အများအပြားရရှိခြင်း

ထန်ရှုက နတ်ဘုရားဓားကို ကိုင်တွယ်ကာ ကြယ်ဝါးမျိုခြင်းအင်းဆက်နှင့်အတူ တစ်ပြိုင်နက်တည်း တိုက်ခိုက်သည်။ ယိုကျုံး၏အားဖြည့်မှုနှင့်အတူ သူတို့က နောက်ဆုံးကောင်းကင်အင်မော်တယ်သုံးယောက်ကို ဆယ်စက္ကန့်အတွင်း သတ်ဖြတ်နိုင်ခဲ့သည်။

ကြယ်ဝါးမျိုခြင်းအင်းဆက်က အလင်းတန်းတစ်ခုအဖြစ်သို့ ပြောင်းလဲကာ ထန်ရှု၏ခန္ဓာကိုယ်ထဲသို့ ပြန်လည်ဝင်ရောက်လာသည်၊ ထန်ရှု၏အကြည့်က အဝေးတွင် တိုက်ခိုက်နေသောကူးယန်အာထံသို့ ပြောင်းသွား၏။ သူမကို ကူညီရန် သူက အားနည်းလွန်းနေသေး၏၊ သို့သော် သူမက ကြည်လင်ရေကလန်ရွှေအင်မော်တယ်နှစ်ယောက်ထဲမှတစ်ယောက်ကို သတ်ပြီးသည်ကို မြင်ပြီးနောက် သူက စိတ်သက်သာရာရသွားသည်။ အခြားရွှေအင်မော်တယ်က ပြန်တိုက်ခိုက်ရန် ရုန်းကန်နေရပြီး ကူးယန်အာလက်ချက်ဖြင့် အချိန်မရွေး သေသွားနိုင်သည်။

လက်ရှိအချိန်တွင် သူ့အား ယိုကျုံးက အံ့အားသင့်သောအမူအရာဖြင့် စိုက်ကြည့်နေသောကိုတော့ သူက သတိမပြုမိပေ။

ယိုကျုံးက မှင်တက်နေသည်။ သူက တိုက်ပွဲကို တစ်ချိန်လုံး ကြည့်နေခဲ့သည်။ အမှောင်မြောက်အင်မော်တယ်၏နောက်ဆုံးတိုက်ကွက်က နက်နဲသိမ်မွေ့ခြင်းအင်မော်တယ်နှင့်ကောင်းကင်ဘုံအင်မော်တယ်နှစ်ယောက်ကို သတ်ဖြတ်ခဲ့သည်ကား လွဲပြီး အခြားကောင်းကင်အင်မော်တယ်ရှစ်ယောက်က ထန်ရှုနောက်သို့ လိုက်သွားပြီး သူတို့ထဲမှ နှစ်ယောက်ကို ထူးဆန်းသောအင်းဆက်တစ်ကောင်က ဝါးမျိုခဲ့ပြီး ကျန်လူများကို ထန်ရှုက သတ်ဖြတ်ခဲ့သည်ကို သူ မြင်သည်။ ထူးဆန်းသောအင်းဆက်ကို အကူအညီတစ်ခုအဖြစ် သတ်မှတ်သည်ဆိုလျှင်ပင် ယခုလိုလုပ်ဆောင်ချက်က ဆန်းပြားလွန်းလှ၏။

ထို့အပြင် သူ့ကို ဝန်းရံတိုက်ခိုက်နေသည့်အခြားကောင်းကင်အင်မော်တယ်သုံးယောက်ရှိသေးသည်၊ သူတို့ထဲမှ နှစ်ယောက်က ထန်ရှုလက်ချက်ဖြင့် သေသွားခဲ့သည်။ တိုက်ပွဲတစ်ခုလုံးတွင် ထန်ရှုက ကောင်းကင်အင်မော်တယ်ရှစ်ယောက်ကို သတ်ဖြတ်ခဲ့သည်ဟု ဆိုလို၏။ ဒီလိုတိုက်ခိုက်ရေးစွမ်းအားက ကြောက်စရာကောင်း၏။ ထန်ရှုက အင်မော်တယ်ကပ်ဘေးကို ဖြတ်ကျော်ပြီးကာစ အင်မော်တယ်တစ်ယောက်ဖြစ်သည်ကို မှတ်ထားရပေမည်။

