ကျိုးပြီးနောက်

အခြေအနေက အရေးတကြီး ဖြစ်နေပေမယ့် လုရွှမ်ကတော့ လုံးဝ ထိတ်လန့်မသွားပါဘူး။ ဒီလို အကျပ်အတည်းတွေ များလာလေ စိတ်တည်ငြိမ်ရလေပဲ ဆိုတာကို သူကောင်းကောင်း သိပါသည်။

ခန္ဓာကိုယ် ခိုးယူထားတဲ့ ပင်လယ်သားရဲရဲ့ မှော်စွမ်းအားက အံ့ဖွယ်စရာ ကောင်းလောက်အောင်၊ ကြောက်စရာ ကောင်းလောက်အောင် ကြီးကျယ်ခမ်းနားလေသည်။ ကမ္ဘာကြီးက အံ့ဩစရာတွေ ပြည့်နှက်နေပြီး မှော်စွမ်းအားတွေက အတောမသတ်နိုင်အောင် ပေါ်ထွက်လာနိုင်တာကြောင့် ဘယ်သူ့ကိုမှ လျှော့တွက်လို့ မရပါချေ။

သို့သော် လုရွှမ်သည် သူ၏အတိတ်က အတွေ့အကြုံများကြောင့် ငြိမ်သက်နိုင်ခဲ့သည်။ နှစ်ပေါင်း 30,000 နောက်ပိုင်းတွင် ဤမှော်အစွမ်းများကို သူမဘယ်လိုများ အသုံးချနိုင်ခဲ့တာလေ။ ဆိုရိုးစကားအတိုင်း ရိတ်သိမ်းလေ အားထုတ်ရလေ ဆိုလျှင် ဤမှော်အစွမ်းသည် ခန္ဓာကိုယ်ကို ခိုးယူထားသော ပင်လယ်သားရဲဟာ များစွာ အားထုတ်ခဲ့ရကြောင်း သိသာထင်ရှားသည်။

လုရွှမ် ဒီကိစ္စကိုတော့ သံသယ မဝင်ပေ။

တိုက်ပွဲတစ်ခုတွင် အလုံးစုံ မစွမ်းဆောင်နိုင်ပါက ဓားကိုထက်အောင်တော့ သွေးထားရမည်။ မည်သို့ပင်ဆိုစေကာမူ ဖီးနတ်၏ သွေးဖြင့် လုရွှမ် သည် သူ့တွင် တိုက်ခိုက်နိုင်စွမ်း ရှိနေကြောင်း ယုံကြည်ပါ၏။

မကောင်းဆိုးဝါး ပင်လယ်သားရဲခမျာ ထိတ်လန့်သွားကာ လုရွှမ်ရဲ့ မျက်လုံးများထဲ ပေါ်နေသော သူမ အမူအရာကို ​ပြန်မြင်လိုက်ရသည်။

ဒီလိုလူသား ဘီလူးတစ်ကောင် ဘယ်တုန်းက ပေါ်လာတာလဲ။ သူမ တကယ် အသက်ကြီးသွားပြီလား ပြင်ပကမ္ဘာက သူမသိတဲ့ အရာတွေနဲ့ လုံးဝကို ကွဲပြားသွား​ပြီလား။

သူမ နှလုံးသားထဲတွင် ကြောက်ရွံ့မှု ခံစားချက်ကို မထိန်းနိုင်ဘဲ ခံစားလိုက်ရတာ သူမ အစောတုန်းကလို မလုပ်လိုတော့ပေ။ ကျင့်ကြံမှု အထွတ်အထိပ်သို့ ရောက်​နေချိန်တွင် သူမ ဤလှောင်အိမ်ထဲတွင် ပိတ်မိနေခဲ့သည်။ လွတ်မြောက်ဖို့ အခွင့်အလမ်း ရှိပေမယ့် သူမဟာ ဒီလိုအခြေအနေမျိုးမှာပဲ ရှိနေခဲ့ရသည်။

ပြင်းထန်သော စွမ်းအင်များက မကောင်းဆိုးဝါး ပင်လယ်သားရဲ၏ ခန္ဓာကိုယ်မှ ထွက်လာပြီး ပိုမိုထူထပ်သော အနက်ရောင် စွမ်းအင်များက လုရွှမ်နဲ့ ထျန်းရှားတို့ဆီသို့ လွင့်စင်သွားသည်။

