မြေဒြပ်စင် နတ်ပုတီးစေ့

"စိတ်မပူပါနဲ့ အနည်းဆုံးတော့ မြေဒြပ်စင် နတ်ပုတီးစေ့က ချင်းရှန်းမြို့မှာ ရှိတယ်ဆိုတာ ဆိုလိုတာက ဒီနေရာကို သူရှိနေတဲ့ အထူးနေရာတစ်ခုလို့ ပြောလို့ရတယ်"

မိန်းကလေး သုံးယောက်စလုံး လုရွှမ်ကို ကြည့်လိုက်ကြသည်။ အောင့်ယွဲ့ရဲ့ မျက်လုံးများက ရုတ်တရက် တောက်ပလာပြီး

"ဟုတ်တယ်... ချင်းရှန်းမြို့ကို ကမ္ဘာမြေရဲ့ မြို့တော်လို့လည်း အမြဲခေါ်​ကြတယ်... မြေဒြပ်စင်ရှိတဲ့ ကျင့်ကြံသူတွေ ဒီနေရာမှာဆို မြန်မြန်ဆန်ဆန် ကျင့်နိုင်တယ်လို့ ပြောကြတယ်"

"ဒါကြောင့်မို့လို့ မြေဒြပ်စင် နတ်ပုတီးစေ့က ဒီနေရာမှာ ရှိကိုရှိနေမှာပဲ"

လုရွှမ် ပြုံးပြီး သူ့လက်ဖဝါးထဲမှာ အလင်းတစ်ချက် တောက်ပလာခဲ့သည်။ မိန်းကလေး သုံးယောက်မှာ ထိုအရာကိုမြင်တော့ တစ်ပြိုင်နက်တည်း ထအော်လိုက်လေ၏။

"မြေသလင်းကျောက်!"

ဟုတ်တယ်။ ဒါက လုရွှမ် သဲဝါကမ္ဘာကနေ ရရှိလာခဲ့သော မြေဒြပ်စင် သလင်းကျောက်ပဲ ဖြစ်သည်။

ဤနေရာထဲ ဝင်ရောက်ပြီးနောက် လုရွှမ်သည် ရင်းနှီးသော ရောင်ဝါတစ်ခုကို ခံစားလိုက်ရာ ရုတ်တရက် သိလိုက်ရတာက ထိုအရာသည် မြေဒြပ်စင်သလင်းကျောက်ရဲ့ ရောင်ဝါ ဖြစ်ကြောင်းပင်။

သဲဝါကမ္ဘာက မြေသားကျောက်ခဲများနှင့် နှိုင်းယှဉ်ပါက ဤနေရာက လေထုသည် အနည်းငယ် ပေါ့ပါးပါသည်။ အမှန်မှာ သဲဝါကမ္ဘာသည် မြေဒြပ်စင်သလင်းကျောက်များ ကြီးစိုးသော ကမ္ဘာတစ်ခု ဖြစ်နိုင်တာကြောင့် လေထုက လေးလံနေခြင်း ဖြစ်ပေလိမ့်မည်။

ကမ္ဘာ့ရတနာများကို ​​မွေးဖွားနိုင်သော ကမ္ဘာငယ်လေးတွင် ဒြပ်စင်ငါးပါး၏ ဟန်ချက်ညီမှုနှင့် ယင်နှင့်ယန်တို့၏ ပေါင်းစပ်ညှိနှိုင်းမှုတို့ ရှိ​လေသည်။ ထုတ်လုပ်နိုင်သော သလင်းကျောက်များက မနည်းသော်လည်း အဆင့်သတ်မှတ်ချက်အရ ထိုကမ္ဘာငယ်သည် အဆင့်တူသော တခြား ကမ္ဘာငယ်များထက် သဘာဝအားဖြင့် နိမ့်ကျတတ်သည်။

"ငါ့အမြင်အရတော့ ချင်းရှန်းမြို့ အောက်မှာ မြေသလင်းကျောက်တွေ အများကြီး မြှုပ်ထားလောက်တယ်... ဒါကြောင့် တည်ငြိမ်တဲ့ စိမ်းပြာတောင်တန်းတွေ ရှိနေတာ ပြီးတော့ တည်ဆောက်ထားတဲ့ ချင်းရှန်းမြို့ကလည်း အရမ်းတည်ငြိမ်တယ် ဒီမှာနေတဲ့ ကျင့်ကြံသူတွေ ငလျင်ကြောင့် အံ့သြနေကြတာ တွေ့တယ်မဟုတ်လား?"

