လေလံအိမ်

"ဒါက အတိအကျတော့ ငါလည်း မသိဘူး...သူဓားကို သန့်စင်​နေတဲ့ အချိန်မှာ ငါနည်းနည်းတော့ နားလည်နိုင်သေးတယ်... ဒါပေမဲ့ အဲဒီဓားပျံတွေကိုတော့ လုံးလုံး နားမလည်ဘူး သူပြောတာက လေပြင်းနိယာမက နည်းနည်း ပြောင်းသွားတယ်တဲ့... ဒါပေမဲ့ တကယ် လေပြင်းနိယာမကို ပြောင်းလဲထားတယ် ဆိုရင်တော့ ငါနားလည်နိုင်တဲ့ အတိုင်းအတာထက် ကျော်သွားပြီလို့ ပြောရမယ်"

ဟုန်ရှန်ယင်းရဲ့ အဖြေကို ချောင်လုကလည်း ထပ်ခါတလဲလဲ ခေါင်းညိတ်ပြရင်း ထောက်ခံလေသည်။

"နင်ပြောတာ မှန်တယ်... ဒီဆရာက တကယ့်​ကို ကျွမ်းကျင်သူပဲ... ဒါပေမဲ့ သူက နင့်ရဲ့ လက်နက် သန့်စင်ရေး အလုပ်ရုံရဲ့ သခင်ဖြစ်ဖို့ တကယ် ဆန္ဒရှိပါ့မလား သူ့မှာ ဒီလိုအစွမ်းသတ္တိ ရှိနေတာ သူမလုပ်နိုင်တာ ဘာမှ မရှိသလိုပဲ"

သူတို့နှစ်ယောက်ကြားက အဆင်မပြေမှု မရှိခဲ့ဘူး။ အမှန်အတိုင်း ပြောရရင်တောင် ဘယ်သူမှလည်း သူတို့ကို အလေးအနက် မထားဘူးလေ။

ဟုန်ရှန်ယင်း ပြုံးပြီး ပြောလိုက်သည်။

"တကယ်... ငါလည်း သံသယတွေ အရမ်းကြီးနေခဲ့တာ... ​​ဒါပေမဲ့ သူအမှန်တိုင်း ပြောနေတယ်လို့ ခံစားရတယ် သူက အဓိက အင်အားစု ကိုးခုက အသုံးချဖို့ မရည်ရွယ်ထားဘူးလို့ ပြောခဲ့တယ်... ဟီးဟီး အဲဒါက ငါ့အတွက် အားသာချက်တစ်ခုပဲ မဟုတ်ဘူးလား?"

"သူ့ကို အဓိက တပ်ဖွဲ့ကိုးခုကိုတောင် အသုံးမချဖို့ ရည်မှန်းထားတယ်ပေါ့... သူ့နာမည်က ဘာလဲ လုရွှမ်လို့တော့ မ​ပြောနဲ့နော်"

"ဟေး နင် သိတယ်လား!"

ချောင်လုသည် ကမ္ဘာ့အရေးကို ဂရုမစိုက်သော်လည်း သူမသည် အပြင်လောကရဲ့ သတင်းတွေအကြောင်း အမှန်ပင် ကောင်းစွာသိရှိထားလေသည်။ ဒါကြောက့် လုရွှမ်ရဲ့ ဤနေရာသို့ ရောက်ရှိခြင်း၏ ဇာတ်လမ်းကို လျင်မြန်စွာ ပြောပြလိုက်သည်။

"ဒါက တကယ့် ပါရမီရှင်လား? သူက ဆန်းကြယ်ကောင်းကင် အိမ်တော်မှာ မာနကြီးတဲ့ လူတစ်ယောက်လို့ ငါကြားတယ်... ပြီးတော့ အဲ့အိမ်တော်ကို မသွားသေးဘူး၊ သူ့အစွမ်းအစကို အားကိုးပြီး သူ့ကိုယ်သူ နာမည်ပေးထားတာ နင် မသိဘူးလား အခု သူက ထန်းယွမ်ကြယ်မှာရှိတဲ့ မိန်းကလေးအားလုံးရဲ့ အိပ်မက်ထဲက ချစ်သူ... ယောက်ျားတိုင်းရဲ့ မနာလိုမှုပစ်မှတ်တောင် ဖြစ်နေပြီဟ!"

