ချင်းရှန်မြို့

အောင့်ယွဲ့ကလည်း ခေါင်းညိတ်လိုက်သည်။ လုရွှမ် ပြောတာမှန်တယ်ဆိုတာ သူမ သိသလို သူမပြန်သွားရင်လည်း နည်းနည်းလေးမှ သက်ရောက်မှုရှိမှာ မဟုတ်ပါဘူး။ ပါရမီက အနာဂတ်ကို အမြဲကိုယ်စားပြုပြီး ခွန်အားကတော့ လက်ရှိ ပစ္စုပ္ပန်ကို အဆုံးအဖြတ် ပေး​လေသည်။

"မြေဒြပ်စင် နတ်ပုတီးစေ့ကို သွားရှာရအောင်!"

"ဟုတ်တယ်... မြေဒြပ်စင် နတ်ပုတီးစေ့ကို သွားရှာရအောင်!"

သစ်သားဒြပ်စင်၊ ရေဒြပ်စင် နှင့် ယခု မီးဒြပ်စင် နတ်ပုတီးစေ့များ အချင်းချင်း ဖြည့်သွင်းခြင်းဖြင့် အောင့်ယွဲ့သည် မြေဒြပ်စင် နတ်ပုတီးစေ့ရဲ့ လှုံ့ဆော်မှုကို ပိုမိုရှင်းလင်းစွာ ခံစားလာရသည်။

သို့သော် သူမမျက်ခုံးတွေက တဖြည်းဖြည်း တွန့်ချိုးလာသည်။

"အောင့်ယွဲ့ ဘာဖြစ်နေတာလဲ? မင်းတစ်ခုခု တွေ့ပြီလား"

"ငါ အဲဒါကို မတွေ့​သေးဘူး" အောင့်ယွဲ့က ရှိုက်ကြီးတငင် ပြုံးပြီး

"မြေဒြပ်စင် နတ်ပုတီးစေ့က သူ့ရဲ့ အနေအထားကို အဆက်မပြတ် ပြောင်းလဲနေတယ်လို့ ခံစား​နေရတယ်"

စကားလုံးများ ထွက်လာသည်နှင့် တပြိုင်နက် လူတိုင်းလည်း အမူအရာများသည်လည်း ပြောင်းလဲသွားခဲ့သည်။

မြေဒြပ်စင် နတ်ပုတီးစေ့တွင် ဝိညာဉ်တစ်ခု ပါရှိပြီး ယေဘုယျအားဖြင့် ၎င်းသည် အလွယ်တကူ ရွေ့လျားသွားမည် မဟုတ်သော်လည်း သူ့အတွက် အသင့်တော်ဆုံး နေရာမှာတော့ အခြေချနေမှာပဲ ဖြစ်သည်။ ဥပမာအားဖြင့် သစ်သားဒြပ်စင် နတ်ပုတီးစေ့သည် ပင်လယ်ပြာမြို့ရှိ သစ်မာပင်တွင်း၌ ရှိပြီး မီးဒြပ်စင် နတ်ပုတီးစေ့ကတော့ ကမ္ဘာ့မီးနယ်မြေ အလယ်ဗဟိုတွင် ဝှက်ထား​လေသည်။

ယခု မြေဒြပ်စင် နတ်ပုတီးစေ့က အဆက်မပြတ် လမ်းကြောင်း ပြောင်းနေသဖြင့် တစ်စုံတစ်ယောက် ရောက်နှင့်နေပြီလို့ ပြောနေတာပဲ မဟုတ်ပါလား။

"နောက်ထပ် မသဲကွဲသေးဘူးလား... အောင့်ယွဲ့ မြေဒြပ်စင် နတ်ပုတီးစေ့က ဘယ်အရပ်မှာလဲ? ငါတို့ အခုပဲ ထွက်လိုက်ကြရအောင်"

အောင့်ယွဲ့ လေးနက်စွာ ခေါင်းညိတ်ပြပြီး မြောက်ဘက်သို့ ညွှန်ပြလိုက်သည်။ လူတိုင်းလည်း နေရာ​ပြောင်း အစီအရင်ပေါ်သို့ တက်ပြီး မြောက်ဘက်သို့ ဦးတည် ထွက်လာကြသည်။

ရှေးဟောင်း လျှပ်စီးကမ္ဘာကြီးသည် အလွန်ကြီးမားပြီး ကမ္ဘာ့ရတနာ သုံးပါးကို အမှန်တကယ် မွေးဖွားပေးနိုင်ခဲ့သည်။

