ကျောက်တုံး​ပေါ်ကဓားသိုင်း

"ဒီဓားသိုင်းက အရမ်းအစွမ်းထက်တာပဲ!"

ဓားသိုင်းကို ကြည့်လိုက်ရုံနဲ့ အပေါ်က ထက်မြက်တဲ့ ဓားစွမ်းအင်ကို ခံစားရနိုင်ပြီး တကယ်တမ်း ဓားသွားလိုတဲ့ အရိပ်အယောင်တွေလည်း ရှိနေသည်။

ယေဘူယျအားဖြင့် ပြောရလျှင် ကျင့်ကြံသူတစ်ယောက်သည် ဓားသွားအချို့ကို သူ့ဝိညာဥ်စွမ်းအင်ဖြင့် ကျောက်ပေါ်၌ ထားရစ်ခဲ့တာ ဖြစ်နိုင်သည်။ ဒါပေမဲ့ ဒီလို ဓားသွားရဲ့ အရိပ်အယောင်ကိုပါ ချန်ထားဖို့က တော်တော်လေး ခက်ပေ၏။

လိုအပ်သည်မှာ ဓားလမ်းစဥ်ကို အဆုံးစွန် နားလည်သဘောပေါက်ပြီး ဓားရည်ရွယ်ချက်ရဲ့ အဆုံးမရှိသော မျိုးဆက်နိယာမကို နားလည်ရန်ပင်။ သို့မှသာ ဓားဆန္ဒက ဆက်လက်တည်မြဲစေမှာ ဖြစ်သည်။

ထိုသခင်သည် အနည်းဆုံး နတ်မီးနယ်ပယ်က အရှင်သခင်သာ ဖြစ်ရမည်။ ဥပမာအားဖြင့် သူတို့သည် ဓားတစ်ချောင်းကို ကျောပေါ်တွင် ထားရစ်ထားပါက အန္တရာယ် ကျရောက်သောအခါ ဓားက သခင်ကို ကာကွယ်ရန်နှင့် ရန်သူကို ဖျက်ဆီးရန် အလိုအလျောက် ပေါ်လာလိမ့်မည်။

လုရွှမ်ရဲ့ ဓားရည်ရွယ်ချက်မှာ ယခုအချိန်တွင် ထူးထူးခြားခြား ဖြစ်နေသော်လည်း သူသည် သူဓားရည်ရွယ်ချက်ကို ပန်းချီကားပေါ်တွင် ထိန်းသိမ်းထားနိုင်စွမ်း မရှိ​သေးပေ။

တစ်နည်းဆိုရသော် ဤဓားသိုင်းကို ကျောက်တုံးပေါ်၌ စွန့်ခဲ့သော သခင်သည် အနည်းဆုံး နတ်မီးနယ်ပယ်တွင် ရှိရမည်။ သို့မဟုတ် ဓားသွားအရိပ်အယောင်ကို အချိန်အကြာကြီး ထိန်းသိမ်းထားနိုင်သူက မျှော်စင်နယ်ပယ်က သခင် ဖြစ်နိုင်သည်။

ချွင်း!

ရုတ်တရက် အသံတစ်သံ ထွက်လာသည်။

လူတိုင်း နောက်ပြန် လှည့်ကြည့်ကြသော် တပည့်တစ်ဦးသည် ပေါ့ပေါ့ပါးပါး နှိုင်းယှဉ်ပြီးနောက် ဤဓားသိုင်းပညာကို အမှန်တကယ် အသုံးပြု​နေခဲ့သည်။ ဓားစွမ်းအင်က လေထုကို လှုံ့ဆော်ပြီး ကျောက်နံရံကို ထိသွား၏။

ကျောက်နံရံသည် သဘာဝကျကျ မပျက်စီးသွားသော်လည်း ဖုန်မှုန့်များ တုန်ခါမှုမှတစ်ဆင့် သူတို့တစ်ဝိုက်မှာ အဆက်မပြတ် ကျဆင်းနေသည်။

"ဆရာတူညီလေးဟွာ မင်း?"