ဒီလိုအဆင့်ခုန်ကျော်တိုက်ခိုက်ခြင်း။ ဒီလိုအရာမျိုးက ယိုကျုံးအနေဖြင့် ဒဏ္ဍာရီတွင်သာ ကြားခဲ့ဖူးသည့် အရာပင် ဖြစ်သည်။ နှစ်ထောင်ချီအတွင်း သူက ပထမဆုံးလက်တွေ့မြင်ဖူးခြင်းပင်။ ဤအကောင်က သူ့အား ညွှန်ကြားချက်အချို့ပေးသည့်အချိန်၌ သူက အထင်အနည်းငယ်သေးခဲ့သည်ကို အမှတ်ရလျက် ယိုကျုံးက စိတ်ထဲ၌ ရှက်ရွံ့မိလေသည်။

ထန်ရှုက မြေအင်မော်တယ်အဆင့်သို့ ရောက်မည်ဆိုလျှင် သူက ကောင်းကင်အင်မော်တယ်များကို ကြက်ကလေးများကို သတ်ဖြတ်သလို အမှုန့်ချေနိုင်မည်မဟုတ်လော။ သူက ကောင်းကင်အင်မော်တယ်အဆင့်သို့ ရောက်လျှင် နက်နဲသိမ်မွေ့ခြင်းအဆင့်ကျွမ်းကျင်သူများကို သတ်ဖြတ်နိုင်မည်လား။ သူက နက်နဲသိမ်မွေ့ခြင်းအဆင့်ကို ရောက်လျှင် ရွှေအမြုတေအဆင့်ကျွမ်းကျင်သူများကို သတ်ဖြတ်နိုင်သည်ဟု ဆိုလိုသည်မဟုတ်လား…

ယိုကျုံးက အလွန်တရာတုန်လှုပ်နေလေတော့သည်။ ယခု ထန်ရှုကို ကြည့်နေချိန်တွင် သူ့အကြည့်များက လေးစားအားကျမှုတို့ဖြင့် ပြည့်နေလေ၏။

ရုတ်တရက် သူ့စိတ်က တစ်ခုခုကို အမှတ်ရကာ မနီးမဝေးရှိ တိုက်ပွဲကို လျင်မြန်စွာ လှည့်ကြည့်လိုက်သည်။ ကြည်လင်ရေကလန်၏နောက်ဆုံးရွှေအင်မော်တယ်အား ကူးယန်အာက သတ်ဖြတ်သည်ကို သူ မြင်လိုက်၏၊ ယခု သူမက ဒီဘက်သို့ ပျံသန်းလာနေသည်။

“ဆရာသခင်၊ အဆင်ပြေရဲ့လား”ကူးယန်အာက ထန်ရှုထံ လျှောက်လာပြီး သူ့လက်ကို ဆွဲကာ မေးလိုက်၏။

ထန်ရှုက ပြုံးပြကာ ပြောလိုက်၏ “ကောင်းကင်အင်မော်တယ်အနည်းငယ်လောက်က ငါ့အတွက် ခြိမ်းခြောက်မှုမဖြစ်စေနိုင်ပါဘူး။ မင်းရော ဘယ်လိုလဲ။ မင်းက သူတို့ကို အချိန်အနည်းငယ်အတွင်း သတ်ခဲ့တာပဲ၊ မင်းရဲ့ခွန်အားကို ရွှေအင်မော်တယ်နှောင်းပိုင်းအဆင့်ထိ ပြန်ရပြီလား”

“ငါ့ရဲ့အင်မော်တယ်အသုံးအဆောင်ပစ္စည်းအများကြီး ဆုံးရှုံးထားတယ်၊ မန္တန်တွေနဲ့နတ်ဘုရားစွမ်းရည်တွေကို ယခင်ကလို မဖော်ထုတ်နိုင်ဘူးဆိုပေမယ့် ငါ့ရဲ့လက်ရှိကျင့်ကြံခြင်းအဆင့်အရ အားနည်းတဲ့ရွှေအင်မော်တယ်ကျင့်ကြံသူတွေကို ရင်ဆိုင်ဖို့က လွယ်ပါသေးတယ်။ ပြီးပြည့်စုံခြင်းရွှေအင်မော်တယ်အချို့နဲ့ တွေ့ရင်တောင် ဆရာသခင်နဲ့အတူ ထွက်ပြေးလွတ်မြောက်နိုင်မယ်လို့ ငါ ယုံကြည်တယ်”ကူးယန်အာက ပြုံးကာ ပြန်ဖြေ၏။

