ပါရမီရှင်များ စုစည်းမှု

လုရွှမ် ပတ်ဝန်းကျင်ကို တစ်ချက် ကြည့်လိုက်ပြီးနောက် လက်နက်သန့်စင်သည့် အလုပ်ရုံသို့ ပြန်သွားခဲ့သည်။ အစောတုန်းက မြင်ကွင်းကို လူတော်တော်များများ မြင်လိုက်ကြမယ်လို့ သူယုံကြည်ပါ၏။

လက်ရှိအခြေအနေက အလွန်သိမ်မွေ့နေသေးသည်လေ။

လီမိသားစု၏ သဘောထားမှာ အနည်းငယ် ရှင်းရှင်းလင်းလင်း ရှိသည်။ လီလင်ရှို့နှင့် ၎င်းတို့၏ ကောလာဟလ ဆက်ဆံရေးကို လူသိရှင်ကြား ထုတ်မပြပေမယ့် သဲသဲကွဲကွဲ ဖြစ်နေသည်။

တခြားသော မျိုးနွယ်စုများနှင့် ဂိုဏ်းများ သည် ဘေးနားတွင် ချောင်းကြည့်ကာ စိတ်အားထက်သန်သော မျက်လုံးများဖြင့် ကြည့်နေကြသည်။ သူ့ရဲ့ စကားလုံးတိုင်း လှုပ်ရှားမှုတိုင်းက လူတိုင်း၏ ထိန်းချုပ်မှုအောက်တွင် ရှိနေသယောင်ပင်။

အနည်းဆုံး လုရွှမ် ကောင်းကောင်းသိတာတစ်ခုက သူ ထန်းယွမ်မြို့ကနေ ထွက်သွားဖို့ သတ္တိရှိလိုက်တာ တခြားအဖွဲ့ဝင်တွေက သေချာပေါက် လှုပ်ရှားကြတော့မှာပဲ ဖြစ်သည်။ ယခုလက်ရှိမှာ မျှတ​သော အခြေအနေတစ်ခုသာ ဖြစ်သည်။

ဒါပေမဲ့ ဒီမျှတတဲ့ အခြေအနေက ကြာရှည်မခံပါဘူး။ ယနေ့လိုပါပဲ။ ဤချိန်ခွင်လျှာကို လက်ရှိအချိန်တွင် ချိုးဖျက်ရန် မဖြစ်နိုင်သော်လည်း မကြာမီ သို့မဟုတ် နောက်ပိုင်းတွင် တစ်စုံတစ်ဦးမှ အမှန်တကယ် အရေးယူလာလိမ့်မည်။

ထိုအချိန်တွင် မိုးကြိုးပစ်ခံရမည်မှာ သေချာသလို ချိန်ခွင်လျှာလည်း ပျက်မည်။ ထန်းယွမ်မြို့ထဲက အင်အားစုတွေဟာ အာဏာကို ပြန်လည် ထူထောင်မည်။ အဲဒီအခါ သူသည် သားကောင် ဖြစ်လာနိုင်တယ်လို့ ရိုးရိုးရှင်းရှင်း မှန်းဆထားနိုင်သည်။

သန့်ရှင်းတဲ့ အပျက်အစီးနယ်မြေ ပျောက်ဆုံးသွားတဲ့ လျှို့ဝှက်ချက်။ ဒီကိစ္စကလည်း အရေးကြီးနေသေးသည်။ ဘယ်လို သက်ရောက်မှု ရှိမလဲ မသိပေမယ့် ယခင်က အဓိက အင်အားစုကိုးခုထဲက ကျင့်ကြံသူတွေလည်း ဝင်ထွက်နေရာ နေရာဖြစ်တာကြောင့် လုရွှမ်သာ ပစ်မှတ် ဖြစ်လာရင် သက်သေရှိမရှိ၊ တရားခံ ဟုတ်ဟုတ် မဟုတ်ဟုတ် ဘယ်သူကမှ ဂရုစိုက်လိမ့်မည် မဟုတ်ပေ။

ထို့ကြောင့် ဤကာလအတွင်း လုရွှမ်သည် မိမိအင်အားကို တတ်နိုင်သမျှ မြှင့်တင်ရန်၊ သူ၏ဂုဏ်သတင်းကို မြှင့်တင်ရန်နှင့် အခြားသူများ စိတ်ဆန္ဒအလျောက် မတိုက်ခိုက်ဝံ့စေရန် စွမ်းအားကြီးမားသော အင်အားစုများနှင့် မိတ်ဆွေဖွဲ့ရမည်ကို သိထားပါ၏။