ဟုန်ရှန်ယင်းမှာ ထိုစကားကို ကြားသောအခါ အံ့အားသင့်သွားခဲ့သည်။ လုရွှမ်ရဲ့ နောက်ခံနှင့် အဆင့်အတန်းသည် ထူးထူးခြားခြား ဖြစ်သင့်သည်ဟု သူမ ခံစားခဲ့ရသည်။ သူ ဒီလောက် ထူးချွန်လိမ့်မည်ဟု သူမ မမျှော်လင့်ထားခဲ့ပေ။

"နင်သူ့ကို မြင်မြင်ချင်း ဘာလို့ မချစ်ခဲ့တာလဲ? ဟီးဟီး... သူကအခု နင့်ရဲ့ အလုပ်ရုံမှာ ရောက်နေပြီ... အဲဒါ နင်စိတ်ပျက်အားငယ်နေတဲ့ အချိန်မှာ နင့်ကို ကယ်တင်ဖို့ လာခဲ့တာပဲနေမှာ နင်သူ့ကို ကတိတစ်ခု ပေးသင့်တယ်လို့ ငါထင်တယ်"

ထိုအခါ ဟုန်ရှန်ယင်းလည်း ချောင်လုအား ပေါ့ပေါ့တန်တန် ပြောလိုက်သည်။

"နင်ဘာတွေ ပြောနေတာလဲ? သူကဖြင့် မင်းသမီးလီရှို့ကိုတောင် မျက်စိထဲ ထည့်တာမဟုတ်ဘူး ဆိုတာ မေ့နေတာလား?!"

"ဒါက သေချာပေါက် ကိစ္စမရှိပါဘူး.... ကောင်းကင်ဘုံက ချမှတ်ထားတဲ့ အခွင့်အလမ်းလည်း ဖြစ်နိုင်တာပဲလေ"

“အခွင့်အရေး မရှိဘူး... အခုငါလိုချင်တာက ဘိုးဘေးဘီဘင်တွေဆီက လက်ဆင့်ကမ်းခဲ့တဲ့ ကမ္ပည်းပြားကို ထိန်းသိမ်းထားဖို့ပဲ... ကျန်တာတော့ ငါဘာမှမစဉ်းစားဘူး"

ချောင်လုသည် ဟုန်ရှန်ယင်း၏ လက်ရှိပြဿနာကို သိသောကြောင့် သူမရဲ့ စကားစမြည်ပြောခြင်းကို ရပ်လိုက်ပြီး သူမ လာရောက်ရခြင်း၏ ရည်ရွယ်ချက်ကို မေးမြန်းခဲ့သည်။ ပြီးနောက် သူမ ရင်ဘတ်ကို ဖိလိုက်ပြီး။

"ဘာရောင်းလဲ အားလုံးငါ့ကိုသာ ပေးခဲ့လိုက်... ငါလေးလေးနက်နက် ထားပြီး လေ့လာဖို့ အချိန်ကောင်းတစ်ခု ယူရမယ်... တခြားပစ္စည်းတွေကိုလည်း လိုအပ်သလောက် ငါ ပေးပါ့မယ်"

"အဲဒါ ဘယ်လိုလုပ် ဖြစ်မှာလဲ?"

"ဘာလို့ မ​ဖြစ်ရမှာလဲ? ​ကောင်းပြီ အခု​မ​ပြော​နေနဲ့တော့... သူဒီကို​ ရောက်​ပြီဆိုမှတော့ ထန်းယွမ်ကြယ်က မိန်းပလေး​တွေရဲ့ နှလုံးသားကို လှုပ်​ရှား​စေတဲ့ လူကို သွားကြည့်​ရ​အောင်​"

ချောင်လုသည် စကားဆုံးသည်နှင့် ဟုန်ရှန်ယင်းနဲ့ ချွန်းရှောင်ကို ဆွဲကာ တောင်ပေါ်မှ အမြန်ဆင်းလာခဲ့သည်။ ရင်းနှီးပြီးသား ခြေရာတွေကို လှမ်းမြင်လိုက်ရတော့ လက်နက်သန့်စင်ရေး အလုပ်ရုံတံခါးကို ဖွင့်ပြီး မိန်းကလေး သုံးယောက် ပြေးဝင်လာကြသည်။