ထိုတစ်ယောက်ကတော့ အသက်မပြည့်သေးသော လူငယ်တစ်ယောက် ဖြစ်သည်။ သူသည် မဟာသူတော်စင် အဆင့်၉ဖြင့် ထူးကဲသော အရည်အချင်း ရှိသည်။

"ဒီဓားသိုင်းကို သင်ယူနိုင်သားပဲ"

ထိုကောင်လေးက သူ့ဘာသာ ခပ်ထေ့ထေ့ ပြောလိုက်သည်။

ချက်ချင်းဆိုသလိုပင် လူများစွာသည် ၎င်းကို စတင် သင်ယူခဲ့ကြသည်။ နှစ်ကြိမ် သုံးကြိမ်ဆက်တိုက် စမ်းသုံးကြည့်ပြီးနောက် လူတိုင်းသိလာခဲ့တာက ဓားစွမ်းအင်များသည် တစ်ခုပြီးတစ်ခု ကြီးထွားလာ၏။ တစ်ခုနှင့်တစ်ခုက မတူညီသော စွမ်းအားများ ရှိကြသော်လည်း လူတိုင်းက အလွန်အားရ ကျေနပ်​​နေကြသည်။ လေထုထဲမှာ အပိုလှုပ်ရှားမှု တစ်ခု ရှိနေသည့်အတိုင်းပင်။

လုရွှမ် သူ့ဓားကို မလှုပ်ပေ။ သူ ဓားသိုင်းကို ပထမဆုံးအကြိမ် မြင်လိုက်ရတဲ့ အချိန်ကတည်းက ဤဓားသိုင်းကို ကျွမ်းကျင်နေပြီ ဖြစ်သည်။ စွမ်းအားက တကယ်ကို အားကောင်းတယ်လို့ ပြောရမှာပဲ။ ဓားကို ဝေ့ယမ်းလိုက်တဲ့အခါ စွမ်းအင်တွေဟာ ဒန်တန်ထဲကနေ သဘာဝအတိုင်း ပေါက်ဖွားလာပြီး ခန္ဓာကိုယ်ထဲမှာရှိတဲ့ သွေးကြောတွေဆီ လျင်မြန်စွာ ပျံ့နှံ့သွားကာ လက်ချောင်းတွေ တစ်လျှောက် ပေါက်ကွဲထွက်လာသည်။

ဤဓားလှုပ်ရှားမှုသည် သူ့ရဲ့ ယွမ်ယန်ဓားကိုးစင်းထဲက ပထမဆုံးဓားလောက် အစွမ်းထက်ပါသည်။ ယွမ်ယန်ဓားကိုးစင်း၏ ကြမ်းတမ်းသော လိုအပ်ချက်များနှင့် နှိုင်းယှဉ်ပါက ဤဓား၏ ဓားလမ်းစဥ်အပေါ် နားလည်ထားသော ဤလှုပ်ရှားမှုက များစွာ ရိုးရှင်းပါ၏။

ဓားလမ်းစဥ် နားလည်မှုပေါ် မူတည်ပြီး ဓားကို အသုံးပြုခြင်းရဲ့ စွမ်းအားဟာ သဘာဝအားဖြင့် လုံးဝ ကွဲပြားပါလိမ့်မည်။

"ဆရာတူညီလေး ငါတို့ရှေ့ဆက်သွား​ကြမလား?"

ကျန့်ကျောက် လှမ်းအော်လိုက်သည်။

ဤဓားသိုင်းကို ကျွမ်းကျင်ပြီးနောက် တပည့်များ အားလုံးသည် ကိုယ့်ကိုကိုယ် ယုံကြည်မှုတွေ အလွန်တိုးလာကြသည်။ လုရွှမ် ဓားမထုတ်ရတဲ့ အကြောင်းရင်းကို မစဉ်းစားနိုင်သောကြောင့် အဖွဲ့သည် ရှေ့သို့ ဆက်သွားချင်​နေခဲ့သည်။

