အရှိန်အဟုန်ပြိုင်ပွဲ

ဝေဟင်အလယ်တွင် ပင်လယ်သားရဲ အုပ်စုတစ်စု ပျံသန်းနေကြသည်။ ပင်လယ်သားရဲ တစ်ကောင်က ရုတ်တရက် အားလုံးကြားအောင် သူ့အသံကို လွှင့်လိုက်သည်။

"လူသားကျင့်ကြံသူ တစ်ယောက်က ငါတို့အနားရောက်လာပြီ.... ပင်လယ်ဝံပုလွေ မျိုးနွယ်စုကို သတ်​ဖြတ်နေတာလို့ ငါ့လူတစ်ယောက်ဆီက ကြားလိုက်တယ်"

"ဟမ့် အဲဒါ လူသားမျိုးနွယ် တစ်ခုပဲလေ ဘာလဲ? မင်းက ကြောက်​နေတာလား?"

ပထမဆုံး စကားပြောဘာတဲ့ ပင်လယ်သားရဲက

"ငါတို့နောက်က ခြိမ်းခြောက်မှုတွေကို ငါမလိုချင်ဘူးကွ... ငါကဘာကြောက်ရမှာလဲ? ဟာသပဲ!"

"ဟားဟား အဲဒါကောင်းတယ် ငါတို့က အဲဒီလူတွေကို သတ်နေတာ နှစ်အတော်ကြာနေပြီ.... ဘယ်သူက ထပ်ပြီး လာရဲ​သေးလို့လဲ? ပင်လယ်ဝံပုလွေမျိုးနွယ်ဆိုတာ ဘာလဲ? အသတ်ခံရတော့လည်း သေရုံပေါ့...သူမပြောနဲ့ မင်းနဲ့ငါရဲ့ အဖွဲ့တောင် ပင်လယ်ဝံပုလွေ မျိုးနွယ်စုကို သတ်ဖို့ ခက်နေလို့လား?"

အနီးနားရှိ လူအများအပြားက ရယ်မောလိုက်ကြပြီး သူတို့သည် ပင်လယ်ဝံပုလွေ မျိုးနွယ်စုကို လုံးဝ မျက်လုံးထဲ မထည့်ထားကြပေ။

လုရွှမ်သည် အောက်တွင် ပုန်းအောင်းနေပြီး အပေါ်မှ လူအုပ်စုကို ကြည့်ကာ သူ့နှလုံးသားက ပြင်းထန်သော လူသတ်ချင်တဲ့ ရည်ရွယ်ချက်ဖြင့် ပြည့်နှက်လာခဲ့သည်။

သူ့ရှေ့က အမဲလိုက်ရာသီနှင့် မရင်းနှီးခဲ့သော်လည်း ဂိုဏ်းက စေလွှတ်လိုက်သော လူအားလုံးမှာ ကျွမ်းကျင်သူများ ဖြစ်ကြောင်း သိလိုက်ရသောအခါတွင် မုဆိုးက ဘယ်သူ သားကောင်က ဘယ်သူဆိုတာ အမှန်ပင် မပြောနိုင်တော့ကြောင်း နားလည်သွားခဲ့သည်။

ပင်လယ်သားရဲများရဲ့ စွမ်းအားက သာမန် ကျင့်ကြံသူများထက် 10% ပိုမြင့်သည်။ ထူးကဲသော ပါရမီရှိသည့် ကျင့်ကြံသူများကိုတော့ မဆိုလိုပေ။ သူတို့ရဲ့ ပင်ကိုယ်အစွမ်းကြောင့် သူတို့ဟာ အဆင့်တူတဲ့ လူသားကျင့်ကြံသူတွေထပ် သန်မာကြလေ၏။

နယ်ပယ် ကန့်သတ်ချက်များကို အဆက်မပြတ် ချိုးဖျက်နေရင် သဘောပေါက်ထားတဲ့ အရာများအပေါ် သဘာဝအတိုင်း ပို၍ပို၍ ကျေနပ်လာမှာပဲ ဖြစ်သည်။