မြေဒြပ်စင် နတ်ပုတီးစေ့က ကမ္ဘာ့ ရတနာဖြစ်သည်။ ၎င်းသည် တခြားသော ရတနာများကဲ့သို့ ဝိညာဉ်စွမ်းအင် အရင်းအမြစ်များကို လုယူမှာ မဟုတ်ဘဲ ဤကမ္ဘာကြီးကို အာဟာရဖြစ်စေမှာပဲ ဖြစ်သည်။ ယခု ချင်းရှန်းမြို့ကြီး တည်ငြိမ်ခဲ့ရခြင်း အကြောင်းရင်းမှာ မြေဒြပ်စင် နတ်ပုတီးစေ့ကြောင့် ဆိုတာ ထင်ရှားနေပါပြီ။

မြေဒြပ်စင် သလင်းကျောက်များ စုပုံလာသောအခါ မြေကြီး သွေးကြေများက သဘာဝအတိုင်း မွေးဖွားလာလိမ့်မည်။

စိမ်းလန်းသော တောင်ကြီးသည် အလွန်ကြီးမားရာ အောက်ခြေ ဖွဲ့စည်းပုံက ဘယ်လောက်တောင် ကြီးမားလိုက်မလဲ တွေးကြည့်နိုင်သည်။ လုရွှမ် မြေကြီးထဲ ထိုးဖောက်ကြည့်ရန် ကြိုးစားခဲ့သည်။ သေချာသည်မှာ သူသည် အောက်ခြေ အနည်းငယ်ကို​သာ ဖောက်နိုင်ပြီး အောက်သို့ တက်မဆင်းနိုင်တော့ပေ။

သဲဝါကမ္ဘာမှာလည်း မိုးနတ်ဘုရားဓားနဲ့ တိုက်ခိုက်ပြီး အလိုလို ပျောက်ကွယ်သွားတဲ့ မြေတွင်းငယ်တစ်ခုကိုသာ ဖန်တီးခဲ့သည်။

သလင်းကျောက်ရဲ့ သန့်ရှင်းမှုအရ ၎င်းတို့သည် သဲဝါကမ္ဘာက မြေဒြပ်စင် သလင်းကျောက်လို သန့်ရှင်းမှု မရှိနိုင်သော်လည်း အရေအတွက် ပမာဏအရဆိုလျှင်တော့ လွန်စွာများပြားလှသည်။ ဤနေရာသည် အနည်းငယ် စောင်းနေပြီး မြို့ကြီးတစ်ခုလုံးကို မြေဒြပ်စင် နတ်ပုတီးစေ့က ချည်နှောင်ထားလေ၏။ ချင်းရှန်းမြို့ကို ကမ္ဘာ့​မြို့တော်ဟု ခေါ်တွင်သည်မှာ အံ့သြစရာ မဟုတ်ပေ။ ၎င်းသည် အမှန်တကယ်ပင် အလွန်တည်ငြိမ်ခဲ့ပါသည်။

မြေဒြပ်စင် နတ်ပုတီးစေ့နဲ့ ယှဉ်ရင် မြေဒြပ်စင် သလင်းကျောက်က ဘာမှမဟုတ်တော့ချေ။

ကံကောင်း ထောက်မစွာနဲ့ လုရွှမ်သည် မြေကြီးဒြပ်စင် သလင်းကျောက်များ အားလုံးကို ထုတ်ယူလိုက်ရာ မိန်းကလေးသုံးယောက်ရဲ့ မျက်လုံးများ ​ပြူးကျယ်သွားခဲ့သည်။ မြေဒြပ်စင် သလင်းကျောက်များက အလွန်တန်ဖိုးရှိပြီး အလွန်ရှားပါးသည်။ လုရွှမ်ရဲ့ အသွင်အပြင်ကို ကြည့်လျှင် သူသည် ရာဂဏန်းနီးပါး ရထားပုံရ၏။

အကယ်၍ ဤသလင်းကျောက် ပမာဏသာ ပေါက်ကြားခဲ့ပါက ကောင်းကင်ဘုံသခင်ပင်လျှင် မနာလိုဖြစ်ပြီး သူတို့ကို ယှဉ်ပြိုင် တိုက်ခိုက်လာနိုင်သည်။