"ရှင်က လုရွှမ်နော်... ကျွန်မနာမည် ချောင်လုပါ... မင်္ဂလာပါ... ကျွန်မနဲ့ ရှန်ယင်းက ညီအစ်မကောင်းတွေ... ရှန်ယင်းကို မျက်နှာသာ ပေးတဲ့အနေနဲ့ ကျွန်မကို တပည့်အဖြစ် လက်ခံပေးနိုင်မလားဟင် "

လုရွှမ် အနည်းငယ် အံသြသွားပြီး ဟုန်ရှန်ယင်းလည်း ရှက်သွားလေသည်။ ချောင်လုသာ လုရွှမ်ကို ဆရာအဖြစ် အမှန်တကယ် ကိုးကွယ်သွားကြောင်း သူမဖခင် သို့မဟုတ် အဘိုးတို့ သိရှိခဲ့ပါက သူမခြေထောက်များ မကျိုးလျှင်ပင် ပိုကောင်းပါသည်။

အချိန်အတော်ကြာ နှုတ်ဆက်ပြီးနောက် နောက်ဆုံးတွင် လူတိုင်း ပေါ့ပေါ့ပါးပါး စကားပြောလာကြသည်။ ချောင်လုသည် တပည့်ဖြစ်လာရန် မဖြစ်နိုင်ကြောင်း သိသွားသောကြောင့် လက်နက်ကို သန့်စင်သည့် နည်းလမ်းကို သူမ အစမ်းသဘော​ဖြင့် မေးခဲ့သည်။

လုရွှမ်လည်း ဒီကိစ္စမှာ ဂိုဏ်းဂဏစွဲ လက္ခဏာ မပြဘဲ မိန်းကလေး သုံးယောက်ကို အသေးစိတ် ရှင်းပြခဲ့သည်။ မိန်းကလေး နှစ်ယောက်ရဲ့ မျက်လုံးတွေက တောက်ပလာပြီး သူမတို့အတွက် အများကြီး အကျိုးပြုခဲ့လေသည်။ ချွန်းရှောင် ဒါ​တွေကို နားမလည်နိုင်ပေမယ့် အနာဂတ်ကို ဖြည်းဖြည်းချင်း နားလည်လာဖို့ စောင့်မျှော်ရင်း သူ့ကိုယ်သူ တချို့တလေ မှတ်မိနေဖို့ တွန်းအားပေး​နေခဲ့သည်။

နောက်သုံးရက် ကြာပြီးနောက် ထန်းယွမ်လေလံအိမ်၌။

ထန်းယွမ်ကြယ်ရှိ အကြီးဆုံး လေလံအိမ်သည် ဂုဏ်သိက္ခာ အရှိဆုံးနေရာလည်း ဖြစ်သည်။ အဓိကအင်အားစု ကိုးဦးစလုံးသည် လေလံအိမ်တွင် အစုရှယ်ယာများ ရယူထားခဲ့ကြပြီး အဓိကအင်အားစု ကိုးဦးကို နောက်ခံအဖြစ် ထားရှိထားသဖြင့် ထိုမုတ်ဆိတ်မွေးကို ဘယ်သူမှ မပွတ်ဝံ့ကြပေ။

နောက်ခံ ခိုင်ခံ့မှုနှင့်အတူ ဂုဏ်သတင်းသည်လည်း သဘာဝအတိုင်း ကြီးမားပေ၏။ ထန်းယွမ်လေလံအိမ်တွင် ရှားပါးရတနာမျိုးစုံ ပေါ်လာနိုင်သည်။ လွန်ခဲ့သော အနှစ်တစ်ရာခန့်ကပင် ကမ္ဘာငယ်လေး၏ ရတနာတစ်ခုပင် ပေါ်လာပြီး လူတိုင်းအတွက် တိုက်ပွဲကြီးပင် ဖြစ်ပွားခဲ့သည်။