ငြိမ်းချမ်းရေး ကာလတွင် အန္တရာယ်အတွက် ကြိုတင် ပြင်ဆင်ထားပါ၊ ယခုအချိန်တွင် မုန်တိုင်းဝင်ရောက်လုနီးပါးဖြစ်ပြီး ပျက်စီးခြင်းအန္တရာယ်ကို အချိန်မရွေး ကြုံတွေ့ရနိုင်သည်ဟု မဆိုလိုပါ။

လက်နက် သန့်စင်ရေး အလုပ်ရုံကို ပြန်ရောက်တော့ ဟုန်ရှန်ယင်း၊ ချောင်လုနဲ့ ချွန်းရှောင်တို့ဟာ အပြင်မှာ ဘာတွေဖြစ်နေလဲ မသိဘဲ တိတ်ဆိတ်စွာ လေ့ကျင့်နေကြဆဲ ဖြစ်လေသည်။

ပိုလို့တောင် လုံ့လ ဝီရိယစိုက်ကာ လေ့ကျင့်လာပြီး လက်နက် သန့်စင်မှု အဆင့်ကို တိုးတက်အောင်လုပ်ဖို့ အချိန်တိုင်းကို အကျိုးရှိရှိ ဆုပ်ကိုင်ထားကြ၏။

ချောင်းကြည့်နေခဲ့တဲ့ လူအနည်းငယ်က ငြိမ်ငြိမ်လေး နေနေတာမိလို့ အဲဒီညက အဖြစ်အပျက်ကို ဘယ်သူမှ မသိကြပါဘူး။ ထန်းယွမ်မြို့သည် အသက်ဝင်ပြီး ကြီးပွားချမ်းသာဆဲဖြစ်ပြီး လမ်းများပေါ်တွင် လုရွှမ်ရဲ့ ဂုဏ်သတင်းကလည်း တိုးမြင့်လာသည်။

ဟုန်ရှန်ယင်းလည်း စိတ်ပူစရာ မရှိတော့တာကြောင့် သူမ၏ ခြေလက်များကို တဖြည်းဖြည်း ဖြေလျှော့လိုက်သည်။

ကျန်မိသားစုသုံးစုမှာ နေရာရွှေ့ပြောင်းခြင်း မပြုသောကြောင့် သူမအနေဖြင့် ၎င်းတို့အား နေထိုင်ရာ ပြောင်းရွှေ့ပေးဖို့ ထပ်မံတောင်းဆိုခြင်း မပြုတော့ပေ။ လုရွှမ်ပြောတာ မှန်ပါသည်။ ခွန်အားကို မြှင့်တင်ဖို့ကသာ အရေးကြီးဆုံးပဲ။ အားကောင်းလာတဲ့အခါ အဲဒီလူတွေက သဘာဝအတိုင်း ပြန်ဆုတ်သွားလိမ့်မယ်။

လွန်ခဲ့သည့် ရက်အနည်းငယ် အတွင်း ဟုန်ရှန်ယင်းသည် လစာပေး ပြန်လွှတ်ခဲ့သော လက်နက်သန့်စင်ရေး အလုပ်သမား ဟောင်းများကို ပြန်လည်ဖိတ်ခေါ်ခဲ့သည်။ ၎င်းတို့၏ မိသားစုများနှင့်အတူ ပြန်လည် ရရှိထားသော မြေပေါ်တွင် နေအိမ်များကို ကျယ်ကျယ်ပြန့်ပြန့် ပြန်လည် တည်ဆောက်ခဲ့သည်။

ကြီးမားသော လက်နက် သန့်စင်ရေး အလုပ်ရုံ တွင် လက်နက် သန့်စင်ရေး ကျွမ်းကျင်မှုကို အလိုလို သင်ယူချင်နေကြသော ဤအလုပ်သမား အဟောင်းများသည် ကလေးများနှင့် အလုပ်သင်များကိုပါ ခေါ်လာကာ တက်ကြွစွာဖြင့် ပါ၀င်လာ၏။

