သခင်မ​လေးယွမ်

ယွင်ယင် ပြောပြီးသည်နှင့် တခြားလူများက ကန့်ကွက်ခြင်း မရှိ​တော့ပေ။ ရန်မြို့ ကဲ့သို့ ခမ်းနားထည်ဝါသော မြို့သို့ လာ​ရောက်ရန်မှာလည်း ရှားပါးတာကြောင့် လူတိုင်းက အချိန်ကောင်းကို လိုချင်ကြသည်။

ထို့အပြင် ဘယ်သူကမှ တမင်တကာ မပြောခဲ့ကြသော်လည်း ပျက်စီး​ခြင်း နွယ်ပင်များ အကြောင်း လုရွှမ်ရဲ့ ဖော်ပြချက်က သူတို့ နှလုံးသားထဲတွင် နက်နက်ရှိုင်းရှိုင်း ရေးထွင်းထားပြီး​​ပြီ ဖြစ်သည်။

ယခုအချိန်သည် အနောက်ဘက် နိုင်ငံများသို့ ခရီးသွားခြင်းက အန္တရာယ်များတယ်လို့ ဆိုနိုင်သည်။ တွေးကြည့်တာထက်ပင် အန္တရာယ်များနိုင်သည်။ ဤ​မြို့တွင် လေလံအိမ်တစ်ခု ရှိသောကြောင့် မှော်လက်နက်များ သို့မဟုတ် အလားတူ ပစ္စည်းများကို ဝယ်ယူနိုင်လျှင် အသက်ကို ကယ်တင်နိုင်​လောက်သည်။

သွားချည်းဖြဲပြတတ်သော လူသည် လူတိုင်းကို ဧရာမ စံအိမ်ကြီး တစ်ခုသို့ ပို့ဆောင်​ပေးခဲ့သည်။ အကြောင်းအရာ တချို့ကို မိတ်ဆက်ပြီးနောက်တွင် သူသည် ထောင်ပေါင်းများစွာသော ဝိညာဉ် သလင်းကျောက်များကို သယ်ဆောင်ကာ ထိုနေရာမှ ပျော်ရွှင်စွာ ထွက်သွားခဲ့သည်။

"ကောင်းပြီ လူငယ်တွေ သွားကစားကြ... ငါနဲ့ အငယ်တန်း ညီအကို တစ်စုက အကြီးအကဲတွေကို ဂါဝရ​ပြုဖို့ သွားကြမယ်"

ဖြစ်နိုင်ရင် ငယ်ငယ် ရွယ်ရွယ် လူငယ်တွေ အားလုံးကို လာရောက် လည်ပတ်စေချင်ပေမယ့် ဒီလို အခွင့်အရေးကတော့ မရှိ​​တော့ပါဘူး။

ယွင်ယင်သည် ကောင်းကင်ဘုံသခင် အဖွဲ့နှင့်အတူ လေထဲမှ ပျံဝဲသွားခဲ့သည်။ သူတို့သည် ရန်မြို့ထဲက မြို့သခင်စံအိမ်ဘက်ကို သွားနေကာ ထိုနေရာမှာ နတ်မီးနယ်ပယ်က အကြီးအကဲတွေ ရှိရာ နေရာဖြစ်နိုင်၏။ အကြီးအကဲတွေ တချို့ အရာတွေကို စီမံခန့်ခွဲစရာ မလိုဘူးလေ။ သူတို့က အဲဒီမှာ ထိုင်နေပေမယ့် ထိုင်နေတာကတင် ဂုဏ်ယူစရာ ဖြစ်နေပြီ။

အောင်ရှင်းသည် သူမမျက်နှာပေါ်က စူးစူးရှရှ အကြည့်ဖြင့် ကောင်းကင်အရိပ် ဂိုဏ်းက ခန်းမကြီးထက် ပိုမိုကြီးကျယ် ခမ်းနားလှသော မြို့ကြီးထဲမှာ စိတ်ဝင်တစား ပြေးလွှားဆော့ကစားရန် စိတ်အား ထက်သန်နေခဲ့တာ ကြာပါပြီ။

ရှောင်ပိုင်က ညည်းတွားပြီး အောင်ရှင်းရဲ့ နံဘေးကို လှည့်ပတ်ပြေးနေသည်။ အောင်ရှင်း ခန္ဓာကိုယ်ပေါ်ရှိ ရောင်ဝါကိုလည်း သဘောကျ​နေပုံရသည်။