အစီအရင် စီမံထားသော်လည်း မြေဒြပ်စင် နတ်ပုတီးစေ့ရဲ့ လှုံ့ဆော်မှုများ ဝင်ရောက်လာပါက အစီအရင်က လုံးဝ မခုခံနိုင်သောကြောင့် သလင်းကျောက်များကို မြေကြီးပေါ်တွင် စက်ဝိုင်းပုံ ဝိုင်းထားကာ ထိုအလယ်တွင် မိန်းကလေးသုံးဦးကို ထိုင်​စေ၍ မြေဒြပ်စင် နတ်ပုတီးစေ့ကို ဆက်လက် ဆင့်ခေါ်ကြသည်။

ချင်းရှန်းမြို့ တစ်ခုလုံး ရုတ်တရက် တုန်ခါသွားကာ ထိုလှုပ်ရှားမှုသည် ယခင်ကထက် ပိုမိုကျယ်လောင်လေ၏။

ခဏလောက်ကြာတော့ ကျင့်ကြံသူ တော်တော်များများ လန့်ဖျပ်သွားပြီး လေထဲပျံတက်သွားကာ မြေကြီးကို ထိတ်လန့်စွာ ငုံ့ကြည့်နေကြသည်။

မြေကြီးသည် အဆက်မပြက် တုန်ခါနေပြီး အရာအားလုံး ပြိုကျနေပုံရသည်။ လမ်းမများပေါ်ရှိ လျှိုမြောင်များ ပွင့်ထွက်သွားပြီး ကြွယ်ဝသော မြေသားလေထုက ထွက်ပေါ်လာသည်။

ဤနေရာတွင် နေထိုင်သော လူအများစုသည် မြေကြီးအခြေခံ သိုင်းပညာများကို ကျင့်သုံးကြသည်။ ယခုအချိန်တွင် မြေဒြပ်စင်ရဲ့ ထွက်သက်ဝင်သက်ကို ခံစားနေရပြီ။ သူတို့အားလုံး စိတ်ကြွဆေးပြားများ စားထားသည့်နှယ် မြေဒြပ်စင် အ​ငွေ့အသက်များကို လျင်မြန်စွာ ပြင်းပြင်းထန်ထန် စုပ်ယူ​​နေကြသည်။ မြေငလျင်နဲ့ ပတ်သက်ပြီး မညည်းညူတော့သလို ညည်းညူဖို့လည်း အချိန် မရှိတော့ပေ။ ငလျင်ကြောင့် ဒီမြေကြီးဒြပ်စင်တွေကို စုပ်ယူနိုင်တဲ့အတွက် ကျေးဇူး​တောင် တင်ရမှာဦးမည်။

မိန်းကလေး သုံးဦးသည် သလင်းကျောက်ပုံများကြားတွင် တည်ငြိမ်စွာ ထိုင်နေကြပြီး အပြောင်းအလဲများကို မျှော်လင့်ထားပြီးသားမို့ ထိတ်လန့်ခြင်း မရှိကြပေ။ လုရွှမ်သည် မိန်းကလေး သုံးဦး၏ အခြေအနေကို သိပ်ဂရုမစိုက်​နေဘဲ မတော်တဆမှုတစ်ခုမှ မဖြစ်ပွားစေရန် အာရုံစိုက်​​နေခဲ့သည်။

ချင်းရှန်းမြို့၏ မြို့သခင် အဘိုးကြီးချင်းရှန်းသည် လေထုအလယ်မှ ပျံသန်းလာခဲ့သည်။ စိတ်ဝိညာဉ် စွမ်းအားများကို ဖြန့်ကျက်ထားသော်လည်း မျက်မှောင်ကြုတ်၍ ထွက်ထွက်လာသော မြေဒြပ်စင်သည် သူ၏ စိတ်ဝိညာဉ် စွမ်းအားကို အမှန်တကယ် ပိတ်ဆို့ထားသည်။

ချင်းရှန်းမြို့ တစ်ခုလုံးနီးပါးကို လွှမ်းခြုံထားနိုင်သည့် သူ့စိတ်ဝိညာဉ် စွမ်းအားသည် ယခုအခါ ပေရာဂဏန်းအတွင်း ဖိသိပ်ထားပြီး အသုံးမဝင်တော့ပေ။ ပြီးတော့ ကောင်းကင်ရဲ့ ရှင်းရှင်းလင်းလင်း မြင်နိုင်တဲ့ နေရာတိုင်းမှာ လူတွေ အများကြီး ရှိနေသည်။