ခိုင်မာသော နောက်ခံကြောင့်လည်း ထန်းယွမ် လေလံအိမ်မှာ လေလံပွဲ စတင်ချိန်တိုင်း ​ထန်းယွမ်ကြယ်ပေါ်ရှိ နာမည်ကြီး လူအားလုံးနီးပါးက သူတို့လိုချင်တာကို လေလံတင်ဖို့ ကြိုးစားလာကြ​လေသည်။

ထန်းယွမ်လေလံအိမ်သည် တစ်နှစ်လျှင် တစ်ကြိမ် ဖွင့်လှစ်ပြီး ယခုအခါ ထပ်မံလေလံတင် ရောင်းချနေပြီ ဖြစ်သည်။

လက်တွေ့ သမားများအတွက် တစ်နှစ်ဆိုတာ ခဏလေးသာ ဖြစ်သည်။ ဘဏ္ဍာအလုံအလောက် သိုလှောင်ရန် တစ်နှစ်အချိန်သည် လုံလောက်ပြီ ဖြစ်သောကြောင့် ထန်းယွမ် လေလံအိမ်ရှိ လေလံပွဲတိုင်း နီးပါးသည် လူတိုင်း၏ အာရုံကို ဆွဲဆောင်နိုင်သည်။

ချောင်လု၏ အကူအညီဖြင့် လုရွှမ်နှင့် အခြားသူများသည် လေလံအိမ်သို့ နောက်ဆုံးရထားဖြင့် သဘာဝအတိုင်း လိုက်သွားကြပြီး လေလံအိမ်သို့ ဝင်ရောက်ရန် အရည်အချင်း ပြည့်မီသွားခဲ့သည်။

ယခုတစ်ကြိမ်တွင် လုရွှမ်သည် ရတနာဓားနှင့် ဓားပျံလေးစင်းကို လေလံတင် ရောင်းချဖို့ စီစဥ်ထားသည်။

ချောင်လုရဲ့ အကူအညီကြောင့် လုရွှမ်သည် သူမရဲ့ ဓားကို ပြန်လည် သန့်စင်ပေးခဲ့သည်။ ထိုဓားကို နောက်ဆုံး လိုအပ်ချက်နှင့်အညီ သန့်စင်ခဲ့သည်။ ဤဓားသည် အခမဲ့သန့်စင်ပေးခြင်း ဖြစ်ကာ အနာဂတ်တွင် ၎င်း၏ အထောက်အထားကို ပြသပြီးနောက် ၎င်းသည် ကမ္ဘာ့နံပါတ်တစ် အလုပ်ရုံက သန့်စင်ထားကြောင်း နာမည်ကောင်း ရစေလိမ့်မည်။

ကျန်ဓားပျံ သုံးစင်းကိုတော့ ဟုန်ရှန်ယင်း၊ ချောင်လုနဲ့ ချွန်းရှောင်လေးတို့ကို လက်ဆောင်ပေးလိုက်သည်။

လေလံအိမ်သည် ထန်းယွမ်မြို့ အလယ်တွင် တည်ရှိပြီး ကြီးမားသော ဧရိယာကို ဖုံးအုပ်ကာ ကောင်းကင်သို့ပါ ဖြန့်ကြက်ထားသည်။ ၎င်းသည် သံစည်ကြီးနှင့် တူ၏။ လုရွှမ်တို့သည် အပေါ်ယံအဆင့် အမြင့်ဆုံး ဖြစ်သော နတ်မီးနယ်ပယ် ပထမအဆင့်တွင် ရှိသော ချောင်လုကို ကိုယ်စားပြုကာ ဝင်ရောက်ခဲ့သည်။ သူတို့သည် ပုံမှန်အားဖြင့် ပုံမှန်လမ်းကြောင်း အတိုင်းဝင်သာ ရောက်နိုင်သည်။

