လူကြီးမင်းဟော်ရှန်းရဲ့ အစီအစဉ်

"ဟုတ်ပါတယ် ဒါက ဝင်ခွင့်အဆင့် အကဲဖြတ်မှုတစ်ခုပါ... ပေါ့ပေါ့ပါးပါးနဲ့ လုပ်တဲ့လူဟာ သိပ်အားမသန်ပါဘူး ယေဘုယျအားဖြင့် ပြောရရင် ကန့်သတ်ချက်ကို သုံးကြိမ် ကျော်ဖြတ်နိုင်ရင်တောင် ပေါ့ပေါ့ဆဆ လုပ်တဲ့လူလို တိုးတက်လာတော့မှာ မဟုတ်ဘူး"

လူတိုင်းလည်း သက်ပြင်းချလိုက်ကြသည်။ အကန့်အသတ်မရှိ တိုးတက်လာနိုင်လျှင် အမှန်တကယ်ပင် ကြောက်စရာ ကောင်းပေလိမ့်မည်။

လုရွှမ်သည် သူ့​ခုခံမှုကို ပြန်လည် စတင်​နေခဲ့သည်။ ဤအလင်းလူသားသည် တခြား ဘယ်နည်းလမ်းများကို သုံးနိုင်မလဲ သူကြည့်ချင်သည်။ အလင်းလူသားရဲ့ ပုံသဏ္ဌာန်က အနည်းငယ် တည်ငြိမ်သွားပြီးနောက် ရှေ့သို့ ပြန်ပြေးလာ၍ တိုက်ခိုက်ပြန်၏။

"ဟမ့် တိုးတက်ဖို့လိုတဲ့ နယ်ပယ်တွေ အများကြီး ကျန်နေသေးတာကို တွေ့ရပြီ"

လုရွှမ် ပြောလိုက်ပေမယ့် သူက တိုက်ခိုက်ဖို့ အရှိန်မပြင်းခဲ့ပါဘူး။ ယခုအခါ အခွင့်အလမ်းက ရှားပါးလာကာ တစ်ကြိမ်တစ်ခါပင် ယှဉ်ပြိုင်ရန် ခဲယဉ်းလှသည်။ သဘာဝကျကျကို ဘက်ပေါင်းစုံမှ တိုးတက်နေဖို့ လိုအပ်ပါ၏။

လုရွှမ် ထိုလူကို တိုက်ခိုက်ရန် ခွင့်ပြုပြီးနောက် တူညီသော လှုပ်ရှားမှုများဖြင့် ပြန်လည် တိုက်ခိုက်ခဲ့သည်။ အလင်းလူသည် သူ၏ လှုပ်ရှားမှုများကို အထပ်ထပ် အခါခါ ပြောင်းလဲရန် တွန်းအားပေးရင်း လုရွှမ်သည်လည်း တိုက်ခိုက်မှုများ၏ ခွန်အား၊ အရှိန်၊ ထောင့်နှင့် ရောင်ဝါကို ထပ်ခါထပ်ခါ သဘောပေါက်လာခဲ့သည်။

သို့သော် အလင်းရောင် မျက်နှာပြင် အပြင်ဘက်ရှိ လူကြီးမင်းဟော်ရှန်းနဲ့ လူကြီးများလည်း မျက်လုံးအရောင်များ တောက်ပသွားသည်။ လုရွှမ်ရဲ့ လုပ်ရပ်ကို မြင်လိုက်ရသဖြင့် သူတို့ ပို၍ပင် သဘောကျသွားသည်။ အလင်းမျက်နှာပြင်ထဲက တချို့ ပါရမီရှင်များနှင့် နှိုင်းယှဉ်ပါက လုရွှမ်ရဲ့ လက်ရှိအခြေအနေက ၎င်းတို့ထက် အဆပေါင်းများစွာ သက်သာသည်ဟု ထင်ရ၏။

ဒါပေမဲ့ နယ်ပယ်အဆင့် အရတော့ ပထမတစ်ချက် ကြည့်ရုံဖြင့် ရှင်းပါသည်။

"ကောင်းပြီ ငါ အခုထိ ဘာမှ မခံစားရ​​​သေးဘူး ဆိုတော့ စမ်းကြည့်ရအောင်"

လုရွှမ် သူ့ကိုယ်သူ အရှိန်အဟုန်နဲ့ ပြောင်းလဲပစ်လိုက်ပြီး သူ့ရဲ့ လှုပ်ရှားမှုနဲ့ ထိုးချက်တွေကို ပစ်ခတ်လိုက်သည်။ လှုပ်ရှားမှုတွေက အရင်ကထက် အများကြီး ပြောင်းလဲသွားပုံ မရပေမယ့် ရှင်းမပြနိုင်လောက်အောင် ကွဲပြားတဲ့ အကျိုးသက်ရောက်မှုတော့ ရှိလာ၏။