မန်ဟွမ်နတ်ဘုရားမျှော်စင်၊ ပရမ်းပတာ မိုးကြိုးခေါင်းလောင်းနဲ့ ဒြပ်စင်ငါးပါးနတ်ပုတီးစေ့။

ကောလဟာလ ထွက်နေသော ကမ္ဘာ့ရတနာ သုံးပါးသည် ဝိညာဉ်ကျင့်စဉ်၏ လမ်းညွှန်ချက်သုံးရပ်ကို အတိအကျ ကိုယ်စားပြု​လေသည်။ မန်ဟွမ်နတ်ဘုရားမျှော်စင်က ခမ်းနားမှု​ကို ကိုယ်စားပြုကာ ပရမ်းပတာ မိုးကြိုးခေါင်းလောင်းက အစွမ်းရောက်မှုကို ကိုယ်စားပြုပြီး ဒြပ်စင်ငါးပါး နတ်ပုတီးစေ့က အစအဦးကို ကိုယ်စားပြု​လေသည်။

မန်ဟွမ်နတ်ဘုရားမျှော်စင်သည် ရှေးဟောင်းလျှပ်စီးကမ္ဘာရဲ့ အနှစ်သာရ ပုံစံတစ်ခုဖြစ်သည်။ ၎င်းသည် ရှေးဟောင်းလျှပ်စီးကမ္ဘာရဲ့ ရှုထောင့်အားလုံးကို ကိုယ်စားပြုပြီး ရှေးဟောင်းလျှပ်စီးကမ္ဘာက လူ့ဇာတိ ခံယူလာပုံနှင့်လည်း တူသည်။ မန်ဟွမ်နတ်ဘုရားမျှော်စင် တည်ရှိနေသရွေ့ ရှေးဟောင်း လျှပ်စီးကမ္ဘာကို တခြားသော အင်အားစုများက ခြိမ်းခြောက်နိုင်မည် မဟုတ်ကြောင်း ကောလာဟလများလည်း ရှိခဲ့သည်။

ဒီခြိမ်းခြောက်မှုဟာ ကမ္ဘာငယ်လေးတွေ ကြားက ခြိမ်းခြောက်မှုကို ရည်ညွှန်းပြီး ကျင့်ကြံသူတွေကြားက တိုက်ပွဲတွေနဲ့ မသက်ဆိုင်ချေ။

ပရမ်းပတာ မိုးကြိုးခေါင်းလောင်းက အဆုံးစွန်သော တိုက်ခိုက်မှုကို ကိုယ်စားပြုသည်။ မိုးကြိုးနှင့် လျှပ်စီးတို့သည် ပရမ်းပတာ အရှုပ်အ​ထွေးအဖြစ် မွေးဖွားလာကြတာ ဖြစ်သည်။ ကျင့်ကြံခြင်းလောကမှာ တိုက်ခိုက်မှုဟာ အလွန်အမင်း လွှမ်းမိုးထားသည်။ ၎င်းသည် ကျင့်ကြံသူတွေ အတောင့်တင်းဆုံးနှင့် အစွမ်းထက်ဆုံးလမ်းကြောင်းအတိုင်း ဖြစ်၏။ သန့်စင်သော တိုက်ခိုက်မှုများတွင် ၎င်းသည် မန်ဟွမ်နတ်ဘုရားမျှော်စင်ထက် အဆင့် ပိုမိုမြင့်မားသည်။

ဒြပ်စင်ငါးပါး နတ်ပုတီးစေ့ကတော့ အလွန်ကွဲပြားသည်။ အစောက ကမ္ဘာ့ရတနာနှစ်ပါးနှင့် နှိုင်းယှဉ်ပါက နတ်ပုတီးစေ့ မွေးဖွားလာတာ ကြာမြင့်ခဲ့ပြီ။ ဒြပ်စင်ငါးပါး နတ်ပုတီးစေ့သည် လွန်ခဲ့သောနှစ်ပေါင်း ငါးထောင်ကျော်ကတည်းက မွေးဖွားခဲ့ကာ ကျင့်ကြံသူ ဆိုတာ ကမ္ဘာငယ်လေး အတွက်မူ နို့စို့က​​လေး အရွယ်မျှသာ ဖြစ်​လေသည်။

ဒြပ်စင်ငါးပါးနတ်ပုတီးစေ့သည် ကြီးမြတ်သော အလားအလာရှိပြီး မူလ အကြောင်းတရားနှင့် ကောင်းကင်မြေကြီး၏ တည်ရှိရာကို ကိုယ်စားပြုသော်လည်း တန်ခိုးအရဆိုလျှင် နောက်ကျကျန်နေသေးသည်။