နှစ်ဆင့်ဖြတ်ပြီးနောက် ကျောက်နံရံမှာ နောက်ထပ် ဓားသိုင်းပညာကို ထပ်ရှာတွေ့ခဲ့လေ၏။

ပထမဓားသိုင်းက မူလဇာစ်မြစ်ဟု ဆိုရမည်။ သို့သော် ပထမတစ်မျိုးနှင့် နှိုင်းယှဉ်ပါက ကျောက်နံရံပေါ်က ဤဓားသိုင်းပညာကတော့ ရိုက်နှိပ်ထားတာ များစွာနက်နဲသည်။ ထိုနည်းတူစွာ ဓားရွေ့လျားမှု စွမ်းအားအရ အ​စောကဓားသိုင်းထင် များစွာပိုမို အားကောင်းသည်။

လူအုပ်စုသည် ဤဓားသိုင်းကို ကျွမ်းကျင်အောင် ပြင်းပြင်းထန်ထန် ကြိုးစား၍ ဂိုဏ်းထဲသို့ ဝင်လာသော တပည့်များကဲ့သို့ပင် စိတ်အားထက်သန်​နေကြ၏။

ခြားနားချက်မှာ ချက်ချင်း သိသာထင်ရှားပါသည်။ အင်အားနည်းသော တပည့်တချို့က ၎င်းဓားကို အကြိမ်အနည်းငယ် စမ်းသုံးပြီးနောက် ထိန်းချုပ်နိုင်သွားသည်။ သို့သော်လည်း ကျွမ်းကျင်သော တချို့သော ကောင်းကင်ဘုံသခင်တွေကတော့ အကြိမ်များစွာ ကြိုးစားခဲ့သော်လည်း သဲလွန်စ မရခဲ့ပေ။

လုရွှမ်ကတော့ ဓားသွားလှုပ်ရှားမှုကို တစ်ချက် ကြည့်လိုက်ပြီး ၎င်း၏ အနှစ်သာရကို နားလည်သွားသေးသည်။ သူ့လက်ချောင်းတွေကို ဝေ့ယမ်းရင်း ဓားကို အနည်းငယ် ကစားကြည့်လိုက်သည်။

ဒန်တန်ထဲတွင် ပထမဓားထက် ပိုမိုပြင်းထန်ပြီး ခန္ဓာကိုယ်အနှံ့ ဖြတ်သန်းစီးဆင်းနေသော စွမ်းအင် အနည်းငယ်လည်း ရှိ​နေသေးသည်။ ဒန်တန်ကနေတစ်ဆင့် သွေးကြောတွေထဲ ဖြတ်သန်းစီးဆင်းနေသော စွမ်းအင်တွေကြောင့် လုရွှမ် တိတ်တိတ်လေး အံ့သြမိသွား၏။

ယွမ်စွမ်းအင် ခွန်အားကို တိုးမြင့်လာစေရန် အတွက် သွေးကြောတွေထဲက ဝိညာဥ်စွမ်းအင် ထွက်သက်ဝင်သက် ပမာဏကို စီးဆင်းစေရတာက လူကြိုက်အများဆုံး နည်းလမ်းတစ်ခုအဖြစ် ရှိနေသည်။ လုရွှမ်လည်း အတူတူပင်။

ထိုအချိန်က သူ့​နယ်ပယ်သည် အလွန်နိမ့်ကျသောကြောင့် ခွန်အားကို မြှင့်တင်လိုပါက နည်းလမ်းအမျိုးမျိုးကို အသုံးပြုရန် လိုအပ်သည်။ အရွတ်များသည် သဘာဝကျကျ ၎င်းတို့အနက်မှ တစ်ခုဖြစ်သော်လည်း တဖြည်းဖြည်း ခွန်အား တိုးလာသဖြင့် အရွတ်အတွင်းရှိ စွမ်းအင်များသည် နှလုံးမှ လုံးလုံးလျားလျား ရွေ့လျားသွားသောကြောင့် အရွတ်များ၏ ဦးတည်ရာသည် များစွာ အကျိုးသက်ရောက်မှု မရှိတော့ဘဲ တဖြည်းဖြည်း အားလျော့သွားခဲ့သည်။

ယခုမူ လုရွှမ်သည် ဓားစွမ်းအင်ဟာ သူ့ခန္ဓာကိုယ်ရှိ သွေးပြန်ကြောများ အတွင်းမှ လမ်းကြောင်း အမျိုးမျိုးသို့ ရွေ့လျားသွားနေတာကို တစ်ဖန် ခံစားလိုက်ရပြီး ထုတ်ယူလိုက်သော စွမ်းအားမှာလည်း လုံးဝခြားနားသွားသည်။