တစ်ချိန်က ကူးယန်အာကို အင်မော်တယ်ကမ္ဘာရှိ ကြောက်စရာကောင်းသောအမျိုးသမီးနတ်ဆိုးတစ်ယောက်ဟု သတ်မှတ်ထားခဲ့သည်ကို ထန်ရှုက သိထားသော်ငြား သူမ၏လုပ်ဆောင်မှုများကို သူ မြင်တွေ့ခဲ့ရသည်ကား ရှားလှ၏။ သို့သော် ဤတိုက်ပွဲပြီးနောက် သူက သူမအား အမြင်သစ်တစ်ခုဖြင့် ကြည့်ရတော့မည်ဆိုသည်ကိုတော့ သူက ဝန်ခံရပေမည်။

“ငါတို့ကို ကယ်တင်ပေးတဲ့အတွက် ကျေးဇူးတင်ပါတယ်၊ အင်မော်တယ်မိတ်ဆွေနှစ်ယောက်။ ဒီအပူအပင်မဲ့က တကယ် ကျေးဇူးတင်တာပါ။ အခုအချိန်ကစပြီး သင်တို့သုံးယောက်က ငါ့လက်နက်ဂိုဏ်းရဲ့ကျေးဇူးရှင်တွေပါပဲ”လက်နက်ဂိုဏ်းဘိုးဘေးက နောက်မှ ရောက်ရှိလာသည်။ ကူးယန်အာပြသခဲ့သည့်ကြောက်စရာကောင်းသောစွမ်းအားက သူ့ကို ထိတ်လန့်စေခဲ့သော်လည်း ဒီအတွက် သူက စိတ်ထဲ၌ ပိုတောင် ကျေးဇူးတင်နေမိသည်။ သည်သုံးယောက်သာ ရုတ်တရက်မကယ်တင်ခဲ့လျှင် သူနှင့်အမှောင်မြောက်အင်မော်တယ်တို့က ယနေ့ သေဆုံးသွားရမှာ သေချာ၏။

ထန်ရှု၏မျက်လုံးတို့က အံ့အားသင့်မှုနှင့်အတူ လင်းလက်သွားသည်။ သူက သူ့ကိုယ်သူ အပူအပင်မဲ့ဟု ခေါ်ဆိုသည့် ရွှေအင်မော်တယ်အိုကြီးကို ဂရုတစိုက်လေ့လာကာ မေးလိုက်၏ “ငါ့ရဲ့အကြီးအကဲက အရင်တုန်းက လက်နက်ဂိုဏ်းနဲ့ ဆက်ဆံရေးအချို့ ရှိခဲ့တယ်။ ခင်ဗျားက လက်နက်ဂိုဏ်းမှာ အဲဗာဂလစ်နဲ့ တူညီတဲ့မျိုးဆက်ရဲ့ တပည့်တစ်ယောက်လား”

အပူအပင်မဲ့က အံ့အားသင့်သွားသည်။ “ကျုပ်က တကယ်ကို ဂိုဏ်းမှာ အဲဗာဂလစ်နဲ့ တူညီတဲ့မျိုးဆက်ရဲ့တပည့်တစ်ယောက်ပဲ။ ရောင်းရင်းအင်မော်တယ်ရဲ့အကြီးအကဲကို ကျုပ် သိခွင့်ရှိမလား”

“ရွှေရောင်ပန်းပဲကောင်းကင်ဘုံစာလိပ်နဲ့ ပတ်သက်ပြီး ခင်ဗျား သိလောက်မှာပါ။ ကျုပ်အကြီးအကဲက ကျုပ်ကို တစ်ခါပြောဖူးတယ်၊ လွန်ခဲ့တဲ့နှစ်ထောင်အနည်းငယ်က သူက ဒီအင်မော်တယ်ပိုင်နက်ကို ရောက်လာပြီး ဒီနေရာမှာ အင်မော်တယ်ကံကြမ္မာအချို့ကို ချန်ခဲ့တယ်တဲ့”