သို့သော် ၎င်းသည် ကမ္ဘာ့ရတနာတစ်ခု ဖြစ်နေဆဲဖြစ်ပြီး မှော်ပညာသည် သာမန် မှော်လက်နက်လို မဟုတ်ပေ။ ၎င်းကို သူတော်စင် လက်နက်များနှင့် နှိုင်းယှဉ်နိုင်သည်။ ကောင်းကင်ဘုံသခင် မပြောနှင့် နတ်မီးနယ်ပယ်က အကြီးအကဲ တစ်ဦးအတွက်ပင် လောကီရတနာကို ပိုင်ဆိုင်ခွင့်ရခြင်းက အလွန်ဂုဏ်ယူဖွယ် ကောင်းနေပြီ။

လောက၌ ရတနာများတွင် နတ်စွမ်းအင် ရှိသည်။ သူတို့၏ အဆင့်များသည် အနိမ့်အမြင့် ရှိသလို ပင်ကိုယ်စွမ်းရည်များမှာလည်း အနိမ့်အမြင့် ရှိ၏။ တချို့သော ကမ္ဘာ့ရတနာများသည် တချို့သော ရတနာများနှင့် နှိုင်းယှဉ်​ကြည့်ရန် အရည်အသွေး မလုံလောက်သော်လည်း ကြီးထွားမှုနှင့် ပတ်သက်လျှင် ၎င်းတို့သည် သာမန်ရတနာများထက် များစွာ အားကောင်းပါ၏။

ကမ္ဘာ့ရတနာ သို့မဟုတ် လောကရတနာ၌ နတ်စွမ်းအင်များ ရှိသောကြောင့် ကျင့်ကြံသူ တစ်ယောက်ကို အသိအမှတ်ပြုရန်မှာ သဘာဝကျကျ အလွန်ခက်ခဲပေသည်။

ယခုမူကား မြေဒြပ်စင် နတ်ပုတီးစေ့သည် ပိုင်ရှင်ရှိနေပြီ ဖြစ်နိုင်သည်။ ဒါကြောင့် သူတို့လေးယောက်၏ နှလုံးသားထဲကို လေးလံသော ဝမ်းနည်းမှု အလွှာကို ဖုံးလွှမ်းသွားခဲ့သည်။

ကမ္ဘာ့ရတနာမှာ နတ်ဝိညာဥ် ရှိ၍ မြေဒြပ်စင်မှ အသိအမှတ်ပြုထားသော ပိုင်ရှင်ကို သတ်လိုက်ကာ ထိုသူက ဘယ်လောက်ပဲ ထက်မြက်နေပါစေ ကမ္ဘာ့ရတနာရဲ့ အသိအမှတ်ပြုမှုကို မရနိုင်ပေ။

အားလုံးက စိတ်ထဲမှာ စိတ်ပူနေကြရာ လမ်းတလျှောက် စကား သိပ်မပြော​ဖြစ်ကြချေ။ နတ်သမီးအောင့်ယွဲ့ရဲ့ ညွန်​ပြချက်ကြောင့် သူတို့အားလုံး မြောက်ဘက်ကို အပြေးထွက်လာခဲ့သည်။

တစ်နေ့တွင် မြို့တစ်မြို့သို့ ရောက်ပြီးနောက် အောင့်ယွဲ့က နေရာပြောင်း အစီအရင်ကို ရပ်လိုက်ပြီး

"မြေဒြပ်စင် နတ်ပုတီးစေ့က ငါ့စိတ်ထဲမှာ ထပ်ပေါ်လာပြီ... ဒီမြို့ထဲကို ရောက်လာပြီဆိုတော့ နတ်ပုတီးစေ့လည်း ဒီအနီးအနားမှာ ရှိနေလောက်တယ်"

နတ်သမီးအောင့်ယွဲ့ရဲ့ မျက်နှာက ထိတ်လန့်မှု အပြည့်ဖြင့်။ သူမသည် မြေဒြပ်စင် နတ်ပုတီးစေ့၏ အရှိန်ကြောင့် သိသိသာသာ ထိတ်လန့်သွားခဲ့သည်။

"အစောက နေရာပြောင်း အစီအရင်ထဲကနေ ထွက်သွားတဲ့ လူတွေထဲမှာ ပါတယ်... အခု ဒီလူအုပ်စုထဲမှာ ရောက်သွားလောက်ပြီ"

သေချာရှင်းပြရန် အချိန်မရှိသဖြင့် နတ်သမီးအောင့်ယွဲ့ဟာ နေရာပြောင်း အစီအရင်ထဲကနေ ထွက်ကာ လူအုပ်ကြီးထဲကို ဂရုတစိုက် ကြည့်ရှုလိုက်သည်။