နောက်ထပ် အကြိမ်အနည်းငယ် ကြိုးစားပြီးနောက် လုရွှမ် ခံစားလိုက်ရသည်။ တကယ်တော့ ယွမ်စွမ်းအင်၏ စုစုပေါင်းပမာဏက မတိုးလာခဲ့ပေ။ ၎င်းဓားစွမ်းအင်က ခန္ဓာကိုယ် အတွင်းသို့ ထိထိရောက်ရောက် ထိုးဖောက်ဝင်ရောက်ကာ ခန္ဓာကိုယ်အား အသက်သာဆုံး ဓားစွမ်းအင်ဖြင့် ထိုးနိုင်စေမည့် အရှိန်အဟုန်ကို ဖန်တီး​ပေးခဲ့သည်။

ထိုအရှိန်အဟုန်နဲ့အတူ မရေရာသော ခံစားမှုတစ်ခု ရှိနေပြီး ပြေးလွှားနေကဲ့သို့ အနည်းငယ်သာ ရှိသည်။ သို့သော် လုရွှမ်မှာ အဲဒီမရေရာတဲ့ ခံစားမှုက ဘာလဲ မသိသေးသောကြောင့် မခွဲခြမ်းစိတ်ဖြာနိုင်သေးပေ။

ဒါပေမဲ့ သူ့စိတ်ထဲမှာ နှစ်သိမ့်မှုတစ်ခုတော့ ရှိနေပါပြီ။ ဒါက ကောင်းကင်ကို သွားတဲ့ လမ်းဆိုတာ သိသာ​လေသည်။ အဲဒါက ဖြတ်လမ်းလို့တော့ မပြောရဲပေမယ့် စူးစမ်းလို့ရတဲ့ လမ်းကြောင်းပါပဲ​။

ကျင့်ကြံသူ အုပ်စုသည် တခြားသူများကို ကူညီကာ မိမိတို့ကိုယ်တိုင်လည်း ရှင်းလင်းချက်များ ထုတ်ပေးကြသည်။ လုရွှမ် သူတို့ကိုကြည့်ကာ တိတ်တိတ်လေး ခေါင်းညိတ်လိုက်သည်။ ဒီဓား အငွေ့အသက်က အလွန်ကောင်းကာ ယခုအခိုက်တွင် လူတိုင်းသည် သေရေးရှင်ရေး ကိစ္စများကို အတူတကွ မျှဝေရင်း ဆက်ဆံရေးကလည်း သဟဇာတ ဖြစ်လာကြသည်။

ကိုယ့်အတွက်ပဲဖြစ်ဖြစ် တခြားသူတွေအတွက်ပဲဖြစ်ဖြစ် အနည်းဆုံးတော့ တခြားသူဆီကနေ ဒီဓားသိုင်းကို သင်ယူဖူးကြရမှာပဲ။ ပြီးရင် နောက်ဆက်တွဲ ရုန်းကန်မှုမှာ ကိုယ့်အသက်ကို ကယ်တင်မယ့် ဓားသိုင်းဖြစ်နိုင်ပြီး သူငယ်ချင်း​တွေကိုတောင် ကူညီပေးနိုင်လောက်သည်။

လုရွှမ်လည်း အဖွဲ့ထဲဝင်ပြီး အဓိကအချက်များကို ပြောပြလိုက်သည်။

လုရွှမ်ရဲ့ ဓားလမ်းစဥ် နားလည်မှုက အလွန်အံ့သြဖွယ်ကောင်းပြီး ဤဓားသိုင်းပညာကို နားလည် သဘောပေါက်မှုကလည်း တခြားသူများထက် အဆပေါင်းများစွာ အားသာသည်။ မကျွမ်းကျင်သေးသော လူများမပြောနှင့်။ ဓားသိုင်းကွက်များကို သင်ယူဖူးသူများပင်လျှင် ရုတ်တရက် သဘောပေါက်သွားပြီး များစွာအကျိုးရှိစေတယ်လို့ ထင်မြင်လာလေ၏။

