မီးလျှံမြေခွေး

"လုရွှမ်... ပိုင်ထျန်းရှန် ရောက်လာတဲ့ ပစ်မှတ်ဟာ ကမ္ဘာ့မီးတောက် မဟုတ်ဘူးလို့ ငါထင်တယ်"

အောင့်ယွဲ့က အဝေးကို ပျံသန်းပြီးနောက် ပြောလိုက်သည်။

လုရွှမ်က ပြုံးပြီး

"ဟုတ်တယ် ငါလည်း သူ့အမူအရာတွေကို စိုက်ကြည့်နေတာ... သူက ကမ္ဘာ့မီးကို လုံးဝ ဂရုမစိုက်ဘူး ဒီလိုလူတွေက လိမ်တတ်တယ် သူ့မျက်လုံးတွေက အတုလုပ်နိုင်ပေမယ့် ခန္ဓာကိုယ်ရဲ့ တုံ့ပြန်မှုက လှည့်စားလို့ မရဘူး"

"သူ့မှာ ပိုကြီးတဲ့ ရည်ရွယ်ချက်တစ်ခု ရှိ​နေနိုင်တယ်!"

အောင့်ယွဲ့ရဲ့ မျက်လုံးများက မှေးမှိန်သွားကာ။

"ဒါက မီးနတ်ပုတီးစေ့ ဖြစ်နိုင်လား? ဒါဆို ငါတို့..."

"ရတနာက သီလရှိသူအတွက်ပဲ!"

လုရွှမ် လေးလေးနက်နက် ပြောလိုက်တော့ မိန်းကလေးတွေလည်း ပြုံးလိုက်ကြသည်။

အပြင်ဘက်နှင့် နှိုင်းယှဉ်ပါက ဤနေရာက အပူချိန်မှာ အနည်းငယ် အေး​မြနေပြီး ခံနိုင်ရည်ရှိရန် နှစ်တစ်သောင်း အနက်ရောင် ရေခဲပုံများ မလိုအပ်တော့ပေ။ ဒါက ဖော်မပြနိုင်လောက်အောင် ထူးဆန်းပေ၏။

ကျားဖြူလေးကိုလည်း လွှတ်ပေးထားပြီး သူမက ဒီနေရာကို စူးစမ်းချင်စိတ် ပြင်းပြစွာနဲ့ လှည့်ပတ်ကြည့်နေသည်။

အချိန်အတော်ကြာ ပျံသန်းပြီးနောက်တွင် ဤနေရာသည် ထင်ထားတာထက် အများကြီး ပိုကြီးမားကြောင်း လူတိုင်း တွေ့ရှိခဲ့ကြသည်။

"ဟေး ဟိုကိုကြည့်လိက်!" အောင်ရှင်း ရုတ်တရက် အော်လိုက်ပြီး ကျောက်တုံးတစ်ခုကို ညွှန်ပြလိုက်သည်။

အားလုံးက သူ့မျက်လုံးတွေ​နောက်ကို လိုက်ကြည့်လိုက်တော့ မီးတောက်နေတဲ့ အနီရောင် မြေခွေးတစ်ကောင် ဖြစ်သွားတာကို တွေ့လိုက်ရသည်။ သူမက အလွန်ပဲ ချစ်ဖို့ကောင်းသည်။ သူမ၏ နီရဲနေသော အမွေးအမှင်များဖြင့် နီရဲနေသော မျက်လုံးကြီးများဖြင့် သူမကို နားမလည်နိုင်လောက်အောင် ရယ်စရာကောင်းသော ခံစားချက်ကို ပေးစွမ်း​နေသည်။

နှာတံလေးသည် တစ်ခုခုကို စုပ်နေသကဲ့သို့ အနည်းငယ် လှုပ်သွားသည်။

လုရွှမ် မနေနိုင်ဘဲ နေမင်းမျက်လုံးကို အသက်သွင်းကာ မြေခွေးလေးကို ကြည့်လိုက်သည်။ ထိုအခိုက် အနီ​ရောင်ဖျော့ဖျော့ မီးအဆိပ်အတောက်တွေ မြေခွေးရဲ့ နှာခေါင်းထဲကို စိမ့်ဝင်နေတာ တွေ့ရကာ မြေခွေးရဲ့ပုံစံအရ အရမ်းအရသာ ရှိလှပုံပင်။

လူအုပ်ဘက်ကို ကြည့်လိုက်တဲ့အခိုက် မြေခွေးလေးဟာ ကြောက်ရွံ့မှု နည်းနည်းလေးမှ မ​ပြဘဲ နှစ်ကြိမ်တိတိ ဟောင်လိုက်သေးသည်။

"အရမ်းချစ်စရာကောင်းတာပဲ!"