သူတို့သည် လုရွှမ်ကို မနှောင့်ယှက်ဝံ့တာကြောင့် ဟုန်ရှန်ယင်းကပဲ သူတို့ကို ကျောထောက် နောက်ခံအဖြစ် သိမ်းလိုက်သည်။ ထို့အပြင် ၎င်းတို့အားလုံးသည် ဟုန်ရှန်ယင်းနှင့် ပတ်သက်သည့် အရာအားလုံးကို သိရှိပြီး ယုံကြည်ရသော အသက်ကြီးသူများလည်း ပါဝင်သည်။ လုရွှမ် တစ်ချက် ကြည့်လိုက်တာနဲ့ ကျေနပ်စရာ ကောင်းတာကို တွေ့လိုက်ရသည်။

အရာအားလုံးက လမ်းကြောင်းမှန်ပေါ် ပြန်ရောက်နေပုံရ၏။

ထန်းယွမ်မြို့သည် ယခင် ထန်းယွမ်လေလံပွဲထက်ပင် ပို၍ အသက်ဝင်လာသည်။

မျိုးဆက်ဟောင်းများ၏ သခင်များသည် တဖြည်းဖြည်း ထွက်ခွာသွားကြပြီး မျိုးဆက်သစ် လူငယ်များ၏ ပါရမီရှင်များ တစ်ယောက်ပြီး တစ်ယောက် ရောက်လာကြသည်။

ထို့နောက် လုရွှမ်နှင့် ပတ်သက်သော အကြောင်းအရာသည်လည်း တဖြည်းဖြည်း ပျောက်ကွယ်သွားခဲ့သည်။ ယခုအချိန်တွင် ထန်းယွမ်မြိုတွင် ထူးထူးခြားခြား ခေါင်းစဉ်တစ်ခု ပေါ်လာပြီ။ ထိုအရာကတော့ လာမည့် ပါရမီရှင်စုစည်းပွဲပဲ ဖြစ်သည်။

သခင်လေးရွှမ်ကျီးသည် ဟိုးအစောကတည်းက နာမည်ကောင်းရှိပြီး ထန်းကျီကြယ်၏ နံပါတ်တစ် သားတော်အဖြစ် လူသိများသည်။ သူ ပွဲတစ်ခု ကျင်းပတိုင်း အာရုံစိုက်မှုကို ဖန်တီးပေးနိုင်ပြီး ကြယ်တစ်သောင်းကမ္ဘာမှ ပါရမီရှင် အားလုံးနီးပါး ရောက်ရှိလာသည်။

အထူးသဖြင့် သခင်လေးရွှမ်ကျီးနှင့် ဆန်းကြယ်ကောင်းကင် အိမ်ကြီးမှ ပါရမီရှင်များစွာတို့ကြား တိုက်ပွဲအပြီးတွင် သခင်လေးရွှမ်ကျီးမှ လုံးဝ အနိုင်ရခဲ့ပြီး သူ့ဂုဏ်သတင်းသည်လည်း ထိုအချိန်မှစကာ ပိုမို ကျယ်​ပြန့်လာခဲ့သည်။

ယခုတစ်ကြိမ်တွင် ကြယ်တစ်သောင်းကမ္ဘာ တစ်ခုလုံးတွင် အချမ်းသာဆုံးနှင့် အစည်ကားဆုံး နေရာဖြစ်သည့် ထန်းယွမ်မြို့တွင် ပါရမီရှင်စုစည်းပွဲကို ကျင်းပတော့မှာ ဖြစ်သည်။ ထန်းယွမ်မြို့ကို အမာခံ​မြို့အဖြစ် အမြဲမှတ်ယူခဲ့သော ထန်းယွမ်မြို့မှ လူငယ်များအတွက်က အမှန်ပင် တရားမျှတပါ​ပေသည်။

ထန်းယွမ်မြို့ကို ကျင့်ကြံသူများက နံပါတ်တစ် မြို့အဖြစ် အသိအမှတ် ပြုထားကာ ဤဖြစ်ရပ်၏ အရှိန်အဟုန်သည် ယခင်ကနှင့် နှိုင်းယှဉ်ပါက သဘာဝအတိုင်း ထူးကဲလှပါသည်။

အချိန်တွေ နီးကပ်လာတာနဲ့အမျှ ရောက်လာတဲ့ ပါရမီရှင်တွေဟာ တစ်ယောက်ပြီး တစ်ယောက် မြန်မြန်ဆန်ဆန်နဲ့ နာမည်ကြီးလာကြပါ၏။ ပါရမီရှင် သို့မဟုတ် နတ်သမီးပါ ရောက်ရှိလာသောကြောင့် လူတိုင်းသည်လည်း အလွန်ပျော်ရွှင်​နေကြသည်။

