မသေမျိုးအိပ်ပျော်ခြင်း အခင်းအကျင်း

အိပ်ချင်ယောင် ဆောင်နေတဲ့သူကို ဘယ်တော့မှ မနှိုးနိုင်သလို မနာခံတဲ့သူကိုလည်း အမှန်တရားကို ရှင်းရှင်းလင်းလင်း ရှင်းပြလို့မရပါချေ။ သူတို့ဟာ အကျိုးစီးပွားကြောင့် မျက်စိကွယ်​နေပြီး ဘာမှ မမြင်နိုင်ကြ​တော့ဘူး။

"ချရအောင်...ကျုပ်တို့လည်း စောင့်နေခဲ့တာ ကြာပြီ"

လုရွှမ်က ဆိုရင်း နတ်သမီးရှန်းရှဲ့ဆီသို့ လက်ဟန်ပြလိုက်သည်။ နတ်သမီးရှန်းရှဲ့က သူမ လက်ဖဝါးကို ဝှေ့ယမ်းလိုက်တဲ့အခါ အလင်းတန်းများသည် သူတို့ ပတ်ပတ်လည်တွင် တောက်ပလာခဲ့သည်။

"ဒါအခင်းအကျင်းပဲ! ဘယ်လိုလုပ် ဖြစ်နိုင်မှာလဲ? သူတို့ဘယ်တုန်းက ဖွဲ့စည်းခဲ့တာလဲ? ငါတို့ ဘာလို့ မတွေ့ခဲ့တာလဲ?"

"ဒါက မသေမျိုးအိပ်ပျော်ခြင်း အခင်းအကျင်း ပုံစံပဲ!"

မှန်ပါသည်။ မသေမျိုးအိပ်ပျော်ခြင်း အခင်းအကျင်း ထောင်ချောက်သည် မသေနိုင်သော နတ်ဘုရားများကို ဖမ်းနိုင်စွမ်း မရှိသော်လည်း လူများကို ဖမ်းဆီးတဲ့နေရာမှာ ၎င်းရဲ့လုပ်ဆောင်ချက်က အလွန်အစွမ်းထက်ပါသည်။ ဤအခင်းအကျင်းသည် လူများကို ထောင်ချောက်ဆင်နိုင်ရုံမှလွဲ၍ တခြားလုပ်ဆောင်ချက်မှ ထပ်မလုပ်နိုင်ပေ။

“မသေမျိုးအိပ်ပျော်ခြင်း အခင်းအကျင်းထဲမှာ ပိတ်မိနေတာလား?”

တာဝန်ခံ အဘိုးကြီးကလည်း မြင်ဖူးသောကြောင့် ဆိုလိုက်သည်။ ဘာကြောင့်လဲဆိုရင် ဒါက အသုံးများတဲ့ အခင်းအကျင်း ဖြစ်တာကြောင့်ပင်။

ဒါပေမဲ့လည်း ဒီအခင်းအကျင်း အသွင်အပြင်ကို မြင်တော့ ထို​လူကြီးက စိတ်ရှုပ်သွားသည်။ လုရွှမ်နှင့်သူ့​အဖွဲ့သည် အလွန် ထက်မြက်သော်လည်း ဤကောင်းကင်ဘုံ သခင်၏အမြင်တွင် သူတို့သည် ငယ်လွန်းသေးပြီး အရည်အချင်းများသည် ခွန်အားနှင့်မညီမျှပေ။

အခုသူတို့ ထွက်လာပြီဆိုတော့ လူငယ်တွေအနေနဲ့ ထွက်ပြေးသင့်သည်။ ထောင်ချောက်ဆင်ဖို့ အခင်းအကျင်း ဖွဲ့စည်းထားရင်တောင် ထောင်ချောက်ဆင်ပြီးတာနဲ့ သူတို့အဖွဲ့ဟာ ချက်ချင်း ထွက်ပြေးသွားသင့်သည်။

