အစွမ်းပြရန် နှလုံးစားပိတ်ပင်မှု အခင်းအကျင်းကို သုံးခြင်း

ဒါပေမဲ့ ဒီလိုဖြစ်နေတာတွေက လုရွှမ်နဲ့ ဘာမှ မဆိုင်ဘူးလို့ ပြောရင် လူတိုင်း ယုံမှာမဟုတ်ပါဘူး။

"သိမ်း!" လုရွှမ် အော်လိုက်သည်။

လှောင်အိမ်လူသားသည် နောက်ဆုံးတွင်တော့ သူ့ရဲ့ စိတ်ဆင်းရဲစွာ အော်ဟစ်နေသံကို ရပ်နိုင်သွားသည်။ လေထဲတွင် လွင့်မျောနေသော လူက တဖြည်းဖြည်း မတ်တပ်​ ပြန်ရပ်လိုက်တာကို လူတိုင်း မြင်လိုက်ရပြီး သူ့မျက်နှာမှာလည်း ချွေးများဖြင့် ဖြူဖျော့နေကာ လုရွှမ်အား တစ္ဆေကို မြင်​နေရသလိုမျိုး စိုက်ကြည့်နေသည်။

“မင်း ငါတို့ကို ဘာလုပ်လိုက်တာလဲ?”

ထိုလူက ကျယ်လောင်စွာ ဟောက်လိုက်သော်လည်း သူ့ဟောက်သံမှာ ကြောက်ရွံ့မှုအပြည့်။

လုရွှမ် ကိုယ်တိုင်လည်း အနည်းငယ် ဝမ်းသာသွားသည်။ နှလုံးစားပိတ်ပင်မှု အခင်းအကျင်းက အမှန်တကယ်ပင် ခန့်မှန်းရခက်ပြီး အစွမ်းထက်သော်လည်း လုရွှမ်သည် ထိုအခင်းအကျင်းကို သုံးတဲ့အချိန်က တားမြစ်ချက်ကို နားလည်ရုံနှင့် မလုံလောက်သေးသောကြောင့် သက်ရောက်မှုများစွာ ရှိနိုင်မည် မဟုတ်ဟု ထင်ထားခဲ့သည်။

ဒါပေမဲ့ အခုချိန်မှာတော့ သက်ရောက်မှုက မကြုံစဖူး ကောင်းနေတယ် ဆိုတာကို ရုတ်တရက် သိလိုက်ရ၏။ သူ့ရဲ့ လက်ရှိတိုးတက်မှုနဲ့ တစ်ခုခုတော့ ဆက်စပ်နေနိုင်သည်။ အလားတူပင် ၎င်းသည် ပြိုင်ဘက်၏ စိတ်ဝိညာဉ်ကြောင့် တချို့သော အကျိုးသက်ရောက်မှုများလည်း ရှိနိုင်သည်။

အကယ်၍ တခြားသူဖြစ်ခဲ့လျှင် ဒီလောက် ထင်ရှားတဲ့ အကျိုးသက်ရောက်မှုမျိုး ရှိမည် မဟုတ်ပေ။

မူလ သူစီစဉ်ခဲ့တာက ဒီမျှော်စင်နယ်ပယ်က သခင်ကို ရုတ်တရက် တိုက်ခိုက်ဖို့ ကြံစည်ခဲ့တာပါပဲ။ သူ့စိတ်ဝိညာဉ်ရဲ့ နာကျင်ကိုက်ခဲမှု အောက်မှာ သူထုတ်တဲ့ စွမ်းအားက မလုံလောက်တော့ရင် ဒီနည်းနဲ့ သူ အပြေးအလွှား သတ်ပစ်နိုင်မည်။

ဒီလောက် အားကောင်းမယ်လို့ မမျှော်လင့်ထားပါဘူး။ ဒီစွမ်းအားက ထိန်းချုပ်ဖို့ ထူထောင်ထားပြီးသားဖြစ်ပြီး ကိုယ်တိုင် ခြေလှမ်းစဖို့တောင် မလိုအပ်ဘူး။