နတ်သမီးအောင့်ယွဲ့က ရုတ်တရက် အော်လိုက်ပြီး သူမလက်ကိုဖွင့်ကာ ပွေ့ဖက်လိုသော ဟန်ဖြင့် မြေခွေးလေးဆီသို့ ဂရုတစိုက် လျှောက်လာခဲ့သည်။

မြေခွေးလေးသည် နှစ်ကြိမ်တိုင်တိုင် ​ငြီးလိုက်သော်လည်း ထွက်မပြေးသွားပေ။ နတ်သမီးအောင့်ယွဲ့ရဲ့ လက်ဖဝါးထဲသို့ တိုက်ရိုက် ခုန်ဆင်းကာ သူမ လက်ဖဝါးကိုပင် နမ်းလိုက်တာကြောင့် အောင့်ယွဲ့ တခစ်ခစ် ရယ်မောလိုက်လေသည်။

မြေခွေးလေးက သူမစကားများကို အမှန်တကယ် နားထောင်လိမ့်မည်ဟု သူမကိုယ်တိုင်လည်း မမျှော်လင့်ခဲ့ပေ။ မြေခွေးလေးမှာ သူတော်စင်နယ်ပယ် ကျင့်ကြံမှုရှိပေမယ့် သူမဟာ ဥာဏ်ပညာ ရှိနေပါပြီ။ သူမဟာ မြေခွေးမျိုးနွယ်ဝင် ဖြစ်နေဆဲဖြစ်ပြီး အလွန်လည်း ထက်မြက်သည်။

"ငါနင့်ကို ဟုန်ဟုန်လို့ ခေါ်မယ်နော်"

အောင့်ယွဲ့က ပြုံးပြီး မြေခွေးရဲ့ နဖူးကို လက်ညိုးနဲ့ တို့လိုက်သည်။ မြေခွေးလေးသည် အလွန်နာခံမှုဖြင့် နှစ်ကြိမ်တိုင်တိုင် စူးစူးဝါးဝါး အော်ခေါ်ကာ နတ်သမီးအောင့်ယွဲ့ ရင်ခွင်ထဲ တိုးဝင်လိုက်သည်။

လုရွှမ်ကတော့ မျက်မှောင်ကြုတ်လျက် သံသယစိတ်ဖြင့် မြေခွေးလေးကို စိုက်ကြည့်နေသည်။

အောင့်ယွဲ့ဟာ သူမရဲ့ မိသားစု နောက်ခံကြောင့် သူမနှင့် သူမ၏အဖွဲ့အပေါ် အလွန်ကြင်နာတတ်သော်လည်း အပြင်လူများ သူမ အပေါ်တွင် ဘယ်သောအခါမှ အရေခြုံထားတာမျိုး မခံရပေ။

သူမရဲ့ စိတ်နေစိတ်ထားက အေးစက်မှု အရိပ်အမြွက်တစ်ခု ရှိသည်။ ဒါက ကျင့်ကြံခြင်းလောကရှိ အမျိုးသမီးများတွင် အဖြစ်များသော ပြဿနာတစ်ခု ဖြစ်သည်။ ၎င်းတို့သည် ခပ်ခွာခွာနေတတ်​ကြ၏။ အောင့်ယွဲ့နဲ့ ယှဉ်ရင် မြေခွေးငယ်လေးက နတ်သမီးကျင်းဟုန်ကို ပိုနှစ်သက်မယ်လို့ လုရွှမ် ယုံကြည်ခဲ့လေသည်။

