အခန်း (၉၈၆)
Vol. 71 Ch. 986
“မင်းက မိစ္ဆာကျင့်ကြံသူတစ်ယောက် မဟုတ်ဘူးပဲ။ ဘယ်သူ့ကို ချောက်ချချင်နေတာလဲ”
ကျန့်တနျိုက ခေါင်းခါလိုက်ပြီး ကျယ်လောင်စွာပြောသည်။
“မင်းက ဘယ်သူလဲ ငါကြည့်ပါရစေ”
သူ၏ ခါးကုန်းနေသောပုံစံက ကြီးထွားလာပြီး ကြွက်သားများနှင့်ပြည့်နေသော အသက်လေးဆယ်အရွယ် လူကြီးတစ်ယောက် ဖြစ်သွားသည်။
သူက ရွှေတူတစ်လက်ကို ကိုင်ထားပြီး လွှမ်းမိုးနိုင်သော အငွေ့အသက်ကို ထုတ်လွှတ်နေသည်။
သူ၏ ကျင့်ကြံဆင့်ကလည်း လျင်မြန်စွာ မြင့်တက်လာပြီး ဝိညာဉ်သူငယ်အဆင့်မှ ဝိညာဉ်ကိုယ်ခွဲအဆင့်၊ ဝိညာဉ်ဖွဲ့စည်းခြင်းအဆင့်အထိ ရောက်သွားသည်။ ထို့နောက် ကောင်းကင်အဆင့်၏ အတားအဆီးကို ကျော်ဖြတ်ပြီး သူတော်စင်တစ်ဝက်အဆင့်အထိ ရောက်လာသည်။
သူက ပန်းပဲပညာရပ်ဖြင့် သူတော်စင်တစ်ပါး ဖြစ်လာခဲ့သည်။
ကျန့်တနျိုက ပြန့်ကျဲကြယ်ကျွန်းတွင် လက်နက်များသန့်စင်၍ နေထိုင်ခဲ့သည်။ သူက တခြားအရာများကို မသိသော်လည်း ပန်းပဲပညာရပ်တွင် အလွန်ကျွမ်းကျင်၍ တိကျသည်။
ထိုသို့ဖြင့် သူက မသိလိုက်ပဲ သူတော်စင်တစ်ဝက်အဆင့်သို့ ရောက်လာသည်။
“လူသားအင်မော်တယ်အဆင့် ကျင့်ကြံသူပဲ”
ရှေ့တွင်ရှိသော လူတစ်ယောက်က ထိတ်လန့်စွာ အော်ဟစ်သည်။
ကျန့်တနျိုက တူဖြင့် ပြင်းထန်စွာ ထုနှက်လိုက်ပြီး ဆယ်မိုင်ပတ်ဝန်းကျင်ကို တုန်ခါသွားစေသည်။
သင်္ဘောပျံကို ဝိုင်းရံထားသော ကျင့်ကြံသူများက သွေးအန်လိုက်ရသည်။
“ဟားဟား၊ ကျန်တာကို ဂိုဏ်းခွဲမှူးလုဆီမှာ ထားခဲ့တော့မယ်”
ကျန့်တနျိုက ရယ်လိုက်ပြီး အငွေ့အသက်ကို သိမ်းဆည်းသည်။ သူက ခါးကုန်းနေသော လူအိုကြီးတစ်ယောက် ပြန်ဖြစ်သွားသည်။
“ကျေးဇူးပါပဲ အကြီးအကဲကျန့်”
တုချန်က ကုန်းပတ်ပေါ်သို့ ရောက်လာပြီး ကျန့်တနျိုကို ဦးညွတ်သည်။