လေလံအိမ်ထဲကို ဝင်ကြည့်လိုက်တော့ လူ​တွေက ပြည့်လုနီးနီး ဖြစ်နေပြီဆိုတာ တွေ့ရ​လေ၏။ ကျင့်ကြံသူ အများစုသည် ၎င်းတို့၏ ရောင်ဝါကို ထိန်းထားကြသည်။ မဟုတ်ပါက ကျင့်ကြံသူများ အချင်းချင်း တုန်လှုပ်ချောက်ချားနေမည်ဆိုလျှင် အလုပ်လုပ်ဖို့ မဖြစ်နိုင်ပေ။

လူအများစု၏ မျက်နှာများကို လေလံအိမ်က ပေးထားသည့် အနက်ရောင်ပဝါများဖြင့် ဖုံးအုပ်ထားသည်။ ၎င်းတို့၏ ပါးများကိုသာ ဖုံးအုပ်ထားသော်လည်း အလွန်မှော်ဆန်လှသည်။

၎င်းသည် စွမ်းအင်သလင်းကျောက် တစ်ရာတန်ဖိုး ရှိပေမယ့် တစ်ခါသုံး ပစ္စည်းတစ်ခုအဖြစ် ရှိနေဆဲဖြစ်သည်။ အနက်ရောင် ၀တ်စုံများဖြင့် လေလံပွဲသည် ငွေများစွာရနိုင်သည်ဟု ဆိုရမည်။

လုရွှမ် အနက်ရောင်ပဝါကို စစ်ကြည့်လိုက်သည်။ ပစ္စည်းက သာမာန်ဖြစ်သော်လည်း အသွင်အပြင်မှာ ထူးခြား​ပေသည်။ ၎င်းကို မျှော်စင်နယ်ပယ်မှ သခင်တစ်ဦး သန့်စင်ထားတာ ဖြစ်နိုင်သည်။

နောက်ဆုံးတွင်တော့ ဤပဝါသည် မျှော်စင် နယ်ပယ်သခင်၏ အင်အားကို ဖုံးကွယ်ရန်သာ ဖြစ်သည်။ လုရွှမ်လည်း သူ့ကိုယ်သူ ဒီလိုအရာကို သန့်စင်နိုင်မလားဟု မေးကြည့်မိပါ၏။

လူလေးယောက်အတွက် နေရာသည် မြေအောက်ဧည့်ခန်းတွင် ဖြစ်သည်။ ဤနေရာ၏ စျေးနှုန်းသည်ပင် အလွန်မြင့်မားနေပြီ ဖြစ်သည်။ ချောင်လုသည် ဒီနေရာမှာ နေရာကောင်းရဖို့ သိမ်းဆည်းထားတဲ့ သေတ္တာကို သုံးနိုင်ပေမယ့် သူ့အဖေက သိသွားတဲ့အခါမှာတော့ သူမကို ကိုယ်တိုင်ကိုယ်ကျ စောင့်ကြည့်သွားမှာမို့ ထည့်မစဉ်းစားတော့ပေ။

ချွန်းရှောင်ကတော့ အလွန်စိတ်လှုပ်ရှားနေပါသည်။ ထန်းယွမ် လေလံအိမ်သည် ယခင်က သူမ မတွေးဝံ့ခဲ့သော နေရာတစ်ခု ဖြစ်သော်လည်း ယခု သူမဤနေရာတွင် ထိုင်နေပါပြီ။

သူမ၏ မျက်လုံးများသည် လုရွှမ်ကို စိုက်ကြည့်ကာ စိတ်ထဲမှလည်း သခင်မလေးသာ လုရွှမ်နဲ့ အတူရှိနေနိုင်ရင် ဘယ်လောက်ကောင်းမလဲ တွေးနေမိသည်။

အကြာကြီး မစောင့်လိုက်ရဘဲ လေလံအိမ်က လူတွေ ပြည့်ကြပ်လုနီးပါး ဖြစ်လာသည်။ အင်အားကြီး ကိုးယောက် ရောက်လာပြီး လေလံဆွဲသူ အားလုံးလည်း တိုးတိုးတိတ်တိတ် အသံများဖြင့် ရောက်ရှိလာကြသည်။ လက်ရှိ လီမိသားစု ခေါင်းဆောင် လီလင် ထွက်လာသောအခါတွင် လေလံပွဲ စတင်တော့မည် ဖြစ်ကြောင်း လူတိုင်း သိလိုက်ကြသည်။