ကျင်းဟုန်က ဘာမှပြန်မပြောပေမယ့် လုရွှမ်မျက်နှာကိုသာ စူးစူးစိုက်စိုက် ကြည့်နေသည်။ သူမ မလုပ်တတ်တော့ရင် လုရွှမ် စကားကိုသာ နားထောင်နေဖို့ အမေက ပြောထားသည်။ သူမလည်း လုရွှမ်ကို စိတ်ထဲကနေ သဘောကျသွားပြီး သူ့အမေပြောတာ မှန်တယ်လို့ ခံစားလာမိသည်။

လုရွှမ်လည်း အရမ်း စိတ်လှုပ်ရှားနေတာကြောင့် သူ့လက်ကို ဝှေ့ယမ်းပြီး

"ကောင်းပြီ အပြင်ထွက်ပြီး ကောင်းကောင်း စားရအောင်"

တစ်နာရီရဲ့ လေးပုံတစ်ပုံလောက် ကြာတော့ လမ်းပေါ်မှာ ထူးထူးခြားခြား ဆွဲဆောင်စရာတစ်ခု ပေါ်လာခဲ့သည်။ အလှလေး နှစ်ယောက်က လူတစ်ယောက်နဲ့ လိုက်သွားပြီး သူတို့ရှေ့မှာ ရွှင်မြူးနေတဲ့ ကျားဖြူလေးတစ်ကောင်လည်း ရှိသေးသည်။

လုရွှမ်က ရွှေကျီးကန်း နဲ့ ရားရားကို အပြင်ထွက်ချင်လားလို့ မေးပေမယ့် ရွှေကျီးကန်းမှာ သူ့ရဲ့ ညိုမည်း​နေတဲ့ မျက်နှာနဲ့ ငြင်းဆန်လာခဲ့ပါသည်။ သူ့ရဲ့ တက်ကြွမှုဟာ အခုချိန်မှာ ပြင်းထန်စွာ ပျက်စီးနေပြီး သူ့ကိုယ်သူ အရှက်ရစေဖို့အတွက် မထွက်ချင်တော့ပါဘူး။ သူ့ကို ဒုက္ခပေးသူက ကျားဖြူလေးသာ ဖြစ်လိမ့်မည်။

လမ်းတွေက အရမ်းကျယ်ပေမယ့် ကောင်းကင်ဘုံသခင် နယ်ပယ်အောက်က သူတွေကို ပျံသန်းခွင့် ပိတ်ပင်ထားတာကြောင့် လမ်းတွေမှာ လာလည်တဲ့ လူတွေနဲ့ အတော်လေး စည်ကားနေသည်။

ကျားဖြူလေးသည် လူအုပ်ကြားတွင် ပျော်ရွှင်စွာ ပြေးလွှားနေပြီး လုရွှမ်မှာ မကောင်းတဲ့လူတွေ မခေါ်နိုင်စေရန် ဂရုတစိုက် စောင့်ကြည့်နေရသည်။

လမ်းဘေး နှစ်ဘက်စလုံးမှာ သပ်သပ်ရပ်ရပ် တည်ရှိနေပါ၏။ ဒီနေရာမှာတော့ သာမာန်လူများပင် ဆိုင်ဖွင့်ရန် မတတ်နိုင်​ကြပေ။

လုရွှမ် ဆိုင်တစ်ဆိုင်ထဲသို့ ဝင်ကာ ခဏအကြာ စောင့်ကြည့်ခဲ့သည်။ ပစ္စည်းကောင်းပေမယ့် ဈေးက သေလောက်အောင် ကြီးနေ၏။ သူ့ခန္ဓာကိုယ်ရှိ သူ​တော်စင်ဝိညာဉ် အရည်ကြည်သည် အမျိုးသမီးနှစ်ဦးအတွက် လက်ဆောင် အသေးစားများ ဝယ်ရန်မှလွဲ၍ ပိုက်ဆံ မရှိ​တော့တာကို တွေ့ရှိခဲ့ရသည်။ နောက်ပြီး လက်ဆောင်များက ဈေးကွက်တွင် နာမည်မရှိပေ။