ယခုမူကား လူတိုင်းကို ထောင်ချောက်ဆင်ပြီး သူတို့က ရပ်နေ၏။

"သူတို့ကို တတ်နိုင်သမျှ အမြန်ဆုံး ဖြေရှင်းပြီး ပြန်သွားရအောင်"

လုရွှမ်က ပြောလိုက်တော့ လူခုနစ်ယောက်လည်း တညီတညွတ်တည်း တုံ့ပြန်ခဲ့သည်။ လုရွှမ်တို့အဖွဲ့၏ ယုံကြည်မှုနှင့် ဆုံးဖြတ်ချက်သည် ကောင်းကင်ဘုံသခင် အားလုံးအတွက် ယုတ္တိမရှိဘူးဟုပင် ထင်မြင်စေသည်။

"ငါနားကြားများ မှားနေတာလား... ဒီကောင်တွေက ငါတို့ကို အမြန်ဆုံး အဆုံးသတ်ချင်နေတာတဲ့လား?"

"ဟာဟား... သူတို့က သူတို့ကိုယ်သူတို့ အံ့ဖွယ်ပါရမီရှင်တွေလို့ မှတ်ယူထားတော့.. ကောင်းကင်ဘုံသခင်တွေက သူတော်စင် နယ်ပယ်တွေကို မသတ်ပစ်နိုင်ဘူးလို့ ထင်နေပုံပဲ!"

"ပါရမီရှင်နဲ့ အရူးတွေကြားမှာ လိုင်းကောင်းတစ်ခု ရှိတယ်လို့ ပြောကြတယ်... သူတို့တကယ်များ ရူးနေကြတာလား?"

"သူတို့ မရူးသေးတော့လည်း အရူးဖြစ်သွားအောင် ရိုက်ပစ်လိုက်ရုံပေါ့"

သူတော်စင်နယ်ပယ် ဆိုတာ ကောင်းကင်ဘုံသခင်နဲ့ အမြဲတစေ ဝေးကွာနေသော စွမ်းအင်ရှိသေးသည်။ ယခု သူတို့ကို အငယ်တန်းရှစ်ယောက်က ကဲ့ရဲ့ရှုံ့ချနေတာကြောင့် သူတို့ တစ်ဦးချင်းစီသည် ကောင်းကင်ဘုံသခင်က ဘယ်လောက် တန်ခိုးကြီးတယ် ဆိုတာသိစေရန် ထိုအငယ်တွေအား ချက်ချင်းသတ်ပစ်ရန် ဆန္ဒရှိကြသည်။

"ပေါင်းရအောင်!" လုရွှမ် အော်လိုက်သည်။

အောင့်ယွဲ့၊ အောင်ရှင်း၊ ကျင်းဟုန်နဲ့ ထူဖူးတို့က တညီတညွတ်တည်း တုံ့ပြန်လာခဲ့ကြသည်။ နတ်သမီးရှန်းရှဲ့၊ လိရှောင်းနဲ့ ရှန်ယီးရှောင်ဟဲတို့ကလည်း သူတို့ ကောလဟာလများအတိုင်း ပေါင်းစည်းလိုက်ရင် ဘယ်လောက်တောင် အစွမ်းထက်လာမလဲ သိလိုကြသည်။

လုရွှမ်၏ ခန္ဓာကိုယ်မှ ရွှေရောင် စွမ်းအားတစ်ခု ထွက်ပေါ်လာသည်။ ရုတ်တရက်ဆိုသလိုပင် သူ၏ စိတ်နေသဘောထားသည် ဓားတစ်လက်အဖြစ် ပြောင်းလဲသွားကာ တိုက်ခိုက်မှုတိုင်းတွင် မယုံနိုင်လောက်အောင် ပြင်းထန်လာသည်။