သူက ဝိညာဉ်သူငယ်အဆင့်သာ ဖြစ်သော်လည်း ကျန့်တနျိုက သူတော်စင်တစ်ဝက်အဆင့်သို့ ရောက်နေသည်။
သူတို့က အလွန်ဝေးကွာလှသည်။
ကျန့်တနျိုက ခပ်ဟဟရယ်လိုက်ပြီး တုချန်၏ပခုံးကို ပုတ်ပေး၍ သင်္ဘောအခန်းထဲသို့ ပြန်ဝင်သွားသည်။
တုချန်က နောက်မှ လျင်မြန်စွာ လိုက်သွားသည်။
ကုန်းပတ်ပေါ်တွင် ကျန့်ထန်ဟူက တုချန်ဟိုင်၏ပခုံးကို ပုတ်ပေးလိုက်ပြီး လက်နှစ်ဖက်ကို နောက်ပစ်၍ ရှေ့ဆုံးမှ လမ်းလျှောက်သွားသည်။
တုချန်ဟိုင်က တစ်ကိုယ်လုံး တုန်ခါသွားပြီး ခေါင်းငုံ့ထားလျက် နောက်မှ လိုက်လာသည်။
တခြားလူငယ်များက တစ်ယောက်ကိုတစ်ယောက် ကြည့်နေပြီး နောက်မှ လိုက်လာကြသည်။
“သူ့ရဲ့ဘိုးဘေးက ဓားဘိုးဘေးမူယဲ့ရဲ့ နောက်လိုက်တစ်ယောက် ဖြစ်ဖူးတယ်လို့ ကျန့်ထန်ဟူက ပြောတယ်။ အဲဒါက တကယ်ပဲလား”
လူငယ်တစ်ယောက်က ရေရွတ်လိုက်သည်။
....
အမည်ခံတပည့်များအားလုံးက အထက်ဘုံသို့ ရောက်လာသောအခါ အပြင်စည်းဂိုဏ်းတွင် သုံးနှစ်ကြာအောင် လေ့ကျင့်ခဲ့ရသည်။ ထို့နောက် ဓားစံအိမ်၏ လျှို့ဝှက်နယ်မြေသို့ ဝင်ရောက်သွားကြသည်။
လျှို့ဝှက်နယ်မြေမှ ပြန်ထွက်လာပြီး ဓမ္မစင်မြင့်၏ စင်မြင့်ဆယ်ခုကို ကျော်ဖြတ်နိုင်လျှင် တရားဝင်တပည့်များ ဖြစ်လာကြသည်။
ကျန့်ထန်ဟူက ကိုးနှစ်ကြာအောင် ကျင့်ကြံပြီး ကောင်းကင်အဆင့်သို့ ရောက်သွားခဲ့သည်။
ကျန့်တနျိုက ကျန့်ထန်ဟူကို ပို့ဆောင်ပေးခဲ့ပြီး ဓားစံအိမ်သို့သွား၍ ဓားဘိုးဘေးမူယဲ့နှင့်ဆုံတွေ့ရန် တောင်းဆိုခဲ့သည်။
တုချန်က ကျန့်တနျိုနှင့်အတူ အရှက်မရှိ လိုက်လာခဲ့သည်။
သူက မိုင်တစ်ထောင်ကျော် ခရီးသွားခဲ့ပြီး ရွှေရောင်ကိုးထပ်ဓားစံအိမ်ကို မြင်လိုက်ရသည်။
ကိုးထပ်ဓားမျှော်စင် ....
ဓားစံအိမ် ....