သစ်သားဒြပ်စင် နတ်ပုတီးစေ့၏ အာဟာရအောက်တွင် ကျင်းဟုန်၏ သဘာဝရောင်ဝါသည် ပတ်ဝန်းကျင်ရှိ တိရစ္ဆာန်များနှင့် အလွန်ဖော်ရွေလွယ်သည်။ သို့သော် မြေခွေးလေးက သူမကို ငြင်းပယ်ပြီး အောင့်ယွဲ့ရဲ့ ရင်ခွင်ထဲကိုပဲ ပြေးဝင်သွားခဲ့၏။

တခြားသူများ မသိသော်လည်း လုရွှမ်သည် နေမင်းမျက်လုံးဖြင့် ပြတ်ပြတ်သားသား မြင်နိုင်သည်။ မြေခွေးငယ်၏ မျက်လုံးများသည် လူးလိမ့်နေပြီး အမျိုးသမီး သုံးဦးကို ကြည့်ကာ သူ သေချာစွာ တွေးနေမိသည်။

အောင့်ယွဲ့ကို ရွေးချယ်လိုက်ခြင်းက သေချာစဉ်းစားခြင်းရဲ့ ရလဒ်ဖြစ်နိုင်သည်။

ငါးမျှားချင်တဲ့ အရာတစ်ခု ရှိနေလိမ့်မည်။

လုရွှမ် ဒါကို မထောက်ပြခဲ့ပါဘူး။ ဘာပဲဖြစ်ဖြစ် သူတော်စင်နယ်ပယ်က မြေခွေးတစ်ကောင်ပဲလေ။ အောင့်ယွဲ့က ကျင်းဟုန်မဟုတ်ပေ။ သူမက လိမ္မာပါးနပ်သည်။ မြေခွေးက လှည့်ကွက်တချို့ရှိရင်တောင် သူ့ကိုတော့ မကျော်နိုင်ဘူးလေ။

လုရွှမ်သည် မြေခွေးငယ်လေးနှင့် ဆက်စပ်နေသော ဝိညာဉ်ရေးရာ အတွေးအမြင်ကို သဘာဝအတိုင်း ချန်ထားခဲ့လေသည်။

အောင့်ယွဲ့ကတော့ ထိုအကောင်လေးကို သဘောကျတာကြောင့် အရယ်မရပ်တော့ပေ။

"သတိထား!"

လုရွှမ် သူ့နှလုံးသားထဲတွင် ရုတ်ချည်းသတိပေးချက် တစ်ခုကို ခံစားလိုက်ရပြီး မိန်းကလေး သုံးယောက်ကို တားရန် သူ့လက်ဖဝါး စွမ်းအင်များကို ထုတ်လွှတ်လိုက်သည်။

နောက်အခိုက်အတန့်တွင် အလွန်ပူပြင်းသော အပြာရောင် မီးတောက်တစ်ခု သူတို့ရှေ့ မီတာဝက်မှ ထွက်လာသည်။ သူတို့ နောက်ထပ် မိနစ်ဝက်လောက်သာ လျှောက်သွားမိခဲ့ရင် မီးတောက်ထဲမှာ ပိတ်မိနေလိမ့်မည်။

ထို​မီးတောက်ရဲ့ စွမ်းအားကို ခံစားလိုက်ရတော့ လုရွှမ် သူ့နှလုံးသားထဲ ကြောက်ရွံ့မှုတစ်ခုကို ခံစားလိုက်ရသည်။ ထိုမီးတောက်သည် ထူးဆန်းမီး​တောက် ဖြစ်ပြီး ဤနေရာ၌ ကမ္ဘာမီး​တောက် ဖြစ်ရမယ်ဆိုတာ သံသယ ဝင်စရာပင် မလိုချေ။

မီးတောက်ဟာ စတုတ္ထအဆင့် အထက်မှာ ရှိနေတာ သေချာ၏။ စွမ်းအားသည် ကောင်းကင်အရိပ်ဂိုဏ်းက ဂိုဏ်းချုပ်ရဲ့ ယန်စွမ်းအင်ကောင်းကင် မီးတောက်ဟာ အဆင့်၅ ထူးဆန်းမီးတောက် ဖြစ်ပေမယ့် သူရှေ့က မီးနဲ့ ယှဉ်ရင် နည်းနည်းတော့ အားနည်းနေသေးသည်။