ရွှေရောင်ပန်းပဲကောင်းကင်ဘုံစာလိပ်လား။

အပူအပင်မဲ့၏မျက်လုံးများက ချက်ချင်းပြူးကျယ်သွားပြီး မယုံကြည်နိုင်မှုတို့က သူ့မျက်လုံးများထဲတွင် စီးဆင်းသွားသည်။ လွန်ခဲ့သောအခိုက်အတန့်က သူက ထန်ရှုတို့သုံးယောက်အပေါ် သတိထားနေခဲ့သေး၏။ သို့သော် ထိုနာမည်ကို ပြောဆိုပြီးနောက် သူ၏သတိထားမှုက ပျောက်ကွယ်သွားပြီး နက်ရှိုင်းသောကျေးဇူးတင်မှုတို့က အစားထိုးသွားလေ၏။

သူ့လက်နက်ဂိုဏ်းက ဤအင်မော်တယ်ပိုင်နက်တွင် လူသိများအားကောင်းနိုင်သည့်အကြောင်းပြချက်က ထိုရွှေရောင်ပန်းပဲကောင်းကင်ဘုံစာလိပ်ကြောင့်ပင်။ ထိုပစ္စည်းက လွန်ခဲ့သောနှစ်ထောင်အနည်းငယ်က ဂိုဏ်းသို့ ရောက်ရှိလာသည့် ဆန်းကြယ်သောစွမ်းအားရှင်ထံမှ ရောက်ရှိလာခြင်းပင်ဖြစ်၏၊ ထိုလူက သူ့ဂိုဏ်းမှ သန့်စင်ခြင်းပစ္စည်းအချို့နှင့် ၎င်းကို အလဲအလှယ်လုပ်ပေးသွားခဲ့သည်။

“အင်မော်တယ်မိတ်ဆွေ၊ မင်းက အဲဒီစီနီယာရဲ့ဂျူနီယာတစ်ယောက်လား”စိတ်လှုပ်ရှားလွန်းသဖြင့် အပူအပင်မဲ့၏အသက်ရှုသံက အနည်းငယ်ပိုမြန်ဆန်လာသည်၊ သူက မျှော်လင့်တောင့်တလျက် မေးလိုက်၏။

“ဒီကမ္ဘာမှာ လူအနည်းငယ်လောက်ကပဲ ဒီရွှေရောင်ပန်းပဲကောင်းကင်ဘုံစာလိပ်နဲ့ ပတ်သက်ပြီး သိတာ။ ငါက မင်းကို လိမ်နေတယ်လို့ မင်း ထင်တာလား”

“မဟုတ်ပါဘူး။ ငါ မထင်ရဲပါဘူး”အပူအပင်မဲ့က စိတ်လှုပ်ရှားစွာ ပြော၏ “လွန်ခဲ့တဲ့နှစ်ထောင်အနည်းငယ်က ငါက မြေအင်မော်တယ်တစ်ယောက်ပဲ ဖြစ်ခဲ့တယ်။ အဲအချိန်တုန်းက အဲဒီလိုမြင့်မြတ်တဲ့စီနီယာတစ်ယောက်ကို တွေ့ဆုံနိုင်ဖို့ ငါ့အဆင့်အတန်းက နိမ့်လွန်းတယ်။ ဒီနေ့တော့ ငါ ကံကောင်းစွာနဲ့ အဲဒီစီနီယာရဲ့မျိုးဆက်ကို တွေ့ခဲ့ရတာပဲ။ မင်းရဲ့အမည်နာမကို သိပါရစေ၊ အင်မော်တယ်မိတ်ဆွေ”