ဘာတွေ ပြောင်းလဲသွားလဲတော့ မပြောနိုင်သေးပါဘူး။

"အဲဒါက လှုပ်ရှားမှု စည်းချက်တွေ ပြောင်းသွားလို့ပဲ စိတ်ဆန္ဒနောက်ကို လိုက်ဖို့က ပိုလွတ်လပ်တယ်"

လူကြီးမင်းဟော်ရှန်းက ဆိုရင်း သက်ပြင်းချသည်။

တ​ခြားလူများလည်း ဒီကိစ္စက အမှန်ပင် ခက်ခဲကြောင်း ရုတ်တရက် သဘောပေါက်သွားသည်။ လုရွှမ်ရဲ့ လှုပ်ရှားမှုများသည် ယခင်ကနှင့် အတူတူပင် ဖြစ်သော်လည်း တိုက်ခိုက်ခြင်းနှင့် ပိတ်ခြင်းကြားတွင် နားမလည်နိုင်သော တောက်ကျင့်စဥ် နိယာမစွမ်းအင် လှုပ်ရှားမှုတစ်ခုက ရှိနေပါ၏။ တခြားလှုပ်ရှားမှုများက သိပ်မထင်ရှားသည့် အပြင် တောက်လက်သီးကို ထုတ်လွှတ်လိုက်တဲ့အခါ နိယာမစွမ်းအင် ခံစားချက် ဆိုလျှင်လည်း တခြားသော ပါရမီရှင်များထက် သာလွန်နေတာ လုံးဝ သိသာသည်။

လုရွှမ်ရဲ့ လှုပ်ရှားပုံတွေကို လူကြီးမင်းဟော်ရှန်း နားလည်သလို တချို့တွေကတော့ နားမလည်ကြပေ။ ၎င်းသည် လှုပ်ရှားမှုစည်းချက် ပြောင်းလဲမှုတစ်ခု ဖြစ်ရုံသာမက လုံးဝခြားနားသော နယ်ပယ်တစ်ခုလည်း ဖြစ်​ပေသည်။

ထိုထူးခြားသော နယ်ပယ် ဟူသည်မှာ အရိပ်အယောင် အနည်းငယ်သာ ရှိသေးသော်လည်း အလားအလာရှိသော အနာဂတ်တစ်ခု ဖြစ်သည်။ ခဏလောက် ကြာတော့ လူကြီးမင်းဟော်ရှန်းက လုရွှမ်ကို သူ့ဂိုဏ်းထဲ ခေါ်သွင်းဖို့ ပြင်းပြတဲ့ စိတ်ကူးစိတ်သန်းတွေ ရှိ​နေပြီး စိမ်းပြာကောင်းကင်ဂိုဏ်းနဲ့ မိတ်ဆက်ပေးပြီး ဂိုဏ်းရဲ့ ဒဏ္ဍာရီကို ဖန်တီးစေလိုလာသည်။

သူသဘောမတူရင်လား? ဟမ့် သူတော်စင်နယ်ပယ်မှာသာ ရှိတဲ့ အငယ်တန်းက ဒီလောက်မောက်မာနေဖို့ သတ္တိမရှိနိုင်ပါဘူးလေ။

ရုတ်တရက် လူကြီးမင်းဟော်ရှန်းသည် မိမိဘာသာ နားလည်မှုဖြင့် ပြုံးပြီး ခေါင်းယမ်းလိုက်သည်။ သူသည် စိမ်းပြာကောင်းကင်ဂိုဏ်းမှ ပြန်လာသောအခါ အရာအားလုံးကို စွန့်လွှတ်ရန် ရွေးချယ်ခဲ့တာ မဟုတ်လား? သူ၏ အမြစ်မရှိတဲ့ ဘုံဘ၀သို့ ပြန်သွားရန် မလိုတော့ပေ။ ဘာမှမထူးခြားတဲ့ဘဝ အတွက် ဘာ့ကြောင့် ထပ်ဒုက္ခခံနေရမှာလဲ။

ဒါ့အပြင်မိမိက သူ့ကို ဘာများ တကယ်သင်ပေးနိုင်မှာလဲ?

