက်ထားပါဦးမလဲ။

အရင်းအမြစ်များ မညီမျှခြင်း၊ အမျိုးမျိုးသော အင်ပါယာနိုင်ငံများကို အပြန်အလှန် ကျူးကျော် ဝင်ရောက်ခြင်းနှင့် သိမ်းပိုက်ခြင်းတို့သည် အနာဂတ်တွင် တိမ်ပင်လယ် နယ်မြေ တစ်ခုလုံး၏ အဓိကလမ်းကြောင်း ဖြစ်လာမည် ဖြစ်သည်။

ကြီးမားသော ဧကရာဇ် အင်ပါယာကြီးများ၏ အရင်းအမြစ်ကို အောက်အဆင့် ဧကရာဇ်အင်ပါယာများက မနာလိုကြသည်မှာ သိသာထင်ရှား လှသော်လည်း အင်အား ဝေးကွာခြင်းကြောင့် အမြတ်ထက် ဆုံးရှုံးမှုက ပိုများနေလေသည်။

ယခုမူ ဤအရာအားလုံးသည် သိုလှောင်အိတ်များ ပေါ်ထွက်လာပါက လုံးဝပြောင်းလဲသွားမှာ ဖြစ်သည်။

“ဒီရတနာက တော်တော်လေး အံ့သြစရာကောင်းတယ်.... အိတ်သေးသေးလေးက ပစ္စည်းတွေ အများကြီး သိမ်းထားနိုင်တယ်”

ကျင့်ကြံသူ အမျိုးသားက ထူးထူးခြားခြား အတွေ့အကြုံ ရှိပြီးသား လူတစ်ယောက်လို့ သက်ပြင်း အသာချလေသည်။

“မဟုတ်လို့လား.... တစ်ချိန်လုံး ကျောပိုးအိတ် အကြီးကြီးကို ဘယ်သူက သယ်ချင်မှာလဲ? ကြည့်ရတာ အရမ်း ရုပ်ဆိုးတယ်လေ”

အမျိုးသမီး ကျင့်ကြံသူကလည်း ပြန်ပြောလိုက်သည်။ အလှတရားတွေကို နှစ်သက်သူတွေကတော့ ဒီလိုအိတ်တွေကို သိမ်းဆည်းဖို့ အလိုချင်ဆုံးပါပဲ။

လုရွှမ်၏ ယွမ်ယန်ကျင့်စဥ်သည် အရှိန်အဟုန်ဖြင့် လည်ပတ်နေပြီး ရွှေအရှိန်ဖြင့် လျင်မြန်စွာ ပြေးလွှားကာ တောင်များနှင့် မြစ်များတွင် အခင်းအကျင်း တံဆိပ်ပြားများကို တိတ်တဆိတ် မြှုပ်နှံထားသည်။ ဤအဖိုးတန်သော ရွှေသဲများကို မပြောဘဲ လုရွှမ်သည် ထိုသိုလှောင်အိတ် သုံးလုံးကို ရယူရန် ဆုံးဖြတ်ထားပြီ ဖြစ်သည်။

တိမ်ပင်လယ်နယ်မြေ ကမ္ဘာကြီးသည် နိယာမစွမ်းအင် ဥပဒေများ ပေါင်းစပ်လာပြီမို့ အနာဂတ်တွင် သိုလှောင်အိတ်များဖြင့် ကြီးစိုးနေတော့မှာ ဖြစ်သည်။ ကျီးကန်းပြောတဲ့ ကြီးမားတဲ့ အပြောင်းအရွှေ့ အစီအရင်တွေကလည်း စိတ်ကူးထားထက် အဆင့်မြင့်လာလိမ့်မည်။

လုရွှမ်သည် သူ၏ ကျင့်ကြံမှုမှာ တခြားသူများထက် နိမ့်ကျနေတာ မဟုတ်ကြောင်း ယုံကြည်ခဲ့သော်လည်း အရင်းအမြစ်များ နှင့် ပတ်သက်လာလျှင် သူက တစ်ယောက်တည်းမလို့ ထိုအဆင့်မြင့် အင်ပါယာများနှင့် လျှို့ဝှက်ဂိုဏ်းများကို မနှိုင်းယှဉ်နိုင်ပေ။

အနာဂတ်မှာ သူကသာ ဆက်လက် ဦးဆောင်လိုပါက ဤသိုလှောင်အိတ်များကို အနည်းဆုံး ဒီအချိန်မှာ ဖြန့်ဝေခွင့် မပြုနိုင်ချေ။