ဒီမြို့ကို ချင်းရှန်းမြို့လို့ ခေါ်ပြီး တစ်မြို့လုံးက စိမ်းလန်းတဲ့ တောင်ပေါ်မှာ တည်ထားလေသည်။ စိမ်းမြမြ တောင်တန်းများက အလွန်ကျယ်ဝန်း ကြီးမားပြီး အခြေစိုက်စခန်း အထက်တွင် ချင်းရှန်းမြို့ကို တည်ထား၏။ မြို့ကြီးက အဝေးမှ ကြည့်လျှင် ခမ်းနားပြီး သူရဲကောင်းဆန်သည်။

၎င်းသည် အရှေ့တောင်ဘက်၊ အနောက်မြောက်နှင့် အရှေ့ဘက်ကြားရှိ သယ်ယူပို့ဆောင်ရေး ဧရိယာတစ်ခု ဖြစ်သည်။ နေရာပြောင်း အစီအရင်ကိုလည်း ခမ်းနားပြီး အံ့မခန်းပုံစံဖြင့် တည်ဆောက်ထားသည်။ ၎င်းကို တစ်လမ်းလုံး တယ်လီပို့ထားသည်။ ချင်းရှန်းမြို့ရဲ့ နေရာပြောင်း အခင်းအကျင်းဟာ ရန်မြို့ထက် အနည်းငယ် သေးငယ်၏။

လူအများအပြား လာရောက်ကြပြီး သူတော်စင် ယွမ်သလင်းကျောက်များ တလတ်လတ် တောက်ပနေပြီး နေရာပြောင်း အခင်းအကျင်းကလည်း ကျင့်ကြံသူများအား နေရာအသီးသီးသို့ အဖန်ဖန် အထပ်ထပ် ပို့ဆောင်ပေး​နေသည်။

နတ်သမီးအောင့်ယွဲ့က လူတစ်ရာခန့်ရှိသော နေရာပြောင်း အခင်းအကျင်းမှ ထွက်လာသော လူတစ်စုကို အနီးကပ် စိုက်ကြည့်နေသည်။

ကျင့်ကြံမှု အဆင့်တွေက မနိမ့်ကြချေ။ နောက်ဆုံးတွင် နေရာပြောင်း အခင်းအကျင်းသည် သူတော်စင် ယွမ်သလင်းကျောက်ကို စားသုံးထားလို့ ပို့ဆောင်မှုပ အလွန်အားကောင်းနေသေးသည်။ မဟာသူတော်စင် အဆင့်မရှိလျှင် (သို့မဟုတ်) မဟာသူတော်စင် တစ်ယောက်ရဲ့ အကာအကွယ် မရှိပါက အန္တရာယ်သည် အလွန်ဆိုးရွားနိုင်သည်။

"ဘယ်သူလဲ သိလား?" လုရွှမ်မှ မေးလိုက်သည်။

အောင့်ယွဲ့က သူမခေါင်းကို ခါယမ်းလိုက်ပြီး

"ဒါက ဒီလူတွေထဲမှာ မဟုတ်ဘူး ...ဒါမှမဟုတ် ငါလည်း မသိ​တော့ဘူး.. မြေဒြပ်စင် နတ်ပုတီးစေ့က ဒီကို ရောက်လာပြီး ပျောက်သွားတယ်... သူ့ရဲ့ ထွက်သက်ကို ငါ မခံစားနိုင်တော့ဘူး"

အောင့်ယွဲ့၏ မျက်နှာသည် ရှုပ်ထွေးမှုများ ပြည့်နှက်နေပြီး လုံးဝအဓိပ္ပာယ် မရှိသလို ခံစားလာရသည်။ မြေဒြပ်စင် နတ်ပုတီးစေ့သည် ဤကမ္ဘာမှ မထွက်ခွာသရွေ့ သူမ ခံစားနိုင်သင့်သည်။

"စိတ်အေးအေးထားပါ ပြီးရင် ငါတို့ပြန်လာကြည့်ကြတာပေါ့"

လုရွှမ်လည်း နှစ်သိမ့်​ပေးလိုက်သည်။

အောင့်ယွဲ့ အသက်ပြင်းပြင်းရှူပြီး ခေါင်းညိတ်ပြလိုက်သည်။ အောင်ရှင်းက နတ်သမီးကျင်းဟုန်ကို ရေဒြပ်စင် နတ်ပုတီးစေ့နဲ့ စွမ်းအင်ပေးထားပြီး နတ်သမီးကျင်းဟုန်က အောင့်ယွဲ့ကို သစ်သားဒြပ်စင် နတ်ပုတီးစေ့ရဲ့ စွမ်းအားနဲ့ ရစ်ပတ်ပေးထားသည်။