သူ့ဦးခေါင်းထက်က ပင်လယ်သားရဲ ကျင့်ကြံသူတွေထဲမှာ အဆိုးဆုံးက ကောင်းကင်ဘုံသခင်ပင်။ ဒီပင်လယ်သားရဲတွေဟာ လူသား ကျင့်ကြံသူအုပ်စုထဲကို ပြေးဝင်လာရင် ဘယ်လို သတ်ဖြတ်မှုတွေ ဖြစ်လာမလဲဆိုတာ တွေးကြည့်နိုင်ပါ၏။

ပင်လယ်သားရဲတွေ ထွက်သွားတာကို ကြည့်ရင်း လုရွှမ် အရှိန်ပြင်းပြင်းနဲ့ ခုန်ဝင်လိုက်သည်။

သုံးရက်အကြာတွင် လုရွှမ်ဟာ ပင်လယ်ဆင် မျိုးနွယ်စုသို့ ရောက်လာခဲ့သည်။ ဒီနေရာက လူများစွာဟာ ထွက်ခွာသွားကြသော်လည်း ကျန်သူများသည် ဖျားနာသူများ၊ မသန်စွမ်းသူများ၊ အသက်ကြီးသူ၊ အားနည်းသူများ မဟုတ်ကြပေ။

သူတို့သည် နတ်မီးနယ်ပယ် သခင်များနှင့် မျိုးနွယ်စုရှိ ပါရမီရှင်များရဲ့ အကာအကွယ်ကို မရတော့သော်လည်း သူတို့ရဲ့ အစွမ်းထက်သော စွမ်းရည်ကြောင့် လုရွှမ်ပင် အရွယ်ရောက်ပြီးသော အကောင်များကို သတ်ရန် အားထုတ်မှုများစွာကို သုံးစွဲခဲ့သည်။

ကျန်နေတဲ့ အကောင်ငယ်တွေကတော့ သဘာဝအတိုင်း ဆက်လက်မွေးမြူရန်နှင့် အနာဂတ်ကြီးထွားမှုကို စောင့်မျှော်ရဦးမည်။ လုရွှမ်လည်း ရေရှည်တည်တံ့သော ဖွံ့ဖြိုးတိုးတက်မှု နိယာမအကြောင်းကို သဘာဝကျကျ နားလည်ပါ၏။

"မင်း မင်း လက်စားချေတာ ခံရလိမ့်မယ်"

လုရွှမ်က "ဒါက သဘာဝတရားရဲ့ နိယာမပဲ... မင်း သန်မာရင် တခြားသူတွေကို အနိုင်ကျင့်ပြီး သတ်ပစ်နိုင်တယ်... မင်း အားနည်းရင် မင်းဘက်က အစုလိုက်အပြုံလိုက် အသတ်ခံရလိမ့်မယ်။ သုံးဆယ့်ခြောက်နှစ်ကြာတဲ့အခါ မင်းလက်စားချေတာကို လူသားတွေ လက်ခံရဦးမှာပဲ"

လုရွှမ် စကားဆုံးသောအခါ သူသည် အဘိုးအိုတစ်ဦးကို ဓားတစ်ချောင်းဖြင့် တစ်ချက်တည်း သတ်လိုက်သည်။

ငါးရက်အကြာတွင် လုရွှမ် ကျောက်လုံ မျိုးနွယ်စုဆီ ရောက်လာခဲ့သည်။ သူတို့ကတော့ နဂါးမျိုးရိုး ဆိုပြီး သူတို့ကိုယ်သူတို့ မြှောက်ပင့်နေကြသူတွေပါပဲ။ အောင်ရှင်းထက် အလွန်ပါးလွှာပြီး အဆမတန် ယုတ်ညံ့သော နဂါးသွေးတချို့သာ ရှိသည်။

ဒါပေမဲ့ နဂါးသွေး ပါတယ်ဟုဆိုကာ ဂုဏ်ယူပြီး မာနကြီးကြသည်။ လုရွှမ် ခန္ဓာကိုယ်ပေါ်ရှိ စိမ်းပြာနဂါးအငွေ့အသက်ကို ခံစားလိုက်ရပြီးနောက် ၎င်းတို့သည် သူ့ကိုလိုက်လံရှာဖွေရန် ခွန်အားရှိသမျှကို အသုံးပြုခဲ့သည်။

လုရွှမ်လည်း သူ့ရဲ့သစ်သားတုတ်ကို ဝှေ့ယမ်းကာ အလင်းရောင် ခပ်ဖျော့ဖျော့အောက်တွင် တစ်ဖက်က သွေးစွန်းနေသော ပင်လယ်သားရဲများကို မျက်နှာချင်းဆိုင်လိုက်သည်။

"သတ်!"