ထူးခြားသော အရိပ်အယောင်များက မထင်မရှားဖြင့် မကောင်းဆိုးဝါးကို လွှမ်းခြုံထားသကဲ့သို့ ပတ်ဝန်းကျင်က စင်္ကြံများ မှိန်သွားကာ အနက်ရောင် လေထုထဲတွင် ရစ်ပတ်ခံထားရလေ၏။

လုရွှမ်ရဲ့ စူးရှသော မျက်လုံးများက မကောင်းဆိုးဝါး ပင်လယ်သားရဲ၏ အကြည့်ကို သတိပြုမိသည်။ သူမမျက်လုံးထဲတွင် အနက်ရောင်သွေးများ တဖျပ်ဖျပ် တောက်နေသည်။

ဒီအမျိုးသမီးက သူ့ဘဝအတွက် တိုက်ပွဲဝင်တော့မယ်။

သူမရဲ့ နောက်ဆက်တွဲ တိုက်ခိုက်မှုက မြေကြီးကိုပါ ဖြိုခွင်းပစ်လိုက်တော့မယ် ဆိုတာ ထင်ရှား​လေသည်။

လုရွှမ် ဖီးနစ်သွေးကို အလိုလို ထုတ်ယူကာ ခန္ဓာကိုယ်ကို ခိုးယူချင်နေသော ထို​ပင်လယ်သားရဲကို သတ်ပစ်ချင်ခဲ့သည်။ သို့သော် သူ လှုပ်ရှားလိုက်တာနဲ့ တွန်းအား တစ်ခုကို ခံစားလိုက်ရ၏။

အနှစ်သုံးဆယ်ကျော် လေ့ကျင့်ပြီးနောက် လုရွှမ်၏ တောက်ကျင့်စဥ် စိတ်ဝိညာဥ်က အလွန်တည်ငြိမ်လာပြီး သူ့​စရိုက်ကလည်း အလွန်တည်ငြိမ်လာသည်။

အခုလို တွန်းအားကို ခံစားလိုက်ရတာက အဓိပ္ပာယ် မရှိပေ။ ဤကိုယ်ခန္ဓာကို ခိုးယူချင်နေသော ပင်လယ်သားရဲကို သေတဲ့အထိ တိုက်ခိုက်ရတော့မှာလား။

သူ့လက်ရှိ လုပ်ရပ်တွေက ဒီမိန်းမကို ခြိမ်းခြောက်နိုင်ပါ့မလား မသေချာချေ။

လုရွှမ် ထျန်းရှားဘက်ကို စိုက်ကြည့်လိုက်သည်။ ယခုအချိန်တွင် သူမခေါင်းပေါ်ရှိ မီးနဂါးသွေးလုံးက ခန္ဓာကိုယ်ထဲကို တစ်ဝက်လောက်အထိ နစ်မြုပ်နေပြီးမှ ပြန်ဝင်သွားခဲ့သည်။

သူမ၏ အသားအရေသည်လည်း အလွန်ကောင်းမွန်လာကာ သတိပြန်လည်လာခဲ့သည်။ ထိုစဥ်သူမ၏ မျက်လုံးများက ဒေါသ အရိပ်အယောင်များဖြင့် တောက်ပလာ၏။ သို့သော် သူမလှုပ်ရှားလိုက်သည်နှင့် တပြိုင်နက် ခန္ဓာကိုယ်ကို ခိုးယူချင်နေသော ပင်လယ်သားရဲဆီက ထိန်းကျောင်း ခံလိုက်ရသလိုပင်။

မကောင်းဆိုးဝါး ပင်လယ်သားရဲ၏ ခန္ဓာကိုယ်ရောင်ဝါက လျင်မြန်စွာ ပြောင်းလဲလာသည်။ ယခင်က သူမ သိမ်းယူထားသော ကောင်းကင်အောင်ခြင်းဂိုဏ်းရှိ ဆရာတူအစ်မ၏ ခန္ဓာကိုယ်သည် ကွဲအက်လာ၏။ သွေးများက စုစည်းကာ သူမ ဦးခေါင်းထိပ်တွင် စုပုံလာပြန်သည်။ ၎င်းမှာ အရင်က သူတွေ့ဖူးတဲ့ ထူးဆန်းတဲ့ငါးတွေရဲ့ အသွင်အပြင်ပါပဲ။

သွေး​ရောင်တွေက အရမ်းနီရဲလာသလို ရောင်ဝါကလည်း ပိုကြောက်စရာ ကောင်းလာသည်။

နတ်မီးနယ်ပယ် ပထမအဆင့်မှ လျင်မြန်စွာ ခုန်တက်သွားသည်။ လုရွှမ် တွေးတောချိန်၌ပင် သူမသည် နတ်မီးနယ်ပယ် အထွတ်အထိပ် အဆင့်သို့ ရောက်နေပြီ ဖြစ်သည်။

ဝူး!