အဘိုးကြီးချင်းရှန်းက တိတ်တဆိတ် ကျိန်ဆဲရင်း ငြိမ်သက်သွားသည်။ ထိုလူလေးယောက်သည် ချင်းရှန်းမြို့၌ ရှိနေသရွေ့ သူ့လက်ငါးချောင်းထဲက လွတ်မြောက်နိုင်မည် မဟုတ်ပေ။

မြေကြီးသည် ပို၍ ပို၍ ပြင်းထန်စွာ တုန်ခါသွားကာ ပြင်းထန်သော မြေဒြပ်စင် စွမ်းအင်များ ထွက်လာသည်။ ကောင်းကင်တွင် အရောင်၅ရောင် တိမ်များသည် ဘယ်အချိန်ကမှန်းမသိ လွင့်ပျံလာကာ ချိုမြသော မိုးရေစက်​လေးများ ကျဆင်းလာသည်။ ၎င်းက မြေကြီးလေထုနှင့် ရောနှောကာ မြူမှုန်များအဖြစ်သို့ ပြောင်းလဲသွားပြီး လေထဲအလယ် မြင့်တက်လာရာ ချင်းရှန်းမြို့တစ်ခုလုံးကို ပရမ်းပတာ ဖြစ်သွား​စေပုံ​ပေါ်သည်။

ထိုပရမ်းပတာတွေအတွင်း မြေဒြပ်စင် နတ်ပုတီးစေ့သည် မြေအက်ကွဲကြောင်းထဲမှ ပေါက်ထွက်လာသည်။ ၎င်းက ဝိညာဉ်တစ်ခုကဲ့သို့ပင် ဦးတည်ချက်ကို ဖော်ထုတ်ကာ လုရွှမ်တို့ တည်နေရာဆီသို့ ပြေးထွက်သွားခဲ့သည်။

အမျိုးသမီး သုံးဦးတို့သည် မြေဒြပ်စင် နတ်ပုတီးစေ့များကို ဆင့်ခေါ်နေကြဆဲ ဖြစ်ပြီး ၎င်းတို့ပတ်ဝန်းကျင်ရှိ မြေဒြပ်စင်များက အငွေ့ပျံလာသည်။ ကြွယ်ဝသော မြေဒြပ်စင် စွမ်းအင်များက မိန်းကလေး သုံးယောက်အပေါ်သို့ လွှမ်းခြုံထားသည်။

လုရွှမ်၏ နှလုံးက ရုတ်တရက် လှုပ်ရှားသွားကာ ရင်တုန်သွားပြန်သည်။ ထိုစွမ်းအင်က ပြင်းထန်လွန်းသဖြင့် ထိတ်လန့်သွားကာ သူ့ကျောပြင်တွင် ချွေးများပင် စီးကျလာသည်။

ဒါက အခြေအမြစ် မရှိကြောင်း သူလည်း သေချာပေါက် သိပါသည်။ လျှို့ဝှက်ဆန်းကြယ်သော ရွှမ်မင့်ဂန္တဝင်ကိုးပါးကို လေ့လာလေ လျှို့ဝှက်ဆန်းကြယ်သော ခံစားချက်များ ပိုမိုနက်ရှိုင်းလာလေပင်။ လက်ရှိမှာတော့ တစ်စုံတစ်ယောက်သည် သူတို့ကို ပစ်မှတ်ထားနေပုံရ၏။

ထိုလူက အလွန်တန်ခိုးကြီးသည်။ အလွန်အားကောင်းသည် ဖြစ်၍ သူပင်လျှင် ထိတ်လန့်သွားပြီး ၎င်းနှင့်မပြိုင်ဝံ့ကြောင်း ထင်ရှားစွာ သိလိုက်သည်။ ရုတ်တရက် နာမည်တစ်ခုက သူ့စိတ်ထဲ ပေါ်လာသည်။

အဘိုးကြီးချင်းရှန်းလား?