"ခင်ဗျားတို့ကို ဘာလုပ်လိုက်တာလဲ ဆိုတော့ ခင်ဗျားတို့ရဲ့စိတ်ဝိညာဉ်ကို နည်းနည်းလေး ကန့်သတ်ထားရုံပါပဲ... ခင်ဗျားတို့ဝိညာဉ် လက်နက်ထဲမှာ ပိတ်မိနေတဲ့အချိန်တုန်းက ခင်ဗျား ဝင်ချင်တဲ့ ခန္ဓာကိုယ်ကို မှတ်မိသေးလား"

"အိုး ဘယ်လို ကန့်သတ်ထားတာလဲ ခင်ဗျား သိချင်နေမှန်း ကျွန်တော် သိပါတယ်... နှလုံးစားတဲ့ ကန့်သတ်ချက်လို့လည်း ပြောလို့ရတယ် ဒါကို ခင်ဗျားတို့ တစ်ခါမှ မကြားဖူး​လောက်ဘူး"

"ဘယ်လို အကျိုးသက်ရောက်မှု ရှိလဲ ဆိုရင် ဒါက လူတစ်ဦးနဲ့တစ်ဦး ကွဲပြားတယ် ဥပမာ တချို့လူတွေရဲ့ ခွန်အားက အကန့်အသတ်နဲ့လေ...နှလုံးစားပိတ်ပင်မှု ကန့်သတ်ချက်ကို အသက်သွင်းလိုက်တာနဲ့ သူတို့ရဲ့ ခွန်အားကို ၆၀ ကနေ ၇၀% မှာပဲ အသုံးပြုနိုင်မှာ... တချို့လူတွေကတော့ နာကျင်မှုပြီး သေသွားနိုင်တယ်... တချို့လူတွေကျတော့လည်း သူတို့ရဲ့ ကိုယ်ရေးကိုယ်တာ အခြေအနေပေါ် မူတည်ပြီး တိုက်ရိုက် သေသွားနိုင်တယ်... ခင်ဗျား အသက်ရှင်နေသေးတာ ကံကောင်းတယ်လို့ ဆိုရမယ်"

လုရွှမ် မိုက်မဲစွာ ပြောနေသော်လည်း ယခင်က ကြောက်မက်ဖွယ် ကောင်းသော ခံစားချက်ကိုမြင်ပြီးနောက်တွင် သူ့​စိတ်ဝိညာဉ်က ပေါက်ကွဲတော့မယ်လို့ပင် ထင်လာသည်။ ဒါကြောင့် လုရွှမ်စကားက ဟုတ်လား မဟုတ်လား ဆိုတာကို သူ သံသယမ၀င်ခဲ့ပေ။

နှလုံးစားပိတ်ပင်မှု။ ဒီတားမြစ် အခင်းအကျင်းရဲ့ နာမည်ကို ကြားရုံနဲ့ ဒီတားမြစ်ထားနိုင်တဲ့ စွမ်းအားက ထူးထူးခြားခြား ဖြစ်မယ်ဆိုတာ သိသာပါသည်။

ယခုအချိန်တွင် ဂိုဏ်းကြီးရှစ်ခုမှ ဂိုဏ်းခေါင်းဆောင်များ အားလုံး၏ မျက်နှာများက မည်းမှောင်ကာ တိတ်တဆိတ် နောင်တရသွားလေသည်။

ဒီကလေးက ဘယ်လိုလုပ် အစွမ်းထက်တဲ့ နည်းလမ်းတွေ ရှိနိုင်တာလဲ။ အကယ်၍ သူသာ ဒီကလေးနဲ့ ပေါင်းသင်းခဲ့မယ် ဆိုရင် လေထဲက ကြီးမားတဲ့ အကူအညီကို ရလိုက်သလို ဖြစ်လာမှာ မဟုတ်ဘူးလား။

လုရွှမ်ရဲ့ စကားကို ရှင်းရှင်းလင်းလင်း ကြားလိုက်ရပြီးနောက် သူတို့ ခန့်မှန်းမိတာက ထိုလူများ၏ ဝိညာဉ်များကို လက်နက်များဖြင့် ဖိနှိပ်ခံထားရချိန် အားလုံးကို လုရွှမ်မှ ကယ်ထုတ်ခဲ့သည်။