ကောင်းကင်ဘုံသခင် တော်တော်များများဟာလည်း ရုတ်တရက် ပြောင်းလဲသွားတဲ့ သူတို့ရဲ့ အမူအရာတွေကို မထိန်းနိုင်လိုက်ချေ။ လုရွှမ်ရဲ့ ဓားရောင်ဝါက အလွန်အစွမ်းထက်ကြောင်း သူတို့ ကြားသိခဲ့ရတာ ကြာပါပြီ။ ယခုအခါ ကိုယ်တိုင်ကိုယ်ကျ ပထမဦးဆုံး အကြိမ် မြင်လိုက်ရတဲ့အခါ အံ့သြတုန်လှုပ်မိပြီး ရှက်လည်းရှက်မိသည်။ ဒါက တကယ့်ဓားရောင်ဝါ ဖြစ်သည်။ လုရွှမ်နှင့် နှိုင်းယှဥ်လျှင် သူတို့ရဲ့ဓားရောင်ဝါမှာ ဘာမှကို မဟုတ်ပေ။

အောင်ရှင်း၏ ခန္ဓာကိုယ်မှ အပြာရောင် အလင်းတန်းများ ထွက်ပေါ်လာပြီး သူမ အနီးတစ်ဝိုက်ရှိ နေရာလွတ်များမှာ ပိုမိုပျော့ပျောင်းလာသလိုပင် ခံစားရလာသည်။

သူမကို ကြည့်လိုက်လျှင် သူတို့ဆီကို တဟုန်ထိုး အရှိန်အဟုန်ပြင်းပြင်းနဲ့ ဝင်တိုက်တော့မလို ခံစားလိုက်ရသည်။

ထို့နောက်တွင် အလွန်အားကောင်းပြီး ကြွယ်ဝသော နတ်သမီးကျင်းဟုန်ထံမှ ပြင်းထန်သော တက်ကြွမှုတစ်ခု ထွက်ပေါ်လာသည်။ ၎င်းသည် လက်ရှိနေရာ တစ်ခုလုံးကို ပြည့်လျှံစေကာ လူများကို ရုပ်ပိုင်းဆိုင်ရာနှင့် စိတ်ပိုင်းဆိုင်ရာ သက်သာရာရစေမည့် အသက်စွမ်းအင်များကို မသိစိတ်မှ ထွက်ပေါ်လာသယောင် ခံစားရစေသည်။

နွေဦးလေညင်းကဲ့သို့ စိမ်းလန်းသောရေစီးကြောင်းများသည် ​လေထုအတွင်း ရုတ်တရက် ပေါက်ဖွားလာခဲ့သည်။

နတ်သမီး​အောင့်ယွဲ့ရဲ့ ခန္ဓာကိုယ်သည်လည်း တောက်ပလာပြီး သူမ၏ ခန္ဓာကိုယ်မှ မီးတောက်များ ထွက်ပေါ်လာသည်။ မီးတောက်မီးလျှံများက ကောင်းကင်သို့ လျှံတက်လာကာ သူတို့ပတ်ဝန်းကျင်ရှိ နွေဦးရှုခင်းသည် တခဏချင်း ပျောက်ကွယ်သွားကာ တုနှိုင်းမရတဲ့ မီးပင်လယ် အဖြစ် ပြောင်းလဲသွားသည်။

“အဲဒါဟာ ဒြပ်စင်ငါးပါးရဲ့ စွမ်းအားပဲ... အမြန်တား!”

အော်ပြောလိုက်သူက လူအုပ်စုကို ဦးဆောင်နေတဲ့ အဘိုးကြီးပဲ ဖြစ်သည်။ သူက ကောင်းမွန်တဲ့ ကျင့်​ကြံမှုနဲ့ ထူးကဲတဲ့ အတွေ့အကြုံတွေ ရှိတာကြောင့် လူလေးယောက်ရဲ့ အပြောင်းအလဲတွေကို မြင်တော့ တခြားလူတွေကို အမြန်တားဖို့ ဆော်သြောလိုက်သည်။

ကြောက်စရာကောင်းတဲ့ အတွေးတစ်ခုက သူ့စိတ်ထဲမှာ ပေါ်လာပေမယ့် ခဏလောက်အထိ အဖြေရှာမရတော့ဘဲ တလျှပ်လျှပ်သာ ရင်တုန်နေသည်။ သူ့စိတ်ထဲက ဒြပ်စင်ငါးပါးထဲက ပြောင်းလဲမှုတွေကို တားဆီးရမယ် မဟုတ်ရင် ကြီးမားတဲ့ အကျပ်အတည်း ဖြစ်လိမ့်မယ်ဆိုတာကိုပဲ နားလည်သွား၏။