နှစ်သောင်းချီရေခဲ ရှိနေလို့ သူတို့ ချက်ချင်းပင် မီးလောင် သေဆုံးသွားလိမ့်မည် မဟုတ်သော်လည်း အလွန်ရှက်ရွံ့ရပြီး ဖုံးကွယ်ထားရမယ့် ကြီးမားသော အန္တရာယ်များကို ချန်ထားခဲ့မိမှာ သေချာပါ၏။

မိန်းကလေးတွေရဲ့ မျက်နှာတွေ အားလုံးလည်း ဖြူဖျော့သွားခဲ့သည်။ သူတို့အစောက ဘာမှ ထူးထူးခြားခြား မခံစားခဲ့ရဘူးလေ။

"ကျေးဇူးတင်ပါတယ် လုရွှမ်"

အောင့်ယွဲ့က ပြောပြီး သူမက အောင်ရှင်းနဲ့ ကျင်းဟုန်တို့ဘက်ကို ကြည့်လိုက်တော့ သူတို့လည်း တစ်ယောက်ကို တစ်ယောက် အထိတ်တလန့် မျက်လုံးတွေနဲ့ ကြည့်နေတာကို တွေ့လိုက်ရသည်။

လုရွှမ်လည်း အသက်ရှူထုတ်လိုက်ပြီး သူ့ပါးပြင်များပင် အနည်းငယ် တောင့်တင်းလာသလို ခံစားလိုက်ရသည်။

"ထျန်းယိဂိုဏ်းရဲ့ ရွှမ်မင့်ဂန္တဝင်ကိုးပါး ကျမ်းကို ကျေးဇူးတင်ရမှာပဲ....ငါအစောတုန်းက အန္တရာယ်ကြီး တစ်ခုနဲ့ ကြုံတွေ့ရတော့မယ် ဆိုပြီး မရေရာတဲ့ အတွေးတစ်မျိုး ဝင်လာခဲ့တာ ထူးဆန်းတဲ့ မီးတောက်တစ်ခု ဖြစ်နေမယ်လို့ မထင်ထားဘူး.."

"တကယ် ကြောက်စရာကောင်းတယ်"

မိန်းကလေးများ အားလုံး ခံစားချက်မဲ့စွာ သက်ပြင်းချလိုက်ကြသည်။

နောက်ခရီးတွင် မိန်းကလေးများသည် ပို၍သတိထား လာကြသည်။ အောင့်ယွဲ့လည်း မြေခွေးလေးကို ရင်ခွင်ထဲတွင် ဆုပ်ကိုင်ထား၏။ ဒီနေရာက လူသေဆုံးမှု မြင့်မားသော ကမ္ဘာ့မီးနယ်မြေရဲ့ အဓိက ဧရိယာ ဖြစ်သောကြောင့် ပေါ့လျော့နေရမယ့် နေရာမရှိချေ။

မြေခွေးလေးက လုရွှမ်ကို တစ်ချက်ကြည့်လိုက်သည်။

နောက်တစ်ကြိမ်တွင် သူတို့ ရုတ်တရက် မီးတောက်ပေါင်း များစွာကို ရှောင်တိမ်းရပြန်သည်။ မြေခွေးလေးသည် လုရွှမ်ရဲ့ လက်များထဲသို့ ရုတ်တရက် ခုန်ဝင်လာပြီး နှစ်ကြိမ်တိုင်တိုင် အော်ဟစ်လိုက်ရာ အောင့်ယွဲ့က ဒေါသတကြီး ပြောလာတော့သည်။

"နင်က မျက်လုံးဖြူဝံပုလွေပဲ တန်ခိုးကြီးတဲ့ သူကိုတွေ့တော့ ပြေးဖက်ပြီပေါ့!!"