ဟောက်သံနှင့်အတူ ထူးဆန်းသော ငါး၏ ဝိညာဥ်က ပြေးထွက်လာလေ၏။ ကျားတစ်ကောင် ဟောက်လိုက်သလို ထိုထူးဆန်းသော ငါးသည် ၎င်း၏ပါးစပ်ကို ဖွင့်ဟလိုက်တဲ့အခိုက် ကြီးမားသော စုပ်ယူမှု စွမ်းအားတစ်ခု ထွက်ပေါ်လာခဲ့သည်။

လုရွှမ်သည် သူ့အနီးနားရှိ နေရာလွတ်များ ပြိုလဲတော့မလို ရုတ်တရက် ခံစားလာရကာ လေထုကပါ ထူးဆန်းသော ငါးများ၏ ပါးစပ်ဆီသို့ တိုးဝင်နေသလို ခံစားလာရတော့သည်။ ၎င်း၏ စွမ်းအားသည် အလွန်အားကောင်းလှသည်။ အနည်းဆုံး လုရွှမ်ရဲ့ လက်ရှိအင်အားဖြင့် ၎င်းကို လုံးဝမခုခံနိုင်ပေ။

မတတ်နိုင်တော့တာကြောင့် ပေကျီဓားအား ကျောက်နံရံကို ပွတ်တိုက်၍ တောက်ပသော မီးပွားများကို ထုတ်လွှတ်ပေးလိုက်သည်။ သို့သော်လည်း တစ်ဖက်က တိုက်ခိုက်မှုကို လုံးဝ မရပ်တန့်နိုင်ချေ။

ထူးဆန်းသော ငါး၏ပါးစပ်သည် ပို၍ပင် ကြီးမားလာပြီး ကမ္ဘာကြီး တစ်ခုလုံးကို မျိုချလုနီးပါး ဖြစ်နေပြီ ဖြစ်သည်။

လုရွှမ် ထျန်းရှားကို ဖမ်းကိုင်လိုက်သော်လည်း သူမ၏ ခန္ဓာကိုယ်သည် မလှုပ်ရှားနိုင်တော့ပေ။ ထိုထူးဆန်းသော ငါးသည် ကမ္ဘာကြီးကိုပါ ကိုက်စားရန်အတွက် ၎င်း၏ပါးစပ်ကို ဖွင့်လိုက်တာနဲ့ ထျန်းရှားသည် ထိုထူးဆန်းသော ငါးကြီး၏ ပါးစပ်ဆီသို့ ပျံသန်းသွားနေပြီ ဖြစ်သည်။

ပြီးတော့ ထျန်းရှားရဲ့ခေါင်းပေါ်က သွေးတွေဟာ တဖန်ပွက်ပွက် ဆူလျက်ရှိကာ အခြေအနေက အန္တရာယ်ရှိလာပြန်​ပြီ။

လျစ်လျူရှုမှု အပြည့်နဲ့ ၀ိညာဉ်စွမ်းအင် လှိုင်းလုံးကြီးတစ်ခုက ရောက်လာခဲ့သည်။

“ကောင်လေး မင်းနဲ့ မင်းရဲ့ပါရမီကို ငါမှတ်ထားပါ့မယ်... ဒါပေမဲ့ ခွန်အားနဲ့ ရင်ဆိုင်ရရင် မင်းရဲ့ အရာအားလုံးက အချည်းနှီးပဲ”

ထူးဆန်းသောငါးက အသံကို ထုတ်လွှတ်နေသူ ဆိုတာ သိသာထင်ရှားသော်လည်း ယခုအချိန်တွင် ထိုထူးဆန်းသော ငါးကို ဘယ်​နေရာမှာမှ မမြင်နိုင်တော့ချေ။ မြင်နေရသမျှမှာ အမှောင်ထုချည်းသာ ဖြစ်ပြီး ပတ်ဝန်းကျင်ရှိ အလင်းရောင်ကိုပင် ၎င်း၏ပါးစပ်ထဲသို့ မျိုချသွားခဲ့ပြီဖြစ်သည်။