“ကျူပ်က မဟာထန်ကောင်းကင်ဘုံအင်ပါယာပါ”ထန်ရှုက ပြုံးကာ ပြန်ဖြေသည်။

အပူအပင်မဲ့က အနည်းငယ်မှင်တက်သွားပြီး အနည်းငယ်ထူးဆန်းသောခံစားချက်တစ်ခုက သူ့နှလုံးသားထဲတွင် ထွက်ပေါ်လာ၏။ အင်မော်တယ်ကမ္ဘာတစ်ခုလုံးတွင် ကောင်းကင်ဘုံအင်ပါယာသို့မဟုတ်မဟာအင်ပါယာဟု အသုံးပြုရဲသည့် သူများက အန္တိမအဆင့်ကို ရောက်ရှိထားသည့် စွမ်းအားရှင်များဖြစ်သည်ကို မှတ်ထားရမည်။ နည်းပါးသောပြီးပြည့်စုံခြင်းအင်မော်တယ်အနည်းငယ်က ထိုကဲ့သို့အသုံးပြုခဲ့သော်လည်း သူတို့က ထိုအန္တိမအရှင်များနှင့် ယှဉ်နိုင်လုနီးပါးရှိသည့်ကြောက်စရာကောင်းသောပုဂ္ဂိုလ်များ ဖြစ်ကြသည်။

သို့သော် သူ့ရှေ့ရှိ မြေကမ္ဘာအင်မော်တယ်အဆင့်ပင် ရောက်ပုံမပေါ်သည့် ဤကောင်လေးက သူ့ကိုယ်သူ “မဟာထန်ကောင်းကင်ဘုံအင်ပါယာ”ဟု ခေါ်ဆိုရဲသည်။ သူက ရယ်မောခံရမည်ကို မကြောက်သလော။

အပူအပင်မဲ့က စိတ်ထဲ၌သာ ရယ်လျက် ပြောလိုက်၏ “ကောင်းပါပြီ၊ မဟာထန်…ကောင်းကင်ဘုံအင်ပါယာ…ဒါက အတော်လေးအံ့ဩစရာကောင်းတဲ့နာမည်ပါပဲ။ ကျုပ်တို့က ဒီကြည်လင်ရေကလန်ရဲ့လူတွေနဲ့ ဒီလိုဖြစ်လာမယ်လို့ ဘယ်တော့မှ မမျှော်လင့်ထားခဲ့ဘူး။ သူတို့က သူတို့ရဲ့ဆိုးယုတ်တဲ့ရည်ရွယ်ချက်ကို ဖုံးကွယ်ပြီး ကျုပ်တို့ကို ပူးပေါင်းဖို့ ဖိတ်ခေါ်ခဲ့တာ။ ဒါပေမယ့် ကျုပ်တို့က မပြင်ဆင်ထားချိန်မှာ သူတို့က တိုက်ခိုက်ခဲ့တာပဲ။ ဒါပေမယ့် ကံကောင်းစွာနဲ့ မိတ်ဆွေသုံးယောက် အချိန်မီ ရောက်လာလို့ပေါ့။ ဒီကျေးဇူးတရားကို ကျုပ်တို့ရဲ့နှလုံးသားထဲမှာ အမြဲတမ်း မှတ်ထားပါ့မယ်။ ဒါနဲ့ မိတ်ဆွေတို့သုံးယောက်က ဘယ်ကို ဉီးတည်သွားမလဲဆိုတာ သိလို့ရနိုင်မလား”

ထန်ရှုက ကူးယန်အာဘက် လှည့်ကာ အချက်ပြလိုက်သည်။ သူမက ကြည်လင်ကလန်မှလူများ၏သိုလှောင်လက်စွပ်များကို ရှာဖွေသိမ်းဆည်းပြီးနောက် သူက ပြန်လှည့်လာကာ ပြော၏ “အရိုးသားဆုံးပြောရရင် မီးတိမ်ပုစဉ်းရင်ကွဲတွေက ကျုပ်တို့ရဲ့ရည်မှန်းချက်ပဲ။ သန္တာဝတ်ရုံကို သန့်စင်ဖို့အတွက် အနည်းငယ်ကို ဖမ်းသွားမလို့”

အပူအပင်မဲ့က အနည်းငယ် မှင်တက်သွားသည်။ ထို့နောက် သူက ချက်ချင်း အားတင်းပြုံးကာ ပြောလိုက်၏ “ကျုပ်နဲ့ဂိုဏ်းချုပ်တို့သာ ဒဏ်ရာမရထားရင် ကျုပ်တို့က ကူညီပေးနိုင်ပါတယ်။ ဒါပေမယ့် ကျုပ်တို့…”