ဓားစွမ်းအင်နှင့် မိုးခြိမ်းသံများကြားတွင် ပင်လယ်သားရဲများ၏ ခန္ဓာကိုယ်များဟာ မိုးစက်တွေလို ပြုတ်ကျလာခဲ့သည်။ လုရွှမ်ဟာ ဓားစွမ်းအင်၈ချက်ဆို လူ၈ယောက်ကို အတိအကျ သတ်ပစ်လိုက်ရာ သစ်သားချောင်းလည်း သွေးစွန်းလာ၏။ နဂါးသွေးအနည်းငယ်ကို စုပ်ယူလိုက်ပြီးနောက် သစ်သားချောင်းပေါ်၌ အနီရောင် အလင်းတန်းတစ်ခု ထွက်ပေါ်လာခဲ့သည်။

လုရွှမ် အနည်းငယ် ထိတ်လန့်သွား၏။ အကြောင်းမှာ သစ်သားချောင်းရဲ့ အသွင်အပြင်က ပြောင်းလဲလာ​ခဲ့ပြီ။ ၎င်းက အရင်လိုမဟုတ်တော့ဘဲ တိုက်ပွဲမှာ အနှစ်ခံပြီးနောက် ပြောင်းလဲသွား၏။ ဒါပေမဲ့ တိုက်ပွဲတွေ ပြီးတာနဲ့ နဂိုအခြေအနေအတိုင်း တဖြည်းဖြည်း ပြန်ဖြစ်လာပြန်သည်။

ဒီပြောင်းလဲမှုက အခြေခံကျသော ပြောင်းလဲမှုတစ်ခုလိုပင်။ အလွန်ထင်ရှားသော်လည်း သစ်သားချောင်းရဲ့ စွမ်းအင်ကို ပြန်လည်ရရှိစေမယ့် ကြီးမားသော အကူအညီဖြစ်တဲ့ နဂါးသွေးကို စုပ်ယူထားပြီးပြီ ဖြစ်သည်။

နဂါးသွေးသည် သစ်သားချောင်းကို ပြန်လည်ထိန်းသိမ်းရာတွင် အထောက်အကူကောင်း ဖြစ်ကြောင်း သိလိုက်ရသဖြင့် လုရွှမ် သဘာဝအတိုင်း တက်ကြွလာပြီး နဂါးမျိုးနွယ်ထဲသို့ ပြေးဝင်သွားပြန်သည်။

တုန်လှုပ် ချောက်ချားဖွယ် ကောင်းသော ဓားတစ်ချောင်းနှင့် သစ်သားချောင်းရဲ့ ကောင်းမှုနဲ့အတူ လုရွှမ် လက်အောက်တွင် မည်သူတစ်ဦးတစ်ယောက်မှ လွတ်မြောက်သွားခြင်း မရှိခဲ့ပေ။ အရေးကြီးတာကို ရှောင်ဖို့ အခုအချိန်မှာတော့ လုရွှမ် အင်အားကြီး ကောင်းကင်ဘုံသခင်တွေကို သွားတိုက်ခိုက်မှာတော့ မဟုတ်ချေ။ သို့သော် နဂါးတွေကြားထဲမှာ ဆက်ပြီးလွှမ်းမိုးရင်း သူတို့ရဲ့ အသက်ကို ရိတ်သိမ်းသွားဦးမယ်။

သစ်သားချောင်းက အများကြီး မပြောင်းလဲလာခဲ့တာတော့ နှမြောစရာကောင်းလှသည်။ လုရွှမ် ဒါကို နားလည်ပါ၏။ သေချာတာကတော့ နဂါးမျိုးနွယ်စု အမျိုးမျိုးတို့ရဲ့ သွေးတွေဟာ ပါးလွှာပြီး ကွဲပြားတာကြောင့် သူ့အနေနဲ့ သွေးသန့်သန့်ရှိသော သာရဲတစ်ကောင်ကို ရှာဖွေရန် လိုအပ်လိမ့်မည်။