လုရွှမ် သူ့ခန္ဓာကိုယ်အား ဖီးနစ်နတ်မီးဖြင့် ဝန်းရံလိုက်တော့ အလင်းရောင်က ဖျတ်ခနဲ လင်းထိန်သွား၏။ ပတ်ဝန်းကျင်ကို လက်တစ်ဖက် ဆန့်ထုတ်လျက် ထျန်းရှားအား မီးတောက်ဖြင့် တင်းတင်းကြပ်ကြပ် အကာအကွယ် ပေးထားလိုက်သည်။

ထို့နောက် ထျန်းရှား၏ မျက်နှာသည် ဖျော့တော့လာကာ သူမတစ်ကိုယ်လုံး မလှုပ်ရှားနိုင်ဘဲ တုန်တုန်ယင်ယင် ဖြစ်လို​နေသည်။ လုရွှမ် သူမ၏ စွမ်းအားမဲ့မှုကို စိတ်ကူးကြည့်နိုင်သည်။

“စိတ်မပူပါနဲ့ ငါက ငါ့သူငယ်ချင်းတွေကို မစွန့်လွှတ်တတ်ဘူး”

လုရွှမ် တိုးတိုးလေး ပြောပြီး သူ့လက်ထဲက အပြာရောင် အလင်းတန်းဟာ ဒီရေလို ပေါက်ကွဲသွားကာ ထျန်းရှားရဲ့ ခန္ဓာကိုယ်ထဲကို ပြေးဝင်သွားတော့သည်။

“မတွန်းထုတ်နဲ့...”

ထျန်းရှားသည် သူမ ခန္ဓာကိုယ်ထဲသို့ ပျော့ပျောင်းပြီး ရင်းနှီးသော စွမ်းအားများ စိမ့်ဝင်လာတာကို ခံစားလိုက်ရသည်။ ယခင်က လုံးဝ ထိန်းမရသော သူမခန္ဓာကိုယ်သည် အပူ၏ အထိအတွေ့ကို တဖြည်းဖြည်းနှင့် အနည်းငယ် ခံစားလာနိုင်သည်။

သူမ မယုံနိုင်စွာနဲ့ လုရွှမ်ကို ကြည့်လိုက်သည်။

ထူးဆန်းသော ငါး၏ အေးစက်သော အသံသည်ပင် ရုတ်တရက် တုန်ခါသွား၏။ သူမ ထျန်းရှား ခန္ဓာကိုယ်အပေါ် ပို၍ အာရုံခံစားနိုင်နေပြီလေ။

“စိတ်မပူပါနဲ့ အဲဒီနတ်ဆိုးအိုရဲ့ အသက်တံခါးကို ငါရှာတွေ့ပြီ!”

လုရွှမ် တစ်ကိုယ်လုံးဟာ ဖီးနစ်နတ်မီး၏ အလင်းရောင်များဖြင့် တောက်ပနေပြီး သူတို့နှစ်ဦးလုံးကို ဖုံးအုပ်ထားတဲ့အတွက် ပြင်ပကမ္ဘာမှ စုပ်ယူမှုကို ပိတ်ဆို့ထားနိုင်သည်။ သန့်စင်သော သူ့လက်ထဲက စိမ်းပြာနဂါး၏ စွမ်းအားသည် ထျန်းရှား ခန္ဓာကိုယ်ထဲသို့ ဆက်လက် စီးဆင်းသွားသည်။

“ကောင်လေး မင်းခန္ဓာကိုယ်ထဲမှာ စိမ်းပြာနဂါးရဲ့ စွမ်းအားတွေ တကယ် ရှိနေတာပဲ!!”

မကောင်းဆိုးဝါးမှာ အော်ဟစ်လိုက်သော်လည်း အနည်းငယ် မယုံနိုင်သလို ဖြစ်နေ၏။ စိမ်းပြာနဂါး စွမ်းအားက ဘယ်အချိန်ကစပြီး လူသားတစ်ဦးရဲ့ အပိုင်ပစ္စည်း ဖြစ်သွားရတာလဲ။

“မင်း စိတ်မရှည်တာနဲ့ ပိုရူးသွပ်လာလေပဲ....ဒါကအဲ ထျန်းရှားရဲ့ ခန္ဓာကိုယ်ထဲက နဂါးသွေးက မင်းအတွက် ဘယ်လောက် အရေးကြီးတယ် ဆိုတာ ငါ့ကို နားလည်စေတယ်... ဘဝနဲ့ သေခြင်းတရား ဆိုတာ ထျန်းရှားအတွက်တင် မကဘူး မင်းအတွက်ပါ သက်ဆိုင်နေတယ်!”