လုရွှမ်သည် ရှုရှင့် သလင်းကျောက်များကို ရှာတွေ့နိုင်ပါက ၎င်းတို့ကို ငွေအမြောက်အမြားဖြင့် လဲလှယ်နိုင်ကြောင်း ကောင်းစွာ သိထားသော်လည်း ၎င်းတို့သည် ရှားပါးလွန်းပြီး သူ​တော်စင် ဝိညာဉ်ကျောက်များနှင့် လဲလှယ်ရန်ပင် မထိုက်တန်ပေ။

လုရွှမ်က ကြည့်ရုံသာကြည့်ပြီး မဝယ်ချင်သလို ဖြစ်နေတာကြောင့် မကြာမီတွင် ရောင်းသူအား မကျေမနပ် ဖြစ်သွားစေခဲ့သည်။

တကယ်တော့ လူသုံးယောက် ဝင်လာပြီးကတည်းက ဆိုင်ထဲက လူတိုင်းရဲ့ အာရုံစိုက်မှုကို ခံခဲ့ရပြီးပါပြီ။ အလှမယ် နှစ်ယောက်ထဲက အောင်ရှင်းဟာ လှပပြီး လိမ္မာပါးနပ်တဲ့ မျက်နှာထားနဲ့။ နတ်သမီးကျင်းဟုန်က တည်ငြိမ်ပြီး သာလွန်တဲ့ စိတ်ထားရှိသည်။ ဘယ်သူက ပိုလှလဲ မပြောနိုင်ပေမယ့် သူတို့ကတော့ လုံးဝကို ဆွဲဆောင်မှု ရှိသည်။

ပြီးတော့ ကျားဖြူဖြူလေးရဲ့ ချစ်စဖွယ်ကောင်းမှုက ပိုလို့တောင် ကြည်နူးစရာကောင်းနေ၏။ သူတို့အားလုံးဟာ ငတုံးတွေ မဟုတ်တာကြောင့် ကျားဖြူလေးက သူတော်စင် သားရဲတစ်ကောင် ဖြစ်ပြီး သာမန်သားရဲ မဟုတ်မှန်း သိသာပါသည်။

လုရွှမ်သည် မိန်းက​လေး နှစ်ယောက်၊ ကျားဖြူလေးနှင့် နှိုင်းယှဥ်ကြည့်လျှင် သူသည် အလွန်နိမ့်ကျနေပြီး သူတော်စင် တတိယအဆင့်တွင်သာ ရှိသည်။ ဆိုင်ထဲသို့ ဝင်ရောက် လာသူများသည် အဆင့်၉ သူတော်စင်များ အနိမ့်ဆုံး အဆင့်အ​ဖြစ် ရောက်ရှိ​​နေကြရတာ ဖြစ်သည်။

ဒါကြောင့် တတိယအဆင့် သူတော်စင်ဆိုတာ တကယ်ကို ထင်ရှားလွန်းနေသည်။

လုရွှမ်၏ မိသားစု နောက်ခံသည် ထူးခြားကြောင်း ပြသစေရန် အမျိုးသမီး နှစ်ယောက်က သူ့​နောက်မှ လိုက်ပါသွားလျှင် ကောင်းပေလိမ့်မည်။ သို့သော် အမျိုးသမီး နှစ်ဦးသည် အဆက်မပြတ် အတူတူ စကားများနေကြသည်။ ကျားဖြူလေး နှင့်အတူ အမျိုးသမီး နှစ်ဦးမှာ လုရွှမ်ဘေးတွင် ရပ်နေတာကြောင့် ထုံထိုင်းနေသည့် ခံစားချက်တစ်ခု ရုတ်တရက် ထွက်ပေါ်လာ​စေသည်။

လုရွှမ်လည်း အရောင်းဝန်ထမ်းဆီမှ မလိုလားသော ခံစားချက်ကို သူ့မျက်လုံးထဲ မြင်နေရသည်။ ဒီကမ္ဘာကြီးမှာ ကိုယ့်ကိုယ်ကို ကောင်းလှ​ပြီလို့ ခံစားရတဲ့သူတွေ အများကြီး ရှိတယ်လေ။ သူတို့ကို ဒေါသထွက်ရတာက တကယ် မတန်ပါဘူး။