ကံကောင်းထောက်မစွာနဲ့ လူကြီးမင်းဟော်ရှန်းဟာ ဒီအကြံအစည်ကို နောက်ဆုံးမှာ စွန့်လွှတ်လိုက်ရ၏။ မဟုတ်ရင် သူတို့နှစ်ဦးဟာ ဆိုးရွားတဲ့ စကားလုံးတွေနဲ့ လမ်းခွဲကြရမှာ သေချာပါသည်။

စိတ်အားထက်သန်မှုက လူတွေကို နောင်တရစေတယ်၊ ​​လောဘက လူတွေကို သေစေတယ်!

လူကြီးမင်းဟော်ရှန်း အလင်း မျက်နှာပြင်ကို တဖန်ကြည့်ရှု လိုက်သောအခါတွင် ပါရမီရှင် အများစုမှာ ခွန်အားတွေ တိုးမြင့်လာတာကို တွေ့ရှိခဲ့ရပြီး ဆန့်ကျင်ဘက်ခြမ်းရှိ အလင်းတန်းများသည် တစ်ကြိမ်သာ တိုးတက် ပြောင်းလဲလာတာကို တွေ့ရ၏။

ပါရမီရှင်များ အလွန် စိတ်လှုပ်ရှားလာကြကာ သူတို့မျက်နှာပေါ်ရှိ မာန်မာနကို အလင်းမျက်နှာပြင်မှ တစ်ဆင့် မြင်တွေ့နိုင်၏။ အလင်းလူသားသည် သူ၏စွမ်းရည်များကို ပြသခဲ့ပြီး လူအားလုံးကို တစ်ရှိန်ထိုး အနိုင်ယူကာ နောက်ဆုံးအခက်အခဲကို ကျော်ဖြတ်လာခဲ့သည်။

"ကိန်းဂဏန်းတွေကို ကြည့်လိုက်!"

အလင်း မျက်နှာ​ပြင်ပေါ်တွင် လူ ၂၀၀ ကျော် ရှိနေသော်လည်း လူတိုင်းကို ဂရုမစိုက်နိုင်စွာ ကျဆင်းနေဆဲ ဖြစ်လေသည်။ အရှိန်က အလွန်နှေးပေမယ့် ရှုံးနိမ့်သွားပါက သေခြင်းဆီကို ဆိုက်ဆိုက်မြိုက်မြိုက် ရောက်သွားမှာပဲ အသေအချာပါပဲ။

မြို့သခင်စံအိမ်၏ တံခါးရှေ့တွင်တော့ လူများ ပိုများလာသည်။ စစ်ဆေးမှုကို စိန်ခေါ်လိုသူက အဆက်မပြတ် ကျဆင်းလာသော်လည်း တိုက်ပွဲကို ကြည့်ရှုရန် လာရောက်သူ ဦးရေ အရေအတွက်ကတော့ လျင်မြန်စွာ တိုးများလာ​နေသည်။

လူတွေက အလင်း မျက်နှာပြင်ပေါ်မှ လူသတ်လှုပ်ရှားမှုကို ကြည့်နေကြပြီး တခြား မိတ်ဆွေတွေကိုပါ ဆက်သွယ်၍ ခေါ်လာကြသည်။

စစ်ဆေးမှုကို ကျော်ဖြတ်နေသော ပါရမီရှင်တို့သည် ၎င်းတို့၏ စစ်ဆေးမှုကို ဖောက်ထွင်း ဝင်ရောက်သည့် လုပ်ငန်းစဉ် တစ်ခုလုံးကို တိုက်ရိုက်​ပြသနေမှန်း မသိခဲ့ကြပေ။

၎င်းတို့အသက်ကို ကယ်တင်ရန် အတွက် လူသတ်သမား၏ လှုပ်ရှားမှုများ၊ လက်နက်များနှင့် လျှို့ဝှက်နည်းလမ်းများ အားလုံးကို ထုတ်ဖော်လာရာ လူတိုင်း စွဲမက်စွာ ကြည့်ရှုခဲ့ကြသည်။

တူညီတဲ့ အဆင့်က လူတွေကတော့ တချို့သိုင်းကွက်တွေကို ကြည့်ရင်း နားမလည်နိုင်ဆုံး ဖြစ်နေကြသည်။ သူတို့ဒါကိုသာ မြင်ခွင့်မရခဲ့ရင် ရှိမှန်းတောင် မသိလောက်ချေ။ အခု မြင်လိုက်ရတဲ့အခါ အံ့သြတုန်လှုပ် သွားကြသည်။ သူတို့ကို ပါရမီရှင်တွေလို့ ဘာကြောင့် ခေါ်ကြလဲ သူတို့နားလည်လာခဲ့သည်။