“ဓားဘိုးဘေးမူယဲ့က ဓားစံအိမ်ရဲ့ ဓားထိန်းတစ်ယောက် ဖြစ်ခဲ့တယ်လို့ ပြောကြတယ်”
တုချန်က ဓားစံအိမ်၏အထက်တွင် လွင့်မျောနေသော ကိုးထပ်ဓားမျှော်စင်ကို ကြည့်လိုက်ပြီး တီးတိုးပြောသည်။
“ဒါက ဂိုဏ်းတပည့်တွေ ဓားလက်ခံတဲ့ အံ့ဖွယ်ကိုးပါးဓားမျှော်စင်ပဲ။ အခွင့်မရှိတဲ့လူတွေ မဝင်ရဘူး”
အသံတစ်သံ ပေါ်ထွက်လာသည်။
အစိမ်းရောင်ဝတ်စုံနှင့် လျှိုဟုန်က အပြင်ဘက်သို့ ထွက်လာပြီး ကျန့်တနျိုနှင့်တုချန်ကို မြင်လိုက်ရသောအခါတွင် အပြုံးတစ်ခုနှင့်အတူ ပြောသည်။
“ငါက အံ့ဖွယ်ကိုးပါးဓားစံအိမ်ရဲ့ ဓားထိန်း လျှိုဟုန်ပါ။ မင်းတို့နှစ်ယောက်က ဓားယူဖို့လာတာလား။ အရောင်းအဝယ်လာလုပ်တာလား”
ကျန့်တနျိုက စိတ်လှုပ်ရှားနေသောမျက်နှာထားဖြင့် လက်နှစ်ဖက်ကို ဆုပ်ကိုင်လိုက်ပြီး ပြောသည်။
“ကျွန်တော်က ဓားဘိုးဘေးမူယဲ့နဲ့ တွေ့ချင်လို့ပါ”
လျှိုဟုန်က မျက်မှောင်ကြုတ်လိုက်ပြီး စကားပြောတော့မည့်အချိန်တွင် မျက်နှာထားပြောင်းလဲသွားသည်။ သူက လက်ကို ဝှေ့ယမ်းလိုက်ပြီး ပြောသည်။
“ဂိုဏ်းတူအစ်ကိုကြီးက ကိုးထပ်မြှောက်မှာ ရှိနေတယ်”
သူက ထိုသို့ပြောလိုက်ပြီး တီးတိုးရေရွတ်သည်။
“အစ်ကိုခြောက်၊ ကျွန်တော်တို့က စီးပွားရေးအဟောင်းကို ဆက်လုပ်လို့မရတော့ဘူး။ သူတို့အားလုံးက ဓားယူဖို့ ရောက်လာကြတာမဟုတ်ဘူး”
သူ့စကားအဆုံးတွင် အစိမ်းရောင်ဝတ်စုံနှင့် ဟွမ်ခြောက် ဓားစံအိမ်ထဲမှ ထွက်လာပြီး လှေကားထစ်များရှေ့တွင် ရပ်နေသော တုချန်ကို အပြုံးတစ်ခုနှင့်အတူ ကြည့်သည်။
“တာအိုရောင်းရင်းက ဓားလက်ခံဖို့ ရောက်လာတာလား”
သူက ညာဘက်လက်၏ လက်ညှိုးနှင့်လက်မကို ညင်သာစွာပွတ်သပ်လိုက်ပြီး ပြောသည်။
“ထိပ်တန်းအဆင့် ဝိညာဉ်ကျောက်တုံးတစ်တုံး ပေးရမယ်”
‘ဓားတစ်လက်အတွက် ထိပ်တန်းအဆင့် ဝိညာဉ်ကျောက်တုံးတစ်တုံးလား’
တုချန်က သေချာပေါက် လဲလှယ်လိမ့်မည်။
သူက တောက်ပနေသောမျက်လုံးများဖြင့် ဟွမ်ခြောက်ကို ကြည့်လိုက်သည်။
“အကြီးအကဲ၊ ဒီစည်းကမ်းက ယာယီလား”
ဟွမ်ခြောက်က မျက်လုံးလှန်လိုက်ပြီး ပြောသည်။
“အချိန်အတော်ကြာသည်အထိ ရှိနေလိမ့်မယ်”