တစ်နည်းဆိုရသော် ၎င်းတို့အားလုံးကို လုရွှမ်မှ တားမြစ် ထိန်းချုပ်ထား​သေးသည်။

လုရွှမ်ဆီမှ ချုပ်နှောင်ခံထားရသော လှောင်အိမ်လူသားများသည် သူတို့ခွန်အားကို 60 မှ 70% အထိသာ သုံးနိုင်သော်လည်း သူတို့အတွက် ကြီးမားသော အကူအညီ ဖြစ်နေပြီ ဖြစ်သည်။

ဒီလှောင်အိမ်လူသားတွေက တကယ်ပဲ အစွမ်းထက်တာလား။

နှစ်ပေါင်းများစွာ အကျဉ်းချခံခဲ့ရပြီးနောက် ခွန်အား​တွေကို ပြန်လည်ရရှိရန် အချိန်ယူခဲ့ရလိမ့်မည်။ ကံမကောင်းချင်တော့ ခွန်အားကို ပြန်လည် မရရှိသော်လည်း လူအင်အားက များစွာ ရှိသည်။

ဖက်တီး အချင်းချင်း ထိမိရင်တောင် လူသားတွေဘက်က ခုခံကာကွယ်ဖို့ လုံလောက်သွားပြီ။ သို့သော် အခု သူတို့ရဲ့ အင်အားကို ကန့်သတ်ထားတယ် ဆိုတော့ ထိုးစစ်နဲ့ ခံစစ်က ကွဲပြားပြီး အသာစီးရလာလိမ့်မယ်လို့ မဆိုလိုဘူးလား။

အထူးသဖြင့် ရှဲ့ယွင်ထျန်းတို့ အသီးသီးမှာ နောင်တရ​နေ​ကြ​ပြီ။ ယခုအချိန်တွင် သူသည် ရှုံထျန်းပါ့၊ လုံထန်းရှောက်နဲ့ ဖုန့်ချောင်မင်ကို သတ်ပစ်ချင်စိတ်တွေ ပေါက်နေပြီ ဖြစ်သည်။

သူ့ကို အခက်တွေ့အောင် လုပ်ခဲ့တဲ့ ဒီလူယုတ်မာသုံးယောက်ကြောင့်သာ မဟုတ်ရင် လုရွှမ်က ဂိုဏ်းက ထွက်သွားပါ့မလား။ အခုတော့ အရာအားလုံးက ပိုကောင်းလာပေမယ့် ဒီလိုလူက သူတို့ရဲ့ မိတ်ဆွေ မဟုတ်ဘဲ ရန်သူတွေ ဖြစ်သွားကြပြီလေ။

"အော်မီတော်ဖော်... အရမ်းကောင်းတယ် အရမ်းကောင်းတယ်... အမှားတစ်ခုက ထာဝရမုန်းတီးမှုကို ဖြစ်စေတယ်တဲ့ ဆရာတော်လည်း အရှက်ရနေပါပြီ"

ဆရာတော်ထန်ယီးက ခေါင်းကို အကြိမ်ကြိမ် ခါယမ်းပြီး ဆိုလေသည်။ ဟွားဝူချင်းရဲ့ မျက်နှာမှာလည်း ခါးသီးမှုတွေ ပြည့်နှက်နေကာ ဒါက ဘယ်လိုလုပ် ဖြစ်နိုင်မှာလဲဟုသာ တွေးနေမိသည်။

လုံထန်းရှောက်နဲ့ ဖုန့်ချောင်မင်တို့သည် တစ်ယောက်ကို တစ်ယောက် ကြည့်လိုက်ရင်း နှစ်ယောက်စလုံး၏ မျက်လုံးများထဲတွင် ရက်စက် ကြမ်းကြုတ်မှုများနှင့် မလိုလားသည့် အရိပ်အယောင်များ ရှိနေတာကို တွေ့လိုက်ရသည်။