ဒါပေါ့ အဘိုးကြီးချင်းရှန်းလို လူကို လောဘကြီး အောင် လုပ်ပေးနိုင်တဲ့ အရာတစ်ခုပဲ ရှိတယ်။ အဲဒါက ကမ္ဘာ့ရတနာပဲ။

ကမ္ဘာ့ရတနာ အကြောင်း တွေးလိုက်တိုင်း လုရွှမ်သည် သူ့ဆီသို့ ပြေးလွှားနေသော မြေကြီးဒြပ်စင်ကြီးကို ခံစားလိုက်ရသည်။ အရှိန်က အလွန်မြန်ပြီး ရှည်လျားသော အရိပ်များကိုပါ ဆွဲထုတ်လာသည်။ ၎င်းစွမ်းအင်များသည် မြေသားရဲ့ အဝါရောင်ရှိပြီး အနည်းငယ် မှိန်နေသော်လည်း တက်ကြွမှု အသက်စွမ်းအင်အပြည့် ရှိသည်။

လုရွှမ်သည် သူ၏လက်ဖဝါးကို လှန်ကာ မြေဒြပ်စင် နတ်ပုတီးစေ့ကို ဖမ်းကိုင်လိုက်ရင်း တစ်ချိန်တည်းမှာပင် သူသည် သူ့စိတ်ကို လှုပ်ရှား၍ မြေဒြပ်စင် သလင်းကျောက် အားလုံးကို ဖယ်ထုတ်ပစ်လိုက်သည်။

မြေဒြပ်စင် နတ်ပုတီးစေ့၏ အရှိန်သည် ရုတ်တရက် ပြောင်းလဲသွားသည်။ ခဏရပ်ပြီးနောက် ၎င်းသည် လုရွှမ် လက်ကို ရှောင်ထွက်သွားပြီး စွမ်းအင်တစ်ခုကို ထုတ်လွှတ်လိုက်သည်။

လုရွှမ်သည် သူ့လက်ဖဝါးပေါ်မှ ပေါ့ပါးသော အထိအတွေ့ကို ရုတ်တရက် ခံစားလိုက်ရပြီး သူစုပ်ယူနေသော မြေဒြပ်စင်များသည် အမှုန့်ဖြစ်သွားကာ ​ပြန့်ကျသွားသည်။

တခဏအတွင်းမှာပင် သလင်းကျောက် စွမ်းအင်များကို မြေဒြပ်စင် နတ်ပုတီးစေ့မှ လုံးဝ စုပ်ယူသွားခဲ့သည်။

လုရွှမ်ကို ထပ်ပြီး ဟားတိုက်လိုက်သလိုပဲ။ မြေဒြပ်စင် နတ်ပုတီးစေ့က သူ့ကို နှစ်ကြိမ်လောက် လှည့်ပတ် ကစားသွားပြီးနောက် မြေကြီးထဲကို ပြန်ငုံ့လျှိုးသွားလေ၏။

ထင်ရှားသည်မှာ မြေဒြပ်စင် နတ်ပုတီးစေ့သည် လုရွှမ်ကို အသိအမှတ်မပြုဘဲ ၎င်းက လှောင်ပြောင်သွားခဲ့​သေးသည်။ သို့သော် မြေဒြပ်စင် နတ်ပုတီးစေ့ကို လွတ်မြောက်ခွင့် ပေးလိုက်ရင် အနိုင်ယူဖို့ မျှော်လင့်ချက် ရှိမှာ မဟုတ်​တော့ဘူး။

ထိုအခိုက် နတ်သမီးကျင်းဟုန် ရုတ်တရက် မျက်လုံးပွင့်လာပြီး နတ်ပုတီးစေ့ မြေပြင်ပေါ်သို့ ပြုတ်ကျမလာမီ အစိမ်းရောင် လက်ကြီးတစ်လက်ကို ချက်ချင်း ဖန်ဆင်းလိုက်ကာ မြေကြီးပေါ်ရှိ မြေဒြပ်စင် နတ်ပုတီးစေ့ကို ဖမ်းကိုင်လိုက်သည်။

မြေဒြပ်စင် နတ်ပုတီးစေ့မှာ နတ်သမီးကျင်းဟုန်ဆီက အဖမ်းခံလိုက်ရလေသည်။ မြေဒြပ်စင် နတ်ပုတီးစေ့မှာ အပြင်းအထန် ရုန်းကန်ခဲ့သော်လည်း ကွဲလွဲနေသော ဒြပ်စင်ရဲ့ အငွေ့အသက်တွေက ထိသွားသဖြင့် ခဏမျှ မလှုပ်ရှားနိုင်တော့ပေ။

လုရွှမ်သည် မြေဒြပ်စင် နတ်ပုတီးစေ့ကို လက်ဖဝါးဖြင့် အမြန် ဆွဲယူလိုက်သော်လည်း အသံတစ်ခု ကြားလိုက်ရသည့်နှယ် ၎င်းက ဖျက်ခနဲ ပျောက်ကွယ်သွားသည်။