လုရွှမ်ရဲ့ နေမင်းမျက်လုံးများ ပွင့်လာပြီး သူတို့ သုံးယောက်၏ ခန္ဓာကိုယ်ပေါ်တွင် အလင်းအနည်းငယ် စီးဆင်းနေတာကို ယောင်ဝါးဝါး တွေ့မြင်နိုင်သည်။ တန်ခိုးစွမ်းအားက လေးဆထက်မနည်း တိုးမြင့်လာ​​ပြီ။ ဒြပ်စင်ငါးပါး နတ်ပုတီးစေ့များ အားလုံး ပေါင်းစည်းသွားပါက သူ့ရဲ့တန်ခိုး အရှိန်အဝါက ဘယ်လောက် ထိတ်လန့်စရာကောင်းမလဲ တွေးကြည့်နိုင်ပါသည်။

ရုတ်​တရက်​ပင်​ လူတိုင်း ​မြေကြီး လှုပ်​ခတ်သွားတယကို ခံစားလိုက်​ရသည်​။

ချင်းရှန်းမြို့သည် မူလကတည်းက ဤစိမ်းလန်းသောတောင်ပေါ်တွင် တည်ဆောက်ခဲ့ရာ မြေရြီး တုန်ခါသွားသောအခါတွင် အင်အားက ပို၍ပင် အံ့အားသင့်သွားစရာ ကောင်း​ပေသည်။

သတိမထားမိခင် လုရွှမ်ပင် လဲကျလုနီးပါး ဖြစ်သွားကာ လေထဲသို့ လျင်မြန်စွာ ပျံတက်သွားခဲ့သည်။ ပတ်ဝန်းကျင်ကို ကြည့်လိုက်တော့ ခဏအတွင်း ရှုပ်ပွသွားတာကို တွေ့လိုက်ရသည်။

"ဘာတွေဖြစ်နေတာလဲ? ဘာဖြစ်နေတာလဲ?"

လူတိုင်း တုန်လှုပ် ခြောက်ခြားကာ အော်ဟစ်လာကြသည်။

"ချင်းရှန်းမြို့ကို တည်ဆောက်ပြီး နှစ်ပေါင်းထောင်ချီပြီးကတည်းက ငလျင်လှုပ်တာမျိုး တစ်ခါမှမကြုံဖူးပါဘူး..."

ထို​လူတွေရဲ့ မျက်နှာပေါ်မှာ အံ့သြမှုမျိုးစုံနဲ့ တွတ်ထိုး ရေရွတ်နေကြသည်။

ကောင်းကင်မှ အလင်းတန်းတစ်ခု လွင့်ပျံသွားကာ ချင်းရှန်းမြို့ရဲ့ မြို့သခင်ချင်းရှန်း ပေါ်ထွက်လာသည်။ သူက နတ်မီးနယ်ပယ်မှ အကြီးအကဲ တစ်ယောက် ဖြစ်ပြီး ဤနေရာတွင် နှစ်ပေါင်းသုံးရာကျော်ကြာ ထိုင်နေခဲ့သည်။

အောက်ဖက်က ချင်းရှန်းမြို့ရဲ့ လှုပ်ရှားမှုကို ကြည့်လိုက်တော့ သူ့ခမျာ အံ့သြပြီး သံသယတွေလည်း ပြည့်နှက်လာသည်။

"အားလုံး အဆင်ပြေ​ကြလား?"

အဘိုးကြီးချင်းရှန်းက မေးလိုက်သည်။

နတ်မီးနယ်ပယ်က အကြီးအကဲကို တွေ့သောအခါ ကျင့်ကြံသူများသည် အစောက မကျေမနပ် ဖြစ်နေကြသူတွေလည်း တိတ်ဆိတ်သွားကြကာ အဆင်ပြေကြောင်းသာ ပြောလာကြလေ၏။

"ဒီအဘိုးကြီးလည်း ဘာဖြစ်သွားမှန်း မသိဘူး... ထူးဆန်းတယ်"

အချိန်အတော်ကြာ စူးစမ်းလေ့လာပြီးနောက် အားလုံး လူစု​ကွဲသွားကြသည်။

လူအုပ်ထဲတွင် ရောထွေးနေသော လုရွှမ်နှင့် သူ့အဖွဲ့သားများ အားလုံး ထိတ်လန့်သွားကြသည်။ ချင်းရှန်းမြို့ငလျင်သည် သူတို့နှင့် ဆက်စပ်နေကြောင်း ရှင်းရှင်းလင်းလင်း မသိခဲ့ကြပေ။