သူ့လက်မောင်းမှ ကြီးမားသော လက်ဝါး​ကြီးတစ်ခုသည် ပြင်းထန်သော လေကို သယ်ဆောင်လာပြီး လုရွှမ်တို့ငါးယောက်ကို ထိမှန်ကာ သူတို့ ပေါင်းစည်းနေမှုကို ဖျက်ဆီးရန် ကြိုးစားလိုက်သည်။

သို့သော် လိရှောင်းနဲ့ ရှန်ယီးရှောင်ဟဲတို့က အဆင်သင့် ဖြစ်နေပြီ ဖြစ်သည်။ နှစ်ယောက်သား တစ်ပြိုင်နက်တည်း ပြေးထွက်လာကာ လုရွှမ်တို့ ငါးယောက်ရှေ့တွင် ရပ်၍ အစွမ်းကုန်အော်ဟစ်ကာ ကောင်းကင်ဘုံသခင် နှစ်ပါး၏ တိုက်ခိုက်မှုကို တားဆီးလိုက်ကြသည်။

သူတို့နှစ်ယောက်ဟာ လုရွှမ်နဲ့ အဆက်မပြတ် ပြိုင်ဆိုင်ခဲ့ပြီး လှုပ်ရှားမှုနဲ့ သိုင်းကွက်ဆိုင်ရာ ထိုးထွင်းသိမြင်မှုတွေကို မျှဝေခဲ့ကြသည်။

လွန်ခဲ့သည့် သုံးလကျော်က လိရှောင်းနဲ့ ရှန်ယီးရှောင်ဟဲတို့သည် မဟာသူတော်စင် သခင်များနှင့် အကောင်းဆုံး တိုက်ခိုက်နိုင်ခဲ့သည်။ ယခုအချိန်တွင် သူတို့နှစ်ဦးသည် အရှိန်အဟုန်ဖြင့် တိုးတက်လျက်ရှိပြီး လစဉ် အဆင့်တိုးလာခဲ့ပြီ။

သူတို့နှစ်ဦးစလုံးသည် ယခုအခါ သူတော်စင်နယ်ပယ် အဆင့်ခုနစ်တွင် ရောက်နေသော်လည်း ကောင်းကင်ဘုံသခင်ကို ယှဉ်ပြိုင်ရန် ခွန်အားရှိနေပြီ ဖြစ်သည်။

ကောင်းကင်ဘုံသခင် နှစ်ပါးသည် ပြင်းထန်စွာ တိုက်ခိုက်လာခဲ့ပြီး သူတို့နှစ်ဦးသည်လည်း ထိုအင်အားကို ခုခံရရှိရန် အခက်အခဲ တချို့ရှိခဲ့သော်လည်း မှန်မှန်ကန်ကန် ခုခံထားဆဲ ဖြစ်​လေသည်။

ယင်းကြောင့် ကောင်းကင်ဘုံသခင် နှစ်ဦးလည်း အံ့အားသင့်သွားသည်။ တိုက်ခိုက်ရေးသားရဲကွင်းရှိ ပြိုင်ပွဲများစွာတွင် အောင့်ရှင်းတို့ကို ထိတ်လန့်သွားခဲ့ရပြီး လုရွှမ် နှင့် တခြားသူများ၏ အစွမ်းကုန် ကြိုးစားခဲ့ကြတဲ့ ကျင့်ကြံခြင်းစွမ်းအင်ကိုလည်း အံ့ဩသွားခဲ့သည်။

လုရွှမ်က သဘာဝကျကျ အသန်မာဆုံးဖြစ်ပြီး သူ့နောက်တွင်မှ ထူဖူး၊ အောင့်ယွဲ့၊ အောင်ရှင်း၊ ကျင်းဟုန်တို့ ဖြစ်ကာ နောက်ဆုံးတွင်မှ လိရှောင်းနဲ့ ရှန်ယီးရှောင်ဟဲတို့ ဖြစ်သည်။