ဟန်မူယဲ့က အားလပ်နေသောကြောင့် အံ့ဖွယ်ကိုးပါးဓားမျှော်စင်ကို ထုတ်ယူပြီး ညီအစ်ကိုဟောင်းများကို စောင့်ကြပ်ခိုင်းထားသည်။
ထိုအလုပ်က စိတ်ဝင်စားဖွယ်ကောင်းသော်လည်း အချိန်ကုန်သည်။
သူတို့အားလုံးက အဆင့်မြင့်ကျင့်ကြံသူများ ဖြစ်ပြီး အချိန်မဖြုန်းချင်ကြပေ။
ဟွမ်ခြောက်၏စကားကို ကြားလိုက်ရသောအခါတွင် တုချန်က လှည့်ထွက်သွားသည်။
သူက ထိပ်တန်းအဆင့် ဝိညာဉ်ကျောက်တုံးကို ရှာဖွေရမည်။
သူက အခြေတည်ဝိညာဉ် အဌမအဆင့်တွင် ရှိနေသောကြောင့် ယခင်က ထိပ်တန်းအဆင့် ဝိညာဉ်ကျောက်တုံးကို ရှာဖွေနိုင်မည်မဟုတ်ပေ။
သို့သော် ယခုအချိန်တွင် အင်မော်တယ်ရင်းမြစ်ကမ္ဘာက အင်မော်တယ်ကမ္ဘာ ဖြစ်လာသည်။ ထိပ်တန်းအဆင့် ဝိညာဉ်ကျောက်တုံး၏ တန်ဖိုးက အလွန်အမင်း လျော့ကျသွားပြီး သာမန်ဝိညာဉ်ကျောက်တုံးသာ ဖြစ်လာသည်။
လူတိုင်းအတွက် တန်ဖိုးအရှိဆုံးအရာသည် လောကတွင် ပျံ့နှံ့နေသော အင်မော်တယ်ချီစွမ်းအင် ဖြစ်သည်။
ဓားဘိုးဘေးမူယဲ့က မရေမတွက်နိုင်သော အင်မော်တယ်ကျောက်တုံးများကို အသုံးချ၍ အင်မော်တယ်စွမ်းအင်ကို စုစည်းခဲ့သည်။ ထို့နောက် ကမ္ဘာလောကတစ်ခုလုံးက အဆင့်တက်သွားသည်။
အင်မော်တယ်ချီကို ကျင့်ကြံနေသော လောကတွင်ရှိသည့် ကျင့်ကြံသူများအားလုံးက ဓားဘိုးဘေးမူယဲ့ကို ကျေးဇူးတင်ရမည်။
ဓားစံအိမ်တွင် ကျန့်တနျိုက ခြေတစ်လှမ်းချင်းစီ လျှောက်လာခဲ့သည်။
ဓားစံအိမ်၏ ပထမထပ်တွင် အမျိုးမျိုးသော ဓားများကို သစ်သားစင်များပေါ်တွင် တင်ထားသည်။
ထိုဓားများက ဝိညာဉ်လက်နက်အဆင့်သာ ဖြစ်သည်။
ကျန့်တနျိုက ဆက်သွားလိုက်ပြီး ဒုတိယထပ်တွင် အဆင့်မြင့်ဝိညာဉ်လက်နက်နှင့် ထိပ်တန်းအဆင့်ဝိညာဉ်လက်နက်များကို မြင်ခဲ့ရသည်။
တတိယထပ်နှင့် စတုတ္ထထပ်တွင် မှော်ရတနာများ ရှိနေကြသည်။ တချို့က အရည်အသွေးကောင်းသည်။
ထိုမှော်ရတနာအများစုတွင် အသိစိတ်ရှိကြသည်။
ထို့အပြင် အင်မော်တယ်အင်းကွက်များကိုလည်း ပိုင်ဆိုင်ထားကြသည်။
ပဥ္စမထပ်တွင် ကျန့်တနျိုက အသက်ပြင်းပြင်းရှူသွင်းလိုက်ပြီး လက်နက်များအား ထိတွေ့ချင်သောဆန္ဒကို ထိန်းချုပ်ထားလိုက်သည်။
ဝိညာဉ်ရတနာတစ်ဝက်အဆင့် ဖြစ်သည်။
ထိုဓားများမှ ထုတ်လွှတ်နေသော ဓားအလင်းနှင့် ဓားဆန္ဒသည် လူတစ်ယောက်၏ ခန္ဓာကိုယ်ကို ထိုးဖောက်သွားနိုင်သည်။