မြေခွေးလေးက နှစ်ကြိမ် ထပ်ဟောင်ပြီးနောက် ခေါင်းယမ်းကာ အောင့်ယွဲဲ့ရဲ့ လက်များဆီသို့ ပြန်ပြေးသွားကာ ​ငြီးဆိုခြင်းကို ရပ်လိုက်ပြီး ၎င်း၏အမြီးကြီးအား ဖြန့်ကာ အော်ဟစ်နေရင်း အိပ်ပျော်သွားတော့သည်။

လူတိုင်းလည်း တစ်ယောက်ကို တစ်ယောက် ကြည့်လိုက်သလို လုရွှမ်လည်း အံ့သြမဆုံး ဖြစ်သွားသည်။

"ဒီမြေခွေးလေး ငါတို့နဲ့ ဆက်သွယ် ချင်နေတာလား? မင်းတို့ နားလည်လား"

ကျားဖြူလေးတောင်မှ ဝိညာဉ်အတွေးတွေ သုံးပြီး လုရွှမ်နဲ့ ဆက်သွယ် ပြောဆိုနိုင်ခဲ့သည်။ လုရွှမ် မြေခွေးလေးရဲ့ အော်ဟစ်သံထဲမှာ ဝိညာဉ်အတွေးတွေရဲ့ သဲလွန်စကို ခံစားခဲ့ရပေမယ့် သူလုံးဝ နားမလည်နိုင်ခဲ့ပေ။

နတ်သမီးကျင်းဟုန်က ရုတ်တရက် ပြောလာခဲ့သည်။

"မြေခွေးလေး ဘာပြောနေလဲ ကျွန်မ ​နားမလည်ဘူး ဒါပေမဲ့ တိရစ္ဆာန်တွေ အများကြီး ကျွန်မတို့ကို တိတ်တဆိတ် စောင့်ကြည့်နေသလိုတော့ ခံစား​နေရတယ်"

လုရွှမ် ထိတ်လန့် တုန်လှုပ်သွားသည်။ သူ့ရဲ့ စိတ်ဝိညာဉ် စွမ်းအားများ ခုန်ထွက်လာသော်လည်း အနီးနား ဆယ်မီတာခန့်ကိုသာ ဖုံးလွှမ်းနိုင်ကာ အရိပ်အာဝါသ ပိုဝေးသွားတာနဲ့ သူ လုံးဝ အာရုံမခံနိုင်​တော့ပေ။

"ဘယ်အချိန်ကတည်းက ငါတို့ ဒီလောက် အဝေးကြီးကို ရောက်လာတာလဲ?"

လုရွှမ်မှ မေးလိုက်သည်။

မိန်းကလေး သုံးယောက်က တညီတညွတ်တည်း ခေါင်းယမ်းလိုက်ကြပြီး ကျားဖြူဖြူလေးကလည်း နားမလည်ကြောင်း ညွှန်ပြရန် နှစ်ကြိမ် ညည်းတွားလိုက်သည်။

"ငါတို့ အခင်းအကျင်း တစ်ခုထဲကို ကျသွားတာများလား?"

အောင့်ယွဲ့က ကူကယ်ရာမဲ့စွာ အခင်းအကျင်း ဖွဲ့စည်းမှုထဲကို ကျသွားတဲ့ အချိန်ကို ပြန်သတိရမိအောင် မေးလိုက်သည်။

လုရွှမ်က ခေါင်းခါလိုက်ပြီး

"မဖြစ်နိုင်ဘူး... ငါ့မှာ နေမျက်လုံးအစစ် ရှိတယ်... ဒီမှာ ဘာထူးခြားမှုမှ မတွေ့မိဘူး။ နည်းနည်းလေး ကွာခြားမှု ရှိရင်တော့ သိမှာပဲ... ဧကန္တ ငါတို့ အရင်က အကြိမ်ပေါင်းများစွာ ရှောင်ခဲ့တဲ့ ကမ္ဘာ့မီးတောက်များ ဖြစ်နိုင်မလား?"

“ကမ္ဘာ့မီးတောက်က ငါတို့ရဲ့ အနေအထားကို ပြောင်းလဲပစ်တာလို့ ပြောနေတာလား”

အောင်ရှင်းက အော်လိုက်သည်။။ သူတို့ နဂါးမျိုးနွယ်က ထူးဆန်းတဲ့ မီး​တောက်ကို အကြောက်ဆုံးပဲလေ။

"ငါ ကောင်းကင်ကို ပျံသန်းပြီး ကြည့်လိုက်မယ်!"

လုရွှမ် ကောင်းကင်ကို ပျံတက်သွားပေမယ့် မိန်းက​လေးတွေရဲ့ မျက်လုံးတွေထဲမှာတော့ ထိတ်လန့်နေတဲ့ အကြည့်တွေကို သတိထားမိလိုက်၏။