သူတို့ရဲ့ အမြင်အရတော့ လုရွှမ်ဟာ သူ့ရဲ့ဂိုဏ်းနောက်ခံ မရှိဘဲ လှီးဖြတ်ထားတဲ့ ငါးဆားနယ်ထက် မသာပေမယ့် အခု​တော့ အဲဒီသေနေတဲ့ ဒီငါးဆားနယ်ဟာ ပျောက်ကွယ်သွားခဲ့ပါပြီ။

နောက်ပြန် မကြည့်ဘဲတောင် တခြားဂိုဏ်းချုပ်တွေက သူတို့ကိုကြည့်နေတဲ့ ရွံရှာ​နေတဲ့ အကြည့်တွေနဲ့ ကြည့်နေမှန်း ခံစားရပါသည်။ လော့ချောင်ဖုန်းကတော့ အလွန်ပျော်ရွှင်စွယ ရယ်မော​​နေပြီး ဂုဏ်ယူနေ​လေသည်။

ကျန့်ဝူဝေါ်က ပိုလို့တောင် အဆုံးမသတ်​တော့ဘဲ ရယ်မောနေကာ လုရွှမ်အား အလွန် သဘောကျသွားသည်။

"မင်းက ကမ္ဘာပေါ်မှာ အရည်အချင်း အရှိဆုံးလူပဲ... မင်းရဲ့အရည်အချင်းက ဓားနတ်ဆိုးထက်တောင် မြင့်မားတယ်ကွ... ဒါ့အပြင် မင်းရဲ့ လူသားတစ်ယောက် အနေနဲ့ ခံယူချက်... မင်းရဲ့အရည်အချင်းတွေက ငါ့ထက်တောင် ပိုကောင်းတယ်"

တစ်ဖက်တွင်တော့ လိပ်အိုကြီး၏ မျက်နှာမှာလည်း နီရဲနေပါ​ပြီ။ သူ့မျက်လုံးထဲတောင် မဝင်ဆံ့ခဲ့ပါသော လုရွှမ်သည် ယခုလို နည်းလမ်းမျိုး ရှိလိမ့်မည်ဟု သူ မထင်ထားခဲ့ပေ။ အရင်က ထျန်းရှားကို ကြိမ်းမောင်းခဲ့ဖူးပေမယ့် အခုတော့ သူ့မျက်နှာက မှုန်ကုပ်ကုပ်နဲ့ စကားပြောဖို့ ခွန်အားတောင် အာရုံမရှိတော့ပါဘူး။

ဒါပေမဲ့ လုရွှမ်သာ ပင်လယ်မျိုးနွယ်ထဲမှာ ပါ၀င်နိုင်ရင် စိတ်နဲ့ နောင်တလှိုင်းတွေ ရိုက်ခတ်လာတော့သည်။

"မဟုတ်ဘူး မဖြစ်နိုင်ဘူး ငါမယုံဘူး!"

လှောင်အိမ်လူသားက ဟစ်အော်ပြန်သည်။ ထိုလူက အော်ဟစ်ပြီးနောက် တစ်ခါတည်း လက်ဝေ့ယမ်းလိုက်ရာ မကြာမီတွင် ပင်လယ်ထဲမှ သားရဲတစ်ကောင် လေထဲသို့ ပျံသန်းလာခဲ့၏။ ထို့နောက် အမျိုးသမီးတစ်ဦး အဖြစ်သို့ ပြောင်းလဲသွား​တော့သည်။

ထိုအမျိုးသမီးသည် အလွန်ငယ်သော်လည်း သူမ၏ မျက်လုံးများသည် အဘိုးကြီးနဲ့ တစ်ပုံစံတည်း တူကာ ဆိုးရွားသည့် အ​မူအရာများနှင့် ပြည့်နှက်နေသည်။

"မယုံဘူး! ခင်ဗျားဘာလို့အမြဲတမ်း မယုံရတာလဲ? ကောင်းပြီလေ ဒီသခင်လေးက တကယ်အာဏာပြဖို့ လိုအပ်နေပုံပဲ..."