ထိုဓားများက ကိုယ်ပိုင်ဝိညာဉ်ကို ပိုင်ဆိုင်ထားပြီး ဓားဆန္ဒကို အလိုလျောက် စုစည်းနိုင်ကြသည်။
သူက ပန်းပဲပညာရပ်တွင် ကျွမ်းကျင်သော်လည်း ဝိညာဉ်ရတနာတစ်ဝက်အဆင့် ဓားများကို သွန်းလုပ်ရန် ခက်ခဲနေသေးသည်။
ကံကောင်းမှသာ ထိုရတနာမျိုးကို သန့်စင်နိုင်လိမ့်မည်။
ကျန့်တနျိုက စိတ်လှုပ်ရှားနေပြီး ဆဌမထပ်သို့ တက်သွားသည်။
သူထင်ထားသည့်အတိုင်း ဤနေရာတွင်ရှိသော ဓားများသည် ဝိညာဉ်ရတနာအဆင့် ဖြစ်သည်။
ထိုရတနာများသည် ဂိုဏ်းကြီးတစ်ဂိုဏ်း၏ ကံကောင်းခြင်းကို ထိန်းသိမ်းထားနိုင်သည်။
ယခုအချိန်တွင် များပြားသော ဝိညာဉ်ရတနာအဆင့်ဓားများကို မြင်နေရသည်။
သတ္တမထပ်တွင် ထိပ်တန်းအဆင့် ဝိညာဉ်ရတနာများ ရှိနေသည်။
အဌမထပ်တွင် ဓားများ တစ်ဒါဇင်ခန့်သာ ရှိသည်။
သို့သော် ထိုဓားများက သိပ်သည်းသော အင်မော်တယ်အလင်းကို ထုတ်လွှတ်နေကြသည်။
အင်မော်တယ်ရတနာများ ဖြစ်သည်။
ဒဏ္ဍာရီများအရ ထိုလက်နက်များကို အင်မော်တယ်ကမ္ဘာ၏ ကျင့်ကြံသူများက ထိန်းချုပ်ထားပြီး လောကကို ချိုးဖောက်နိုင်သည်ဟု ပြောကြသည်။
ပန်းပဲပညာလမ်းစဉ်သည် အလွန်ကျယ်ပြန့်သည်။
ကျန့်တနျို၏ မျက်လုံးများက တောက်ပသွားသည်။ သူက ခေါင်းငုံ့ထားပြီး နဝမထပ်သို့ တက်သွားသည်။
နဝမထပ်သည် ဗလာဖြစ်နေပြီး ဓားအိမ်တစ်ခုလွယ်ထားသော အစိမ်းရောင်ဝတ်စုံနှင့် လူတစ်ယောက်သာ ရှိနေသည်။
“ဆိုင်ရှင်”
ကျန့်တနျိုက စိတ်လှုပ်ရှားစွာ နှုတ်ဆက်သည်။
သူက ထိုပုံရိပ်ကို မေ့သွားမည်မဟုတ်ပေ။
တော်ဝင်ရှုခင်းဓားဆိုင်တွင် သူက ပထမဆုံးအကြိမ်အဖြစ် ဝိညာဉ်ကျောက်တုံးများကို ထိတွေ့ခဲ့ရသည်။
တော်ဝင်ရှုခင်းဓားဆိုင်ကြောင့်သာ သူက လက်နက်သန့်စင်ခြင်းနည်းစနစ်ကို သင်ယူနိုင်ခဲ့သည်။
ဆိုင်ရှင်၏ အခွင့်အရေးများကြောင့် သူက ကျင့်ကြံခြင်းလမ်းစဉ်ပေါ်သို့ ရောက်လာသည်။
“တနျို၊ မင်းက သူတော်စင်တစ်ဝက်အဆင့်ကို ရောက်နေပြီပဲ။ ရှားပါးလိုက်တာ”
ဟန်မူယဲ့က စိတ်လှုပ်ရှားနေသော ကျန့်တနျိုကို ကြည့်လိုက်ပြီး ခပ်ဟဟရယ်လျက် ပြောသည်။
“မင်းက မိသားစုရဲ့ မျိုးဆက်သစ်တွေကို ဓားစံအိမ်ဆီ ပို့လိုက်တယ်ဆို”