နေ့တိုင်း အပြင်ထွက်ပြီးတာနဲ့ လုရွှမ်ဟာ ပါရမီရှင်တစ်ယောက် ပြန်ရောက်လာတယ်ဆိုတဲ့ သတင်းကို ကြားလိုက်ရ၏။

ပုံမှန်အားဖြင့် လူတွေသည် သူတို့၏ အားလပ်ချိန်များတွင် ထန်းယွမ်မြို့မှ ကျင့်ကြံသူများနှင့် တခြားနေရာမှ ပါရမီရှင်များကို နှိုင်းယှဉ်​ကြည့်ကြသည်။ သူတို့ဒေသနဲ့ ပတ်သက်လာလျှင် လုရွှမ်ကို ရည်ညွှန်းလိုပါသည်။

တချို့သော နှိုင်းယှဉ်မှုအပြီးတွင် လူတချို့က လုရွှမ်တွင် ထူးကဲသော အရည်အချင်းများနှင့် အုတ်မြစ် ခိုင်ခံ့မှုရှိကြောင်း ပြောဆိုကြပြီး အချို့ကလည်း လုရွှမ်သည် မြင့်မားသော အဆင့်မျိုး မဟုတ်ကြောင်း ဆိုကြသည်။ ကြယ်အသီးသီးမှ လာသော ပါရမီရှင်များကို ချီးမွှမ်းခြင်း သို့မဟုတ် နင်းချေခြင်းက လူတိုင်းအတွက် ပြောစရာ ပုံပြင်လို ဖြစ်လာပေသည်။

"ဓားတစ်ချောင်းကို သန့်စင်တဲ့အခါ ဓားရဲ့ ဝိသေသလက္ခဏာ​တွေကို ဦးစွာ နားလည်ထားဖို့ လိုအပ်တယ်....အဲဒီအသွင်ပြင် လက္ခဏာတွေအတိုင်း ကြိုးစားအားထုတ်ရင်း ပန်းတိုင်ကို အရောက် သွားနိုင်ဖို့လည်း လိုအပ်တယ်... ဓားက ထက်ရှ၊ လေးလံတာမျိုး၊ ဆန်းကြယ်တာမျိုးတွေ အပြင် နောက်ထပ် ထူးဆန်းတဲ့ နည်းလမ်း​တွေလည်း အများကြီး ရှိတယ်"

နောက်တစ်နေ့တွင် လုရွှမ်သည် ချောင်လုနှင့် အခြားသူများကို ဓားများကို သန့်စင်နည်း အကြောင်း ရှင်းပြနေခဲ့သည်။ ထိုအခိုက် တံခါးခေါက်သံကြောင့် ပြတ်သားသော အသံတစ်သံ ထွက်ပေါ်လာ၏။

"ဆရာအကြီးအကဲ... အပြင်မှာ ဧည့်သည်တွေ ရောက်နေတယ်... သူတို့က ဆရာကြီးကို လာရှာတာတဲ့!"

သတင်းလာပို့သူသည် ယခင်လက်နက် သန့်စင်​ရေးအလုပ်​ရုံရှိ အိမ်ထိန်းဟောင်း၏ စတုတ္ထမျိုးဆက် မြေးမလေးတစ်ဦး ဖြစ်သည်။ သူမနာမည်က ဟုန်ရှင်းအာ ဖြစ်ကာ အခုအသက်ဆယ့်ခုနစ်နှစ် ဒါမှမဟုတ် ဆယ့်ရှစ်နှစ်ပဲ ရှိပါသေး၏။ သူမမှာ ပျမ်းမျှအရည်အချင်းသာ ရှိပေမယ့် လိမ္မာပါးနပ်လို့ ဟုန်ရှန်ယင်းက သူမကို လက်တွဲခေါ်နေတာပင်။

ဟုန်ရှင်းအာရဲ့ သတင်းပို့နိုင်စွမ်းကတော့ သူမ၏ ကောင်းချီးတစ်ခုဟု မှတ်ယူနိုင်သည်။

လုရွှမ်၏ လက်နက် သန့်စင်ရေး အလုပ်ရုံက အဆင့်အတန်း အလွန် မြင့်မားသလို ဟုန်ရှန်ယင်း၏ ဆရာသခင်လည်း ဖြစ်သည်။ သူက ကြင်နာတတ်ပြီး မောက်မာမှု မရှိပေ။ သူနှင့် တွေ့လျှင် ရှောင်တခင် လမ်းညွှန်ပေးမည် ဖြစ်သောကြောင့် လူတိုင်းက လုရွှမ်ကို ဆရာအကြီးအကဲ ဟုခေါ်​​​ကြသည်။