သူသည် ကောင်းကင်ဘုံသခင် အဆင့်၉ ပြီးပြည့်စုံသောကာလ အဆင့်တွင်ရှိသော လူလတ်ပိုင်းနှင့် သက်ကြီးရွယ်အို နဂါးတချို့ကို ပစ်မှတ်ထားလိုက်သည်။ တစ်စုံတစ်ခုကို ရယူလိုပါက ထိုလူများနဲ့သာ စတင်နိုင်မည်ဟု သူထင်ခဲ့သည်။

နဂါးမျိုးရိုး များစွာသည် အကြောင်းပြချက်မရှိဘဲ ထိတ်လန့်သွားပြီး အချင်းချင်း အံ့အားသင့်စွာ ကြည့်နေကြသည်။

ခဏကြာတော့ ဒေါသအမျက် ထွက်လာကြတော့သည်။ ဤလူယုတ်မာသည် သူတို့ရဲ့ သားစဉ်မြေးဆက် အားလုံးနီးပါးကို သတ်ဖြတ်ကာ တစ်ချိန်လုံး ရှောင်ရှား​နေခဲ့သည်။ ခက်တာက လုရွှမ်က အလွန်လျင်မြန်ပြီး သူ့ခန္ဓာကိုယ်က ပို၍ပင် ပျော့ပြောင်း​နေသလို လုရွှမ်ကို သူတို့ လိုက်မဖမ်းနိုင်ဘူး ဖြစ်နေသည်။

အခုအချိန်မှာတော့ လုရွှမ် နောက်ဆုံး ထွက်ပြေးတာ ရပ်လိုက်ပေမယ့် သူတို့ဘက်ကို ကြည့်​နေတဲ့မျက်လုံးတွေက သူ့သားကောင်ကို ကြည့်နေတဲ့ မုဆိုးတစ်ယောက်လို ဖြစ်​နေပြီး သူတို့ကို မထီမဲ့မြင်ပြုနေသလိုပင်။

ဘယ်လောက်တောင် အတင့်ရဲနေလိုက်တဲ့ လူသားလဲ?

ပင်လယ်သားရဲများကသာလျှင် လူသားတို့ကို မတူမတတ်သော မျိုးနွယ်များအဖြစ် သဘောထားကြသည်။

ဒါ့ထက် ဒါက မဟာသူတော်စင် ပထမအဆင့်က အငယ်တန်းတစ်ယောက်ပဲ။ မာနကြီးပြီး သူတို့ကို အလေးအနက် မထားဘဲ သတ္တိကောင်းနေတာက သေမင်းကို ရှာနေတာပဲ မဟုတ်ဘူးလား။

ယခုလုရွှမ်ကို သတ်ချင်နေသူက စုစုပေါင်း လူငါးဦးရှိပြီး အဘိုးကြီး သုံးဦးနဲ့ လူလတ်ပိုင်းအရွယ် နှစ်ဦးရှိသည်။ ဒေါသတကြီး အော်သံနှင့်အတူ ထိုလူငါးယောက်က လုရွှမ်ကို ဝိုင်းထားကာ လက်နက်ငါးမျိုးဖြင့် တစ်ပြိုင်တည်း တိုက်ခိုက်ကြလေ၏။

လှံ၊ ဓား၊ မြှား၊ သံချောင်း၊ တစ်ဖက်သွား ဓားရှည်စတဲ့ လက်နက်ငါးမျိုးက လုရွှမ်ဆီ တစ်ပြိုင်နက်တည်း ပြေးဝင်လာသည်။ ခွန်အားက အလွန်အစွမ်းထက်ပြီး တတိယအဆင့်ကို ထပ်လောင်းပေးသည့် လက်နက်များပေါ်တွင် နဂါးဝိဉာဉ်ခြေရာများလည်း ရှိနေသည်။

လုရွှမ် အရှိန်အဟုန်ဖြင့် ကစားရင်း လှောင်ပြောင်လိုက်သည်။ သူ့ခန္ဓာကိုယ်မှာ ရှိနေတဲ့ စိမ်းပြာနဂါးက သူတို့တွေရဲ့ ဘိုးဘေးဖြစ်သည်။ လုရွှမ် ပြင်းထန်စွာ ဟစ်အော်လိုက်သည်နှင့် စိမ်းပြာနဂါးရဲ့ အရိပ်က သူ့အနောက်မှ လွင့်ထွက်လာခဲ့သည်။