ကျန့်တနျိုက လျင်မြန်စွာ ခေါင်းညိတ်လိုက်ပြီး လွန်ခဲ့သော နှစ်ပေါင်းနှစ်ထောင်တွင် ကျင့်ကြံခဲ့သော အကြောင်းအရာများကို ပြောပြနေသည်။
သူက အတော်လေး စိတ်လှုပ်ရှားနေသည်။
ဟန်မူယဲ့က ပြုံးလိုက်ပြီး နားထောင်နေခဲ့သည်။
လူသားလောကတွင် နှစ်ပေါင်းနှစ်ထောင်သည် အလွန်ကြာမြင့်သည်။
ဟန်မူယဲ့က အင်မော်တယ်ကမ္ဘာတွင် နှစ်ပေါင်းနှစ်ဆယ်ကြာအောင် တိုက်ခိုက်ခဲ့သော်လည်း နှစ်ပေါင်းနှစ်ထောင်ကြာမြင့်သော အတွေ့အကြုံကို မရခဲ့ပေ။
သူက အတွေ့အကြုံများ လိုချင်သောကြောင့် အံ့ဖွယ်ကိုးပါးဓားစံအိမ်ကို တည်ထောင်ခဲ့သည်။
ကျင့်ကြံခြင်း၌ လမ်းတစ်လျှောက်တွင်ရှိသော ရှုခင်းများကိုလည်း လေ့လာကြည့်ရမည်။
သူသာမက ဟွမ်ခြောက်နှင့် တခြားလူများအတွက်လည်း အတူတူပင်ဖြစ်သည်။
ဤကမ္ဘာသည် အင်မော်တယ်ကမ္ဘာတစ်ခု ဖြစ်လာသောကြောင့် လူတိုင်း၏ ကျင့်ကြံခြင်းက လျင်မြန်စွာ တိုးတက်လာသည်။
သိပ်မကြာခင် ကျင့်ကြံခြင်း၏ ပထမဆုံးကပ်ဘေးနှင့် ကြုံတွေ့ရလိမ့်မည်။
ကောင်းကင်နှင့်လူသား၏ ပျက်စီးခြင်းငါးပါးကပ်ဘေး ....
ကောင်းကင်ကိုဆန့်ကျင်ပြီး ကျင့်ကြံနိုင်သောလူများ သိပ်မရှိပေ။
ဤလောကတွင်ရှိသော ကျင့်ကြံသူအများစုသည် လူသားအင်မော်တယ် အထွတ်အထိပ်အဆင့်တွင် ကောင်းကင်နှင့်လူသား၏ ပျက်စီးခြင်းငါးပါးနှင့် ရင်ဆိုင်ရလိမ့်မည်။
သို့မဟုတ် သူတို့က အင်မော်တယ်အသွင်ပြောင်းရေကန်သို့ ဝင်ရောက်ပြီး စိတ်အခြေအနေကို ကျင့်ကြံနိုင်သည်။
“ဆိုင်ရှင်၊ ကျွန်တော်က ဆိုင်ရှင်ရဲ့နောက်ကို ဆက်လိုက်လို့ရမလား”
ကျန့်တနျိုက မျှော်လင့်နေသည်။
သူက ကျွမ်းကျင်ပန်းပဲဆရာတစ်ယောက် ဖြစ်နေသော်လည်း တော်ဝင်ရှုခင်းဓားဆိုင်တွင် နေထိုင်ခဲ့သောအချိန်သည် သက်တောင့်သက်သာအရှိဆုံး ဖြစ်သည်။
ဟန်မူယဲ့က ပြုံးလိုက်ပြီး ခေါင်းညိတ်သည်။
“ရတာပေါ့။ အံ့ဖွယ်ကိုးပါးဓားစံအိမ်မှာ ဓားတွေကို အကဲဖြတ်ပြီး ပြုပြင်ပေးဖို့ လူလိုနေတယ်”
ဓားများကို စုဆောင်းရာတွင် ပျက်စီးနေသော ဓားများ အမြဲပါလာတတ်သည်။
ကျန့်တနျို၏ အရည်အချင်းနှင့်ဆိုလျှင် ထိုနေရာအတွက် အလွန်သင့်တော်သည်။
ဟန်မူယဲ့၏စကားကို ကြားလိုက်ရသောအခါတွင် ကျန့်တနျိုက ပြုံးလိုက်ပြီး ရယ်သည်။