သူတော်စင်အဆင့် သို့မဟုတ် ထိုထက်နိမ့်သော အစွမ်းသတ္တိ ရှိသူများသည် လျင်မြန်သော ဉာဏ်ပညာရှိကြရာ ပါရမီရှင်တို့ရဲ့ လျှို့ဝှက်ချက်များကို လျှို့ဝှက်စွာဖြင့် လျင်မြန်စွာ လေ့လာနိုင်သောကြောင့် အလွန်ပျော်ရွှင် နေကြတော့သည်။

ဂိုဏ်းဂဏအားလုံးနှင့် ဆွေတော်မျိုးတော် မိသားစုများမှ ကောင်းကင်ဘုံသခင်များသည် တိတ်တဆိတ် စိတ်မချမ်းသာ သွားသော်လည်း ဘာမှ မပြောဝံ့ကြချေ။ တစ်ချိန်တည်းမှာပင် သူသည် တခြားဂိုဏ်းများနှင့် မိသားစုများ၏ သိုင်းကျမ်းများကိုပါ အတတ်နိုင်ဆုံး ခိုးယူရန် ကြိုးစားလာခဲ့၏။

လူတိုင်းရဲ့ တုံ့ပြန်မှုကိုမြင်လျှင် လူကြီးမင်းဟော်ရှန်းမှာ မတတ်နိုင်ဘဲ တိတ်တဆိတ်သာ ခေါင်းညိတ်ပြလိုက်ရသည်။ တကယ်တော့ ဒီအကြောင်းကို သူတွေးထားပြီးသား ဖြစ်ပြီး သူက တမင်လုပ်လိုက်တာလို့လည်း ပြောလို့ရပါသည်။

ရှေး​ဟောင်းလျှပ်စီးကမ္ဘာကို အနီးနားရှိ ကမ္ဘာငယ်လေး​ကြားတွင် ကိုယ်ခံပညာ ချမ်းသာကြွယ်ဝသည့် ကမ္ဘာငယ်လေးတစ်ခုဟု ယူဆသော်လည်း ရှေးဟောင်း လျှပ်စီးကမ္ဘာမှ ထွက်ခွာသွားပြီး ဝမ့်ကျစ်ကမ္ဘာကို ရောက်သွားပြီးနောက်တွင် သူသည် ရေတွင်းအောက်ခြေင ဖားတစ်ကောင်မျှသာဖြစ်ကြောင်း သိလာခဲ့ရသည်။ သူမြင်လိုက်ရသမျှက ကောင်းကင်နှင့် မြေကြီး၏ အပိုင်းအစ တစ်ခုမျှသာ ဖြစ်ခဲ့၏။

ပြင်ပကမ္ဘာကြီးသည် အလွန်ကြီးမားပြီး အပြင်ဘက်ကမ္ဘာက ကိုယ်ခံပညာသည်လည်း အလွန်ကြီးမားလှသည်။ ​ရှေးဟောင်း လျှပ်စီးကမ္ဘာတွင် ရှားပါးသိုင်းပညာဟု ခေါ်သော ဂိုဏ်းပေါင်းစုံ၏ လျှို့ဝှက်နည်းလမ်းများနှင့် နည်းစနစ်များက ပမွှားလေးပဲ ရှိပါသေးသည်။

ဆန့်ကျင်ဘက် အနေနှင့် ပါရမီရှင်များစွာသည် ၎င်းတို့၏ အရည်အချင်းများကို ဖြုန်းတီးကာ နိမ့်ကျသော ရလဒ်များကိုသာ ရရှိခဲ့ကြသည်။ ဤတစ်ကြိမ်တွင် သူသည် တပည့်များကို လက်ခံလိုသောကြောင့် အခြေအနေကို ပိုကြီးသွားစေပြီး ဤဂိုဏ်းခွဲမိသားစုများကို သွေးသွန်ပစ်ရန် စီစဉ်ခဲ့သည်။

လူကြီးမင်းဟော်ရှန်း ဘာတွေတွေးနေလဲ ဘယ်သူမှ မသိပါဘူး။ ဒီအချိန်မှာ လူတိုင်းက နံပါတ်တစ်ပါရမီရှင် လုရွှမ်ရဲ့ အရည်အချင်းတွေကို ကြည့်ပြီး သူ့ဆီကနေ တစ်ခုခု သင်ယူချင်နေကြ၏။