လုရွှမ် အေးစက်စွာ ရယ်မောလိုက်ပြီး စိမ်းပြာနဂါး နှလုံးကို ပြင်းပြင်းထန်ထန် လှုပ်ခတ်လျက် သန့်စင်သော စွမ်းအားများ ပို၍ ထုတ်လွှတ်လိုက်သည်။ ထျန်းရှား၏ နှလုံးနှင့် ဝိညာဉ်သည် တဖြည်းဖြည်း ပြန်လည် ကောင်းမွန်လာကာမှ တိုးတိုးလေး ပြောနိုင်ခဲ့သည်။

“ကျေးဇူးတင်ပါတယ်!”

“ငါတို့သူငယ်ချင်းတွေပဲလေ!”

လုရွှမ် ပြုံးလိုက်သည်။

ထျန်းရှား ကျေးဇူးတင်ကြောင်း ထပ်ပြောရင့း သက်ပြင်းတစ်ချက် ချလိုက်ပြီး သူ့မျက်လုံးဝိုင်းများက နီရဲသွား​လေသည်။

“ဟမ့် မင်းမှာ စိမ်းပြာနဂါးရဲ့ စွမ်းအား ရှိနေတော့ရော ဘာဖြစ်လဲ? အမွေအနှစ် နည်းနည်းလေးပဲ ရှိပါသေးတယ်... မီးနဂါးရဲ့ စွမ်းအားနဲ့ ဘယ်လို နှိုင်းယှဉ်နိုင်မှာလဲ?”

ထူးဆန်းတဲ့ငါးက ကျယ်လောင်စွာ အော်လိုက်သည်။ သူ့အသံက ယခင်ကထက် ပိုကျယ်လာသလ်ုပင်။

လုရွှမ်လည်း အသံကြားရတဲ့ လမ်းကြောင်းတိုင်းကို နားထောင်​ကြည့်​နေသည်။ ယခုအချိန်တွင် သူ့လက်များက ထျန်းရှားရဲ့ လက်များကို ဆုပ်ကိုင်ထားတာကြောင့် သူမခန္ဓာကိုယ်ပေါ်က ရောင်ဝါကို အရှင်းဆုံး အာရုံခံစားနိုင်သည်။

သူမ၏ သွေးများက ပွက်ပွက်ဆူနေဆဲ ဖြစ်ပြီး ပြင်းထန်နေတုန်းပင်။ အတွင်း၌ အစွမ်းထက်သော သွေးလိုင်းများ တဖြည်းဖြည်း စုပုံလာသည့်အတိုင်းပါပဲ။ ဤအသွေးအသား၏ စွမ်းအားသည် အလွန်အစွမ်း ထက်သောကြောင့် လုရွှမ်သည် ထျန်းရှား၏ ခန္ဓာကိုယ်ကို အားဖြည့်ပေးနေသော စိမ်းပြာနဂါး စွမ်းအားမှ ရှင်းရှင်းလင်းလင်း ကြောက်လန့်နေသော ခံစားချက်ကို ခံစားမိလေသည်။

ဤသွေးတစ်စက်က မီးနဂါးရဲ့ သွေးဖြစ်ကြောင်း ထူးဆန်းသောငါး ပြောခဲ့တာ အမှန်ပဲ ဖြစ်နိုင်သည်။ ထိုသို့သော အနှစ်သာရ ရှိသည့် သွေးမှသာလျှင် အစွမ်းထက်သော စွမ်းအားကို ရရှိနိုင်သည်။

ယခုဆိုလျှင် လုရွှမ်သည် သူ့ခန္ဓာကိုယ်ထဲတွင် စိမ်း​ပြာနဂါး၏ နှလုံးသားကို ပိုင်ဆိုင်ထားပြီမလို့ သူ့နှလုံးထဲက သွေးများကို သန့်စင်နိုင်ခဲ့ပါက ပိုမိုအားကောင်းလာမည် ဖြစ်သည်။