စိမ်းပြာနဂါးရဲ့ ဟောက်သံက သူတို့ငါးယောက်ကို မထိန်းနိုင်ဘဲ နောက်ပြန်ဆုတ်သွားစေသည်။ ပင်လယ်သားရဲများ အတွက် သဘာဝဗီဇအရ ဟောက်သံမှာပါတဲ့ ဖိအားကို ရှင်းရှင်းလင်းလင်း ခံစားရလေသည်။

သူ့ခွန်အား မဟာသူတော်စင် ပထမအဆင့်သို့ တိုးလာတာနဲ့အမျှ ကောင်းကင်ဘုံသခင် အဆင့်၉ ပြီးပြည့်စုံတဲ့ကာလက ကျင့်ကြံသူတွေဆီက ခံစားခဲ့ရတဲ့ အလိုလို ကြောက်ရွံ့ထိတ်လန့်မှုမှာ ပို၍ အားနည်းသွားတာကို ခံစားလိုက်ရသည်။

ဒါဟာ စိတ်ပိုင်းဆိုင်ရာ သက်ရောက်မှုမျိုး မဟုတ်ဘဲ ခွန်အားနဲ့ အရှိန်အဟုန်ကို ဖိနှိပ်ခြင်းရဲ့ အကဲဖြတ်ချက် တစ်ခုပဲ ဖြစ်သည်။

အထူးသဖြင့် သူ့နယ်ပယ်ဟာ တိုးတက်လာပြီ မဟုတ်လား။ ဆရာကြီးထန်းကျီးရဲ့ လျှို့ဝှက်ကျွမ်းကျင်မှုများကို သူပိုမိုနက်ရှိုင်းစွာ နားလည်လာတာနဲ့အမျှ သဘာဝကျကျ မိမိကိုယ်ကိုယုံကြည်မှု ပိုရှိလာခဲ့ပြီပဲ ဖြစ်သည်။ သူ့နယ်ပယ်က အလွန်နိမ့်ပါး​နေသော်လည်း သူ့အင်အားမှာ နယ်ပယ်ထက်ပင် ပိုနေပါ​ပြီ။

သူ့ခန္ဓာကိုယ်ထဲမှာ မနှိုးဆွရသေးသော အလားအလာများစွာ ရှိ​နေသေးသည်။ ယခုမူ သူ့ရဲ့ ထင်မြင်ယူဆချက်အရ ကောင်းကင်ဘုံသခင် ပြီးပြည့်စုံတဲ့ကာလက သခင်တွေဟာ သူ့ရဲ့အလားအလာတွေထဲက တစ်ခုကို နှိုးဆွပေးနိုင်တာထက် ဘာမှမပိုပေ။

သမုဒ္ဒရာထဲက လေပြင်းတွေနဲ့ လှိုင်းလုံးကြီးတွေကို ဖြတ်ကျော်ပြီး မြစ်ချောင်းအင်းအိုင်တွေမှာရှိတဲ့ လေပြေနဲ့ လှိုင်းငယ်တွေကို တံငါသည်တစ်ယောက်က ကြည့်နေသလိုပဲ လုရွှမ်ရဲ့ မျက်လုံးတွေက သူတို့ကို ထိုအဓိပ္ပာယ်ဖြင့် ငုံ့ကြည့်နေသည်။

လုရွှမ်ရဲ့ လျစ်လျူရှုမှုက လူငါးဦးကို ထိတ်လန့်သွားစေသည်။ သူတို့သည် လုရွှမ်ရှေ့တွင် ရပ်နေသည့် အင်အားကြီး အဖွဲ့တစ်ခု ဖြစ်ခဲ့သော်လည်း လုရွှမ်က သူတို့ထက် သာလွန်နေတယ်လို့ ခံစားလိုက်ရသဖြင့် သူတို့မှာ မတတ်နိုင်ဘဲ မော့ကြည့်လိုက်ရသည်။

"ကောင်းပြီ မင်းတို့က ထွက်မပြေးဘူး ဆိုမှတော့ အကုန် နေခဲ့လိုက်တော့!!"