ဒါပေမဲ့ တစ်ခါတလေမှာ အရာတွေက ကိုယ့်ဆီကို တည့်တည့်လည်း ရောက်လာတတ်ပါသေးသည်။

တံခါး အပြင်ဘက်တွင် ရုတ်တရက် ရုန်းရင်းဆန်ခတ် ဖြစ်လာခဲ့ပြီး အမျိုးသမီး နှစ်ဦးက ဂုဏ်ယူစွာဖြင့် လျှောက်လာခဲ့သည်။

၎င်းတို့အနက်မှ တစ်ဦးက နှင်းဆီရောင် ဂါဝန်ကို ၀တ်ဆင်ထားရာ အလွန် ရင်သပ် ရှုမောဖွယ်ရာ ကောင်းပြီး ဂါဝန်ပေါ်ရှိ မှိတ်တုတ်မှိတ်တုတ် အလင်းရောင်သည် နားမလည်နိုင်သော ဆွဲဆောင်မှု ရှိသော ရောင်ဝါတစ်ခုကို ထုတ်လွှတ်နေသည်။

လုရွှမ်သည် ခဏတာလောက် အသိစိတ် ပျောက်ကွယ်လုနီးပါး ဖြစ်သွားခဲ့သော်လည်း ခဏအတွင်း သူ့အသိများ ပြန်ပေါ်လာသည်။ သူ့ဘာသာ မထိန်းနိုင်ဘဲ သက်ပြင်းချလိုက်ရ၏။ ဒီဂါဝန်​​ပေါ်က ချပ်ဝတ်တန်ဆာကို သန့်စင်ပေးသူမှာ အလွန် အစွမ်းထက်သူသာ ဖြစ်လိမ့်မည်။

အံ့ဩစရာကောင်းတာက ချပ်ဝတ်တန်ဆာ သာမက ချပ်ဝတ်တန်ဆာဟာ လူတစ်ယောက်ရဲ့ ဝိညာဥ်စွမ်းအင်နဲ့ပါ လိုက်ဖက်​နေတဲ့ ပုံစံပါပဲ။ ထိုမိန်းကလေးသည် သဘာဝအတိုင်း ချစ်စရာကောင်းနေပုံ ရသော်လည်း ချပ်ဝတ်တန်ဆာကြောင့် မမြင်နိုင်သော ဆွဲဆောင်မှုအားကို တိုးပွားလာစေသည်။

တိုက်ပွဲမှာ ခဏလောက် အာရုံစူးစိုက်မှု ပျက်သွားခဲ့ရင် ရလဒ်က ချက်ချင်း အဆုံးအဖြတ် ပေးသွားလိမ့်မယ်။ အဲဒါကလည်း သေရေးရှင်ရေး သေခြင်း အဆုံးအဖြတ်ပဲ ဖြစ်လိမ့်မယ်။

“လတ်စသတ်တော့ သခင်မလေးယွမ်ကို မရိုမသေ လုပ်မိပါပြီ !”

ကောင်တာမှာ အံ့အားသင့်နေတုန်းမှာပဲ ကျင့်ကြံသူ တစ်ယောက် ရုတ်တရက် ထွက်လာခဲ့သည်။ သူကတော့ ဒီဆိုင်ငယ်လေးရဲ့ ဆိုင်ရှင်ပဲ ဖြစ်လေ၏။

သူသည် မိန်းကလေးကို တလေးတစား ကြိုဆိုရန် လှမ်းထွက်လာခဲ့ပြီး စကားတစ်ခွန်းတည်းဖြင့် မှိန်းနေသေးသောသူ အားလုံးကို နှိုးလိုက်သည်။

သခင်မလေးယွမ်ရဲ့ အံ့သြဖွယ် ကျက်သရေ၊ ဆိုင်ရှင်၏ ထူးကဲသော ခွန်အားနှင့် လေးနက်သော စိတ်ဝိညာဉ် စွမ်းအားတို့ကို လူအများက မခံချိမခံသာ ဖြစ်လာစေသည်။

လုရွှမ်၏ နှုတ်ခမ်း ထောင့်များလည်း အနည်းငယ် ​ကွေးညွတ်သွားသည်။ သာမန် စိတ်စွမ်းအားဖြင့် သူသည် သခင်မလေးယွမ်ရဲ့ ကျက်သရေရှိမှုမှ မရုန်းထွက်နိုင်မှာ သေချာသော်လည်း သူ့​လည်ပင်း တစ်ဝိုက်က ဆွဲကြိုးက အလုပ်လုပ်လာပြီး သူ့ကို နိုးကြားစေခဲ့သည်။