ဓားကျွမ်းကျင်မှု၊ လက်သီးကျွမ်းကျင်မှု၊ ရုပ်ခန္ဓာနှင့် စိတ်ဝိညာဉ် စွမ်းအားတို့ကို ရှင်းရှင်းလင်းလင်း မြင်နိုင်ရန် လူတို့သည် မျက်လုံးများကို ကျယ်ကျယ် ဖွင့်ထားသော်လည်း လုရွှမ်ရဲ့ လုပ်ဆောင်ပုံတွေက အမှန်တကယ် ရှုပ်ထွေးလွန်းကြောင်း တွေ့ရှိခဲ့ရသည်။

လုရွှမ်ထုတ်သုံးသွားတဲ့ ဓားသိုင်းက ထျန်းဝူကောင်းကင် ဓားကိုးစင်းသိုင်းပဲလို ယောင်ဝါးဝါး မခံစားမိမီ ကောင်းကင်ဘုံသခင်များသည် ဓားကိုးစင်းသိုင်း အကြိမ်ပေါင်းများစွာ ကြည့်ရှုခဲ့ဖူးသည်။ တခြားသူတွေကတော့ ဒါကို ရှင်းရှင်းလင်းလင်း မြင်နိုင်ပေမယ့် လုံးဝမလေ့လာနိုင်ရာ အလွန်အမင်း စိုးရိမ်လာကြ၏။

သို့သော်လည်း သူတို့ကံကြမ္မာကို လက်ခံဖို့ကလွဲလို့ ရွေးစရာလမ်း မရှိတော့ပေ။

ကောင်းကင်မီးလက်ဝါး နှင့် ယွမ်ယန်လက်ဝါးစသည့် လက်ဝါးသိုင်း နှစ်ခုသည် ကောင်းကင်ဘုံသခင်ပင် နားမလည်နိုင်ပေ။ အမွေဆက်ခံထားခြင်း လုံးဝမရှိသည့်အပြင် အဓိပ္ပာယ် အစစ်အမှန်ကိုလည်း မမြင်နိုင်ကြချေ။

ကိုယ်ခန္ဓာနှင့် စိတ်ဝိညာဉ် စွမ်းအားကလည်း တန်ခိုးကြီးပြန်ရာ သူတို့ သင်ယူနိုင်သည့်အရာ၏ မျက်နှာပြင်ကိုပင် မခြစ်မိကြောင်း တွေ့ရှိလာကြသည်။

တစ်ဘက်တွင်ရှိ တခြားဂိုဏ်းများနှင့် မင်းမျိုးမင်းနွယ်များမှ ဉာဏ်ကြီးရှင်များ၏ ကျွမ်းကျင်မှုများသည် လူအများ၏ မျက်လုံးများကို ပွင့်သွားစေပြီး တိတ်တဆိတ် သင်ယူရန် အခွင့်အရေး ရသွားလေ၏။

ယွင်ယင်သည်လည်း လုရွှမ်ကို ခဏလောက်အထိ စောင့်ကြည့်နေခဲ့သည်။ ထျန်းဝူကောင်းကင် ဓားကိုးစင်းသိုင်းနှင့် ခပ်ဆင်ဆင် တူသော ဓားလှုပ်ရှားမှုမှလွဲ၍ သူဘယ်လောက် အစွမ်းထက်ကြောင်း၊ ဘယ်လောက် လျှို့ဝှက်ဆန်းကြယ်ကြောင်း မပြောနိုင်ပေ။

လေပြင်းလက်ဝါး နှင့် နဂါးဆင်ရွှေလက်ဝါး ကဲ့သို့သော သိုင်းကွက် အနည်းငယ် ရှိသော်လည်း လုရွှမ်ပင် ၎င်းတို့ကို ဂရုမစိုက်ဘဲ သင်ယူခဲ့ခြင်းသည် အကျိုးသက်ရောက်မှု သိက်မရှိသည်မှာ ထင်ရှားပါသည်။

ထျန်းယိဂိုဏ်းမှ ဂိုဏ်းချုပ်လေး ယင်ထျန်းသည် အလင်းလူအား လက်သီးတစ်ချက်ဖြင့် နောက်ပြန် ခေါက်လိုက်ပြီး အလင်းလူသားရဲ့ ခွန်အားများ ထပ်မံတိုးလာတာကို စောင့်ကြည့်ခဲ့သည်။ သူက ကျယ်လောင်စွာ အော်ဟစ်ကာ ပြင်းထန်စွာ ကန်ထုတ်လိုက်ပြီး ထောင်ပေါင်းများစွာသော အလင်းများနှင့် အရိပ်များကို ထုတ်ပစ်လိုက်သည်။