ခေါင်းဆောင် လုရွှမ်သည် ကောင်းကင်ဘုံသခင် အဆင့်၆ သခင်များကို သတ်နိုင်ခဲ့သော်လည်း နောက်ပိုင်းတွင် လူများက ထိုတိုက်ပွဲတွင် လုရွှမ်က တစ်ဝက်ရောက်မှ ဝင်လှုပ်ရှားခဲ့ကြောင်း ခွဲခြမ်းစိတ်ဖြာခဲ့သည်။ စစ်မှန်သော အင်အားသည် ကောင်းကင်ဘုံသခင် တတိယအဆင့်ကိုသတ်နိုင်တာ ဖြစ်နိုင်သည်။

သူတို့ရဲ့ အကဲဖြတ်ချက်အရ လိရှောင်းနဲ့ ရှန်ယီးရှောင်ဟဲက ကောင်းကင်ဘုံသခင်ရဲ့ ပြိုင်ဘက်တွေ မဖြစ်နိုင်ချေ။

ယခုမူ ခုခံသွားသည့် လှုပ်ရှားမှုသည် ခွန်အားအပြည့်ဖြင့် ထိုးနှက်နေပါ၏။ ကောင်းကင်ဘုံသခင် ဒုတိယအဆင့် သခင်များပင် သတိထားရန် လိုအပ်လာပြီး သတိလက်လွတ် မနေဝံ့တော့ပေ။ လူငယ်နှစ်ယောက်၏ ခွန်အားသည် လူတိုင်း၏ အကဲဖြတ်မှုထက် ထင်ရှားစွာ သာလွန်နေပြီး ကောင်းကင်ဘုံသခင် ပထမအဆင့် သခင်များကို သတ်နိုင်နေတာ ဖြစ်နိုင်သည်။

ဒီလို အရည်အချင်းများနှင့် တိုးတက်မှုများက ပူးပေါင်း တိုက်ခိုက်ခဲ့သော ကောင်းကင်ဘုံသခင်နှစ်ပါးကို ထိတ်လန့်စေခဲ့ပါသည်။

သူတို့စိတ်တွေ တုန်လှုပ်သွားပြီ!

သူတို့ဘေးက ကောင်းကင်ဘုံသခင် ဆယ့်တစ်ပါးက လုရွှမ်တို့ငါးယောက်ကို မယုံကြည်နိုင်စွာ ကြည့်နေခဲ့သည်။

သားသတ်သမား၏ ပြင်းထန်သော အသက်ရှုသံများ ထွက်လာသည်နှင့်အမျှ ကြွယ်ဝပြီး လေးလံသော ထွက်သက်တစ်ခုက နေရာတစ်ခုလုံး ပြည့်သွား​စေသည်။ သူတို့သည် မသေမျိုးအိပ်ပျော်ခြင်း အခင်းအကျင်းထဲမှာ ပိတ်မိနေသလို ထူဖူးရဲ့ ရောင်ဝါက အလွန်ပြင်းထန်သဖြင့် ကောင်းကင်ဘုံသခင်များမှာ သူတို့၏ အသက်ရှူသံများ အနည်းငယ် လေးလံသွားသည်ဟု ခံစားလိုက်ရသည်။

"ဒြပ်စင်ငါးပါး... ဒါတွေက တကယ်ပဲ ဒြပ်စင်ငါးပါးရဲ့ စွမ်းအားလား?"

"အဲဒါ ပုတီးစေ့ငါးလုံးလား?"

လူငါးဦး၏ ​ရောင်ဝါများ ပေါ်ထွန်းပြီးနောက် ထွန်းလင်း တောက်ပ​နေသော ပုတီးစေ့ငါးလုံးသည် လူငါးဦး၏ ဦးခေါင်းထက်တွင် ပေါ်ထွက်လာခဲ့သည်။