နောက်ထပ် မိန်းကလေး တစ်ယောက်ကတော့ သခင်မလေးယွမ်ရဲ့ ကျက်သရေကြောင့် လုံးဝ ဖုံးကွယ်ထားခံရပုံ​ပေါ်ပြီး ဘေးတွင် ငြိမ်သက်စွာ ရပ်နေ၏။ သို့သော် အနီးကပ် ကြည့်လိုက်တော့ လုရွှမ် တုန်လှုပ်သွားတော့၏။ သူမက ဖုံးအုပ်ခံထားသောကြောင့် မဟုတ်ဘဲ သူမရဲ့ အသက်ရှူသံကို ထိန်းထားနိုင်ပြီး တက်ကြွစွာ ရှောင်နေသောကြောင့် ဖြစ်သည်။

အနီးကပ်ကြည့်လျှင် မိန်းက​လေး၏ အသွင်အပြင်သည် သခင်မလေးယွမ်ထက် နိမ့်ကျနေတာ မဟုတ်ကြောင်းနဲ့ သူမရဲ့ ခွန်အားမှာလည်း ပိုမိုအားကောင်းကြောင်း တွေ့ရပါလိမ့်မည်။

ပြီးတော့ သူမဟာ အမှောင်ထဲမှာ တက်ကြွစွာ ပုန်းနေတာဖြစ်လို့ ​​မရိုးရှင်းလောက်ပေ။

ထိုမိန်းကလေးရဲ့ မျက်လုံးများက ရုတ်တရက် တစ်ချက် ကြည့်လာပေမယ့် လုရွှမ်လည်း ပုန်းအောင်းရန် ရည်ရွယ်ချက် မရှိပေ။ မိန်းကလေးရဲ့ မျက်နှာမှာ ဘာမှမထူးခြားသော အပြုံးတစ်ခု ရုတ်တရက် ပေါ်လာပြီး လုရွှမ်ကို ကြည့်လာသော သူမ မျက်လုံးများက စူးစမ်းလိုစိတ်များ ပြည့်နှက်နေသည်။

"ဆိုင်ရှင်... ဒါက ကျွန်မရဲ့ ဝမ်းကွဲအစ်မပါ... သူက ကျွန်မလို ချပ်ဝတ်တန်ဆာ တစ်မျိုးကိုလည်း ပြင်ပေး​စေချင်တယ်... အိုး... အရမ်းချစ်စရာ ကောင်းတာပဲ!"

သခင်မလေးယွမ်က အော်လိုက်သည်။ ကျားဖြူလေးကို မြင်တော့ အရမ်း စိတ်ဝင်စားစရာ ကောင်းတဲ့ ကစားစရာတစ်ခုကို မြင်လိုက်ပုံရဖြင့် လိုက်ဖမ်းတော့သည်။

ကျားဖြူလေးသည် နှစ်ကြိမ်တိတိ အော်ဟစ်လိုက်ရင်း အောင်ရှင်း နောက်သို့ ပြေးဝင်သွားခဲ့သည်။

ထိုမှသာလျှင် သခင်မလေးယွမ်သည် နတ်သမီးကျင်းဟုန်နဲ့ အောင်ရှင်းကို မြင်လိုက်ရသည်။ သူမမျက်လုံးများ တောက်ပလာပြီး သူမဆီက ကျက်သရေ အငွေ့အသက်များလည်း ထိုးတက်လာသည်။ သူမက ထိုမိန်းကလေး နှစ်ယောက်နှင့် ယှဉ်ပြိုင်ရန် စိတ်ဝင်စားနေသည်မှာ သိသာလှသည်။

ဆိုင်သေးသေးလေးမှာ ဖောက်သည်တစ်စုက နောက်ထပ် ဘေးဒဏ်ကို ခံစားရတော့မည်။ သူတို့အားလုံး အံ့အားသင့်သွားကာ အလှမယ်လေး ယွမ်ကို ညှို့အားပြင်း စိတ်ပျက်အားငယ်စွာဖြင့် တစ်ယောက်ပြီး တစ်ယောက် ကြည့်နေကြ​တော့သည်။