ခင်ဗျားတို့မှာရှိတဲ့ကုသဆေးတွေကရော” ထန်ရှုက ကြားဖြတ်မေးလိုက်၏။

“အားလုံးကုန်သွားပြီ”အပူအပင်မဲ့က ပြန်ဖြေ၏။

ခဏစဉ်းစားပြီးနောက် ထန်ရှုက ထပ်မေး၏ “ဒါနဲ့ ခင်ဗျားတို့ဆီမှာ ချီဘာမြက်၊ ထာဝရမှို၊ သွေးသစ်အယ်သီးနဲ့ နှင်းဖီးနစ်နှင်းစက်တွေ ရှိလား”

အပူအပင်မဲ့က ချက်ချင်းခေါင်းညိတ်လိုက်သည် “နှင်းဖီးနင်းနှင်းစက်ကလွဲပြီး အခြားသုံးခုက တွေ့ရလွယ်တဲ့ဆေးပင်တွေပါပဲ။ ကျုပ်မှာ သူတို့ ပါလာပါတယ်”

ဆေးပစ္စည်းလေးမျိုးကို မေးပြီးနောက် အမှောင်မြောက်အင်မော်တယ်၏ဒဏ်ရာကို စစ်ဆေးရန် ထန်ရှုက လူအိုကြီးကို အချက်ပြလိုက်သည်။ ထို့နောက် ကူးယန်အာ၏ကာကွယ်မှုအောက်တွင် သူက နတ်ဆိုးနတ်ဘုရားစိတ်ဝိညာဉ်ဝါးမျိုဒယ်စောက်ကို ယူထုတ်ကာ နွေဉီးအချိန်ဆေးကို စတင်သန့်စင်ခဲ့သည်။ ဤဆေးက ဖော်စပ်ရလွယ်ကူသည်၊ သို့သော် ၎င်းတွင် ရွှေအင်မော်တယ်အဆင့်အောက် အင်မော်တယ်များအတွက် ကောင်းမွန်သောအာနိသင်ရှိသည်။ သေချာသည်ကတော့ ၎င်းက ယခင်က ထန်ရှုသန့်စင်ခဲ့သည့် သန့်စင်ကုသဆေးထက် အဆအနည်းငယ်ပိုကောင်း၏။

ထန်ရှုက ဆေးလုံးဖော်စပ်တော့မည်ကို မြင်ပြီး အပူအပင်မဲ့က စိတ်ထဲ၌ အနည်းငယ် အံ့အားသင့်သွားသော်လည်း သူက အမှောင်မြောက်အင်မော်တယ်ရှိရာသို့ လျင်မြန်စွာ ရွေ့လျားသွားခဲ့သည်။ ခွဲခြမ်းစိတ်ဖြာပြီးနောက် အမှောင်မြောက်အင်မော်တယ်က ဒဏ်ရာပြင်းထန်သော်လည်း အသက်အန္တရာယ်မစိုးရိမ်ရသည်ကို မြင်ပြီး စိတ်သက်သာရာရသွား၏။

လျှပ်တစ်ပြက်အတွင်း သုံးရက်က ကုန်ဆုံးသွားသည်။ ရုတ်တရက် နတ်ဆိုးနတ်ဘုရားစိတ်ဝိညာဉ်ဝါးမျိုဒယ်စောက်အဖုံးက လွင့်မျောတက်လာပြီး ပုံဆောင်ခဲအလားကြည်လင်သောနွေဉီးအချိန်ဆေးများက ထွက်ပေါ်လာသည်။ ထန်ရှုက ကျောက်စိမ်းပုလင်းတစ်လုံးကို လျင်မြန်စွာ ထုတ်ကာ သူတို့ကို အထဲသို့ ထည့်သွင်းလိုက်၏။

ဤသုံးရက်အတွင်း ယိုကျုံးက အနီးနားတွင် စောင့်နေခဲ့သည်။ ထန်ရှုက အဂ္ဂိရတ်ပညာတွင် သေးငယ်သောဗဟုသုတမျှသာ ရှိမည်ဟု သူက တွေးထားခဲ့သည်။ သို့သော် ဒယ်စောက်အဖုံးပွင့်သွားပြီး ဆေးလုံးများကို မြင်ကာ ဆေးရနံ့များကို ရလိုက်သောအခါ သူ့မျက်လုံးများက ပြူးကျဲသွားလေတော့၏။