လုရွှမ် သူ့လက်ချောင်းများကို ပေါ့ပေါ့ဆဆ ဆုပ်လိုက်သည်နှင့် အမျိုးသမီးမှာ ပါးစပ်ထဲမှ သွေးများ ထွက်ကျလာ​တော့သည်။

လှောင်အိမ်လူသားက သူမကို အမြန်ထောက်လိုက်သည်။ အမျိုးသမီး၏ မျက်နှာသည် ဖြူဖျော့လာပြီး မြန်မြန် ဆိုလာသည်။

"ဟုတ်တယ် ထိန်းချုပ်မှုက စိတ်ဝိညာဉ်အပေါ် သက်ရောက်တယ်... လူငယ်လေး မင်းက အရမ်းရက်စက်တာပဲ!"

လုရွှမ် ရုတ်​တရက်​ ​ပြေးထွက်သွားလိုက်​ပြီး သူ့ခန္ဓာကိုယ်​ထဲက အစွမ်းထက်​တဲ့ ဓား​စွမ်းအင်တွေ ​ပေါက်​ထွက်​သွားသည်​။ ခဏ​လောက်​​အထိ လုရွှမ်ဟာ ကမ္ဘာ​ပေါ်မှာ တစ်​​ယောက်​တည်း ကျန်​​နေခဲ့သလို မျောလွင့်နေ၏။

"ဓားနတ်ဆိုးထက်တောင် အစွမ်းထက်တဲ့ ဓားဝိဉာဉ်.... မင်းက ဓားနတ်ဆိုးထက်တောင် ပိုကောင်းတယ်ကွ!"

ကျန့်ဝူဝေါ်၏ မျက်လုံးများသည် နတ်အလင်း​ရောင်များဖြင့် တောက်ပလာခဲ့သည်။ လော့ချောင်ဖုန်းကလည်း ရုတ်​တရက်​ ဝင်အော်၏။

"အစ်ကိုဝူဝေါ်... မင်းမှာ မဖြစ်​သင့်​ဘူးဆိုတဲ့ အတွေးမျိုး​တွေ မရှိ​စေနဲ့နော်... သူက ဂိုဏ်းက​နေ နှုတ်​ထွက်​သွား​ပေမယ့်​ ငါတို့ ကောင်းကင်အောင်ခြင်း ဂိုဏ်းရဲ့ တပည့်​တစ်​​ယောက်​ ဖြစ်​​နေတုန်းပဲ... မင်းမှာလည်း တပည့် တစ်​​ယောက်​ရှိတယ်​လေ... ကြံစည်ချင်နေတာကို ရပ်လိုက်တော့!"

ကျန့်ဝူဝေါ်သည် တပည့်တစ်ဦးကို လက်ခံရန် အမှန်တကယ် ကြံရွယ်ထားခဲ့သည်။ သူ့သူငယ်ချင်းဟောင်း ပြောတာကို ကြားသောအခါတွင် မျက်နှာနီရဲလာပြီး။

"တကယ်ပါပဲ... မင်းရဲ့တပည့်တွေကို ငါကခိုးပါ့မလား... ဒါပေမဲ့ ဒီကောင်လေးကတော့ သူ့ကိုကောင်းကောင်း လေ့ကျင့်ခွင့် ပေးလိုက်ရင် နှစ်အနည်းငယ် ကြာတာနဲ့ ကြီးကြီးမားမား တိုးတက်လာလိမ့်မယ်”

အားလုံးက လေထဲက လုရွှမ်ကို စိုက်ကြည့်နေကြသည်။ သူတို့အားလုံးက မျှော်စင် နယ်ပယ်ရဲ့ သခင်တွေပါပဲ။ သူတို့ပတ်ဝန်းကျင်က လူတွေတောင် အနည်းဆုံး နတ်မီးနယ်ပယ်က သခင်တွေပဲ ဖြစ်လေသည်။

ဒီဓားရည်ရွယ်ချက်က သူတို့မျက်လုံးထဲမှာ မဝင်ဆံ့ပေမယ့် လုရွှမ်ရဲ့ လက်ရှိအခြေအနေအရတော့ ဒီလိုဓားစွမ်းအင်က ပြင်းထန်လွန်းနေပြီ။