ဟုန်ရှင်းအာကလည်း အလွန်ထက်မြက်ပါသည်။ မလိုအပ်ပါက သူမသည် လုရွှမ်အား ဘယ်သောအခါမျှ အနှောက်အယှက် ပေးမည် မဟုတ်ပေ။ လုရွှမ် တံခါးဖွင့်ကာ ခြံရှေ့သို့ ထွက်လာခဲ့သည်။

လွန်ခဲ့သည့် ရက်အနည်းငယ် အတွင်း သူသည် ပါရမီရှင်များဟုခေါ်သည့် စိန်ခေါ်မှုများကို ရှောင်ရှားရန် လက်နက်သန့်စင်ရေး အလုပ်ရုံနောက်ဖေးတွင် သူ့ကိုယ်သူ ဝှက်ထားခဲ့သည်။

အဲဒီလူတွေကို ပါရမီရှင်တွေလို့ ခေါ်ရတဲ့ အကြောင်းရင်းက အများစုဟာ သခင်လေးရွှမ်ကျီးဆီက ဖိတ်ခေါ်မှုကို ရရှိခဲ့လို့ပါပဲ။ ဤသည်မှာ သူတို့မျိုးဆက်၏ အကြီးမားဆုံး ပွဲဖြစ်သည်။ သို့သော် ဖိတ်ကြားခြင်း မခံရသော သူများသည် ကြီးကြီးမားမား ပွဲဆူပေလိမ့်မည်။

ထန်းယွမ် လေလံပွဲမှာတုန်းက လူတော်တော်များများက သူတို့မှာ ခွန်အားနဲ့ ငွေကြေးအရင်းအနှီးတွေ မရှိဘူးဆိုတာ ကောင်းကောင်း သိတဲ့အတွက် လေလံပွဲကို ပျော်ရွှင်စွာကြည့်ရှုပြီး အန္တရာယ်ကို တက်ကြွစွာ ရှောင်ရှားခဲ့ကြသည်။ ဒါပေမဲ့ ပါရမီရှင်စုစည်းပွဲကတော့ ကွဲပြားပါသည်။ ချက်ချင်း နာမည်ကြီးချင်ရင် ပါရမီရှင်စုစည်းပွဲမှာ ကိုယ့်ကိုကိုယ် ပြသပြီး ပြီးပြည့်စုံတဲ့ အဆင့်တစ်ခု ရယူနိုင်ပါ၏။

ငယ်စဉ်ကတည်းက ကျင့်ကြံခြင်း ဝိညာဉ်လောကတွင် ကျော်ကြားလာသူ အများအပြား ရှိသော်လည်း နောက်ကွယ်မှ လာကြသူများလည်း အများအပြား ရှိသည်။ ဂူအတွင်း ကိန်းအောင်းနေတဲ့ သူတွေတောင် တစ်နေ့မှာ နာမည်ကြီးလာကြတာ အများကြီးပဲ။

ထို့ကြောင့် ဤပွဲကြီးမျိုးသည် လူများစွာကို မလွဲမသွေ လွဲချော်စေလိမ့်မည် ဖြစ်သော်လည်း ဘဝင်မြင့်သော ပါရမီရှင်များသည် ကြီးကျယ်ခမ်းနားသော ပွဲကြီးမှ ဖယ်ထုတ်ခံရရန် ဆန္ဒမရှိ​ကြသည်မှာ သဘာဝပင်ဖြစ်သည်။

ဒါဆို မရလိုက်တဲ့ ဖိတ်စာတစ်ခုကို ဘယ်လို ရနိုင်မလဲ။

မကြာခင်မှာ တစ်စုံတစ်ယောက်က နည်းလမ်းတစ်ခုကို ရှာဖွေတွေ့ရှိခဲ့ပါ၏။ နာမည်ကြီးလာဖို့ အခွင့် မပေးဘူးဆိုမှတော့ ကျော်ကြားလာဖို့ ကိုယ့်ဘာသာကိုယ် နည်းလမ်းရှာရတော့မယ်လေ။