ဒါတွေက နွေဉီးအချိန်ဆေးတွေ…အလွန်တန်ဖိုးရှိတဲ့ကုသဆေးတစ်ခုပဲ။ စူပါဂိုဏ်းကြီးတွေကလွဲပြီး ဘယ်သူက ဒီလိုကုသဆေးကို တတ်နိုင်မှာလဲ။

ထို့ပြင် ယိုကျုံးကို တစ်စစီပြိုလဲသွားစေသည့် အရာက နွေဉီးအချိန်ဆေးဖော်စပ်ခြင်းဖြစ်စဉ်မြင်ကွင်းပင်။ တစ်ချိန်တည်းနဲ့ ဆေးဒါဇင်ကျော်ကို ဘယ်လိုလုပ်ပြီး သန့်စင်နိုင်တာလဲ။ ဒီကောင်က အခုမှ အင်မော်တယ်အဆင့်ကို တက်ကာစပဲ ရှိသေးတယ်မဟုတ်လား…အိုး…ဘုရားသခင်…

ယိုကျုံးနှင့် အလားတူ ထိတ်လန့်တုန်လှုပ်နေသည်ကား အပူအပင်မဲ့ပင်။ သူက ဆေးလုံးဆရာများစွာကို မြင်ဖူးသည်၊ သို့သော် ပါဝင်ပစ္စည်းအနည်းငယ်နှင့် နွေဉီးအချိန်ဆေးလုံးကို သန့်စင်နိုင်သည့်သူကိုတော့ တစ်ခါမှ မမြင်ဖူးခဲ့ပေ။

ထန်ရှုက ဒယ်စောက်ကို သိမ်းလိုက်သည်ကို မြင်ပြီးမှ အပူအပင်မဲ့က သူ့ရှေ့သို့ လျှောက်လာကာ ချီတုံချတုံနှင့် မေးလိုက်၏ “မဟာထန်ရောင်းရင်းအင်မော်တယ်၊ မင်း သန့်စင်ခဲ့တာက နွေဉီးအချိန်ဆေးရော ဟုတ်ရဲ့လား။ ဒါပေမယ့် ဒီဆေးလုံးနဲ့ပတ်သက်ပြီး ငါ သိသရလောက်ဆိုရင် ဒီလိုပါဝင်ပစ္စည်းအနည်းငယ်နဲ့ ဒီလောက်အများကြီးသန့်စင်နိုင်တဲ့သူကို ငါ တစ်ခုမှ မမြင်ဖူးခဲ့ဘူး…”

ထန်ရှုက သူ့အား လက်မြှောက်ပြကာ နွေဉီးအချိန်ဆေးဆယ်လုံးကို သူ့ထံ ပစ်ပေးလိုက်သည်။ ထို့နောက် သူက အနည်းငယ် ပြုံးကာ ပြောလိုက်၏ “ဒီဆေးလုံးတွေကို ယူလိုက်။ ယူပြီးရင် သူတို့က နွေဉီးအချိန်ဆေးလုံးတွေ ဟုတ်မဟုတ်ဆိုတာ ခင်ဗျား သိလိမ့်မယ်”

အပူအပင်မဲ့က တုံ့ဆိုင်းနေခဲ့သည်၊ ထို့နောက် တစ်ခုကို ယူလိုက်၏။ ဆေးအာနိသင်ကို ခံစားလိုက်မိသောကြောင့် သူ့အမူအရာက ပြောင်းလဲသွားရုံသာမက သူက ခေါင်းညိတ်ကာ ပြောလိုက်၏ “ဒါက နွေဉီးအချိန်ဆေးပဲ။ ဒါ့အပြင် ဒါက အလယ်အဆင့်ပဲ။ ရောင်းရင်းအင်မော်တယ်မဟာထန်ရဲ့ဆေးပညာက ငါ့ရဲ့အသိထက် ကျော်လွန်နေပြီ။ တကယ်လေးစားစရာပါပဲ…”