နာရီဝက်အတွင်းမှာပဲ အားလုံးက ဒုတိယဓားကို သင်ယူနိုင်ခဲ့ကြပြီး အုပ်စုက ရှေ့ဆက်သွားခဲ့ကြသည်။

လုရွှမ်နှင့် ဓားတွေကို ဖမ်းယူခဲ့သော တခြားလးရှစ်ယောက်တို့သည် လက်ရှိလူများကြားတွင် သြဇာအရှိဆုံးလူများ ဖြစ်လာသည်။ လမ်းတစ်လျှောက်တွင် လူကိုးဦးသည် ရံဖန်ရံခါ အကြည့်ချင်း ဖလှယ်ကာ သူတို့ပတ်ဝန်းကျင်ရှိ လှုပ်ရှားမှုများကို စောင့်ကြည့်နေကြသည်။

နတ်မီးနယ်ပယ် အထက်က အကျဉ်းချခံထားရသော သက်ကြီးရွယ်အိုများသည် လက်ရှိအချိန်တွင် သူတို့အား မတိုက်ခိုက်သေးပေ။ ထိုယန္တရားများက သူတို့အပေါ် ထိရောက်မှု မရှိသော်လည်း အရှေ့တွင် သခင်တစ်ဒါဇင်ကျော် ရှိနေပါသေးသည်။

တခြားစင်္ကြံတွင် လူတိုင်းသည် တတိယဓားသိုင်းကို ရှာမတွေ့သော်လည်း နောက်ထပ် တစ်ဖက်သွားဓားကြီးရဲ့ ဓားသိုင်း တစ်ခုကို​တော့ ရှာတွေ့ခဲ့ကြသည်။

"ဘာလို့ ဓားရှည်သိုင်းမဟုတ်ဘဲ တစ်ဖက်သွားဓားကြီးရဲ့ သိုင်းကွက် ဖြစ်နေတာလဲ?"

"ဒီပန်းချီကားက အရင်ကလက်ရာနဲ့ မတူတာကို သတိထားမိလား?"

နတ်သမီးထျန်းရှောင်းက အော်ပြောလိုက်သည်။ သူမ လမ်းတစ်လျှောက်လုံး အရမ်းသတိ ထားနေပြီး ဒီအချိန်မှာ သူမခံစားရတဲ့ ကွဲပြားမှုကို ပြောပြလိုက်သည်။

လူတွေလည်း ရုတ်တရက် အံ့ဩသွား၏။

"အရင်ကနဲ့ နည်းနည်း ကွာခြား​နေတယ်လို့ ပြောချင်တာ... အစက ဓားရှည်သိုင်းနဲ့ တစ်ဖက်သွားဓားကြားက ကွာခြားချက်လို့ ထင်နေတာ ဒါကြီးက ထွင်းထားတဲ့ လက်ရာမတူတဲ့ အကြောင်းအရင်းကြောင့် ဖြစ်သွားတာပဲ"

သူတို့ပြောနေတဲ့ လက်ရာက စာရွက်ပေါ်မှာရေးထားတဲ့ လက်ရာလိုမျိုး မဟုတ်ပါဘူး။ ပုံဖော်မှုရဲ့ ထွက်သက်၊ ခံစားမှုနှင့် အတိမ်အနက်က လုံးဝ ကွဲပြားနေတာပင်။

ငြိမ်သက်သွားပြီးနောက် သူတို့သည် ဒီဓားသိုင်း စွမ်းရည်တွေကို ထွင်းခဲ့တဲ့ လူတွေဟာ မတူကွဲပြားတဲ့ လူနှစ်ယောက် ဖြစ်နေတယ်လို့ ခံစားလာရတော့သည်။

"ဘာလဲ? အားလုံးလည်း ဓားရှည်သိုင်းပညာကို သင်ယူနေကြပေမယ့် ဒီလောက် အစွမ်းထက်တဲ့ တစ်ဖက်သွားဓားသိုင်းကို မြင်ရင် နည်းနည်းလေး မသင်ယူလိုက်မိရင် နှမြောစရာ မကောင်းဘူးလား?"

အားလုံးက ခေါင်းညိတ်ကြသည်။ ဒါကတော့ အမှန်ပဲ။